ߞߐߣߊߞߙߌ߫ ߣߍߣߍߓߊ߫ ߕߟߋ߬ ߂߅/ ߂߀߂߅

ߣߊ߯ߡߎ߲ ߞߏ ߟߎ߬ ߝߘߏ߬ߓߊ߬ ߞߟߊ߬ߕߌ߰ߘߊ ߓߘߴߊ߬ ߟߊ߫ ߛߊ߲߭ ߞߍߣߍ߲ ߠߎ߬ ߦߌ߬ߘߊ߬ ߝߘߏ߬ߓߊ߬ ߓߟߏߡߊ߬߸ ߞߊ߬ ߞߘߎ߬ߜߍߟߍ߲߫ ߟߊߥߟߌ߬ߕߊ ߟߎ߬ ߦߌ߬ߘߊ߬ ߞߣߍ߫ ߞߊ߲߬. ߞߊ߬ ߣߊ߯ߡߎ߲ ߞߎ߲߬ߠߊ߬ߛߌ߰ߦߊ߬ߟߌ ߓߊ߲ߓߊ߲߫ ߊ߬ ߣߌ߫ ߣߊߡߎ߲ ߞߍߞߏ ߟߎ߬ ߡߊ߫ ߛߊ߲߬ߛߊ߲߬ ߝߊ߬ߛߏ߬ߟߊ߬ߞߊ ߡߐ߬ߟߐ߲ ߛߊ߲ߞߘߐߕߊ߭ ߘߐ߫. ߓߏߟߏ߲ߝߘߊ߫ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߣߐ߬ߡ߬ߢߌ߲߬ߧߊ ߟߊ߬ߞߎ߲߬ߘߎ߬ߣߍ߲ ߠߎ߬ ߟߊ߫߸ ߞߵߊ߬ ߓߍ߲߬ ߣߊ߯ߡߎ߲ ߖߎ߬ߓߐ ߟߎ߬ ߟߐ߭ ߣߴߊ߬ߟߎ߬ ߢߊߞߎߘߦߊ ߡߊ߬߸ ߖߙߎߡߎ߲ߦߟߍߡߊ߲ ߖߍ߬ߘߍ ߖߍ߬ߘߍ ߓߘߊ߫ ߞߍ߫ ߖߘߍ߬ߞߟߏ߬ߓߊ߮ ߟߎ߬ ߟߊ߫ ߤߖߌ ߟߊߕߊ߯ ߛߌ߲߬ߝߏ߲߬ߧߊ߬ߟߌ ߡߊ߬ߝߊ߲ ߘߐ߫. ߞߵߏ߬ ߟߊ߫ ߞߊ߬ߝߏ ߟߊ߫ ߕߘߍ߬ߒ߬ߘߐ߬ߟߌ ߞߊ߲߬ ߟߍߙߟߊߞߊ ߟߎ߬ ߟߊ߫ ߤߖߌ ߛߌ߲߬ߝߏ߲߬ߧߊ߬ߟߌ ߘߐ߫. ߊ߬ ߞߵߊ߬ߟߎ߬ ߟߊ߫ ߞߍߥߊߟߌ߫ ߟߎ߬ ߓߌ߬ߟߊ߬ ߢߍ߫ ߝߍ߬ ߝߟߐ߫ ߞߵߊ߬ ߓߍ߲߬ ߓߍ߲߭ ߠߊߛߓߊ߬ߕߌ ߡߊ߬. ߞߵߏ߬ ߓߍ߯ ߟߊ߫ ߛߏ߬ߓߌ߬ߟߊ߬ߞߎߣߎ߲ ߕߊ߯ߡߊ ߕߊ߯ߡߊ߫ ߘߊߓߐ ߞߊ߲߬߸ ߞߊߕߙߍ߬ߕߍ߫ ߣߊ߯ߡߎ߲ ߟߐ߲ߠߌ߲ߦߊ߫ ߓߊ߲ߓߊ߲߫ ߢߌߣߌ߲ߞߏ ߟߎ߬ ߟߊߛߓߊ߬ߕߌ ߡߊ߬ ߜߊ߬ߛߊ ߝߊ߬ߛߏ߬ߟߊ߬ߞߊ ߟߎ߬ ߘߐ߫. ߊ߬ ߣߌ߫ ߡߊ߲߬ߕߏ߲߬ߕߍ߬ ߟߊߞߐ߯ߟߌ߫ ߢߍߥߟߊ ߟߎ߬ ߘߐ߫.

ߞߐߣߊߞߙߌ߫ ߞߏߟߌ߲ߞߏߟߌ߲߫ ߕߟߋ߬ ߂/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߊ߬ߙߊ߲߬ߕߊ߫ ߛߘߍߞߎߘߎ߲߫ ߝߊ߬ߛߏ߬ߟߊ߬ߞߊ߫ ߝߟߐ ߟߊߛߣߍ߫، ߖߌ߬ߣߍ ߎ߳ ߁߅ ߘߐ߫. ߊ߬ߟߎ߬ ߞߐߛߊ߬ߦߌ ߞߊ߬ ߓߐ߫ ߜ߭ߊ߲ߓߌ߫ ߊ߬ߟߎ߬ ߟߊ߫ ߛߎߘߊ߲߫ ߡߊ߲߬ߞߕߎ߬ߟߌ ߞߐߝߍ߬، ߝߘߊ߬ߝߌ߲߬ߠߊ߫ ߞߊ߬ߙߊ߲߬ߕߊ߫ ߖߌߟߊߝߍ߫ ߘߐ߫. ߊ߬ ߞߊ߬ ߘߋ߲ߡߌߛߍ߲ ߠߎ߬ ߟߊߓߍ߲߬، ߊ߬ߟߎ߬ ߡߊߟߐ߬ ߘߊ߫ ߝߊ߬ߘߌ߬ߡߊ߬ߞߟߏ ߞߏߕߌ߮ ߣߴߊ߬ߟߎ߬ ߡߊ߫ ߛߊ߲߬ߛߊ߲߬ߓߊ߮ ߟߋ߬ ߓߟߏ߫. ߞߏߕߌ߯ ߝߟߐ ߞߊ߬ ߞߎߟߎ߲ߖߋߟߌ ߞߍ߫

