Catégorie : Actualités en N’Ko

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߁/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߗߋߦߊߟߌ ߘߏ߫ ߟߊ߬ߞߢߐ߬ߡߊ߬ ߏ߬ ߦߋ߫ ߗߋߦߊߟߌ߫ ߝߘߏ߬ߓߊ߬ߡߊ ߟߋ߬ ߘߌ߫، ߣߊߟߌ߬ߡߎ߲߫ ߝߘߊ߬ߝߌ߲߬ߠߊ߫ ߣߊ߲߬ߝߟߏ߬ߦߊ߬ߟߌ ߣߝߊ߬ߢߐ߲߰ߦߊ ߓߟߏߡߦߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߌ߫. ߝߜ߭ߊߛ ߞߏ߲߬ߓߏ ߒߜ߭ߋߕߏ߫ ߕߌߙߍߣߊ߫ ߦߊ߲ߓߊߦߋ߫ ߟߊ߫ ߗߋߦߊߟߌ߫ ߣߊ߬ ߘߊ߫ ߣߝߊ߬ߢߐ߲߰ߦߊ߫ ߞߟߍ߬ߦߊ߬ߡߊ ߘߏ߫ ߦߌ߬ߘߊ߬ ߞߏߕߌ߯ ߝߟߐ ߣߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫. ߏ߬ ߡߍ߲ ߞߎ߲߬ߕߋߟߋ߲ ߦߋ߫ ߣߊ߲߬ߝߟߏ߬ߦߊ ߛߏ߬ߓߌ߬ߟߊ߬ߞߎߣߎ߲ ߟߥߊߟߌߢߊ ߛߌ߲ߘߌ ߞߏ ߘߌ߫، ߊ߬ ߣߌ߫ ߞߊ߬ ߖߡߊ߬ߣߊ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲ ߠߎ߬ ߣߊ߲߬ߝߟߏ߬ߦߊ߫ ߟߞߊߟߌߦߊ߫. ߊ߬ ߞߎߡߊ߫ ߘߊ߫ ߖߌ߬ߣߍ ߣߊ߬ߕߊ ߞߊ߲߬ ߊ߬ ߢߊ ߖߍ߬ߘߍ ߖߍ߬ߘߍ ߡߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߜߙߋ߬ߡߊ߬ߕߍ߰ ߛߌ߲߬ߝߏ߲ ߠߋ߬ ߘߌ߫. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߊ߬ ߝߘߏ߬ߓߊ߬ ߞߟߊ߬ߕߌ߮ ߞߊ߬ ߞߏߕߌ߯ ߝߟߐ ߡߊߞߟߌ߫.

ߊ߬ ߝߘߏ߬ߓߊ߬ ߘߊߦߟߍߟߌ ߘߐ߫، ߞߵߊ߬ ߓߍ߲߬ ߝߘߊ߬ߝߌ߲߬ߠߊ߫ ߣߊ߲߬ߝߟߏ߬ߦߊ߬ߟߌ ߜߍߓߏ߲ ߠߊߛߌ߲߯ ߖߎ߬ߕߘߎ ߟߏ߲߫ ߛߊ߲߬ߠߊ߬ߞߊ ߡߊ߬ ߏ߬ ߡߍ߲ ߞߍߕߐ߫ ߞߏ߲ߞߏߜߍ߫ ߕߟߋ߬ ߁߂ ߡߊ߬ ߞߐߣߊߞߙߌ߫. ߋ ߕߋ ߛߋ ߜ߭ߙߎߔ ߡߍ߲ ߡߊߟߐ߲ߣߍ߲߫ ߋߙߐߔ ߣߊ߲߬ߝߟߏ߬ߦߊ߬ߟߌ ߞߙߎ ߞߙߍߞߙߍߣߍ߲ ߘߌ߫ ߣߴߊ߬ ߓߟߏߡߊߞߊ߬ߣߍ߲߫ ߖߐ߬ߘߐ ߡߊߡߊ߬ߙߊ ߣߌ߫ ߖߎ߬ߟߎ ߟߎ߬ ߟߊ߫ ߞߏ ߞߊ߲߬، ߊ߬ ߣߌ߫ ߖߎ߬ߟߊ߬ߦߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߎ߬ ߣߊ߲߬ߝߟߏ߬ߦߊ (ߕߙߊߘ ߝߌߣߊ߲ߛ) ߊ߬ ߣߌ߫ ߝߊߖ߭ߋߛߋ ߟߊ߫ ߣߝߊ߬ߢߐ߲߰ߦߊ ߞߣߐߡߊ߬. ߊ߬ߟߎ߬ ߣߊ߬ߕߊ ߟߋ߬ ߊ߬ߟߎ߬ ߟߊ߫ ߟߥߊ߬ߟߌ߬ߟߌ ߞߍߢߊ ߟߊߖߍ߲ߛߍ߲ ߘߌ߫ ߖߌ߬ߣߍ߬ ߞߊ߲ߓߍ߲ ߞߣߐ߫ ߞߵߊ߬ ߟߊߥߟߌ߬ ߖߐ߬ߘߐ ߘߐߕߟߊ ߣߴߊ߬ ߓߟߏߡߦߊ ߡߊ߬. ߊ߬ߟߎ߬ ߟߊ߫ ߘߍ߬ߡߍ߲ ߓߍߣߊ߬ ߞߍ߫ ߢߝߍߕߊߓߊߟߌߦߊ ߓߊ߬ߟߊ߲ ߓߊߖߎ ߟߎ߬ ߟߊߥߌ߬ߟߌ ߘߴߊ߲ ߧߋ߫ ߝߊ߬ߛߏ߬ߟߞߊ߬ߦߊ ߛߌߟߊ ߝߍ߬: ߞߊ߬ ߓߍ߲߬ ߥߊߟߌߘߊ߫ ߟߎ߬ ߣߊ߲߬ߝߟߏ߬ߦߊ߬ߟߌ ߟߊߛߐ߬ߘߐ߲ ߘߊ߲߭ ߠߎ߬ ߡߊ߬߸ ߞߊߕߙߍ߬ߕߍ߫ ߥߊߟߌߘߊߟߋ߲ ߣߌ߫ ߥߊߟߌߘߊ߫ ߡߊ߲ߞߊ߲ ߠߎ߬ ߡߊ߬ (ߔߋ ߍߡ ߋ) ߛߐ߬ߘߐ߲߬ߘߊ߫ ߛߎ߲ߞߎ߲ߡߊ ߟߎ߬، ߡߐ߬ߟߐ߲߬ߦߟߍ ߖߟߐ߬ߞߐ߬ߦߊ߬ߟߌ، ߣߊ߲߬ߝߟߏ߬ߦߊ߬ߟߌ ߓߐߒߘߊ ߟߎ߬ ߡߊߟߐ߲ߣߍ߲߫ ߘߊ߲߬ߠߊ߬ߕߍ߰ߟߌ ߘߐ߫ ߖߌ߬ߣߍ߬ ߞߣߐ߫ ߞߏߛߓߍ߫. ߞߘߎ߬ߜߍߟߍ߲ ߖߍ߬ߘߍ ߦߋ߫ ߡߍ߲ ߘߌ߫ ߡߎ߬ߕߎ߲߬ ߏ߬ ߟߋ߬ ߓߐ߰ߝߍ߬ߞߊ߲ߞߋ ߏ߬ ߟߎ߬ ߢߡߊߦߟߍߡߊ߲ ߘߌ߫ ߓߣߊ߬ߦߊ ߟߊ߫ ߡߌ߬ߙߌ߲߬ߘߌ ߣߌ߫ ߜߙߋ ߣߝߊ ߛߌߟߊ ߞߊ߲߬)) ߏ߬ ߡߊߜߟߍ߬ߦߊ߬ ߘߊ߫ ߞߏ߲߬ߓߏ ߕߌߙߊߣߊ߬ ߦߊ߲ߓߊߦߋ߫ ߓߟߏ߫ ߞߏߛߓߍ߫.

