Catégorie : Actualités en N’Ko

ߞߐߣߊߞߙߌ߫ ߕߎߟߊߝߌ߲߫ ߕߟߋ߬ ߃/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߛߓߊ߬ߘߎ߰ ߓߙߊߣߡߊ߬ ߡߙߊ߬ߓߊ߰ߘߊ ߕߎ߲ߞߙߊߒߞߋ ߟߎ߬ ߣߌ߫ ߡߐ߰ߓߊ ߟߎ߬ ߟߊ߫ ߗߋߦߊߟߌ߫ ߓߟߋߓߟߋ ߘߏ߫ ߟߊߛߣߍ߫ ߞߐߟߐ߲ߓ ߞߎߓߋ ߞߣߐ߫. ߊ߬ߟߎ߬ ߛߌߦߊߡߊ߲߫، ߡߙߊ߬ߓߊ߰ߘߊ߬ ߞߎߘߊ ߡߐ߰ߓߊ ߟߎ߬، ߘߋ߲ߡߌߛߍ߲ ߠߎ߬ ߣߌ߫ ߡߏ߬ߛߏ ߟߎ߬ ߞߵߊ߬ߟߎ߬ ߟߊ߫ ߛߍߥߊ ߣߌ߫ ߡߎ߯ߙߌ ߦߌ߬ߘߊ߬ ߞߊ߬ ߞߏ߫ ߊ߬ߟߎ߬ ߣߊ߬ߣߍ߲ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߞߎߟߎ߲ߖߋ߫ ߟߊ߫߸ ߞߵߊ߬ ߓߍ߲߬ ߛߓߊ߬ߘߎ߰ ߓߙߊߣߡߊ߬ ߞߍߟߌ ߡߊ߬ ߡߙߊ߬ߓߊ߰ߘߊ ߘߌ߫. ߗߋߦߊߟߌ߫ ߕߐ߯ ߘߐ߫ ߟߊ߰ߖߌ߬ ߊߛߊ߬ ߞߊߙߌߝߟߊ߬ ߞߙߏ߬ߡߊ߫ ߞߊ߬ ߞߎߡߊ ߕߊ߬ ߏ߬ ߡߍ߲ ߦߋ߫ ߡߙߊ߬ߓߊ߰ߘߊ ߡߐ߰ߓߊ ߞߊ߲ߞߘߐߛߌ߮ ߘߌ߫. ߞߏ߫ ߣߌ߲߬ ߦߋ߫ ߢߌߣߌ߲ߞߏ߫ ߞߘߐߞߘߐ ߘߏ߫ ߟߋ߬ ߟߊߛߐ߬ߘߐ߲߬ߣߍ߲ ߘߌ߫. ߞߏ߫ ߛߓߊ߬ߘߎ߰ ߓߙߊߣߡߊ߬ ߕߘߍ߬ ߡߙߊ߬ߓߊ߰ߘߊ ߟߋ߬ ߘߌ߫ ߞߊ߯ߓߌ߯. ߁߉߅߆، ߝߊߦߌߘߊ߫ ߛߊ߲߬ ߇߀.

((ߏ߬ ߟߋ߬ ߞߏߛߐ߲߬ ߊ߲ ߣߊ߬ߣߍ߲߫ ߞߊ߲ߓߍ߲ ߞߊ߲ߕߌ߮ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߡߎ߰ߡߍ ߝߏ߬ ߟߊ߫)) ߊ߬ ߞߵߏ߬ ߘߐߞߣߍ߫ ߓߊ߬؟ ߏ߬ ߡߍ߲ ߦߋ߫ ߡߌ߬ߙߌ߲߬ߘߌ ߡߎ߰ߡߍ ߟߊ߫ ߛߍߥߊ ߦߌ߬ߘߊ߬ ߟߊ߫߸ ߡߙߌߘߐ ߣߌ߲߬ ߕߊ߬ ߣߐ߬ ߞߟߊߡߊ߲ ߘߐ߫. ߏ߬ ߡߍ߲ ߣߌ߫ ߞߊ߲ߞߊ߲߫ ߕߍ߫ ߦߋ߫ ߞߎߘߍ߫ ߁߁߅ ߘߌ߫. ߛߓߊ߬ߘߎ߰ ߓߙߊߣߡߊ߬ ߦߋ߫ ߘߐ߬ߝߐ ߛߏ ߟߋ߬ ߘߌ߫ ߞߊ߬ߓߌ߯ ߝߊߘߐߗߍ߫ ߦߙߌߞߊ߫. ߞߵߊ߬ ߕߘߍ߬ ߡߙߊ߬ߓߊ߰ߘߊ߬ߦߊ ߟߌ߬ߤߟߊ ߓߍ߯ ߘߝߊߣߍ߲߫ ߊ߬ ߟߊ߫ ߛߌߟߊ߫ ߞߎߘߊ߫ ߓߘߊ߫ ߟߊߞߊ߬ ߊ߬ ߟߊ߫ ߥߙߎߞߟߌ ߢߍ߫. ߞߵߊ߬ ߓߍ߲߬ ߘߌ߲߬ߞߌߙߊ ߛߌ߰ߓߊ߮ ߟߎ߬ ߟߊ߫ ߓߐ߰ߝߍ߬ߞߊ߲ߞߋ ߢߍߛߎߡߊ ߟߊߥߙߎߞߌ ߛߌߟߊ ߝߍ߬.

ߗߋߦߊߟߌ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߘߴߊ߬ߟߎ߬ ߛߋߞߏ ߓߍ߯ ߞߍ߫ ߡߙߊ߬ߓߊ߰ߘߊ ߞߎߘߊ ߟߊ߫ ߥߙߎߞߌ ߘߐ߫. ߏ߬ ߦߋ߫ ߡߌ߬ߙߌ߲߬ߘߌ ߥߐ߬ߣߍ ߟߋ߬ ߦߌ߬ߘߊ߬ ߟߊ߫ ߛߓߊ߬ߘߎ߰ ߓߙߊߣߡߊ߬ ߟߊ߫ ߡߙߊ߬ߓߊ߰ߘߊ ߞߎߘߊ ߟߊ߫ ߥߙߎߞߌ ߘߐ߫. ߛߊ߫ ߞߊ߬ ߘߌ߲ߞߌߙߊ ߟߊ߫ ߝߘߏ߬ߓߊ߬ ߝߊ߲ߞߊ ߟߊ߫ ߥߙߎߞߌ ߝߊ߲߬ߞߊߘߏ߲߬. ߊ߬ ߣߌ߫ ߘߍ߭ ߓߟߏߘߏ߲ߢߐ߲߰ߓߟߏ.

ߞߐߣߊߞߙߌ߫߫ ߕߎߟߊߝߌ߲߫ ߕߟߋ߬ ߄/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߢߍߡߌߘߊߟߌ߫ ߘߏ߫ ߞߍ߫߸ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫߸ ߏ߬ ߡߍ߲ ߛߌ߲߬ߝߏ߲߬ߧߊ߬ߣߍ߲߫ ߕߙߎߞ ߕߌ߲ߓߌߘߌ߲ߘߊ ߟߊ߫ ߓߊ߲ߓߋߕߏ߬. ߞߊ߬ ߘߎߓߊ߫ ߟߊߓߊ߲ ߞߍ߫ ߞߏߕߐ ߓߊ߲ߓߊ߯ߕߐ ߟߎ߬ ߢߍ߫ ߡߍ߲ ߠߎ߬ ߞߊ߬ ߛߊ߬ߦߊ ߡߊߛߐ߬ߘߐ߲߬ ߘߓߊ߬ߓߌߟߊ߫ ߕߋ߬ߟߋ߫ ߂߃/ ߂߀߂߆ ߘߊߙߎ߬ߛߟߊߡ ߛߎ߬ߣߎ߬ߞߎ߲߬ߓߊ ߞߙߍ߬ߝߍ߬.