((ߞߵߊ߬ ߓߍ߲߬ ߣߐ߬ߡߊ߬ߢߌ߲߬ߧߊ ߡߊ߬ ߡߍ߲ ߦߋ߫ ߡߊ߲߬ߕߏ߲ ߞߎ߲߬ߞߘߐ߬ߕߊ ߟߊ߫߸ ߏ߬ ߓߐ߰ߝߍ߬ߞߊ߲ߞߋ ߝߢߐ ߞߊ߬ ߊ߲ ߠߊ߫ ߘߋ߲ߡߌߛߍ߲ ߠߎ߬ ߝߟߌ߬)) ߞߏߕߌ߯ ߝߟߐ ߞߊ߬ ߗߍ߭ ߟߎ߬ ߣߌ߫ ߡߏ߬ߛߏ ߟߎ߬ ߟߊ߫ ߛߘߍߞߎߘߎ߲ ߝߏ߬ ߞߏߛߓߍ߫. ߖߊ߲߬ߓߌ߬ߟߊ߬ߟߌ ߘߐ߫ ߞߏ߫ ߖߌ߬ߣߍ߬ ߡߏ߬ߛߏ ߟߎ߬ ߞߊ߬ ߛߊߣߌ߲߫ ߞߎߢߊߘߐ ߛߐ߬ߘߐ߲߬ ߠߋ߬. ߊ߬ ߣߴߊ߬ ߗߍ߭ ߟߎ߬ ߝߣߊ߫ ߓߘߊ߫ ߛߐ߬ߘߐ߲߬. ߊ߬ ߓߊ߲߫ ߘߊ߫ ߝߣߊ߫ ߞߊ߬ ߞߊ߲ߓߍ߲ ߞߊ߲ߕߌ߯ ߞߎߟߎ߲ߖߋ߫ ߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߊ߫߸ ߞߵߊ߬ ߓߍ߲߬ ߞߊ߬ߙߊ߲߬ߕߊ߫ ߝߊ߬ߘߌ߬ߡߊ߬ߞߟߏ ߡߊ߬. ߊ߬ ߞߵߊ߬ ߕߌ߲ߕߌ߲߫ ߢߊ߬ߕߣߐ ߟߎ߬ ߞߊ߲߬ ߣߊ߲߬ߝߟߏ߬ߘߏ߲߬ߘߊ߬ߟߊ ߘߐ߫߸ ߡߊ߬ߛߊ߲߬ߛߊ߲߬ߠߌ߲߬ߠߊ ߟߎ߬ ߟߊߞߐ߮ ߊ߬ ߣߌ߫ ߝߊ߬ߘߌ߬ߡߊ߫ ߟߊ߬ߞߟߏ߬ߞߟߏ߬ߟߌ ߞߵߊ߬ ߟߊߥߟߌ߬ ߓߐ߰ߝߍ ߞߐߡߊߓߌ߲ߓߌ߲ ߡߊ߬. ߝߊ߬ߘߌ߬ߡߊ߬ߞߟߏ ߣߌ߫ ߦߟߌߟߊ߲ߘߌߦߊ ߥߙߎߞߌ ߞߊ߲ߡߊ߬ ߞߊ߬ߙߊ߲߬ߘߋ߲ ߠߎ߬ ߢߍ߫. ߞߏߕߌ߯ ߝߟߐ ߞߊ߬ ߘߊ߲߬ߕߍ߰ߓߐ߬ߟߊ߲ ߘߌ߫ ߕߏߟߏ߲ߠߊ߫ ߥߣߊ ߟߎ߬ ߡߊ߬ ߞߊ߬ ߞߐ߲߬ ߊ߬ߟߎ߬ ߓߍ߲߬ߢߐ߲߰ߦߊ ߢߍ߫. ߏ߬ ߟߎ߬ ߝߣߊ߫ ߞߊ߬ ߛߊߣߌ߲߫ ߞߎߢߊߘߐ ߟߊ߫ ߕߊ߬ߡߌ߲߬ ߡߏ߬ߛߏ ߟߊ߫ ߛߘߍߞߎߘߎ߲ ߕߊ߫ ߓߟߏ߫ ߟߊ߫. ߊ߬ ߞߊ߬ ߘߋ߲ߡߌߛߍ߲ ߞߎ߲ ߠߎ߬ ߝߏ߬، ߞߏ߫ ߊ߬ߟߎ߬ ߦߴߊ߬ߟߎ߬ ߟߊ߫ ߛߌߟߊ߫ ߘߊߓߊ߲߫߸ ߞߵߊ߬ߟߎ߬ ߛߋߞߏ ߞߍ߫ ߞߊ߬ ߕߏ߫ ߡߊ߬ߝߊ ߘߐ߫߸ ߊ߬ ߣߌ߫ ߞߊ߬ ߛߊ߲ߝߍߟߊ߫ ߛߎߡߊ߲߫ ߕߎ߬ߡߊ ߓߍ߯.  ߣߐ߬ߡߊ߬ߢߌ߲߬ߦߊ߫ ߢߊߦߌߘߊߟߌ ߘߐ߫ ߊ߬ߟߎ߬ ߕߊ߫ ߡߊ߬ߝߊ߲ ߞߍ ߘߐ߫ ߝߊ߬ߘߌ߬ߡߊ߬ߞߟߏ ߡߊߦߋߙߋ߲ߠߌ߲ ߘߐ߫ ߊ߬ ߣߌ߫ ߖߌ߬ߣߍ߬ ߦߋߗߏ߮ ߟߊ߬ߓߘߍ߬ߦߊ߬ߟߌ ߘߐ߫.

ߞߐߣߊߞߙߌ߫ ߣߍߣߍߓߊ߫ ߂߅/ ߂߀߂

ߟߐ߲ߠߌ߲ߦߊ ߣߌ߫ ߞߍߞߎߛߊ߲ߧߊ ߞߏߕߌ߯ߘߊ ߞߵߊ߬ ߟߊ߫ ߞߍߣߍ߲ ߠߎ߬ ߦߌ߬ߘߊߞߊ߬. ߞߊ߬ ߓߍ߲߬ ߟߐ߲ߠߌ߲ߦߊ ߝߊ߬ߛߏ߬ߟߊ߬ߞߊ ߗߍߞߘߐ ߟߎ߬ ߡߐ߬ߟߐ߲߬ߡߊ߬ߦߊ ߡߊ߬. ߊ߬ ߣߌ߫ ߞߊ߬ ߥߙߎߞߌ ߛߋ߲߭ ߓߊ߲ߓߊ߲߫ ߞߍߞߎߛߊ߲ߧߊ ߡߊ߬ߘߎ߮ ߘߐ߫. ߖߙߎߡߎ߲ߦߟߍߡߊ߲߫ ߛߌߦߊߡߊ߲߫ ߠߋ߬ ߞߍ߫ ߘߊ߫ ߛߊ߲߭ ߢߌ߲߬ ߞߘߐ߫. ߞߊ߬ ߓߍ߲߬ ߘߐ߬ߕߊߡߌ߲ ߞߏߟߊߕߍ߯ߘߊ ߟߊ߫ ߟߊ߬ߘߌ߬ߢߍ߬ߣߍ߲ ߛߏ߯ߙߏߦߢߊ ߡߊ߬߸ ߞߵߏ߬ ߟߊ߫ ߞߎ߲߬ߦߌ߬ߘߊ߬ߟߌ߬ ߛߌߦߊߡߊ߲߫ ߞߊ߲߬߸ ߡߍ߲ ߠߎ߬ ߞߎ߲߬ߛߌ߲߬ߣߍ߲߫ ߘߐ߲߬ߞߟߌ߬ߟߊ ߟߊ߫ ߟߊߖߊ߲ߞߏ ߡߊ߬. ߞߵߊ߬ ߟߐ߬ ߘߌ߲߬ߞߌߙߊ ߟߊ߫ ߢߍߕߊ߮ ߡߊ߬ ߊ߬ ߣߌ߫ ߝߎߕߊ߫ ߞߐ߲߬ߞߍ߬ ߥߙߍ ߖߊ߲ߓߋߡߊ ߝߘߎ߬ߓߍ߲ ߠߎ߬ ߡߊ߬. ߏ߬ ߡߍ߲ ߓߘߊ߫ ߓߌ߬ߟߊ߬ ߎ߳ߣߍߛߑߞߏ ߗߍߞߘߐ ߟߎ߬ ߞߊ߲߬.ߞߵߏ߬ ߟߊ߫ ߞߐߣߊߞߙߌ߫ ߟߊߘߏ߲߭ ߞߊ߲߬ ߛߌ߲ߘߟߌ߫ ߛߏ ߞߙߏ߬ߝߏ߬ߓߊ ߞߊ߲߬߸ ߞߵߏ߬ ߡߊߛߐ߬ߘߐ߲߬ ߓߟߏߝߘߊ ߟߊ߫ ߞߍߥߊߟߌ ߟߎ߬ ߛߏ߯ߙߏߦߢߊ ߣߌ߫ ߛߋ߲ߞߏߟߦߊ ߝߍ߬. ((ߓߋ ߖ߭ߋ ߘߋ ߊ)) ߝߣߊ߫ ߓߘߊ߫ ߟߊ߬ߞߎ߲߬ߘߎ߲߬ߟߌ ߞߍ߫ ߓߟߏߡߊߢߌ߲߭ ߠߎ߬ ߟߊ߫، ߊ߬ ߣߌ߫ ߞߵߊ߬ߟߎ߬ ߡߊ߬ߞߊ߲߬ߞߊ߲߬ ߞߵߊ߬ߟߎ߬ ߛߋ߲߬ߞߘߐ߬ߡߊ߬ߓߌ߲ߓߌ߲߫ ߞߵߏ߬ ߟߊ߫ ߖߌ߬ߣߍ߬ ߓߊ߯ߙߊ ߟߎ߬ ߡߐ߬ߟߐ߲߬ߡߊ߬ߦߊ߫)) ߝߘߏ߬ߓߊ߬ ߞߟߊ߬ߕߌ߮ ߊߙߡߊߕߎߟߊߦ ߞߡߊ߬ߙߊ߫ ߞߵߌ ߕߌ߲ߕߌ߲߫ ߏ߬ ߞߊ߲߬ ߞߏߛߓߍ߫.