ߞߏߕߌ߯ ߝߟߐ ߞߊ߬ ߞߎߟߎ߲ߖߋߟߌ ߟߊߛߋ߫ ߝߘߊ߬ߝߌ߲߬ߠߊ߫ ߜߍߓߏ߲ ߠߊߛߌ߲߯ߠߊ ߟߎ߬ ߟߊ߫ ߟߏ߲ߓߊ ߞߍߟߊ ߟߎ߬ ߡߊ߬ ߞߐߣߊߞߙߌ߫. ߞߵߏ߬ ߦߋ߫ ߟߊ߲ߒߠߦߊ ߕߐ߬ߡߊ߬ߛߙߋ ߘߏ߫ ߟߋ߬ ߘߌ߫ ߖߌ߬ߣߍ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߐ߫. ߊ߬ ߣߌ߫ ߢߝߍߕߊ߯ ߞߊ߲߬ߛߓߍ ߟߊߣߐ߬ߣߍ߲. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߎ߲߬ߠߊ߬ߛߌ߮ ߥߍ߬ߣߍ ߡߊߝߟߍ߫ ߘߐ߫ ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߕߌ߲ߕߌ߲ߠߌ߲ ߘߐ߫ ߘߊ߬ߡߊ߲ ߠߊ߫ ߢߝߍߕߊ߯ ߞߊ߲߬ ߛߊ߫ ߞߊ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߐߕߟߊߣߍ߲ ߛߐ߬ߘߐ߲߬ ߡߍ߲ ߜߘߌߛߌ߰ߣߍ߲߫ ߛߣߍ߬ߞߍ ߞߊ߲߬، ߘߍ߲߰ߦߊ߬ߟߌ ߞߊ߲߬، ߊ߬ ߣߌ߫ ߘߎ߲߬ߘߎ߲߬ߡߊ߬ ߡߊߘߎ߮ ߓߊ߲ߓߊ߲ߣߍ߲ ߠߎ߬، ߏ߬ ߡߍ߲ ߞߍߕߐ߫ ߖߌ߬ߣߍ߬ ߘߊߦߟߍ߬ ߟߊ߫ ߣߊ߲߬ߝߟߏ߬ߦߊ߬ߟߌ ߛߌ߲ߘߟߌ ߢߍ߫ ߞߵߏ߬ ߓߍ߯ ߟߊ߫ ߡߐ߬ߟߐ߲߬ߡߦߊ߬ߟߌ ߝߊ߲߬ߞߊߘߏ߲߭ ߞߊ߲߬ ߣߝߊ߬ߢߐ߲߰ߦߊ ߘߐ߫߸ ߞߣߊ߬ߕߏ߫ ߣߊ߲߬ߝߟߏ߬ߦߊ߬ߟߌ ߛߋ߲߬ߠߞߊ߬ߟߌ߬ߦߊ߫ ߟߊ߫ ߞߵߊ߬ ߓߍ߲߬ ߖߊ߬ߕߋ߬ߘߐ߬ߛߌ߮ ߛߏ߯ߙߏߦߊߣߍ߲ ߠߎ߬ ߣߊ߲߬ߝߟߏ߬ߦߊ ߡߊ߬. ߊ߬ ߣߌ߫ ߘߎ߲߰ߘߎ߲߬ߡߊ߬ ߡߊ߬ߘߎ߮ ߟߊ߫ ߥߙߎߞߌ.

ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߦߴߊ߬ߟߎ߬ ߟߊ߫ ߓߌ߬ߟߊ ߘߐ߫، ߞߵߊ߬ ߓߍ߲߬ ߝߍ߭ ߟߎ߬ ߕߌߙߌ߲ ߡߊ߬. ߞߵߊ߬ ߓߍ߲߬ ߓߊ߲ߓߊ߲ߠߌ߲ ߞߍߢߊ ߟߎ߬ ߡߊ߬ ߝߜ߭ߊߛ ߟߊ߫ ߓߍߓߊ߯ߦߊ ߘߐ߫ ߊ߬ ߣߌ߫ ߋ ߕߋ ߛߋ ߜ߭ߙߎߔ ߖߌ߬ߣߍ߬ ߞߣߐ߫. ߞߵߊ߬ ߓߍ߲߬ ߘߍ߬ߡߍ߲߬ߠߌ߲ ߡߙߌߦߊ ߡߊ߬ ߘߎ߲߬ߘߎ߲߬ߡߊ߬ ߡߊߘߎ߮ ߟߎ߬ ߟߊ߫ ߥߙߎߞߟߌ ߘߐ߫ ߊ߬ ߣߌ߫ ߖߊ߬ߕߋ߬ߘߐ߬ߛߌ߮ ߛߏ߯ߙߏߦߊߣߍ߲ ߟߥߊߟߌ ߡߊ߬. ߋ ߕߋ ߛߋ ߞߙߎ ߣߌ߫ ߝߜ߭ߊߛ

(ߝߘߊ߬ߝߌ߲߬ߠߊ߫ ߓߟߏߡߦߊߟߌ ߣߌ߫ ߣߝߊ߬ߢߐ߲߰ߦߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲) ߏ߬ ߡߍ߲߬ ߖߊ߬ߕߋ߬ߣߍ߲ ߘߍ߬ߡߍ߲߬ߟߊ߲ ߣߌ߫ ߖߐ߯ߙߊ߲ ߘߌ߫. ߣߊ߲߬ߝߟߏ߬ߘߏ߲߬ߘߊ߬ߟߊ ߟߊ߬ߞߊ߲߬ߘߊ߬ߟߌ ߟߊߖߍ߲ߛߍ߲߫ ߊ߬ ߣߌ߫ ߖߎ߬ߟߊ߬ߦߊ ߝߊ߬ߟߋ߲߬ߢߐ߲߰ߘߐ ߟߎ߬ ߏ߬ ߡߍ߲ ߣߊ߬ߝߊ ߞߍߕߐ߫ ߞߐߖߊߓߌ ߖߍ߬ߘߍ ߖߍ߬ߘߍ ߘߌ߫ ߣߊ߬ߕߊ ߟߎ߬ ߘߐ߫. ߊ߬ ߣߌ߫ ߟߊ߬ߥߟߏ߬ߟߌ ߡߊ߬ߘߎ߮ ߣߊ߲߬ߝߟߏ߬ߦߊ߬ߟߌ

ߞߐߣߊߞߙߌ߫ ߞߏ߲ߞߏߜߍ ߕߟߋ߬ ߄/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߐ߬ߟߊ߫ ߡߐ߰ߓߊ ߟߎ߬ ߟߊߞߢߐ߬ߡߊ߬.  ߡߊ߬ߜߟߌ߬ߦߊ߬ߕߊ ߛߎߊ ߛߍߕ ߘߏ߰ߙߋ߬ ߕߘߍ߬ ߡߊߟߐ߬ߣߍ߲ ߊ߬ ߟߊ߫ ߞߏߟߊߕߍ߮ ߟߎ߬ ߟߋ߬ ߓߟߏ߫ ߞߵߏ߬ ߓߍ߯ ߟߊ߫ ߟߐ߬ߟߊ߫ ߕߎ߲ߞߙߊߒߞߋ ߟߎ߬ ߞߊ߲ߕߌ߮ ߞߊ߲߬ ߞߐߣߊߞߙߌ߫. ߢߐ߲߯ߦߋ ߣߌ߲߬ ߞߎ߲߬ߕߋߟߋ߲߫ ߦߋ߫ ߡߊ߬ߞߏ߬ ߓߊߟߌߣߍ߲ ߠߎ߬ ߟߋ߬ ߢߣߊߓߐ ߘߌ߫: ߞߊ߬ ߟߐ߬ߟߊ߫ ߡߌ߬ߙߌ߲߬ߘߌ ߟߊ߫ ߞߏߢߌߡߊߟߐ߲߫ ߠߊߛߋ߫ ߞߎ߲߬ߠߊ߬ߛߌ߮ ߡߊ߬. ߞߏߕߌ߯ ߝߟߐ ߟߊ߫ ߛߐ߲ߞߐߟߐ߲ߧߊ ߘߐ߫. ߞߵߊ߬ ߓߍ߲߬ ߞߍߥߊߟߌ ߟߎ߬ ߓߐߢߟߊ ߟߎ߬ ߡߊ߬ ߡߙߊ߬ߓߊ߰ߘߊ ߥߊߟߌߘߊ ߞߏ ߟߎ߬ ߘߐ߫. ߊ߬ ߣߌ߫ ߞߊ߬ ߞߎߟߎ߲ߖߋ ߟߊߛߋ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߡߊ߬ ߞߵߊ߬ ߓߍ߲߬ ߊ߬ ߟߊ߫ ߕߐ߯ߦߊߟߌ߫ ߞߎߘߊ ߡߊ߬ ߞߎ߲߬ߠߊ߬ߛߌ߮ ߞߎ߲߬ߕߌ߰ߦߊ ߟߊ߫. ߡߐ߰ߓߊ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߊ߫ ߞߏߕߌ߯ ߝߟߐ ߟߊ߫ ߕߊ߬ߡߌ߲߬ߠߌ߲ ߛߋ߲߬ߝߍ߬ ߟߐ߬ߟߊ߫. ((ߊ߬ ߞߵߊ߬ ߕߌ߲ߕߌ߲߫ ߊ߬ ߞߊ߲߫ ߞߏ߫ ߟߐ߬ߟߊ߫ ߡߌ߬ߙߌ߲߬ߘߌ ߓߍ߯ ߦߋ߫ ߞߊ߲ߓߍ߲ ߞߊ߲ߕߌ߮ ߞߐߡߊߓߌ߲ߓߌ߲߫ ߣߴߊ߬ ߟߊ߫ ߓߊ߯ߙߊ ߟߎ߬ ߘߐ߫)) ߊ߬ ߞߊ߬ ߖߘߍ߬ߘߏ߲߬ߒ߬ߞߊ߲߬ߡߊ ߏ߬ ߘߐߞߣߍߦߊ߫ ߓߊ߬؟

