ߛߌ߬ߣߌ߲߬ߟߏ߲ ߞߏ߲ߓߌߕߌ߱ ߕߟߋ߬ ߂߄/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߣߴߊ߬ ߟߊ߫ ߗߋߦߊߟߌ ߛߣߍ߫ ߘߊ߫ ߟߊߓߋ߬ ߛߏ߫ ߞߣߐ߫߸ ߕߌ߲߬ߞߎߘߎ߲ ߞߎߓߋ ߣߌ߲߬ ߠߋ߬ ߞߎߟߎ߲ߖߋߟߌ߫ ߖߊ߰ߟߋ ߞߎ߲߬ߘߐ߬ߖߊ߲ ߞߎ߲߬ߘߏ߲ ߘߌ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߎߟߎ߲ߖߋߟߌ߫ ߞߍ߫ ߛߌ߰ߞߊ߲ ߞߎߘߊ ߟߊߘߌ߬ߢߍ ߞߐ߫. ߞߊ߲ߘߟߌ ߓߙߊߡߊߖߊ߲ߓߊ ߘߏ߲߬ߖߟߎ߬ߡߊ߬ߟߊ ߝߊ߬ߛߏ߬ߟߊ߬ߞߊ((ߤߊ߯ߟߌ߫)) ߢߍ߫. ߊ߬ ߟߊߛߣߍ߫ ߘߊ߫ ߡߙߊ߬ߦߊ ߕߌ߲߬ߞߎߘߎ߲߫ ߡߊ߬ߡߙߊ߬ߟߌ߬ߟߊ ߟߎ߬ ߟߋ߬ ߓߟߏ߫ ߕߎ߲߰ߢߐ߲߰ߠߊ ߓߟߏߡߊ߬߸ ߊ߬ ߣߌ߫ ߟߊߓߋ߬ ߡߐ߰ߓߊ ߟߎ߬ ߣߌ߫ ߡߏ߬ߛߏ ߟߎ߬ ߣߌ߫ ߘߋ߲ߡߌߛߍ߲ ߠߎ߬ ߞߊ߬ ߢߐ߲߮ ߦߋ߫. ߞߊ߬ߝߏ ߞߎ߲߬ߕߌ߮ ߟߊ߫ ߥߊߟߢߌߡߊߟߐ߲߫ ߝߏ߬ߟߌ ߟߊߛߋ߫ ߘߊ߫ ߊ߬ߟߎ߬ ߡߊ߬. ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߙߎߝߊߟߌ ߣߴߊ߬ߟߎ߬ ߟߊ߫ ߛߐ߲߬ ߠߊ߫ ߛߌ߰ߞߊ߲߬ ߞߎߘߊ ߡߊ߬. ߞߏߕߌ߯ ߝߟߐ ߡߊߟߐ߬ߣߍ߲ ߘߊ߫ ߟߊ߬ߞߟߏ߬ߞߟߏ߬ߟߌ ߝߊ߬ߛߏ߬ߟߊ߬ߞߊ ߣߌ߫ ߛߓߍߛߎ߲ߧߊߟߌ ߞߏߕߌ߮ ߖ߭ߊ߲ߔߏߟ ߛߋ ߘߌ߫ ߟߋ߬ ߓߟߏ߫، ߊ߬ ߣߴߊ߬ ߟߊ߫ ߞߎߓߋߘߐ ߡߊ߬ߞߟߐ ߟߎ߬.

ߞߏ߲ߓߌߕߌ߱ ߕߟߋ߬ ߂߃/ ߂߀߂߅

ߓߏߞߋ߬ ߞߏߕߌ߯ ߝߟߐ ߟߊߓߍ߲߬ ߘߊ߫ ߖߌ߲ߘߊ߲ ߖߍ߬ߘߍ ߖߍ߬ߘߍ ߟߋ߬ ߘߐ߫ ߡߌ߬ߙߌ߲߬ߘߌ ߓߟߏ߫ ߊ߬ߟߎ߬ ߟߊ߫ ߘߋ߲ߡߌߛߍ߲ ߓߏ߲ ߠߊ߫. ߞߊ߬ ߞߊ߬ߝߏ ߞߎ߲߬ߕߌ߮ ߟߊ߫ ߗߋ ߟߊߛߋ߫ ߊ߬ߟߎ߬ ߡߊ߬߸ߊ߬ ߣߊ߬ߣߍ߲߫ ߊ߬ ߟߊ߫ ߛߍߥߊ ߖߍ߬ߘߍ ߖߍ߬ߘߍ ߦߌ߬ߘߊ߬ ߟߊ߫ ߘߎ߰ߘߋ߲ ߠߎ߬ ߟߊ߫. ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߙߎߝߊߟߌ ߕߐ߰ߡߊ߬ߛߙߋ߬ߡߊ ߡߊ߬ ߞߊ߲ߘߟߌ ߢߣߊߕߊߟߌ ߕߊ߬ߡߌ߲߬ ߘߐ߫ ߕߎߟߊߝߌ߲ ߂߁/ ߂߀߂߅.ߗߋߦߊߟߌ߫ ߞߊ߲ߕߌ߯ ߞߙߍߞߙߍߣߍ߲ ߣߌ߫ ߓߏ߬ߞߋ߫ ߕߌ߲߬ߞߎߘߎ߲ ߞߎ߲߬ߠߊ߬ߛߌ߰ߟߊ ߟߎ߬ ߞߊ߬ ߝߏ߬ߟߌ ߟߊߛߋ߫ ߘߐ߬ߖߊ ߟߊ߫. ߊ߬ ߣߌ߫ ߥߊߟߢߌߡߊߟߐ߲߫، ߊ߬ ߣߌ߫ ߘߐ߬ߖߊ ߡߍ߲ ߞߍߣߍ߲߫ ߞߊ߬ ߡߐ߱ ߟߎ߬ ߟߊߖߍ߲ߛߍ߲߫ ߞߣߍ ߞߊ߲߬ ߡߙߊ߬ߦߊ ߟߎ߬ ߓߟߏ߫߸ ߛߊ߫ ߝߘߏ߬ߓߊ߬ ߓߘߍߓߘߍߟߌ ߘߌ߫ ߟߊߕߊ߯ ߡߊ߬. ((ߏ߬ ߡߍ߲ ߞߊ߬ ߞߊ߲ߕߌ߮ ߞߟߊߓߎߡߦߊ߫ ߊ߬ ߟߊߞߙߐ߬ߛߌ ߞߐ߫ ߞߏ߫ ߊ߲ ߓߘߊ߫ ߛߎߘߊ߲ ߊ߲ ߣߌߘߐߞߏ ߞߎ߲߬ߘߐ߬ߖߊ߲ ߘߐ߫ ߡߍ߲ ߕߘߍ߬ ߕߴߛߋ߫ ߟߊ߫ ߞߍ߫ ߟߊ߫ ߞߊ߬ߞߘߐ߬: ߞߵߊ߬ ߦߌ߬ߘߊ߬ ߞߏ߫ ߊ߲ ߘߌ߫ ߛߋ߫ ߞߏ߫ ߓߊ ߓߟߋ߬ߓߟߋ߬ ߟߎ߬ ߘߟߊߞߊ߬ ߟߊ߫ ߓߍ߲߭ ߘߐ߫. ߞߍߞߋߟߋ߲ߘߌ ߘߐ߫، ߊ߬ ߣߌ߫ ߕߋߙߌߦߊ ߘߐ߫)) ߞߏߕߌ߯ ߝߟߐ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߞߊ߲ߘߟߌ ߕߘߍ߬ߒ߬ߘߐ߬ߓߊ߮ ߞߍߣߍ߲߫ % ߉߀، ߤߊ߲߯ ߉߄ ߝߊ߬ߛߏ ߘߎ߰ߞߣߍ ߓߍ߯ ߟߊߘߍ߬ߣߍ߲ ߞߊ߲߬. ߏ߬ ߘߐ߫ ߖߊ߬ߕߋ ߏ߬ ߦߋ߫ ߘߎ߬ߘߋ߲ ߠߎ߬ ߟߊ߫ ߛߐ߲߬ߡߊ߬ߦߊ ߟߋ߬ ߦߌ߬ߘߊ߬ ߟߊ߫ ߡߛߍ߬ߞߍ߬ߡߛߍߞߍ ߟߎ߬ ߞߎ߲߬ߕߊ߮ ߞߣߐ߫ ((ߣߌ߫ ߕߘߍ߬ߒ߬ߘߐ߬ߓߊ߮ ߖߊ߬ߕߋ ߦߟߍ߬ ߘߊ߫ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߊ߲ ߠߊ߫ ߖߡߊ߬ߣߊ ߦߋ߫ ߜߘߌߛߌ߯ߞߎߘߊ ߛߌߟߊ ߞߊ߲߬. ߏ߬ ߦߋ߫ ߡߌ߬ߙߌ߲߬ߘߌ ߟߊ߫ ߟߊߒߠߦߊ ߕߐ߰ߡߊ߬ߛߙߋ ߟߋ߬ ߘߌ߫ ߊ߬ ߟߊ߫ ߛߌ߲߬ߝߏ߲߬ߘߊ ߘߐ߫. ߊ߬ ߞߊ߬ ߘߎ߰ߘߋ߲ ߓߍ߯ ߝߏ߬، ߡߍ߲ ߠߎ߬ ߞߊ߬ ߐ߲ߤߐ߲ ߛߎߥߊߘߌ߫ ߡߍ߲ ߠߎ߬ ߞߊ߬ ߍ߲߬ߍ߲߫ ߛߎߥߊߘߌ߫.)) ߞߵߊ߬ ߦߌ߬ߘߊ߬ ߞߏ߫ ߓߍ߯ߦߊ ߜߘߌߛߌ߰ߣߍ߲ ߛߐ߲߬ ߠߋ߬ ߡߊ߬ ߓߍ߯ ߕߊ ߝߊ߰ߡߎ߲߬ߠߌ߲ ߡߊ߬ ߘߍ߬ߞߏ߬ߦߊ ߕߘߍ߬ߒ߬ߘߐ߬ߟߌ ߟߎ߬ ߘߐ߫. ߏ߬ ߞߐ߫߸ ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߊ߲ ߠߊ߫ ߞߊ߲ߘߟߌ ߛߎ߯ߦߊ߫ ߢߌ߲߬ ߕߍߣߊ߬ ߛߋ߫ ߟߊ߫ ߞߍ߫ ߟߊ߫ ߣߐ߰ߦߊ ߘߐ߫ ߣߌ߫ ߓߟߏߘߏ߲ߢߐ߲߰ߓߟߏ ߕߴߊ߲ ߣߌ߫ ߘߌ߲߬ߞߌߙߊ ߡߙߊ߬ߦߊ ߟߎ߬ ߣߌ߫ ߘߎ߰ߘߋ߲ ߠߎ߬ ߣߌ߫ ߢߐ߲߯ ߕߍ߫. ߞߊ߬ ߝߟߐߦߊ ߘߌ߫ ߖߘߍ߬ߘߏ߲߬ߒ߬ߞߊ߲ߡߊ ߣߌ߫ ߟߞߊ߬ߙߊ߲߬ߠߌ߲ ߣߌ߫ ߞߍ߲ߘߍߦߊ ߥߛߊ߬ߘߊ߬ߕߌ߮ ߟߎ߬ ߡߊ߬߸ ߞߊߕߙߍ߬ߕߍ߫ ߘߎ߰ߣߍ߲ ߞߣߐߟߊ ߞߐߞߘߐߕߊ ߟߎ߬ ߡߊ߬߸ ߞߊ߬ ߥߊ߫ ߡߌ߬ߙߌ߲߬ߘߌ ߟߎ߬ ߝߍ߬ ߦߋ߲߬߸ ߞߊ߲ߘߟߌ ߞߎ߲߬ߕߊ߮ ߓߍ߯ ߞߘߐ߫.ߏ߬ ߞߐ߫ ߞߏߕߌ߯ ߝߟߐ ߞߊ߬ ߞߊ߲ߓߍ߲ ߞߊ߲ߕߌ߮ ߣߌ߫ ߞߎ߲߬ߠߊ߬ߛߌ߮ ߟߊ߫ ߞߎߟߎ߲ߖߋߟߌ ߟߊߛߋ߫ ߓߏ߬ߞߋ ߡߌ߬ߙߌ߲߬ߘߌ ߡߊ߬. ߞߏ߫ ߊߟߎ߫ ߟߋ߬ ߣߐ߬ ߝߊ߲ߞߊ ߘߌ߫ ߟߴߊ߲ ߡߊ߬ ߞߊ߬ ߥߙߎߞߌ ߛߌߟߊ ߣߌ߫ ߓߍ߲߭ ߛߌߟߊ ߡߌ߬ߣߊ߬، ߊߟߎ߫ ߟߋ߬ ߕߘߍ߬ ߡߛߍ߬ߞߍ߬ߡߛߍߞߍ ߕߊ߲ߓߊ߲ ߘߌ߫. ߊ߲ ߘߏ߲߬ ߦߋ߫ ߦߋ߲߬ ߠߋ߬ ߞߵߊߟߎ߫ ߗߋ ߢߊ߬. ߊߟߎ߫ ߟߊ߫ ߥߞߊ߬ߟߌ ߣߴߊߟߎ߫ ߟߊ߫ ߞߙߎߝߊߟߌ ߕߏߕߐ߫ ߟߋ߬ ߖߡߊ߬ߣߊ߫ ߘߝߐ߬ ߜߊ߲ߜߊ߲ߣߍ߲ ߘߐ߫.