ߞߐߣߊߞߙߌ߫ ߣߍߣߍߓߊ߫ ߕߋ߬ߟߋ߫ ߂߇/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߊ߬ߖߌ߬ߦߊ߬ߟߌ ߘߏ߫ ߢߍߡߌ߬ߘߊ߬ ߞߵߊ߬ ߓߍ߲߬ ߡߐ߬ߟߐ߲߬ߕߊ߬ߓߊߟߌ (ߕߌߕߙ ߝߐ߲ߛߌߦߋ) ߟߕߊ߬ߡߌ߲߬ߒ߬ߡߊ߬ߟߌ ߢߊ߰ߢߊ߮ ߡߊ߬ ߡߐ߰ ߞߋߟߋ߲ߞߋߟߋ߲ߠߊ ߓߍ߯ ߡߊ߬. ߞߵߊ߬ ߓߍ߲߬ ߞߊߔߙߏ ߊߙߊߦ ߣߌ߫ ߞߌߔߋ߬ ߂߲ ߣߌ߫ ߘߌߡߍߛ ߜߍ߲ߠߌ߲ ߞߍߒߠߊߓߊ߯ߕߐ ߟߎ߬ ߡߊ߬߸ ߞߍߥߊߟߌ ߏ߬ ߞߎ߲߬ߕߋߟߋ߲ ߝߟߐ ߟߋ߬ ߝߓߊ߬ߘߋ߲߬ߧߊ ߟߛߊ߬ߦߌ߬ߒ߬ߡߊ߬ߟߌ ߘߌ߫. ߞߊ߬ ߟߊ߬ߞߊ߲߬ߘߊ߬ߟߌ ߞߍ߫ ߡߐ߬ߟߐ߲߬ߕߊ߬ߓߊߟߌ ߛߓߍ ߟߊ߫ ߞߐߙߍ ߞߍߒߠߊߓߊ߯ߕߐ ߟߎ߬ ߢߍ߫. ߊ߬ ߣߌ߫ ߞߊ߬ ߞߊ߬ߝߏ ߟߊ߫ ߟߊ߬ߤߘߌ ߕߊ߬ߣߍ߲ ߞߍ߫ ߓߟߏߡߌߣߊߞߟߊ ߘߌ߫. ߞߵߊ߬ ߟߐ߬ ߟߊ߬ߢߌߣߌ߲ ߠߎ߬ ߡߊ߬. ߞߊ߬ ߟߐ߬ ߂߀߂߂ ߛߌ߰ߞߊ߬ߝߐ ߞߣߐߘߐ ߟߎ߬ ߡߊ߬. ߞߣߊ߬ ߘߊ߲߬ ߞߍ ߡߊ߫ ߡߊ߬ߡߙߊ߬ߟߌ ߘߐ߬ߛߙߋ ߟߎ߬ ߘߐߙߐ߲߫ ߘߐ߫ ߝߏ߫ ߘߐ߬ߓߍ߲߬ ߕߐ߰ߡߊ߬ߛߙߋ߬ߡߊ ߟߋ߬ ߘߌ߫. ߞߍߟߌ ߜߍߞߟߐ ߟߊ߫، ߞߐߙߍ߫ ߟߎ߬ ߢߍ߫ ߡߍ߲ ߠߎ߬ ߞߊ߬ ߜߟߍ߬ߦߊ ߟߐ߲߫ ߤߊ߲߯ ߞߊ߬ ߛߋ߫ ߦߟߍ߬ߘߐ߬ߞߍ ߟߎ߬ ߡߊ߬. ߕߣߐ߬ߡߊ߬ߛߌ߰ߝߋ߲ ߓߘߊ߫ ߓߊߟߌ߫ ߞߵߏ߬ ߓߊߛߌ߫ ߞߍߕߊ ߛߎߡߊ߲ߘߐ߫ ߞߣߐ߫ ߕߙߐߓߊ߮ ߟߊ߫ ߜߟߍ߬ߦߊ ߡߊߝߟߍߟߌ ߘߐ߫. ߞߵߊ߬ ߕߍߘߐߓߍ߲ ߞߍ߫، ߞߊ߬ ߛߌߟߊ߫ ߟߊߞߊ߬ ߕߎ߬ߡߊ߬ ߞߎߘߊ߫ ߛߋ߲߭ ߓߊ߲ߓߊ߲ߕߐ ߢߍ߫ ߡߍ߲ ߟߐ߬ߣߍ߲ ߝߘߏ߬ߓߊ߬ ߞߕߌߦߊ ߕߋߟߋ߲ ߢߍ߫. ߓߍ߲߭ ߟߊ߲ߒߣߦߊ ߟߊߘߏ߲߬ߣߍ߲ ߞߐ߫ ߘߎ߰ߘߋ߲ ߠߎ߬ ߣߌ߫ ߢߐ߲߯ ߕߍ߫ ߊ߬ ߣߴߊ߬ߟߎ߬ ߟߊ߫ ߛߌ߲߬ߝߏ߲߬ߘߊ ߟߎ߬.