ߏ߬ ߡߍ߲ ߞߐߝߟߌ ߞߍߣߍ߲߫ ߕߘߍ߬ߒ߬ߘߐ߬ߓߊ߰ߦߊ ߞߏߟߌߞߏߟߌ ߘߌ߫، ߊ߬ ߣߌ߫ ߛߎߥߊ߲ߘߟߌ ߕߐ߰ߡߊ߬ߛߙߋ߬ߡߊ ߘߌ߫ ߞߊ߲ߘߟߌ ߘߐ߫. ߊ߬ ߣߌ߫ ߞߊ߲ߕߌ߯ ߢߣߊߕߊߟߌ ߓߐߣߍ߲ߢߐ߲߰ߡߊ ߟߎ߬ ߘߐ߫. ߡߊ߬ߜߟߌ߬ߦߊ߬ߕߊ ߛߎߊ ߛߍߕ ߘߏ߰ߙߋ߬ ߞߊ߬ ߞߎߟߎ߲ߖߋߟߌ ߟߊߛߋ߫ ߞߊ߲ߓߍ߲ ߞߊ߲ߕߌ߮ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߓߍ߯ ߡߊ߬. ߞߵߊ߬ ߓߍ߲߬ ߊ߬ߟߎ߬ ߟߊ߫ ߘߐ߬ߖߊ ߞߍߣߍ߲ ߡߊ߬ ߛߣߍ߬ߕߌ߮ ߟߎ߬ ߣߌ߫ ߞߟߏߝߋ߲ߕߌ߮ ߟߎ߬ ߟߊ߫ ߜߐ߬ߛߐ߲߬ߞߐ ߘߐ߫. ߊ߬ ߣߴߊ߬ߟߎ߬ ߕߊ߫ ߡߊ߬ߝߊ߲߬ ߞߍ ߘߐ߫ ߘߍ߭ ߓߟߏߘߏ߲ߢߐ߲߰ߓߟߏ ߟߊߛߓߊ߬ߕߌ ߘߐ߫. ߊ߬ ߞߵߊ߬ ߦߌ߬ߘߊ߬ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊ߫ ߝߣߊ߫ ߞߏ߫ ߟߐ߬ߟߊ߬ ߦߴߊ߬ߟߎ߬ ߟߊ߫ ߓߌ߬ߟߊ߬ ߘߐ߫. ߞߵߊ߬ ߓߍ߲߬ ߞߎ߲߬ߠߊ߬ߛߌ߮ ߟߊ߫ ߞߎ߲߬ߦߌ߬ߘߊ߬ߟߌ ߟߎ߬ ߓߐߢߟߊ ߡߊ߬. ߞߊ߬ ߝߏ߬ߟߌ ߟߐ߬ ߊ߬ ߡߊ߬ ߊ߬ ߟߊ߫ ߡߛߊ߬ߡߊ߲߬ߠߌ߲ ߣߌ߫ ߕߌ߲߬ߞߎ߲ߘߎ߲ ߘߎ߰ߘߋ߲ ߠߎ߬ ߡߐ߬ߟߐ߲߬ߡߊ߬ߦߊ ߘߐ߫. ߞߎߡߊ ߞߐߖߊߓߌ ߘߐ߫، ߞߏߕߌ߯ ߝߟߐ ߞߊ߬ ߡߐ߰ߓߊ ߟߎ߬ ߝߏ߬ ߞߵߊ߬ ߓߍ߲߬ ߊ߬ߟߎ߬ ߟߊ߫ ߖߘߍ߬ߘߌ ߞߍߗߏ߮ ߡߊ߬ ߘߎ߰ߘߋ߲ ߠߎ߬ ߛߏ߬ߓߌ߬ߟߊ߬ߞߎߣߎ߲ ߘߐ߫ ߖߐ ߘߎ߲ߡߕߊ ߛߐ߬ߘߐ߲߬ߠߌ߲ ߡߊ߬ ߘߌ߲߬ߞߌߙߊ ߣߌ߲߬ ߘߐ߫. ߊ߬ ߞߵߊ߬ ߟߊ߫ ߥߊߟߌߢߌߡߊߟߐ߲߫ ߠߊߛߋ߫ ߟߐ߬ߟߊ߫ ߡߌ߬ߙߌ߲߬ߘߌ ߡߊ߬߸ ߞߵߊ߬ ߓߍ߲߬ ߊ߬ߟߎ߬ ߟߊ߫ ߕߘߍ߬ߒ߬ߘߐ߬ߟߌ ߟߊߣߌߡߦߊߣߍ߲ ߡߊ߬ ߢߣߊߕߊߟߌ ߘߐ߫. ߊ߬ ߣߌ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߘߐ߰ߘߏ߲߬ߠߌ߲ ߡߊ߬ ߞߊ߬ߝߏ ߞߎ߲߬ߕߌ߮ ߡߙߌߣߊ߲ ߠߎ߬ ߟߊ߫.

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߄/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߓߘߴߊ߬ ߓߟߏߝߋ߲ ߠߎ߬ ߛߓߍ ߘߌ߫ ߞߕߌߖߌ߲ ߛߊ߲ߘߐߕߊ ߡߊ߬߸ ߊ߬ ߟߊ߫ ߞߍߥߊߟߌ ߣߌ߲߬ ߦߋ߫ ߛߋ߲߬ߕߊ߰ ߞߎߘߊ ߟߋ߬ ߘߌ߫، ߊ߬ ߟߊ߫ ߕߐ߯ߦߊߟߌ ߞߎߘߊ ߞߐ߫ ߞߎ߲߬ߠߊ߬ߛߌ߮ ߞߎ߲߬ߕߌ߰ߦߊ ߟߊ߫߸ ߏ߬ ߦߋ߫ ߞߏ ߟߎ߬ ߓߍ߲߭ ߠߋ߬ ߘߌ߫ ߛߌ߰ߞߊ߲ ߠߊ߫ ߞߎ߲߬ߕߋߟߋ߲ ߡߊ߬. ߏ߬ ߡߍ߲ ߦߋ߫ ߓߟߏߝߋ߲ ߠߎ߬ ߦߌ߬ߘߊ߬ ߞߍ߫ ߟߊ߫ ߛߋ߲ߛߋߘߋ߲ ߘߌ߫ ߞߊ߬ߝߏ ߡߙߊ߬ߦߊ߬ ߛߊ߲ߘߐ ߟߎ߬ ߓߟߏ߫. ߞߵߊ߬ ߘߊߡߌ߬ߣߊ߬ ߞߊ߲ߓߍ߲ ߞߊ߲ߕߌ߮ ߡߊ߬ ߊ߬ ߟߊ߫ ߛߌ߰ߟߌ ߞߐߝߍ߬ ߞߣߊ߬ ߛߋ߫ ߞߏߕߌ߯ ߝߟߐ ߡߊ߬ ߊ߬ ߟߊ߫ ߗߋߘߕߊ ߞߐߝߍ߬. ߖߊ߲߬ߖߏ߲ ߢߌ߲߬ ߛߋ߲߬ߝߍ߬ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߊ߲ߓߍ߲ߠߞߊߦߊ ߟߋ߬ ߟߥߊ߬ߟߌ߫. ߕߌ߲ߕߌ߲ߠߌ߲ ߘߐ߫ ߞߏ߫ ߛߌ߰ߞߊ߲ ߠߊ߫ ߛߋ߲ߛߋߘߋ߲ ߠߊ߫ ߟߥߊ߬ߟߌ ߟߋ߬ ߝߟߐߦߊ ߘߌ߫. ߏ߬ ߟߋ߬ ߞߏߛߐ߲߬ ߊ߬ߟߎ߬ ߓߍ߯ ߓߘߊ߫ ߥߊ߫ ߊ߬ߟߎ߬ ߓߟߏߝߋ߲ ߠߎ߬ ߘߐ߬ߛߙߋ߫ ߝߘߏ߬ߓߊ߬ߡߊ ߡߊߟߐ߬. ߦߏ߫ ߊ߬ ߟߊߢߌߣߌ߲ߣߍ߲߫ ߞߏ߫ ߞߵߊ߬ ߞߍ߫ ߖߙߎߡߎ߲ ߡߍ߲ ߘߐ߫. ߞߏߕߌ߯ ߝߟߐ ߞߵߊ߬ ߕߌ߲ߕߌ߲߫ ߞߎ߲߬ߠߊ߬ߛߌ߰ ߞߏߢߌߡߊ ߖߎ߬ߓߌ߬ߟߊ߫ ߢߊ߬ߒ߬ߞߐߓߊߟߌ ߟߎ߬ ߟߋ߬ ߡߊ߬. ߞߵߊ߬ ߓߍ߲߬ ߊ߬ ߟߊ߫ ߡߐ߬ߟߐ߲߬ ߞߐߦߌߘߊߣߍ߲ ߡߊ߬: ((ߣߴߊ߲ ߞߊ߬ ߣߊ߲߬ߝߟߏ߬ߘߏ߲߬ߘߊ߬ߟߊ ߞߍ߫ ߝߘߏ߬ߓߊ߫ ߖߊ߬ߓߌ߬ߦߊ߬ߟߌ ߞߊߡߊ߲ ߘߐ߫. ߡߍ߲ ߦߋ߫ ߘߊ߲߬ߝߘߊ߬ߟߌ ߞߍ߫ ߟߊ߫ ߝߘߏ߬ߓߊ߬ߝߋ߲ ߠߎ߬ ߣߌ߫ ߘߎ߰ߘߎ߲߬ߡߊ߬ߝߋ߲ ߠߎ߬ ߣߌ߫ ߢߐ߲߯ߕߍ߫. ߊ߬ ߣߌ߫ ߞߊ߬ ߞߍ߫ ߞߊ߬ߘߊ߲ ߞߣߐ߫ ߕߎ߬ߡߊ ߓߍ߯ ߡߐ߬ߟߐ߲߬ ߠߊ߫ ߞߊ߲ߘߊ ߛߎߡߊ߲ߘߐ ߘߐ߫. ߞߵߊ߬ ߦߌ߬ߘߊ߬ ߡߌ߬ߙߌ߲߬ߘߌ ߟߊ߫ ߞߕߌߖߌ߲ ߛߊ߲ߘߐߕߊ ߟߊ߫ ߛߐ߲ߞߐߟߐ߲ߧߊ ߝߍ߬. ߞߵߊ߬ ߓߍ߲߬ ߊ߬ߟߎ߬ ߟߊ߫ ߢߎ߲ ߡߊ߬ ߝߘߏ߬ߓߊ߬ ߡߊߞߏ ߟߎ߬ ߟߊ߫߸ ߏ߬ ߡߍ߲ ߡߊ߬ߜߟߍ߬ߦߊ߬ߟߌ ߣߌ߫ ߟߊ߬ߕߍ߰ߟߌ ߞߍ߫ ߟߊ߫߸ ߡߍ߲ ߓߍ߲߬ߣߍ߲߫ ߞߎ߲߬ߠߊ߬ߛߌ߰ߦߊ߬ߟߌ ߞߍߢߊ ߟߎ߬ ߕߎ߬ߢߊ߬ߕߌ߰ߦߊ߬ߟߌ ߡߊ߬. ߊ߬ ߣߌ߫ ߞߊ߬ ߘߎ߰ߘߋ߲ ߠߎ߬ ߟߊ߫ ߟߊߒߠߦߊ ߝߊ߲߬ߞߊߘߏ߲߬ ߊ߬ߟߎ߬ ߡߙߊ߬ߓߊ߮ ߟߎ߬ ߡߊ߬ߝߊ߲ ߝߍ߬)) ߊ߬ ߞߊ߬ ߘߐ߬ߞߣߍ߬ߟߌ ߞߍ߫ ߊ߬ ߢߌ߬ߡߊ ߟߊ߫ ߓߊ߬؟