ߞߏ߲ߓߌߕߌ߱ ߕߟߋ߬ ߂߂ / ߂߀߂߅

ߝߙߊߣߊ߫ ߂߂/ ߂߀߂߅ ߖߋ߬ߟߌ߬ߓߊ ߓߊ ߓߐߛߎ߲ ߛߏ ߞߊ߬ ߟߊߓߍ߲߬ߠߌ߲߬ߓߊ ߞߍ߫ ߗߋߦߊߟߌ ߞߎ߲߬ߠߊ߬ߛߌ߰ߟߊ߬ߞߊ ߢߍ، ߏ߬ ߡߍ߲ ߢߍߡߌ߬ߘߊ߬ߣߍ߲ ߕߘߍ߬ ߞߏߕߌ߯ ߝߟߐ߫ ߊߡߊߘߎ߫ ߎߙߌ߬ ߓߊ ߓߟߏ߫. ߝߊ߲߬ߝߘߊ߬ߦߊ߬ߟߌ ߣߌ߫ ߕߍߓߊ߯ߦߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߞߏߕߌ߮ ߌߛߑߡߊߦߍߟ ߣߊ߰ߓߋ، ߛߌߟߊ߫ ߓߊ߯ߙߊ߫ ߞߏߕߌ߮، ߟߊ߰ߦߌ߬ ߛߋߞߎ߬ ߞߡߊ߬ߙߊ߫، ߊ߬ ߣߌ߫ ߞߎ߲߬ߠߊ߬ߛߌ߰ ߟߊ߫ ߝߘߏ߬ߓߊ߬ ߞߟߊ߬ߕߌ߮ ߞߏߕߌ߮ ߓߋߣߎߥߊ߫ ߞߡߊ߬ߣߏ߫، ߞߎ߲߬ߠߊ߬ߛߌ߮ ߞߎ߲߬ߕߌ߮ ߕߘߍ߬ ߡߊߟߐ߬ߣߍ߲ ߏ߬ ߟߎ߬ ߟߋ߬ ߓߟߏ߫. ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫. ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߝߙߊߣߊ߫ ߛߍ߲ ߞߋߟߋ߲߫ ߞߓߊߝߟߐߛߌ߮ ߢߊ߰ߢߊ߰ ߢߣߊߓߊ߯ߦߊ߫߸ ߘߐ߬ߕߊߡߌ߲ ߞߏߟߊߕߍ߯ ߝߊ߬ߛߏ߬ߟߊ߬ߞߊ ߞߊ߲ߕߌ߮ ߕߘߍ߬ ߞߣߍ߫ ߞߊ߲߬. ߊ߬ ߖߌ߰ߕߐ ߛߊ߲ߡߊߞߎߟߎ߲ ߞߣߐ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊߓߍ߲߬ ߘߊ߫ ߝߙߊߣߊ߫ ߕߌ߲߬ߞߎߘߎ߲߫ ߞߎ߲߬ߠߊ߬ߛߌ߰ߟߊ ߟߋ߬ ߓߟߏ߫، ߕߍߟߍ߲߫ ߝߌߟߊߣߊ߲ ߞߟߍ߬ߕߌ߯ ߓߎ߲߬ߘߎ߬ߞߊ ߞߐ߲ߘߍ߫ ߝߙߊߣߊ߫ ߡߙߊ߬ߓߊ߮ ߣߌ߫ ߞߛߌ߬ߘߎ߮ ߣߌ߫ ߘߊߓߏߟߊ߫ ߣߌ߫ ߘߌ߲ߜ߭ߌߙߊߦߌ߫ ߡߙߊ߬ߓߊ߮ ߟߎ߬ ߓߍ߯ ߕߘߍ߬ ߞߣߍ ߞߊ߲߬.  ߝߙߊߣߊ߫ ߛߍ߲ ߞߎ߲߬ߞߋߟߋ߲߫ ߦߋ߫ ߖߎ߬ߓߌ߬ߟߊ߬ ߝߊ߲ߝߘߊ ߟߋ߬ ߘߌ߫. ߕߌ߲߬ߞߎߘߎ߲ ߠߊ߫ ߘߊߦߟߍߟߌ ߣߌ߫ ߥߙߎߞߌ ߘߐ߫. ߊ߬ ߣߊ߲߬ߝߟߏ߬ߦߊ߬ߣߍ߲ ߊ߲ ߣߌ߫ ߣߌߔߐ߲ ߠߊ߫ ߓߟߏߘߏ߲ߢߐ߲߰ߓߟߏ ߟߋ߬ ߟߊ߫. ߢߊ߰ߢߊ߰ ߓߍ߯ ߞߍ߫ ߘߴߊ߬ߟߎ߬ ߟߊ߫ ߗ߭ߊߔߐ߲ ߠߊ߫ ߟߊ߬ߛߌ߰ߘߋ߲ ߢߊߞߘߐ߫ ߟߋ߬ ߕߋߙߌߢߐ߲߯ߦߊ ߣߌ߫ ߢߐ߲߯ߘߍߡߍ߲ ߛߙߋ ߖߌ߬ߣߍ ߣߌ߫ ߗ߭ߊߔߐ߲߫ ߡߌ߬ߙߌ߲߬ߘߌ ߣߌ߫ ߢߐ߲߯ ߕߍ߫.

ߞߏ߲ߓߌߕߌ߱ ߕߟߋ߬ ߂߁/ ߂߀߂߅

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߂߁/ ߂߀߂߅ ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߐߞߑߛߎߝߐߙߘ ߢߍߥߟߊ߫ ߖߌ߬ߣߍ ߣߌ߫ ߌߙߌߦߏ ߕߌ߲߬ߕߏ߫ ߘߍ߬ߒ߬ߡߊ߬ ߞߎ߲ߦߌߘߊߟߌ.  ߏ߬ ߦߋ߫ ߢߍߥߟߊ߫ ߟߋ߬ ߘߌ߫ ߌߙߌߦߏ߫ ߕߌ߲߬ߕߏ߫ ߖߌ߬ߣߍ߬ ߣߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߕߍ߫. ߡߍ߲ ߞߎ߲߬ߕߋߟߋ߲߫ ߦߋ߫ ߡߊߞߟߐ ߟߎ߬ ߛߋߞߏߦߊ ߡߞߊ߬ߝߏ ߘߌ߫ ߝߘߏ߬ߓߊ߬ ߡߊ߬ߡߙߊ߬ߟߌ߬ ߘߐ߫. ߞߊ߬ߓߌ߯ ߂߀߂߃/ ߁߉ ߝߘߏ߬ߓߊ߬ ߡߊ߬ߡߙߊ߬ߟߌ߬ ߡߊ߬ߞߟߐ ߊ߬ ߣߌ߫ ߓߊ߯ߙߊߘߋ߲߫ ߁߁ ߕߊ߬ ߘߊ߫ ߢߍߥߟߊ߫ ߏ߬ ߞߊ߲ߡߊ߬. ((ߡߣߊߖߍ߲ߞ ߡߣߌߜ߭ ߎߥߊߟ ߊ߲ߜ߭ߊߛ ߝߐߙ ߣߊߛߐ߲ߣߊߟ ߘߋߝ߭ߟߏߔߋߡߊ߲))ߞߵߊ߬ ߟߊ߬ߥߟߌ߬ ߊ߬ߟߎ߬ ߛߋߞߏߦߊ ߝߊ߲߬ߝߘߊ ߡߞߊ߬ߝߏ ߡߊ߬ ߞߎ߲߬ߠߊ߬ߛߌ߰ߦߊ߬ߟߌ ߘߐ߫. ߊ߬ ߣߌ߫ ߛߐ߬ߘߐ߲߬ߘߊ ߟߎ߬ ߡߊߡߊ߬ߙߊ ߥߙߎߞߌ ߦߋߝߊߘߌ ߘߎ߲ߡߕߊ ߡߊ߲߬ߕߏ߲ ߗߋ ߢߊ߬ ߞߊ߲ߡߊ߬.  ߞߏߕߌ߯ ߝߟߐ ߛߍߥߊ߫ ߘߊ߫ ߞߏߢߊ ߣߌ߲߬ ߠߊ߫ ߞߵߊ߬ ߡߊ߲߬ߞߕߎ߬ߦߊ߫ ߞߏ߫ (ߌߙߌߦߏ߫ ߕߌ߲ߕߏ߫ ߖߌ߬ߣߍ߬ ߟߊ߫ ߗߋߦߊߟߌ ߘߝߊߟߊ߲ ߠߋ߬ ߦߌߟߊ ߣߌ߲߬ ߘߌ߫). ߊ߬ ߞߵߊ߬ ߦߌ߬ߘߊ߬ ߦߟߌߓߌߟߊߟߌ ߘߐ߫ ߞߏ߫ ߖߡߊ߬ߣߊ ߡߍ߲ ߠߎ ߛߎߘߊ߲ߣߍ߲߫߸ ߏ߬ ߟߋ߬ ߡߍ߲ ߠߎ߬ ߞߊ߬ ߣߊ߲߬ߝߟߏ߬ߘߏ߲߬ߠߌ߲ ߞߍ߫ ߡߐ߰ߦߊ ߟߊ߬ߞߐ߰ߟߌ߬ ߞߏ߫ ߟߎ߬ ߟߊ߫)) ߞߵߊ߬ ߟߊ߫ ߞߎߡߊ߫ ߟߊ߲ߡߊ߫ ߘߏ߫ ߕߊ߬ ߛߌ߲ߜ߭ߊߔߎߙ ߡߊ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲߫ ߡߙߌߣߊ߲ ߣߌ߫ ߞߎ߲߬ߠߊ߬ߛߌ߰ߦߊ߬ߟߌ ߞߊ߲߬߸ ߦߏ߫ ߢߡߊߦߟߍߡߊ߲߫ ߠߊߥߙߎߞߌߟߊ߲ ߝߊ߬ߛߏ߬ߟߊ߬ߞߊ: ((ߖߍ߯ߡߌߣߟߊ ߟߎ߬ ߟߊ߫ ߛߏߣߍ߲ ߓߘߊ߫ ߞߴߊ߬ ߘߌ߫ ߡߙߊ߬ߓߊ߮ ߟߎ߬ ߟߊ߫ ߦߟߌߟߊ߲ߘߌߦߊ ߘߐ߫ ߛߎߘߊ߲ ߖߊ߯ߓߊߞߊ߲ߞߋ ߝߊ߬ߘߌ ߘߐ߫)) ߌ ߞߵߏ߬ ߝߊ߰ߡߎ߲߬ߓߊ ߛߊߣߌ߬ ߌ ߞߍߕߐ߫ ߖߌ߬ߣߍ߫ ߡߊ߬ߞߟߐ ߟߎ߬ ߡߊߞߟߌ߫ ߟߊ߫ ߞߏ߫ ߛߎ߯ ߏ߬ ߟߎ߬ ߡߊ߬.ߞߵߊ߬ߟߎ߬ ߖߘߍ߬ ߘߐߓߍ߲߬ ߞߍߢߊ߫ ߓߍ߯ ߘߐ߫ ߓߍ߬ߘߍ ߟߊ߫. ߡߍ߲ ߓߍ߲߬ߣߍ߲ ߜߍߘߐߞߏ ߟߎ߬ ߡߊ߬ ߡߊ߲߬ߕߏ߲߬ߕߍ߬ߟߞߊ߬ߦߊ ߣߌ߫ ߝߊ߬ߛߏ߬ߟߞߊ߬ߦߊ ߓߟߏߡߊ߬.  ߞߎߡߊ ߞߎ߲߬ߝߊ߮ ߘߐ߫، ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߣߕߊ߬ ߡߍ߲ ߦߴߊ߬ߟߎ߬ ߟߊ߫ ߞߵߊ߬ ߟߐ߬ ߛߌߣߌ߲ߢߍߛߌ߮ ߖߏߣߊ ߡߊ߬، ߡߊ߬ߝߘߏ߬ߟߌ߬ߓߊߟߌ߬ߦߊ ߘߐ߫. ߝߊ߬ߛߊ߲߬ ߦߋߕߐ߫ ߊߟߊ߫ ߞߊ߬ ߞߣߍ߫ -ߍ-ߞߣߍ߫ ߓߐ߫. ߞߊ߬ ߕߊ߬ߡߌ߲߬ ߓߘߍ߬ߓߘߍ߬ߟߌ ߡߙߌߣߊ߲ ߘߐߞߣߍ߫ ߟߊ߫.

ߞߏ߲ߓߌߕߌ߱ ߕߟߋ߬ ߂߄ / ߂߀߂߅

ߞߏ߲ߓߌߕߌ߱ ߕߟߋ߬ ߂߃/ ߂߀߂߅ ߞߎߟߎ߲ߖߋߟߌ ߖߊ߰ߟߋ ߛߋ߲߬ߝߍ߬. ߓߏ߬ߞߋ߬ ߡߊ߬ߡߙߊ߬ߟߌ ߕߌ߲߬ߞߎߘߎ߲ ߘߐ߫، ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߖߏ߯ ߓߘߍߦߊ ߓߐߒߡߊߟߌ ߘߏ߫ ߞߍ߫ ߓߏߝߊ߬ ߡߐ߬ߓߊ ߟߎ߬ ߝߍ߬. ߏ߬ ߞߎ߲߬ߠߊ߬ߦߋߙߋ߲ ߞߵߊ߬ ߝߊ߫. ߛߌ߰ߓߊ߮ ߟߎ߬ ߞߊ߬ ߞߎߟߎ߲ߖߋߟߌ ߖߍ߬ߘߍ ߖߍ߬ߘߍ ߞߍ߫ ߞߵߊ߬ ߓߍ߲߬ ߢߡߊߦߟߍߡߊ߲ ߡߊ߬ ߡߌ߬ߙߌ߲߬ߘߌ ߟߊ߫ ߢߣߊߡߦߊ ߟߊߣߐ߰ߦߊ ߛߌߟߊ ߝߍ߬.  ߞߎ߲߬ߠߊ߬ߛߌ߮ ߣߌ߫ ߞߊ߬ߝߏ ߞߎ߲߬ߕߌ߮ ߓߟߏ߫. ߏ߬ ߓߍ߲߬ߒ߬ߛߋ߲߬ߡߊ ߛߋ ߓߏߝߊ߬ ߡߐ߰ߓߊ ߟߎ߬ ߓߟߏ߫ ߊ߬ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ߟߎ߬ ߡߙߌߣߊ߲ ߞߊ߲߬ ߣߌ߫ ߝߊ߲߬ߞߊ߬ ߘߐ߬ߝߘߊ߬ ߕߍ߫߸ ߊ߬ ߣߌ߫ ߖߌ߬ߣߍ߬ ߢߡߊߦߟߍ߬ߡߊ߲ ߡߙߌߣߊ߲. ߊ߬ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߞߊ߲ߓߍ߲ ߞߊ߲ߕߌ߮ ߟߊ߫ ߡߊ߬ߞߎ߲߬ ߞߎ߲߬ߘߐ߬ߖߊ߲ ߣߌ߲߬ ߝߊ߰ߡߎ߲߬. ߞߏ߫ ߊ߬ߟߎ߬ ߦߋ߫ ߞߟߋߞߟߋ ߡߊߦߟߍ ߞߍ߫ ߟߊ߫ ߞߊ߲ߡߊߦߟߍ ߘߐ߫ ߞߏ߫ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߦߋ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫. ߞߊ߲ߕߌ߯ ߢߣߊߕߊߟߌ ߣߊ߬ߕߐ ߘߐ߫. ߞߊ߬ ߞߎߡߊ ߕߐ߭ ߓߟߏߕߎ߲߰ ߊ߬ ߝߏ߭ ߟߊ߫ ߞߍߥߊߟߌ ߘߊߡߌ߬ߣߊ߬ߣߍ߲ ߠߎ߬ ߟߊ߫ ߊ߬ ߟߊ߫ ߖߡߊ߬ߣߊ ߡߊ߬ߙߊ ߛߊ߲߬ ߣߊ߯ߣߌ߲߫ ߣߌ߲߬ ߞߣߐ߫.

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߁߇/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߝߘߏ߬ߓߊ߬ ߡߊ߬ߡߙߊ߬ߟߌ ߛߍ߯ߛߍߟߌ ߞߊ߲߬ߞߎߡߊ ߘߊ߲߬ߕߍ߰ߟߌ ߟߊߛߙߋߦߊ ߕߏ߲߬ߜߏ ߢߍߡߌ߬ߘߊ߬. ߡߍ߲ ߠߊߘߊ߲߫ ߘߊ߫ ߖߡߊ߬ߣߊ ߢߊߞߎߘߦߊߟߌ ߣߌ߫ ߝߘߏ߬ߓߊ߬ ߡߊ߬ߡߙߊ߬ߟߌ ߢߍߥߟߊ߫ ((ߔߙߋߡߊߔ)) ߞߣߐ߫.ߢߍߥߟߊ ߏ߬ ߞߎ߲߬ߕߋߟߋ߲ ߟߐ߬ߣߍ߲ ߛߌ߲߬ߝߏ߲߬ߘߊ ߛߍ߯ߛߍ߯ߟߌ ߣߴߊ߬ ߛߌ߲߬ߝߏ߲߬ߧߊ߬ߟߌ ߡߊ߬. ߏ߬ ߞߊ߬ ߞߏ߫ ߟߎ߬ ߞߍ ߞߎ߲߭ ߠߎ߬ ߣߌ߫ ߓߐߒߘߊ ߣߌ߫ ߞߘߎ߬ߜߍߟߍ߲ ߠߎ߬ ߟߊ߲ߞߣߍߡߦߊ߫.ߊ߬ ߣߌ߫ ߞߊ߬ ߞߟߍ߬ߦߊ ߞߎ߲߬ߘߐ߬ߖߊ߲ ߘߊ߲߬ߠߊߕߍ߰ ߊ߬ ߣߌ߫ ߖߙߎߡߎ߲ ߞߎߘߦߊߟߌ ߢߍߥߟߊ ߡߍ߲ ߘߊߝߟߐߣߍ߲ ߞߎ߲߬ߠߊ߬ߛߌ߮ ߓߟߏ߫. ߞߏߕߌ߯ ߝߟߐ ߞߊ߬ ߓߊ߯ߙߊ ߛߎ߯ߦߊ ߓߐߒߢߟߊ ߞߎߟߎ߲ߖߋߟߌ ߞߍ߫. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߛߍ߯ߛߍ߯ߟߌ ߢߌ߲߬ ߕߐ߬ߣߐ ߟߊ߫߸ ߞߊ߬ ߡߊ߬ߡߙߊ߬ߟߌ ߖߙߎߡߎ߲߫ ߞߎߘߊ߫ ߟߊߘߍ߬ߣߍ߲ ߘߎ߲ߡߕߊ ߠߎ߬ ߛߌߟߊ ߕߊ߬: ((ߡߊ߬ߡߙߊ߬ߟߌ ߞߊ߫ ߞߊ߲߫ ߞߊ߬ ߡߊ߲߬ߕߎ߬ߙߋ߬ߦߊ߬ߓߐ ߞߊ߬ ߛߋ߫ ߞߍ߫ ߟߊ߫ ߓߊ߯ߙߊߝߋ߲ ߓߟߏߓߘߍߡߦߊߣߍ߲ ߘߌ߫ ߘߍ߭ ߟߊ߫ ߥߙߎߞߌ ߗߋߢߊ ߛߌߟߊ ߝߍ߬. ߕߎ߬ߡߊ߬ ߛߌߦߊߡߊ߲߫ ߠߊ߫، ߖߙߎߡߎ߲ߦߟߍߡߊ߲ ߟߐ߬ߣߍ߲ ߞߍߥߊߟߌ߫ ߢߍߡߌߘߊߣߍ߲ ߡߐ߱ ߘߏ߫ ߟߋ߬ ߞߊ߲ߡߊ߬߸ ߣߴߊ߬ ߞߍ߫ ߘߊ߫ ߕߋ߲߬ ߞߊ߬ߝߏ ߞߎ߲߬ߠߊ߬ߛߌ߰ߦߊ߬ߟߌ ߢߊߞߎߘߦߊ ߢߍߕߊ߯ ߞߎ߲߬ߞߊߟߌ߲ ߞߍߕߐ߫ ߘߌ߫)) ߏ߬ ߘߐߞߣߍ ߘߊ߫ ߓߊ߫.ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲ ߡߊߡߙߊ߬ߟߌ ߛߏ߯ߙߏߦߢߊ ߟߊߘߍ߬ߣߍ߲ ߟߐ߬ ߞߏ ߞߊ߲߬߸ ߞߵߊ߬ ߟߊ߫ ߣߌߡߦߊ߫، ߞߵߊ߬ ߞߎ߲߬ߕߋߟߋ߲ߦߊ߫ ߞߵߊ߬ ߓߍ߲߬ ߞߐߝߟߌ ߡߊ߬. ߞߏߕߌ߯ ߝߟߐ ߞߊ߬ ߘߏ߲߬ߖߟߎ߬ߡߊ߬ߟߊ ߟߎ߬ ߖߊ߲߬ߓߌ߬ߟߊ߬ ߦߏ߫ ߊ߬ ߖߊ߬ߕߋ߬ߛߌ߰ߣߍ߲ ߢߊߡߍ߲ ߛߌ߰ߞߊ߲ ߞߣߐ߫. ߞߊߕߙߍ߬ߕߍ߫ ߡߊ߬ߡߙߊ߬ߟߌ ߣߌ߫ ߞߎ߲߬ߠߊ߬ߛߌ߰ߟߌ ߞߏߢߌ߲ ߡߊ߬ߘߎ߮ ߡߊ߬: ߊ߲ ߞߊ߫ ߞߊ߲߫ ߞߊ߬ ߓߐ߫ ߕߞߌߦߊ ߞߎ߲߬ߞߋ߬ߟߋ߲߬ߠߊ߬ߞߊ ߞߣߐ߫ ߞߊ߬ ߡߊߡߙߊ߬ߟߌ߬ߘߊ ߟߐ߬ ߡߍ߲ ߜߘߌ ߛߌ߯ߣߍ߲ ߛߋߞߏߦߊߕߌ߯ ߟߎ߬ ߟߊ߫ ߢߐ߲߯ߘߍߡߍ߲ߞߏ ߞߊ߲߬. ߞߏߕߌ߯ ߣߌ߫ ߗߋߢߊ ߓߍ߯ ߞߊ߫ ߞߊ߲߫ ߞߵߊ߬ ߟߐ߲߫ ߞߏ߫ ߘߍ߬ߡߊ߬ ߥߟߊ߬ߟߊ߬ߓߐ ߞߐߝߟߌ ߘߍ߲ߣߍ߲ ߡߊ߬ߘߎ߮ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߥߊ߬ߣߊ ߟߎ߬ ߟߋ߬ ߟߊ߫)) ߊ߬ ߞߵߊ߬ ߕߌ߲߬ߕߌ߲߬ ߏ߬ ߞߊ߲߬ ߓߊ߬؟ ߞߎߡߊ ߞߎ߲߬ߝߊ߮ ߘߐ߫. ߊ߬ ߞߵߊ߬ ߣߐ߬ߣߐ߬ߣߍ߲ ߛߌ߲ߞߊ߫ ߦߌ߬ߘߊ߬ ((ߞߏ߫ ߣߌ߫ ߣߏ߱ ߘߌ߫ ߛߋ߫ ߓߊ߯ߙߊ߫ ߟߴߊ߬ ߢߌ߬ߡߊ߬ ߟߊ߫߸ ߝߏ߫ ߢߌ߲ ߠߎ߬ ߣߌ߫ ߝߎ߬ߘߎ ߟߎ߬ ߣߌ߫ ߛߌ߲߬ߝߏ߲߬ߘߊ ߓߍ߯ ߟߋ߬ ߦߴߊ߬ ߕߊ߫ ߘߍ߬ߡߍ߲߬ ߞߍ߫ ߟߊߘߍ߬ ߓߟߏߡߊ߬)) ߒ߬ߓߊ߬߸ ߊ߲ ߠߊ߫ ߡߊ߬ߡߙߊ߬ߟߌ ߝߣߊ߫ ߞߊ߫ ߞߊ߲߫ ߞߊ߬ ߟߊߓߊ߯ߙߊ߫ ߕߊ߲߬ ߠߋ߬.

 ߂߀߂߅ ߛߌ߰ߞߊ߲ ߞߊ߲ߘߟߌ

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߟߊ߫ ߓߋߟߋ߲ߠߊ

ߕߎߟߊߝߌ߲ ߂߁/ ߂߀߂߅

 ߓߊߘߋ߲ ߝߓߊ߬ߘߋ߲߬ߢߐ߲߮ ߠߎ߬:

ߖߌ߬ߣߍ߬ ߡߌ߬ߙߌ߲߬ߘߌ ߞߵߊ߬ߟߎ߬ ߟߊ߫ ߘߎ߰ߘߋ߲߬ߠߞߊ߬ߦߊ ߢߣߊߕߊߟߌ ߞߍ߫߸ ߞߊ߬ ߛߌ߰ߞߊ߲ ߢߌ߲߬ ߠߊ߫ ߘߤߊ߬. ߏ߬ ߦߋ߫ ߕߌ߲߬ߞߎߘߎ߲ ߡߊ߬ߡߙߊ߬ߟߌ ߕߊ߲ߓߊ߲ߓߐߟߌ ߞߏߕߌ߯ ߟߊ߫ ߖߊ߬ߕߋ߬ߛߎ߬ߓߐ ߠߋ߬ ߘߌ߫ ߝߟߐ߫.  ߏ߬ ߡߍ߲ ߞߐ ߖߊ߬ߓߌ ߞߍߣߍ߲߫ % ߈߉ ߘߌ߫. ߏ߬ ߕߘߍ߬ߒ߬ߘߐ߬ߓߊ߰ߦߊ ߦߋ߫ % ߈߆، ߄߂ ߘߌ߫. ߣߌ߲߬ ߕߘߍ߬ ߦߋ߫ ߞߊߓߋ ߜߍߟߍ߲ ߠߋ߬ ߘߌ߫ ߞߵߊ߬ ߓߍ߲߬ ߞߐߛߊߦߟߌ ߛߌߟߊ ߡߊ߬ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫.ߞߏ߬ߣߌ߲߬ ߕߎߟߊߝߌ߲ ߂߁/ ߂߀߂߅ ߞߊ߲ߘߟߌ ߦߋ߫ ߟߊ߬ߛߙߋ߬ߦߊ߬ߟߌ ߘߐߘߎ߲߬ߧߊ߬ߣߍ߲ ߠߋ߬ ߘߌ߫. ߊ߬ ߦߋ߫ ߓߍ߲߭ ߣߌ߫ ߓߟߏߘߏ߲ߢߐ߲߰ߓߟߏ ߝߣߊ߫ ߦߌ߬ߘߊ߬ ߟߊ߫߸ ߞߊ߬ߝߏ ߣߌ߫ ߣߊ߲߬ߒ߬ߕߊ߲ ߘߍ ߟߎ߬ ߕߍ߫. ߊ߬ ߦߋ߫ ߓߘߍ߬ߓߘߍ߬ߟߌ ߛߊ߯ߘߊ߫ ߜߘߍ߫ ߟߋ߬ ߘߊߡߌ߬ߣߊ߬ߕߐ߬ߟߊ ߘߌ߫. ߡߍ߲ ߞߎ߲߬ߛߌ߲߯ߣߍ߲߫ ߓߍ߯ߦߊ ߘߍ߭ ߣߌ߫ ߓߊߘߋ߲ߧߊ ߣߌ߫ ߡߊ߬ߝߊ ߡߊ߬ ߞߵߊ߬ ߓߍ߲߬ ߞߊ߬ߝߏ߬ ߢߊߞߎߘߦߊߣߍ߲ ߠߎ߬ ߟߌ߬ߤߟߊ ߡߊ߬߸ ߡߍ߲ ߠߎ߬ ߓߘߊ߫ ߟߊ߬ߓߘߍ߬ߦߊ߬ߟߌ ߣߌ߫ ߘߊߦߟߍߟߌ ߞߍ߫.

ߞߊ߲ߓߍ߲ ߞߊ߲ߕߌ߯ ߣߌ߫ ߞߊ߬ߝߏ ߞߎ߲߬ߕߌ߮ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫، ߊ߬ ߣߌ߫ ߞߎ߲߬ߠߊ߬ߛߌ߮ ߕߐ߯ ߘߐ߫، ߊ߲ ߧߋ߫ ߞߎߡߊ߫ ߟߴߊߟߎ߫ ߦߋ߫ ߒ ߧߋ߫ ߞߎߡߊ߫ ߟߴߊߟߎ߫ ߝߍ߬ ߞߊ߬ ߞߎߟߎ߲ߖߋߟߌ ߖߍ߬ߘߍ ߖߍ߬ߘߍ ߟߊߛߋ߫ ߊߟߎ߫ ߡߊ߬߸ ߊ߬ ߣߌ߫ ߞߊ߬ ߓߊߙߌߞߊ߫ ߓߌ߬ߟߊ߬ ߖߍ߬ߘߍ ߖߍ߬ߘߍ ߞߍ߫ ߊߟߎ߫ ߢߍ߫.  ߓߊߘߋ߲ ߠߎ߬ ߞߎ߲߬ߠߊ߬ߛߌ߮ ߦߋ߫ ߓߍ߯ߦߊ ߞߎ߬ߡߊߞߘߎ߬ߕߐ߬ߟߊ ߝߏ߬ ߟߊ߫، ߊ߬ߟߎ߬ ߣߐ߬ ߡߍ߲ ߛߎߥߊ߲ߘߌ߫ ߟߊ߫߸ ߏ߬ ߦߴߊ߲ ߠߊ߫ ߖߡߊ߬ߣߊ ߢߊߞߎߘߦߊߟߌ ߖߎ߬ߛߌ߰ ߢߎߡߊ ߟߋ߬ ߘߌ߫. ߊ߬ ߣߌ߫ ߖߡߊ߬ߣߊ ߕߌ߲ߞߎߘߎ߲ ߓߍ߯ ߘߐ߫߸ ߛߏߓߊ ߣߌ߫ ߛߏߣߍ߲ ߠߎ߬ ߓߍ߯ ߟߊ߫߸ ߊ߬ ߣߌ߫ ߕߎ߲ߞߙߊߒߞߋ ߟߎ߬ ߓߍ߯. ߊ߬ߟߎ߬ ߕߘߍ߬ ߞߟߊߓߎߡߦߊߣߍ߲ ߓߌ߬߬ ߞߏ ߕߍ߫، ߖߡߊ߬ߦߊ߬ ߓߟߏߡߊ߬߸ ߊߟߎ߫ ߓߘߴߊߟߎ߫ ߟߊ߫ ߘߎ߰ߘߋ߲߬ߦߊ ߞߍߕߊ ߓߐ߫ ߊߟߎ߫ ߡߊ߬. ߓߍ߲߭ ߣߌ߫ ߡߊ߬ߝߊ ߘߐ߫. ߞߵߊ߬ ߓߍ߲߬ ߓߍ߯ߦߊ߫ ߞߎ߲߬ߡߊߞߘߎ߬ߕߐ߬ߟߊ ߡߊ߬ ߦߟߌߡߊߛߙߋߦߊ ߓߟߏߡߊ߬. ߝߙߋߞߋ ߛߌ߫ ߡߊ߫ ߕߘߍ߬ ߊ߬ ߘߐ߫. ߡߐ߰ ߛߌ߫ ߡߊ߫ ߡߊߘߌߘߌ߲߫. ߡߐ߰ ߛߌ߫ ߡߊ߫ ߓߣߐ߬ ߊ߬ ߣߌ ߘߐ߫. ߏ߬ ߦߋ߫ ߡߐ߰ ߞߎ߲߬ߞߋߟߋ߲ ߠߊ߫ ߛߎߘߊ߲ ߠߋ߬ ߘߌ߫.ߞߏߢߊ ߣߌ߲߬ ߦߋ߫ ߓߟߏߘߐߓߍ߲ ߓߘߍߓߘߍ ߘߏ߫ ߟߋ߬ ߥߟߏߒߘߐ ߘߌ߫. ߣߴߏ߬ ߦߋ߫ ߛߙߍߘߍߦߊߟߌ ߝߊ߬ߛߏ߬ߟߊ߬ߞߊ ߘߐߦߙߌߥߊߣߍ߲ ߞߐߝߟߌ ߘߌ߫. ߛߙߍߘߍߦߊߟߌ ߛߓߍߘߐ ߛߍ߯ߛߍ߯ߣߍ߲. ߢߣߊߕߊߟߌ ߝߘߏ߬ߓߊ߬ ߕߊ߲ߓߊ߲ߘߊ ߛߋߞߏߦߊߕߌ߮. ߊ߬ ߣߌ߫ ߟߊ߬ߞߙߐ߬ߛߌ߬ߟߊ ߝߊ߬ߛߏ߬ߟߊ߬ߞߊ ߣߌ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߎ߬ ߟߊ߫ ߟߊ߬ߘߌ߬ߢߍ߬ߟߌ. ߢߣߊߕߊߟߌ ߕߊ߬ߡߌ߲߬ ߘߊ߫ ߜߍߦߊ ߞߊ߲߬ ߊ߬ ߣߌ߫ ߢߐ߲߯ ߕߍ߫ ߞߏ ߟߎ߬ ߡߊߓߏ߬ߢߊ ߞߊ߲߬.ߊߟߎ߫ ߓߘߴߊߟߎ߫ ߞߐߘߏ߲߬ ߞߏ߫ ߞߘߐ߫ ߕߊ߬ߡߌ߲߬ߣߍ߲ ߠߎ߬ ߟߊ߫، ߞߊ߬ ߓߊ߲߫ ߞߊ߬ ߛߐ߲߬ ߛߌߣߌ߲ߢߍߛߌ߮ ߡߊ߬ ߊߟߎ߫ ߛߣߐ߬ߡߍ ߘߐ߫. ߏ߬ ߦߋ߫ ߟߊ߲ߒߣߦߊ ߛߕߊ ߟߋ߬ ߘߌ߫، ߊ߬ ߣߌ߫ ߕߌ߲ߕߌ߲ߠߌ߲ ߢߡߊߦߟߍߡߊ߲ ߞߊ߲߬. ߏ߬ ߦߋ߫ ߛߌߟߊ߫ ߟߊߞߊ߬ߣߍ߲ ߠߋ߬ ߘߌ߫ ߞߊ߲ߕߌ߯ ߢߣߊߕߊߟߌ ߣߊ߬ߕߐ ߢߍ߫، ߞߎ߬ߙߎ߲߬ߘߎ߬ߟߊ߬ߞߊ ߣߌ߫ ߞߊ߬ߝߏ߬ߙߋ߲߬ߠߊ߬ߞߊ߸ ߏ߬ ߡߍ߲ ߣߊ߬ߕߐ߫ ߊ߲ ߛߋ߲߬ߠߞߊ߬ߟߌ߬ߦߊ߬ ߟߊ߫ ߞߐߛߊߦߟߌ ߘߐ߫ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫.ߤߊ߯ߟߌ߫ ߣߌ߫ ߍ߲߬ߍ߲߫ ߓߍ߯ ߦߴߊ߲ ߠߊ߫ ߓߍ߯ߦߊ ߞߍ߲ߘߍߡߦߊ ߟߋ߬ ߦߌ߬ߘߊ߬ ߟߊ߫، ߒ ߧߋ߫ ߘߎ߰ߘߋ߲ ߠߎ߬ ߝߏ߬ ߟߊ߫ ߞߙߎߝߊߟߌ ߕߐ߰ߡߊ߬ߛߙߋ߬ߡߊ ߣߌ߲߬ ߠߊ߫. ߊ߬ ߣߌ߫ ߞߊ߬ ߝߏ߬ߟߌ ߟߊߛߋ߫ ߞߏߢߊ ߡߛߍ߬ߞߍ߬ߡߛߍߞߍ ߥߊ߬ߣߊ ߓߍ߯ ߡߊ߬. ߖߌ߬ߣߍ߬ ߞߣߐ߫ ߓߊ߬ ߕߎ߲߬ߒߞߊ߲߫ ߠߊ߫ ߓߊ߬..  ߓߘߍ߬ߓߘߍ߬ߟߌ߫ ߞߙߎߞߊ ߟߎ߬ ߣߴߊ߬ߟߎ߬ ߖߊ߬ߓߌ߬ߦߊ߬ߟߊ ߟߎ߬،. ߕߐ߰ߕߐ߬ߟߌ߬ߟߊ ߟߎ߬ ߣߌ߫ ߓߊ߯ߙߟߊ ߟߎ߬ ߟߊ߫ ߛߌ߲߬ߝߏ߲߬ߘߊ،. ߘߋ߲ߡߌߛߍ߲ ߣߌ߫ ߡߏ߬ߛߏ ߟߎ߬ ߜߟߐߡߌ߲ ߕߘߍ߬ ߏ߬ ߟߎ߬ ߡߍ߲ ߠߎ߬ ߘߐ߫ ߞߵߊ߬ ߓߍ߲߬ ߢߣߊߕߊߟߌ ߡߊ߬.ߡߐ߰ߓߊ ߟߎ߬ ߣߌ߫ ߝߘߏ߬ߓߊ߬ ߞߏ ߥߊ߬ߣߊ ߟߎ߬ ߊ߬ ߣߌ߫ ߣߊ߲߬ߒ߬ߕߊ߲ ߘߍ ߛߌ߲߬ߝߏ߲߬ߘߊ ߟߎ߬ ߞߵߊ߬ ߓߍ߲߬ ߊ߬ߟߎ߬ ߞߍߥߊߟߌ ߡߊ߬ ߡߊ߬ߝߊ ߘߐ߫.ߞߊ߬ ߝߏ߬ߟߌ ߟߊߛߋ߫ ߡߊ߬ߞߊ߲߬ߞߊ߲߬ߠߌ߲߬ߠߊ ߟߎ߬ ߣߌ߫ ߞߎ߲߬ߠߊ߬ߝߎ߬ߟߋ߲߬ߠߊ ߟߎ߬ ߡߊ߬ ߞߵߊ߬ ߓߍ߲߬ ߊ߬ߟߎ߬ ߞߟߊ߬ߡߊ߬ߓߊ߰ߦߊ ߡߊ߬.ߞߊ߬ ߝߏ߬ߟߌ ߟߊߛߋ߫ ߞߍ߲ߘߍߦߊ ߢߍߓߊ߯ߙߟߊ ߟߎ߬ ߣߌ߫ ߟߊ߬ߟߐ߲߬ߠߌ߲߬ߦߊ߬ߟߌ߬ߟߊ ߟߎ߬ ߣߌ߫ ߞߟߋߞߟߋߦߟߊ ߟߎ߬ ߡߊ߬. ߊ߬ ߣߌ߫ ߟߊ߬ߞߙߐ߬ߛߟߌ߬ߟߊ ߟߎ߬ ߣߌ߫ ( ߘߋ ߖ߭ߋ ߋ) ߡߊ߬ ߞߵߊ߬ ߓߍ߲߬ ߊ߬ߟߎ߬ ߟߊ߫ ߖߘߍ߬ߘߌ ߡߊ߬ ߤߊߟߌ߬ ߔߍߙߍ߲ߘߊ ߕߍ߫  ߡߍ߲ ߡߊ߬.ߞߊ߬ ߝߏ߬ߟߌ ߟߊߛߋ߫ ߞߎ߲߬ߠߊ߬ߛߌ߮ ߣߌ߫ ߖߡߊ߬ߣߊ ߛߌ߲߬ߝߏ߲߬ߘߊ ߕߐ߬ߡߊ ߓߍ߯ ߡߊ߬.ߒ ߘߌ߫ ߒ ߕߌ߲ߕߌ߲߫ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߕߊ߫ ߡߊ߬ߝߊ߲߬ ߞߍߣߍ߲ ߞߊ߲߬ ߦߊ߲߬. ߊ߬ ߟߊ߫ ߡߛߍ߬ߞߍ߬ߡߛߍ߬ߞߍ ߡߍ߲ ߞߍߣߍ߲߫ ߛߊߓߎ߫ ߘߌ߫ ߞߊ߬ ߓߊ߯ߙߊ ߢߌ߲߬ ߓߐ߫ ߜߍ߫ ߟߊ߫…ߤߊ߯ߟߌ߫ ߕߍ߫ ߞߙߎ߫ ߝߊ߲߬ߞߋߟߋߡߊ߫ ߛߎߘߊ߲߫ ߘߌ߫، ߊ߬ ߦߋ߫ ߖߌ߬ߣߍ߫ ߡߎ߰ߡߍ ߟߊ߫ ߛߎߘߊ߲ ߠߋ߬ ߘߌ߫. ߡߍ߲ ߠߎ߬ ߞߊ߬ ߍ߲߬ߍ߲߫ ߕߊ߬ ߒ ߘߴߊ߬ ߝߐ߫ ߞߏ߫ ߊߟߎ߫ ߟߊ߫ ߓߙߍ߬ߦߊ ߖߊ߬ߕߋ߬ߣߍ߲߫߸ ߘߊߘߐߝߙߊߢߐ߲߯ߦߊ ߣߌ߫ ߕߍߘߐߓߍ ߕߏߕߐ߫ ߟߋ߬ ߞߎ߲߬ߠߊ߬ߛߌ߮ ߞߍߥߊߟߌ ߟߎ߬ ߣߴߊ߬ ߛߣߐ߬ߡߍ ߘߐ߫.   .ߛߋ ߍߣ ߍߙ ߘߋ ߓߘߴߊ߬ ߟߊ߫ ߟߊ߬ߤߘߌ ߡߝߊ߫ ߖߌ߬ߣߍ߬ ߡߌ߬ߙߌ߲߬ߘߌ ߢߍ߫. ߛߋ߲߬ߕߊ߮ ߞߎߘߊ߫ ߓߘߊ߫ ߊ߬ ߞߊ߲߫ ߓߐ߫. ߡߍ߲ ߟߐ߬ߕߐ߫ ߢߣߊߕߊߟߌ ߣߊ߬ߕߐ ߡߊ߬߸ ߖߐ ߣߌ߫ ߡߊ߬ߝߊ ߘߐ߫߸ ߓߍ߲ ߣߌ߫ ߓߍ߯ߦߊ ߣߌ߫ ߥߙߎߞߌ ߘߐ߫.ߛߋ ߍߣ ߍߙ ߘߋ ߦߴߊ߬ ߞߊ߲߬ ߞߵߊ߬ ߟߊ߫ ߟߊ߬ߤߘߌ ߟߎ߬ ߡߝߊ߫߸ ߊ߬ ߞߊ߬ ߡߍ߲ ߕߊ߬ ߖߌ߬ߣߍ߬ ߡߌ߬ߙߌ߲߬ߘߌ ߢߍ߫߸ ߛߋ߲߬ߕߊ߰ ߞߎߘߊ߫ ߓߘߊ߫ ߞߊ߲߫ ߓߐ߫: ߡߍ߲ ߟߐ߬ߕߐ߫ ߓߊ߯ߙߊ ߟߎ߬ ߖߙߎߡߎ߲ߦߊߟߌ ߡߊ߬، ߘߐߘߏ߲߬ߣߍ߲ ߣߌ߫ ߘߐ߬ߛߓߊ߬ߟߌ߬ߦߊ ߘߐ߫. ߞߊ߬ ߓߍ߯ߦߊ߫ ߟߌߟߌ߲ ߓߐ߬ߟߐ ߕߘߎ߫. ߛߌ߲߬ߝߏ߲߬ߘߊ ߝߊ߲߬ߞߊ߬ߡߊ، ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߓߟߏߡߦߊߣߍ߲ ߊ߬ ߣߌ߫ ߡߐ߰ߦߊ߬ ߓߐ߰ߝߍ߬ߞߊ߲ߞߋ ߟߎ߬ ߡߐ߬ߟߐ߲ ߘߏ߲߭. ߛߌߡߊ߲ߘߎ߯ ߂߀߄߀ ߓߘߴߊ߲ ߠߊ߫ ߘߍ߲߬ߞߣߍ߬ߦߊ߬ ߊ߬ ߖߘߍ߬ ߡߊ߬.ߟߏ߲ ߘߝߟߐ߬ߟߊ߬ߞߊ ߏ߬ ߞߎ߲߬ߕߋߟߋ߲ ߞߊ߬ ߟߐ߯ߕߍ߫ ߞߍ߫ ߖߘߍ߬ߕߌ߰ߦߊ ߝߊ߬ߛߏ߬ߟߊ߬ߞߊ، ߞߵߊ߬ ߓߍ߲߬ ߊ߲ ߠߊ߫ ߘߍ߲ߖߘߍߟߦߊ߫ ߛߊ߲߬ߞߎ߲߬ߓߍ߲ ߆߇߲ ߡߊ߬. ߞߵߏ߬ ߞߎ߲߬ߕߐ߮ ߞߍ߫ (( ߞߵߌ ߛߌ߲ߡߊ߫ ߕߊ߬ߡߌ߬ߣߍ߲ ߡߊ߬ ߞߊ߬ ߛߌߣߌ߲ߢߍߛߌ߮ ߘߐߓߍ߲߬ ߢߐ߲߮ ߝߍ߬)) ߘߐ߬ߝߐ ߘߴߊ߬ ߟߞߊ߬ߟߌ߬ ߞߏ߫ ߕߎߟߊߝߌ߲ ߂߁/ ߂߀߂߅، ߖߌ߬ߣߍ߬ ߡߌ߬ߙߌ߲߬ߘߌ ߘߍ߲ߖߘߍߟߊ ߓߘߊ߫ ߛߌߣߌ߲ߢߍߛߌ߯ ߝߏ߲ߘߏ ߞߊ߲ߓߍ߲ߠߞߊ ߣߌ߫ ߓߍ߯ߦߟߊߞߊ ߕߋ߬.ߓߍ߯ߦߊ߫ ߦߋ߫ ߓߊߟߏ߫، ߞߊ߲ߓߍ߲ ߦߋ߫ ߓߊߟߏ߫، ߖߌ߬ߣߍ߬ ߦߋ߫ ߓߊߟߏ߫.

ߓߌߟߏ߲߫ ߞߏ߲ߞߏߜߍ ߂߀/ ߂߀߂߅
ߞߎ߲߬ߠߊ߬ߛߌ߮ ߟߊ߫ ߛߋ߲߬ߠߊ߬ߓߐ߬ߟߌ ߗߋߦߊߟߌ߫ ߓߟߋߓߟߋ ߘߏ߫ ߢߍߡߌ߬ߣߊ߬ ߘߊ߫ ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߓߟߏ߫. ߘߏ߲߬ ߘߊ߫ ߞߘߏ߬ߛߊ߫ ߞߊ߬ ߥߊ߫ ߞߏ߫ ߟߎ߬ ߘߐߜߍ߫ ߞߣߍ ߞߊ߲߬ ߊ߬ ߣߌ߫ ߞߊ߬ ߓߊ߬ߘߏ߬ߢߐ߲߰ߦߊ߫ ߛߌ߰ߓߊ߮ ߟߎ߬ ߝߍ߬߸ ߊ߬ ߟߊ߫ ߓߐߒߡߊߟߌ ߝߍ߬ ߛߏߕߌ߯ ߗߍ߬ߡߐ߮ ߡߊ߬߸ ߞߘߏ߬ߛߊ߫ ߡߐ߰ߓߊ ߟߎ߬ ߞߵߊ߬ ߡߞߊ߬ߛߌ߬ߒ߬ߞߊ߲߬ߠߊ߬ ߛߌߦߊߡߊ߲߫ ߝߐ߫. ߦߏ߫ ߡߙߊ߬ߓߊ߰ߘߊ ߓߊ߯ߙߊ، ߘߊ߲ߘߊߛߏߓߊ ߢߊߞߎߘߦߊ ߓߊ߯ߙߊ ߟߊߟߐ߭ ߞߏ. ߖߌ ߞߏ ߜߟߍ߬ߦߊ، ߢߎߡߍߞߏ ߜߟߍߦߊ، ߖߘߊ߬ߜߍ߬ߟߊ߫ ߛߍ߲ ߓߟߌ ߞߏ ߖߋ߬ߟߌ߬ߓߊ߬ ߞߊ߲߬ ߏ߬ ߡߍ߲ ߞߓߊ ߝߟߐ ߕߘߍ߬ ߓߘߊ߫ ߛߌ߰ ߞߏ߬ߣߌ߲߬ ߊ߬ ߓߊ߯ߙߊ߫ ߕߘߍ߬ ߡߊ߫ ߘߊߡߌ߬ߣߊ߬.
ߞߏߕߌ߯ ߝߟߐ ߞߊ߬ ߞߎߡߊ߫ ߕߊ߬: ߞߊ߬ ߛߟߊ߬ߕߎ ߞߍ߫ ߞߡߊ߬ߙߊ߫ ߟߊߦߌ߬ ߝߎ߬ߙߋ ߢߍ߫، ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߊ߬ ߟߊ߫ ߕߊ߯ߡߊ ߕߐ߬ߣߐ ߣߴߊ߬ ߞߎ߲߬ߠߊ߬ߦߋߙߋ߲ ߠߊ߫߸ ߏ߬ ߞߐ߫ ߛߊ߫߸ ߊ߬ ߞߊ߬ ߡߐ߰ߓߊ ߟߎ߬ ߟߊߘߍ߲߬ߞߣߍ߬ߦߊ߫ ߞߏ߫ ߊ߬ߟߎ߬ ߤߊߡߌ߲ߣߊ߲ߞߏ ߟߎ߬ ߓߘߊ߫ ߕߊ߬ ߓߊߘߐ߫. ߊߟߎ߫ ߞߊ߬ ߢߎߡߍߞߏ ߜߟߍߦߊ ߝߐ߫߸ ߖߌߞߏ ߜߟߍߦߊ، ߊ߬ ߣߌ߫ ߡߙߊ߬ߓߊ߰ߘߊ ߘߊ߲ߘߊߛߏ ߢߊߞߎߘߦߊ ߞߏ، ߞߍ߲ߘߍߦߊ ߞߏߕߌ߮ ߓߍߣߊ߬ ߏ߬ ߞߍ߫ ߝߟߐߦߊ ߘߌ߫ ߞߵߊ߬ ߟߐ߲߫ ߡߎ߲߬ ߘߐ߫ ߊ߬ ߟߐ߬ߣߍ߲. ߤߊߟߌ߬ ߖߋ߬ߟߌ߬ߓߊ ߛߍ߲ ߟߐ߬ ߞߏ ߓߍ߯ ߘߌߣߊ߬ ߡߊߝߟߍ߫. ߓߊߏ߬߸ ߘߋ߲ߡߌߛߍ߲ ߠߎ߬ ߟߊ߫ ߥߙߎߞߌ ߘߍ߲ߣߍ߲ ߕߌ߲߬ߞߎߘߎ߲ ߠߊ߫ ߥߙߎߞߌ ߟߋ߬ ߟߊ߫.
ߊߡߊߘߎ߫ ߎߙߌ߬ ߓߊ ߞߊ߲߫ ߘߐ߫.

ߡߊ߲߬ߖߊ߲߬ߠߊ߫ ߞߏ߲ߞߏߜߍ߫ ߕߟߋ߬ ߁߈/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ ߓߊ ߘߏ߲߬ ߘߊ߫ ߡߊ߲߬ߖߊ߲߬ߠߊ߫ ߛߐ߰ߡߊ ߉ ߙߋ߲ ߠߊ߫. ߞߎ߲߬ߠߊ߬ߛߌ߮ ߟߊ߫ ߗߋߦߊߟߌ ߟߊߛߣߍ߫ ߘߊ߫ ߘߌ߲߬ߞߌߙߊ ߛߌ߰ߓߊ߮ ߟߎ߬ ߟߋ߬ ߓߟߏ߫. ߞߏ߬ߙߌ߬ߞߊ߬ ߕߎߡߊߣߌ߲߫ ߖߊߟߏ߫߸ ߣߴߊ߬ ߞߏߟߊߘߍߢߐ߲߮ ߠߎ߬ ߕߘߍ߬ ߞߣߍ߫ ߞߊ߲߬. ߕߌ߲߬ߞߎߘߎ߲ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߮ ߞߊ߬ ߞߎߡߊ߫ ߕߊ߬ ߞߏߕߌ߯ ߝߟߐ ߕߐ߯ ߘߐ߫߸ ߞߊ߬ ߗߋߦߊߟߌ ߣߊ߬ ߞߎ߲ ߝߐ߫߸ ߞߵߊ߬ ߦߌ߬ߘߊ߬ ߡߌ߬ߙߌ߲߬ߘߌ ߟߊ߫ ߞߏ߫ ߊ߬ߟߎ߬ ߟߊ߫ ߞߎ߲߬ߠߊ߬ߛߌ߮ ߟߋ߬߸ ߞߵߊ߬ߟߎ߬ ߤߊߡߌ߲ߣߊ߲ߞߏ ߞߘߎ߬ߜߍߟߍ߲ ߠߎ߬ ߟߐ߲߫. ߞߵߊ߬ ߓߊ߲߫ ߞߊ߬ ߓߐߘߊ߫ ߟߎ߬ ߢߌߣߌ߲߫ ߊ߬ ߞߋ߬ߟߋ߲߬ߞߋ߬ߟߋ߲߬ߠߊ ߟߊ߫. ߊ߬ ߞߵߌ ߕߌ߲ߕߌ߲ ߊ߬ ߞߊ߲߬ ߞߏ߫ ߞߎ߲߬ߠߊ߬ߛߌ߮ ߦߋ߫ ߓߍ߯ ߟߊ߫ ߓߌ߬ߟߊ ߣߴߊ߬ ߛߊ߬ߥߏ ߘߐ߫. ߞߵߊ߬ ߓߍ߲߬ ߘߌ߲߬ߞߌߙߊ ߓߐߣߍ߲ߢߐ߲߰ߡߊ ߓߍ߯ ߡߊߘߍ߬ߡߍ߲ ߡߊ߬ ߊ߬ߟߎ߬ ߟߊ߫ ߥߙߎߞߌ ߞߏ ߟߎ߬ ߘߐ߫߸ ߡߐ߰ߓߊ ߟߎ߬ ߣߌ߫ ߛߏ ߛߌ߰ߓߊ ߟߎ߬ ߞߵߊ߬ߟߎ߬ ߡߙߌߣߊ߲ ߠߎ߬ ߘߌ߫߸ ߏ߬ ߡߍ߲ ߟߐ߬ߣߍ߲ ߞߘߎ߬ߜߍߟߍ߲ߓߊ ߛߊ߬ߓߊ ߣߌ߲߬ ߠߊߥߌ߬ߟߌ ߡߊ߬. ߛߌߟߊ ߞߏ߫ ߟߌ߬ߤߟߊ، ߖߌ߫ ߛߊߣߌߡߊ߲ ߠߊߛߐ߬ߘߐ߲ ߞߏ ߡߊ߬߸ ߊ߬ ߣߌ߬߫ ߢߎߡߍ ߞߏ߫ ߝߙߋߞߋ. ߊ߬ߟߎ߬ ߡߞߊ߬ߛߌ߬ߒ߬ߞߊ߲߬ߠߊ ߏ߬ ߟߎ߬ ߘߏ߲߬ ߕߊ߬ ߘߊ߫ ߓߊ ߞߎ߲߬ߠߊ߬ߛߌ߯ ߗߋߦߊߟߌ߫ ߓߟߏ߫ ߞߏߛߓߍ߫. ߞߊ߬ ߓߊ߲߫ ߞߵߊ߬ߟߎ߬ ߟߊ߫ ߘߍ߲߬ߞߣߍ߬ߦߊ߬ ߞߏ߫ ߓߟߏ߫ ߝߌ߬ߟߊ ߓߘߊ߫ ߛߌ߰ ߡߞߊ߬ߛߌ߬ߒ߬ߞߊ߲߬ߠߊ ߏ߬ ߞߘߐ߫.

ߞߵߊ߬  ߓߍ߲߬ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߗߋ ߟߊߛߋ߫ ߡߊ߬߸ ߡߌ߬ߙߌ߲߬ߘߌ ߡߊ߬߸ ߞߎ߲߬ߠߊ߬ߛߌ߮ ߞߵߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߦߌ߬ߘߊ߬ ߞߵߊ߬ ߓߍ߲߬ ߝߘߏ߬ߓߊ߬ ߥߙߎߞߌ ߢߍߥߟߊ ߡߊ߬. ߓߊ߬ߘߏ߬ߢߐ߲߰ߦߊ ߞߎ߲߬ߝߊ߰ ߘߊ߫ ߘߎߎߓߊ߫ ߟߋ߬ ߟߊ߫ ߡߐ߰ߓߊ ߟߎ߬ ߓߟߏ߫. ߞߵߊ߬ ߓߍ߲߬ ߓߍ߲߭ ߣߌ߫ ߖߐ ߟߊߛߓߊ߬ߕߌ ߡߊ߬. ߊ߬ ߣߌ߫ ߖߡߊ߬ߣߊ ߟߊ߫ ߥߙߎߞߌ.

߂߀߂߅/ ߞߏ߲ߞߏߜߍ߫ ߕߟߋ߬ ߁߃

 ߡߊ߬ ߌߞߐ߫. ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߓߋߟߋ߲ߠߊ ߞߟߊ߬ߟߡߊ߬ߓߊ ߞߍ߫ ߞߵߊ߬ ߞߵߊ߬ ߟߊ߬ߥߟߌ߬ ߛߊ߫ ߊ߲ ߘߴߊ߲ ߠߊ߫ ߞߎ߬ߠߊ߬ߦߋߙߋ߲ ߠߊߛߊ߬ߦߌ ߊ߬ ߣߐ߭ ߘߐ߫߸ ߝߏ߫ ߞߊ߬ ߖߋ߬ߟߌ߬ߓߊ߬ ߖߌ߬ߦߊ߬ߘߊ ߟߊߛߊ߬ߦߌ ߊ߬ ߣߐ߭ ߘߐ߫ ߟߋ߬߸ ߒ ߞߊ߬ ߦߋ߲߬ ߡߍ߲ ߞߎ߲ߝߊ߲ߓߐ߫ ߁߉߈߉ ߟߊ߫߸ ߊ߬ ߞߊ߬ ߒ ߖߌ߰ߕߍ߰ ߟߋ߬ ߛߊ߲߬ ߞߎ߲߬ߘߐ߬ߖߊ߲߫ ߟߊ߬ߞߙߐ߬ߛߌ߬ߟߌ ߕߊ߬ߡߌ߲߬ߣߍ߲ ߞߐ߫، ߞߏ߫ ߖߡߊ߬ߣߊ ߟߊ߫ ߛߍߥߊ ߕߐ߰ߡߊ߬ߛߙߋ ߡߍ߲ ߦߋ߫߸ ߞߊ߬ ߊ߲ ߟߌ߬ߤߟߊ ߡߊߦߟߍ߬ߡߊ߲߬ ߜߍߘߐ߫߸ ߞߵߊ߲ ߓߌ߬ߟߊ߬ ߘߎߢߊ߫ ߞߊߓߋ ߟߊ߫߸ ߏ߬ ߟߋ߬ ߕߎ߲߬ ߓߘߊ߫ ߓߐ߬ߘߍ߬ߓߐ߬ ߣߌ߲߬. ߛߊ߲߬ ߕߊ߬ߡߌ߲߬ߣߍ߲ ߣߌ߲߬ ߓߍ߯ ߞߣߐ߫߸ ߢߌ߬ߣߊ߬ ߕߘߍ߬ ߓߘߊ߫ ߞߍ߫ ߖߌ߬ߦߊ߬ߘߊ ߞߐ߫ ߝߋߎ߫. ߓߊ߲߬ ߕߎ߲߬ ߓߘߊ߫ ߞߍ߫ ߊ߬ ߘߐ߫߸ ߞߵߊ߬ ߟߊߝߟߌ߬ ߡߍ߲ ߘߌ߫ ߛߌ߰ߢߐ߲߮ ߠߎ߬ ߛߎߘߊ߲߫ ߊ߲ ߞߊ߲߬߸ ߓߐ߰ߟߐ߬ߦߊ ߘߏ߫ ߕߘߍ߬ ߦߋ߲߬߸ ߏ߬ ߕߘߍ߬ ߓߐߒߖߘߍߘߐ ߟߋ߬ ߘߌ߫، ߞߵߊ߬ ߓߌ߬ߟߊ߬ ߘߎߢߊ߫ ߛߊ߬ߥߏ߬ ߘߐ߫. ߊ߲ ߝߣߊ߫ ߕߊ ߓߏ߲ߟߐ ߞߍߢߊ ߡߊ߬߸ ߟߐ߬ߟߌ߬ ߢߐ߲߰ߦߋ߬ߜߏߡߊ߲ ߞߊ߬ߣߌ߲߬. ߞߎ߬ߛߊ߲߬ߕߊ߰ߘߌ ߡߍ߲ ߠߎ߬ ߞߊ߬ ߖߋ߬ߟߌ߬ߓߊ ߖߌ߬ߦߊ߬ߘߊ ߟߐ߬߸ ߏ߬ ߟߎ߬ ߕߘߍ߬ ߊ߬ ߝߍ߬ ߊ߬ ߦߋ߫ ߡߍ߲ ߢߊߡߍ߲߸ ߢߊ߫ ߕߎ߲߬ ߡߊ߲߫ ߞߊ߲߬ ߞߊ߬ ߓߍ߲߬ ߏ߬ ߡߊ߬ ߛߊ߲߬ߖߌ ߢߌ߲߬ ߞߘߐ߫. ߏ߬ ߦߋ߫ ߕߌߢߍ߲߫ ߢߊ߫ ߛߎ߯ ߢߌ߲߬ ߡߊ߬߸ ߏ߬ ߘߐ߫߸ ߊ߲ߠߎ߬ ߦߋ߫ ߡߍ߲ ߝߍ߬ ߏ߬ ߟߋ߬ ߊ߲ߠߎ߬ ߤߊ߬ߙߌ߬ߖߍ߮ ߞߍ߫ ߘߌ߫ ߖߋ߬ߟߌ߬ߓߊ ߖߌ߬ߦߊ߬ߘߊ ߟߊߥߌ߬ߟߌ ߘߐ߫. ߞߵߊ߬ ߞߍ߫ ߕߟߋ߬ ߡߍߣߍ߲߫ ߞߎߘߊ߫ ߘߌ߫. ߊ߲ ߠߊ߫ ߥߊߟߌߢߌߡߊߟߐ߲߫ ߦߋ߫ ߛߋ߫ ߟߊ߫ ߗߍ߭ ߣߌ߫ ߡߏ߬ߛߏ ߣߌ߫ ߘߋ߲ߣߍ߲ ߓߍ߯ ߡߊ߬߸ ߝߋ߲-ߋ-ߝߋ߲߫ ߞߊ߬ ߢߊߞߎߘߦߊߟߌ ߣߌ߲߬ ߢߣߊߓߊ߯ߦߊ߫ ߓߌ߬߸ ߢߊߞߎߘߦߊߟߌ ߡߍ߲ ߣߊ߬ߕߐ߫ ߡߐ߱ ߟߎ߬ ߟߐ߬ ߟߊ߫ ߡߞߊ߬ߙߊ߲߬ߧߊ߬ߟߌ ߟߊ߫ ߞߵߊ߬ߟߎ߬ ߟߊ߫ ߘߎߢߊ߫ ߘߐߓߍ߲߬. ߡߍ߲ ߓߍ߲߬ߕߐ߫ ߜߘߌߛߌ߯ߞߎߘߊ ߡߊ߬ ߏ߬ ߕߍ߫ ߘߊߘߐߞߎߡߊ߫ ߘߐߙߐ߲߫ ߘߌ߫. ߦߋߟߌ ߞߍߢߊ ߘߏ߫ ߟߋ߬ ߞߎ߲߬ߠߊ߬ߛߌ߰ߟߌ ߞߍߢߊ ߘߏ߫ ߟߋ߬. ߏ߬ ߟߋ߬ ߕߍߝߐ ߛߊ߬ߥߏ߬ߦߊ ߘߌ߫ ߞߏ߫ ߕߊ߬ߡߌ߬ߣߍ߲ ߣߌ߫ ߓߌ߲߭ߒߕߊ߭ ߓߍ߯ ߘߐ߫. ߢߣߊߓߊ߯ ߟߎ߬ ߦߴߊ߬ߟߎ߬ ߢߊߛߌ߲߯ ߞߏ߫ ߣߊ߬ߕߐ ߟߎ߬ ߟߊ߫ ߡߎ߬ߕߎ߲߬. ߏ߬ ߘߏ߲߬ ߦߋ߫ ߛߌߣߌ߲߫ ߢߍߛߌ߮ ߟߋ߬ ߟߊ߲ߞߣߍߡߦߊ߫ ߟߊ߫ ߊ߲ ߢߍ߫. ߖߋ߬ߟߌ߬ߓߊ߬ ߖߌ߬ߦߊ߬ߘߊ ߦߋ߫ ߖߌ ߟߋ߬ ߡߊߞߟߌ߫ ߟߊ߫ ߝߣߊ߫ ߡߍ߲ ߞߍߕߐ߫ ߖߋ߬ߟߌ߬ߓߊ ߘߐ߫. ߏ߬ ߡߍ߲ ߞߍߕߐ߫ ߗߍ߭ ߟߎ߬ ߣߌ߫ ߡߏ߬ߛߏ ߟߎ߬ ߢߐ߲߯ߓߍ߲߫ ߦߙߐ ߘߌ߫߸ ߞߊ߬ ߓߊߟߏ߫ ߖߌ ߘߐ߫ ߓߊߏ߬߸ ߣߌ߫ ߖߌ߫ ߕߍ߫ ߓߍߓߊ߯ߦߊ߫ ߕߍ߫ ߦߋ߲߬. ߞߏ߫ ߞߐ߬ߣߐ߲߬ߘߐ ߡߍ߲ ߠߎ߬ ߦߋ߫ ߖߋ߬ߟߌ߬ߓߊ߬ ߖߌ߬ߦߊ߬ߘߊ ߟߊ߫ ߏ߬ ߟߎ߬ ߓߘߊ߫ ߟߊ߫ ߛߌ߲ߞߐ߲ߡߦߊ߫ ߞߵߊ߬ ߟߊ߫ ߡߊ߲߬ߕߏ߲߬ߕߍ߬ߦߊ߬. ߞߵߊ߬ ߟߊ߫ ߝߘߊ߬ߝߌ߲߬ߦߊ߫. ߓߊߏ߬߸ ߞߏ߫ ߜߙߋ߬ߡߊ߬ߕߍ߰ߣߍ߲ ߠߎ߬ ߟߋ߬ ߡߍ߲ ߠߎ߬ ߤߊ߲ߞߟߌ ߓߐߣߍ߲߫ ߖߌ߬ߣߍ߬ ߟߊ߫ ߘߍ߲ߖߘߍߟߦߊ ߕߊ߭ ߞߐ߫߸ ߤߊ߲ߞߟߌߣߊ߲߫ ߏ߬ ߞߊ߫ ߞߊ߲߫ ߞߊ߬ ߥߟߏ߫ ߞߎߘߊ ߘߌ߫ ߦߋߗߏ߯ ߞߎߘߊ߫ ߟߋ߬ ߟߊ߫߸ ߣߊߟߌ߬ߡߎ߲߫ ߦߏߗߏ߮ ߛߞߊߣߌ߲ ߘߌ߫ ߡߍ߲ ߦߋ߫ ߝߘߊ߬ߝߌ߲߬ߟߊ߲߬ߘߌߦߊ ߦߌ߬ߘߊ߬ ߟߊ߫߸ ߏ߬ ߟߋ߬ ߞߵߊ߬ ߞߍ߫ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߖߊ߬ߕߋ߬ ߘߊ߫ ߖߌ ߟߊߞߊ߲ߘߊ߫ ߞߟߏߞߕߏ߫ ߘߍ߬ߜߍ ߘߌ߫. ߞߵߊ߬ ߡߊߛߐ߬ߘߐ߲߬ ߊ߲ ߠߊ߫ ߓߊ ߟߎ߬ ߞߘߐߓߌ߲ߓߌ߲ ߦߋ߫ ߞߘߐߓߌ߲ߓߌ߲ ߖߍ߬ߘߍ ߖߍ߬ߘߍ ߟߋ߬ ߘߌ߫. ߖߌ߬ߣߍ߬ ߟߊ߫ ߓߘߍ߬ߓߘߍ߬ߟߌ ߛߊ߬ߥߏ߬ߡߊ߬ߦߊ ߟߋ߬ ߦߴߊ߬ ߓߟߏ߫߸ ߡߐ߱ ߛߌ߫ ߕߍ߫ ߛߋ߫ ߖߌ߬ߣߍ߬ ߞߎ߲ߡߊߦߟߍ߬ߡߊ߲߬ ߠߊ߫ ߥߟߊ߫ ߞߵߊ߬ ߘߐߛߌߟߊ߲߫. ߤߊߡߊ߲߫ ߞߵߊ߬ ߟߊ߫ ߛߌߞߊ߫ ߥߟߊ߫ ߞߵߊ߬ ߓߌ߬ߟߊ߬ ߝߌ߬ߟߊ߲ߝߌ߬ߟߊ߲ ߘߐ߫. ߖߌ߬ߣߍ߬ ߞߋߟߋ߲߫ ߠߋ߬ ߒ߬ߞߊ߲߬߸ ߊ߬ ߟߊ߫ ߞߋ߬ߟߋ߲߬ߧߊ ߏ߬ ߞߏߛߐ߲߬ ߊ߬ ߡߊߛߌߟߊ߲߫ ߓߋ߲ߒ߬ߞߊ߲߬ߠߌ߲߬ߠߊ ߛߌ߫ ߢߍ߫. ߝߘߊ߬ߝߌ߲߬ߠߊ߫ ߓߍ߯ ߦߋ߫ ߢߌߣߌ߲߫ ߠߊ߫ ߖߌ߬ߣߍ߬ ߟߊ߫ ߖߌ߫ ߝߊ߲߬ߞߊ߬ߡߊ ߟߋ߬ ߡߊ߬ ߞߵߏ߬ ߛߊߓߎ߫ ߞߍ߫ ߞߐ߲߬ߞߍ߬ߓߊ ߟߎ߬ ߘߌ߫.ߦߏ: ߡߊߣߏ߫ ߓߊ ߛߌ߲߬ߝߏ߲߬ ߖߡߊ߬ߣߊ ߟߎ߬، ߏ ߍߡ ߝ߭ߌߖ߭ ߜ߭ߊ߲ߓߌ߫، ߞߊ߲ߓߌ߲ ߓߊ ߡߐ߬ߟߐ߲߬ߡߊ߬ߦߊ߬ߟߌ ߛߌ߲߬ߝߏ߲߬ߘߊ، ߖߋ߬ߟߌ߬ߓߊ߬ ߘߟߊߡߊ߲ ߠߎ߬ ߖߌ ߏ߬ ߡߍ߲ ߓߘߊ߫ ߝߘߊ߬ߝߌ߲߬ߠߊ߫ ߖߡߊ߬ߣߊ߫ ߁߅ ߞߎ߲߬ߠߊ߬ߓߌߘߌ߲߫. ߓߟߏߘߐߓߍ߲ ߡߍ߲ ߞߍߣߍ߲ ߞߵߊ߬ ߓߍ߲߬ ߖߋ߬ߟߌ߬ߓߊ ߖߌ߬ߦߊ߬ߘߊ ߟߊߞߎߣߎ߲ߞߎߘߦߊ ߡߊ߬߸ ߏ߬ ߞߍߣߍ߲ ߓߘߍ߬ߓߘߍ߬ߟߌ ߛߊ߬ߥߏ߬ߦߊ ߟߋ߬ ߘߌ߫ ߡߍ߲ ߥߟߏߒߘߐ ߦߋ߫ ߛߋߘߋߦߊߏ ߘߌ߫ ߓߌ߬. ߏ߬ ߟߋ߬ ߞߋ߬ߟߋ߲߬ߧߊ ߛߌߟߊ ߘߌ߫. ߞߋߟߋ߲߬ߧߊ ߕߐ߰ߡߊ߬ߛߙߋ ߞߍߕߐ߫ ߡߎ߲߬ ߘߌ߫߸ ߏ߬ ߟߋ߬ ߦߙߌߕߘߎ ߞߍ ߘߌ߫ ߝߙߊߣߊ߫ ߡߌ߬ߙߌ߲߬ߘߌ ߟߊ߫ ߢߊ߬ߒ߬ߞߐ߬ߓߊ߬ߟߌ߬ߦߊ ߘߌ߫߸ ߞߵߊ߬ ߡߊߛߐ߬ߘߐ߲߬ ߖߊ߭ ߕߊ߬ߡߌ߲߬ ߠߊ߫ ߥߊ߬ߙߊ ߟߋ߬ ߟߊ߫߸ ߒ ߣߊ߬ߣߍ߲ ߞߎ߬ߣߊ߬ߛߌߣߌ߲ ߢߊߡߍ߲ ߡߐ߰ߓߊ ߟߎ߬ ߞߵߊ߬ ߦߌ߬ߘߊ߬ ߒ ߠߊ߫ ߞߏ߫ ߝߙߊߣߊ߫ ߕߎ߲߬ ߓߘߊ߫ ߓߋ߬ ߘߓߌ߬ߞߎߘߎ߲ ߘߐ߫ ߛߌߘߌ߲ߜߊ߲߫. ߕߎ߬ߡߊ߬ ߛߎ߬ߘߎ߲߬ߣߍ߲ ߢߌ߲߬ ߠߋ߬ ߞߘߐ߫ ߝߙߊߣߊ߫ ߦߴߌߘߐ߫ ߞߊ߬ ߓߍ߲߬߸ ߒ ߘߴߊ߬ ߦߌ߬ߘߊ߬ ߊߟߎ߫ ߟߊ߫ ߞߏ߫ ߝߙߊߣߊ߫ ߕߟߋ߬ߞߎߘߦߊ ߕߐ߰ߡߊ߬ߛߙߋ ߓߘߊ߫ ߓߐ߫ ߓߌ߬. ߏ߬ ߟߋ߬ ߞߏߛߐ߲߬ ߊ߲ߠߎ߬ ߘߌߣߊ߬ ߕߘߍ߬ ߖߋ߬ߟߌ߬ߓߊ ߖߌ߬ߦߊ߬ߘߊ ߟߊ߬ߛߣߍ߬ߟߌ ߣߊ߬ߕߐ ߘߐ߫. ߏ߬ ߦߋ߫ ߡߊ߬ߛߘߌ ߣߌ߫ ߕߐ߰ߡߊ߬ߛߙߋ ߟߋ߬ ߘߌ߫߸ ߊߟߎ߫ ߦߴߊߟߎ߫ ߓߟߏ߫ ߛߌ߰ ߕߐ߰ߡߊ߬ߛߙߋ ߣߌ߲߬ ߞߘߐ߫. ߞߵߊ߬ ߟߊߞߊ߲ߘߊ߫ ߞߵߊ߬ ߝߊ߲߬ߞߊߘߏ߲߬،ߞߵߊ߬ ߢߍߛߌ߲߯ ߛߌߣߌ߲ߢߍߛߌ߮ ߟߊ߫ ߡߎ߬ߕߎ߲߬. ߞߏߘߐߞߙߎ ߡߍ߲ ߞߵߊ߲ߠߎ߬ ߛߐ߬ߘߐ߲߬ ߣߌ߲߬ ߊ߲ߠߎ߬ ߓߐ߲ߛߐ߲ߢߐ߲߮ ߡߍ߲ ߘߐ߯ߡߊ߲߫ ߊ߲ ߓߍ߯ ߘߌ߫، ߊ߬ ߣߴߊ߲ ߝߊ߬ ߟߎ߬ ߘߌ߫ ߏ߬ ߓߘߊ߫ ߛߊߞߍ߫. ߞߊ߬ ߖߡߊ߬ߣߊ ߟߐ߬ ߞߊ߬ ߢߊ߬ ߞߵߊ߬ ߞߍ߫ ߖߡߊ߬ߣߊ߬ ߘߌ߫߸ߌ ߘߌ߫ ߝߊ߯ߘߐߞߍ ߣߌ߫ ߝߊ߯ߘߐߞߍ ߞߍ߫. ߟߐ߬ߟߌ ߖߎ߬ߕߍ߰ߣߍ߲ ߏ߬ ߘߌ߫ ߞߍ߫ ߊߝߙߌߞߌ߬ ߝߊ߰ߡߊ߬ߟߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߘߌ߫. ߊߟߎ߫ ߞߊߣߊ߬ ߢߌ߬ߣߊ߬ ߏ߬ ߟߊ߫ ߘߋ߬߸ ߓߊߏ߬߸ ߏ߬ ߟߋ߬ ߦߴߊ߲ ߠߊ߫ ߝߘߏ߬ߓߊ߬ ߘߍ߲߰ߡߊ߬ߞߏ ߘߌ߫. ߏ߬ ߟߋ߬ ߦߴߊ߲ ߡߊߟߐ߲߫ ߕߙߎ ߘߌ߫. ߣߴߊ߲ ߢߌ߬ߣߊ߬ ߘߴߊ߲ ߡߊߟߐ߲߫ ߕߙߎ ߞߐ߫ ߊ߲ ߘߌ߫ ߕߎߣߎ߲߫.ߣߴߊ߲ ߞߵߊ߲ ߡߊߟߐ߲߫ ߕߙߎ ߣߴߊ߲ ߠߊ߫ ߖߘߍ߬ߕߌ߰ߦߊ ߛߎߋߦߊ ߦߌ߬ߘߊ߬ ߘߎߢߊ߫ ߞߊ߬ߞߎ߬ߘߊ߬ ߕߟߋ ߣߌ߲߬ ߠߊ߫. ߊ߲ ߘߌ߫ ߛߎߘߊ߲߫ ߊ߬ ߣߌ߫ ߞߊ߬ ߞߍ߫ ߥߊ߬ߣߊ ߘߌ߫. ߒ ߢߴߊߟߎ߫ ߝߏ߬ ߟߊ߫.