ߞߎ߲߬ߠߊ߬ߛߌ߮ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߡߐ߰ߦߊ ߕߊ߬ߞߏ ߟߊ߫߸ ߊ߬ ߣߌ߫ ߟߕߊ߬ߡߌ߲߬ߒ߬ߡߊ߬ߟߌ ߣߌ߲߬ ߘߐ߬ߝߐ(( ߡߍ߲ ߦߋ߫ ߘߐ߬ߓߍ߲߬ߠߌ߲ ߞߊ߬ߘߊ߲ ߞߣߐ߫ ߛߙߊ߬ߟߌ߬ ߓߟߏߡߊ߬. ߞߵߊ߬ ߓߍ߲߬ ߊ߬ߟߎ߬ ߜߟߍ߬ߦߊ߬ ߞߍߣߍ߲ ߠߎ߬ ߡߊ߬. ߏ߬ ߛߊ߲߬ ߛߌߦߊߡߊ߲߫ ߠߋ߬ ߕߋ߲߬ ߒ ߞߵߊ߬ ߝߐ߫ ߊ߬ߟߎ߬ ߢߍ߫ ߕߎ߬ߡߊ ߏ߬ ߟߎ߬ ߟߊ߫ ߞߏ߫ ߊ߬ߟߎ߬ ߦߋ߫ ߘߐ߬ߛߙߋ ߟߎ߬ ߟߊߡߙߊ߬ ߏ߬ ߟߎ߬ ߡߍ߲ ߠߎ߬ ߣߊ߬ߕߐ߫ ߊߟߎ߫ ߟߊߜߍߦߊ߫ ߟߊ߫ ߟߏ߲ ߘߏ߫ ߞߏ߫ ߊ߬ߟߎ߬ ߕߘߍ߬ ߘߊ߫ ߟߋ߬ ߞߊߔߙߏ߫ ߜߍ߲ߓߊ߯ߕߐ ߟߎ߬ ߘߐ߫. ߡߐ߰ ߛߌߦߊߡߊ߲߫ ߠߋ߬ ߕߙߐ߫ ߘߴߊ߬ߟߎ߬ ߘߐ߫ ߛߊ߲߬ ߦߙߌߞߊ߫ ߞߘߐ߫. ߘߏ߫ ߟߎ߫ ߞߵߊ߬ߟߎ߬ ߟߊ߫ ߞߐߙߍ ߦߌ߬ߙߌ߲߬ߘߌ߬ߣߍ߲ ߦߋ߫ ߟߋ߬ ߞߋߟߋ߲ߘߌ߫. ߓߐ߲ߛߐ߲ߘߊ ߞߋߟߋ߲߫ ߓߍ߯ ߞߵߊ߬ ߖߘߍ߬ ߦߋ߫ ߓߏ߲ߒߕߊ߲ߧߊ ߘߐ߫ ߟߋ߬ ߕߋ߲߬ ߘߏߦߌ߲߫. ߊ߬ߟߎ߬ ߞߘߊߓߊ߫ ߘߐ߫ ߏ߬ ߟߊߢߐ߬ߣߌ߲ ߠߊ߫ ߊ߲ ߕߴߛߋ߫ ߕߌߢߍߟߌ ߞߍߣߍ߲ ߡߎ߰ߡߍ ߘߐߓߍ߲߬ ߠߊ߫ ߊ߬ ߢߊ߫ ߖߍ߬ߘߍ ߖߍ߬ߘߍ ߡߊ߬ ߝߛߍߞߘߎ߫. ߡߍ߲ ߠߎ߬ ߦߴߊ߬ߟߎ߬ ߣߌ߫ ߟߊ߫ ߓߌ߬ ߦߏ߫ ߡߍ߲ ߠߎ߬ ߕߍ߫ ߓߊߟߏ߫ ߘߐ߫ ߡߎ߬ߕߎ߲߬)) ߏ߬ ߞߍߥߊߟߌ߫ ߏ߬ ߞߏߛߐ߲߬߸ ߞߎ߲߬ߠߊ߬ߛߌ߮ ߞߵߊ߬ ߟߊ߫ ߥߞߊ߬ߟߌ ߦߌ߬ߘߊ߬ ߘߍ߬ߞߏ߬ߦߊ ߓߊ߯ߙߊ ߕߋߟߋ߲ߣߍ߲ ߘߐ߫. ߕߍߕߋߟߋ߲ߦߊ ߓߟߏߡߊ߬ ߞߐߛߊߦߟߌ ߘߐ߫ ߕߎ߬ߢߊ ߛߌߟߊ ߡߊ߬.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߂߄/ ߂߀߂߅

ߘߍ߲߰ߦߊ߬ߟߌ ߣߌ߫ ߥߊߟߌߘߊߟߋ߲ ߠߎ߬ ߣߌ߫ ߥߊߟߌߘߊ߫ ߡߊ߲ߞߊ߲ ߠߎ߬ ߞߏߕߌ߯ߘߊ ߞߊ߬ ߢߡߊߦߟߍߡߊ߲߫ ߢߊ߬ߒ߬ߞߐ߬ߓߊߟߌ ߛߌߦߊߡߊ߲߫ ߟߐ߬ ߢߍ߫ ߘߐ߫ ߞߵߊ߬ ߓߍ߲߬ ߂߀߂߅ ߟߐ߬ߒ߬ߗߋ߬ߟߊ ߡߊ߬߸ ߞߊߕߙߍ߬ߕߍ߫ ߘߍ߲߰ߦߊ߬ߟߌ ߔߊ߬ߔߘߊ߬ߦߊ߬ߟߌ ߝߊ߬ߛߏ߬ߟߊ߬ߞߊ ߟߊߘߊ߲ ߡߊ߬. ߊ߬ ߣߌ߫ ߥߊߟߌߘߊߟߋ߲ ߠߎ߬ ߣߌ߫ ߡߊ߲߬ߞߊ߲ ߠߎ߬ ߡߊߘߍ߬ߡߍ߲ ߣߊ߲߬ߝߟߏ߬ߦߊ߬ߟߌ ߕߋߙߌߦߊ ߘߐ߫، ߊ߬ ߣߌ߫ ߘߍ߲߰ߦߊ߬ߟߌ߫ ߞߙߎ ߟߎ߬ ߛߍ߬ߣߍ ߡߊ߬ߘߎ߮ ߞߊߡߊ߲ ߘߐ߫. ((ߛߊ߲߭ ߜߟߍ߬ߦߊ ߟߊߞߙߐ߬ߛߌ߬ߣߍ߲ ߠߎ߬ ߦߌ߬ߘߊ߬ ߘߊ߫߸ ߏ߬ ߞߏ߬ߣߌ߲ ߡߊ߬ ߓߊ߯ߙߊ߫ ߕߐ߬ߡߊ߬ߛߙߋ߬ߡߊ ߓߊ߬ߟߌ߬ ߞߍߟߌ ߝߊ߲߬ߝߘߊ ߞߣߐ߫)) ߊ߬ ߞߵߊ߬ ߡߊߜߟߍߦߊ߫ ߝߘߏ߬ߓߊ߬ ߞߟߊ߬ߕߌ߮ ߟߎ߬ ߢߍ߫߸ ߞߏ߫ ߞߊ߬ ߞߣߐ߬ߜߍ߲߬ߠߌ߲ ߖߍ߬ߘߍ ߖߍ߬ߘߍ ߞߍ߫، ߊ߬ ߣߌ߫ ߡߊ߬ߞߏ߬ߡߊ߫ ߡߊ߬ߘߎ߮ ߝߊ߲߬ߓߊ ߘߏ߲߬ߖߟߎ߬ߡߊ ߏ߬ ߓߊ߯ߙߊ߫ ߘߊߡߌ߬ߣߊ߬ ߘߊ߫ ߡߊ߬ߘߎ߮ ߞߊߓߋ ߟߎ߬ ߢߣߊߓߐ߫ ߟߋ߬ ߡߊ߬:  (( ߂߀߂߆ ߟߊ߫ ߞߏߕߌ߯ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߍߣߊ߬ ߘߍ߬ߡߍ߲߬ ߞߍ߫ ߥߊߟߌߘߊߟߋ߲ ߠߎ߬ ߣߌ߫ ߥߊߟߌߘߊ߫ ߡߊ߲ߞߊ߲ ߠߎ߬ ߝߍ߬ ، ߞߵߊ߬ ߓߍ߲߬ ߥߊߟߌߘߊߟߋ߲ ߣߌ߫ ߥߊߟߌߘߊ߫ ߡߊ߲ߞߊ߲ ߠߎ߬ ߛߌߣߌ߲ߛߍߛߌ߮ ߢߍߥߟߊ ߣߌ߫ ߘߍ߲߰ߦߊ߬ߟߌ ߡߞߊ߬ߝߏ ߡߊ߬)) ߝߘߏ߬ߓߊ߬ ߞߟߊ߬ߕߌ߮ ߓߌ߲ߕߎ߬ ߘߎ߬ߣߐ߮ ߞߵߏ߬ ߡߊߜߟߍ߬ߦߊ߫.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߂߅/ ߂߀߂߅