ߞߐߣߊߞߙߌ߫ ߓߌ߲ߠߊߥߎߟߋ߲߫ ߕߟߋ߬ ߅/ ߂߀߂߆

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߢߐ߲߯ߦߋ ߘߏ߫ ߟߊߘߌ߬ߢߍ߬ ߛߌߣߊ ߍ߲ߕߍߙߑߣߊߛߐ߲ߣߊߟ ߥߊߕߍߙ ߋߟߍߞ ߕߙߌߞ ߞߐߙߑߔߐߙߊߛߌߦߐ߲ ߏ߬ ߡߍ߲ ߡߊߟߐ߬ߣߍ߲߬ ߕߘߍ߬ ߖߌ߬ߣߍ߬ ߛߋ ߥ ߋ ߛߊߙߑߟߌ߫ ߝߘߏ߬ߓߊ߬ ߗߋߕߌ߮ ߛߟߊߕߌ߯ ߛߋ ߤߎ߳ߥߊ ߓߟߏ߫. ߢߐ߲߯ߦߋ ߏ߬ ߞߍ߫ ߘߊ߫ ߜߟߐߡߌ߲ߦߊ ߞߏߕߌ߮ ߟߊ߰ߦߌ߬ ߛߋߞߎ߬ ߞߡߊ߬ߙߊ߫ ߊ߬ ߞߎߡߊ߫ ߘߊ߫ ߖߡߊ߬ߣߊ ߢߎߡߍߦߊߟߌ ߛߋߞߏߦߊ ߝߊ߲߬ߓߊ ߘߐߥߙߊ߬ߞߏ ߟߋ߬ ߞߊ߲߬. ߊ߬ ߣߌ߫ ߡߊ߬ߘߍ߬ߡߍ߲߬ߠߌ߲ ߛߌߡߊ߲ߘߎ߯ ߂߀߄߀ ߢߍߥߟߊ ߘߐ߫. ߢߐ߲߯ߦߋ ߞߎ߲߬ߘߏ߲ ߘߐ߫߸ ߗߋߦߊߟߌ ߓߋߟߋ߲ߕߌ߮ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߛߋ ߥ ߋ ߟߊ߫ ߓߍ߯ߦߊ ߟߊ߫ ߖߌ߬ߣߍ߬ ߞߣߐ߫ ߞߊ߬ߓߌ߯ ߛߊ߲߬ ߆߀ ߊ߬ ߞߊ߬ ߥߊߟߌߘߊ ߟߊ߫ ߡߊ߬ߘߍ߬ߡߍ߲߬ߠߌ߲ ߞߍߣߍ߲ ߘߏ߫ ߟߎ߫ ߦߌ߬ߘߊ߬ ߖߎ߬ߓߐ߬ ߛߌߦߊߡߊ߲߫ ߓߐߢߟߊ ߘߐ߫. ߦߏ߫ ߞߌ߲ߞߐ߲߫ ߢߎߡߍߓߊߟߊ߲، ߕߌ߲ߞߌߛߏ߫ ߢߎߡߍߓߊߟߊ߲، ߞߊ߬ߟߋ߬ߕߊ، ߛߎߥߊߔߕߌ߫ ߢߊ߬ߕߣߐ߬ߓߊ ߦߴߏ߬ ߡߍ߲ ߠߊ߫ ߖߡߊ߬ߣߊ ߢߎߡߍߦߊߟߌ ߟߊ߬ߥߟߏ߬ߟߌ ߝߊ߬ߛߏ߬ߟߊ߬ߞߊ ߘߐ߫.