ߓߊߘߍ ߣߌ߲߬ ߘߊߞߎ߲ ߘߐ߫ ߞߊ߲ߓߍ߲ ߞߊ߲ߕߌ߮ ߣߌ߫ ߞߎ߲߬ߠߊ߬ߛߌ߮ ߟߊ߫ ߡߐ߱ ߟߎ߬ ߞߵߊ߬ߟߎ߬ ߛߎ߬ߣߎ߲߬ ߣߌ߫ ߢߐ߲߯ߘߍߡߍ߲ ߣߌ߫ ߘߍ߬ߡߍ߲߬ ߦߌ߬ߘߊ߬ ߞߐߙߍ߫ ߢߊߖߌߞߎߘߎ߲ߕߐ ߟߎ߬ ߟߊ߫. ߡߐ߰ ߛߌߦߊߡߊ߲߫ ߕߘߍ߬ ߞߣߍ ߣߌ߲߬ ߞߊ߲߬ ߛߙߊ߬ߟߏ߲߫ ߞߐߞߊ߲ߞߏ߫ ߟߎ߬ ߣߌ߫ ߕߎ߲ߞߙߊߒߞߋ ߣߌ߫ ߣߝߊ߬ߢߐ߲߰ߦߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߞߏߕߌ߮ ߢߊ ߕߘߍ߬ ߞߣߍ߬ ߞߊ߲߬. ߊ߬ ߣߌ߫ ߞߎ߲߬ߠߊ߬ߛߌ߮ ߛߌ߲߬ߝߏ߲߬ ߛߌߦߊߡߊ߲߫، ߊ߬ ߣߌ߫ ߡߊ߬ߡߙߊ߬ߟߌ ߡߙߊ߬ߦߊ  ߛߌ߲߬ߝߏ߲߬ ߣߌ߫ ߘߌ߲ߞߌߙߊ ߟߎ߬ ߞߎ߲߬ߠߊ߬ߛߌ߰ ߟߊ߫ ߛߌߦߊߡߊ߲߫߸ ߞߊߕߙߍ߬ߕߍ߫ ߞߐߙߍ߫ ߞߏߕߐ ߟߎ߬ ߣߌ߫ ߡߊ߬ߛߎ߬ߘߎ߲߬ߧߊ߬ߓߊ߮ ߟߎ߬  ߡߊ߬، ߞߵߊ߬ ߕߘߍ߬ ߡߛߊ߬ߟߌ߬ߟߌ ߘߐ߫.

ߛߎ߬ ߞߊ߲ߞߌߙߊ߫ ߃߆ ߦߌ߬ߘߊ߬ ߘߊ߫ ߜߍ ߘߐ߫. ߛߙߊ߬ߟߏ߲߫ ߕߎ߲ߞߙߊߒߞߋ߫ ߁߇ ߦߴߏ߬ ߘߐ߫. ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߡߊ߲߬ߕߙߐ ߣߌ߲߬ ߣߐ߬ ߞߐߙߍ߫ ߛߌߦߊߡߊ߲߫ ߡߊߛߐ߬ߘߐ߲߬ ߠߊ߫ ߛߙߊ߬ߟߏ߲߫ ߣߌ߫ ߖߌ߬ߣߍ߬ ߞߣߐ߫.

ߞߐߣߊߞߙߌ߫ ߛߏߞߣߐߟߊ ߡߙߊ߬ߦߊ ߟߎ߬ ߕߐ߯ ߘߐ߫، ߓߐ߬ߟߐ߲߬ߞߊ߫ ߞߎ߲߬ߠߊ߬ߛߌ߰ߟߊ ߞߊ߬ ߛߦߊ߬ߝߏ߬ߟߌ ߞߙߍߞߙߍߣߍ߲ ߠߊߛߋ߫ ߞߐߙߍ߫ ߛߎߣߎ߲߬ߣߍ߲ ߠߎ߬ ߡߊ߬. ߊ߬ ߣߌ߫ ߞߊ߬ ߡߙߊ߬ߦߊ ߟߎ߬ ߊ߬ߟߎ߬ ߟߊ߫ ߘߍ߬ߡߍ߲߬ߠߌ߲ ߠߊ߫. ߞߘߐߓߐߟߌ ߜߍߟߍ߲ ߕߎ߬ߡߊ ߣߌ߲߬ ߠߊ߫. ߟߊ߲߰ߛߋߦߌ߬ ߕߎ߬ߙߋ߬ ߟߊ߲ߜ߭ߌߛ ߝߘߏ߬ߓߊ߬ ߗߋߕߌ߮ ߞߊ߬ ߡߊ߲߬ߕߙߐ ߣߌ߲߬ ߖߊ߬ߕߋ߬ߛߎ߰ߓߐ ߟߎ߬ ߦߌ߬ߘߊ߬ ߡߍ߲ ߞߊ߬ ߡߐ߱ ߟߎ߬ ߖߎ߬ߘߎ ߕߙߐ߫ ߊ߬ߟߎ߬ ߞߣߐ߫. ߣߴߊ߬ ߞߐߝߟߌ߬ ߞߍߣߍ߲߫ ߡߐ߰ ߃߆ ߣߌ߲߬ ߘߌ߫. ߊ߬ ߞߎߡߊ߫ ߘߊ߫ ߖߐߞߌߓߊ߯ߕߐ ߟߎ߬ ߟߌ߬ߤߟߊ ߞߊ߲߬ ߡߍ߲ ߠߎ߬ ߟߊߣߍ߲߫ ߘߐ߲ߞߊ߬ . ߊ ߞߎߡߊ߫ ߘߊ߫ ߞߎ߲ߴߠߊ߬ߛߌ߮ ߟߊ߫ ߘߍ߬ߡߍ߲߬ ߞߊ߲߬ ߖߐ߬ߘߐ ߕߎ߬ߡߊ ߟߊ߫߸ ߊ߬ߟߎ߬ ߞߎߡߊ߫ ߘߊ߫ ߟߊ߬ߛߣߍ߬ߟߌ߫ ߕߊ߲ߓߊ߲ ߠߎ߬ ߞߊ߲߬߸ ߡߍ߲ ߡߐ߱ ߥߊߣߍ߲߫ ߤߊ߲߯ ߁߆߀߀ ߖߊ߬ߕߋ߬.

ߛߙߊ߬ߟߏ߲ ߞߐߞߊ߲ߞߏ߫ ߟߎ߬ ߞߏߕߌ߮ ߡߎߤߊ߲ߡߍߘ ߊߙߊߤߎߡߊ߲ ߛߙߊߦ ߞߊ߬ ߛߙߊ߬ߟߏ߲ ߞߊ߲ߕߌ߮ ߣߌ߫ ߞߎ߲߬ߠߊ߬ߛߌ߮ ߣߌ߫ ߛߙߊ߬ߟߏ߲߫ ߡߌ߬ߙߌ߲߬ߘߌ ߟߊ߫ ߛߦߊ߬ߝߏ߬ߟߌ ߟߊߛߋ߫ ߖߌ߬ߣߍ߬ ߡߙߊ߬ߦߊ ߟߎ߬ ߣߌ߫ ߞߐߙߍ߫ ߞߏߕߐ ߟߎ߬ ߡߊ߬. ߊ߬ ߣߌ߫ ߞߊ߬ ߖߘߐ߬ߡߊ߬ߓߍ߲ ߗߋߢߊ߫ ߟߎ߬ ߞߎߟߎ߲ߖߋ߫.  .

ߡߛߊ߬ߟߌ߬ߟߌ ߣߌ߫ ߘߎߓߊ ߟߎ߬ ߓߊ߲ߣߍ߲ ߞߐ߫، ߛߎ߬ ߞߊ߲ߞߌߙߊ ߟߎ߬ ߟߊߛߌ߲߯ ߘߊ߫ ߓߊ߲ߓߋߕߏ߬ ߞߊߓߙߎߟߏ ߟߋ߬ ߛߍߣߍ߲߬ ߞߊ߬ ߕߊ߯ ߊ߬ߟߎ߬ ߓߙߌ߬ ߦߋ߲߬.

ߞߐߣߊߞߙߌ߫ ߕߎߟߊߝߌ߲ ߕߟߋ߬ ߄

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߓߘߊ߫ ߞߊ߲ߓߍ߲ ߓߐ߬ߟߐ߲߬ߞߊ߫ ߟߊ߫ ߞߐߙߍ ߟߊ߫ ߗߋߦߊߟߌ߫ ߟߊߞߢߐ߬ߡߊ߬، ߣߴߏ߬ ߦߋ߫ ߓߊ߲ߓߊ߯ߕߐ߫ ߤߊߖߊ߬ ߊ߲ߘߙߋ߫ ߕߎ߬ߙߋ߬ ߘߌ߫߸ ߏ߬ ߡߍ߲ ߠߎ߬ ߕߘߍ߬ ߡߊߟߐ߬ߣߍ߲ ߊ߬ ߘߋ߲ߗߍ߫ ߡߎߤߊ߲ߡߍߘ ߕߎ߬ߙߋ ߓߟߏ߫.

ߞߊ߬ ߞߎߟߎ߲ߖߋߟߌ߫ ߖߍ߬ߘߍ ߖߍ߬ߘߍ ߟߋ߬ ߟߊߛߋ߫ ߞߊ߲ߓߍ߲ ߞߊ߲ߕߌ߰ ߡߊ߬ߡߊߘߌ߫ ߘߎ߲ߓߎߦߊ߫ ߡߊ߬

ߊ߬ ߣߌ߫ ߞߎ߲߬ߠߊ߬ߛߌ߮ ߡߎ߰ߡߍ ߝߣߊ߫ ߡߊ߬߸ ߊ߬ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ߘߐߕߟߊߓߊߟߌ ߟߊ߫߸ ߞߵߊ߬ ߟߐ߬ ߥߊߟߌߢߌߡߊߟߐ߲ ߣߌ߫ ߘߍ߬ߡߍ߲߬ߠߌ߲ ߡߊ߬ ߊ߬ߟߎ߬ ߢߍ߫. ߊ߬ߟߎ߬ ߣߊ߫ ߟߊ߫ ߛߊ߬ߦߊ ߛߎ߬ߣߎ߲ ߞߎ߲߬ߕߊ߮ ߓߍ߯ ߟߊߘߍ߬ߣߍ߲ ߞߘߐ߫.