ߞߍ߲ߘߍߦߊ ߞߏߕߌ߯ߘߊ ߓߘߊ߫ ߛߋ߲߬ߕߊ߮ ߦߌ߬ߘߊ߬ ߞߍ߲ߘߍߦߊ߫ ߖߎ߬ߓߐ ߟߎ߬ ߢߊߞߎߘߦߊߟߌ ߘߐ߫، ߘߊ߲ߘߊߛߏ ߟߎ߬ ߝߙߍߕߍߦߊߟߌ ߊ߬ ߣߌ߫ ߓߣߊ߬ߕߐ ߟߎ߬ ߘߊ߲ߘߊ ߟߊ߬ߛߋ߬ߟߌ ߝߊ߲߬ߞߊߘߏ߲߭߸ ߞߵߊ߬ ߓߍ߲߬ ߓߐߢߟߊ ߏ߬ ߟߎ߬ ߘߐ߫ ߞߎ߲߭ ߦߋ߫ ߘߊ߲ߘߊߛߏ߫ ߕߌ߲߬ߞߎ߬ߘߎ߲߬ߠߊ߬ߞߊ ߣߊ߯ߣߌ߲߫ ߟߐ߬ߟߌ ߟߋ߬ ߘߌ߫، ߞߎ߲߰ߛߎ߲߬ ߕߊ߲ߓߊ߲ ߠߎ߬ ߘߡߊߞߍ، ߊ߬ ߣߌ߫ ߖߋ߬ߣߌ߲߬ߟߊ߲ ߣߌ߫ ߡߊ߬ߘߏ߲߬ ߢߐ߲߰ߠߊ ߘߊ߲ߘߊߛߏ ߟߎ߬ ߛߌ߱ ߛߋ߲߬ߞߊ߲߬. ߢߍߕߊ߯ ߓߟߋߓߟߋ ߞߙߐ߬ߛߌ߬ ߘߊ߫ ߣߛߌ߬ߘߐ߬ߦߊ ߓߙߊߡߙߊߖߊ߲ߓߊ߲ ߝߣߊ߫ ߘߐ߫. ߞߊ߬ ߓߐ߫ % ߄߇ ߘߐ߫ ߞߊ߬ ߛߋ߫ % ߆߃ ߘߐ߫. ߊ߬ ߣߌ߫ ߞߊ߬ ߖߐ߯ߙߊ߲߫ ߣߍߣߍߘߊ߮ ߟߎ߬ ߘߐߕߟߊߟߌ ߞߍ߫ ߞߊ߬ ߖߡߊ߬ߣߊ ߝߊ߲߭ ߓߍ߯ ߟߊߝߏ߬ ߏ߬ ߟߊ߫. ߞߘߎ߬ߜߍߟߍ߲ ߠߊߥߟߌ߬ߣߍ߲ ߠߎ߬ ߟߊߞߎߣߎ߲߫ ߘߊ߫߸ ߞߵߏ߬ ߓߍ߯ ߟߊ߫ ߕߏ߰ߝߏ ߘߏ߫ ߟߎ߫ ߝߙߍߕߍߦߊߟߌ ߞߎ߲߬ߝߊ߮ ߞߊ߲߬. ߊ߬ ߣߌ߫ ߘߋ߲ߡߌߛߍ߲ ߠߎ߬ ߟߊ߫ ߣߛߌ߬ߘߐ߬ߦߊ ߓߟߏߕߋ ߘߝߊ߫ ߞߊ߲߬. ߞߏߕߌ߯ߘߊ ߞߵߊ߬ ߢߍ߫ ߝߙߋߞߋ ߝߊ߲߬ߓߊ ߟߊߥߟߌ߬ ߟߋ߬.  ߞߵߏ߬ ߓߍ߯ ߟߊ߫ ߞߎ߲߬ߠߊ߬ߛߌ߰ߦߊ߬ߟߌ ߓߊ߲ߓߊ߲ ߞߊ߲߬. ߞߊ߬ ߗߋߢߊ ߛߋߞߏߦߊ ߟߎ߬ ߢߡߊߦߟߍ߬ߡߊ߲ ߞߵߊ߬ ߢߡߊߦߟߍߡߊ߲ ߏ߬ ߞߣߐ߬ߜߍ߲߬ ߝߣߊ߫ ߛߊ߫ ߓߍ߯ ߟߊ߫ ߞߍ߲ߘߍߦߊ ߞߍߗߏ߮ ߘߌ߫ ߟߊߢߊ߬.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߂߆/ ߂߀߂߅