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߄/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߞߐߣߊߞߙߌ߫ ߞߊ߬ߝߏ߬ߙߋ߲ ߥߎߢߊ߲ߓߍ߲ ߘߊߦߟߍߟߌ ߢߊ߰ߢߊ߮ ߢߣߊߓߊ߯ߦߊ߫. ߁߀߅.߅ ߍߝ ߍߡ ߞߏ߲ߓߌߕߌ߱ ߕߟߋ߬ ߂ ߣߊߞߐ ߘߐ߫. ߞߎ߲߬ߦߌ߬ߘߊ߬ߟߌ ߣߌ߲߬ ߦߋ߫ ߞߐߣߊߞߙߌ߫ ߛߏ ߞߎ߲߬ߠߊ߬ߛߌ߰ߟߊ ߟߎ߬ ߟߊ߫ ߢߍߥߟߊ ߟߋ߬ ߘߌ߫. ߞߵߊ߬ ߓߍ߲߬ ߞߎߓߋߘߊ ߝߘߏ߬ߓߊ߬ ߦߙߐ ߡߊ߬ߡߊ߬ߟߊ ߟߎ߬ ߢߊߞߎߘߦߊ ߢߍߥߟߊ ߡߊ߬. ߞߐߣߊߞߙߌ߫ ߛߏ ߞߎ߲߬ߠߊ߬ߛߌ߰ߟߊ ߒߡߊߥߊ߬ ߛߌ߬ߟߊ߫ ߞߵߊ߬ ߦߌ߬ߘߴߊ߬ ߟߊ߫ ߘߊߦߟߍߟߌ ߓߋߟߋ߲ߠߊ ߘߐ߫، ߞߏ߫ ߊ߬ߟߎ߬ ߦߋ߫ ߝߏ߬ߟߌ ߖߍ߬ߘߍ ߖߍ߬ߘߍ ߟߊߛߋ߫ ߟߊ߫ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߡߊ߬. ߞߵߊ߬ ߓߍ߲߬ ߓߍ߲߬ߒ߬ߛߋ߲߬ߡߊ ߘߌ߫ ߡߊ߬ ߘߌ߲߬ߞߌߙߊ ߡߙߊ߬ߦߊ ߟߎ߬ ߡߊ߬߸ ߊ߬ߟߎ߬ ߕߊ ߝߊ߲߭ ߞߍ ߘߐ߫ ߘߌ߲߬ߞߌߙߊ ߟߎ߬ ߟߊ߫ ߥߙߎߞߌ ߟߊ߬ߣߌ߬ߡߊ߬ߦߊ߬ߟߌ ߘߐ߫. ߊ߬ ߞߊ߬ ߞߍߕߊ ߏ߬ ߟߎ߬ ߓߌ߬ߟߊ߬ ߞߎ߲߬ߠߊ߬ߦߋ߬ߙߋ߲߬ ߖߎߓߐ ߓߐߢߟߊߕߊ ߟߎ߬ ߞߊߡߊ߲ ߠߋ߬ ߘߐ߫ ߏ߬ ߡߍ߲ ߞߍ߫ ߘߊ߫ ߞߏ߲ߓߌߕߌ߱ ߕߟߋ߬ ߂ ߣߊߞߐ ߘߐ߫ ߞߎ߲߬ߠߊ߬ߛߌ߰ߟߊ ߟߎ߬ ߓߟߏ߫. ߏ߬ ߡߍ߲ ߞߎ߲߬ ߖߐ߲ߖߐ߲ ߦߋ߫ ߞߍߣߍ߲ ߞߐߣߊߞߙߌ߫ ߞߊ߬ߝߏ߬ߙߋ߲߫ ߥߎߢߊ߲ߓߍ߲߫ ߝߢ ߁߀߅. ߅. ߘߊߦߟߍߟߌ ߘߌ߫. ߊ߬ ߣߌ߫ ߞߏ߬ߟߌ߬ߦߙߐ ߣߌ߫ ߝߊ߬ߘߌ߬ߡߊ߬ߞߟߏ ߦߙߐ ߓߐߣߍ߲ߢߐ߲߰ߡߊ، ߞߎߓߋߘߊ ߘߎ߰ߘߋ߲ ߓߍ߯ ߟߊ߫ ߣߊ߬ߝߊ ߘߐ߫. ߟߊ߬ߟߐ߲߬ߠߌ߲߬ߦߊ߬ߟߌ ߤߏߞߌ ߤߊߞ ߞߊ߲ߕߌ߮ ߛߟߊߕߌ߯ ߊߓߎߓߞߊߙ ߦߊߛߌߣ ߖߊߟߏ߫ ߞߵߊ߬ ߕߌ߲ߕߌ߲߫ ߓߟߏߡߞߊߟߌ ߣߌ߫ ߖߊ߬ߓߌ߬ߦߊ߬ߟߌ ߞߊ߲߬ ߞߏߛߓߍ߫. ߊ߬ ߣߌ߫ ߢߊ߰ߘߐ߬ߘߌ߬ߦߊ߬ߟߊ ߟߎ߬ ߟߊ߫ ߖߊ߬ߓߌ߬ߦߊ߬ߟߌ ߣߌ߫ ߝߐ߰ߓߍ߬ߦߊ߬ߟߌ ߡߊ߬ߞߍ߬ߟߌ. ߞߊ߬ ߞߐߣߊߞߙߌ߫ ߛߏ߫ ߞߎ߲߬ߠߊ߬ߛߌ߰ߟߊ ߟߊ߫ ߞߎ߲߬ߦߌ߬ߘߊ߬ߟߌ ߞߎߟߎ߲ߖߋ߫. ߞߵߊ߬ ߡߊ߲߬ߞߕߎ߬ߦߊ߫ ߦߟߌߡߊߛߙߋ ߘߌ߫ ߛߌ߲ߘߟߌ ߥߟߊ߬ߘߊ߬ ߘߐ߫. ߊ߬ ߣߌ߫ ߥߊߟߌߘߊ߫ ߟߊ߬ߖߊ߲߬ߞߏ߬ߟߌ ߝߐ߰ߓߍ߬ߦߊ߬ߟߌ ߛߌߟߊ ߝߍ߬ ߞߵߊ߬ ߓߍ߲߬ ߡߌ߬ߙߌ߲߬ߘߌ ߗߋߢߊ ߡߊ߬. ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߞߏ߲ߓߌߕߌ߱ ߕߟߋ߬ ߝߌ߬ߟߊ߬ ߣߊߞߐ ߘߊߘߐߓߍ߲ ߞߘߎ߬ߜߟߍ߬ߦߊ߬ ߞߏߛߓߍ߫، ߞߏ߫ ߦߙߐ ߓߘߊ߫ ߞߍ߫ ߡߐ߱ ߟߎ߬ ߡߊߛߊ߬ߡߊ߲߬ ߘߌ߲ߞߌߙߊ ߘߌ߫. ߡߍ߲ ߕߊ߲߬ߘߏ߬ߣߍ߲߫ ߘߎ߰ߘߋ߲ ߝߊ߲߬ߓߊ ߓߟߏ߫. ߊ߬ ߞߵߊ߬ ߕߌ߲ߕߌ߲߫ ߊ߬ ߞߊ߲߬ ߞߏ߫ ߞߎ߲߬ߦߌ߬ߘߊ߬ߟߌ ߣߌ߲߬ ߦߋ߫ ߕߐ߰ߡߊ߬ߦߋߙߋ߲ ߠߋ߬ ߘߌ߫، ߖߊ߲߬ߓߌ߬ߟߊ߬ߟߌ ߘߐ߫ ((ߞߎߡߊߓߏ߲ ߦߋ߫ ߟߊ߬ߟߐ߲߬ߠߌ߲ߦߊ߬ߟߌ߬ ߓߟߏߟߊߕߎ߲߰ߕߊ ߟߋ߬ ߘߌ߫. ߊ߬ ߦߋ߫ ߓߌ߬ߟߊ߬ߢߐ߲߰ߡߊ ߟߋ߬ ߘߌ߫ ߞߐߣߊߞߙߌ߫ ߡߌ߬ߙߌ߲߬ߘߌ ߣߌ߫ ߡߙߊ߬ߦߊ ߕߍ߫)) ߖߊ߲߬ߖߏ߲ ߞߊ߬ ߖߊ߬ߓߌ߬ߦߟߊ߬ ߛߌߦߊߡߊ߲߫ ߠߊߘߍ߬ ߞߵߏ߬ ߓߍ߯ ߟߊ߫ ߟߊ߬ߟߐ߲߬ߠߌ߲߬ߦߊ߬ߟߌ ߡߙߊ߬ߦߊ߬ ߤߏߞߌ ߟߎ߬ ߞߊ߲߬، ߛߊ߲ߡߊ߫ ߣߊ߲߬ߕߌ߰ߘߊ ߘߊ߯ߘߐ ߞߎ߲߬ߕߌ߮ ߞߵߏ߬ ߓߍ߯ ߟߊ߫ ߞߐߣߊߞߙߌ߫ ߞߊ߬ߝߏ߬ߙߋ߲ ߗߋߦߊߟߌ߫ ߞߙߍߞߙߍߣߍ߲߫ ߞߊ߲ߕߌ߮ ߟߎ߬ ߞߊ߲߬.

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߂/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߢߐ߲߯ߦߋ ߘߏ߫ ߟߊߘߌ߬ߢߍ߬ ߛߌߣ ߞߊ߲ߓߍ߲ ߡߌ߬ߙߌ߲߬ߘߌ߬ߡߊ ߟߊߛߌ߰ߘߋ߲ ߢߍ߫ ߖߌ߬ߣߍ߬. ߡߊ߬ߓߏ߬ߢߊ߬ߕߊ ߛߟߊߕߌ߯ ߛߎ߲ߣ ߦߎ߲ߜ߭ ߟߊ߫ ߘߡߊߝߊߟߋ߲߫ ߞߍ߫ ߘߊ߫ ߓߍ߲߬ߢߐ߲߰ߡߊ߬ߦߊ ߟߌ߬ߤߟߊ ߞߏ ߟߋ߬ ߞߊ߲߬߸ ߛߌߣ ߣߌ߫ ߖߌ߬ߣߍ߬ ߕߍ߫ ߣߝߊ߬ߢߐ߲߰ߦߊ ߝߊ߲߬ߝߌ߬ߟߊ߬ߡߊ ߘߐߘߎ߲߬ߧߊ ߞߏ ߡߊ߬. ߡߍ߲ ߟߐ߬ߕߐ߫ ߜߍߘߐ߫ ߕߋߙߌߢߐ߲߯ߦߊ ߕߣߐ߬ߓߐ ߡߙߌߦߊ ߡߊ߬. ߓߍ߲߬ߒ߬ߛߋ߲߬ߡߊ ߏ߬ ߛߋ߲߬ߝߍ߬ ߛߌߣ ߕߍߓߊ߯ߦߟߊ ߞߊ߬ ߞߎߟߎ߲ߖߋߟߌ ߟߊߛߋ߫ ߞߏߕߌ߮ ߝߟߐ ߡߊ߬، ߞߵߊ߬ ߓߍ߲߬ ߊ߬ ߟߊ߫ ߕߐ߯ߦߊߟߌ ߞߎߘߊ ߡߊ߬ ߞߎ߲߬ߠߊ߬ߛߌ߮ ߞߎ߲߬ߕߌ߰ߦߊ ߟߊ߫. ߊ߬ ߞߎߡߊ߫ ߘߊ߫ ߘߊߞߎ߲߫ ߢߊ߬ߕߣߐ߬ߡߊ߬ߓߊ ߝߌ߬ߟߊ߬ ߞߊ߲߬߸ ߡߍ߲ ߟߐ߬ߣߍ߲߫ ߛߌߣ ߣߌ߫ ߖߌ߬ߣߍ߬ ߕߍ߫ ߣߝߊ߬ߢߐ߲߰ߦߊ ߕߣߐ߬ߡߊ ߡߊ߬. ߊ߬ ߞߎ߲߭ ߘߏ߫ ߟߋ߬ ߕߘߍ߬ ߛߌߣ ߥߊߟߌߘߊ ߦߙߌߞߊ߫ ߝߊ߲ߓߊ ߕߌ߲߬ߞߎ߬ߘߎ߲߬ߠߊ߬ߞߊ ߡߊߞߍ ߘߌ߫ ߖߌ߬ߣߍ߬. ߊ߬ ߘߏ߫ ߟߋ߬ ߝߣߊ߫ ߕߘߍ߬ ߝߎߥߊ߲ߢߊߘߊ߲߫ ߘߐ߬ߖߏ߲߬ߘߊ ߟߐ߬ ߞߏ ߘߌ߫ ߛߌߣߊߟߑߞߏ ߞߙߎ ߓߟߏ߫. ߡߍ߲ ߟߊ߬ߥߟߏ߬ߟߌ ߘߌ߫ ߛߋ߫ ߥߊ߫ ߟߊ߫ ߛߊ߲߬ ߞߘߐ߫ ߝߏ߫ ߞߙߌߕߌ߫ ߗߋ߲߬ߥߟߎ߬ ߁، ߂.

