Catégorie : Actualités en N’Ko

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߟߋ߬ ߈/ ߂߀߂߆

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߓߘߊ߫ ߝߊ߬ߙߊ߲߬ߛߌ߫ ߗߋߦߊߟߌ߫ ߘߏ߫ ߟߊߞߢߐ߬ߡߊ߫߸ ߡߍ߲ ߢߍߡߌ߬ߘߊ߬ߣߍ߲߫ ߣߌߞߏߟߊ߫ ߝߏߙߌߛߌߦߍߙ ߓߟߏ߫߸ ߞߐߞߊ߲ߞߏ߫ ߟߎ߬ ߞߏߕߌ߯ ߡߍ߲ ߟߊߢߎ߲߯ߣߍ߲߫ ߞߐߞߊ߲߫ ߖߎ߬ߟߊ߬ߦߊ ߣߌ߫ ߡߛߊ߬ߡߊ߲߬ߠߌ߲ ߠߊ߫. ߏ߬ ߡߍ߲ ߞߎߡߊ߫ ߞߐߣߐ߲ߞߎ߲ߓߊߘߏ߲߫ ߘߊ߫ ߝߊ߬ߙߊ߲߬ߛߌ߫ ߟߊ߬ߛߌ߰ߘߋ߲ ߓߟߏ߫ ߡߍ߲ ߦߋ߫ ߞߐߣߊߞߙߌ߫. ߗߋߦߊߟߌ߫ ߢߌ߲߬ ߞߎ߲߬ߕߋߟߋ߲ ߠߋ߬ ߣߝߊ߬ߢߐ߲߰ߦߊ ߓߌ߬ߟߊ߬ߢߐ߲߰ߡߊ ߟߊߥߙߎߞߌ ߘߌ߫، ߊ߬ ߣߌ߫ ߘߎ߲߬ߘߎ߲߬ߡߊ߬ ߥߛߊ߬ߘߊ߰ߕߌ߮ ߟߎ߬ ߕߍ߫، ߞߵߊ߬ ߓߍ߲߬ ߝߘߏ߬ߓߊ߫ ߣߝߊ߬ߢߐ߲߰ߦߊ ߣߌ߫ ߘߎ߲߬ߘߎ߲߬ߡߊ߬ߕߊ ߟߎ߬ ߟߊߛߓߊ߬ߕߌ ߛߌߟߊ ߡߊ߬߸ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߥߙߎߞߌ. ߘߡߊߝߊߟߋ߲ ߞߎ߲߬ߕߊ߮ ߞߘߐ߫߸ ߗߋߦߊߟߌ߫ ߞߎ߲߬ߕߌ߮ ߞߊ߬ ߞߎߟߎ߲ߖߋߟߌ ߞߍ߫ ߞߵߊ߬ ߓߍ߲߬ ߢߝߍߕߊ߯ ߟߊ߬ߞߎ߲߬ߘߎ߲߬ߣߍ߲ ߡߊ߬، ߊ߬ߟߎ߬ ߣߌ߫ ߖߌ߬ߣߍ߬ ߕߍ߫. ߊ߬ ߣߌ߫ ߞߊ߬ ߟߊ߬ߘߍ߲߬ߞߣߍ߬ߦߊ߬ߟߌ ߞߍ߫ ߞߏ߫ ߊ߬ߟߎ߬ ߓߍߣߊ߬ ߊ߬ߟߎ߬ ߟߊ߫ ߖߘߍ߬ߘߏ߲߬ߒ߬ߞߊ߲ߡߊ ߟߎ߬ ߓߐ߫ ߊ߬ ߛߌߟߊ߫ ߝߍ߬ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲߫ ߟߥߊߟߌߟߌ ߘߐ߫. ߞߊߕߙߍ߬ߕߍ߫ ߞߍ߲ߘߍߦߊ߫ ߡߊ߬ߘߎ߮ ߡߊ߬، ߓߐ߰ߝߍ߬ ߟߊߞߊ߲ߘߊ ߡߊ߬، ߖߎ߬ߓߐ ߟߎ߬ ߡߊ߬ߘߎ߮ ߡߊ߬، ߞߏߕߌ߯ ߝߟߐ ߞߊ߬ ߕߊ߲߬ߘߏ߬ߟߌ ߞߍ߫ ߣߝߊ߬ߢߐ߲߰ߦߊ ߣߌ߲߬ ߟߊߛߓߊ߬ߕߌ߬ߟߌ ߟߊ߫߸ ߊ߬ ߞߊ߬ ߡߊ߬ߞߟߌ߬ߟߌ ߞߍ߫ ߝߊ߲߬ߞߊ ߟߎ߬ ߟߊߘߍ߬ߟߌ ߡߊ߬߸ߞߏߛߊ߫ ߞߊ߬ ߓߐߒߘߊ߫ ߘߎ߲ߡߊߣߍ߲ ߛߐ߬ߘߐ߲߬߸ ߖߡߊ߬ߣߊ߫ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲ ߠߊ߫.

ߞߏ߲ߞߏߘߌ߬ߓߌ ߕߟߋ߬ ߁߀/ ߂߀߂߆

ߊ߬ߟߎ߬ ߘߏ߲߬ ߘߊ߫ ߡߊ߯ߡߎ߲߫ ߖߡߊ߬ ߞߐ߲߬ߙߐ߲߬ߜߐ߲߬ߜߐ߲ ߕߘߍ߬ ߟߊߘߍ߬ߣߍ߲߫ ߊߟߌߡߊߡߌ߲ߦߊ߫ ߘߐ߬ߝߐ ߕߌ߲ߓߌߘߌ߲ߘߊ ߟߊ߫߸ ߞߵߊ߬ ߓߍ߲߬ ߟߊ߰ߖߌ߬ ߊߟߌߝߊ߫ ߌߓߎߙߡߊ߫ ߖߍ߯ߟߊߖߍ߯ߖߌ߬ ߓߊߙߌ߬ ߛߎ߬ߞߏ߬ߦߊ ߡߊ߬߸ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߬ߠߊ߬ߓߊ ߡߍ߲ ߛߌ߬ߞߛߊߓߌ ߕߘߍ߬ ߦߋ߫ ߛߊ߲߬ ߉߁ ߘߐ߫. ߏ߬ ߡߍ߲ ߞߊ߬ ߡߊ߰ߙߌ ߟߊ߫ ߞߟߌߟߌ ߟߊߡߌ߬ߘߊ߬ ߞߏ߲ߞߏߘߌ߬ߓߌ ߕߟߋ߬ ߄/ ߂߀߂߆ ߣߌ߲߬ ߠߊ߫. ߞߊ߲ߓߍ߲ ߞߊ߲ߕߌ߮ ߞߊ߬ߝߏ ߞߎ߲߬ߕߌ߮ ߛߟߊߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫߸ ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߞߎ߲߬ߠߊ߬ߛߌ߮ ߟߊ߫ ߗߋߦߊߟߌ߫ ߘߏ߫ ߢߍߡߌ߬ߘߊ߬ ߡߍ߲ ߣߊ߬ߣߍ߲߫ ߓߍ߲߬ ߠߊ߫ ߡߊ߲߬ߕߏ߲ ߠߊ߫ ߛߎ߬ߞߏ߬ߦߊ ߡߊ߬، ߞߐߙߍ߫ ߢߊߖߌߞߎ߲ߘߎ߲ߕߐ ߟߎ߬ ߝߍ߬، ߊ߬ ߣߌ߫ ߡߊ߯ߡߎ߲߫ ߡߌ߬ߙߌ߲߬ߘߌ ߓߍ߯ ߟߊߘߍ߬ߣߍ߲ ߝߍ߬. ߗߋߦߊߟߌ ߘߐ߫ ߡߊ߬ߘߏ߬ߠߌ߲߬ߠߌ߲ ߣߌ߫ ߞߎ߲߬ߠߊ߬ߛߌ߮ ߓߋߟߋ߲ߕߌ߮ ߕߘߍ߬ ߞߣߍ ߞߊ߲߬ ߣߊߟߌ߬ߡߎ߲߫ ߎߛߎߡߊߣ ߜ߭ߥߊߟ ߖߊߟߏ߫ ߘߌ߫. ߊ߬ ߣߌ߫ ߓߐ߰ߝߍ ߣߌ߫ ߥߙߎߞߌ ߘߎ߲ߡߕߊ ߞߏߕߌ߮ ߖߊߣߌ߬ ߖߊߟߏ߫، ߊ߬ ߣߌ߫ ߣߊߡߎ߲ߞߏ ߟߎ߬ ߝߘߏ߬ߓߊ߫ ߞߟߊ߬ߕߌ߰ ߛߙߍߞߍ ߟߊ߰ߖߌ߬ ߌߓߎߙߊߤߌߡߊ߬ ߓߊ، ߊ߬ ߣߌ߫ ߞߏߕߌ߯ߝߟߐߘߊ ߞߎߓߋߘߐ ߞߎ߲߬ߕߌ߮ ߞߵߏ߬ ߟߊ߫ ߞߏߕߌ߯ ߝߟߐ ߟߊ߫ ߞߏߟߊߕߍ߮ ߘߏ߫ ߟߎ߫ ߞߊ߲߬߸ ߡߊ߬ߡߙߊ߬ߟߌ ߡߙߊ߬ߦߊ ߛߌߦߊߡߊ߲߫ ߝߣߊ߫ ߕߘߍ߬ ߞߣߍ ߞߊ߲߬߸ ߊ߬ ߣߌ߫ ߘߌ߯ߣߊ ߕߊ ߟߎ߬، ߞߵߏ߬ ߓߍ߯ ߟߊ߫ ߊ߲ ߠߊ߫ ߟߊ߲߬ߘߊ߬ߕߌ߮ ߟߎ߬   ߞߊ߲߬،ߡߐ߰ߓߊ ߛߌߦߊߡߊ߲߫ ߞߊ߬ ߛߎ߬ߞߏ߬ߦߊ ߣߌ߲߬ ߢߣߊߓߊ߯ߦߊ߫ ߟߋ߬. ߏ߬ ߟߎ߬ ߘߐ߫ ߝߎߕߊ߫ ߡߏߙߌߡߙߊ ߞߊ߬ߞߘߐ ߡߐ߰ߓߊ ߟߎ߬ ߕߘߍ߬ ߞߣߍ ߞߊ߲߬. ߟߊߓߋ߬ ߕߌ߲ߓߌߘߌ߲ߘߊ߫ ߢߍߓߊ߯ ߝߟߐ، ߊ߬ ߣߌ߫ ߖߎ߬ߟߊ߬ߦߊ ߓߏ߲ߘߋ߲ ߞߐߦߌߘߊߓߊ߮ ߟߎ߬، ߊ߬ ߣߌ߫ ߝߎߟߊߞߊ߲߫ ߝߐߟߊ ߟߎ߬ ߟߊ߫ ߞߊ߲ߕߌ߮، ߞߵߏ߬ ߟߊ߫ ߝߐߙߐ߲ߘߍߛ ߞߊ߲ߕߌ߮ ߞߊ߲߬. ߟߊ߰ߖߌ߬ ߊߟߌߝߊ߫ ߌߓߎߙߊߤߌߡߊ߬ ߖߍߟߑߖߍ߯ߖߌ߬ ߓߊߙߌ߬ ߊ߬ ߝߏ߲߬ߝߏ߲ ߠߎ߬ ߘߐ߫ ߊ߬ ߟߊ߫ ߖߘߍ߬ߘߌ ߟߊߛߘߋߦߊ߫ ߘߊ߫ ߡߐ߰ ߛߌߦߊߡߊ߲߫ ߓߟߏ߫. ߊ߬ ߣߴߊ߬ ߢߍߡߌߙߌ߲ ߣߴߊ߬ ߘߍ߬ߡߍ߲߬ߠߌ߲ ߠߊߛߘߋߦߊ߫ ߖߡߊ߬ߣߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߕߏ߰ߝߏ ߡߊ߬ߡߊ߬ߟߊ ߘߐ߫. ߞߐߣߊߞߙߌ߫ ߞߎߡߌ߫ ߖߎ߬ߟߊ߬ߦߊ߫ ߕߊ߲ߓߊ߲ ߟߊߖߊ߲ߞߏߟߊ، ߊ߬ ߞߊ߬ ߓߊ߯ߙߊ ߛߌ߲ߞߐ߲ߡߌߘߊ ߕߏ߫ ߊ߲ ߓߟߏ߫. ߊ߬ ߣߌ߫ ߞߎ߲߬ߕߋߟߋ߲߫ ߖߐ߲ߖߐ߲߫. ߛߦߊ߬ ߞߐ߲ߘߐ߲߫ ߛߙߊߣߎ߲ ߡߍ߲ ߞߍ߫ ߘߊ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߓߟߏ߫߸ ߞߊ߬ߝߏ ߞߎ߲߬ߕߌ߮ ߕߐ߯ ߘߐ߫ ߊߟߊߡߊ߬ ߊߟߊ߫ ߤߌߣߊ߫ ߘߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߡߊ߬ߘߎ߮ ߓߊ߲߬ߘߊ߲߬ߖߎ߬ߓߊ ߓߋ߬ߣߍ߲ ߠߊ߫. ߊ߬ ߞߏ߬ߣߌ߲߬ ߓߘߊ߫ ߝߏ߲߬ߝߏ߲߫ ߞߙߐ߬ߛߌ߬ߕߊ ߕߏ߫ ߊ߲ ߓߟߏ߫ ߦߊ߲߬߸ ߞߵߊ߬ ߓߍ߲߬ ߥߙߎߞߌ ߗߋߢߊ ߝߊ߬ߛߏ߬ߟߊ߬ߞߊ ߡߊ߬.