ߡߍ߲ ߟߐ߬ߕߐ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߎ߲߬ߠߊ߬ߛߌ߰ߟߌ ߝߊ߲߬ߞߊߘߏ߲߭ ߡߊ߬߸ ߊ߬ ߣߌ߫ ߝߘߏ߬ߓߊ߫ ߡߊ߬ߡߙߊ߬ߟߌ ߛߋߞߏߦߊ، ߞߏߕߌ߯ ߝߟߐ߫ ߊߡߊߘߎ߫ ߎߙߌ߬ ߓߊ ߞߊ߬ ߢߍߡߌߘߊߟߌ ߞߍ߫ ߞߡߊ߬ߦߍ߲ߣ ߞߌ߲߬ߘߊ ߟߊ߫߸ ߞߵߊ߬ ߓߍ߲߬ ߝߘߏ߬ߓߊ߫ ߛߐ߬ߘߐ߲߬ߕߊ ߟߎ߬ ߞߙߎߝߊߟߌ ߟߢߊ߬ߟߌ ߡߊ߬ ߢߐ߲߯ߓߍ߲ ߘߐ߫. ߢߐ߲߯ߓߍ߲ ߟߊߢߌߣߌ߲ߣߍ߲߫ ߞߏߕߌ߯ߝߟߐߘߊ ߟߋ߬ ߓߟߏ߫߸ ߞߊ߬ ߞߏߕߌ߯ ߟߎ߬ ߟߊߘߍ߬ ߡߍ߲ ߠߎ߬ ߟߊߢߎ߲ߣߍ߲߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߣߊ߲߬ߝߟߏ߬ߦߊ߬ߟߌ ߟߊ߫߸ ߊ߬ ߣߌ߫ ߝߛߎߞߎߦߊ ߣߌ߫ ߡߐߠߌ߲ ߣߌ߫ ߖߌߘߐ߫ ߡߊߞߐߙߐ߲ߞߐߙߐ߲ߠߌ߲ ߊ߬ ߣߌ߫ ߡߊ߬ߘߏ߬ߣߌ߲߬ߠߌ߲، ߊ߬ ߣߌ߫ ߢߎߡߍߙߋ߲ߦߊߟߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߥߎߟߊߟߊߟߐ߲ߠߌ߲ߦߊߟߌ ߗߋߓߏ߲ߞߏߕߌ߮ ߞߵߏ߬ ߓߍ߯ ߟߊ߫ ߜߍߓߏ߲ ߕߊ߲ߓߊ߲ ߞߎ߲߬ߠߊ߬ߛߌ߰ߟߊ ߞߊ߲߬߸ ߊ߬ ߣߌ߫ ߖߡߊ߬ߣߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߬ ߡߊ߬ߞߟߐ ߛߌߦߊߡߊ߲߫. ߢߌߣߌ߲ߞߏ ߟߋ߬ ߕߘߍ߬ ߓߐߒߘߊ߫ ߟߎ߬ ߞߎ߲߬ߦߌߘߊ ߘߌ߫ ߞߵߊ߲ ߞߎ߲߬ߛߌ߲߯ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߫ ߥߦߏ߬ߓߟߐ߬ߟߐ߬ߦߊ߬ߟߌ ߡߊ߬ ߖߡߊ߬ߣߊ߫ ߓߊ߯ߙߘߊ ߣߊ߲߬ߝߟߏ߬ߦߊ߬ߟߌ ߟߎ߬ ߘߐ߫ ߞߵߊ߬ ߓߍ߲߬ ߝߘߏ߬ߓߊ߬ ߓߘߍ߬ߓߘߍ߬ߟߌ ߞߎ߲߬ߞߊߟߌߦߊ߫ ߕߊ߯ߓߟߏ߫ ߟߊߖߌ߬ߦߊ ߡߊ߬ ߓߍ߲ߒ߬ߡߊ߬ߞߊ߲߬ߦߊ ߘߐ߫. ߊ߬ ߣߌ߫ ߞߵߊ߬ ߟߐ߬ ߟߊ߬ߓߐ߬ߟߌ ߟߎ߬ ߡߊ߬ ߞߊߕߙߍ߬ߕߍ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߖߐ߰ߣߍ߬ߦߊ߬ߟߌ ߟߎ߬ ߡߊ߬. ߞߊ߬ ߣߊ߲߬ߝߟߏ߬ߦߊ߬ߟߌ ߝߊ߲߬ߝߘߊ ߘߏ߫ ߘߐߞߣߍ߫ ߊ߬ ߣߌ߫ ߖߎ߬ߟߎ ߡߙߊ߬ߘߐ߬ߦߊ ߞߎ߲ߞߊߟߌ߲ ߞߊ߬ ߛߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߓߊߛߌ߮ ߓߊ߲ߓߊ߲߫ ߠߊ߫. ߞߊ߬ ߣߊ߲߬ߝߟߏ߬ߦߊ߬ߟߌ ߟߊ߬ߟߐ߲߬ߠߌ߲߬ߦߊ߬ ߞߊ߲ߞߋ ߟߊߢߊ߬ ߛߊ߫ ߞߊ߬ ߟߊ߬ߟߐ߲߬ߠߌ߲߬ߦߊ߬ߟߌ߬ߟߊ ߢߣߊߡߊ ߛߐ߬ߘߐ߲߬ ߣߐ߰ߦߊ ߘߐ߫߸ ߡߙߌߘߐߕߊߣߍ߲ ߦߋ߫ ߘߐߞߣߍߦߊ߫. ߞߵߊ߬ ߘߐ߬ߞߏ ߓߍ߯ ߟߊߘߍ߬ ߣߊ߲߬ߝߟߏ߬ߦߊ߬ߟߌ ߞߏߕߌ߮ ߊ߬ ߣߌ߫ ߛߋ߲ߞߏߟߦߊ ߡߊ߬ߘߎ߮ ߘߏ߫ ߟߎ߫ ߡߐ߱ ߟߎ߬. ߞߏߕߌ߯ ߝߟߐ ߞߊ߬ ߞߎ߲߬ߠߊ߬ߛߌ߮ ߟߊ߫ ߢߊ߬ߒ߬ߞߐ߬ߓߊߟߌߦߊ ߦߌ߬ߘߊ߬߸ ߞߊ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߍߝߊߘߌ ߝߊߘߌߡߊ߲ ߘߏ߫ ߓߌ߬ߟߊ߬ ߢߍߦߊ ߟߊ߫. ߞߵߊ߬ ߟߊ߫ ߥߟߌ߬ ߥߙߎߞߌ ߣߊ߲߬ߝߟߏ߬ߦߊ ߡߊ߬ ߂߀߂߆ ߟߊ߫. ߞߊ߬ ߞߊ߲ߓߍ߲ ߞߊ߲ߕߌ߯ ߞߊ߬ߝߏ ߞߎ߲߬ߕߌ߮ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߡߙߌߣߊ߲߫ ߠߓߊ߬ߕߏ߬.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߂߄/ ߂߀߂߅

ߛߋ߲ߞߏߟߦߊ ߟߞߊ߬ߙߊ߲߬ߠߌ߲ ߣߌ߫ ߘߎ߲߰ߘߎ߲߰ߡߊ߫ ߟߊ߬ߞߐ߰ߟߌ ߞߏߕߌ߯ߘߊ ߞߊ߬ ߥߊߟߌߘߊ߫ ߞߍߥߊߟߌ߫ ߓߐߣߍ߲ߢߐ߲߰ߡߊ ߟߎ߬ ߦߌ߬ߘߊ߬. ߏ߬ ߘߐ߫ ߛߋ߲ߞߏߟߦߊ ߡߊ߬ߞߍ߬ߘߊ ߦߋ߫ ߢߊߞߎߘߦߊߟߌ ߏ߬ ߘߐ߫ ߊ߬ ߣߌ߫ ߓߟߏߡߞߊߘߊ. ߊ߬ ߣߌ߫ ߓߟߏ߫ ߟߊ߫ ߓߊ߯ߙߊ ߞߎߘߍߞߎߘߍ߫ ߛߎߘߎ߲ ߠߎ߬ ߟߊߘߏ߲߰ߒ߬ߘߐ߬ߟߌ. ߦߟߌߡߊߛߙߋߦߊ ߣߌ߫ ߓߍ߲߬ߒ߬ߢߐ߲߰ߡߊ߬ߦߊ ߟߊ߬ߞߐ߰ߟߌ ߞߵߊ߬ ߓߍ߲߬ ߓߊ߯ߙߊ߫ ߟߐ߯ߝߍ ߡߊ߬ߞߏ߬ߣߊ߲߬ߕߊ ߟߎ߬ ߡߊ߬. ߢߌߣߌ߲ߞߏ ߢߌ߲߬ ߠߎ߬ ߓߐߣߍ߲ ߞߏߕߌ߯ߘߊ ߡߙߌߣߊ߲ ߠߋ߬ ߘߐ߫߸ ߞߵߌ ߡߊ߬ߘߏ߲߫ ߖߡߊ߬ߣߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߟߊ߬ߞߐ߰ߟߌ ߞߘߎ߬ߜߟߍ߬ߦߊ ߟߊ߬ߛߋ߬ߟߌ ߟߊ߫.