ߖߊ߬ߓߌ߬ߟߌ ߘߐ߫ ߞߏߕߌ߯ ߝߟߐ ߞߊ߬ ߛߌߣ ߟߊ߬ߛߌ߰ߘߋ߲ ߞߎߟߎ߲ߖߋ߫ ߊ߬ ߟߊ߫ ߟߐ߬ߘߎ߮ ߝߊߟߌ ߟߊ߫ ߖߌ߬ߣߍ߬. ߞߊ߬ ߓߌ߯ ߞߊߙߏ߫ ߥߐ߯ߙߐ߫ ߕߊ߬ߡߌ߲߬ߣߍ߲ ߞߘߐ߫߸ߞߵߊ߬ ߓߍ߲߬ ߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߡߊ߬ ߊ߬ ߟߊ߫ ߖߡߊ߬ߣߊ ߢߍ߫ ߖߌ߬ߣߍ߬ ߞߣߐ߫. ߊ߬ ߞߊ߬ ߞߊ߬ߝߏ ߞߎ߲߬ߕߌ߮ ߥߍ߬ߣߍ ߖߍ߬ߘߍ ߖߍ߬ߘߍ ߦߌ߬ߘߊ߫ ߖߌ߬ߣߍ߬ ߣߌ߫ ߛߌߣ ߕߍ߫ ߣߝߊ߬ߢߐ߲߰ߦߊ ߘߐ߫߸ ߞߏ߫ ߏ߬ ߦߋ߫ ߦߟߌߡߊߛߙߋ߫ ߓߘߍ ߟߋ߬ ߘߌ߫. ߞߵߊ߬ ߓߍ߲߬ ߓߊ߯ߙߊ ߛߏ߯ߙߏߦߊߣߍ߲߫ ߛߌߦߊߡߊ߲߫ ߠߊ߫ ߞߏ ߡߊ߬ ߊ߬ ߣߌ߫ ߖߘߍ߬ߘߏ߲߬ߒ߬ߞߊ߲߬ߡߊ ߡߊߞߟߌߟߌ ߖߡߊ߬ߣߊ߫ ߝߌ߬ߟߊ ߣߌ߲߬ ߓߍ߯ ߟߊߞߎ߲߬ ߠߊ߫. ߏ߬ ߟߎ߬ ߡߍ߲ ߠߎ߬ ߦߋ߫ ߖߌ߬ߣߍ߫ ߞߎ߲߬ߠߊ߬ߛߌ߰ ߞߎߘߊ ߛߏ߯ߙߏߟߌ ߡߊߞߐ߬ߣߐ߲ ߠߊ߫.

ߞߐߣߊߞߙߌ߫ ߓߌ߲ߠߊߥߎߟߋ߲߫ ߕߟߋ߬ ߂߉/ ߂߀߂߆

ߞߎ߲߬ߠߊ߬ߛߌ߮ ߞߎ߲߬ߕߌ߮ ߕߊ߯ ߘߊ߫ ߞߊ߲ߓߍ߲߫ ߞߊ߲ߕߌ߯ߘߊ ߞߏߕߌ߯ ߝߘߏ߬ߓߊ߬ ߞߟߊ߬ߕߌ߮ ߊߡߙߊ߫ ߞߡߊ߬ߙߊ߫ ߣߌ߫ ߞߊ߲ߕߌ߯ߘߊ ߞߎߓߋߘߐ ߗߋߕߌ߮ ߖߌ߯ߓߊ߫ ߖߌ߬ߞߌ߬ߕߋ߫ ߟߎ߬ ߡߊߟߐ߬ ߞߵߏ߬ ߓߍ߯ ߟߊ߫ ߡߐ߰ ߡߊ߬ߓߏ߬ߢߊ߬ߕߊ ߣߊ߲ߒߕߊ߲ ߣߌ߫ ߣߊ߲߬ߕߌ߰ ߛߌߦߊߡߊ߲߫ ߞߊ߲߬߸ ߏ߬ ߡߍ߲ ߞߍߣߍ߲߫ ߛߌߣ ߣߌ߫ ߖߌ߬ߣߍ߬ ߣߝߊ߬ߢߐ߲߰ߦߊ ߘߊ߲ߘߊߛߏ ߟߊ߫. ߞߵߊ߬ ߓߍ߲߬ ߞߐߞߊ߲ߞߏ ߟߎ߬ ߞߏߕߌ߯ ߞߘߐ ߊߟߌߝߊ߫ ߊߓߘߎߟߊߦ ߔߐߙߑߕߏ߫ ߖߊߟߏ߫ ߛߎ߭ ߕߊ߬ߟߌ ߡߊ߬ ߏ߬ ߡߍ߲ ߛߊ߬ߣߍ߲߫ ߞߎߣߎ߲ߟߏ߲߫ ߓߌ߲ߠߊߥߎߟߋ߲߫ ߂߈/ ߂߀߂߆.

ߢߐ߲߯ߓߍ߲ ߏ߬ ߛߋ߲߬ߝߍ߫ ߖߌ߬ߣߍ߬ ߡߙߊ߬ߦߊ ߞߵ ߊ߬ߟߎ߬ ߟߊ߫ ߞߌ߬ߣߌ߲߬ߞߌߣߌ߲ ߣߌ߫ ߢߐ߲߯ߘߍߡߍ߲ ߦߌ߬ߘߊ߬ ߞߐߙߍ߫ ߢߊߖߌߞߎߘߎ߲ߕߐ ߟߎ߬ ߟߊ߫. ߞߊ߬ߝߏ ߞߎ߲߬ߕߌ߮ ߕߐ߯ ߘߐ߫߸ ߝߘߏ߬ߓߊ߬ ߗߋߦߊߟߌ߫ ߢߍߡߌ߬ߘߊ߬ߣߍ߲߫ ߕߘߍ߬ ߞߏߕߌ߯ ߝߟߐ ߟߋ߬ ߓߟߏ߫، ߊ߬ ߞߊ߬ ߖߌ߬ߣߍ߫ ߞߊ߲ߓߍ߲߫ ߠߊ߫ ߛߦߊ߬ ߞߐ߲ߘߐ߲ ߠߊߛߋ߫ ߞߐߙߍ ߡߊ߬߸ ߊ߬ ߛߟߐߡߌ߲߫ ߞߎߟߎ߲ߖߋ߫ ߘߊ߫ ߘߐ߬ߝߐ ߟߊ߬ߛߘߋ߬ߦߊ߬ߟߌ ߟߎ߬ ߟߊ߫ ߖߌ߬ߣߍ߬ ߢߍ߫. ߞߵߊ߬ ߦߌ߬ߘߊ߬ ߞߏ߫ ߊ߬ ߞߍ߫ ߘߊ߫ ߞߊ߬ߝߏ ߡߐ߰ߓߊ ߟߋ߬ ߘߌ߫ ߊ߬ ߛߌ߭ ߡߎ߰ߡߍ ߞߘߐ߫. ߊߟߌߝߊ߫ ߊߓߘߎߟߊߦ ߔߐߙߑߕߏ߫ ߖߊߟߏ߫ ߞߍ߫ ߘߊ߫ ߞߊ߲ߓߍ߲ ߞߎ߲߬ߠߊ߬ߦߋ߬ߙߋ߲߬ ߠߊ ߟߋ߬ ߘߌ߫. ߟߊ߬ߞߟߏ߬ߞߟߏ߬ߟߌ ߞߏߕߌ߯ ߞߘߐ ߤߊߖߊ߬ ߊߦߌߛߊ߬ ߓߊ ߗߍ߭ ߟߋ߬ ߕߘߍ߬.

ߞߐߣߊߞߙߌ߫ ߓߌ߲ߠߊߥߎߟߋ߲߫ ߕߋ߬ߟߋ߫ ߃߀/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߗߋߦߊߟߌߓߊ ߘߏ߫ ߟߊߞߢߐ߬ߡߊ߫ ߞߊ߬ ߝߘߊ߫ ߘߊߣߌߡߊߙߑߞ ߝߊ߰ߡߊ߬ߟߊ ߟߊ߫. ߏ߬ ߡߍ߲ ߢߍߡߌ߬ߘߊ߬ߣߍ߲߫ ߛߟߊߕߌ߯ ߣߏߙߌߛ ߓߟߏ߫߸ ߞߵߊ߬ ߓߍ߲߬ ߣߝߊ߬ߢߐ߲߰ߦߊ ߝߊ߲߬ߝߌ߬ߟߊ߬ߡߊ ߓߟߏߟߊߕߎ߲߮ ߡߊ߬ ߘߊߣߌߡߊߙߞ ߝߊ߰ߡߊ߬ߟߊ ߣߌ߫ ߖߌ߬ߣߍ߬ ߞߊ߲ߓߍ߲ ߕߍ߫. ߘߊߘߐߝߙߊߢߐ߲߯ߦߊ ߕߊ߬ߡߌ߲߬ ߘߊ߫ ߊ߲ ߣߝߊ߬ߢߐ߲߮ ߘߊߣߎߥߞߊ ߟߎ߬ ߟߊ߫ ߘߍ߬ߡߍ߲߬ߠߌ߲ ߞߏ ߟߋ߬ ߞߊ߲߬. ߞߵߊ߬ ߓߍ߲߬ ߖߊ߬ߕߋ߬ߘߐ߬ߛߌ߮ ߣߊ߲߬ߝߟߏ߬ߦߊ ߛߏ߯ߙߏߦߢߊ ߡߊ߬. ߞߊߕߙߍ߬ߕߍ߫ ߞߎߞߎߕߊ߲ߓߊ ߢߎߡߍߓߊߟߊ߲ ߣߊ߲߬ߝߟߏ߬ߦߊ߬ ߞߏ ߡߊ߬. ߊ߬ ߣߌ߫ ߛߌߟߊ߫ ߝߊ߲߬ ߝߌ߬ߟߊ߬ߡߊ ߞߌ߲ߘߌߦߊ ߣߌ߫ ߕߟߋߡߟߋ ߣߌ߫ ߜ߭ߥߊߟ ߡߍ߲ ߖߌ߰ߣߍ߲ ߢߝߍߕߊ߮ ߛߊ߬ߡߊ߲߬ߛߋ߲ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ߟߊ߲ ߘߌ߫. ߊ߬ ߣߌ߫ ߕߌ߲߬ߞߎߘߎ߲߫ ߘߐ߬ߘߏ߲߬ߠߌ߲ ߞߵߏ߬ ߓߍ߯ ߟߊ߫ ߥߙߎߞߌ ߘߎ߲ߡߊߣߍ߲߫ ߞߊ߲߬ ߖߌ߬ߣߍ߬ ߡߌ߬ߙߌ߲߬ߘߌ ߟߊ߫ ߣߊ߬ߝߊ ߘߐ߫.