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߟߋ߬ ߁߁/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߡߊ߬ߘߎ߮ ߥߊ߬ߣߊ ߟߎ߬ ߓߍ߯ ߟߊߘߍ߬ ߞߏߕߌ߯ߝߟߐߘߊ ߟߊ߫߸ ߞߵߊ߬ ߓߍ߲߬ ߖߊ߬ߕߋ߬ߘߐ߬ߛߌ߮ ߓߊ߯ߙߊ ߟߊߛߌ߲߯ߒߠߊ߫ ߥߣߊ ߟߎ߬ ߟߊ߫ ߞߏ ߡߊ߬߸ ߛߌߡߊ߲ߘߎ߯ ߂߀߄߀ ߖߊ߬ߕߋ߬ߘߐ߬ߛߌ߮ ߘߏ߲߬ߖߟߎ߬ߡߊ߬ߟߊ ߟߎ߬ ߣߌ߫ ߜߋ߬ߟߎ߲߬ߠߌ߲߬ߠߊ ߟߎ߬ ߞߊ߬ ߡߙߌߣߊ߲߫ ߘߐߞߣߍߣߍ߲ ߠߎ߬ ߕߊ߬ ߞߊ߲ߓߍ߲ ߞߊ߲ߕߌ߮ ߟߊ߫ ߢߌߣߌ߲ߞߏ ߟߎ߬ ߘߐߜߍߦߊ߫ ߞߊ߲ߡߊ߬. ߞߎ߲߬ߠߊ߬ߛߌ߮ ߓߋߟߋ߲ߕߌ߮ ߎߛߎߡߊߣ ߜ߭ߥߊߟ ߞߵߊ߬ ߦߌ߬ߘߊ߬ ߞߏ߫ ߘߊߘߐߝߙߊߢߐ߲߯ߦߊ߫ ߥߊߣߍ߲߫ ߜߟߍ߬ߦߊ߫ ߓߍ߲߬ߢߐ߲߰ߦߊ߬ߣߍ߲ ߠߎ߬ ߘߊ߲ߘߊ߫ ߞߏ ߟߋ߬ ߘߊߞߘߐ߫ ((ߞߊ߲ߕߌ߯ߘߊ ߞߎߓߋߘߐ ߗߋߕߌ߮ ߞߏߕߌ߮ ߖߌ߯ߓߊ߫ ߖߊ߬ߞߌ߬ߕߋ߫ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߛߌߡߊ߲ߘߎ߯ ߛߊ߬ߙߌ߬ߦߊ ߟߎ߬ ߟߊ߫. ߡߍ߲ ߦߋ߫ ߖߊ߬ߕߋ߬ߘߐ߬ߛߌ߮ ߟߎ߬ ߞߎ߲߬ߕߋ߬ߟߋ߲߬ߦߊ߬ߟߌ ߞߍ߫ ߟߊ߫ ߡߞߊ߬ߝߏ ߘߐߛߥߊ߬ߣߍ߲ ߞߍ߫ ߟߊ߫߸ ߦߏ߫ ߘߐ߬ߕߊߡߌ߲ ߞߏߟߊߕߍ߮ ߝߊ߬ߛߏ߬ߟߊ߬ߞߊ ߞߊ߬ ߛߊ߬ߙߌ߬ߦߊ߬ ߟߊߘߌ߬ߢߍ߬ߣߍ߲ ߡߍ߲ ߠߎ߬ ߟߊߘߊ߲߫)) ߊ߬ ߞߵߏ߬ ߘߐߞߣߍ߫ ߊ߬ ߢߌ߬ߡߊ ߟߊ߫ ߓߊ߬ ، ߞߵߊ߬ ߓߍ߲߬ ߞߟߍ߬ߦߊ߬ ߢߐ߲߯ߦߋ߫ ߣߝߊ߬ߡߊ ߣߌ߲߬ ߡߊ߬. ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߦߋ߫ ߟߊ߬ߥߊ߲߬ߞߊ߲߬ߠߌ߲ ߘߊߓߕߐ ߟߋ߬ ߘߌ߫. ߞߵߊ߬ ߓߍ߲߬ ߡߊ߬ߝߘߏ߬ߟߌ߫ ߟߊߞߎ߲߬ߘߎ߲߬ߣߍ߲ ߠߎ߬ ߡߊ߬، ߣߊ߲߬ߝߟߏ߬ߦߊ߬ߟߌ ߛߊ߬ߙߌ߬ߦߊ ߟߊߘߊ߲ߓߊߟߌߦߊ ߕߎ߬ߡߊ ߟߊ߫، ߊ߬ ߦߋ߫ ߞߘߎ߬ߜߍߟߍ߲ ߠߋ߬ ߘߌ߫ ߂߀߂߆ ߞߊߙߏ߫ ߛߓߊ߫ ߝߟߐ ߘߊߡߌߣߊߟߌ ߕߎ߬ߡߊ ߣߌ߲߬ ߠߊ߫، ߛߊߣߌ߬ ߞߏ߲ߞߏߘߌ߬ߓߌ ߣߌ߲߬ ߠߊߓߊ߲ ߕߍ߫.(( ߞߊ߬ ߖߎ߬ߓߐ ߘߊߡߌߣߊ ߞߏߟߌߞߏߟߌ ߘߝߊ߫ ߡߊ߬ߡߊ߬ߟߌ ߘߐ߫، ߞߵߊ߬ ߟߐ߬ ߓߊ߯ߙߊ ߛߋ߲߬ߠߞߊ߬ߟߌߦߊ߫ ߡߊ߬ ߊ߬ ߣߴߊ߬ ߛߏ߯ߙߏߦߢߊ)) ߢߐ߲߯ߦߋ ߞߊ߬ ߞߙߎߝߊߟߌ ߞߍ߫ ߞߏߕߌ߯ ߝߟߐ ߘߊߝߍ߬ ߞߊ߲ߕߌ߯ߘߊ ߞߏߕߌ߯ ߞߎߓߋߘߐ ߗߋߕߌ߮ ߟߊ߫ ߞߏ ߟߊ߫، ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬، ߖߌ߬ߣߍ߬ ߥߙߎߞߌ߫ ߖߊ߬ߓߌ߬ߦߊ߬ߟߌ  ߛߌߟߊ ߝߍ߬، ߡߊ߬ߟߐ߬ߟߌ߬ߟߊ ߓߍ߯ ߟߊߘߍ߬ߣߍ߲ ߕߘߍ߬ ߞߣߍ ߞߊ߲߬߸ ߡߊ߬ߡߙߊ߬ߟߌ ߣߌ߫ ߖߊ߬ߕߋ߬ߘߐ߬ߛߌ߰ߓߊ ߟߎ߬ ߜߋ߬ߟߎ߲߬ߠߌ߲߬ߠߊ ߟߎ߬، ߊ߬ ߣߌ߫ ߕߘߍ߬ߒ߬ߘߐ߬ߓߊ߰ ߥߣߊ ߟߎ߬، ߞߣߐ߬ߜߍ߲߬ߠߌ߲ ߣߌ߫ ߜߋ߬ߟߎ߲߬ߠߌ߲ ߣߌ߫ ߖߊ߬ߕߋ߬ߘߐ߬ߛߌ߮ ߡߍ߲ ߞߎ߲߬ߕߋߟߋ߲ ߥߊߣߍ߲߫ ߛߌߡߊ߲ߘߎ߯ ߂߀߄߀ ߢߍߥߟߊ߫ ߖߊ߬ߕߋ߬ߘߐ߬ߛߌ߮ ߘߐ߫(( ߞߵߏ߬ ߟߊ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߞߊ߲߬ ߞߙߎߝߊߟߌ߫ ߛߌߟߊ ߝߍ߬،ߡߍ߲ ߟߐ߬ߣߍ߲ ߛߌߡߊ߲ߘߎ߯ ߂߀߄߀ ߢߍߥߟߊ߫)) ߡߊ߬. ߞߎ߲߬ߠߊ߬ߛߌ߮ ߓߋߟߋ߲ߕߌ߮ ߟߋ߬ ߞߊ߬ ߟߊ߬ߘߍ ߞߎ߲߬ߝߊ߰.