ߖߊ߬ߕߋ߬ߛߎ߰ߓߐ ߞߵߊ߬ ߜߟߍ߬ߦߊ߫ ߜߘߍ߫ ߦߌ߬ߘߊ߬ ߘߐ߬ߞߣߍ߬ߟߌ ߣߌ߫ ߕߌ߲ߕߌ߲ߠߌ߲ ߓߟߏߡߊ߬ ߞߊߕߙߍ߬ߕߍ߫ ߟߊ߬ߓߐ߬ߟߌ ߟߊߛߎߡߦߊ ߡߊ߬. ߊ߬ ߣߌ߫ ߞߛߌ߬ߞߛߊ ߡߊ߬ߡߙߊ߬ߟߌ ߕߊ߯ߛߌߟߊ ߘߐ߫. ߊ߬ ߣߌ߫ ߗߋߢߊ߫ ߣߌ߫ ߝߘߏ߬ߓߊ߬ ߖߎߕߍ߰ߟߌ ߟߎ߬ ߛߊ߬ߙߌ߬ߦߊ ߛߌ߲߬ߝߏ߲߬ߠߊ߬ߞߊ ߞߟߊ߬ߣߐ߰ߦߊ߬ߟߌ ߟߊߛߎߡߦߊߟߌ (ߋ ߔ ߊ) ߞߙߍߞߙߍ߫ ߓߟߏߡߊ߬ (ߟ ߖ߭ߌ ߔߋ) ߞߏߕߌ߯ߘߊ ߞߵߊ߬ ߟߊ߫ ߜߟߍ߬ߦߊ߬ ߟߎ߬ ߟߊߥߟߌ߬ ߟߋ߬ ߞߏߕߌ߯ߝߟߐߘߊ ߟߊ߫ ߘߍ߬ߡߍ߲ ߛߊߓߎ߫ ߟߊ߫߸ ߊ߬ ߣߌ߫ ߖߙߎߡߎ߲ߦߟߍߡߊ߲ ߞߏߝߐߣߍ߲ ߠߎ߬߸ ߊ߬ ߟߊ߬ߓߊ߲ ߘߐ߫ ߞߊ߬ ߡߞߊ߬ߙߊ߲߬ߠߌ߲ ߞߍߗߏ߯ ߢߡߊߝߊߟߋ߲ ߠߎ߬ ߞߍ߫߸ ߞߊ߬ ߞߎ߲߬ߠߊ߬ߛߌ߰ߟߌ ߡߊ߬ߡߙߊ߬ߟߌ ߓߊ߲ߓߊ߲߫ ߊ߬ ߣߌ߫ ߞߊ߬ ߛߋߞߏߦߊ ߡߞߊ߬ߝߏ߬ ߞߵߊ߬ ߓߍ߲߬ ߂߀߂߆ ߞߍߢߊ߫ ߝߊ߲߬ߝߘߊ ߟߎ߬ ߡߊ߬.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߂߅/ ߂߀߂߅

ߘߋ߲ߡߌߛߍ߲ߧߊ ߞߏߕߌ߯ߘߊ ߓߘߴߊ߬ ߟߊ߫ ߞߐߝߟߌ ߦߌ߬ߘߊߞߊ߬ ߞߵߊ߬ ߓߍ߲߬ ߊ߬ ߟߊ߫ ߛߊ߲߭ ߥߟߊ߬ߟߊ߬ߓߐ ߞߍߣߍ߲ ߠߎ߬ ߡߊ߬، ߞߊ߬ ߢߡߊߦߟߍߡߊ߲߫ ߞߍߝߊߘߌ ߘߐߞߣߍߣߍ߲ ߦߌ߬ߘߊ߬߸ ߏ߬ ߡߍ߲ ߟߝߊߣߍ߲߫ ߝߟߐߦߊ ߖߊ߬ߕߋ߬ߘߐ߬ߛߌ߰ ߛߌߦߊߡߊ߲ߓߊ ߟߊ߫߸ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߓߌ߬ߟߊ߬ ߗߋߢߊ ߘߊߞߘߐ߫ ߡߎ߬ߕߎ߲߬ ߞߵߊ߬ ߟߐ߬ ߓߊ߲߬ߓߋߕߏ߬ ߣߌ߫ ߛߊ߲߬ߜ߭ߐ߬ߦߊ߫ ߟߊߥߙߎߞߌ ߡߊ߬. ߞߊ߬ ߘߋ߲ߡߌߛߍ߲ ߓߏ߲߫ ߞߎߘߊ ߟߐ߬ ߖߡߊ߬ߣߊ ߝߊ߲߭ ߓߍ߯ ߘߐ߫، ߊ߬ ߣߌ߫ ߞߊ߬ ߟߊ߬ߞߐ߰ߟߌ ߖߊ߬ߕߋ߬ߘߐ߬ߛߌ߮ ߟߎ߬ ߞߣߐߘߐߥߙߊ߬ ((ߞߵߊ߬ ߓߍ߲߬ ߓߘߍ߬ߓߘߍ߬ߟߌ ߞߐߟߕߊ ߝߊ߬ߛߏ߬ߟߊ߬ߞߊ ߟߊߘߌ߬ߢߍ ߡߊ߬، ߞߊ߲ߞߊ߲߫ ߘߋ߲ߡߌߛߍ߲ ߠߎ߬ ߓߘߊ߫ ߖߊ߰ߟߋ ߝߊ߲߬ߝߘߊ߬ߡߊ ߘߏ߫ ߘߊߓߐ߫، ߡߍ߲ ߟߐ߬ߣߍ߲ ߛߌߣߌ߲ߢߍߛߌ߯ ߞߎ߲߬ߦߌ߬ߘߊ߬ߟߌ ߟߎ߬ ߡߊ߬. ߊ߬ ߣߌ߫ ߞߊ߬ ߞߟߊߓߎߡߦߊ ߞߍ߫ ߥߟߏߞߎߘߊߘߌ ߛߌߟߊ߫ ߝߍ߬ ߘߋ߲ߡߌߛߍ߲߫ ߤߊ߲ߞߟߌߟߊ߲ߘߌ ߟߎ߬ ߟߊ߫. ߡߍ߲ ߠߎ߬ ߥߞߊ߬ߟߌ߬ߣߍ߲ ߊ߬ ߣߌ߫ ߡߍ߲ ߠߎ߬ ߞߎ߲߬ߛߌ߲߯ߣߍ߲߫ ߛߌߣߌ߲ߢߍߛߌ߮ ߟߊ߫)) ߞߎߓߋߘߐ ߞߎ߲߬ߕߌ߮ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߟߥߊ߬ߟߌ߬ߟߌ ߦߋ߫ ߢߊ߬ߒ߬ߞߐ߬ߓߊߟߌ ߓߟߏߦߕߊ ߟߋ߬ ߘߌ߫ ߕߎ߬ߡߊ ߓߍ߯. ߞߊ߬ ߕߏ߫ ߘߍ߭ ߞߘߊߡߊߟߌ ߡߊߛߊ߬ߦߌ߬ߛߊߦߌ߬ ߟߊ߫ ߞߊߕߙߍ߬ߕߍ߫ ߡߙߊ߬ߘߐ߬ߦߊ ߟߊߛߎߡߦߊ ߡߊ߬. ߞߵߊ߬ ߟߐ߬ ߡߊ߬ߡߙߊ߬ߟߌ ߛߎߡߦߊ ߡߊ߬߸ ߊ߬ ߣߴߊ߬ ߟߊ߫ ߓߊ߯ߙߊ߫ ߘߏ߫ ߟߎ߫ ߓߟߏߦߊ ߟߊߛߎߡߦߊߟߌ ߞߵߊ߬ ߟߐ߬ ߖߊ߬ߓߌ߬ߦߊ߬ߟߌ ߡߊ߬߸ ߡߊߞߐ߬ߣߐ߲߬ߣߌ߲ ߏ߬ ߡߍ߲ ߟߐ߬ߣߍ߲ ߞߘߐߓߐߟߌ ߘߍ߬ߘߊ ߡߊ߬، ߏ߬ ߘߌߣߊ߬ ߟߊߘߏ߲߬ ߞߟߍ߬ߦߊ ߘߐ߬ߛߙߋ߬ ߘߐ߫߸ ߞߣߊ߬ߕߏ߫ ߞߎ߲߬ߠߊ߬ߛߌ߰ߦߊ߬ߟߌ ߞߍߢߊ ߟߊߢߊ߬ ߟߊ߫. ߞߊ߬ ߕߊ߬ߡߌ߲߬ ߓߊ߯ߙߊ߫ ߘߟߊߞߊ߬ ߟߊ߫ ߊ߬ ߣߌ߫ ߞߊ߬ ߝߟߐߦߊ ߞߍߥߊߟߌ ߟߎ߬ ߓߟߏߦߊ߫.