ߞߐߙߍ߫ ߕߐ߯ ߘߐ߫ ߡߎߤߊ߲ߡߍߘ ߕߎ߬ߙߋ ߞߊ߬ ߖߌ߬ߣߍ ߡߙߊ߬ߦߊ ߝߏ߬ ߊ߬ߟߎ߬ ߟߊ߫ ߘߐ߰ߘߏ߲ ߓߟߏߘߏ߲ߢߐ߲߰ߓߟߏ߫. ߞߵߊ߬ ߓߍ߲߬ ߞߘߐߓߐߟߌ ߕߎ߬ߡߊ߬ ߜߍߟߍ߲ ߠߎ߬ ߞߘߐ߫. ߊ߬ ߞߙߊ ߛߋ߫ ߘߊ߫ ߤߊߖߊ߬ ߤߥߊߎ߬ ߖߊߟߏ߫ ߝߣߊ߫ ߛߦߊ߬ߞߏ ߡߊ߬ ߖߌ߬ߣߍ߬ ߝߊ߬ߛߏ߬ߜߙߊ ߞߊ߲ߕߌ߮ ߞߘߐ߫. ߏ߬ ߡߍ߲ ߛߊ߬ ߘߊ߫ ߘߓߊ߬ߓߌߟߊ ߕߋ߬ߟߋ߫ ߂߅ ߕߊ߬ߡߌ߬ߣߍ߲ ߠߊ߫ ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߐߙߍ߫ ߝߌ߬ߟߊ ߟߊ߫ ߘߍ߬ߢߐ߲߰ߦߊ ߞߘߐ ߟߊ߫.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߵߊ߬ ߝߏ߬ߟߌ߬ ߞߊ߲߬ ߠߊ߫ ߟߊߛߋ߫ ߘߍ߲߬ߞߣߍ߬ߦߊ߫ ߘߌ߫ ߞߐߙߍ ߡߊ߬ ߞߏ߫ ߊ߬ ߘߌ߫ ߗߋ ߟߊߛߋ߫ ߞߊ߲ߓߍ߲ ߞߊ߲ߕߌ߮ ߡߊ߬. ߏ߬ ߞߐ߫ ߊ߬ ߞߊ߬ ߛߦߊ߬ߝߏ߬ߟߌ ߟߊߞߎߘߦߊ߫ ߞߊ߬ߝߏ ߞߎ߲߬ߕߌ߮ ߣߌ߫ ߞߎ߲߬ߠߊ߬ߛߌ߮ ߕߐ߯ ߘߐ߫. ߊ߬ ߣߌ߫ ߞߊ߬ ߘߎߓߊ߫ ߤߊߖߊ߬ ߊ߲ߘߙߋ߫ ߕߎ߬ߙߋ߬ ߢߍ߫ ߢߍߛߎߡߊ߫ ߓߊ߲ߓߊߟߌ ߟߊ߫.

ߞߐߣߊߞߙߌ߫ ߕߎߟߊߝߌ߲ ߕߟߋ߬ ߄

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߓߘߊ߫ ߞߊ߲ߓߍ߲ ߓߐ߬ߟߐ߲߬ߞߊ߫ ߟߊ߫ ߞߐߙߍ ߟߊ߫ ߗߋߦߊߟߌ߫ ߟߊߞߢߐ߬ߡߊ߬، ߣߴߏ߬ ߦߋ߫ ߓߊ߲ߓߊ߯ߕߐ߫ ߤߊߖߊ߬ ߊ߲ߘߙߋ߫ ߕߎ߬ߙߋ߬ ߘߌ߫߸ ߏ߬ ߡߍ߲ ߠߎ߬ ߕߘߍ߬ ߡߊߟߐ߬ߣߍ߲ ߊ߬ ߘߋ߲ߗߍ߫ ߡߎߤߊ߲ߡߍߘ ߕߎ߬ߙߋ ߓߟߏ߫.

ߞߊ߬ ߞߎߟߎ߲ߖߋߟߌ߫ ߖߍ߬ߘߍ ߖߍ߬ߘߍ ߟߋ߬ ߟߊߛߋ߫ ߞߊ߲ߓߍ߲ ߞߊ߲ߕߌ߰ ߡߊ߬ߡߊߘߌ߫ ߘߎ߲ߓߎߦߊ߫ ߡߊ߬

ߊ߬ ߣߌ߫ ߞߎ߲߬ߠߊ߬ߛߌ߮ ߡߎ߰ߡߍ ߝߣߊ߫ ߡߊ߬߸ ߊ߬ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ߘߐߕߟߊߓߊߟߌ ߟߊ߫߸ ߞߵߊ߬ ߟߐ߬ ߥߊߟߌߢߌߡߊߟߐ߲ ߣߌ߫ ߘߍ߬ߡߍ߲߬ߠߌ߲ ߡߊ߬ ߊ߬ߟߎ߬ ߢߍ߫. ߊ߬ߟߎ߬ ߣߊ߫ ߟߊ߫ ߛߊ߬ߦߊ ߛߎ߬ߣߎ߲ ߞߎ߲߬ߕߊ߮ ߓߍ߯ ߟߊߘߍ߬ߣߍ߲ ߞߘߐ߫.

ߞߐߙߍ߫ ߕߐ߯ ߘߐ߫ ߡߎߤߊ߲ߡߍߘ ߕߎ߬ߙߋ ߞߊ߬ ߖߌ߬ߣߍ ߡߙߊ߬ߦߊ ߝߏ߬ ߊ߬ߟߎ߬ ߟߊ߫ ߘߐ߰ߘߏ߲ ߓߟߏߘߏ߲ߢߐ߲߰ߓߟߏ߫. ߞߵߊ߬ ߓߍ߲߬ ߞߘߐߓߐߟߌ ߕߎ߬ߡߊ߬ ߜߍߟߍ߲ ߠߎ߬ ߞߘߐ߫. ߊ߬ ߞߙߊ ߛߋ߫ ߘߊ߫ ߤߊߖߊ߬ ߤߥߊߎ߬ ߖߊߟߏ߫ ߝߣߊ߫ ߛߦߊ߬ߞߏ ߡߊ߬ ߖߌ߬ߣߍ߬ ߝߊ߬ߛߏ߬ߜߙߊ ߞߊ߲ߕߌ߮ ߞߘߐ߫. ߏ߬ ߡߍ߲ ߛߊ߬ ߘߊ߫ ߘߓߊ߬ߓߌߟߊ ߕߋ߬ߟߋ߫ ߂߅ ߕߊ߬ߡߌ߬ߣߍ߲ ߠߊ߫ ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߐߙߍ߫ ߝߌ߬ߟߊ ߟߊ߫ ߘߍ߬ߢߐ߲߰ߦߊ ߞߘߐ ߟߊ߫.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߵߊ߬ ߝߏ߬ߟߌ߬ ߞߊ߲߬ ߠߊ߫ ߟߊߛߋ߫ ߘߍ߲߬ߞߣߍ߬ߦߊ߫ ߘߌ߫ ߞߐߙߍ ߡߊ߬ ߞߏ߫ ߊ߬ ߘߌ߫ ߗߋ ߟߊߛߋ߫ ߞߊ߲ߓߍ߲ ߞߊ߲ߕߌ߮ ߡߊ߬. ߏ߬ ߞߐ߫ ߊ߬ ߞߊ߬ ߛߦߊ߬ߝߏ߬ߟߌ ߟߊߞߎߘߦߊ߫ ߞߊ߬ߝߏ ߞߎ߲߬ߕߌ߮ ߣߌ߫ ߞߎ߲߬ߠߊ߬ߛߌ߮ ߕߐ߯ ߘߐ߫. ߊ߬ ߣߌ߫ ߞߊ߬ ߘߎߓߊ߫ ߤߊߖߊ߬ ߊ߲ߘߙߋ߫ ߕߎ߬ߙߋ߬ ߢߍ߫ ߢߍߛߎߡߊ߫ ߓߊ߲ߓߊߟߌ ߟߊ߫.

ߞߐߣߊߞߙߌ߫ ߘߓߊ߬ߓߌߟߊ ߕߋ߬ߟߋ߫ ߂߈/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߦߌ߬ߘߊ߬ߞߊ߬ߟߌ߫ ߘߏ߫ ߞߍ߫ ߞߡߊߦߍߣ ߔߊߟߛ ߟߊ߫، ߞߵߊ߬ ߓߍ߲߬ ߓߏߟߏ߲ߝߘߊ߫ ߟߎ߬ ߛߌ߲߬ߝߏ߲߬ߧߊ߬ߟߌ ߡߊ߬، ߝߟߍߞߘߍ߫ ߞߎ߲߬ߠߊ߬ߛߌ߰ߟߊ߬ߞߊ ߞߣߐ߫. ߢߐ߲߯ߦߋ߫ ߞߊ߬ ߝߘߏ߬ߓߊ߬ ߞߟߊ߬ߕߌ߰ߘߊ ߟߎ߬ ߛߌߦߊߡߊ߲߫ ߠߊߘߍ߬، ߊ߬ ߣߌ߫ ߞߎ߲ߓߋߘߐ ߞߎ߲߬ߕߌ߮ ߟߎ߬، ߟߊ߬ߟߌ߬ߟߌ߬ߟߊ ߟߎ߬ ߣߌ߫ ߝߘߏ߬ߓߊ߬ ߞߙߐ߬ߛߌ߬ߟߊ ߟߎ߬ ߞߏߕߌ߯ߘߊ߫ ߓߏߟߏ߲ߝߘߊ߫ ߓߐߣߍ߲ߢߐ߲߰ߡߊ ߟߎ߬ ߞߣߐ߫.

ߛߌ߲߬ߝߏ߲߬ߧߊ߬ߟߌ߫ ߞߎߘߊ߫ ߣߌ߲߬ ߦߋ߫ ߘߏ߲߬ߖߟߎ߬ߡߊ߬ߟߌ ߟߋ߬ ߦߌ߬ߘߊ߬ ߟߊ߫߸ ߊ߬ ߦߋ߫ ߝߘߏ߬ߓߊ߫ ߓߘߍ߬ߓߘߍ߬ߟߌ ߟߊ߫ ߞߎ߲߬ߠߊ߬ߛߌ߰ߦߊ߬ߟߌ ߟߋ߬ ߦߌ߬ߘߊ߬ ߟߊ߫. ߞߊ߬ ߝߘߏ߬ߓߊ߫ ߓߘߍ߬ߓߘߍ߬ߟߌ ߝߊ߬ߟߋ߲߬ߢߐ߲߰ߘߐ ߟߎ߬ ߛߋߞߏߦߊ߫ ߟߊߣߐ߰ߦߊ ߞߵߊ߬ ߓߍ߲߬ ߝߟߐߦߊ߫ ߝߊ߬ߛߏ߬ߟߊ߬ߞߊ ߟߎ߬ ߓߐߢߐ߲߯ߘߐ ߡߊ߬. ߞߊߕߙߍ߬ߕߍ߫ ߦߙߐ ߣߌ߲߬ ߡߊ߬ ߛߌߡߊ߲ߘߎ߯ ߂߀߄߀ ߞߍ ߦߙߐ߫ ߢߣߊߡߊ ߞߍߣߍ߲ ߞߊ߲߬. ߞߏߕߌ߯ ߝߟߐ ߞߵߊ߬ ߕߌ߲ߕߌ߲߫ ߡߊ߬ߡߙߊ߬ߟߌ ߛߊ߲ߘߐ ߡߊߡߊ߬ߙߊ ߢߊ߬ߒ߬ߞߐ߬ߓߊߟߌߦߊ ߞߊ߲߬. ߞߊ߬ ߛߌ߲߬ߝߏ߲߬ߧߊ߬ߟߌ ߘߏ߫ ߟߊߥߟߏ߫ ߊ߬ ߣߌ߫ ߓߍ߲߬ߒ߬ߡߊ߬ ߞߍߗߌߦߊ߫ ߟߎ߬ ߞߊ߬ ߘߍ߬ߡߍ߲߬ߠߌ߲ ߞߍ߫ ߖߡߊ߬ߣߊ߫ ߢߡߊߦߟߍߡߊ߲ ߘߐ߫.

ߓߟߏߘߐߓߍ߲ ߕߊ߬ߣߍ߲ ߞߎߘߊ߫ ߦߋ߫ ߛߡߊ߬ߛߋ߲ ߣߊ߯ߣߌ߲߫ ߠߋ߬ ߘߌ߫: ߞߎ߲߬ߠߊ߬ߛߌ߰ߦߊ߬ߟߌ߫ ߘߍ߲ߖߘߍߟߦߊ، ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߥߟߏߒߘߐ ߟߎ߬ ߢߡߊߦߟߍ߬ߡߊ߲، ߖߎ߬ߓߐ ߣߌ߫ ߥߙߎߞߌ ߘߎ߲ߡߊߣߍ߲، ߡߐ߰ߦߊ ߡߊߣߊ߲ߞߎ߲ ߣߌ߫ ߢߐ߲߯ߘߍߡߍ߲، ߛߊ߬ߡߊ߲߬ߛߋ߲ ߣߌ߲߬ ߣߐ߬ ߞߏߕߌ߯ߘߊ߫ ߓߏߟߏ߲ߝߘߊ ߓߍ߯ ߏ߬ ߦߴߊ߬ߟߎ߬ ߛߋߞߏߦߊ߫ ߣߴߊ߬ߟߎ߬ ߡߞߊ߬ߝߏ߬ߟߊ߲ ߘߌ߫. ߝߘߏ߬ߓߊ߬ ߗߋߘߊ ߟߎ߬ ߛߌߟߊ߫ ߝߍ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߛߌ߲߬ߝߏ߲߬ߧߊ߬ߟߌ ߞߎߘߊ ߣߌ߲߬ ߘߊ߲߬ ߕߍ߫ ߘߏ߲߬ߖߟߎ߬ߡߊ߬ߟߌ ߘߐߙߐ߲߫ ߘߌ߫ ߘߋ߬. ߞߏߕߌ߯ߘߊ ߟߎ߬ ߕߍ߫ ߛߊ߬ߡߊ߲߬ߛߋ߲ ߣߌ߲߬ ߦߋ߫ ߓߟߏߘߐߓߍ߲ ߡߞߊߝߏ ߘߏ߫ ߟߋ߬ ߘߌ߫ ߞߏߕߌ߯ߘߊ ߟߎ߬ ߣߌ߫ ߢߐ߲߯ ߕߍ߫، ߏ߬ ߡߍ߲ ߦߋ߫ ߟߞߊ߬ߝߏ߬ߟߌ ߞߍ߫ ߟߊ߫ ߡߊ߬ߘߎ߮ ߓߍ߯ ߟߊ߫ ߝߘߏ߬ߓߊ߬ ߓߟߏߡߊ߬، ߞߊ߬ ߟߌ߬ߤߟߊ ߟߎ߬ ߘߐߕߟߊ߫ ߞߊ߬ ߞߎ߲߬ߠߊ߬ߘߌ߮ ߟߊ߫ ߢߐ߲߯ߘߍߡߍ߲ ߝߊ߲߬ߞߊߘߏ߲߬.

ߊ߬ ߞߵߊ߬ ߦߌ߬ߘߊ߬ ߞߏ߫ ߞߏߕߌ߯ߘߊ ߟߎ߬ ߕߍ߫ ߘߍ߬ߘߊ ߣߌ߲߬ ߦߋ߫ ߘߐ߬ߛߙߋ߬ ߟߊ߬ߞߙߙߐ߲߬ߛߌ߬ ߟߊ߫ ߟߎ߬ ߟߋ߬ ߘߌ߫ ߘߐ߬ߛߙߋ ߝߊ߲߬ߝߌ߬ߟߊ߬ߡߊ ߟߎ߬ ߟߊ߫߸ ߞߊ߬ ߝߟߐߦߊ ߟߎ߬ ߞߣߐ߬ߜߍ߲߫. ߞߊ߬߬ ߝߙߋߞߋ ߟߎ߬ ߓߐ߫ ߊ߬ߟߎ߬ ߘߐ߫، ߊ߬ ߣߌ߫ ߞߊ߬ ߕߍߕߋߟߋ߲ߠߌ߲ ߓߟߏߘߐߓߍ߲ ߠߎ߬ ߞߍ߫߸ ߏ߬ ߟߎ߬ ߡߍ߲ ߠߎ߬ ߢߊ߬ߞߏ߬ߓߊ ߦߋ߫ ߡߙߌߘߐ ߟߎ߬ ߕߊ߭ ߘߐ߫. ߊ߬ߟߎ߬ ߞߊ߫ ߞߊ߲߫ ߞߊ߬ ߞߏߕߌ߯ ߟߊߘߍ ߞߏ ߟߎ߬ ߕߊ߬ ߓߊ ߘߐ߫.

ߡߊ߬ߘߏ߲ߢߐ߲߰ߠߊ ߣߌ߲߬ ߘߌ߫ ߞߍ߫ ߛߊߓߎ߫ ߘߌ߫߸ ߞߏߟߊߘߍߢߐ߲߯ߦߊ ߕߣߐ߬ ߦߌߘߊ ߘߐ߫߸ ߡߊ߬ߡߙߊ߬ߟߌ ߞߏߟߊߘߍߢߐ߲߯ߦߊ ߞߣߐߡߊ߬ ߊߡߊߘߎ߫ ߎߙߌ߬ ߓߊ ߞߊ߬ ߟߌ߬ߤߟߊ ߟߎ߬ ߟߊߖߍ߲ߛߍ߲߫ ߞߊ߬ ߜߟߐߡߌ߲ ߛߏ߯ߙߏߦߊߣߍߌ߲ ߠߎ߬ ߟߊ߫ ߕߊ߬ߡߌ߲߬ ߊ߬ ߣߌ߫ ߞߣߐ߬ߜߍ߲߬ߠߌ߲ ߓߟߏߟߊߕߎ߲߰ߕߊ ߡߙߌߘߐ ߟߎ߬ ߦߋ߫ ߢߊߞߎߘߦߊߕߊ ߟߋ߬ ߘߌ߫ ߛߋߞߏߦߊ߫ ߟߎ߬ ߘߐ߫، ߏ߬ ߦߋ߫ ߓߊߛߌ߮ ߣߌ߫ ߞߐߝߟߌ ߟߋ߬ ߘߌ߫ ߞߎ߲߬ߠߊ߬ߛߌ߮ ߟߊ߫ ߞߍߕߊ ߟߎ߬ ߘߐ߫. ߞߣߍ ߞߊ߲߫ ߞߏ߫ ߟߎ߫ ߦߋ߫ ߓߟߏߘߐߓߍ߲ ߠߋ߬ ߦߌ߬ߘߊ߬ ߟߊ߫߸ ߖߊ߬ߕߋ߬ߛߎ߰ߓߐ ߓߊ߯ߙߊ ߟߎ߬ ߢߌߣߌ߲ߞߏ ߟߋ߬ ߘߌ߫ ߞߎ߲߬ߠߊ߬ߛߌ߰ߦߊ߬ߟߌ ߛߌߟߊ ߝߍ߬، ߢߌߣߌ߲ߞߏ߫ ߟߎ߬ ߟߊ߬ߟߐ߲߬ߠߌ߲߬ߦߊ߬ߟߌ ߛߌߟߊ ߝߍ߬، ߞߊ߬ ߛߓߍ߫ ߢߣߊߓߐߟߌ ߟߎ߬ ߛߋ߲߬ߠߞߊ߬ߟߌ߬ߦߊ߫ ߞߊ߬ ߣߐ߬ߝߍ߬ߜߍ߲߬ߠߌ߲ ߓߘߍߓߘߍ ߘߊߡߌ߬ߣߊ߬. ߞߵߊ߬ ߓߍ߲߬ ߡߙߌߘߐ ߟߎ߬ ߟߥߊߟߌ ߡߊ

ߞߐߣߊߞߙߌ߫ ߘߓߊ߬ߓߌߟߊ ߕߋ߬ߟߋ߫ ߂߈/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߓߘߊ߫ ߖߟߊߞߘߐ߫ ߗߋߦߊߟߌ߫ ߘߏ߫ ߟߊߛߣߍ߫ ߏ߬ ߟߎ߬ ߡߍ߲ ߠߎ߬ ߣߊ߬ߣߍ߲ ߊ߬ߟߎ߬ ߟߊ߫ ߛߍߥߊߣߊ߲߫ ߞߊ߲߫ ߦߌ߬ߘߊ߬ ߟߊ߫، ߊ߬ ߣߴߊ߬ߟߎ߬ ߟߊ߫ ߞߎߟߎ߲ߖߋߟߌ ߦߌ߬ߘߊ߬ ߟߊ߫ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫، ߞߵߊ߬ ߓߍ߲߬ ߡߙߊ߬ߘߊ߬ߙߋ߲ ߞߘߐ ߟߊ߫ ߦߟߍ߬ߡߊ߲ ߡߊ߬ ߡߙߊ߬ߓߊ߰ߘߊ ߘߌ߫.

ߢߐ߲߯ߦߋ߫ ߣߌ߲߬ ߛߋ߲߬ߝߍ߬، ߗߋߦߊߟߌ߫ ߞߊ߬ ߟߊߛߋ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߡߊ߬ ߞߏ߫ ߖߟߊߞߘߐ߫ ߓߘߊ߫ ߛߍߥߊ߫ ߞߊ߬ ߢߊ߯ߟߋ߲߫، ߊ߬ ߣߌ߫ ߡߊ߲߬ߖߊ߲߬ߠߊ߫ ߡߙߊ߬ߓߊ߰ߘߊ ߓߍ߯ ߟߊߘߍ߬ߣߍ߲. ߊ߬ ߘߌ߫ ߡߙߊ߬ߦߊ ߟߎ߬ ߝߣߊ߫ ߖߊ߲߬ߓߌ߬ߟߊ߬ ߊ߬ߟߎ߬ ߟߊ߫ ߘߌ߲߬ߞߌߙߊ ߟߎ߬ ߣߴߊ߬ߟߎ߬ ߟߊ߫ ߥߙߎߞߌ ߘߐ߫. ߊ߬ ߞߊ߬ ߞߎߟߎ߲ߖߋߟߌ߫ ߓߘߍߓߘߍ߫ ߞߍ߫ ߘߌ߲߬ߞߌߙߊ ߡߙߊ߬ߦߊ ߟߎ߬ ߡߙߌߣߊ߲ ߠߎ߬ ߟߊ߫ ߥߙߎߞߌ ߡߊ߬.

ߗߋߦߊߟߌ߫ ߞߊ߬ ߛߌ߲߬ߝߏ߲߬ߧߊ߬ߟߌ߫ ߘߏ߫ ߞߍ߫ ߞߏ߫ ߝߐ߫ ߞߵߊ߬ ߓߍ߲߬ ߛߘߊߞߊ߫ ߓߐ ߡߊ߬ ߥߊߟߢߌߡߊߟߐ߲߫ ߛߌߟߊ ߝߍ߬، ߏ߬ ߡߍ߲ ߘߍ߬ߡߍ߲߬ߘߌ߬ߣߍ߲߫ ߞߊ߲ߓߍ߲ ߞߊ߲ߕߌ߮ ߣߴߊ߬ ߟߊ߫ ߞߏߕߌ߯ ߝߟߐ ߣߌ߫ ߖߌ߬ߣߍ߬ ߞߊ߲ߓߍ߲ ߡߎ߰ߡߍ ߟߊ߫. ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߗߋߦߊߟߌ߫ ߞߎߟߎ߲ߖߋ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߥߊߟߢߌߡߊߟߐ߲߫ ߣߌ߲߬ ߡߊ߬߸ ߊ߬ ߞߊ߬ ߕߐ߰ߡߊ߬ߛߙߋ ߓߘߍ ߟߎ߬ ߕߊ߬ ߖߟߊߞߘߐ߫ ߡߌ߬ߙߌ߲߬ߘߌ ߡߊ߬ ߞߊ߬ ߟߊ߬ߤߘߌ ߘߴߊ߬ߟߎ߬ ߡߊ߬ ߞߏ߫ ߞߎߡߊ ߘߌ߫ ߛߋ߫ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߡߊ߬.

ߞߐߣߊߞߙߌ߫ ߘߓߊ߬ߓߌߟߊ ߕߋ߬ߟߋ߫߂߆/ ߂߀߂߆ ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߡߊߟߐ߬ߣߍ߲߫ ߗߋߦߊߟߌ߫ ߣߝߊߡߓߊ ߘߏ߫ ߟߋ߬ ߓߟߏ߫. ߊ߬ߟߎ߬ ߥߊ߫ ߘߊ߫ ߡߣߌߦߍߙ ߞߌ߲߬ߘߊ ߟߊ߫ ߘߌߞߑߛߌߣ ߞߊ߬ߝߏ߬ߙߋ߲ ߞߣߐ߫. ߞߊ߬ ߘߏ߲߬ ߛߊߝߎߟߊߦ ߖߊߟߏ߫ ߟߊ߫ ߟߎ ߞߣߐ߫ ߊߟߊߡߊ߬ ߊߟߊ߫ ߘߌ߬ߢߍ߬ ߘߴߊ߬ ߡߊ߬، ߝߊ߬ߛߏ߬ߜߙߊ ߞߊ߲ߕߌ߯ ߞߘߐ. ߞߵߊ߬ ߟߊ߫ ߛߦߊ߬ߝߏ߬ߟߌ ߟߊߛߋ߫ ߞߐߙߍ ߡߊ߬، ߞߵߊ߬ ߓߍ߲߬ ߊ߬ ߡߏ߬ߛߏ ߝߣߊ߫ ߟߊ߫ ߛߊ߬ߦߊ ߡߊ߬ ߤߊߖߊ߬ ߤߥߊߎ߬ ߖߊߟߏ߫، ߏ߬ ߡߍ߲ ߞߍߣߍ߲ ߘߓߊ߬ߓߌߟߊ߫ ߞߐ߬ߟߏ߲ ߘߓߊ߬ߓߌߟߊ߫ ߕߋ߬ߟߋ߫ ߂߅/ ߂߀߂߆ ߞߵߊ߬ ߛߌ߭ ߕߏ߫ ߛߊ߲߬ ߉߈ ߘߐ߫.

ߞߊߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫، ߊ߬ ߣߌ߫ ߞߎ߲߬ߠߊ߬ߛߌ߮ ߡߎ߰ߡߍ ߕߐ߯ ߘߐ߫، ߞߏߕߌ߯ ߝߟߐ ߞߵߊ߬ ߟߊ߫ ߛߎ߬ߣߎ߲ ߦߌ߬ߘߊ߬ ߟߊߕߍ߮ ߣߌ߲߬ ߘߊߞߎ߲ ߘߐ߫، ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߦߴߊ߬ߟߎ߬ ߟߊ߫ ߓߌ߬ߟߊ ߘߐ߫ ߞߊ߬ ߞߐߙߍ߫ ߡߊߘߍ߬ߡߍ߲߬ ߛߎ߬ߣߎ߲߫ ߥߊ߯ߕߌ߫ ߜߍߟߍ߲ ߣߌ߲߬ ߘߐ߫. ߤߊ߲߯ ߓߊߘߍ ߦߋ߫ ߦߋ߫ ߓߐ߫ ߊ߬ ߟߊ߫ ߟߊߓߋ߬ ߦߏ߫ ߛߦߊ߬ߓߊ߰ߕߐ ߞߵߏ߬ ߥߊ߬ߣߌ߲߬ߞߋ߬ ߢߊߡߍ߲. ߞߏ߫ ߊ߬ ߦߋ߫ ߞߍ߫ ߊ߬ ߓߋ߲ߓߊ߫ ߟߎ߬ ߝߎ߬ߙߎ߲߬ߞߎ߬ߡߍ ߞߙߍ߬ߝߍ߬ ߣߊߟߌ߬ߡߎ߲߫ ߞߙߊ߬ߡߐ߰ ߊߟߌߝߊ߬ ߡߏ ߟߊߓߋ߬ ߟߎ߬ ߘߌ߫.

ߞߐߣߊߞߙߌ߫ ߘߓߊ߬ߓߌߟߊ ߕߋ߬ߟߋ߫ ߂߄/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߛߌ߯ߙߌ߲߫ ߕߎ߲ߞߙߊߒߞߋ ߟߎ߬ ߟߊ߫ ߗߋߦߊߟߌ߫ ߘߏ߫ ߟߊߞߢߐ߬ߡߊ߬߸ ߏ߬ ߡߍ߲ ߢߍߡߌ߬ߘߊ߬ߣߍ߲ ߕߘߍ߬ ߛߏߕߌ߯ ߗߍߡߐ߮ ߓߟߏ߫ ߟߊ߰ߖߌ߬ ߘߙߊ߬ߡߊߣ ߡߜ߭ߊ߬ߛߎߓߊ߫.

ߗߋߦߊߟߌ߫ ߣߊ߬ߣߍ߲ ߞߊ߲ߓߍ߲ ߞߊ߲ߕߌ߮ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߎߟߎ߲ߖߋ߫ ߞߊ߲ ߠߋ߬ ߡߊ߬، ߞߵߊ߬ ߓߍ߲߬ ߛߌ߯ߙߌ߲߫ ߞߍ߫ ߞߏ ߡߊ߬ ߡߊ߬ߡߙߊ߬ߟߌ߫ ߕߌ߲߬ߞߎߘߎ߲ ߘߌ߫.

ߞߊ߬ ߓߍ߲߬ ߛߌ߯ߙߌ߲߫ ߘߍ߬ߘߊ ߞߐߦߌߘߊߟߌ ߡߊ߬، ߊ߲ ߧߋ߫ ߡߙߌߣߊ߲ ߢߌ߲߬ ߕߊ߲߬ߘߏ߬ ߟߊ߫ ߞߊ߬ ߞߏߕߌ߯ ߝߟߐ߫ ߝߣߊ߫ ߝߏ߬ ߞߵߊ߬ ߓߍ߲߬ ߛߌ߬ߓߏ߬ߒ߬ߞߊ߲߬ߠߊ ߢߌ߲߬ ߞߍߟߌ ߡߊ߬ ߜߍߘߐߞߏ ߘߌ߫. ߊ߫ߟߎ߬ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߦߋ߫ ߢߊ߬ߞߏ߬ߓߊ߫ ߟߋ߬ ߢߊ߬ ߟߊ߫ ߘߎ߰ߞߣߍ ߟߊ߬ߞߊ߲߬ߘߊ߬ߟߌ ߘߐ߫. ߣߌ߲߬ ߦߋ߫ ߛߌ߯ߙߌ߲ߞߊ ߟߎ߬ ߣߌߞߊ߲ߞߏ ߓߍ߯ ߘߐ߫ ߓߏ߲߬ߓߊ ߟߋ߬ ߓߟߏߦߊߣߍ߲ ߘߌ߫.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߛߌ߯ߙߌ߲߫ ߕߎ߲ߞߙߊߒߞߋ ߟߎ߬ ߟߊ߫ ߖߘߍ߬ߘߏ߲߬ߒ߬ߞߊ߲ߡߊ ߓߘߊ߫ ߟߐ߲߫ ߞߎ߲߬ߠߊ߬ߛߌ߮ ߓߟߏ߫، ߏ߬ ߡߊ߬ߘߍ߬ߡߍ߲߬ߠߌ߲ ߟߊ߬ߛߌ߲߬ߟߊ߲ ߡߍ߲ ߓߐߣߍ߲߫ ߞߊ߲ߓߍ߲ ߞߊ߲ߕߌ߮ ߟߊ߫ ߟߊ߬ߢߌߣߌ߲ ߘߐ߫ ߞߵߊ߬ ߓߍ߲߬ ߖߡߊ߬ߣߊ߫ ߕߌ߲߬ߞߎߘߎ߲ ߠߎ߬ ߟߊ߫ ߥߙߎߞߌ߫ ߕߍߞߢߊߣߍ߲ ߡߊ߬.

ߞߐߣߊߞߙߌ߫ ߘߓߊ߬ߓߌߟߊ߫ ߕߋ߬ߟߋ߫ ߂߀/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߣߌ߫ ߞߏߕߌ߯ߘߊ߫ ߟߎ߬ ߓߏߟߏ߲ߝߘߊ߫ ߝߘߏ߬ߓߊ߫ ߝߛߍ߬ߝߛߍ߬ߟߌ߬ߟߊ ߟߎ߬ ߞߊ߬ ߢߐ߲߮ ߦߋ߫߫، ߢߐ߲߯ߦߋ߫ ߏ߬ ߓߎ߲ߓߎ߲ ߘߊ߫ ߝߘߏ߬ߓߊ߫ ߘߐ߬ߝߛߍ߬ߝߛߍ߬ߟߌ ߟߎ߬ ߟߊ߫ ߞߍߕߊ ߟߎ߬ ߟߋ߬ ߡߊ߬ ߞߎ߲߬ߠߊ߬ߛߌ߰ߦߊ߬ߟߌ ߓߊ߲ߓߊ߲ߠߌ߲ ߘߐ߫. ߢߡߊߦߟߍߡߊ߲߫ ߣߌ߫ ߛߋߞߏߦߊ ߟߎ߬ ߘߐ߫ ߝߘߏ߬ߓߊ߫ ߡߊ߬ߡߙߊ߬ߟߌ ߛߌߟߊ ߝߍ߬.

ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬، ߞߏߕߌ߯ ߝߟߐ ߞߵߊ߬ߟߎ߬ ߟߊ߫ ߗߋߦߊߟߌ߫ ߡߊߜߟߍ߬ߦߊ߫ ߢߊߝߐ߫ ߊ߬ ߓߊߖߎ ߟߊ߫، ߞߏߕߌ߯ߘߊ߫ ߓߏߟߏ߲ߝߘߊ߫ ߟߎ߬ ߞߣߐ߫߸ ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߘߐ߬ߕߊߡߌ߲ ߕߎ߬ߡߊ ߓߘߊ߫ ߓߊ߲߫ ߛߌ߬ߝߏ߲߬ߘߊ ߟߎ߬ ߞߊ߬ ߞߊ߫ ߞߊ߲߬ ߠߋ߬ ߞߊ߬ ߓߊ߲ߓߊ߲߫ ߡߎ߬ߕߎ߲߬. ߞߊ߬ ߛߋ߫ ߖߐ߯ߙߊ߲߫ ߠߎ߬ ߓߌ߬ߟߊ߬ ߟߊ߫ ߛߋ߲߬ߞߊ߲ ߡߍ߲ ߘߴߊ߬ ߛߴߊ߬ ߟߊ߫ ߖߊ߬ߓߌ߬ߦߊ߬ߟߌ ߞߘߐ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߕߐ߯ ߘߐ߫، ߞߎ߲߬ߠߊ߬߫ߛߌ߰ߟߌ߬ ߞߏ߬ߢߌ߲ ߘߐ߫ ߏ߬ ߡߊߞߊ߲߫ ߞߊ߬ ߞߍ߫ ߕߊ߯ߓߟߏ߫ ߘߐߙߐ߲߫ ߦߌ߬ߘߊ߬ߟߌ ߘߌ߫ ߘߋ߬. ߊ߬ ߞߊ߫ ߞߊ߲߫ ߞߵߊ߬ ߕߌ߲ߕߌ߲ ߖߐ߯ߙߊ߲߫ ߠߎ߬ ߟߋ߬ ߞߊ߲߬ ߡߍ߲ ߠߎ߬ ߘߌ߫ ߛߋ߫ ߛߎߡߊ߲ߠߌ߲ ߞߍ߫ ߟߊ߫߸ ߞߊ߬ ߖߊ߬ߕߋ߬ߛߎ߰ߓߐ ߞߍ߫، ߊ߬ ߣߌ߫ ߞߊ߬ ߝߘߏ߬ߓߊ߬ ߗߋߘߊ ߟߊߢߊ߬ ((ߞߎ߲߬ߠߊ߬ߛߌ߰ߟߌ ߞߏߢߌ߲، ߦߋ߫ ߝߘߏ߬ߓߊ߬ ߓߘߍ߬ߓߘߍ߬ߟߌ ߟߋ߬ ߘߌ߫߸ ߡߍ߲ ߞߊ߫ ߞߊ߲߫ ߞߊ߬ ߞߣߐ߬ߜߍ߲ ߞߍߥߊߟߌ߫ ߓߘߍߓߘߍ ߘߌ߫ ߡߍ߲ ߘߌ߫ ߛߋ߫ ߛߎߡߊ߲߫ ߠߊ߫)) ߊ߬ ߞߵߏ߬ ߡߊߜߟߍ߬ߦߊ߬ ߓߊ߬؟

ߏ߬ ߕߊ߯ߓߟߏߡߊ߬، ߊߡߊߘߎ߫ ߎߙߌ߬ ߓߊ ߞߊ߬ ߝߘߏ߬ߓߊ߫ ߘߐ߬ߝߛߍ߬ߝߛߍ߬ߟߌ߬ߟߊ ߟߎ߬ ߡߊߞߟߌ߫ ߞߵߊ߬ ߓߍ߲߬ ߖߐ߯ߙߊ߲߫ ߞߎߘߊ ߟߎ߬ ߢߊߞߎߘߦߊߟߌ ߡߊ߬، ߞߵߊ߬ ߓߍ߲߬ ߖߊ߬ߕߋ߬ߛߎ߰ߓߐ ߡߊ߬، ߊ߬ ߞߊ߬ ߕߌ߲ߕߌ߲ ߞߏ߫ ߟߎ߫ ߞߊ߲߬ ߞߵߊ߬ ߓߍ߲߬ ߞߏ߫ ߟߎ߫ ߣߴߊ߬ ߞߍߢߊ ߡߊ߬ ߗߋߦߊߟߌ߫ ߟߎ߬ ߛߌߟߊ ߝߍ߬، ߡߍ߲ ߜߊ߲߬ߞߎ߲߬ߣߍ߲߫ ߊ߬ ߟߥߊ߬ߟߌ߬ߟߌ ߞߏߕߌ߯ߘߊ ߟߎ߬ ߡߊ߬، ߊ߬ ߣߌ߫ ߝߊ߬ߘߌ߬ ߞߎߘߊ ߜߋ߬ߟߎ߲߬ߕߊ ߟߎ߬ ߟߥߊߟߌߟߌ ߘߐ߫. ߊ߬ ߟߊߓߊ߲ ߠߊ߫ ߊ߬ߟߎ߬ ߞߵߊ߬ߟߎ߬ ߕߌ߲ߕߌ߲߫ ߊ߬ߟߎ߬ ߞߍߕߊ ߟߎ߬ ߢߣߊߓߐ ߢߊ ߞߊ߲߬ ߞߊ߬ߝߏ ߜߘߌߛߌ߯ ߞߎߘߊ ߘߐ߫. ߞߵߊ߬ ߓߍ߲߬ ߡߊ߬ߝߊ ߟߊ߫ ߛߓߊ߬ߕߌ ߡߊ߬ ߊ߬ ߣߌ߫ ߞߵߊ߬ ߓߍ߲߬ ߝߘߏ߬ߓߊ߫ ߛߐ߬ߘߐ߲߬ߘߊ ߟߎ߬ ߡߊߡߙߊ߬ ߞߏ߬ߢߌ߲ ߡߊ߬. ߞߊߕߙߍ߬ߕߍ߫ ߛߌߡߊ߲ߘߎ߯ ߂߀߄߀ ߓߊ߯ߙߊ߫ ߡߊ߬.

ߞߐߣߊߞߙߌ߫ ߘߓߊ߬ߓߌߟߊ ߕߋ߬ߟߋ߫ ߂߈/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߦߌ߬ߘߊ߬ߞߊ߬ߟߌ߫ ߘߏ߫ ߞߍ߫ ߞߡߊߦߍߣ ߔߊߟߛ ߟߊ߫، ߞߵߊ߬ ߓߍ߲߬ ߓߏߟߏ߲ߝߘߊ߫ ߟߎ߬ ߛߌ߲߬ߝߏ߲߬ߧߊ߬ߟߌ ߡߊ߬، ߓߊߙߌ߫ ߞߎ߲߬ߠߊ߬ߛߌ߰ߟߊ߬ߞߊ ߞߣߐ߫. ߢߐ߲߯ߦߋ߫ ߞߊ߬ ߝߘߏ߬ߓߊ߬ ߞߟߊ߬ߕߌ߰ߘߊ ߟߎ߬ ߛߌߦߊߡߊ߲߫ ߠߊߘߍ߬، ߊ߬ ߣߌ߫ ߞߎ߲ߓߋߘߐ ߞߎ߲߬ߕߌ߮ ߟߎ߬، ߟߊ߬ߟߌ߬ߟߌ߬ߟߊ ߟߎ߬ ߣߌ߫ ߝߘߏ߬ߓߊ߬ ߞߙߐ߬ߛߌ߬ߟߊ ߟߎ߬ ߞߏߕߌ߯ߘߊ߫ ߓߏߟߏ߲ߝߘߊ߫ ߓߐߣߍ߲ߢߐ߲߰ߡߊ ߟߎ߬ ߞߣߐ߫.

ߛߌ߲߬ߝߏ߲߬ߧߊ߬ߟߌ߫ ߞߎߘߊ߫ ߣߌ߲߬ ߦߋ߫ ߘߏ߲߬ߖߟߎ߬ߡߊ߬ߟߌ ߟߋ߬ ߦߌ߬ߘߊ߬ ߟߊ߫߸ ߊ߬ ߦߋ߫ ߝߘߏ߬ߓߊ߫ ߓߘߍ߬ߓߘߍ߬ߟߌ ߟߊ߫ ߞߎ߲߬ߠߊ߬ߛߌ߰ߦߊ߬ߟߌ ߟߋ߬ ߦߌ߬ߘߊ߬ ߟߊ߫. ߞߊ߬ ߝߘߏ߬ߓߊ߫ ߓߘߍ߬ߓߘߍ߬ߟߌ ߝߊ߬ߟߋ߲߬ߢߐ߲߰ߘߐ ߟߎ߬ ߛߋߞߏߦߊ߫ ߟߊߣߐ߰ߦߊ ߞߵߊ߬ ߓߍ߲߬ ߝߟߐߦߊ߫ ߝߊ߬ߛߏ߬ߟߊ߬ߞߊ ߟߎ߬ ߓߐߢߐ߲߯ߘߐ ߡߊ߬. ߞߊߕߙߍ߬ߕߍ߫ ߦߙߐ ߣߌ߲߬ ߡߊ߬ ߛߌߡߊ߲ߘߎ߯ ߂߀߄߀ ߞߍ ߦߙߐ߫ ߢߣߊߡߊ ߞߍߣߍ߲ ߞߊ߲߬. ߞߏߕߌ߯ ߝߟߐ ߞߵߊ߬ ߕߌ߲ߕߌ߲߫ ߡߊ߬ߡߙߊ߬ߟߌ ߛߊ߲ߘߐ ߡߊߡߊ߬ߙߊ ߢߊ߬ߒ߬ߞߐ߬ߓߊߟߌߦߊ ߞߊ߲߬. ߞߊ߬ ߛߌ߲߬ߝߏ߲߬ߧߊ߬ߟߌ ߘߏ߫ ߟߊߥߟߏ߫ ߊ߬ ߣߌ߫ ߓߍ߲߬ߒ߬ߡߊ߬ ߞߍߗߌߦߊ߫ ߟߎ߬ ߞߊ߬ ߘߍ߬ߡߍ߲߬ߠߌ߲ ߞߍ߫ ߖߡߊ߬ߣߊ߫ ߢߡߊߦߟߍߡߊ߲ ߘߐ߫.

ߓߟߏߘߐߓߍ߲ ߕߊ߬ߣߍ߲ ߞߎߘߊ߫ ߦߋ߫ ߓߊߙߌ߫ ߣߊ߯ߣߌ߲߫ ߠߋ߬ ߘߌ߫: ߞߎ߲߬ߠߊ߬ߛߌ߰ߦߊ߬ߟߌ߫ ߘߍ߲ߖߘߍߟߦߊ، ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߥߟߏߒߘߐ ߟߎ߬ ߢߡߊߦߟߍ߬ߡߊ߲، ߖߎ߬ߓߐ ߣߌ߫ ߥߙߎߞߌ ߘߎ߲ߡߊߣߍ߲، ߡߐ߰ߦߊ ߡߊߣߊ߲ߞߎ߲ ߣߌ߫ ߢߐ߲߯ߘߍߡߍ߲، ߛߊ߬ߡߊ߲߬ߛߋ߲ ߣߌ߲߬ ߣߐ߬ ߞߏߕߌ߯ߘߊ߫ ߓߏߟߏ߲ߝߘߊ ߓߍ߯ ߏ߬ ߦߴߊ߬ߟߎ߬ ߛߋߞߏߦߊ߫ ߣߴߊ߬ߟߎ߬ ߡߞߊ߬ߝߏ߬ߟߊ߲ ߘߌ߫. ߝߘߏ߬ߓߊ߬ ߗߋߘߊ ߟߎ߬ ߛߌߟߊ߫ ߝߍ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߛߌ߲߬ߝߏ߲߬ߧߊ߬ߟߌ ߞߎߘߊ ߣߌ߲߬ ߘߊ߲߬ ߕߍ߫ ߘߏ߲߬ߖߟߎ߬ߡߊ߬ߟߌ ߘߐߙߐ߲߫ ߘߌ߫ ߘߋ߬. ߞߏߕߌ߯ߘߊ ߟߎ߬ ߕߍ߫ ߛߊ߬ߡߊ߲߬ߛߋ߲ ߣߌ߲߬ ߦߋ߫ ߓߟߏߘߐߓߍ߲ ߡߞߊߝߏ ߘߏ߫ ߟߋ߬ ߘߌ߫ ߞߏߕߌ߯ߘߊ ߟߎ߬ ߣߌ߫ ߢߐ߲߯ ߕߍ߫، ߏ߬ ߡߍ߲ ߦߋ߫ ߟߞߊ߬ߝߏ߬ߟߌ ߞߍ߫ ߟߊ߫ ߡߊ߬ߘߎ߮ ߓߍ߯ ߟߊ߫ ߝߘߏ߬ߓߊ߬ ߓߟߏߡߊ߬، ߞߊ߬ ߟߌ߬ߤߟߊ ߟߎ߬ ߘߐߕߟߊ߫ ߞߊ߬ ߞߎ߲߬ߠߊ߬ߘߌ߮ ߟߊ߫ ߢߐ߲߯ߘߍߡߍ߲ ߝߊ߲߬ߞߊߘߏ߲߬.

ߊ߬ ߞߵߊ߬ ߦߌ߬ߘߊ߬ ߞߏ߫ ߞߏߕߌ߯ߘߊ ߟߎ߬ ߕߍ߫ ߘߍ߬ߘߊ ߣߌ߲߬ ߦߋ߫ ߘߐ߬ߛߙߋ߬ ߟߊ߬ߞߙߙߐ߲߬ߛߌ߬ ߟߊ߫ ߟߎ߬ ߟߋ߬ ߘߌ߫ ߘߐ߬ߛߙߋ ߝߊ߲߬ߝߌ߬ߟߊ߬ߡߊ ߟߎ߬ ߟߊ߫߸ ߞߊ߬ ߝߟߐߦߊ ߟߎ߬ ߞߣߐ߬ߜߍ߲߫. ߞߊ߬߬ ߝߙߋߞߋ ߟߎ߬ ߓߐ߫ ߊ߬ߟߎ߬ ߘߐ߫، ߊ߬ ߣߌ߫ ߞߊ߬ ߕߍߕߋߟߋ߲ߠߌ߲ ߓߟߏߘߐߓߍ߲ ߠߎ߬ ߞߍ߫߸ ߏ߬ ߟߎ߬ ߡߍ߲ ߠߎ߬ ߢߊ߬ߞߏ߬ߓߊ ߦߋ߫ ߡߙߌߘߐ ߟߎ߬ ߕߊ߭ ߘߐ߫. ߊ߬ߟߎ߬ ߞߊ߫ ߞߊ߲߫ ߞߊ߬ ߞߏߕߌ߯ ߟߊߘߍ ߞߏ ߟߎ߬ ߕߊ߬ ߓߊ ߘߐ߫.

ߡߊ߬ߘߏ߲ߢߐ߲߰ߠߊ ߣߌ߲߬ ߘߌ߫ ߞߍ߫ ߛߊߓߎ߫ ߘߌ߫߸ ߞߏߟߊߘߍߢߐ߲߯ߦߊ ߕߣߐ߬ ߦߌߘߊ ߘߐ߫߸ ߡߊ߬ߡߙߊ߬ߟߌ ߞߏߟߊߘߍߢߐ߲߯ߦߊ ߞߣߐߡߊ߬ ߊߡߊߘߎ߫ ߎߙߌ߬ ߓߊ ߞߊ߬ ߟߌ߬ߤߟߊ ߟߎ߬ ߟߊߖߍ߲ߛߍ߲߫ ߞߊ߬ ߜߟߐߡߌ߲ ߛߏ߯ߙߏߦߊߣߍ߲ ߠߎ߬ ߟߊ߫ ߕߊ߬ߡߌ߲߬ ߊ߬ ߣߌ߫ ߞߣߐ߬ߜߍ߲߬ߠߌ߲ ߓߟߏߟߊߕߎ߲߰ߕߊ ߡߙߌߘߐ ߟߎ߬ ߦߋ߫ ߢߊߞߎߘߦߊߕߊ ߟߋ߬ ߘߌ߫ ߛߋߞߏߦߊ߫ ߟߎ߬ ߘߐ߫، ߏ߬ ߦߋ߫ ߓߊߛߌ߮ ߣߌ߫ ߞߐߝߟߌ ߟߋ߬ ߘߌ߫ ߞߎ߲߬ߠߊ߬ߛߌ߮ ߟߊ߫ ߞߍߕߊ ߟߎ߬ ߘߐ߫. ߞߣߍ ߞߊ߲߫ ߞߏ߫ ߟߎ߫ ߦߋ߫ ߓߟߏߘߐߓߍ߲ ߠߋ߬ ߦߌ߬ߘߊ߬ ߟߊ߫߸ ߖߊ߬ߕߋ߬ߛߎ߰ߓߐ ߓߊ߯ߙߊ ߟߎ߬ ߢߌߣߌ߲ߞߏ ߟߋ߬ ߘߌ߫ ߞߎ߲߬ߠߊ߬ߛߌ߰ߦߊ߬ߟߌ ߛߌߟߊ ߝߍ߬، ߢߌߣߌ߲ߞߏ߫ ߟߎ߬ ߟߊ߬ߟߐ߲߬ߠߌ߲߬ߦߊ߬ߟߌ ߛߌߟߊ ߝߍ߬، ߞߊ߬ ߛߓߍ߫ ߢߣߊߓߐߟߌ ߟߎ߬ ߛߋ߲߬ߠߞߊ߬ߟߌ߬ߦߊ߫ ߞߊ߬ ߣߐ߬ߝߍ߬ߜߍ߲߬ߠߌ߲ ߓߘߍߓߘߍ ߘߊߡߌ߬ߣߊ߬. ߞߵߊ߬ ߓߍ߲߬ ߡߙߌߘߐ ߟߎ߬ ߟߥߊߟߌ ߡߊ߬.