ߞߐߣߊߞߙߌ߫ ߕߙߊߓߊ߫ ߕߟߋ߬ ߃߁/ ߂߀߂߆

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߊ߬ߘߍ ߘߏ߫ ߞߎ߲߰ߠߊ߬ߛߌ߮ ߞߌߔߋ߬ ߂߲ ߞߣߐ߫. ߞߟߊ߬߫ߣߐ߰ߦߊ߬ߟߌ ߖߊ߲߬ߖߏ߲ ߟߊ߬ߞߟߏ߬ߞߟߏ߬ߟߌ ߘߍ߬ߒ߬ߡߊ߬ ߡߊߣߊ߲ߞߎ߲ߦߊ ߝߊ߲߬ ߝߌ߬ߟߊ߬ߣߊ߲، ߞߊ߬ ߝߘߏ߬ߓߊ߫ ߟߊ߬ߞߊ߬ߙߊ߲߬ߠߌ߲߫ ߟߕߊ߬ߡߌ߲߬ߒ߬ߡߊ߬ߟߌ ߢߍߟߥߊ߫ ߟߎ߬ ߟߊߘߍ߬ ߣߘߐ߬ߛߊߦߌ ߓߟߏߡߊ߬.

ߞߎ߲߬ߦߌ߬ߘߊ߬ߟߌ ߣߌ߲߬ ߟߊ߬ߢߌ߬ߣߌ߲ ߠߋ߬ ߟߊ߬ߞߟߏ߬ߞߟߏ߬ߟߌ   ߦߟߍ߬ߘߐ߬ߞߍ ߢߍߥߟߊ ߟߊߘߊ߲ ߘߌ߫،ߏ߬ ߡߍ߲ ߕߐ߯ ߞߏ߫ ( ߔߙߏߘߍߛ ߂߀߂߀ ߣߌ߫ ߂߀߂߉) ߏ߬ ߡߍ߲ ߦߋ߫ ߞߟߍ߬ߦߊ ߝߊ߬ߛߏ߬ߟߊ߬ߞߊ ߟߐ߬ߟߊ߲ ߘߌ߫، ߞߊ߬ ߖߌ߬ߣߍ߫ ߟߊ߬ߞߟߏ߬ߞߟߏ߬ߟߌ ߞߊ߲ߞߋߦߊ ߢߡߊߦߟߍ߬ߡߊ߲߫  ߡߍ߲ ߞߎ߲߬ߛߌ߲߯ߣߍ߲ ߡߞߊ߬ߙߊ߲߬ߢߊ߬ߟߌ ߟߊߓߘߍ߬ߦߊ ߡߞߊ߬ߝߏ ߡߊ߬، ߊ߬ ߕߊ߯ߝߊߘߌ ߢߡߊߦߟߍߡߊ߲ ߊ߬ ߣߌ߫ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߛߋߞߏߦߊ ߡߞߊ߬ߝߏ. ߟߊ߬ߞߟߏ߬ߞߟߏ߬ߟߌ ߡߊߣߊ߲ߞߎ߲ ߞߎ߲߬ߕߋߟߋ߲ ߏ߬ ߦߋ߫ ߛߌ߲߬ߘߟߌ߫ ߟߥߊ߬ߟߌ߬ߟߊ߲ ߣߌ߫ ߣߊ߲߬ߝߟߏ߬ߦߊ߬ߟߌ ߣߌ߫ ߣߝߊ߬ߢߐ߲߰ ߥߙߍ߬ߦߊ ߏ߬ ߟߊߢߌߣߌ߲߫ ߠߋ߬ ߛߐ߬ߘߐ߲߬ߘߊ߫ ߛߋ߲ߞߏߟߊ ߥߙߍߦߊ ߘߌ߫، ߞߵߏ߬ ߟߊ߫ ߣߊ߲߬ߝߟߏ߬ߦߊ߬ߟߌ ߞߵߏ߬ ߟߊ߫ ߡߊ߬ߘߍ߬ߡߍ߲߬ߠߌ߲߫ ߟߞߊߟߌߡߊ߲ ߞߊ߲߬ ߞߊ߬ ߟߊ߬ߞߟߏ߬ߞߟߏ߬ߟߌ ߡߊ߬ߘߎ߮ ߘߐߓߍ߲߬. ߏ߬ ߦߋ߫ ߥߣߍ߬ ߘߐ߬ߕߟߊߣߍ߲ ߠߋ߬ ߝߣߊ߫ ߦߌ߬ߘߊ߬ߟߊ߲ ߘߌ߫، ߞߊ߬ ߞߎ߲߬ߠߊ߬ߛߌ߰ߦߊ߬ߟߌ ߝߊ߲ߞߊߘߏ߲߬، ߛߎߡߊ߲ߢߐ߲߯ߡߊ ߣߌ߫ ߞߐߝߟߌ ߣߌ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߘߐ߫ ߟߊ߬ߞߟߏ߬ߞߟߏ߬ߟߌ ߛߌߟߊ ߝߍ߬، ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߟߞߊ߬ߙߊ߲߬ߠߌ߲ ߞߍߝߋ߲ ߗߋ߲߬ߥߟߎ߬ ߦߙߌߞߊ߫ ߟߊߥߟߏ߫ ߘߊ߫، ߏ߬ ߡߍ߲ ߡߎ߰ߡߍ ߣߊ߲߬ߝߟߏ߬ߦߊ߬ߣߍ߲ ߝߛߎߞߎ߫ ߝߊ߬ߛߏ߬ߟߊ߬ߞߊ ߘߐ߫، ߣߴߏ߬ ߞߏ ߢߊ ߞߊ߬ߙߌ߬ߝߊ߬ߣߍ߲ ߖߌ߬ߣߍ߬ ߞߟߊ߬ߡߊ߬ߓߊ߮ ߟߎ߬ ߟߊ߫߸ ߊ߬ ߣߌ߫ ߝߊ߬ߙߊ߲߬ߛߌ߫ ߥߙߎߞߌ߫ ߖߊ߬ߕߌ߰ߘߊ ߟߊ߫ ߓߟߏߡߊߘߍ߬ߡߍ߲ߠߌ߲ ߞߣߐ߬ߡߊ߬. ߖߙߎߡߎ߲ߦߟߍߡߊ߲߫ ߕߎ߲߰ߣߍ߲ߢߐ߲߰ߠߊ ߊ߬ ߣߌ߫ ߞߊ߬ ߝߊ߬ߘߌ߬ߡߊ߬ߞߟߏ ߞߎߘߍߞߎߘߍ߫ ߛߎߘߎ߲ ߢߊߞߎߘߎߦߊߣߍ߲ ߠߎ߬ ߓߟߏߦߊ߫. ߞߎ߲߬ߠߊ߬ߛߌ߮ ߓߘߴߊ߬ ߟߊ߫ ߘߍ߬ߡߍ߲߬ߠߌ߲߫ ߖߘߍ߬ߘߏ߲߬ߒ߬ߞߊ߲߬ߡߊ ߛߘߊ߫ ߘߐ߫. ߞߊ߬ ߖߌ߬ߣߍ߬ ߡߞߊ߬ߙߊ߲߬ߠߌ߲߬ߠߊ ߟߎ߬ ߟߊߟߐ߲ߠߌ߲߫ ߟߊ߬ߞߟߏ߬ߞߟߏ߬ߟߌ ߓߟߏߓߘߍߡߦߊ߫ ߞߊ߲ߞߋߦߊ߫ ߘߏ߫ ߟߎ߫ ߟߊ߫، ߡߍ߲ ߢߐ߲߰ ߛߐ߬ߘߐ߲߬ߜߏߡߊ߲߫ ߊ߬ ߣߌ߫ ߓߐߒߘߊ ߦߴߊ߬ ߟߊ߫ ߣߴߊ߬ ߞߎ߲߬ߛߌ߲߯ߣߍ߲߫ ߥߙߎߞߌ߫ ߓߟߏߕߍ߰ߓߊߟߌ ߞߐߡߊߓߌ߲ߓߌ߲ ߡߊ߬.

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߟߋ߬ ߁/ ߂߀߂߆

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߓߘߴߊ߬ ߕߊ߫ ߡߊ߬ߝߊ߲ ߞߍ߫ ߂߀߂߆ ߣߊ߲߬ߝߟߏ߬ߦߊ߬ߟߌ߬ ߛߊ߬ߙߌ߬ߦߊ ߟߊ߬ߘߌ߬ߢߍ߬ߟߌ ߟߊ߬ߘߍ ߓߊ߲ߓ߲ߊߣߍ߲ ߘߐ߫، ߘߐ߬ߕߊߡߌ߲ ߞߏߟߊߕߍ߮ ߝߊ߬ߛߏ߬ߟߊ߬ߞߊ ߢߊߞߘߐ߫. ߏ߬ ߡߍ߲ ߟߊ߬ߘߌ߬ߢߍ߬ߟߌ ߞߍ߫ ߘߊ߫ ߞߏߟߌߞߏߟߌ ߘߌ߫. ߛߊ߬ߙߌ߬ߦߊ ߣߌ߲߬ ߦߋ߫ ߝߛߎߞߎߦߊߟߌ ߟߊ߬ߛߌ߲߰ߠߌ߲ ߕߊ߯ߛߌߟߊ߫ ߘߐߞߣߍߣߍ߲ ߠߋ߬ ߦߌ߬ߘߊ߬ ߟߊ߫. ߏ߬ ߡߍ߲ ߦߋ߫ ߓߟߏߓߘߍߡߦߊ߫ ߕߏ߰ߝߏ߬ߕߊ߫ ߖߊ߬ߓߌ߬ߦߊ߬ߟߊ ߘߌ߫ ߖߊ߬ߡߊ ߓߍ߲߬ ߘߊ߫ ߦߙߐ߫ ߝߊ߲߬ ߛߌߦߊߡߊ߲߫ ߡߊ߬ ߞߵߊ߬ ߟߊߛߘߋߦߊ߫ : ߛߐ߬ߘߐ߲߬ߕߊ ߡߊߦߍ߬ߟߍ ߘߊ߫  % +߂߇ ߏ߬ ߦߋ߫ ߖߐ߰ߣߍ߫ ߡߞߊ߬ߝߏ߬ߟߌ ߓߊߓߋ߬ߣߍ߲ ߠߋ߬ ߘߌ߫، ߞߊ߬ ߓߐ߫ % + ߁߈ ߘߐ߫ ߏ߬ ߦߋ߫ ߦߟߍ߬ߟߌ߫ ߟߊߖߍ߲ߛߍ߲ߣߍ߲ ߠߋ߬ ߘߌ߫ % ߉، ߅ ߦߌ߬ߘߊ߬ߟߊ߲ ߘߌ߫ ߏ߬ ߘߏ߲߬ ߦߋ߫ ߞߎ߲߬ߠߊ߬ߛߌ߮ ߥߍ߬ߣߍ ߟߋ߬ ߦߌ߬ߘߊ߬ ߟߊ߫، ߞߵߊ߬ߟߎ߬ ߟߐ߬ ߞߣߐߟߊ ߛߐ߬ߘߐ߲߬ߘߊ ߟߎ߬ ߟߞߊ߬ߝߏ߬ ߟߊ߫. ߞߊ߬ ߝߘߏ߬ߓߊ߬ ߖߐ߰ߣߍ߬ߦߊ߬ߟߌ ߞߍߢߊ ߟߊߢߊ߬، ߊ߬ ߣߌ߫ ߞߊ߬ ߣߊ߲߬ߝߟߏ߬ߘߏ߲߬ߘߊ߬ߟߊ ߞߎ߲߬ߛߌ߲߯ ߝߟߐߦߊ߫ ߡߊ߬ߘߎ߮ ߟߎ߬ ߡߊ߬، ߡߍ߲ ߘߌ߫ ߛߋ߫ ߞߐߝߟߌ߫ ߟߊߥߟߏ߫ ߟߊ߫ ߘߍ߬ߞߏ߬ߦߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߊ߲߬߸ ߣߊ߲߬ߝߟߏ߬ߦߊ߬ߟߌ ߛߊ߬ߙߌ߬ߦߊ ߣߌ߲߬ ߦߋ߫ ߡߊ߬ߝߊ߲ ߓߊ ߟߋ߬ ߞߍ߫ ߟߊ߫ ߛߌߡߊ߲ߘߎ߯ ߂߀߄߀ ߖߊ߬ߕߋ߬ߘߐ߬ߛߌ߮ ߓߊ߯ߙߊ߫ ߛߊ߲߬ ߁ ߘߐ߫، ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߏ߯ߙߏߦߊߣߍ߲߫ ߝߊ߬ߛߏ߬ߟߊ߬ߞߊ߫ ߢߡߊߦߟߍߡߊ߲߫ ߝߊ߲߬ߝߘߊ ߘߍ߬ߡߍ߲߬ߟߊ߲߫ ߝߟߐ߫ ߟߋ߬، ߊ߬ ߕߌ߲ߕߌ߲ߣߍ߲߫ ߣߊ߲߬ߝߟߏ߬ߘߏ߲߬ߘߊ߬ߟߊ ߛߏ߯ߙߏߦߊߣߍ߲߫ ߣߕߊ߬ߘߐ߬ߛߌ߰ ߢߊߞߎߘߦߊߣߍ߲ ߘߐߦߙߌߥߊߣߍ߲ ߟߋ߬ ߞߊ߲߬. ߊ߬ ߣߌ߫ ߞߊ߬ ߓߊ߲ߓߊ߲ߠߌ߲ ߞߍ߫ ߞߍߥߊߟߌ߫ ߡߐ߬ߟߐ߲߬ߡߊ ߟߎ߬ ߟߊ߫ ߡߌ߬ߙߌ߲߬ߘߌ ߟߊ߫ ߢߍߛߎߡߊ ߛߓߊ߬ߕߌ ߛߌߟߊ ߝߍ߬. ߝߛߎߞߎߦߊߟߌ߫ ߟߊߛߌ߲߯ ߞߏߛߐ߲߬. ߞߎ߲߬ߠߊ߬ߛߌ߮ ߦߴߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߊ߫ ߞߎߘߦߊ߫ ߟߊ߫، ߞߊ߬ ߥߙߎߞߌ߫ ߓߊ߯ߙߊ߫ ߡߙߌߣߊ߲ ߟߊߛߌ߲߯، ߏ߬ ߡߍ߲ ߞߎ߲߬ߦߌ߬ߘߊ߬ߣߍ߲߫ ߞߊ߲ߓߍ߫ ߞߊ߲ߕߌ߮ ߞߊ߬ߝߏ ߞߎ߲߬ߕߌ߮ ߡߊ߬ߓߏ߬ߢߊ߬ߕߊ߫ ߡߊ߬ߡߊߘߌ߫ ߘߎ߲ߓߎߦߊ߫ ߓߟߏ߫. ߣߴߏ߬ ߦߋ߫ ߢߍߛߎߡߊ߫ ߣߌ߫ ߢߝߍߕߊ߯ ߢߐ߲߰ߦߋ߬ߜߏߡߊ߲ ߘߎ߲ߡߕߊ ߛߐ߬ߘߐ߲߬ߟߊ߲ ߘߌ߫، ߊ߬ ߣߌ߫ ߛߌ߲ߘߟߌ ߣߌ߫ ߓߐߒߘߊ߫ ߣߌ߫ ߛߌߟߊ߫ ߓߘߍ ߘߌ߫ ߖߌ߬ߣߍ߬ߞߊ߫ ߓߍ߯ ߢߍ߫.

ߞߐߣߊߞߙߌ߫ ߞߏ߲ߞߏߘߌ߬ߓߌ߫ ߕߟߋ߬ ߁/ ߂߀߂߆

ߞߏߕߌ߯ߝߟߐߘߊ ߞߏߕߌ߮ ߞߎߓߋߘߐ ߗߋߕߌ߮ ߓߐ߬ߟߐ߲߬ߞߊ߫ ߝߊߕߎߡߊߕߊ߫ ߓߌ߲߬ߕߊ߬ ߖߊߟߏ߫، ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߐߦߌߘߊߓߊ߮، ߞߵߊ߬ ߕߊ߫ ߡߊ߬ߝߊ߲ ߞߍ߫ ߖߊ߲߬ߖߏ߲ ߘߐ߫، ߞߵߊ߬ ߓߍ߲߬ ߡߊߣߍߦߊ߫ ߘߎ߰ߞߟߏ߫ ߕߏ߬ߙߏ߲߬ߘߏ߬ߟߌ ߓߣߐ߬ߓߊ߰ߕߐ ߟߎ߬ ߟߊ߫ ߞߏ ߡߊ߬. ߏ߬ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߟߊ߲ߜ߭ߎߛ߭ ߓߟߏ߫، ߖߊ߲߬ߖߏ߲ ߞߎ߲߬ߠߊ߬ߛߌ߮ ߘߊ߫ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߣߌ߫ ߘߎ߰ߞߣߍ߫ ߞߏߕߌ߮ ߌߓߎߙߡߊ߫ ߞߊߟߌߟߎ߬ ߞߐ߲ߘߍ߫ ߟߋ߬ ߓߟߏ߫، ߊ߬ ߣߌ߫ ߡߏ߬ߛߏ ߟߎ߬ ߣߌ߫ ߞߐߙߍ ߘߍ߬ߡߍ߲ ߞߏߕߌ߮ ߝߣߊ߫ ߕߘߍ߬ ߞߣߍ ߞߊ߲߬، ߓߐ߬ߟߐ߲߬ߞߊ߫ ߔߊߕߙߌߛ ߊߘߍߟߌߣ ߟߡߊ߫. ߞߵߊ߬ ߓߍ߲߬ ߊ߬ ߟߊ߫ ߢߣߊߓߊ߯ߦߊߟߌ߫ ߥߞߊ߬ߟߌ߬ߡߊ ߡߊ߬، ߓߐ߬ߟߐ߲߬ߞߊ߫ ߖߊߟߏ߫ ߞߊ߬ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊ߫ ߥߣߍ߬ߡߊ߬ߦߊ߫ ߟߊߛߘߋߦߊ߫، ߞߊ߬ ߞߊ߲ߕߌ߮ ߟߊ߫ ߖߡߊ߬ߙߌ ߓߌ߬ߟߊ߬ ߟߥߊ߬ߟߌ߬ߟߌ ߘߊߞߘߐ߫. ߞߵߊ߬ ߓߍ߲߬ ߞߍߒߣߊߓߊ߯ߕߐ ߟߎ߬ ߘߍ߬ߡߍ߲߬ ߞߏ ߡߊ߬. ߞߵߏ߬ ߟߊ߫ ߝߟߐ߫ ߛߙߍߘߍߦߊߟߌ߫ ߜߍߦߊߣߍ߲ ߠߊ߫ ߣߴߊ߬ ߘߎ߲ߡߊߣߍ߲ ߟߊߘߊ߲߫ ߡߊ߬ ߡߍ߲ ߘߝߊߣߍ߲ ߟߊ߬ߞߊ߲߬ߘߊ߬ߟߌ ߟߊ߫ ߝߙߋߞߋ ߜߍߟߍ߲ ߢߌ߲߬ ߘߊ߲ߘߊ߫ ߞߊ߲ߡߊ߬.

ߞߐߣߊߞߙߌ߫ ߕߙߊߓߊ ߕߋ߬ߟߋ߫ ߂߆/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߗߋߦߊߟߌ߫ ߘߏ߫ ߟߊߛߣߍ߫. ߞߵߊ߬ ߓߍ߲߬ ߗߋߦߊߟߌ߫ ߝߊ߲߬ߝߌ߬ߟߊ߬ߡߊ ߡߊ߬ ߞߊ߬ ߝߘߊ߫ ߣߊ߲߬ߝߟߏ߬ߦߊ߬ߟߌ ߞߏߟߊߘߍ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߊ߫ (ߍߛ ߍߝ ߊ) ߏ߬ ߡߍ߲ ߦߋ߫ ߖߊ߯ߓߊ ߜߍߓߏ߲ ߓߏߟߏ߲ߝߘߊ߫ ߘߏ߫ ߘߌ߫߸ ߏ߬ ߡߍ߲ ߢߍߡߌ߬ߘߊ߬ߣߍ߲ ߝߘߏ߬ߓߊ߬ ߞߟߊ߬ߕߌ߮ ߡߊߞߑߕߊߙ ߖߐߔ ߓߟߏ߫. ߗߋߦߊߟߌߓߊ ߣߌ߲߬ ߞߎ߲߭ ߠߋ߬ ߞߟߍ߬ߦߊ ߣߝߊ߬ߢߐ߲߰ߦߊ ߝߊ߲߬ߞߊߘߏ߲߭ ߘߌ߫ ߖߌ߬ߣߍ߬ ߣߌ߫ ߡߊ߲߬ߕߏ߲߬ߕߍ߫ ߣߊ߲߬ߝߟߏ߬ߦߊ߬ߟߌ ߛߌ߲߬ߝߏ߲߬ߘߊ ߕߍ߫، ߏ߬ ߡߍ߲ ߟߊ߬ߢߌߣߌ߲ ߦߋ߫ ߖߊ߬ߕߋ߬ߘߐ߬ߛߌ߰ ߕߣߐ߬ߡߊ ߟߎ߬ ߞߎ߲߬ߠߊߞߊ߭ ߘߌ߫. ߞߊ߬ ߢߡߊߦߟߍߡߊ߲߫ ߛߏ߯ߙߏߦߊߣߍ߲߫ ߛߋ߲߬ߠߞߊ߬ߟߌ߬ߦߊ߫. ߊ߬ ߣߌ߫ ߞߊ߬ ߘߎ߲߬ߘߎ߲߬ߡߊ߬ ߡߊߘߎ߯ ߟߎ߬ ߞߐߡߊߓߌ߲ߓߌ߲߫. ߞߊߕߙߍ߬ߕߍ߫ ߛߌߡߊ߲ߘߎ߯ ߂߀߄߀ ߢߍߥߟߊ ߡߊ߬. ߞߊ߬ ߘߡߊߝߊߟߋ߲ ߟߊ߬ߘߏ߲߬ ߊ߬ ߘߐ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߣߊ߲߬ߝߟߏ߬ߦߊ߬ߟߌ ߣߌ߫ ߝߛߎߞߎߦߊߟߌ ߞߏߕߌ߮ ߓߟߏ߫ ߡߙߊߡߊ߫ ߛߙߋ߫ ߛߌ߬ߟߊ߫ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߢߌߣߌ߲ߞߏ߫ ߞߎ߲ߓߊ ߟߎ߬ ߟߊ߫߸ ߞߵߊ߬ ߓߍ߲߬ ߣߊ߲߬ߝߟߏ߬ߘߏ߲߬ߘߊ߬ߟߊ ߓߍ߲߬ߒ߬ߛߋ߲߬ߡߊ ߟߎ߬ ߞߎ߲߬ߠߊߞߊ߭ ߡߊ߬، ߞߏߢߊ ߕߏ߰ߝߏ ߝߊ߲߬ߞߊߘߏ߲߭ ߘߐ߫. ߞߵߏ߬ ߟߊ߫ ߞߎ߲߬ߠߊ߬ߛߌ߮ ߟߊ߫ ߡߊ߬ߘߍ߬ߡߍ߲߬ߠߌ߲ ߞߊ߲߬ ߥߙߎߞߌ ߝߟߐߦߊ ߞߏ ߟߎ߬ ߘߐ߫. ߍߛ ߍߝ ߊ ߝߘߏ߬ߓߊ߬ ߗߋߕߌ߮ ߡߊߞߑߕߊߙ ߖߐߔ ߊ߬ ߞߵߊ߬ ߟߊ߫ ߘߎ߲߬ߘߎ߲߬ߡߊ ߘߐ߰ߘߏ߲ ߦߌ߬ߘߊ߬ ߖߌ߬ߣߍ߬ ߟߊ߫. ߏ߬ ߡߍ߲ ߦߋ߫ ߣߕߊ߬ߘߐ߬ߛߌ߮ ߣߌ߫ ߓߌ߬ߟߊ߬ߢߐ߲߰ߡߊ ߞߊ߬ߞߘߐ߬ ߘߌ߫ ߊ߬ ߣߌ߫ ߞߏߕߌ߯ ߝߟߐ ߟߊ߫ ߕߍߓߊ߯ߦߊ߫ ߛߊߓߎ߫ ߟߊ߫. ߏ߬ ߡߍ߲ ߦߴߊ߬ ߜߙߋ߬ ߘߎ߲ߓߎߟߞߊ ߟߌ߬ߤߟߊ߬ ߛߌߦߊߡߊ߲߫ ߞߟߊ߬ߡߊ߬ ߤߊߟߌ߬ ߡߍ߲ ߣߴߊ߬ߟߎ߬ ߟߊ߫ ߘߎ߲߬ߘߎ߲߬ߡߊ߬ ߕߍߓߊ߯ߦߊ ߕߍ߫ ߞߋߟߋ߲ߘߌ߫. ߊ߬ ߞߊ߬ ߡߊ߬ߜߟߍ߬ߦߊ߬ߟߌ ߞߍ߫ ߝߊ߬ߟߋ߲߬ߢߐ߲߰ߘߐ ߘߐߘߎ߲߬ߧߊ߬ߣߍ߲ ߡߐ߬ߟߐ߲߬ߡߊ߬ߦߊ߬ߟߌ ߟߊ߫، ߞߵߊ߬ ߓߍ߲߬ ߖߘߍ߬ߘߏ߲߬ߒ߬ߞߊ߲߬ߡߊ ߗߋߢߊߟߌ ߡߊ߬ ߊ߲ ߠߊ߫ ߖߡߊ߬ߣߊ ߓߊ߯ߙߊ ߘߐ߫. ߊ߬ ߞߵߊ߬ ߡߊߜߟߍ߬ߦߊ߬ ߌߞߐߕߎ߲߯ ߞߏ߫ ߞߊ߬ ߝߍ߬ߙߍ ߓߍ߯ ߞߍ߫ ߛߌߡߊ߲ߘߎ߯ ߂߀߄߀ ߢߍߥߟߊ߫ ߞߎ߲߬ߕߋߟߋ߲ ߦߋ߫ ߞߍ߫ ߞߍߟߌ ߓߘߍ ߛߎߡߊ߲ߕߊ ߘߌ߫. ߍߛ ߍߝ ߊ ߝߘߏ߬ߓߊ߬ ߗߋߕߌ߯ ߓߘߊ߫ ߝߟߐߦߊ߫ ߛߌߦߊߡߊ߲߫ ߞߣߍ ߟߊߘߊ߲ ߞߊߕߙߍ߬ߕߍ߫ ߥߙߎߞߌ ߣߌ߫ ߞߏ߲ߞߏߘߐߟߊ߫ ߖߎ߬ߓߐ ߟߎ߬ ߞߐߡߊߓߌ߲ߓߌ߲ߠߌ߲ ߡߊ߬، ߞߊ߬ ߛߣߍ߬ߞߍ ߞߐߡߊߓߌ߲ߓߌ߲، ߢߎߡߍߦߊߟߌ ߡߊ߬ߘߎ߮ ߘߎ߲߬ߘߎ߲߬ߡߊ߬ߕߊ ߟߎ߬ ߟߞߊ߬ߟߌ. ߢߎߡߍߙߋ߲ߦߊߟߌ ߝߊ߲߬ߞߊߘߏ߲߭. ߊ߬ ߣߌ߫ ߞߣߐߟߊ ߞߟߏߞߕߏ ߡߍ߲ ߠߎ߬ ߘߌ߫ ߛߋ߫ ߘߎ߲߬ߘߎ߲߬ߡߊ߬ ߡߊ߬ߘߎ߯ ߝߊ߬ߛߏ߬ߟߊ߬ߞߊ ߟߎ߬ ߛߏ߯ߙߏߦߊߟߌ ߓߟߏߦߊ߫ ߟߊ߫ ߞߵߊ߬ ߟߊߓߐ߫ ߜߍ߫ ߟߊ߫ ߘߎ߲ߡߊ߫ ߓߟߏߡߊ߬. ߞߐߖߊߓߌ ߘߐ߫ ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߗߋߦߊߟߌ ߟߊ߫ ߘߡߊߝߊߟߋ߲߫ ߞߍߢߊ ߟߊ߫ ߓߘߍ߬ߦߊ ߦߌ߬ߘߊ߬. ߞߏ߫ ߞߊ߬ ߝߙߍ߬ ߞߍ߫ ߞߊ߬ ߣߝߊ߬ߢߐ߲߰ ߛߐ߬ߘߐ߲߬ ߊ߲ ߣߌ߫ ߡߍ߲ ߠߎ߬ ߘߌ߫ ߛߋ߫ ߡߍ߲ ߠߊ߫ ߢߐ߲߮ ߝߍ߬ ߥߊ߯ߕߌ߫ ߖߊ߲߫ ߞߘߐ߫. ߊ߬ ߦߋ߫ ߘߝߐ߬ ߞߎ߲߬ߞߋߟߋ߲ ߠߊߘߊ߲߫ ߠߊ߫ ߡߍ߲ ߘߐ߫، ߊ߬ ߣߌ߫ ߜߙߋ ߟߊ߫ ߥߙߎߞߌ ߗߋߢߟߊ߫ ߖߘߍ߬ߓߐ߬ߟߊ߬ ߟߎ߬ ߊߡߊߘߎ߫ ߎߙߌ߬ ߓߊ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߦߋ߫ ߢߡߊߦߟߍߡߊ߲߫ ߘߐߘߎ߲߬ߧߊ߬ߣߍ߲ ߟߕߊߡߌ߲ ߠߋ߬ ߟߊ߫ ߕߋ߲߬. ߡߍ߲ ߡߊ߬ߞߏ ߦߋ߫ ߢߡߊߦߟߍߡߊ߲ ߠߊ߫ ߛߋߞߏߦߊ ߛߏ߯ߙߏߦߊߣߍ߲ ߠߊ߫. ߕߎ߬ߡߊ߬ ߞߋߟߋ߲߫ ߏ߬ ߟߊ߫ ߊ߬ ߞߊ߬ ߞߎ߲߬ߠߊ߬ߛߌ߮ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߦߌ߬ߘߊ߬ ߞߵߊ߬ ߓߍ߲߬ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߟߥߊ߬ߛߊ߬ ߓߐ߰ߝߍ ߘߏ߫ ߛߌ߲ߘߌ ߡߊ߬. ߞߊߕߙߍ߬ߕߍ߫ ߞߏ߲ߞߏߘߐߟߊ߫ ߘߌ߲߬ߞߌߙߊ ߟߎ߬ ߘߐߦߙߌߥߊ߫ ߞߏ ߡߊ߬. ߢߎߡߍ ߡߊ߬ߘߎ߮ ߟߎ߬ ߖߙߎߡߎ߲ߦߟߍߡߊ߲، ߢߎߡߍߙߋ߲ߦߊߟߌ ߛߋ߲߬ߠߞߊ߬ߟߌ߬ߦߊ، ߊ߬ ߣߌ߫ ߘߎ߲߬ߘߎ߲߬ߡߊ߬ ߡߊ߬ߘߎ߮ ߟߎ߬ ߞߐߡߊߓߌ߲ߓߌ߲.

ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲ ߊ߬ ߞߊ߲߬ ߌߞߐ߫ ߞߏ߫ ߊ߬ ߖߊ߬ߕߋ߬ߘߐ߬ߛߌ߮ ߛߏ߯ߙߏߦߢߊ ߘߊߘߐߓߍ߲߭ ߦߋ߫ ߢߊ߬ߒ߬ߞߐ߬ߓߊߟߌ ߝߊ߲߬ߞߊ߬ߘߏ߲߬ߕߊ ߟߋ߬ ߘߌ߫. ߕߐ߰ߡߊ߬ߛߙߋ ߖߐ߲ߖߐ߲߫ ߟߊ߫ ߖߊ߬ߕߋ߬ߘߐ߬ߛߌ߮ ߛߍߝߍ߲ߠߌ߲ ߠߊ߫. ߣߊ߲߬ߝߟߏ߬ߦߊ߬ߟߌ ߞߙߎߝߊߟߌ. ߊ߬ ߣߌ߫ ߛߋ߲ߞߏߟߊ ߢߎߡߍߦߊߟߌ ߟߊ߫ ߓߘߍ߬ߦߊ. ߏ߬ ߡߍ߲ ߦߋ߫ ߖߊ߬ߕߋ߬ߘߐ߬ߛߌ߰ߓߊ ߟߎ߬ ߛߌ߰ ߟߊ߫ ߛߋ߲߬ߞߊ߲߬. ߊ߬ ߞߊ߬ ߥߙߎߞߌ ߢߍߥߟߊ ߟߎ߬ ߝߟߐ߫ ߓߌ߬ߟߊ߬ ߢߍߝߍ߬. ߊ߬ ߣߌ߫ ߞߐ߰ߘߎ߰ ߓߊ߯ߙߓߊ ߣߌ߫ ߞߵߏ߬ ߟߊ߫ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߰ߓߊ ߞߊ߲߬. ߏ߬ ߡߍ߲ ߦߋ߫ ߡߊ߬ߞߟߌ߬ߟߌ ߞߍ߫ ߟߊ߫ ߖߌ߬ߣߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲߫ ߡߊ߬ ߘߎ߲ߡߊ߫ ߓߟߏߡߊ߬. ߊ߬ ߣߌ߫ ߞߵߊ߬ ߛߋ߲߭ ߓߊ߲ߓߊ߲߫ ߕߌ߲߬ߞߎߘߎ߲߫ ߠߊ߫ ߞߏ ߟߎ߬ ߘߐ߫.

ߞߐߣߊߞߙߌ߫ ߕߙߊߓߊ߫ ߕߋ߬ߟߋ߫ ߂߆/ ߂߀߂߆

ߞߵߊ߬ ߓߍ߲߬ ߞߟߍ߬ߦߊ ߘߡߊߝߊߟߋ߲߫ ߘߐߘߎ߲߬ߧߊ߬ߣߍ߲ ߘߊߡߌ߬ߣߊ߬ ߞߏ ߡߊ߬ ߏ߬ ߟߏ߲. ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߝߘߏ߬ߓߊ߬ ߥߎ߬ߙߊ߬ߟߊ ߞߏ ߓߟߏߘߐߓߍ߲ ߞߍ߫ ߣߊ߲߬ߝߟߏ߬ߦߊ߬ߟߌ߫ ߞߏߟߊߘߍ߫ ߡߊ߲߬ߕߏ߲߬ߕߍ߬ߟߊ߬ߞߊ ߗߋߦߊߟߌ ߢߍ߫. ߏ߬ ߡߍ߲ ߢߍߡߌ߬ߘߊ߬ߣߍ߲߫ ߕߘߍ߬ ߊ߬ ߝߘߏ߬ߓߊ߬ ߗߋߕߌ߮ ߡߊߞߑߕߊߙ ߖߐߔ ߓߟߏ߫ ߞߵߊ߬ ߓߍ߲߬ ߊ߬ ߟߊ߫ ߟߏ߲߫ ߠߕߊߡߌ߲߫ ߓߊ߯ߙߊ ߕߟߋ߬ ߝߌߟߊ߬ߣߍ߲ ߡߊ߬ ߖߌ߬ߣߍ߬ ߞߊ߲ߓߍ߲ ߞߣߐ߫. ߢߐ߲߯ߦߋ߫ ߣߌ߲߬ ߞߊ߬ ߞߎ߲߬ߠߊ߬ߛߌ߮ ߛߌ߲߬ߝߏ߲߬ ߛߌߦߊߡߊ߲߫ ߠߋ߬ ߟߊߘߍ߬. ߊ߬ ߣߌ߫ ߛߋ߲ߞߏߟߦߊ߫ ߣߝߊߢߐ߲߮ ߠߎ߬ ߣߌ߫ ߣߊ߲߬ߝߟߏ߬ߦߊ߬ߟߊ ߟߎ߬، ߊ߬ ߣߌ߫ ߘߎ߲߬ߘߎ߲߬ߡߊ߬ ߡߊ߬ߘߎ߯ ߥߣߊ߬ ߝߊ߬ߛߏ߬ߟߊ߬ߞߊ߫ ߛߌߦߊߡߊ߲߫. ߞߵߊ߬ ߓߍ߲߬ ߓߌ߬ߟߊ߬ߢߐ߲߰ߡߊ ߟߎ߬ ߓߟߏߘߏ߲ߢߐ߲߰ߓߟߏ ߘߎ߲ߡߕߊ ߟߊߘߊ߲ ߡߊ߬. ߘߡߊߝߊߟߋ߲߫ ߕߎߡߊ ߏ߬ ߞߊ߬ ߘߍ߬ߡߍ߲߬ ߞߍ߫ ߣߝߊ߬ߢߐ߲߰ߦߊ߫ ߞߍߝߊߘߌ߫ ߟߎ߬ ߟߢߊ߬ߟߌ ߘߐ߫ ߖߌ߬ߣߍ߬ ߣߌ߫ ߖߊ߯ߓߊ߫ ߜߍߓߏ߲ ߣߌ߫ ߢߐ߲߯ ߕߍ߫ ߊ߬ ߓߏߟߏ߲ߝߘߊ߫ ߟߊ߫ ߛߐ߲ߞߐߟߐ߲ߧߊ ߛߌߟߊ ߝߍ߬. ߣߊ߲߬ߝߟߏ߬ߦߊ߬ߟߌ ߞߏߟߊߘߍ߫ ߡߊ߲߬ߕߏ߲߬ߕߍ߬ߟߊ߬ߞߊ. ߊ߬ ߞߵߊ߬ ߕߊ ߡߊ߬ߝߊ߲ ߞߍ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߛߌߟߊ ߟߎ߬ ߟߊߢߊ߬ ߞߏ ߝߣߊ߫ ߘߐ߫ ߞߵߊ߬ ߝߊ߲߬ߞߊߘߏ߲߬ߠߌ߲ ߟߊߛߓߊ߬ߕߌ ߝߘߏ߬ߓߊ߬ ߡߊ߬ߘߎ߮ ߣߌ߫ ߘߎ߲߬ߘߎ߲߬ߡߊ߬ ߡߊ߬ߘߎ߮ ߟߎ߬ ߥߊ߬ߣߊ ߟߎ߬ ߣߌ߫ ߢߐ߲߯ ߕߍ߫. ߊ߬ ߣߌ߫ ߞߊ߬ ߖߊ߬ߕߋ߬ߘߐ߬ߛߌ߮ ߛߏ߯ߙߏߦߊߣߍ߲ ߓߊ߯ߙߊ ߟߎ߬ ߓߌ߬ߟߊ߬ ߡߊ߬ ߞߍߟߌ߫ ߝߊߘߌ ߘߐ߫߸ ߊ߬ ߣߌ߫ ߖߡߊ߬ߣߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߫ ߘߎ߲ߡߕߊ߫ ߢߡߊߦߟߍߡߊ߲ ߣߊ߬ߕߊ.

ߞߐߣߊߞߙߌ߫ ߕߙߊߓߊ߫ ߕߟߋ߬ ߃߀/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߖߊ߲߬ߖߏ߲ ߘߏ߫ ߘߊߦߟߍ߬ ߞߐߟߐ߲ߓ ߞߎߓߋ ߞߣߐ߫، ߡߍ߲ ߞߍߣߍ߲߫ ߛߊ߬ߙߌ߬ߦߊ߬ ߞߎߘߊ߫ ߞߟߊ߬ߣߐ߰ߦߊ߬ߟߌ ߘߌ߫ ߞߏߟߊߕߍ߮ ߟߎ߬ ߟߊ߫ ߞߏ ߘߐ߫، ߡߎ߬ߕߎ߲߬ ߡߍ߲ ߛߌ߲߬ߝߏ߲߬ߢߊ߬ߕߐ߫ ߓߊ߯ߙߊ ߞߏ ߟߎ߬ ߘߐߞߣߍ߫ ߞߊ߲ߡߊ߬. ߘߊߘߐߓߍ߲ߠߌ߲ ߞߎߘߊ ߣߌ߲߬ ߓߘߊ߫ ߛߋ߲߬ߕߊ߰ߓߊ ߞߍ߫ ߸ ߞߵߊ߬ ߟߐ߬ ߟߥߊ߬ߟߌ߬ ߞߊ߲ߞߋߦߊ ߡߊ߬ ߛߌ߲߬ߝߏ߲߬ߘߊ ߛߏ߯ߙߏߦߊߣߍ߲ ߠߎ߬ ߞߎ߲߬ߠߊ߬ߛߌ߰ߦߊ߬ߟߌ ߛߌߟߊ ߝߍ߬، ߡߍ߲ ߞߎ߲߬ߛߌ߲߬ߣߍ߲߫ ߞߎ߲߬ߞߊߟߌߦߊ ߣߌ߫ ߞߐߝߟߌ߫ ߟߊߥߟߏ ߟߊ߫. ߕߏ߰ߝߏ ߏ߬ ߟߎ߬ ߞߎ߲߬ߛߌ߲ߣߍ߲߫ ߝߟߐߦߊ߫ ߝߊ߬ߛߏ߬ߟߊ߬ߞߊ ߞߊߡߊ߲ ߠߋ߬ ߡߊ߬. ߦߏ߫ ߛߌߡߊ߲ߘߎ߯ ߂߀߄߀ ߢߍߥߟߊ߫ ߏ߬ ߡߍ߲ ߣߐ߬ ߛߊ߬ߙߌ߬ߦߊ ߘߏ߫ ߟߊߘߌ߬ߢߍ ߛߋ߲ߛߋߘߋ߲ߧߊ߫ ߟߊ߫ ߓߊ߯ߙߊ ߞߍߗߌߦߊ ߟߎ߬ ߘߏ߲߬ߖߟߎ߬ߡߊ߬ߟߌ ߞߏߢߌߡߊ ߘߐ߫ ߝߘߏ߬ߓߊ߬ ߞߏ ߟߎ߬ ߟߥߊߟߌߟߌ ߛߌߟߊ ߝߍ߬. ߊ߬ ߓߊߛߌ߰ߣߍ߲߫ ߘߐ߬ߜߟߍ߬ߦߊ߬ߟߌ ߞߍߝߊߘߌ ߞߎߘߊ ߡߊ߬߸ ߞߵߏ߬ ߟߐ߬ ߓߊ߯ߙߊ߫ ߞߏߟߊߘߍߢߐ߲߯ߦߊ ߛߌߟߊ ߡߊ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲߫ ߡߊ߬ߝߊ ߟߊߛߓߊ߬ߕߌ ߢߊ߬ߒ߬ߞߐ߬ߓߊ߬ߟߌ߬ߦߊ ߞߊ߲߬ ߘߐ߬ߛߙߋ ߟߎ߬ ߓߊ߯ߙߊ ߘߐ߫ ߊ߬ ߣߌ߫ ߖߡߊ߬ߦߊ ߛߏ߬ߓߌ߬ߟߊ߬ߞߎߣߎ߲ ߢߊ߬ߕߣߐ߬ߡߊ ߓߊ߯ߙߟߊ ߟߎ߬ ߣߌ߫ ߢߐ߲߯ ߕߍ߫. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߕߞߌߦߊ ߓߊ߯ߙߊ ߟߎ߬ ߟߊ߫ ߛߊ߬ߙߌ߬ߦߊ ߡߊ߫ ߘߌ߬ߢߍ߬ ߡߍ߲ ߡߊ߬߸ ߞߵߊ߬ ߟߐ߬ ߥߊ߯ߕߌ ߣߌ߲߬ ߡߊ߬ߜߟߍ߬ߦߊ߬ߟߌ ߟߎ߬ ߡߊ߬߸ ߏ߬ ߡߍ߲ ߦߋ߫ ߖߊ߲߬ߓߌ߬ߟߊ߬ߟߌ ߞߍ߫ ߟߊ߫ ߕߏ߰ߝߏ ߘߏ߲߬ߖߟߎ߬ߡߊ߬ߣߍ߲ ߠߊ߫ ߢߌߣߌ߲ߞߏ߫ ߞߋߟߋ߲ߢߐ߲߯ߦߊ ߘߐ߫. ((ߡߐ߰ ߛߌ߫ ߛߋߞߏߦߊ߫ ߕߍ߫ ߝߘߏ߬ߓߊ߫ ߞߎ߲߬ߕߋߟߋ߲߫ ߠߎ߬ ߡߊߟߐ߲ ߘߐ߫ ߝߏ߫ ߡߞߊ߬ߝߏ߬ߟߌ ߓߊ߯ߙߊ ߘߏ߫ ߟߎ߫ ߦߋ߫ ߞߍ߫)) ߛߊ߬ߙߌ߬ߦߊ߬ߛߋ߲ ߟߊߘߊ߲ߣߍ߲ ߦߋ߫ ߞߘߐߓߐߟߌ ߓߟߏߟߊߕߎ߲߰ߕߊ ߟߋ߬ ߘߌ߫ ߞߵߊ߬ ߓߍ߲߬ ߓߟߏߡߊߢߌ߲ߦߊ ߡߊ߬ߝߊ߲ ߡߊ߬ ߞߵߊ߬ ߟߐ߬ ߓߊ߯ߙߊ ߓߐߣߍ߲ߢߐ߲߰ߡߊ ߟߎ߬ ߡߊ߬ ߡߍ߲ ߓߊߛߌ߰ߣߍ߲ ߞߎ߬ߙߎ߲߬ߘߎ ߘߣߊ߬ߕߍ߰ߣߍ߲ ߘߏ߫ ߞߊ߲߬. ߞߊߕߙߍ߬ߕߍ߫ ߖߎ߯ߓߍߟߌ ߛߎ߯ߦߊ ߟߎ߬ ߡߊ߬. ߞߏ߫ ߟߎ߫ ߞߍ߫ ߥߊ߯ߕߌ ߟߎ߬ ߡߊߓߏ߬ߢߊ ߣߌ߫ ߞߎ߲߬ߦߌ߬ߘߊ߬ߟߌ ߟߎ߬ ߟߊߞߍ߲ߘߍߡߦߊ ߘߐ߫. ߊ߬ ߟߊߢߌߣߌ߲ ߠߋ߬ ߟߊ߬ߥߟߏ߬ߟߌ ߓߟߏߡߦߊߟߌ߫ ߛߏ߯ߙߏߦߊߣߍ߲ ߘߌ߫. ߡߍ߲ ߘߌ߫ ߛߋ߫ ߘߐߛߏߘߏ߲ߜߊ߫ ߟߊ߫ ߡߙߊ߬ߦߊ ߟߊ߫ ߡߙߌߣߊ߲ ߠߎ߬ ߟߊ߫ ߞߋߟߋ߲ߘߌ߫. ((ߛߊ߬ߙߌ߬ߦߊ߬ߛߋ߲ ߦߋ߫ ߡߐ߰ ߞߍ߫ ߟߊ߫ ߖߊ߬ߓߌ߬ߦߊ߬ߟߊ ߟߋ߬ ߘߌ߫ ߌ ߞߍߥߊߟߌ߫ ߟߎ߬ ߘߐ߫، ߓߊ߯ߙߊ߫ ߘߌߦߊ ߕߍ߫ ߞߎߡߊ ߘߌߦߊ߫ ߓߘߍ ߘߌ߫ ߓߊ߯ߙߊ߫ ߦߙߐ ߟߋ߬، ߞߐߝߟߌ ߟߊߓߐ ߦߙߐ ߟߋ߬، ߊ߬ ߣߌ߫ ߡߍ߲ ߦߴߊ߬ ߞߊ߲߬ ߞߊ߬ ߞߍ߫)) ߦߊ߯ߟߊ߫ ߊ߬ ߞߵߏ߬ ߡߊߜߟߍ߬ߦߊ߬ ߓߊ߬؟

ߞߏߕߌ߯ ߝߟߐ ߓߘߊ߫ ߘߐ߬ߞߣߍ߬ߟߌ ߞߍ߫ ߞߎ߲߬ߠߊ߬ߛߌ߮ ߛߋߞߏߦߊ ߣߴߊ߬ ߞߍߥߊߟߌ ߟߎ߬ ߟߊ߫ ߓߊ߯ߙߊ ߘߊߞߎ߲ ߠߎ߬ ߘߐ߫. ߞߵߊ߬ ߓߍ߲߬ ߞߐߝߟߌ߫ ߢߣߊߡߊ ߟߎ߬ ߟߊߥߟߏ ߡߊ߬߸ ߊ߬ ߣߌ߫ ߞߊ߬ ߓߍ߲߬ߒ߬ߡߊ߬ߞߊ߲ ߠߎ߬ ߟߥߊߟߌ߫. ߊ߬ ߞߵߊ߬ ߕߌ߲ߕߌ߲߫ ߓߍߓߊ߯ߦߊ߫ ߡߌ߬ߙߌ߲߬ߡߊ ߞߊ߲߬. ߡߍ߲ ߓߍ߲߬ߕߐ߫ ߟߊ߬ߥߟߏ߬ߟߌ ߞߎ߲߬ߕߊ߮ ߡߊ߬. ߡߍ߲ ߘߐߖߊ߬ߣߍ߲ ߞߵߊ߬ ߞߣߐ߬ߜߍ߲߫ ߓߟߏߓߘߍߡߦߊ߫ ߞߏ ߘߐ߫. ߞߎ߲߬ߦߌ߬ߘߊ߬ߟߌ߫ ߟߊߥߟߏߣߍ߲ ߦߋ߫ ߡߙߊ߬ߦߊ ߥߊ߬ߣߌ߲߬ߞߋ ߟߋ߬ ߘߌ߫، ߞߵߊ߬ ߟߐ߬ ߝߘߏ߬ߓߊ߫ ߓߘߍ߬ߓߘߍ߬ߟߌ ߡߊ߬ ߡߊ߬ߡߙߊ߬ߟߌ ߛߋ߲߬ߠߞߊ߬ߟߌ߬ߦߊ ߘߐ߫، ߞߍߢߊ ߓߟߏߦߊߣߍ߲ ߦߋ߫ ߝߊ߲߬ߝߘߊ߬ߦߊ߬ߟߌ߫ ߝߟߐߦߊ ߟߋ߬ ߘߌ߫߸ ߞߵߊ߬ ߟߐ߬ ߢߎߡߍߦߊߟߌ ߡߊ߬ ߞߵߊ߬ ߟߐ߬ ߟߛߊ߬ߣߌ߲߬ߧߊ߬ߟߌ ߣߌ߫ ߖߎ߬ߓߐ ߟߎ߬ ߟߊ߫ ߞߏ ߡߊ߬. ((ߣߴߊ߲ ߗߌߙߏ߲ ߘߊ߫ ߖߡߊ߬ߣߊ ߟߋ߬ ߗߌߙߏ߲ߣߍ߲ ߖߡߊ߬ߦߊ ߓߟߏߡߊ߬ ߊ߲ ߕߍߣߊ߬ ߛߐ߲߬ ߣߴߏ߬ ߡߊ߬ ߢߊ߫ ߛߌ߫ ߡߊ߬. ߣߴߏ߬ ߕߍ߫ ߟߏ߲ ߘߏ߫ ߢߌ߬ߣߌ߲߬ߞߊ߬ߟߌ߬ ߓߘߍ ߓߍߣߊ߬ ߞߍ߫ ߡߊ߬ߞߏ ߘߌ߫ ߞߍ߫ ߓߊ߯ߙߊߟߊ߲߫ ߓߘߍ ߟߊ߫ ߞߵߊ߬ ߕߘߍ߬ ߓߊ߯ߙߊߝߋ߲߫ ߕߍ߫ ߦߋ߲߬))

ߞߐߣߊߞߙߌ߫ ߕߙߊߓߊ ߕߋ߬ߟߋ߫ ߂߇/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߖߌ߬ߣߍ߬ ߓߊߛߌߦߊ ߝߊ߲ߓߏ߲߫ ߝߟߐ ߘߊߦߟߍߟߌ ߖߊ߲ߖߏ߲ ߢߣߊߓߊ߯ߦߊ߫ ߡߍ߲ ߕߐ߯ ߞߏ߫ ߝߘߊ߬ߝߌ߲߬ߠߊ߫ ߓߊߛߌߦߊ (ߡߋߘߌߣ ߊߝߙߌߞߊ߬) ߏ߬ ߡߍ߲ ߡߊߞߍߣߍ߲߫ ߡߏ߬ߙߌ߬ߓߊ߬ߦߊ߫ ߝߏߘߋߞߊߙߌߦߊ߫ ߡߙߊ߬ߓߊ߰ߘߊ ߞߣߐ߫. ߣߴߊ߬ ߟߐ߬ߣߍ߲ ߜߟߊ߬ߜߟߊ߬ ߆߀߀߀ ߘߎ߰ߞߣߍ ߞߊ߲߬ ߡߍ߲ ߓߊ߯ߙߊ߫ ߛߙߊ߫ ߥߊߣߍ߲߫ ߝߏ߫ ߘߟߊ߫ ߗߋ߲߬ߥߟߎ߬ ߄ ߘߍ߲߰ߦߊ߬ߟߌ ߞߍߝߊߘߌ ߣߌ߲߬ ߦߋ߫ ߞߟߍ߬ߦߊ ߣߝߊ߬ߢߐ߰ߦߊ ߘߏ߫ ߟߋ߬ ߞߐߝߟߌ ߘߌ߫ ߖߌ߬ߣߍ߬ ߣߊ߲߬ߝߟߏ߬ߘߏ߲߬ߘߊ߬ߟߊ ߟߎ߬ ߣߌ߫ ߍ߲ߘߎߞߊ ߟߎ߬ ߣߌ߫ ߟߌ߲ߓߊ߲ߞߊ ߟߎ߬ ߣߌ߫ ߢߐ߲߯ ߕߍ߫. ߊ߬ ߟߐ߬ߣߍ߲ ߝߘߏ߬ߓߊ߬ ߓߊߛߌ߫ ߟߎ߬ ߟߋ߬ ߟߊߘߊ߲߫ ߠߊ߫. ߞߵߊ߬ ߓߍ߲߬ ߝߊ߬ߛߏ߫ ߣߊ߬ߕߊ߫ ߡߊ߬ߞߏ ߟߎ߬ ߡߝߊ ߡߊ߬، ߘߊ߫ ߣߐ߯ߡߊ߲ ߛߐ߬ߘߐ߲߬ ߞߏ ߡߊ߬، ߞߵߊ߬ ߓߍ߲߬ ߕߌ߲߬ߞߎߘߎ߲ ߟߐ߯ߝߍ ߟߎ߬ ߡߊ߫ ߛߐ߬ߘߐ߲߬ ߞߏ ߡߊ߬߸ ߝߘߏ߬ߓߊ߬ ߛߊߣߌߧߊ ߣߌ߫ ߞߍ߲ߘߍߦߊ ߞߏߕߌ߮ ߞߊߦߌߕ ߛߊߟ ߞߵߌ ߕߌ߲ߕߌ߲߫ ߞߐߝߟߌ߫ ߞߎ߲߬ߞߋߟߋ߲߫ ߣߊ߬ߝߊ ߟߋ߬ ߞߊ߲߬߸  ߞߵߊ߬ ߟߐ߬ ߖߎ߬ߓߐ ߟߎ߬ ߞߏ ߡߊ߬ ߡߌ߬ߙߌ߲߬ߘߌ ߞߊ߲߬. ߖߊ߲߬ߓߌ߬ߟߊ߬ߟߌ ߘߐ߫ ߞߏ߫ ߘߌ߲߬ߞߌߙߊ ߡߌ߬ߙߌ߲߬ߘߌ ߟߎ߬ ߟߊ߫ ߥߙߎߞߌ ߟߐ߬ߛߋ߲ ߢߊ߬ߒ߬ߞߐ߬ߓߊߟߌ ߟߋ߬ ߖߌ߬ߣߍ߬ߞߊ ߟߎ߬ ߡߊ߬ߞߏ߬ߡߊ߬ ߓߊߛߌ߫ ߓߘߍ߫ ߘߎ߲ߡߕߊ ߟߎ߬ ߟߊߛߐ߬ߘߐ߲߬ ߖߏߣߊ ߣߴߊ߬ ߛߐ߲߬ߞߐ ߟߊߣߐ߰ߦߊ ߘߌ߫.

ߖߎ߬ߟߊ߬ߦߊ ߣߌ߫ ߘߍ߲߰ߦߊ߬ߟߌ ߞߏߕߌ߮ ߝߊߕߌߡߊ߫ ߞߡߊ߬ߙߊ߫ ߞߵߊ߬ ߡߊߜߟߍ߬ߦߊ߫ ߞߏ߫ ߝߊ߲ߓߏ߲ ߢߌ߲߬ ߦߋ߫ ߡߙߊ߬ߦߊ ߟߎ߬ ߥߍ߬ߣߍ ߟߋ߬ ߟߊߛߘߋߦߊ߫ ߟߊ߫، ߞߵߊ߬ ߓߍ߲߬ ߘߌ߲߬ߞߌߙߊ ߢߡߊߦߟߍߡߊ߲߫ ߟߊ߬ߖߊ߲߬ߞߏ߬ߟߌ ߡߊ߬߸ ߊ߬ ߣߌ߫ ߘߍ߲߰ߦߊ߬ߟߌ ߝߊ߬ߛߏ߬ߟߊ߬ߞߊ ߝߊ߲߬ߞߊߘߏ߲߭ ߡߊ߬. ߡߍ߲ ߘߌ߫ ߖߌ߬ߣߍ߬ ߓߌ߬ߟߊ߬ ߟߊ߬ߥߟߏ߬ߟߌ ߞߊߓߋ ߟߊ߫، ߞߵߊ߬ ߟߐ߬ ߞߣߐߟߊ ߡߊ߬ߞߟߌ߬ߟߌ ߡߊ߬ ߞߵߊ߬ ߓߍ߲߬ ߕߌ߲߬ߞߎߘߎ߲ ߟߐ߯ߝߍ߫ ߜߛߊߢߐ߲߰ߦߊ߬ ߞߏ ߡߊ߬. ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߊ߫ ߣߌ߲߬ ߦߋ߫ ߘߍ߲ߖߘߍߟߦߊ߫ ߕߐ߰ߡߊ߬ߛߙߋ߬ ߓߘߍ ߟߋ߬ ߘߌ߫)) ߊ߬ ߞߵߊ߬ ߦߌ߬ߘߊ߬ ߞߏ߫ ((ߘߍ߲ߖߘߍߟߦߊ ߘߊߡߌ߬ߣߊ ߟߋ߬ ߞߊ߬ ߛߋ߫ ߌ ߖߘߍ߬ߓߊߟߏ߫ ߟߊ߫ ߞߵߌ ߖߘߍ߬ ߘߊ߲ߘߊ߫)) ߊ߬ ߞߊ߬ ߕߊ߲߬ߘߏ߬ߟߌ ߞߍ߫ ߞߵߊ߬ ߓߍ߲߬ ߣߊ߲߬ߝߟߏ߬ߘߏ߲߬ߘߟߊ߬ߟߊ ߟߎ߬ ߟߊ߫ ߓߊ߯ߙߊ߫ ߡߊ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߓߟߏߡߦߊ߫ ߛߌߟߊ ߝߍ߬. ߡߍ߲ ߘߌ߫ ߛߋ߫ ߓߊ߯ߙߊ߫ ߟߊߥߟߏ߫ ߟߊ߫، ߞߵߌ ߢߊߛߌ߲߯ ߜߛߊ߬ߢߐ߲߰ߦߊ ߟߎ߬ ߡߊ߬. ߞߏߕߌ߯ ߝߟߐ ߞߊ߬ ߝߟߐߦߊ ߘߌ߫ ߢߎߡߍߞߏ ߟߊ߫ ߢߝߍߕߊ߯ ߡߊ߬ ߞߍ߲ߘߍߦߊ ߞߊߡߊ߲ ߘߐ߫ ߛߊ߲߬ ߘߊ߲ߘߐ߫ ߣߌ߲߬ ߞߣߐ߫. ߞߊߕߙߍ߬ߕߍ߫ ߛߋߞߏߦߊ߫ ߡߞߊߝߏ ߞߏ߫ ߟߎ߫ ߘߊ߲ߘߊߛߏ߫ ߟߎ߬ ߞߣߐ߫، ߞߊ߬ ߘߏ߫ ߓߐ߫ ߡߐ߰ ߛߊ߬ߕߊ ߦߙߌߞߊ ߟߊ߫. ߏ߬ ߡߍ߲ ߦߋ߫ ߞߟߍ߬ߦߊ ߣߝߊ ߟߎ߬ ߦߌ߬ߘߊ߬ ߟߊ߫ ߥߙߎߞߌ ߓߟߏߡߊ߬. ߝߊ߲ߓߏ߲߫ ߘߍ߲߰ߦߊ߬ߟߌ ߝߊ߬ߛߏ߬ߟߞߊ߬ߦߊ ߝߊ߲߬ߞߊߘߏ߲߭ ߛߌߟߊ ߝߍ߬. ߡߍ߲ ߣߊ߬ߕߐ߫ ߓߊ߲ߓߊ߲ߠߌ߲ ߞߍ߫ ߟߊ߫ ߓߊߛߌ߫ ߟߊߛߐߘߐ߲ ߘߐ߫. ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߡߙߌߘߐ ߏ߬ ߟߎ߬ ߟߊ߫߸ ߞߵߊ߬ ߓߍ߲߬ ߡߙߊ߬ߦߊ ߟߎ߬ ߡߙߌߦߊ ߡߊ߬ ߖߌ߬ߣߍ ߞߍ ߞߏ ߘߐ߫ ߟߊ߬ߥߟߏ߬ߟߌ ߣߌ߫ ߟߊ߬ߝߏ߬ߦߌ߬ߟߌ   ߖߡߊ߬ߣߊ ߘߌ߫. ߦߏ߫ ߛߌߡߊ߲ߘߎ߯ ߂߀߄߀ ߢߍߥߟߊ߫ ߞߊ߬ ߝߐ߫ ߢߊߡߍ߲ ߊ߬ ߣߌ߫ ߞߊ߬ ߡߊ߬ߜߟߍ߬ߦߊ߬ߟߌ ߞߍ߫ ߥߙߎߞߌ ߞߏ ߟߊ߫ ߞߵߊ߬ ߓߍ߲߬ ߘߌ߲߬ߞߌߙߊ ߡߐ߬ߟߐ߲߬ߡߦߊ߬ߟߌ ߖߟߐ߬ߞߐ ߡߊ߬ ߊ߬ ߣߌ߫ ߞߊ߬ ߘߏ߫ ߓߐ߫  ߟߊ߬ߛߣߍ߬ߟߌ ߘߍ߲ߜߘߍߟߦߊ ߟߊ߫.