ߞߐߣߊߞߙߌ߫ ߣߍߣߍߓߊ߫ ߕߟߋ߬ ߁߅/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߢߊ߰ߢߊ߮ ߘߏ߫ ߢߣߊߓߊ߯ߦߊ߫ ߞߵߊ߬ ߕߊ ߡߊ߬ߝߊ߲ ߞߍ߫߸ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߞߙߍ߬ߝߍ߬ ߓߊ߲߬ߓߋߕߏ߫ ߘߐ߬ߝߊ߬ߟߋ߲߬ߟߊ߲ ߘߊߦߟߍߟߌ ߝߘߏ߬ߓߊ߬ߡߊ ߛߋ߲߬ߝߍ߬.ߓߊ߯ߙߊ߫ ߣߌ߲߬ ߖߐ߰ߣߍ߫ ߓߍ߲߬ߣߍ߲߫ ߘߟߊ߫ ߗߋ߲߬ߥߟߎ߬ ߂߆ ߟߋ߬ ߡߊ߬ ߡߍ߲ ߣߊ߲߬ߝߟߏ߬ߦߊ߬ߣߍ߲ ߊߙߊߓߎߟߊ߫ ߞߥߏߕߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߥߙߎߞߌ ߣߊ߲߬ߝߟߏ ߘߐ߫.

(ߍߝ ߞ ߘߋ ߋ ߊ) ߏ߬ ߘߌ߫ ߞߍ߫ ߛߊߓߎ߫ ߘߌ߫ ߞߵߊ߬ ߕߊ߫ ߡߊ߬ߝߊ߲ ߞߍ߫ ߕߓߊ߬ߟߌ߬ ߞߏ ߟߊߣߐ߰ߦߊ߬ ߘߐ߫߸ ߞߵߊ߬ ߓߍ߲߬ ߢߡߊߦߟߍߡߊ߲ ߛߏ߯ߙߏߦߢߊߞߏ ߡߊ߬ ߖߌ߬ߣߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߐ߫. ߞߏ ߡߍ߲ ߝߊ߲߬ߞߊ ߓߏ߲߬ߢߊ߬ ߘߊ߫ ߘߊߦߟߍߟߌ ߣߌ߲߬ ߛߋ߲߬ߝߍ߬ ߏ߬ ߟߋ߬ ߞߍ߫ ߘߊ߫ ߛߌ߲ߡߊߟߌ ߞߎ߲߬ߠߊ߬ߦߋߙߋ߲ߡߊ ߘߌ߫ ߖߡߊ߬ߣߊ ߘߐ߬ߝߐ ߞߣߐ߫.ߞߊ߬ ߞߐ߲߬ ߝߊ߰ߣߌ߲߬ߞߎ߬ߘߎ߲߬ ߘߐ߬ߕߍ߮ ߢߍ߫، ߞߊ߬ߝߏ ߞߎ߲߬ߕߌ߮ ߣߌ߫ ߞߏߕߌ߯ ߝߟߐ ߞߊ߬ ߡߌ߬ߛߍ߲߬ ߞߋߟߋ߲ ߛߌ߲ߒߡߊߟߌ ߡߊ߬ߞߎ߲ ߞߍ߫ ߡߊ߲߬ߕߏ߲ ߛߟߐߡߌ߲ ߖߊ߲߬ߛߊ߬ߕߊ ߟߎ߬ ߢߍ߫. ߖߎ߬ߓߐ ߓߊ߯ߙߊ ߣߌ߲߬ ߕߐ߯ ߕߏ߫ ߘߊ߫

((ߓߊ߲߬ߓߋߕߏ߬ ߘߐ߬ߝߊ߬ߟߋ߲߬ߟߊ߲ ߠߋ߬ ߡߊ߬)) ߞߊ߬ ߛߌ߲ߡߊ߫ ߘߍ߬ߞߏ߬ߦߊ ߓߘߍ߬ߓߘߍ߬ߟߌ ߛߟߐߡߌ߲ ߠߎ߬ ߡߊ߬߸ ߏ߬ ߟߋ ߞߍ߫ ߘߊ߫ ߖߊ߲߬ߓߌ߬ߟߊ߬ߟߌ ߓߊߖߎ ߖߍ߬ߘߍ ߖߍ߬ߘߍ ߘߌ߫. ߡߊ߲߬ߕߏ߲ ߠߊ߫ ߢߝߍߕߊ߯ ߣߌ߫ ߥߙߎߞߌ ߕߴߛߋ߫ ߥߊ߫ ߟߊ߫ ߛߟߐߡߌ߲ ߠߎ߬ ߣߌ߫ ߥߊߟߢߌߡߊߟߐ߲ ߞߐ߫ ߡߐ߰ ߟߎ߬ ߢߍ߫ ߡߍ߲ ߠߎ߬ ߞߵߊ߬ߟߎ߬ ߖߘߍ߬ ߛߘߊߞߊ߫ ߖߌ߬ߣߍ߬ ߢߍ߫.