Catégorie : Actualités en N’Ko

ߊ߲ ߣߌ߫ ߋߡߌߙߊߕ ߕߍ߫. ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߈/ ߂߀߂߆

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߟߊ߬ߞߢߐ߬ߡߊ߬ߟߌ ߘߏ߫ ߞߍ߫߸ߞߊ߬ ߣߊ߲߬ߝߟߏ߬ߘߏ߲߬ߘߟߊ߬ߟߊ ߟߎ߬ ߟߊ߫ ߗߋߦߊߟߌ ߘߏ߫ ߟߊߞߢߐ߬ߡߊ߬ ߞߊ߬ ߝߘߊ߫ ߋߡߌߙߊߕߌ ߟߊ߫ ߡߍ߲ ߢߍߡߌ߬ߘߊ߬ߣߍ߲ ߕߘߍ߬ ߛߟߊ߫ ߊߟߑߣߊߛߍߙ ߓߟߏ߫߸ ߝߊߡߌߣߊ߫ ߍ߲ߝ߭ߑߕߌߛߑߡߊ߲ ߜ߭ߙߎߔ ߝߘߏ߬ߓߊ߬ ߗߋߕߌ߮ ߞߊ߬ߣߌ߲߬. ߢߐ߲߯ߦߋ ߞߎߡߘߊ ߘߐ߫ ߛߟߊߕߌ߯ ߊߟ ߣߊߛߍߙ ߞߵߊ߬ ߦߌ߬ߘߊ߬ ߞߏ߫ ߓߐߒߡߊߟߌ ߣߌ߲߬ ߦߴߊ߬ߟߎ߬ ߣߊ߬ ߞߏ߫ ߝߌߟߊߣߊ߲ ߠߋ߬ ߘߌ߫ ߖߌ߬ߣߍ߬ ߞߊ߲ߓߍ߲ ߞߣߐ߫. ߡߍ߲ ߞߎ߲߬ߕߋߟߋ߲ ߦߋ߫ ߖߊ߬ߕߋ߬ߘߐ߬ߛߌ߮ ߟߎ߬ ߓߐߒߢߟߊ ߘߌ߫߸ ߡߍ߲ ߝߣߍ߬ߝߣߍ ߘߌ߫ ߞߍ߫ ߡߊ߬ߞߏ߬ߢߊ߬ߝߋ߲ ߘߌ߫ ߞߟߍ߬ߦߊ߬ ߡߊ߬ߘߎ߰ ߓߘߍ ߟߎ߬ ߘߐ߫. ߞߙߎ ߡߍ߲ ߦߴߊ߲ ߢߊߞߘߐ ߣߌ߲߬ ߝߊߡߌߣߊ߫ ߤߐߟߑߘߌ߲ߞ ߛߘߊ ߘߐ߫، ߊ߬ ߣߴߊ߬ ߓߟߏߝߘߊ߫ ߓߟߏߡߞߊߣߍ߲ ߠߎ߬ ߞߊߕߙߍ߬ߕߍ߫ ߣߊ߲߬ߝߟߏ߬ߦߊ߬ߟߌ ߣߌ߫ ߜߟߐߡߌ߲ߦߊ ߟߊ߬ߥߟߏ߬ߟߌ ߟߎ߬ ߡߊ߬߸ ߏ߬ ߟߎ߬ ߣߊ߬ߕߊ ߟߋ߬ ߘߟߊ߫ ߥߟߎ߬ߡߊ߬ ߝߌ߬ߟߊ ߣߊ߲߬ߝߟߏ߬ߦߊ ߘߌ߫ ߖߡߊ߬ߣߊ ߞߣߐ߫. ߡߊ߬ߘߎ߰ ߛߎߡߊ߲ߣߍ߲ ߠߎ߬ ߝߟߐߦߊ ߓߎ߲ߓߎ߲ߣߍ߲߫ ߜߟߐߡߌ߲ ߠߋ߬ ߡߊ߬߸ ߊ߬ ߣߌ߫ ߕߊ߲ߓߊ߲ߘߊ ߟߐ߬ߟߌ ߖߊ߬ߕߋ߬ߘߐ߬ߛߌ߮ ߡߍ߲ ߛߋߞߏߦߊ ߥߊߣߍ߲߫ ߝߏ߫ ߢߎߡߍ ߞߕߋ ߥߊߕ ߁߀߀߀ ߞߵߏ߬ ߟߊ߫ ߛߌߟߊ ߖߎ߬ߓߐ ߟߎ߬ ߣߌ߫ ߘߊ߲ߞߊ߲ߠߊߞߏ ߟߎ߬ ߞߊ߲߬ ߞߵߏ߬ ߟߊ߫ ߞߍ߲ߘߍߦߊ ߡߊ߬ߘߎ߮ ߞߊ߲߬ ߊ߬ ߣߌ߫ ߛߍ߬ߣߍ ߣߌ߫ ߟߊ߬ߞߟߏ߬ߞߟߏ߬ߟߌ ߗߋߦߊߟߌ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߢߌ߲߬ ߦߋ߫ ߛߌߡߊ߲ߘߎ߯ ߂߀߄߀ ߥߙߎߞߌ ߢߍߥߟߊ ߘߍ߬ߡߍ߲ ߠߋ߬ ߘߌ߫. ߏ߬ ߡߍ߲ ߢߍߡߌ߬ߘߊ߬ߣߍ߲ ߞߊ߲ߓߍ߲ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߓߟߏ߫. ߗߋߦߊߟߌ ߞߊ߬ ߞߎߟߎ߲ߖߋߟߌ ߟߊߛߋ߫ ߖߌ߬ߣߍ߫ ߡߙߊ߬ߦߊ ߟߎ߬ ߡߊ߬߸ ߞߵߊ߬ ߓߍ߲߬ ߊ߬ߟߎ߬ ߟߊ߫ ߡߙߌߣߊ߲ ߣߴߊ߬ߟߎ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߡߊ߬. ߞߵߊ߬ ߓߍ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߘߍ߬ߞߏ߬ߦߊ ߟߊߥߙߎߞߌ ߛߌߟߊ ߡߊ߬. ߞߊߓߋ ߣߊ߬ߕߐ ߟߎ߬ ߞߍߕߐ߫ ߘߊߘߐߝߙߊߢߐ߲߯ߦߊ ߘߐߘߎ߲߬ߧߊ ߟߋ߬ ߞߊ߲߬߸ ߛߋ߲ߞߏߟߦߊ ߓߟߏߡߊ߬ ߊ߬ߟߎ߬ ߣߌ߫ ߓߊ߯ߙߊ ߏ߬ ߟߎ߬ ߡߊ߬ߘߎ߮ ߞߏߕߌ߯ߘߊ ߟߎ߬ ߕߍ߫. ߊ߬ ߣߌ߫ ߣߝߊ߬ߢߐ߲߰ ߝߊ߬ߛߏ߬ߟߊ߬ߞߊ ߟߎ߬ ߞߊ߬ ߞߐ߲߬ ߓߊ߯ߙߊ ߘߊߡߌߣߊ ߢߍ߫߸ ߞߊ߬ ߓߍ߲߬ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲ ߡߊ߬. ߞߊ߬ ߞߍ߫ ߘߋ߲ߡߌߛߍ߲ ߠߎ߬ ߣߌ߫ ߡߏ߬ߛߏ ߟߎ߬ ߟߊ߫ ߓߊ߯ߙߊ ߞߏ ߜߙߋ߬ߡߊ߬ߕߍ߰ߓߊ߮ ߘߌ߫ ߡߌ߬ߙߌ߲߬ߘߌ ߣߝߊ߬ ߛߌߟߊ ߞߊ߲߬.

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߇/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߛߋ߲ߞߏߟߦߊ ߗߋߦߊߟߌ ߘߏ߫ ߟߊߛߣߍ߫، ߞߊ߬ ߝߘߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߞߊ߬ߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߭ ߟߊ߫ (ߛߘߋߦߊߏ) ߟߊ߫. ߊ߬ߟߎ߬ ߣߊ߬ߣߍ߲ ߓߐߒߡߊߟߌ ߟߊ߫ ߞߐߣߊߞߙߌ߫ ߞߊ߬ ߓߍ߲߬ ߕߌ߲߬ߞߎߘߎ߲ ߖߌ ߛߐ߬ߘߐ߲ ߕߊ߲ߓߊ߲ ߠߊ߫ ߗߋߢߊ ߘߊߡߌ߬ߣߊ߬ߟߌ ߞߏ ߡߊ߬. ߏ߬ ߡߍ߲ ߕߊ߲ߓߊ߲ ߘߍ߬ߡߍ߲߬ߘߌ߬ߣߍ߲߫ ߖߌ߬ߣߍ߬ ߞߊ߲ߓߍ߲ ߠߊ߫. ߞߊ߬ߝߏ ߞߎ߲߬ߕߌ߮ ߟߎ߬ ߣߌ߫ ߞߎ߲߬ߠߊ߬ߟߌ߮ ߟߎ߬ ߟߊ߫ ߟߊ߬ߘߍ ߛߋ߲߬ߝߍ߬ ߂߀߂߅ ߥߊ߬ߛߌߥߊ߬ߙߊ ߕߊ߬ߡߌ߲߬ߣߍ߲ ߠߊ߫. ߏ߬ ߢߍߡߌ߬ߘߊ߬ߣߍ߲ ߕߘߍ߬ ߛߘߋߦߊߏ ߞߊ߲ߕߌ߮ ߞߐߦߌ߬ߘߊ߬ߓߊ߮ ߟߋ߬ ߓߟߏ߫߸ ߗߋߦߊߟߌ ߣߊ߬ߣߍ߲ ߓߟߏߦߊߟߌ ߝߊ߬ߘߌ ߟߋ߬ ߘߐ߫ ߡߎ߬ߕߎ߲߬ ߞߵߊ߬ ߓߍ߲߬ ߟߊ߬ߓߊ߰ߙߊ߬ߟߌ ߞߏ ߡߊ߬ ߘߌ߲߬ߞߌ߬ߙߊ ߟߐ߲ ߘߐ߫. ߞߊ߬ ߓߟߏߘߐߓߍ߲ ߞߍ߫ ߡߐ߰ ߞߏ ߣߌ߫ ߖߐ߯ߙߊ߲ ߞߏ ߡߊ߬ߝߊ߲ ߘߐ߫. ߊ߬ ߣߌ߫ ߞߵߊ߬ ߘߏ߲߬ߖߟߎ߬ߡߊ߫ ߞߏߕߌ߯ ߟߎ߬ ߓߟߏ߫ ߡߍ߲ ߠߎ߬ ߟߊߢߎ߲ߣߍ߲ ߊ߬ ߟߊ߫. ߞߵߊ߬ ߖߊ߬ߕߋ߫ ߡߌ߬ߣߊ߬ ߞߵߊ߬ ߟߐ߬ ߓߊ߯ߙߊ ߟߎ߬ ߡߊ߬ ߞߊߙߏ߫ ߛߓߊߟߞߊߦߊ ߛߌߟߊ ߝߍ߬ ߂߀߂߆ ߣߌ߲߬ ߠߊ߫. ߛߊߦߌߘߎ߬ ߞߊ߬ߛߏ߬ߙߌ߬ ߓߊ߲߬ߜ߭ߎߙߊ߫ ߡߊ߬ߡߙߊ߬ߟߌ ߗߋߕߌ߮ ߊ߬ ߣߌ߫ ߛߘߋߦߊߏ ߟߊ߫ ߗߋߦߊߟߌ ߝߘߏ߬ߓߊ߬ ߗߋߢߊ ߞߐߣߊߞߙߌ߫. ߛߎߥߊ߲ߘߟߌ ߢߌߣߌ߲ߞߏ ߓߎ߲ߓߎ߲ߣߍ߲ ߟߐ߬ߛߋ߲ ߘߏ߫ ߟߎ߫ ߟߋ߬ ߡߊ߬. ߞߊߕߙߍ߬ߕߍ߫ ߖߎ߬ߓߐ ߟߎ߬ ߛߎ߯ߦߊ ߣߌ߫ ߟߊ߬ߛߣߍ߬ߟߌ ߗߏ߯ߦߊ، ߊ߬ ߣߌ߫ ߘߍ߬ߞߏ߬ߦߊ ߕߊ߲ߓߊ߲ ߠߎ߬ ߞߍߢߊ. ߞߏߕߌ߯ ߝߟߐ ߞߊ߬ ߞߎߟߎ߲ߖߋߟߌ ߞߍ߫ ߞߵߊ߬ ߓߍ߲߬ ߡߙߌߣߊ߲ ߝߊ߲߬ߝߘߊ߬ߡߊ ߢߌ߲߬ ߡߊ߬. ߡߍ߲ ߘߌ߫ ߡߐ߰ ߖߊ߲߬ߓߌ߬ߟߊ߬ ߞߏ߫ ߖߌ߬ߣߍ߬ ߟߋ߬ ߝߘߊ߬ߝߌ߲߬ߠߊ߫ ߕߟߋ߬ߓߋ ߖߌ߫ ߘߏ߮ ߘߌ߫. ߏ߬ ߘߐ߫ ߖߌ ߛߐ߬ߘߐ߲߬ߘߊ ߞߏ ߞߊ߫ ߞߊ߲߫ ߠߋ߬ ߞߊ߬ ߞߍ߫ ߝߟߐߦߊ ߝߊ߬ߛߏ߬ߟߊ߬ߞߊ ߘߌ߫. ߊ߬ ߞߊ߬ ߞߎ߲߬ߠߊ߬ߛߌ߮ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߛߋ߲߬ߠߞߊ߬ߟߌ߬ߦߊ߫ ߞߵߊ߬ ߓߍ߲߬ ߡߊ߬ߞߍ߬ߟߌ ߡߛߍ߬ߞߍ߬ߡߛߍߞߍ ߟߎ߬ ߡߊ߬. ߊ߬ ߣߌ߫ ߞߊ߬ ߟߐ߲ߞߏߦߊ ߝߊ߬ߛߏ߬ߟߊ߬ߞߊ ߞߙߎߝߊߟߌ ߞߍ߫. ߞߊ߬ ߕߊ߲ߓߊ߲ ߟߥߊ߬ߟߌ߬ ߖߏߣߊ ߛߌ߰ ߛߋ߲߬ߞߊ߲߬ ߢߣߊߡߦߊߟߌ ߘߐ߫.

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߇/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߛߏ߬ߟߊ߬ߦߊ ߘߊߕߐߡߊ ߞߊ߬ߙߊ߲߬ߘߋ߲߫ ߕߐ߰ߡߊ߬ߦߋߙߋ߲ ߠߕߊ߬ߡߌ߲߬ߒ߬ߡߊ߬ߟߌ ߝߘߏ߬ߓߊ߬ߡߊ ߞߎ߲߬ ߠߊ߫ ߛߌ߰ ߡߍ߲ ߘߌߣߍ߲ ߡߎ߬ߤߊ߲߬ߡߍߘ ߟߊ߬ߡߌߣߌ߲߫ ߓߊ߲߬ߜ߭ߎߙߊ߬ ߡߊ߬ ߞߐ߬ߟߏ߲ ߢߌ߲߬ ߡߊ߬. ߏ߬ ߡߍ߲ ߦߋ߫ ߞߏߕߌ߯ߝߟߐߘߊ ߟߊ߬ߓߏ߬ߙߟߌ߬ߟߊ ߟߎ߬ ߞߣߐ߬ߜߍ߲߬ߠߊ ߘߌ߫. ߏ߬ ߡߍ߲ ߕߐ߯ߦߊߣߍ߲߫ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߟߊ߬ߕߍ߰ߦߊ ߟߊ߫. ߞߎ߲߬ߢߊ߬ߛߌ߰ߓߊ߰ߕߐ ߞߵߊ߬ ߟߊ߫ ߓߐߢߐ߲߯ߡߊߟߊ߲ ߛߐ߬ߘߐ߲߬ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߟߋ߬ ߞߢߐ߬ ߘߐ߫. ߦߋߢߐ߲߯ߠߊ߫ ߖߏ߲߬ߖߏ߲ ߠߊߦߟߍ ߛߋ߲߬ߝߍ߬. ߥߛߊ߬ߘߊ߬ߕߌ߯ ߛߌߦߊߡߊ߲߫ ߞߙߎߝߊߣߍ߲ ߢߣߊ߫. ߞߏߕߌ߯ ߝߟߐ ߟߊ߫ ߟߊ߬ߘߛߏ߬ߟߌ ߘߐ߫، ߊ߬ ߞߊ߬ ߞߎߟߎ߲ߖߋߟߌ ߟߊߛߋ߫ ((ߓߊ߯ߙߟߊ߫ ߓߘߍ ߟߎ߬ ߡߊ߬߸)) ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߛߟߊߕߌ߯ ߡߎߤߊ߲ߡߍߘ ߟߊ߬ߡߌߣߌ߲߫ ߓߊ߲߬ߜ߭ߎߙߊ߬ ߟߊ߫ ߓߟߏߡߞߊ ߜߋ߬ߙߋ ߖߞߊߡߦߊߕߊ ߟߎ߬ ߞߊ߲߬߸ ߞߊߕߙߍ߬ߕߍ߫ ߊ߬ ߣߴߊ߬ ߟߊ߫ ߛߊ߲߬ ߦߙߌߞߊ߫ ߓߊ߯ߙߊ ߓߋ ߛߋ ߘߋ ߊ ߟߊ߫ ߞߊ߬ ߞߐ߲߬ ߊ߬ ߟߊ߫ ߛߋ ߢߍ߫ ߞߏߕߌ߯ߝߟߐߘߊ ߟߊ߫. ((ߞߎ߲߬ߢߊ߬ߘߐ ߡߍ߲ ߘߍ߬ߡߍ߲߬ߘߌ ߣߴߊ߬ ߟߊ߫ ߞߊ߲ߓߍ߲ ߞߊ߲ߕߌ߮ ߓߟߏ߫ ߊ߬ ߣߴߏ߬ ߛߐ߬ߘߐ߲ ߞߢߊߡߊ߲߫)) ߊ߬ ߞߵߊ߬ ߕߌ߲ߕߌ߲߫ ߏ߬ ߞߊ߲߬ ߓߊ߬. ߏ߬ ߘߌߦߊ߫ ߘߊ߫ ߞߎ߲߬ߢߊ߬ߘߐ߬ ߛߐ߬ߘߐ߲߬ߠߊ ߢߍ߫ ߞߊߕߌ߫. ߊ߬ ߞߎߡߊ߫ ߘߊ߫ ߊ߬ ߟߊ߫ ߞߎ߲߬ߠߊ߬ߦߋߙߋ߲ ߣߌ߲߬ ߞߊ߲߬ ߞߊ߬ ߞߎߟߎ߲ߖߋߟߌ ߟߊߛߋ߫ ߞߊ߬ߝߏ ߞߎ߲߬ߕߌ߮ ߡߊ߬ ߞߵߊ߬ ߓߍ߲߬ ߊ߬ ߥߊߟߢߌߡߊߟߐ߲ߢߊ ߣߌ߲߬ ߡߊ߬ ߸ ߊ߬ ߓߊ߲߫ ߘߊ߫ ߞߊ߬ ߘߎߓߊ߫ ߛߌߦߊߡߊ߲ ߞߍ߫ ߡߙߊ߬ߦߊ ߛߊ߲ߘߐ ߢߍ߫߸ ߊ߬ ߣߌ߫ ߞߊ߬ ߘߎߓߊ߫ ߓߍ߯ ߢߍ߫ ߏ߬ ߛߎ߯ ߛߐ߬ߘߐ߲ ߠߊ߫.

ߞߐߣߊߞߙߌ߫ ߞߏ߲ߞߏߜߍ߫ ߕߋ߬ߟߋ߫ ߉/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߓߊ߬ߘߏ߬ߢߐ߲߰ߦߊ ߕߌ߲߬ߞߎ߬ߘߎ߲߬ߠߊ߬ߞߊ ߘߊߦߟߍߟߌ ߢߊ߬ߢߊ߮ ߢߍߡߌ߬ߘߊ߬ ߡߍ߲ ߟߐ߬ߣߍ߲߫ ߘߌ߯ߣߊ ߟߎ߬ ߣߌ߫ ߢߐ߲߮ ߕߍ ߡߊ߬. ߟߊߙߑߛߋߝ߭ߍߛ ߕߊߓߟߏߟߊ߫ ((ߡߍ߲ ߛߌ߲߬ߝߏ߲߬ߧߊ߬ߣߍ߲ ߛߌ߬ߟߡߊ߬ߦߊ ߣߌ߫ ߟߍߙߊߟߊߞߦߊ ߕߍ߫ ߞߊ߬ ߟߊߥߟߌ߬ ߊ߲ ߠߊ߫ ߝߘߊ߬ߝߌ߲߬ߠߊ߫ ߘߍ߭ ߘߐߝߎߟߋ߲ߣߍ߲ ߟߐ߭ ߡߊ߬ ߓߟߏߘߐߢߐ߲߯ߓߟߏ ߘߐ߫ ߦߊ߲߬)) ߢߐ߲߯ߦߋ ߣߌ߲߬ ߞߊ߬ ߣߊߡߎ߲߫ ߥߣߊ߬ ߛߌߦߊߡߊ߲߫ ߠߊߘߍ߬߸ ߛߌ߬ߟߊ߬ߡߊ ߣߴߊ߬ ߟߍߙߊߟߞߊ ߟߎ߬ ߘߐ߫ ߡߙߌߦߊ߫ ߞߋߟߋ߲ߢߐ߲߯ߦߊ ߣߌ߫ ߣߊߡߎ߲ߕߌ߯ߦߊ ߞߍߢߐ߲߯ߝߍ ߘߐ߫. ߣߌ߲߬  ߦߋ߫ ߞߎ߲߬ߕߐ߮ ߟߋ߬ ߘߌ߫. ((ߡߍ߲ ߦߴߊ߲ ߓߍ߯ ߘߍ߬ߒ߬ߡߊ߫ ߖߊ߬ߓߌ߬ߦߊ߬ߟߌ ߦߙߐ ߞߏߝߐ߫ ߟߊ߫߸ ߘߌ߯ߣߊ ߣߌ߫ ߡߐ߰ߦߊ ߕߊ߯ߓߟߏ ߡߊ߬)) ߡߊߢߍߛߌߟߊ߲ߢߍߓߊ߮ ߍߘߎߣߌߟ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߏ߬ ߡߍ߲ ߦߋ߫ ߟߍߙߊߟߞߊ ߓߊߕߏߓߏ߲ ߠߊ߫ ߞߏߕߌ߯ߘߊ ߝߘߏ߬ߓߊ߬ ߞߟߊ߬ߕߌ߮ ߘߌ߫ ߞߊ߬ ߓߍ߲߬ ߘߌ߯ߣߊ ߟߎ߬ ߣߌ߫ ߢߐ߲߯ ߕߍ߫ ߓߊ߬ߘߏ߬ߢߐ߲߰ߦߊ ߡߊ߬ ߕߟߋ߬ ߄ ߞߎ߲߬ߕߊ߰ ߞߘߐ߫. ߞߏ߲ߞߏߜߍ߫ ߕߟߋ߬ ߉ ߣߌ߫ ߁߂/ ߂߀߂߆)) ߞߊ߬ ߓߍ߲߬ ߓߊߖߎ ߛߏ߯ߙߏߦߊߣߍ߲ ߣߊ߯ߣߌ߲ ߡߊ߬ ߓߊ߯ߙߊ ߟߋ߬ ߣߊ߬ߕߐ߫ ߢߐ߲߯ߦߋ߫ ߣߌ߲߬ ߛߣߐ߬ߡߍ߬ߘߐ߬ߦߊ ߟߊߛߓߊ߬ߕߌ߬ ߟߊ߫ ߞߊߕߙߍ߬ߕߍ߫: ߘߌ߯ߣߊ ߟߎ߬ ߟߊ߫ ߖߊ߬ߓߌ߬ߦߊ߬ߟߌ ߣߌ߫ ߡߐ߰ߦߊ ߕߊ߯ߢߊ ߟߎ߬ ߘߐߕߟߊߢߊ ߡߊ߬، ߘߌ߯ߣߊ ߟߎ߬ ߘߐ߫، ߛߌߦߊ ߞߏ ߟߎ߬ ߘߐ߫،  ߊ߬ ߣߌ߫ ߜߐ߬ߛߐ߲߬ߞߐ ߟߎ߬ ߘߐ߫. ߘߌ߯ߣߊ߫ ߣߌ߫ ߝߘߏ߬ߓߊ߬ ߜߍߞߣߍ ߟߎ߬ ߘߐ߫، ߖߊ߬ߓߌ߬ߦߊ߬ߟߌ ߡߊ߬ߝߊ߲ ߞߍ ߘߐ߫߸ ߞߎ߲߬ߝߍ߬ߕߊ߮ ߘߐ߫، ߖߊ߲߬ߞߊ߬ߙߏ߬ߕߐ ߟߎ߬ ߘߊ߲ߘߊ ߘߐ߫.  ߊ߬ ߣߌ߫ ߢߐ߲߯ߘߍߡߍ߲߫ ߞߏ ߟߎ߬ ߝߣߊ߫ ߘߐ߫.  ߟߍߙߊߟߞߊ ߓߊߕߏߓߏ߲ ߠߊ߫ ߞߏߕߌ߯ߘߊ ߡߍ߲ ߦߋ߫ ߘߌ߯ߣߊ ߟߎ߬ ߣߌ߫ ߢߐ߲߯ߕߍ ߞߏ ߟߎ߬ ߞߊ߲߬، ߏ߬ ߞߵߊ߬ ߕߌ߲ߕߌ߲ ߊ߬ ߞߊ߲߬ ߞߏ߫ ߝߘߊ߬ߝߌ߲߬ߠߊ߫ ߡߊ߬ߞߏ ߕߍ߫ ߜߐ߲߬ߛߐ߲߬ߞߐ߬ ߓߊ߲ߓߊߟߌ߫ ߟߊ߫. ߡߍ߲ ߓߐߣߍ߲ ߞߐߞߊ߲߬ ߦߏ߫ ߘߍ߲߰ߦߊ߬ߣߍ߲ ߣߴߊ߬ ߘߌ߫ ߕߏ߫ ߟߓߊߟߏ߫ ߟߊ߫. ߊ߬ ߝߊ߲ ߡߊ߬ߞߏ ߦߋ߫ ߟߊ߬ߛߘߋ߬ߦߊ߬ߟߌ ߟߎ߬ ߟߋ߬ ߟߊ߫߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߘߍ߲߬ߞߣߍ߬ߦߊ ߊߟߊ߫ ߡߊ߬، ߞߵߏ߬ ߘߌ߫ ߛߋ߫ ߡߐ߱ ߟߎ߬ ߓߟߏߘߏ߲߬ ߣߴߌ ߢߐ߲߮ ߓߟߏ߫. ߕߋߙߌߦߊ ߞߣߐ߫، ߓߍ߲߭ ߞߣߐ߫، ߊ߬ ߣߌ߫ ߥߙߎߞߌ߫ ߘߝߊߣߍ߲ ߞߣߐ߫ ((ߞߊߕߙߍ߬ߕߍ߫ ߘߌ߯ߣߊ߫ ߖߊ߬ߓߌ߬ߦߊ߬ߟߊ ߟߎ߬ ߡߊ߬. ߏ߬ ߡߍ߲ ߠߊߛߌ߲߯ߣߍ߲߫ ߊ߲ ߠߊ߫ ߦߋߢߐ߲߯ߠߊ ߤߊ߲ߞߟߌ ߛߌ߮ ߡߊߓߏ߬ߢߊ߬ߕߊ ߟߎ߬ ߟߊ߫. ߖߊ߬ߓߌ߬ߦߊ߬ߟߌ ߛߊߣߌߡߊ߲ ߠߋ߬ ߞߊ߬ߙߌ߬ߝߊ߬ߣߍ߲ ߊ߲ ߠߊ߫: ߞߵߊ߲ ߠߊ߫ ߡߌ߬ߙߌ߲߬ߘߌ ߘߍ߬ߡߍ߲߬ ߊ߬ ߖߘߍ߬ߓߐ߬ ߟߊ߫ ߢߍߞߕߌߟߌ ߓߟߏ߫. ߡߐߣߍ ߣߌ߫ ߘߐ߬ߝߘߊ߬ߟߌ ߓߟߏ߫߸ ߊ߬ ߣߌ߫ ߞߊ߬ ߖߐ ߟߊߛߓߊ߬ߕߌ ߣߊ߯ߡߎ߲ ߠߊ߫ ߖߊ߲ߞߏ߫)) ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߴߏ߬ ߦߋ߫ ߞߎ߲߬ߠߊ߬ߦߋ߬ߙߋ߲߬ߓߊ ߟߋ߬ ߘߌ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߮ ߢߍ߫ ߞߵߊ߬ ߕߊ߬ ߡߊ߬ߝߊ߲ ߞߍ߫ ߓߊ߬ߘߏ߬ߢߐ߲߰ߦߊ ߣߌ߲߬ ߘߊߦߟߍ߬ߟߌ ߘߐ߫. ߡߍ߲ ߛߌ߲߬ߝߏ߲߬ߧߊ߬ߣߍ߲ ߖߌ߬ߣߍ߬ ߟߋߔߌߛߑߞߏߔߊ ߣߴߊ߬ ߞߏߟߊߘߍߢߐ߲߮ ߠߎ߬ ߟߊ߫ ߓߟߏߘߌߢߐ߲߯ߡߊ ߘߐ߫، ߞߵߊ߬ ߕߌ߲߬ߕߌ߲߫ ߓߊ߬ߘߏ߬ߢߐ߲߰ߦߊ ߡߊ߬ ߘߌ߯ߣߊ ߡߐ߱ ߟߎ߬ ߣߌ߫ ߢߐ߲߯ ߕߍ߫. ߣߴߊ߬ ߞߎ߲߬ߕߐ߮ ߦߋ߫ ((ߊ߲ ߘߌ߫ ߛߋ߫ ߘߍ߭ ߘߐߥߛߊߣߍ߲ ߣߴߊ߬ ߘߐߝߎߟߋ߲ߣߍ߲ ߟߐ߬ ߟߊ߫ ߝߘߊ߬ߝߌ߲߬ߠߊ߫ ߘߌ߬؟)) ߞߎ߲߬ߕߐ߮ ߣߌ߲߬ ߦߋ߫ ߞߍߕߊ ߡߊߦߋߙߋ߲ߣߍ߲ ߠߋ߬ ߘߌ߫. ((ߣߴߊ߲ ߞߊ߬ ߊ߲ ߢߊ ߟߐ߬ ߟߌߓߊ߲ ߡߊ߲ߞߊ߲ ߣߌ߫ ߞߐ߬ߖߌ߬ ߥߎߟߋ߲ ߓߌ߬ߟߊ߬ߢߐ߲߰ߡߊ ߦߙߐ ߘߐ߫߸ ߝߘߊ߬ߝߌ߲߬ߠߊ߫ ߝߊ߲߬ ߛߌߦߊߡߊ߲߫ ߢߊߓߊ߬ߛߊ߲߬ߣߍ߲ ߓߌ߬ ߥߟߊߡߊ߬ ߞߊ߬ ߞߐߥߟߏ߫ ߜߐ߬ߛߐ߲߬ߞߐ߬ ߓߐߣߍ߲ߢߐ߲߰ߡߊ ߟߎ߬ ߓߟߏ߫)) ߏ߬ ߕߎ߬ߡߊ ߟߊ߫ ߜߐ߬ߛߐ߲߬ߞߐ ߏ߬ ߘߏ߫ ߟߎ߫ ߖߌ߰ߣߍ߲ ߦߏ߫ ߘߌ߯ߣߊ ߓߏߟߏ߲، ߦߏ߫ ߘߍ߭ ߜߐ߬ߛߐ߲߬ߞߐ ((ߘߏ߫ ߟߎ߫ ߝߣߊ߫ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߬ ߕߏ߰ߝߏ߬ߟߌ ߟߎ߬ ߟߊ߫ ߢߐ߲߯ ߖߎ߯ߦߊ߫ ߟߊߘߊ߲ߣߍ߲ ߘߌ߫. ߡߌ߬ߙߌ߲߬ߘߌ ߓߘߊ߫ ߣߴߊ߬ ߖߘߍ߬ߛߐ߬ߘߐ߲߬ ߏ߬ ߢߌߣߌ߲ߞߏ߫ ߓߐߣߍ߲ߢߐ߲߰ߡߊ ߏ߬ ߞߣߐ߫. ߓߊߟߏ ߘߎ߰ߡߊ߬ ߘߐ߫ ߏ߬ ߓߘߊ߫ ߞߍ߫ ߊ߬ߟߎ߬ ߓߐ߰ߝߍ ߕߊ߯ߢߊ ߣߴߊ߬ߟߎ߬ ߟߊ߫ ߞߣߍ ߕߊ߯ߢߊ ߘߌ߫)) ߞߏߕߌ߯ ߝߟߐ ߟߊ߫ ߢߊߝߐߟߌ ߟߋ߬ ߞߎߡߊ ߞߎ߲߬ߝߊ߮ ߘߐ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߎߡߊ߫ ߘߊ߫ ߞߊ߲ߓߍ߲ ߞߊ߲ߕߌ߮ ߣߌ߫ ߞߎ߲߬ߠߊ߬ߛߌ߮ ߕߐ߯ ߘߐ߫. ߞߏ߫ ߊ߲ ߧߋ߫ ߢߌߣߌ߲ ߠߊ߫ ߓߊ߯ߙߊ ߣߌ߲߬ ߛߎߘߊ߲ ߡߊ߬ ߞߊ߬ ߊߟߊ߫ ߡߊߕߙߊ߫ ߜߊ߬ߙߊ ߣߌ߲߬ ߢߣߊߓߊ߯ ߟߎ߬ ߞߐߞߘߐߓߌ߲ߓߌ߲ ߠߊ߫. ߓߍ߲߭ ߘߡߊߞߍߟߌ ߣߌ߫ ߟߊ߬ߞߊ߲߬ߘߊ߬ߟߌ ߟߊ߫ ߞߊߕߙߍ߬ߕߍ߫ ߣߌ߲߬ ߕߐ߬ߣߐ ߟߊߛߋߟߌ ߟߊ߫ ߡߌ߬ߙߌ߲߬ߘߌ ߕߋ߬ ߦߙߐ ߖߍ߬ߘߍ ߖߍ߬ߘߍ ߟߎ߬ ߡߊ߬.

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߁/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߟߊ߬ߞߢߐ߬ߡߊ߬ߟߌ ߘߏ߫ ߟߊߘߌ߬ߢߍ߬ ߛߣߍ߬ߜ߭ߊ߬ߟߌ߬ ߞߊ߲ߓߍ߲ ߟߊ߬ߛߌ߰ߘߋ߲ ߢߍ߫ ߖߌ߬ߣߍ߬ ߣߊߟߌ߬ߡߎ߲߫ ߎߛߑߡߊߣ ߛߌ ߘߌ߫. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߛߣߍ߬ߜ߭ߊߟߌ߫ ߕߍߓߊ߯ߦߟߊ ߞߊ߬ ߎߛߎߡߊߣ ߛߏ߲ߞߏ߫ ߟߊ߫ ߗߋߛߓߍ߫ ߘߍ߬ߡߍ߲߬ߘߌ߬ߣߍ߲ ߠߊߛߋ߫ ߊ߬ ߡߐ߬ߟߐ߲߬ߞߋ߬ߟߋ߲߬ߢߐ߲߮ ߡߊ߬߸ߊ߬ ߟߊ߫ ߕߐ߯ߦߊߟߌ߫ ߓߟߏߟߊߕߎ߲߰ߠߌ߲ ߠߊ߫ ߖߌ߬ߣߍ߬ ߞߊ߲ߓߍ߲ ߞߎ߲߬ߠߊ߬ߛߌ߮ ߞߎ߲߬ߕߌ߰ߦߊ ߘߐ߫. ((ߞߎߟߎ߲ߖߋߟߌ߫ ߘߐߛߥߊ߬ߣߍ߲ ߠߊ߫)) ߛߣߍ߬ߜ߭ߊߛߌ߫ ߞߏߕߌ߯ ߝߟߐ ߞߵߊ߬ ߦߌ߬ߘߵߊ߬ ߟߊ߫ ߛߙߊ߬ߣߎ߲ ߘߐ߫ ߞߏ߫ ߊ߬ ߦߴߊ߲ ߠߊ߫ ߓߌ߬ߟߊ ߘߐ߫ ߓߊ߯ߙߊ ߟߎ߬ ߓߐߒߢߟߊ ߘߐ߫ ߖߌ߬ߣߍ߬ ߡߙߊ߬ߦߊ ߟߎ߬ ߞߙߍ߬ߝߍ߬. ((ߞߐߡߊߓߌ߲ߓߌ߲ߠߌ߲ ߘߐ߫ ߏ߬ ߓߟߏߟߊߕߎ߲߮ ߦߋ߫ ߕߋߙߌߦߊ ߓߌ߬ߟߊ߬ߢߐ߲߰ߡߊ ߘߝߊߣߍ߲ ߠߋ߬ ߘߌ߫߸ ߡߍ߲ ߞߎ߲߬ߛߌ߲߯ߣߍ߲ ߢߐ߲߯ ߘߍߡߍ߲ ߞߍߢߊ ߥߙߍ ߡߊ߬   ߡߍ߲ ߦߋ߫ ߛߣߍ߬ߜ߭ߊߟߌ߫ ߡߌ߬ߙߌ߲߬ߘߌ ߣߌ߫ ߖߌ߬ߣߍ߬ ߡߌ߬ߙߌ߲߬ߘߌ ߟߊ߫ ߘߍ߬ ߟߊ߫)) ߞߏߕߌ߯ ߝߟߐ ߞߵߊ߬ ߟߊ߫ ߛߍߥߊ ߦߌ߬ߘߊ߬ ߡߙߌߣߊ߲ ߢߌߡߊ ߣߌ߲߬ ߘߐ߫ ߞߵߊ߬ ߓߍ߲߬ ߊ߬ ߟߊ߫ ߥߞߊ߬ߟߌ ߡߊ߬ ߣߝߊ߬ߢߐ߲߰ߦߊ ߞߟߍ߬ߦߊ߬ߡߊ ߘߐߖߊ߭ ߘߐ߫ ߡߍ߲ ߦߋ߫ ߞߐߣߊߞߙߌ߫ ߣߌ߫ ߘߞߊߙ ߟߞߊ߬ߝߏ߬ ߟߊ߫. ߕߏ߰ߝߏ ߣߌ߲߬ ߦߋ߫ ߞߊ߲ߓߍ߲ ߞߊ߲ߕߌ߯ ߛߟߊߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߣߌ߫ ߓߊߛߌߙ ߖߏߡߊߦ ߝߊߦ ߞߎ߲߬ߕߋߟߋ߲ ߠߋ߬ ߘߌ߫. ߡߍ߲ ߘߊߓߐߣߍ߲߫ ߣߝߊ߬ߢߐ߲߰ߦߊ ߞߊ߲ߡߊ߬ ߖߌ߬ߣߍ߬ ߣߌ߫ ߛߣߍ߬ߜ߭ߊߟߌ߫ ߕߍ߫ ߏ߬ ߦߋ߫ ߦߟߌߡߊߛߙߋ ߟߋ߬ ߘߌ߫ ߊ߲ ߠߊ߫ ߜߙߋ ߞߊ߲߬.

 

ߞߐߣߊߞߙߌ߫ ߞߏ߲ߞߏߜߍ߫ ߕߋ߬ߟߋ߫ ߉/ ߂߀߂߆

ߞߎ߲߬ߠߊ߬ߛߌ߮ ߝߘߏ߬ߓߊ߬ ߞߟߊ߬ߕߌ߰ ߞߏߕߌ߮ ߕߊ߲߬ߓߊ߫ ߓߋߣߎߥߊ߫ ߞߡߊ߬ߣߏ߫ ߞߊ߬ ߗߋߢߊ߫ ߟߊߡߌ߲ ߘߏ߫ ߞߎ߲߬ߠߊ߬ߛߌ߰ ߢߊ߬ߢߊ߮ ߢߣߊߓߊ߯ߦߊ߫߸ ߡߍ߲ ߟߐ߬ߣߍ߲ ߞߏߕߌ߯ߝߟߐߘߊ ߞߏߕߌ߮ ߞߎߓߋߘߐ ߗߋߕߌ߯ ߓߐߕߊ ߡߎ߬ߤߊ߲ߡߍߘ ߟߊ߬ߡߌߣߌ߲߫ ߛߌ߫ ߛߝ߭ߊ߬ߣߋ߫ ߣߌ߫ ߞߎߓߋߘߐ ߗߋߕߌ߯ ߞߏߕߌ߮ ߘߏ߲߬ߕߊ ߞߏ߲߬ߓߏ ߘߊߎߘߊ߫ ߞߊ߬ߡߌ߬ߛߏ߬ߞߏ߫ ߕߍ߫. ߖߊ߲߬ߖߏ߲ ߞߊ߬ ߞߊ߲ߓߍ߲ ߞߊ߲ߕߌ߯ߘߊ ߗߋߦߊߟߌ ߞߏߟߊߕߍ߯ ߛߌߦߊߡߊ߲߫ ߠߊߘߍ߬. ߞߵߏ߬ ߓߍ߯ ߟߊ߫ ߞߎ߲߬ߠߊ߬ߛߌ߮ ߝߘߏ߬ߓߊ߫ ߞߟߊ߬ߕߌ߰ ߛߙߍߞߍ ߟߎ߬ ߞߊ߲߬. ߊ߬ ߣߌ߫ ߞߏߕߌ߯ߝߟߐߘߊ ߞߏߟߊߕߍ߮ ߟߎ߬. ߊ߬ ߘߏ߲߬ ߡߊ߫ ߝߏ߫ ߝߘߏ߬ߓߊ߫ ߡߊ߬ߡߙߊ߬ߟߌ ߡߊ߬ߞߟߐ߬ ߛߊ߲ߘߐ ߟߎ߬ ߟߊ߫. ߞߎ߲߬ߠߊ߬ߛߌ߮ ߝߘߏ߬ߓߊ߬ ߞߟߊ߬ߕߌ߮ ߕߊ߲߬ߓߊ ߓߋߣߎߥߊ߫ ߞߡߊ߬ߣߏ߫ ߕߘߍ߬ ߞߣߍ ߞߊ߲߬. ߊ߬ ߞߵߊ߬ ߦߌ߬ߘߊ߬ ߞߏ߫ ߗߋߢߊ߫ ߟߕߊߡߌ߲ ߖߊ߲߬ߖߏ߲ ߣߌ߲߬ ߦߋ߫ ߕߐ߰ߡߊ߬ߛߙߋ߬ߡߊ ߟߋ߬ ߘߌ߫ ߝߘߏ߬ߓߊ߬ ߞߏ ߟߎ߬ ߓߟߏߟߊߕߎ߲߯ߠߌ߲ ߘߐ߫ ߣߌ߫ ߞߎ߲߬ߠߊ߬ߛߌ߰ߦߊ߬ߟߌ ߡߝߊ ߘߐ߫. ߏ߬ ߡߍ߲ ߞߍߕߐ߫ ߊ߬ ߕߊ߫ ߡߊ߬ߝߊ߲ ߞߍ߫ ߟߊ߫߸ ߞߎߓߋߘߐ߫ ߗߋߕߌ߮ ߞߏߕߌ߯ߦߊ ߘߐ߫ ߡߎ߬ߕߎ߲߬ ߞߎ߲߬ߠߊ߬ߛߌ߮ ߞߎ߲߬ߕߌ߮ ߕߍ߰ߟߊ ߘߐ߫ ((ߞߎߓߋߘߐ ߗߋߕߌ߯ ߞߏߕߌ߮ ߟߐ߬ߘߎ߮ ߟߋ߬ ߞߏߕߌ߯ ߝߟߐ ߟߊ߫ ߞߎߓߋߘߐ ߡߊ߬ߡߙߊ߬ߟߌ ߘߋ߬ߙߌ߬ߒ߬ߠߊ߬ߞߏ ߟߎ߬ ߓߟߏߟߊߕߎ߲߰ߠߌ߲ ߘߌ߫ ߛߟߊߕߌ߯ ߞߏߕߌ߯ ߝߟߐ ߕߍ߰ߟߊ ߘߐ߫߸ ߞߏ߬ߣߌ߲߬ ߓߌ߬ߟߊ߬ߢߐ߲߰ߡߊ ߟߥߊߟߌߕߊ ߘߏ߫ ߦߴߊ߬ ߣߌ߫ ߞߎ߲߬ߠߊ߬ߛߌ߮ ߝߘߏ߬ߓߊ߬ ߞߟߊ߬ߕߌ߰ߘߊ ߕߍ߫، ߏ߬ ߓߍ߯ ߣߴߊ߬ ߕߊ ߊ߬ ߦߋ߫ ߛߌ߲߬ߝߏ߲߬ߘߊ ߟߊ߫ ߓߊ߯ߙߊ ߟߐ߬ߛߋ߲ ߠߋ߬ ߘߌ߫ ߞߏߕߌ߯ ߝߟߐ ߓߟߏ߫. ߞߵߊ߬ ߣߐ߬ ߡߌ߬ߣߊ߫ ߞߎ߲߬ߞߊߟߌߦߊ ߘߐ߫ ߡߊ߬ߡߙߊ߬ߟߌ ߕߊ ߓߟߏߡߊ߬߸ ߕߋߟߋ߲ߓߊ߯ߦߊ ߣߌ߫ ߞߏߕߌ߯ߘߊ ߟߎ߬ ߕߍߞߏ ߟߎ߬ ߘߐ߫)) ߊ߬ ߞߵߏ߬ ߘߐߖߘߌ߫ ߞߏߢߊ߬ ߓߊ߬؟

ߊ߬ ߞߊ߬ ߞߎߟߎ߲ߖߋߟߌ ߖߍ߬ߘߍ ߖߍ߬ߘߍ ߟߊߛߋ߫ ߞߎߓߋߘߐ ߗߋߕߌ߮ ߞߏߕߌ߯ ߘߏ߲߬ߓߊ߮ ߡߊ߬ ߞߏ߲߬ߓߏ ߘߊߎߘߊ߫ ߞߊ߬ߡߌ߬ߛߏ߬ߞߏ߫ ߣߌ߫ ߡߎ߬ߤߊ߲ߡߍߘ ߟߊߡߌߣߌ߲߫ ߛߌ߫ ߛߝ߭ߊ߬ߣߍ߫ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߊ߬ ߟߊ߫ ߞߟߍ߬ߦߊ߫ ߟߐ߬ߘߎ߰ ߛߐߘߐ߲ ߠߊ߫. ߏ߬ ߓߐߣߍ߲߫ ߊ߬ ߟߊ߫ ߓߍߓߊ߯ߦߊ ߣߌ߫ ߥߞߊ߬ߟߌ ߟߋ߬ ߘߐ߫ ߞߎ߲߬ߠߊ߬ߛߌ߮ ߟߊ߫ ߞߍߕߊ ߟߎ߬ ߘߏ߲߬ߖߟߎ߬ߡߊ߬ߟߌ߬ߟߊ ߘߐ߫. ߒ ߞߵߊ߬ ߟߐ߲߫ ߞߏ߫ ߝߊ߲߬ߞߊ ߘߊߡߌߣߊ ߟߋ߬ ߌ ߟߊ߫ ߛߙߍߞߍ ߟߊ߫ ߘߍ߬ߡߍ߲߬ߠߌ߲ ߘߌ߫ ߣߊߟߌ߬ߡߎ߲߫ ߒ ߘߐ߯ߗߍ߫ ߟߊ߲߰ߛߌ߬ߣߍ߫ ߤߊߥߊ߬ ߘߎ߲ߓߎߦߊ߫ ߘߌ߫. ߏ߬ ߡߍ߲ ߓߕߐ ߊ߬ ߟߊ߫ ߖߘߍ߬ ߟߕߊߡߌ߲ߠߌ߲ ߓߙߊߞߊߣߍ߲ ߘߐ߫ ߏ߬ ߓߍߣߊ߬ ߘߍ߬ߡߍ߲߬ߠߌ߲ߓߊ ߞߴߌ ߢߍ߫ ߞߎ߲߬ߞߊ߬ߟߌ߬ߦߊ߬ߟߌ ߘߐ߫ ߖߊ߬ߓߌ߬ߦߊ߬ߟߌ ߢߌ߲߬ ߠߥߊߟߌ ߘߐ߫)) ߦߊ߯ߟߊ߫ ߏ߬ ߞߘߐ ߞߍ߬ߙߍ߲߬ߘߍ߬ ߘߊ߫ ߓߊ߬؟ ߘߊߎߘߊ߫ ߞߊ߬ߡߌ߬ߛߏ߬ߞߏ߫ ߞߵߊ߬ ߦߌ߬ߘߊ߬ ߞߏ߫   ߞߏߕߌ߯ߝߟߐߘߊ ߗߋߕߌ߮ ߞߏߕߌ߮ ߟߐ߬ߘߎ߮. ߟߊߞߘߎ߬ߣߍ߲߫ ߟߊ߬ߛߌ߲߯ߠߌ߲ ߡߍ߲ ߠߎ߬ ߡߊ߬ ߊ߬ ߓߍߣߊ߬ ߏ߬ ߓߟߏߦߊ߫ ߞߎ߲߬ߠߊ߬ߛߌ߮ ߞߍߕߊ ߟߎ߬ ߓߐߢߟߊ ߘߐ߫. ߏ߬ ߦߋ߫ ߛߋߞߏߦߊ߫ ߓߊߛߌ߰ߣߍ߲ ߡߌ߬ߙߌ߲߬ߡߊ ߟߋ߬ ߘߌ߫ ߛߎߡߊ߲ߠߌ߲ ߕߍߞߢߊߟߌ ߓߏߟߏ߲ߝߘߊ ߝߊ߲߬ߝߘߊ߬ߦߊ߬ߟߌ ߓߟߏߡߊ߬. ߓߘߍ߬ߓߘߍ߬ߟߌ ߡߙߌߣߊ߲ ߣߴߊ߬ ߟߥߊߟߌߢߊ ߟߎ߬ ߘߐ߫. ߓߍߓߊ߯ߦߊ ߗߋߢߊ ߛߎߡߊ߲ߠߌ߲ ߞߏߟߌߞߏߟߌ ߜߍߘߐߦߊ ߓߟߏߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߝߘߏ߬ߓߊ߬ ߕߊ߯ߢߐ߲߯ߝߍ ߦߋ߫ ߘߌߦߊߜߏߦߊ ߟߋ߬ ߘߌ߫ ((ߞߊ߬ ߛߟߊߕߌ߯ ߞߏߕߌ߯ ߝߟߐ ߘߍ߬ߡߍ߲߬ ߊ߬ ߟߊ߫ ߖߊ߬ߓߌ߬ߦߊ߬ߟߌ ߓߊ߯ߙߊ ߟߎ߬ ߘߐ߫. ߞߊ߬ ߘߏ߲߬ߖߟߎ߬ߡߊ߬ߟߌ ߕߍ߰ߒ߬ߞߊ߲߬ߡߊ ߣߝߊߡߊ ߣߴߊ߬ ߞߎ߲߬ߞߊߟߌ߲ ߛߐ߬ߘߐ߲߬، ߞߏߕߌ߯ߘߊ ߟߎ߬ ߓߏߟߏ߲ߝߘߊ ߟߎ߬ ߣߌ߫ ߢߐ߲߯ ߕߍ߫. ߞߊ߬ ߞߎ߲߬ߠߊ߬ߛߌ߮ ߟߊ߫ ߝߟߐߦߊ ߟߎ߬ ߞߣߐ߬ߜߍ߲߬ ߊ߬ ߣߌ߫ ߞߊ߬ ߡߊ߬ߡߙߊ߬ߟߌ ߟߊߛߌ߲߯ ߞߎ߲߬ߕߋ߬ߟߋ߲߬ ߓߘߍ ߡߊ߬ ߣߐ߬ߡߊ߬ߢߌ߲߬ߧߊ ߕߐ߬ߣߐ ߜߍߘߐߕߊ ߊ߬ ߣߌ߫ ߘߎ߰ߘߋ߲ ߠߎ߬ ߣߌ߫ ߢߐ߲߮ ߕߍ߫)) ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߟߊ߫ ߛߍߥߊ ߦߌ߬ߘߊ߬ ߞߎߡߊ ߘߐ߫، ߞߊ߬ ߞߎߓߋߘߐ ߗߋߕߌ߮ ߞߏߕߌ߮ ߓߐߕߊ ߞߎߟߎ߲ߖߋ߫ ߊ߬ ߞߊ߬ ߘߏ߲߬ߓߊ߮ ߝߣߊ߫ ߞߎߟߎ߲ߖߋ߫ ߞߊ߲ߓߍ߲ ߞߊ߲ߕߌ߮ ߟߊ߫ ߟߊ߲ߒߘߦߊ ߟߊߟߌ ߟߴߊ߬ ߘߐ߫، ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߎߓߋߘߐ ߗߋߕߌ߮ ߞߏߕߌ߮ ߘߏ߲߬ߕߊ ߛߌ߲ߞߐ߲ߡߌߘߊ ߘߐ߫ ߡߐ߰ߦߊ ߛߌߟߊ ߝߍ߬߸ ߊ߬ߟߎ߬ ߟߊ߫ ߢߐ߲߯ ߓߍ߲ ߘߐ߫ ߝߊ߬ߙߊ߲߬ߛߌ߫. ߓߌ߬ ߟߊ߬ߕߍ߮ ߓߘߊ߫ ߣߊ߬ ߊ߬ߟߎ߬ ߟߊ߫ ߘߍ߬ ߞߊ߬ߝߏ ߟߊ߫ ߗߋߢߊ ߘߐ߫߸ ߟߌ߬ߤߟߊ ߝߊ߲߬ߞߊ߬ߡߊ ߞߐߝߟߌ ߡߊߞߐ߬ߣߐ߲ ߣߊ߬ߕߊ ߡߊ߬ ߊ߬ ߣߌ߫ ߞߎ߲߬ߠߊ߬ߛߌ߮ ߘߏ߲߬ߖߟߎ߬ߡߊ߬ߟߌ.

ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߘߊߘߐߝߙߊߢߐ߲߯ߦߊ ߣߌ߲߬ ߝߏ߲߬ߝߏ߲ ߟߐ߬ߣߍ߲ ߞߏߟߊߘߍߢߐ߲߯ߦߊ߫ ߓߘߍ ߟߋ߬ ߡߊ߬ ߞߏߕߌ߯ߝߟߐߘߊ ߟߊ߫، ߞߣߊ߬ߕߏ߫ ߞߎߓߋߘߐ ߗߋߕߌ߮ ߞߏߕߌ߯ ߞߐߞߘߐߘߏ߲ ߠߊ߫ ߊ߬ ߟߊ߫ ߞߍߕߊ ߟߎ߬ ߘߐ߫ ߡߊ߬ߝߊ ߣߌ߫ ߖߘߍ߬ߡߊ߬ߖߌ߮ ߘߐ߫.

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߁/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߗߋߦߊߟߌ ߘߏ߫ ߟߊ߬ߞߢߐ߬ߡߊ߬ ߏ߬ ߦߋ߫ ߗߋߦߊߟߌ߫ ߝߘߏ߬ߓߊ߬ߡߊ ߟߋ߬ ߘߌ߫، ߣߊߟߌ߬ߡߎ߲߫ ߝߘߊ߬ߝߌ߲߬ߠߊ߫ ߣߊ߲߬ߝߟߏ߬ߦߊ߬ߟߌ ߣߝߊ߬ߢߐ߲߰ߦߊ ߓߟߏߡߦߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߌ߫. ߝߜ߭ߊߛ ߞߏ߲߬ߓߏ ߒߜ߭ߋߕߏ߫ ߕߌߙߍߣߊ߫ ߦߊ߲ߓߊߦߋ߫ ߟߊ߫ ߗߋߦߊߟߌ߫ ߣߊ߬ ߘߊ߫ ߣߝߊ߬ߢߐ߲߰ߦߊ߫ ߞߟߍ߬ߦߊ߬ߡߊ ߘߏ߫ ߦߌ߬ߘߊ߬ ߞߏߕߌ߯ ߝߟߐ ߣߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫. ߏ߬ ߡߍ߲ ߞߎ߲߬ߕߋߟߋ߲ ߦߋ߫ ߣߊ߲߬ߝߟߏ߬ߦߊ ߛߏ߬ߓߌ߬ߟߊ߬ߞߎߣߎ߲ ߟߥߊߟߌߢߊ ߛߌ߲ߘߌ ߞߏ ߘߌ߫، ߊ߬ ߣߌ߫ ߞߊ߬ ߖߡߊ߬ߣߊ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲ ߠߎ߬ ߣߊ߲߬ߝߟߏ߬ߦߊ߫ ߟߞߊߟߌߦߊ߫. ߊ߬ ߞߎߡߊ߫ ߘߊ߫ ߖߌ߬ߣߍ ߣߊ߬ߕߊ ߞߊ߲߬ ߊ߬ ߢߊ ߖߍ߬ߘߍ ߖߍ߬ߘߍ ߡߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߜߙߋ߬ߡߊ߬ߕߍ߰ ߛߌ߲߬ߝߏ߲ ߠߋ߬ ߘߌ߫. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߊ߬ ߝߘߏ߬ߓߊ߬ ߞߟߊ߬ߕߌ߮ ߞߊ߬ ߞߏߕߌ߯ ߝߟߐ ߡߊߞߟߌ߫.

ߊ߬ ߝߘߏ߬ߓߊ߬ ߘߊߦߟߍߟߌ ߘߐ߫، ߞߵߊ߬ ߓߍ߲߬ ߝߘߊ߬ߝߌ߲߬ߠߊ߫ ߣߊ߲߬ߝߟߏ߬ߦߊ߬ߟߌ ߜߍߓߏ߲ ߠߊߛߌ߲߯ ߖߎ߬ߕߘߎ ߟߏ߲߫ ߛߊ߲߬ߠߊ߬ߞߊ ߡߊ߬ ߏ߬ ߡߍ߲ ߞߍߕߐ߫ ߞߏ߲ߞߏߜߍ߫ ߕߟߋ߬ ߁߂ ߡߊ߬ ߞߐߣߊߞߙߌ߫. ߋ ߕߋ ߛߋ ߜ߭ߙߎߔ ߡߍ߲ ߡߊߟߐ߲ߣߍ߲߫ ߋߙߐߔ ߣߊ߲߬ߝߟߏ߬ߦߊ߬ߟߌ ߞߙߎ ߞߙߍߞߙߍߣߍ߲ ߘߌ߫ ߣߴߊ߬ ߓߟߏߡߊߞߊ߬ߣߍ߲߫ ߖߐ߬ߘߐ ߡߊߡߊ߬ߙߊ ߣߌ߫ ߖߎ߬ߟߎ ߟߎ߬ ߟߊ߫ ߞߏ ߞߊ߲߬، ߊ߬ ߣߌ߫ ߖߎ߬ߟߊ߬ߦߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߎ߬ ߣߊ߲߬ߝߟߏ߬ߦߊ (ߕߙߊߘ ߝߌߣߊ߲ߛ) ߊ߬ ߣߌ߫ ߝߊߖ߭ߋߛߋ ߟߊ߫ ߣߝߊ߬ߢߐ߲߰ߦߊ ߞߣߐߡߊ߬. ߊ߬ߟߎ߬ ߣߊ߬ߕߊ ߟߋ߬ ߊ߬ߟߎ߬ ߟߊ߫ ߟߥߊ߬ߟߌ߬ߟߌ ߞߍߢߊ ߟߊߖߍ߲ߛߍ߲ ߘߌ߫ ߖߌ߬ߣߍ߬ ߞߊ߲ߓߍ߲ ߞߣߐ߫ ߞߵߊ߬ ߟߊߥߟߌ߬ ߖߐ߬ߘߐ ߘߐߕߟߊ ߣߴߊ߬ ߓߟߏߡߦߊ ߡߊ߬. ߊ߬ߟߎ߬ ߟߊ߫ ߘߍ߬ߡߍ߲ ߓߍߣߊ߬ ߞߍ߫ ߢߝߍߕߊߓߊߟߌߦߊ ߓߊ߬ߟߊ߲ ߓߊߖߎ ߟߎ߬ ߟߊߥߌ߬ߟߌ ߘߴߊ߲ ߧߋ߫ ߝߊ߬ߛߏ߬ߟߞߊ߬ߦߊ ߛߌߟߊ ߝߍ߬: ߞߊ߬ ߓߍ߲߬ ߥߊߟߌߘߊ߫ ߟߎ߬ ߣߊ߲߬ߝߟߏ߬ߦߊ߬ߟߌ ߟߊߛߐ߬ߘߐ߲ ߘߊ߲߭ ߠߎ߬ ߡߊ߬߸ ߞߊߕߙߍ߬ߕߍ߫ ߥߊߟߌߘߊߟߋ߲ ߣߌ߫ ߥߊߟߌߘߊ߫ ߡߊ߲ߞߊ߲ ߠߎ߬ ߡߊ߬ (ߔߋ ߍߡ ߋ) ߛߐ߬ߘߐ߲߬ߘߊ߫ ߛߎ߲ߞߎ߲ߡߊ ߟߎ߬، ߡߐ߬ߟߐ߲߬ߦߟߍ ߖߟߐ߬ߞߐ߬ߦߊ߬ߟߌ، ߣߊ߲߬ߝߟߏ߬ߦߊ߬ߟߌ ߓߐߒߘߊ ߟߎ߬ ߡߊߟߐ߲ߣߍ߲߫ ߘߊ߲߬ߠߊ߬ߕߍ߰ߟߌ ߘߐ߫ ߖߌ߬ߣߍ߬ ߞߣߐ߫ ߞߏߛߓߍ߫. ߞߘߎ߬ߜߍߟߍ߲ ߖߍ߬ߘߍ ߦߋ߫ ߡߍ߲ ߘߌ߫ ߡߎ߬ߕߎ߲߬ ߏ߬ ߟߋ߬ ߓߐ߰ߝߍ߬ߞߊ߲ߞߋ ߏ߬ ߟߎ߬ ߢߡߊߦߟߍߡߊ߲ ߘߌ߫ ߓߣߊ߬ߦߊ ߟߊ߫ ߡߌ߬ߙߌ߲߬ߘߌ ߣߌ߫ ߜߙߋ ߣߝߊ ߛߌߟߊ ߞߊ߲߬)) ߏ߬ ߡߊߜߟߍ߬ߦߊ߬ ߘߊ߫ ߞߏ߲߬ߓߏ ߕߌߙߊߣߊ߬ ߦߊ߲ߓߊߦߋ߫ ߓߟߏ߫ ߞߏߛߓߍ߫.

ߞߏߕߌ߯ ߝߟߐ ߞߊ߬ ߞߎߟߎ߲ߖߋߟߌ ߟߊߛߋ߫ ߝߘߊ߬ߝߌ߲߬ߠߊ߫ ߜߍߓߏ߲ ߠߊߛߌ߲߯ߠߊ ߟߎ߬ ߟߊ߫ ߟߏ߲ߓߊ ߞߍߟߊ ߟߎ߬ ߡߊ߬ ߞߐߣߊߞߙߌ߫. ߞߵߏ߬ ߦߋ߫ ߟߊ߲ߒߠߦߊ ߕߐ߬ߡߊ߬ߛߙߋ ߘߏ߫ ߟߋ߬ ߘߌ߫ ߖߌ߬ߣߍ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߐ߫. ߊ߬ ߣߌ߫ ߢߝߍߕߊ߯ ߞߊ߲߬ߛߓߍ ߟߊߣߐ߬ߣߍ߲. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߎ߲߬ߠߊ߬ߛߌ߮ ߥߍ߬ߣߍ ߡߊߝߟߍ߫ ߘߐ߫ ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߕߌ߲ߕߌ߲ߠߌ߲ ߘߐ߫ ߘߊ߬ߡߊ߲ ߠߊ߫ ߢߝߍߕߊ߯ ߞߊ߲߬ ߛߊ߫ ߞߊ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߐߕߟߊߣߍ߲ ߛߐ߬ߘߐ߲߬ ߡߍ߲ ߜߘߌߛߌ߰ߣߍ߲߫ ߛߣߍ߬ߞߍ ߞߊ߲߬، ߘߍ߲߰ߦߊ߬ߟߌ ߞߊ߲߬، ߊ߬ ߣߌ߫ ߘߎ߲߬ߘߎ߲߬ߡߊ߬ ߡߊߘߎ߮ ߓߊ߲ߓߊ߲ߣߍ߲ ߠߎ߬، ߏ߬ ߡߍ߲ ߞߍߕߐ߫ ߖߌ߬ߣߍ߬ ߘߊߦߟߍ߬ ߟߊ߫ ߣߊ߲߬ߝߟߏ߬ߦߊ߬ߟߌ ߛߌ߲ߘߟߌ ߢߍ߫ ߞߵߏ߬ ߓߍ߯ ߟߊ߫ ߡߐ߬ߟߐ߲߬ߡߦߊ߬ߟߌ ߝߊ߲߬ߞߊߘߏ߲߭ ߞߊ߲߬ ߣߝߊ߬ߢߐ߲߰ߦߊ ߘߐ߫߸ ߞߣߊ߬ߕߏ߫ ߣߊ߲߬ߝߟߏ߬ߦߊ߬ߟߌ ߛߋ߲߬ߠߞߊ߬ߟߌ߬ߦߊ߫ ߟߊ߫ ߞߵߊ߬ ߓߍ߲߬ ߖߊ߬ߕߋ߬ߘߐ߬ߛߌ߮ ߛߏ߯ߙߏߦߊߣߍ߲ ߠߎ߬ ߣߊ߲߬ߝߟߏ߬ߦߊ ߡߊ߬. ߊ߬ ߣߌ߫ ߘߎ߲߰ߘߎ߲߬ߡߊ߬ ߡߊ߬ߘߎ߮ ߟߊ߫ ߥߙߎߞߌ.

ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߦߴߊ߬ߟߎ߬ ߟߊ߫ ߓߌ߬ߟߊ ߘߐ߫، ߞߵߊ߬ ߓߍ߲߬ ߝߍ߭ ߟߎ߬ ߕߌߙߌ߲ ߡߊ߬. ߞߵߊ߬ ߓߍ߲߬ ߓߊ߲ߓߊ߲ߠߌ߲ ߞߍߢߊ ߟߎ߬ ߡߊ߬ ߝߜ߭ߊߛ ߟߊ߫ ߓߍߓߊ߯ߦߊ ߘߐ߫ ߊ߬ ߣߌ߫ ߋ ߕߋ ߛߋ ߜ߭ߙߎߔ ߖߌ߬ߣߍ߬ ߞߣߐ߫. ߞߵߊ߬ ߓߍ߲߬ ߘߍ߬ߡߍ߲߬ߠߌ߲ ߡߙߌߦߊ ߡߊ߬ ߘߎ߲߬ߘߎ߲߬ߡߊ߬ ߡߊߘߎ߮ ߟߎ߬ ߟߊ߫ ߥߙߎߞߟߌ ߘߐ߫ ߊ߬ ߣߌ߫ ߖߊ߬ߕߋ߬ߘߐ߬ߛߌ߮ ߛߏ߯ߙߏߦߊߣߍ߲ ߟߥߊߟߌ ߡߊ߬. ߋ ߕߋ ߛߋ ߞߙߎ ߣߌ߫ ߝߜ߭ߊߛ

(ߝߘߊ߬ߝߌ߲߬ߠߊ߫ ߓߟߏߡߦߊߟߌ ߣߌ߫ ߣߝߊ߬ߢߐ߲߰ߦߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲) ߏ߬ ߡߍ߲߬ ߖߊ߬ߕߋ߬ߣߍ߲ ߘߍ߬ߡߍ߲߬ߟߊ߲ ߣߌ߫ ߖߐ߯ߙߊ߲ ߘߌ߫. ߣߊ߲߬ߝߟߏ߬ߘߏ߲߬ߘߊ߬ߟߊ ߟߊ߬ߞߊ߲߬ߘߊ߬ߟߌ ߟߊߖߍ߲ߛߍ߲߫ ߊ߬ ߣߌ߫ ߖߎ߬ߟߊ߬ߦߊ ߝߊ߬ߟߋ߲߬ߢߐ߲߰ߘߐ ߟߎ߬ ߏ߬ ߡߍ߲ ߣߊ߬ߝߊ ߞߍߕߐ߫ ߞߐߖߊߓߌ ߖߍ߬ߘߍ ߖߍ߬ߘߍ ߘߌ߫ ߣߊ߬ߕߊ ߟߎ߬ ߘߐ߫. ߊ߬ ߣߌ߫ ߟߊ߬ߥߟߏ߬ߟߌ ߡߊ߬ߘߎ߮ ߣߊ߲߬ߝߟߏ߬ߦߊ߬ߟߌ

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߀/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߊ߬ߞߢߐ߬ߡߊ߬ߟߌ ߘߏ߫ ߞߍ߫ ߝߊ߬ߙߊ߲߬ߛߌ߫ ߟߊ߬ߛߌ߰ߘߋ߲ ߢߍ߫ ߖߌ߬ߣߍ߬ ߞߊ߲ߓߍ߲ ߞߣߐ߫. ߟߎߞ ߓߙߌߊߙߘ ߊ߬ ߡߊߟߐ߬ߣߍ߲߫ ߕߘߍ߬ ߝߊ߬ߙߊ߲߬ߛߌ߫ ߥߙߎߞߌ ߖߋ߬ߕߌ߰ߘߊ (ߊ ߍߝ ߘߋ) ߊ߲ߕߎߥߊ߲ߣ ߞߍ߯ߙ ߓߌߖ߭ߍߕߋ ߟߋ߬ ߓߟߏ߫. ߘߊߘߐߝߙߊߢߐ߲߯ߦߊ ߕߊ߬ߡߌ߲߬ ߘߊ߫ ߞߟߍ߬ߦߊ ߣߝߊ߬ߢߐ߲߰ߦߊ ߛߌߓߟߏߡߦߊߟߌ ߟߋ߬ ߞߊ߲߬ ߖߌ߬ߣߍ߬ ߣߌ߫ ߝߊ߬ߙߊ߲߬ߛߌ߫ ߕߍ߫. ߞߊߕߙߍ߬ߕߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߥߙߎߞߌ߫ ߝߟߐߦߊ߫ ߡߊߘߎ߮ ߟߎ߬ ߡߊ߬، ߊ߬ ߣߌ߫ ߛߍ߬ߣߍ ߣߌ߫ ߟߊ߬ߞߟߏ߬ߞߟߏ߬ߟߌ ߣߌ߫ ߖߎ߬ߓߐ ߟߎ߬ ߣߌ߫ ߘߎ߰ߓߊ ߟߎ߬ ߣߌ߫ ߢߐ߲߯ ߕߍ߫ ߡߊ߬ߘߏ߬ߠߌ߲߬ߠߌ߲ ߠߎ߬. ߘߎ߲߬ߘߎ߲߬ߡߊ߫ ߖߊ߲߬ߕߏ߬ߟߌ ߘߏ߫ ߡߊ߬ߜߟߍ߬ߦߊ߬ ߘߊ߫ ߕߟߋ߬ߥߎߢߊ߲ ߕߊ߲ߓߊ߲ ߘߏ߫ ߟߐ߬ߟߌ߬ߞߏ ߘߐ߫. ߂߀߂߆ ߣߌ߫ ߂߀߂߇ߕߍ߫، ߞߵߏ߬ ߓߌ߬ߟߊ߬ ߛߌߡߊ߲ߘߎ߯ ߂߀߄߀ ߢߍߥߟߊ߫ ߛߏ߯ߙߏߦߊߣߍ߲ ߡߙߌߣߊ߲ ߞߊ߲߬ ߌߞߘߐ߫. ߏ߬ ߡߍ߲ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߛߊ߬ߡߊ߲߬ߛߋ߲߬ߓߊ ߝߊ߬ߛߏ߬ߟߊ߬ߞߊ ߘߌ߫. ߝߊ߬ߙߊ߲߬ߛߌ ߕߊ ߞߎߘߎ߲ ߝߣߊ߫ ߘߌߣߊ߬ ߢߊߝߐ߫ ߊ߬ߟߎ߬ ߢߍ߫ ߊ߬ߟߎ߬ ߟߊ߫ ߞߐߣߊߞߙߌ߫ ߣߊ߬ߟߌ ߛߋ߲߬ߝߍ߬ ߂߀߂߆ߕߙߊߓߊ ߟߊ߫. ߝߊ߬ߙߊ߲߬ߛߌ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߓߌߟߏ߯ߟߎ߫ ߣߌ߫ ߞߐ ߟߋ߬ ߟߊ߫ ߗߋߘߋ߲ ߠߎ߬ ߣߊ߬ߕߐ߫. ߏ߬ ߡߍ߲ ߞߐߝߟߌ ߦߋ߫ ߘߎ߲߰ߘߎ߲߰ߡߊ߬ ߡߊߘߎ߮ ߟߎ߬ ߟߊ߫ ߣߝߊ ߟߊ߫ ߢߝߍߕߊ߯ ߘߌ߫ ߓߐߒߘߊ ߓߟߏߡߊ߬، ߏ߬ ߡߍ߲ ߦߋ߫ ߖߘߍ߬ߘߏ߲߬ߒ߬ߞߊ߲߬ߡߊ ߖߙߎߡߎ߲ ߡߊ߬ߡߊ߬ߟߊ ߘߌ߫ ߞߎ߲߬ߠߊ߬ߛߌ߮ ߕߊߓߟߏߟߊ߫. ߡߍ߲ ߦߋ߫ ߣߝߊ߬ߢߐ߲߰ߦߊ߫ ߞߍߢߊ߫ ߥߙߍ ߕߣߐ߬ߡߊ ߘߏ߫ ߓߊ߲ߓߊ߲ߠߌ߲ ߘߐ߫. ߡߍ߲ ߞߎ߲߬ߛߌ߲߯ߣߍ߲߫ ߞߐߝߟߌ ߟߊ߲ߒߞߣߍߡߊߣߍ߲ ߘߏ߫ ߡߊ߬ ߡߌ߬ߙߌ߲߬ߘߌ ߗߋߢߊ ߘߐ߫.

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߂/ ߂߀߂߆

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߊ߬ߞߢߐ߬ߡߊ߬ߟߌ ߘߏ߫ ߞߍ߫ ߡߍ߲ ߘߍ߲ߣߍ߲߫ ߙߏߕߊߙߌ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߊ߫. ߏ߬ ߟߎ߬ ߡߍ߲ ߢߍߡߌ߬ߘߊ߬ߣߍ߲ ߕߘߍ߬ ߕߌ߲߬ߞߎ߬ߘߎ߲߫ ߉߁߀߁ ߞߎ߲߬ߠߊ߬ߛߌ߰ߟߊ ߟߎ߬ ߓߟߏ߫ ߛߟߊߕߌ߯ ߊߓߎߓߞߊߙ ߥߕߊߙߊ߫ ߛߘߊ߫ ߘߐ߫. ߞߎ߲߬ߠߊ߬ߛߌ߰ߟߊ ߟߎ߬ ߕߘߍ߬ ߣߊ߬ߣߍ߲߫ ߙߏߕߊߙߌ ߟߊ߫ ߥߊߟߢߌߡߊߟߐ߲ ߝߏ߬ߟߌ ߟߊߛߋ߫ ߟߊ߫ ߦߙߐ. ߞߵߊ߬ ߓߍ߲߬ ߖߌ߬ߣߍ߬ ߡߙߊ߬ߦߊ ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ߖߍ߬ߘߍ ߖߍ߬ߘߍ ߡߊ߬ ߊ߬ߟߎ߬ ߟߊ߫ ߞߍߕߊ ߟߎ߬ ߘߐ߫. ߞߊ߬ ߛߌ߲߬ߝߏ߲߬ߘߊ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߓߊ߲ߓߊ߲ߠߌ߲ ߦߌ߬ߘߊ߬ ߞߵߊ߬ ߓߍ߲߬ ߞߏ߫ ߟߎ߬ ߛߏ߯ߙߏߦߢߊ ߡߊ߬. ߞߵߊ߬ ߟߐ߬ ߣߝߊ߬ߢߐ߲߰ߦߊ ߝߊ߲߬ߝߘߊ ߟߎ߬ ߡߊ߬ ߊ߬ߟߎ߬ ߣߌ߫ ߞߊ߬ߝߏ ߕߍ߫. ߞߵߏ߬ ߓߍ߲߬ ߝߟߐߦߊ߫ ߝߊ߬ߛߏ߬ߟߊ߬ߞߊ ߟߎ߬ ߡߊ߬߸ ߞߊߕߙߍ߬ߕߍ߫ ߟߊ߬ߞߟߏ߬ߟߏ߬ߟߌ ߡߊ߬ߘߎ߮ ߟߎ߬ ߡߊ߬. ߖߌ߫ ߞߏ ߡߊ߬، ߊ߬ ߣߌ߫ ߛߊߣߌߧߊ ߞߏ ߟߎ߬ ߡߊ߬. ߞߵߏ߬ ߞߎ߲߬ߝߊ߮ ߞߍ߫ ߊ߬ߟߎ߬ ߕߊ ߡߊ߬ߝߊ߲ ߞߍ ߘߐ߫ ߘߎ߲ߡߊ߫ ߓߟߏߡߊ߬ ߡߌ߬ߙߌ߲߬ߘߌ ߟߊ߫ ߘߎߢߊߘߐߕߍ߮ ߣߐ߰ߦߊ ߝߍ߬ߙߍ ߟߎ߬ ߕߌߙߌ߲ ߘߐ߫. ((ߖߌ߬ߣߍ߬ ߙߏߕߊߙߌ߫ ߟߐ߬ߣߍ߲߫ ߣߝߊ߬ߢߐ߲߰ߦߊ ߟߋ߬ ߡߊ߬߸ ߞߵߊ߬ ߓߍ߲߬ ߞߊ߬ߝߏ ߟߊ߫ ߣߝߊ߬ߢߐ߲߰ߦߊ ߣߌ߫ ߢߐ߲߯ߘߍߡߍ߲ ߞߏ ߡߊ߬. ߞߵߏ߬ ߓߐߒߘߊ߫ ߢߌߣߌ߲߫ ߡߙߊ߬ߦߊ ߟߎ߬ ߣߌ߫ ߡߌ߬ߙߌ߲߬ߘߌ ߝߍ߬߸ߞߵߊ߬ߟߎ߬ ߕߊ ߟߐ߬ߘߎ߮ ߝߊ߫ ߘߍ߭ ߟߊ߫ ߢߝߍߕߊ߮ ߘߐ߫)) ߊ߬ ߞߵߊ߬ ߘߐߞߣߍߦߊ߫ ߓߊ߬؟ ߏ߬ ߞߊ߬ ߘߍ߬ߞߏ߬ߦߊ ߞߘߎ߬ߜߍߟߍ߲ ߠߎ߬ ߟߊߥߟߌ߬ ߟߋ߬، ߖߡߊ߬ߣߊ ߦߋ߫ ߡߍ߲ ߓߍ߲߬ߢߐ߲߰ߦߊ ߞߊ߲߬. ߞߏߕߌ߯ ߝߟߐ ߞߵߊ߬ ߡߊߜߟߍ߬ߦߊ߬ ߞߏ߫ ߘߍ߬ߡߍ߲ ߞߍ߫ ߡߊ߬ߞߏ߬ߡߊ ߦߙߐ ߟߎ߬ ߘߐ߫. ߞߊ߬ߝߏ ߟߊ߫ ߞߍߕߊ ߟߎ߬ ߘߌ߫ ߛߋ߫ ߞߍ߫ ߟߊ߫ ߞߋߟߋ߲ߘߌ߫ ߢߊߞߎߘߦߊߟߌ ߘߐ߫ ߞߋߟߋ߲ߘߌ߫. ߊ߬ ߞߵߏ߬ ߘߐߜߍߦߊ߫ ߓߊ߬؟ ߡߍ߲ ߟߐ߬ߕߐ߫ ߛߏ߯ߙߏߣߍ߲ ߕߎ߲߬ߕߎ߲߬ߠߌ߲ ߡߊ߬ ߞߊ߬ ߞߟߌߟߌ ߘߏ߲߬ߖߟߎ߬ߡߊ߬ߦߊ߫ ߡߐ߲ߢߐ߲߯ߡߊ ߘߐ߫ ߣߝߊ߬ߢߐ߲߰ߦߊ ߝߊ߲߬ߝߘߊ ߛߊߓߎ߫ ߟߊ߫. ߡߐ߬ߟߐ߲ ߏ߬ ߞߏߛߐ߲߬ ߊ߬ ߞߊ߬߬ ߞߎߟߎ߲ߖߋߟߌ ߘߊ߲߬ߟߐ߲߬ߓߊߟߌ ߟߊߛߋ߫ ߙߏߕߊߙߌ߫ ߡߊ߬ ߞߵߊ߬ ߓߍ߲߬ ߊ߬ ߛߋߞߏߦߊ ߡߊ߬. ߞߊ߬ߕߙߍ߬ߕߍ߫ ߡߊ߬ߘߍ߬ߡߍ߲߬ߠߌ߲ ߣߌ߫ ߖߊ߬ߕߋ߬ߘߐ߬ߛߌ߮ ߞߣߐ߬ߜߍ߲߬ߠߌ߲ ߛߌߟߊ ߡߊ߬ ߞߵߊ߬ ߓߍ߲߬ ߡߌ߬ߙߌ߲߬ߘߌ ߟߊ߫ ߞߘߎ߬ߜߍߟߍ߲ ߠߎ߬ ߡߊ߬. ߞߎߡߘߊ ߣߊ߬ ߘߊ߫ ߛߋ߫ ߝߟߐߦߊ ߘߊߞߎ߲ ߘߏ ߡߊ߬ ߡߍ߲ ߓߍ߲߬ߕߐ߫ ߖߌ ߟߊߛߐ߬ߘߐ߲߬ ߞߏ ߡߊ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲߫ ߝߊ߲߬ߞߊ ߟߎ߬ ߓߟߏߘߏ߲ߢߐ߲߰ߓߟߏ ߢߊ߬ߒ߬ߞߐ߬ߓߊ߬ߟߌ߬ߦߊ ߞߊ߲߬ ߛߋ߲ߞߏߟߦߊ ߗߋߢߟߊ ߛߋߞߏߦߊߕߌ߮ ߟߎ߬ ߓߟߏ߫. ߞߊߕߙߍ߬ߕߍ߫ ߝߎ߬ߙߊ߲ (ߖߌߓߘߎ)ߞߏ ߡߊ߬ߘߎ߮ ߡߊ߬. ߞߊ߬ ߕߣߐ߬ߓߐ߬ߟߌ ߟߊߣߐ߰ߦߊ ߘߍ߬ߡߍ߲߬ߠߌ߲ ߏ߬ ߟߎ߬ ߛߌߟߊ ߝߍ߬. ߊ߬ ߞߵߊ߬ ߝߟߐߦߊ ߘߌ߫ ߕߍߞߢߊߟߌ ߕߌ߲߬ߞߎ߬ߘߎ߲߬ߠߊ߬ߞߊ ߡߊ߬ ߓߊ߯ߙߊ ߞߍߕߊ ߟߎ߬ ߓߍߓߊ߯ߦߊ

 ߘߐ߫. ߞߊ߬ ߟߊ߬ߞߋ߲߬ߛߎ߬ߟߌ ߟߌ߬ߤߟߊ ߓߍ߯ ߟߊߕߎߣߎ߲߫ ߥߟߊ߫ ߞߵߊ߬ ߡߊߕߊ߲߬ߞߊ߬ ߘߌ߲߬ߞߌߙߊ ߟߎ߬ ߣߌ߫ ߢߐ߲߯ߕߍ߫.

ߞߎߡߊ ߞߎ߲߬ߘߏ߲ ߘߐ߫

ߞߏߕߌ߯ ߝߟߐ ߞߊ߬ ߞߎ߲߬ߠߊ߬ߛߌ߮ ߟߊ߫ ߥߞߊ߬ߟߌ ߦߌ߬ߘߊ߬߸ ߞߵߊ߬ ߓߍ߲߬ ߙߏߕߊߙߌ߫ ߟߊ߫ ߞߎ߲߬ߦߌ߬ߘߊ߬ߟߌ ߛߏ߯ߙߏߦߊߣߍ߲ ߡߊ߬ ߊ߬ ߣߌ߫ ߖߊ߬ߕߋ߬ߘߐ߬ߛߌ߮ ߜߘߍ ߡߍ߲ ߠߎ߬ ߣߊ߬ߝߊ ߞߊ߫ ߓߏ߲߬ ߘߍ߬ߞߏ߬ߦߊ ߞߊ߲߬. ߖߌ߬ߣߍ߫ ߡߌ߬ߙߌ߲߬ߘߌ ߟߊ߫ ߜߍߘߐ߫ ߕߣߐ߫ ߘߎ߲ߡߕߊ ߛߌߟߊ ߝߍ߬.

ߞߐߣߊߞߙߌ߫ ߞߏ߲ߞߏߜߍ߫ ߕߟߋ߬ ߁߂/ ߂߀߂߆

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߜߍߓߏ߲ ߡߊ߬ߡߙߊ߬ߟߌ߬ߟߊ ߟߎ߬ ߟߊ߫ ߞߙߎߝߓߊ ߟߊ߫ ߟߏ߲ߓߊ ߛߊ߲߬ߠߊ߬ߞߊ ߖߊ߲߬ߖߏ߲ ߘߊߦߟߍߟߌ ߢߣߊߓߊ߯ߦߊ߫. ߊ߬ ߣߌ߫ ߝߘߊ߬ߝߌ߲߬ߠߊ߫ ߣߊ߲߬ߝߟߏ߬ߦߊ߬ߟߌ ߛߌ߲߬ߝߏ߲߬ߧߊ߬ߘߊ ߟߎ߬߸ ߏ߬ ߞߍߣߍ߲߫ ߕߏ߰ߝߏ߬ߦߊ ߝߊߘߌ ߟߋ߬ ߘߐ߫ ߞߎߓߋߘߐ ߞߣߐ߫ ߦߊ߲߬. ߏ߬ ߡߍ߲ ߛߌ߲߬ߝߏ߲߬ߢߊ߬ߣߍ߲ ߞߎ߲߬ߕߐ߮ ߣߌ߲߬ ߞߘߐ߫. ((ߝߘߊ߬ߝߌ߲߬ߠߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߊ߲߬ߝߟߏ߬ߦߊ: ߦߟߌߟߊ߲ߘߌߦߊ ߘߍ߲߰ߦߊ߬ߣߍ߲ ߣߌ߫ ߜߍߓߏ߲ߦߊߟߌ ߞߎ߲߬ߞߊߟߌߦߊ ߗߋߢߊ ߞߎ߬ߙߎ߲߬ߘߎ ߟߎ߬߸ ߟߏ߲ߓߊ ߣߌ߲߬ ߞߊ߬ ߘߊߦߟߍ߬ ߡߙߌ ߣߌ߫ ߘߊߘߐߝߙߊߢߐ߲߯ߦߊ ߢߍ߫، ߞߊ߬ ߣߝߊ߬ߢߐ߲߰ߦߊ ߓߊ߲ߓߊ߲߫ ߣߊ߲߬ߝߟߏ߬ߦߊ߬ߟߌ ߛߌ߲߬ߝߏ߲߬ߘߊ ߟߎ߬ ߕߍ߫ ߊ߬ ߣߌ߫ ߞߊ߬ ߟߊ߬ߛߌ߲߬ߠߌ߲ ߛߞߊߣߌ߲ߡߊ ߟߎ߬ ߞߍ߫ ߣߊ߲߬ߝߟߏ߬ߦߊ߬ߟߌ ߝߢߊߝߢߊ ߟߎ߬ ߘߐ߫.

ߛߌߘߌ߬ ߡߎߤߊ߲ߡߍߘ ߛߋ߬ߙߌ߬ߝ ߖߌ߬ߣߍ߬ ߜߍߓߏ߲ߦߊ߫ ߓߊߓߋߟߌ ߘߍ߬ߞߙߎ ߞߵߊ߬ ߕߌ߲ߕߌ߲߫ ߊ߬ ߞߊ߲߬ ߞߏ߫ ߝߘߊ߬ߝߌ߲߬ߠߊ߫ ߓߘߴߊ߬ ߢߊߕߋߟߋ߲߫ ߡߊ߬ߞߏ ߘߊ߲߬ߓߊߟߌ߫ ߟߎ߬ ߣߊ߲߬ߝߟߏ߬ߦߊ߫ ߟߊ߫، ߞߏ߫ ߛߴߊ߬ ߘߴߊ߬ ߟߊ߫ ߢߝߍߕߊ߮ ߛߐ߬ߘߐ߲߬. ߞߵߊ߬ ߟߊ߫ ߥߊߟߌߘߊ ߟߎ߬ ߡߊߘߍ߬ߡߍ߲߬، ߞߊ߬ ߛߴߊ߬ ߟߊ߫ ߘߍ߲߰ߦߊ߬ߟߌ ߝߊ߲߬ߞߊߘߏ߲߬ ߠߊ߫. ߊ߬ ߣߌ߫ ߞߊ߬ ߣߊ߲߬ߝߟߏ߬ߦߊ߬ߟߌ ߘߎ߲ߡߕߊ ߢߐ߲߰ߦߋ߬ߓߊߟߌ ߟߊߖߊ߲ߞߏ߫. ߡߊ߬ߘߎ߮ ߏ߬ ߘߐ߫ ߖߊ߬ߓߌ߬ߦߊ߬ߟߌ ߓߟߋߓߟߋ ߟߋ߬ ߝߘߊ߬ߝߌ߲߬ߠߊ߫ ߜߍߓߏ߲ ߠߎ߬ ߞߎ߲߬. ((ߞߊ߬ ߞߍ߫ ߣߊ߲߬ߝߟߏ߬ߦߊ߬ߟߌ ߕߍߟߐ ߟߎ߬ ߘߌ߫. ߞߊ߬ ߞߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߐ߫ ߥߙߎߞߌ ߥߊ߬ߣߊ ߖߍ߬ߘߍ ߖߍ߬ߘߍ ߘߌ߫))

ߝߘߊ߬ߝߌ߲߬ߠߊ߫ ߡߊߣߊ߲ߞߎ߲ߦߊ ߓߟߏߡߦߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߝߊ߬ߢߐ߲߰ߦߊ ߝߘߏ߬ߓߊ߬ ߞߟߊ߬ߕߌ߮ (ߝߊߜ߭ߊߛߋ) ߒߖ߭ߋߕߏ߫ ߕߌ߬ߙߍߣߊ߬ ߦߊ߲ߓߊߦߋ߫، ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߝߘߊ߬ߝߌ߲߬ߠߊ߫ ߛߐ߬ߘߐ߲߬ߘߊ ߥߙߊ߬ߣߍ߲߬ߓߊ ߣߌ߲߬ ߓߍ߯ ߣߴߊ߬ ߕߊ، ߝߘߊ߬ߝߌ߲߬ߠߊ߫ ߞߢߊ߬ߣߍ߲߫ ߊ߬ ߖߘߍ߬ ߞߘߐ߬ ߣߊ߲߬ߝߟߏ߬ߦߊ߬ߟߌ ߛߌߟߊ ߝߍ߬. ߊ߬ ߞߵߊ߬ ߕߌ߲ߕߌ߲߫ ߞߍߕߊ ߞߟߍ߬ߦߊ߬ߡߊ ߟߎ߬ ߞߊ߲߬ ߦߟߌߟߊ߲ߘߌߦߊ ߘߍ߲߰ߦߊ߬ߣߍ߲ ߞߊߡߊ߲ ߘߐ߫. ߞߵߊ߬ ߟߊߥߟߌ߬ ߣߊ߲߬ߝߟߏ߬ߦߊ߬ߟߌ ߞߊ߲ߞߋ ߢߊߞߎߘߦߊ ߡߊ߬، ߞߊ߬ ߣߊ߲߬ߝߟߏ߬ ߓߐ ߡߊ߬ߘߐ߯ߦߊ߫ ߞߊ߬ ߖߐ߬ߘߐ ߡߊߡߙߊ߬ ߊ߬ ߢߌ߬ߡߊ ߟߊ߫߸  ߞߊ߬ ߛߋ߫ ߖߎ߬ߟߎ ߛߐ߬ߘߐ߲߬ ߠߊ߫߸ ߞߊߕߙߍ߬ߕߍ߫ ߘߋ߲ߡߌߛߍ߲߫ ߥߊߟߌߝߊ ߟߎ߬ ߡߊ߬߸ ߞߏ߲ߞߏߘߐ߫ ߡߛߏ ߟߎ߬ ߢߍ߫߸ ߊ߬ ߣߌ߫ ߡߊ߬ߘߎ߰ ߜߘߍ ߥߊ߬ߣߊ ߟߎ߬ ߢߍ߫. ߞߏߕߌ߯ ߝߟߐ ߞߵߊ߬ ߦߌ߬ߘߵߊ߬ ߟߊ߫ ߞߎߡߊ ߘߐ߫߸ ߞߏ߫ ߖߌ߬ߣߍ߬ ߓߘߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊߥߙߎߞߌ߫ ߞߐߡߊߓߌ߲ߓߌ߲߫. ߡߍ߲ ߦߋ߫ ߖߙߎߡߎ߲ߦߟߍߡߊ߲ ߘߌߦߊߜߏߦߊߦߊ߫ ߟߊ߫߸ ߛߊ߫ ߕߐ߬ߣߐ ߘߌ߫ ߛߋ߫ ߡߊ߬ߘߎ߮ ߓߍ߯ ߥߊ߬ߣߊ ߡߊ߬. ((ߓߌ߬ ߣߊ߲߬ߝߟߏ߬ߦߊ ߜߍߓߏ߲ߦߊ ߡߊ߬ߘߎ߮ ߢߊ߬ߕߣߐ ߞߊ߫ ߓߏ߲߬ ߞߊ߬ߝߏ ߡߊ߬ߞߏ ߟߎ߬ ߘߐ߫߸ ߏ߬ ߦߋ߫ ߓߐ߫ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߓߟߏߡߊ ߟߎ߬ ߟߋ߬ ߘߐ߫ ߥߙߎߞߌ߫ ߢߐ߲߰ߦߋ߬ߜߏ ߞߊߡߊ߲ ߘߐ߫. ߖߎ߬ߓߐ ߟߎ߬ ߞߎ߲߬ߞߘߐ߫ ߡߐ߰ߦߊ ߡߊߣߊ߲ߞߎ߲ ߣߌ߫ ߘߌ߲߬ߞߌߙߊ ߕߊ ߊ߬ ߣߌ߫ ߜߍߓߏ߲ߦߊߟߌ ߓߟߏߦߊߟߌ߫ ߖߙߎߡߎ߲߫ ߦߟߍߡߊ߲ ߞߊ߬ ߘߏ߫ ߓߐ߫ ߖߐ߬ߘߐ ߟߊ߫ ߊ߬ ߣߌ߫ ߞߊ߬ ߜߍߓߏ߲ߦߊߟߌ ߞߟߊߓߎߡߦߊ߫)) ߊ߬ ߞߊ߬ ߘߐ߬ߞߣߍ߬ߟߌ ߞߍ߫ ߜߍߓߏ߲ ߠߎ߬ ߡߊߞߟߌ߫ ߢߡߊߦߟߍߡߊ߲ ߣߌ߲߬ ߡߊߘߍ߬ߡߍ߲ ߘߐ߫. ߟߊ߬ߞߎ߬ߘߦߊ߬ߟߌ ߣߌ߫ ߝߙߋ߬ߢߐ߲߮ ߠߎ߬ ߓߙߍ߬ߡߊ ߞߍߟߌ ߛߌߓߟߏߡߦߊ ߓߟߏߡߊ߬.