ߞߐߣߊߞߙߌ߫ ߓߌ߲ߠߊߥߎߟߋ߲߫ ߕߟߋ߬ ߂߈/ ߂߀߂߆

ߊ߬ ߕߐ߯ߦߊߟߌ ߞߐ߫ ߕߎ߬ߡߊ߬ߙߋ߲߫ ߄߈ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߟߊߛߌ߰ ߘߴߊ߬ ߟߊ߫ ߗߋߘߊ ߘߐ߫ ߝߘߏ߬ߓߊ߬ ߓߟߏߡߊ߬߸ ߞߊ߲ߓߍ߲߫ ߝߘߏ߬ߓߊ߫ ߡߊ߬ߝߍ߬ߣߍ߲߬ߠߌ߲߬ߠߊ ߓߟߏ߫. ߊ߬ ߟߊ߫ ߞߏߕߌ߯ߝߟߐߘߊ ߟߊ߬ߛߌ߰ߟߌ ߖߊ߲߬ߖߏ߲ ߞߊ߬ ߡߐ߰ ߛߌߦߊߡߊ߲߫ ߠߊߘߍ߬ ߞߊ߲ߕߌ߯ߘߊ ߝߘߏ߬ߓߊ߬ ߞߟߊ߬ߕߌ߮ ߞߊ߲ߕߌ߯ߘߊ ߞߎߓߎߘߐ ߗߋߕߌ߮، ߣߊ߲߬ߕߌ߰ ߛߊ߲ߘߐ ߛߌߦߊߡߊ߲߫، ߞߏߕߌ߯ ߝߟߐ ߞߘߐ ߟߎ߬، ߞߊ߲ߓߍ߲ ߞߊ߲ߕߌ߯ߘߊ ߣߊ߲߬ߒ߬ߕߊ߲߬ ߞߎߓߋߘߐ ߛߌ߲߬ߝߏ߲ ߠߎ߬، ߞߏߕߌ߯ߝߟߐߘߊ ߞߎߓߋߘߐ ߛߌ߲߬ߝߏ߲ ߠߎ߬، ߞߏߕߌ߯ߘߊ ߓߏߟߏ߲ߝߘߊ ߟߎ߬ ߝߘߏ߬ߓߊ߬ ߞߟߊ߬ߕߌ߮ ߟߎ߬ ߞߵߏ߬ ߓߍ߯ ߟߊ߫ ߓߘߍ߬ߓߘߍ߬ߟߌ ߥߣߊ߬ ߛߌߦߊߡߊ߲߫ ߞߊ߲߬. ߞߊ߲ߓߍ߲ ߝߘߏ߬ߓߊ߫ ߡߊ߬ߝߍ߬ߣߍ߲߬ߠߌ߲߬ߠߊ ߞߏ߲߬ߓߏ ߖ߭ߏߖ߭ߍߝ ߕߏߢߊ߬ ߘߏ߰ߙߋ߫ ߞߊ߬ ߞߎߟߎ߲ߖߋߟߌ ߞߍ߫ ߞߵߊ߬ ߓߍ߲߬ ߗߋߢߊ ߡߊ߬ ߡߍ߲ ߞߊ߬ߙߌ߬ߝߊ߬ߣߍ߲߫ ߞߎ߲߬ߠߊ߬ߛߌ߮ ߞߎ߲߬ߕߌ߰ ߞߎߘߊ ߟߊ߫. ߊ߬ ߣߌ߫ ߞߊ߬ ߖߊ߲߬ߓߌ߬ߟߌ ߞߍ߫ ߡߊ߬ߜߟߍ߬ߦߊ߬ߟߌ ߘߐ߫ ߝߘߏ߬ߓߊ߬ ߞߍߕߊ߫ ߝߊ߬ߛߏ߬ߟߊ߬ߞߊ ߟߎ߬ ߛߊߓߎ߫ ߟߊ߫ ߡߍ߲ ߛߌ߰ߣߍ߲߫ ߝߊ߲߬ߞߊ߬ ߡߊߞߐ߬ߣߐ߲ ߠߊ߫. ߊ߬ ߞߊ߬ ߕߌ߲ߕߌ߲ߠߌ߲ ߞߍ߫ ߘߐ߬ߝߐ ߛߎߡߊ߲ߘߐ ߝߣߊ߫ ߖߊ߬ߕߋ߬ߡߌߘߊ ߡߊ߬ ߖߊ߬ߓߌ߬ߦߊ߬ߟߌ ߘߐ߫. ߘߐ߬ߞߣߍ߬ߟߌ߬ ߓߟߏߡߊ߬ ߞߏ߫ ߞߊ߲ߓߍ߲ ߞߊ߲ߕߌ߮ ߣߐ߬ ߘߐ߬ߝߐ ߟߐ߬ߒ߬ߗߋ߬ߟߊ ߘߊߞߎ߲ߓߊ ߟߋ߬ ߞߊ߬ߙߌ߬ߝߊ߬ ߟߊ߫ ߞߏߕߌ߯ ߝߟߐ ߟߊ߫. ߞߵߊ߬ ߓߍ߲߬ ߞߎ߲߬ߠߊ߬ߛߌ߮ ߞߍߥߊߟߌ ߟߎ߬ ߞߊ߬ߙߌ߬ߝߊ ߡߴߊ߬ ߟߊ߫ ߥߊ߯ߕߌ߫ ߜߍߟߍ߲ ߢߌ߲߬ ߘߐ߫߸ ߞߵߊ߬ ߓߍ߲߬ ߖߊ߬ߡߊ ߟߊ߫ ߡߊ߬ߞߐ߬ߣߐ߲߬ߠߌ߲ ߟߌ߬ߤߟߊ ߟߎ߬ ߡߊ߬ ߘߍ߬ߞߏ߬ߦߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߛߌ߲߬ߝߏ߲߬ߘߊ ߟߎ߬ ߓߍ߯ ߟߊ߫ ߞߏ ߘߐ߫.

ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߘߐ߬ߕߊߡߌ߲ ߕߎ߬ߡߊ ߣߌ߫ ߞߏߖߊ ߟߎ߬ ߡߊߡߙߊ߬ߢߊ ߓߘߊ߫ ߞߍ߫ ߖߌ߬ߣߍ߬ ߓߟߏ߫ ߕߊ߬ߡߌ߲߬ߣߍ߲ ߘߌ߫. ߞߊ߬ ߟߛߊ߬ߙߌ߬ߟߌ ߞߍߢߊ߫ ߜߘߍ߫ ߟߊߞߊ߬ ߖߌ߬ߣߍ߬ ߢߍ߫߸ ߢߡߊߦߟߍߡߊ߲ ߣߌ߫ ߞߎ߲߬ߠߊ߬ߛߌ߰ߦߊ߬ߟߌ ߞߎ߲߬ߘߐ߬ߖߊ߲ ߘߐ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߌ ߕߌ߲ߕߌ߲ ߞߎ߲߬ߠߊ߬ߛߌ߮ ߞߟߍ߬ߦߊ߬ߡߊ ߢߊ߬ߒ߬ߞߐ߬ߓߊߟߌ ߟߋ߬ ߛߌ߱ ߡߊ߬ ߞߊ߬ߝߏ ߓߟߏ߫ ߡߌ߬ߙߌ߲߬ߡߊ ߣߌ߫ ߖߊ߬ߓߌ߬ߦߊ߬ߟߌ ߘߌ߫ ߛߐ߬ߘߐ߲߬ ߡߍ߲ ߠߊ߫. ߡߍ߲ ߘߌ߫ ߛߋ߫ ߣߐ߬ ߜߍ߫ ߦߋߕߊ ߘߎ߲ߡߕߊ ߟߊߥߟߏ߫ ߟߊ߫ ߞߵߊ߬ ߓߍ߲߬ ߡߌ߬ߙߌ߲߬ߘߌ ߟߊ߫ ߘߎߢߊߘߐߕߍ߮ ߟߊߣߐ߰ߦߊ ߡߊ߬. ߟߊ߬ߞߙߐ߬ߛߌ߬ߟߌ ߏ߬ ߘߐ߫ ߊ߬ ߞߊ߬ ߞߍߥߊߟߌ ߝߘߏ߬ߓߊ߬ߡߊ ߟߎ߬ ߓߍ߲߬ߢߐ߲߰ߡߊ߬ߦߊ ߡߊߜߟߍ߬ߦߊ߫. ߞߊ߬ ߓߊ߯ߙߊ ߟߎ߬ ߓߘߍ߬ߦߊ ߣߌ߫ ߓߘߍ߬ߓߘߍ߬ߟߌ ߟߊߥߙߎߞߌ ߣߌ߫ ߟߐ߲ߠߌ߲ߦߊ ߡߟߐ߬ߘߏ߲ ߞߍ߫ ߢߐ߲߮ ߝߍ߬ ߞߊ߬ߝߏ ߟߊ߫ ߖߎ߯ߓߍߟߊ߲ ߠߊ߫. ߞߏߕߌ߯ ߝߟߐ ߞߊ߬ ߕߍ߰ߒ߬ߞߊ߲ ߘߌ߫ ߞߏ߫ ߞߎ߲߬ߠߊ߬ߦߋߙߋ߲߫ ߞߎ߲߬ߠߊ߬ߛߌ߮ ߟߋ߬ ߕߎ߲߰ߕߐ߫ ߣߌ߲߬ ߠߊ߫߸ ߡߍ߲ ߞߍߕߐ߫ ߞߊߘߊ߲߫ ߞߍ߫ ߟߊ߫ ߞߟߍ߬ߦߊ߬ ߞߊߝߏ ߓߘߍ ߟߊߘߊ߲ ߘߐ߫، ߡߊ߬ߝߊ ߣߌ߫ ߖߊ߬ߓߌ߬ߦߊ߬ߟߌ ߘߐ߫. ((ߞߏߕߌ߯ߝߟߐߘߊ ߓߍߣߊ߬ ߊ߬ ߞߍߕߊ ߟߎ߬ ߞߍ߫ ߞߵߏ߬ ߓߍ߲߬ ߟߊ߬ߥߟߏ߬ߟߌ ߛߌߟߊ ߓߟߏߡߦߊ ߡߊ߬ ߝߘߏ߬ߓߊ߬ ߓߘߍߓߘߍߟߌ ߘߏ߲߬ߖߟߎ߬ߡߊ ߘߐ߫)) ߞߊ߬ ߡߎ߲߬ ߟߴߏ߬ ߞߊ߲߬. ߝߓߊ߬ߘߋ߲߬ߢߐ߲߮ ߊߡߊߘߎ߫ ߎߙߌ߬ ߓߊ ߞߊ߬ ߖߊ߲߬ߓߌ߬ߟߊ߬ߟߌ ߣߌ߫ ߡߊ߬ߞߟߌ߬ߟߌ ߞߍ߫ ߘߍ߬ߒ߬ߡߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߊߞߎߘߦߊ ߡߊ߬ ߕߎ߬ߡߊ߬ ߣߊ߬ߕߐ ߟߎ߬ ߘߐ߫: ߡߊ߲߬ߕߏ߲ ߦߋ߫ ߥߊ߫ ߟߊ߫ ߢߍ ߟߋ߬ ߣߴߊ߬ ߟߊ߫ ߛߌ߲߬ߝߏ߲߬ߘߊ ߓߊ߲ߓߊ߲ߣߍ߲߫. ߊ߬ ߣߌ߫ ߘߎ߰ߘߋ߲ ߠߎ߬ ߟߊ߫ ߟߊ߲ߒߠߦߊ ߦߋ߫ ߝߘߏ߬ߓߊ߬ ߞߍߕߊ ߟߎ߬ ߘߐ߫. ߘߐ߬ߜߟߍ߬ߦߊ߬ߟߌ ߏ߬ ߟߋ߬ ߞߏߛߐ߲߬ ߞߎ߲߬ߠߊ߬ߛߌ߮ ߦߴߊ߬ ߕߌ߲ߕߌ߲߫ ߠߴߊ߬ ߟߊ߫ ߞߍߕߊ ߟߎ߬ ߞߊ߲߬.

ߞߐߣߊߞߙߌ߫ ߓߌ߲ߠߊߥߎߟߋ߲߫ ߕߟߋ߬ ߂߉/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߊ߬ߛߣߍ߬ߟߌ ߘߏ߫ ߞߍ߫ ߞߏߕߌ߯ߝߟߐߘߊ ߟߊ߫، ߝߘߊ߬ߝߌ߲߬ߠߊ߫ ߕߟߋ߬ߓߋ ߘߍ߭ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߐߦߌߘߊߓߊ߮ (ߛߘߋߦߊߏ) ߛߟߊߕߌ߯ ߟߎߥߌߛ ߓߌߟߛ ߊߞߊߓߙߎ ߕߍߓߊ߯ߦߟߊ ߛߣߍߡߊߣߍ߲ ߠߎ߬ ߟߊ߫ ߡߙߌߘߐ ߓߊߟߌ߫ ߘߊ߫: ߞߊ߬ ߞߏߕߌ߯ ߝߟߐ ߞߎߟߎ߲ߖߋ߫ ߊ߬ ߟߊ߫ ߓߟߏߟߊߕߎ߲߯ߠߌ߲ ߠߊ߫ ߞߎ߲߬ߠߊ߬ߛߌ߮ ߞߎ߲߬ߕߌ߰ߦߊ ߘߐ߫߸ ߊ߬ ߣߌ߫ ߞߊ߬ ߘߟߊߝߎߟߌ ߞߍ߫ ߊ߬ ߢߍ߫ ߛߘߋߦߊߏ ߟߊ߫ ߓߌ߲߬ߥߊ߬ߥߏ ߟߊ߬ߥߟߌ߬ߟߌ ߟߊ߫ ߖߌ߬ߣߍ߬ ߞߊ߲߬. ߏ߬ ߡߍ߲ ߞߍߕߐ߫ ߛߌߟߊߟߞߊ ߘߝߊߣߍ߲ ߘߌ߫ ߖߌ߬ߣߍ߬ ߟߊ߫ ߞߐߛߊ߬ߦߌ ߤߊߞߍ ߟߎ߬ ߘߝߊߟߌ ߘߌ߫ ߞߵߊ߬ ߓߍ߲߬ ߛߌ߲߬ߝߏ߲߬ߘߊ ߕߌ߲߬ߞߎ߬ߘߎ߲߬ߠߊ߬ߞߊ ߡߙߌߘߐߕߊ ߟߎ߬ ߡߊ߬.

((ߓߌ߬ ߖߌ߬ߣߍ߬ ߓߘߊ߫ ߞߊ߲ߕߌ߯ ߓߍ߯ߦߟߊߞߊ ߛߎߘߊ߲ߣߍ߲ ߛߐ߬ߘߐ߲߬. ߞߵߊ߬ ߓߍ߲߬ ߛߘߋߦߊߏ ߟߊ߫ ߡߊ߬ߜߎ߬ߟߌ ߓߍ߯ ߟߊߘߍ߬ߣߍ߲ ߡߊ߬߸ ߛߘߋߦߊߏ ߓߘߊ߫ ߓߌ߲߬ߓߊߥߏ ߟߊߥߟߌ߬ ߡߍ߲ ߕߘߍ߬ ߦߋ߫ ߖߌ߬ߣߍ߬ ߞߊ߲߬߸ ߏ߬ ߡߍ߲ ߦߋ߫ ߖߌ߬ߣߍ߬ ߛߋ߲߬ߠߊ߫ ߛߐ߬ߘߐ߲߬ ߠߊ߫ ߛߘߋߦߊߏ ߢߐ߲߯ߓߍ߲ ߓߍ߯ ߘߐ߫ ߞߵߊ߬ ߓߍ߲߬ ߞߍߥߊߟߌ ߟߎ߬ ߡߊ߬)) ߞߊ߬ ߛߌ߲߬ߝߏ߲߬ߘߊ ߞߐߦߌߘߊߓߊ߮ ߟߊ߫ ߘߍ߲߬ߞߣߍ߬ߦߊ߫. ߏ߬ ߓߍ߯ ߞߐ߫ ߞߊ߬ߝߏ ߞߎ߲߬ߕߌ߮ ߣߌ߫ ߛߘߋߦߊߏ ߞߎ߲߬ߠߊ߬ߛߌ߮ ߟߎ߬ ߟߊ߫ ߘߋ߬ߙߌ߬ߣߊ߲߫ ߟߊ߬ߘߍ ߆߇߲ ߛߋ߲߬ߝߍ߬.  ߡߍ߲ ߞߍ߫ ߘߊ߫ ߊߓߎߖߊ߫ ߂߀߂߅ ߥߊ߬ߛߌߥߊ߬ߙߊ ߟߊ߫ ߖߌ߬ߣߍ߬ ߟߋ߬ ߛߎߥߊ߲ߘߌ߫ ߘߊ߫ ߞߵߊ߬ ߞߍ߫ ߛߘߋߦߊߏ ߖߌ ߛߐ߬ߘߐ߲߬ߘߊ ߡߊߡߙߊ߬ ߦߌߟߊ ߘߌ߫. (ߛߋ ߛߋ ߍߙ ߋ) ߡߙߌߘߐ ߣߌ߲߬ ߓߌ߲ߓߌ߲ߣߍ߲߫ ߖߌ߬ߣߍ߫ ߞߟߍ߬ߦߊ ߟߥߊߟߌߟߌ ߛߌߟߊ ߟߋ߬ ߡߊ߬. ߞߵߊ߬ ߓߍ߲߬ ߥߋߛߋ߲ߡߊ߫ ߛߐߘߐ߲ߘߊ߫ ߞߎ߲߬ߠߊ߬ߛߌ߰ߦߊ߬ߟߌ ߣߌ߫ ߡߊ߬ߡߙߊ߬ߟߌ ߘߎ߲ߡߊߣߍ߲ ߡߊ߬ ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫.