Catégorie : Actualités en N’Ko

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߟߋ߬ ߁߆/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߗߋߦߊߟߌ߫ ߘߏ߫ ߟߊߛߣߍ߫ ߞߙߎߦߊ߫ ߛߌߟߊ ߝߍ߬، ߡߍ߲ ߟߐ߬ߣߍ߲߫ ߝ߭ߍ߲ߛߌ߫ ߜߟߐߡߌ߲ ߡߊ߬ ߡߍ߲ ߢߍߡߌ߬ߘߊ߬ߣߍ߲߫ ߊ߬ ߝߘߏ߬ߓߊ߬ ߗߋߕߌ߯ ߞߊ߲ߕߌ߮ ߊߙߑߣߏߘ ߜ߭ߙߌߛߍ߲ ߓߟߏ߫߸ ߏ߬ ߡߍ߲ ߘߊ߲߬ߕߍ߰ ߘߊ߫ ߥߋ߲ߛߋ߲ߦߊ ߣߌ߫ ߢߎߡߍߦߊߟߌ ߞߏߕߌ߮ ߟߊ߰ߖߌ߬ ߛߋߞߎ߬ ߞߡߊ߬ߙߊ߫  ߓߟߏ߫߸ ߗߋߦߊߟߌ߫ ߏ߬ ߟߋ߬ ߕߘߍ߬ ߥߊ߯ߕߌ߫ ߟߕߊߡߌ߲ ߠߊ߫ ߊ߲ ߝߍ߬ ߖߌ߬ߣߍ߬ ߦߊ߲߬߸ ߞߵߊ߬ ߟߐ߬ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲߫ ߠߊ߫ ߥߙߎߞߌ ߡߊ߬ ߜߟߐߡߌ߲ߦߊ ߡߊ߬ߘߎ߮ ߘߐ߫. ߞߊߕߙߍ߬ߕߍ߫ ߕߊ߲ߓߊ߲߫ ߝߟߐ ߟߐ߬ߟߌ ߘߊߡߌ߬ߣߊ ߡߊ߬ ߡߍ߲ ߕߟߋ߬ߥߎߢߊ߲߫ ߛߋߞߏߦߊ߫ ߥߊߣߍ߲߫ ߝߏ߫ ߢߎߡߍ ߞߕߋ߅߀ ߛߝߊ ߞߎ߲ߓߊ ߘߐ߫߸ ߊ߬ ߣߌ߫ ߡߍ߲ ߟߐ߬ߣߍ߲߫ ߟߌ߲ߛߊ߲߫ ߘߍ߬ߒ߬ߡߊ߬ߟߌ ߟߊ߫ ߞߓߊߝߟߐߛߌ߮ ߢߊ߰ߢߊ߮ ߢߣߊߓߊ߯ߦߊ ߡߊ߬ ߞߍ߲ߘߍߟߏ߲߫ ߞߏ߲ߞߏߘߌ߬ߓߌ ߕߟߋ߬ ߁߈/ ߂߀߂߆.

ߜߟߐߡߌ߲ߦߊ ߓߐ߰ߝߍ߬ߟߊ߬ߞߊ ߟߕߊ߬ߡߌ߲߬ߒ߬ߡߊ߬ߟߌ ߣߌ߫ ߢߎߡߍߙߋ߲ߦߊߟߌ ߝߍ߲ߛߌ߫ ߜߟߐߡߌ߲ ߟߊ߬ߥߙߎ߬ߞߌ߬ߟߌ ߣߌ߫ ߘߐ߬ߕߟߊ߬ߟߌ ߞߊ߲ߡߊ߬ ߊ߬ ߣߌ߫ ߛߋ߲ߞߏߟߦߊ ߓߐߒߘߊ߫ ߥߙߍߕߌ߯ߦߊ ߛߎߡߊ߲ߠߌ߲ߠߊ ߘߌ߫، ߡߍ߲ ߞߎ߲߬ߟߐ߬ߣߍ߲߫ ߞߍߢߊ ߣߌ߫ ߓߐߒߢߟߊ ߟߊ߫ ߖߎ߬ߓߐ߬ ߞߏ߬ ߣߌ߫ ߘߐ߬ߛߏ߬ߘߏ߲߬ߜߊ߬ߟߌ ߣߌ߫ ߘߐ߬ߡߌ߬ߣߊ߬ߟߌ߬ ߞߏߢߌ߲ ߘߐ߫.

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߋ߬ߟߋ߫ ߁߄/ ߂߀߂߆

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߕߘߍ߬ ߡߊߟߐ߬ߣߍ߲߫ ߞߊ߲ߕߌ߯ߘߊ ߞߎߓߋߘߐ߫ ߗߋߕߌ߮ ߞߏߕߌ߮ ߖߌ߯ߓߊ ߖߊ߬ߞߌ߬ߕߋ߫ ߟߋ߬ ߓߟߏ߫. ߞߊ߬ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߛߊ߬ߙߌ߬ߦߊ߬ߛߎ߲ ߡߝߊ߬ߟߋ߲߬ߠߌ߲ ߢߣߊߓߊ߯ߦߊ߫߸ ߞߵߊ߬ ߓߍ߲߬ ߞߎߓߋߘߊ ߖߌ߬ߦߊ߬ߛߏ߬ߕߌ߰ߦߊ ߡߊ߬. ߏ߬ ߡߍ߲ ߞߍߣߍ߲߫ ߞߊ߲ߓߍ߲ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߖߌ߲߬ߓߊ߲߬ߞߘߐ߫. ߞߎ߲߬ߦߌ߬ߘߊ߬ߟߌ ߣߌ߲߬ ߞߐߡߊߓߌ߲ߓߌ߲ߣߍ߲߫ ߖߌ߬ߣߍ߬ ߣߌ߫ ߓߍߟߑߖ߭ߌߞ ߟߊ߫ ߓߟߏߘߏ߲ߢߐ߲߰ߓߟߏ ߟߋ߬ ߘߐ߫ ߋߣߊߓߍߟ ߟߊ߫ ߛߐ߲ߞߐߟߐ߲ߧߊ߫ ߛߌߟߊ ߝߍ߬߸ ߏ߬ ߡߍ߲ ߞߍߕߐ߫ ߖߌ߬ߣߍ߬ ߟߊߘߏ߲߬ ߠߊ߫ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߢߊߞߎߘߦߊߣߍ߲ ߠߎ߬ ߞߊߡߊ߲ ߘߐ߫. ߢߐ߲߰ߦߋ߬ߓߊ߬ߟߌ߬ߦߊ ߣߌ߫ ߡߛߊ߬ߡߊ߲߬ߠߌ߲ ߘߐ߫، ߡߍ߲ ߞߎ߲߬ߛߌ߲߯ߣߍ߲ ߟߊ߬ߥߟߏ߬ߟߌ ߡߊ߬ߘߎ߮ ߟߊ߫، ߞߊ߬ ߞߣߐߟߊ߫ ߛߌ߲ߘߟߌ ߟߎ߬ ߡߐ߬ߟߐ߲߬ߘߏ߲߬. ߖߌ߬ߣߍ߬ ߋߣߊߓߍߟ ߗߋߕߌ߮ ߛߍߦߌߘ ߞߊߙߌߡߊߖߌ߫ ߞߊ߬ ߞߎߟߎ߲ߖߋߟߌ ߞߍ߫، ߛߏ߯ߙߏߦߊߟߌ߫ ߢߊ߬ߕߣߐ߬ߡߊ߬ߓߊ ߟߊ߫ ߞߵߊ߬ ߓߍ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߝߊ߬ߡߊ ߝߊ߬ߛߏ߬ߟߊ߬ߞߊ ߛߐ߬ߘߐ߲߬ ߞߏ ߡߊ߬. ߞߊ߬ ߦߟߍ߬ߘߐ߬ߞߍ ߞߋߟߋ߲߫ ߞߍߥߊߟߌ߫ ߓߟߏߦߊ߫ ߖߌ߬ߣߍ߬ ߞߊ߲ߓߍ߲ ߞߙߍ߬ߝߍ߬. ߞߊߕߙߍ߬ߕߍ߫ ߖߊ߬ߕߋ߬ߘߐ߬ߛߌ߮ ߣߌ߫ ߢߍߥߟߊ߫ ߟߥߊ߬ߟߌ߬ߟߌ ߡߊ߬߸ ߏ߬ ߡߍ߲ ߦߋ߫ ߥߊߟߌߝߦߊ ߞߘߎ߬ߜߍߟߍ߲ ߣߌ߫ ߘߎ߲߬ߘߎ߲߬ߡߊ߫ ߡߊ߬ߘߎ߮ ߟߊߥߙߎߞߌ ߛߌߟߊ ߘߌ߫. ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߣߊ߲߬ߝߟߏ߬ߦߊ߬ߟߌ߫ ߣߌ߫ ߝߛߎߞߎߦߊߟߌ߫ ߝߘߏ߬ߓߊ߬ ߞߟߊ߬ߕߌ߮ ߞߏ߲߬ߓߏ ߡߊ߬ߡߘߎ߫ ߕߎ߬ߙߋ߫. ߏ߬ ߡߍ߲ ߞߊ߬ ߡߙߌߣߊ߲߫ ߦߌ߬ߘߊ߬ ߞߏߕߌ߮ ߕߐ߯ ߘߐ߫. ߞߊ߬ ߖߘߍ߬ߘߏ߲߬ߒ߬ߞߊ߲߬ߡߊ߫ ߘߍߡߍ߲ߠߌ߲ ߞߍ߫ ߓߏߟߏ߲ߝߘߊ߫ ߟߊ߫ ߕߊ߯ ߢߍ߫ ߘߐ߫، ߞߵߊ߬ ߓߍ߲߬ ߖߡߊ߬ߣߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߥߞߊ߬ߟߌ߬ߦߊ߬ߣߍ߲ ߢߡߊߦߟߍߡߊ߲߫ ߝߏ߲߬ߝߏ߲ ߡߊ߬. ߞߵߊ߬ ߓߍ߲߬ ߘߍ߲߰ߦߊ߬ߟߌ ߣߌ߫ ߖߎ߬ߟߊ߬ߦߊ߫ ߞߏߕߌ߮ ߓߐ߬ߟߐ߲߬ߞߊ߫ ߝߊߕߎߡߊߕߊ߬ ߞߡߊ߬ߙߊ߫ ߕߊ߯ ߗߏ߮ ߡߊ߬، ߞߵߊ߬ ߦߌ߬ߘߊ߬ ߞߏ߫ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߛߊ߬ߙߌ߬ߦߊ߬ߛߎ߲ ߞߎߘߊ߫ ߦߋ߫ ߞߟߍ߬ߦߊ߫ ߡߎ߬ߙߊ߲߫ ߠߋ߬ ߘߌ߫ ߓߐ߲ߛߐ߲ߘߊ߫ ߣߊ߬ߕߐ ߟߎ߬ ߢߍ߫. ߊ߬ ߣߌ߫ ߡߛߊ߬ߡߊ߲߬ߠߌ߲߬ߠߊ߲ ߣߌ߫ ߓߎ߰ߓߎ߬ߟߌ߬ߟߊ߲ ߣߌ߫ ߛߙߍߘߍߦߊߟߌߟߊ߲. ߞߵߊ߬ ߟߐ߬ ߝߟߐߦߊ߫ ߝߊ߬ߛߏ߬ߟߊ߬ߞߊ ߡߊ߬. ߏ߬ ߡߍ߲ ߓߍߣߊ߫ ߘߍ߬ߡߍ߲߬ߓߊ߫ ߞߍ߫ ߘߌ߲߬ߞߌߙߊ߫ ߢߡߊߦߟߍߡߊ߲ߠߌ߲ ߘߐ߫. ߞߊ߬ ߛߊ߬ߙߌ߬ߦߊ߬ߛߎ߲ ߞߣߐߘߐ ߟߎ߬ ߝߊ߲߬ߞߊߘߏ߲߬، ߞߊ߬ ߘߍ߲߰ߦߊ߬ߟߌ߫ ߞߐߡߊߓߌ߲ߓߌ߲߫. ߊ߬ ߣߌ߫ ߞߊ߬ ߓߊ߯ߙߊ ߢߊ߬ߕߣߐ߫ ߜߍߘߐߕߊ ߟߎ߬ ߓߟߏߡߦߊ߫.

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߵߊ߬ ߦߌ߬ߘߊ߬ ߞߏ߫ ߣߊ߲߬ߝߟߏ߬ߦߊ߬ߟߌ߫ ߛߊ߬ߙߌ߬ߦߊ߬ߛߎ߲ ߣߐ߬ߡߛߊ߬ߦߌ߬ߟߌ ߞߎ߲߬ߕߋߟߋ߲ ߠߋ߬ ߞߊ߬ߝߏ ߜߘߌߛߌ߯ߞߎߘߊ ߘߌ߫، ߞߊ߲ߓߍ߲ ߞߊ߲ߕߌ߮ ߞߊ߬ߝߏ ߞߎ߲߬ߕߌ߮ ߡߊ߬ߓߏ߬ߢߊ߬ߕߊ߫ ߡߊ߬ߡߊߘߌ߫ ߘߎ߲ߓߎߦߊ߫ ߞߵߏ߬ ߡߍ߲ ߡߊߜߟߍ߬ߦߊ߫. ߣߴߊ߬ ߞߎ߲߬ߕߋߟߋ߲ ߦߋ߫ ߘߎ߲߬ߘߎ߲߬ߡߊ߫ ߡߊߘߎ߯ ߓߐ߰ߝߍ߬ߦߊ߬ߟߌ߫ ߟߊߥߙߎߞߌ ߘߌ߫߸ ߢߍߛߎߡߊ߫ ߣߌ߫ ߓߣߊ߬ߦߊ ߣߌ߫ ߛߌ߲ߘߟߌ߫ ߣߌߘߐ. ߊ߬ ߞߵߊ߬ ߡߊߜߟߍߦߊ߫ ߞߏ߫ ߛߊ߬ߙߌ߬ߦߊ߬ߛߎ߲߫ ߞߊ߬ߞߎ߬ߘߟߊ߬ߞߊ ߞߏ ߦߋ߫ ߢߊ߬ߒ߬ߞߐ߬ߓߊߟߌ ߟߋ߬ ߘߌ߫. ߏ߬ ߡߍ߲ ߞߎ߲߬ߕߋߟߋ߲ ߦߋ߫ ߝߟߐߦߊ߫ ߝߊ߬ߛߏ߬ߟߊ߬ߞߊ ߘߌ߫. ߞߊߕߙߍ߬ߕߍ߫ ߘߍ߲߰ߦߊ߬ߟߌ ߛߌߟߊ ߡߊ߬، ߢߡߊߦߟߍߡߊ߲߫ ߝߊ߬ߛߏ߬ߟߊ߬ߞߊ ߣߌ߫ ߓߊ߯ߙߊ߫ ߛߐߘߐ߲ ߞߏ ߘߐ߫.  ߞߊ߬ ߖߡߊ߬ߣߊ ߡߛߊ߬ߡߊ߲߬ߠߌ߲ ߣߌ߫ ߡߐ߬ߟߐ߲߬ߡߦߊ߬ߟߌ߫ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߐߒߘߊ ߦߌ߬ߘߊ߬. ߖߊ߬ߕߋ߬ߘߐ߬ߛߌ߰ߓߊ߫ ߛߏ߯ߙߏߦߊߣߍ߲߫ ߠߎ߬ ߦߋߟߋ߲ ߠߊ߫ ߖߌ߬ߣߍ߬ ߞߣߐ߫.

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߋ߬ߟߋ߫ ߂߈/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߘߊߦߟߍߟߌ߫ ߖߊ߲߬ߖߏ߲ ߘߏ߫ ߞߎ߲߬ ߠߊ߫ ߛߌ߰ ߡߍ߲ ߓߎ߲ߓߎߣߍ߲ ߢߣߊߡߦߊߓߐߢߟߊ ߟߐ߯ߓߐ ߡߊ߬ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߢߊߞߘߐ߫. ߛߋ߲ߞߏߟߦߊ߫ ߣߌ߫ ߣߊ߲߬ߝߟߏ߬ߦߊ߫ ߣߝߊߢߐ߲߮ ߠߎ߬ ߢߊߞߘߐ߫. ߘߎ߲߬ߘߎ߲߬ߡߊ߬ ߡߊߘߎ߮ ߟߎ߬ ߣߌ߫ ߘߌ߲߬ߞߌߙߊ ߛߌ߰ߓߊ߮ ߟߎ߬ ߢߊߞߘߐ߫. ߞߵߊ߬ ߓߍ߲߬ ߡߊߣߊ߲ߞߎ߲߫ ߢߡߊߦߟߍߡߊ߲ ߝߊߘߌ ߡߊ߬، ߏ߬ ߡߍ߲ ߟߐ߯ߟߊߣߍ߲߫ ߕߟߋ߬ ߂ ߞߊ߲ߡߊ߬ ߂߈ ߣߌ߫ ߂߉ ߞߏ߲ߞߏߘߌ߬ߓߌ ߣߌ߲߬ ߠߊ߫ ߂߀߂߆

ߟߐ߯ߓߊߟߐ߮ ߝߊ߬ߛߏ߬ߟߊ߬ߞߊ ߣߌ߲߬ ߦߋ߫ ߦߋ߫ ߢߐ߲߯ ߠߊߡߍ߲ ߠߋ߬ ߘߌ߫، ߝߊ߬ߛߏ߬ߟߞߊ߬ߦߊ ߝߊߘߌ ߘߐ߫، ߓߊ߬ߘߏ߬ߢߐ߲߰ߦߊ ߡߍ߲ ߘߎ߲ߣߍ߲ ߖߌ߬ߣߍ߬ ߛߌߣߌ߲ߢߍߛߌ߯ ߞߙߏ߬ߝߏ߫ ߟߊ߫، ߞߵߊ߬ ߝߢߐ߫ ߓߘߍ ߟߊߞߊ߲ߘߊ ߞߏ ߡߊ߬، ( ߙߋߜ߭ߊߔ) ߞߵߊ߬ ߟߐ߬ ߟߥߊ߬ߟߌ ߝߍ߬ߙߍ ߟߎ߬ ߡߊ߬ ߢߣߊߡߦߊߓߐߢߟߊ ߘߐ߫ ߡߍ߲ ߠߎ߬ ߞߏߝߐߣߍ߲߫ ߖߊ߬ߕߋ߬ߘߐ߬ߛߌ߰ߓߊ ߛߏ߯ߙߏߦߊߣߍ߲ ߞߣߐ߫ ߞߊߕߙߍ߬ߕߍ߫ ߛߌߡߊ߲ߘߎ߯ ߂߀߄߀ ߢߍߥߟߊ ߡߊ߬، ߢߐ߲߯ߓߍ߲ ߣߌ߲߬ ߦߋ߫ ߘߊߘߐߝߙߊߢߐ߲߯ߦߊ ߟߐ߬ߛߋ߲ ߠߋ߬ ߘߌ߫، ߊ߬ ߣߌ߫ ߘߍ߬ߒ߬ߡߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߞߵߊ߬ ߓߍ߲߬ ߟߊ߬ߞߊ߲߬ߘߊ߬ߟߌ ߘߎ߲ߡߊߣߍ߲ ߞߏ ߟߎ߬ ߡߊ߬، ߞߵߊ߬ ߟߐ߬ ߖߌ߬ߣߍ߬ ߛߎ߲ߞߎ߲ߡߦߊ߫ ߘߎ߲ߡߊߣߍ߲ ߡߊ߬، ߞߊ߬ ߞߎߡߊ ߕߊ߬ ߕߊߙߊ߲ߛ ߖߌߣߍ߫ ߝߊ߬ߛߏ ߗߍ ߞߙߎߝߊߟߌ ߡߊ߬. ߊ߬ ߞߊ߬ ߞߎߡߊ ߕߊ߬ ߕߊߙߊ߲ߛ ߖߌ߬ߣߋ߫ (ߛߋ ߕߋ ߖ߭ߋ) ߕߐ߯ ߘߐ߫. ߊ߬ ߣߴߊ߬ ߘߍ߬ߢߐ߲߮ ߠߎ߬ ߞߊ߬ ߥߊߟߌߢߌߡߊߟߐ߲ ߡߊ߬ ߟߊ߬ߡߌߣߌ߲ ߠߊߞߊ߲ߘߊ ߡߌ߬ߙߌ߲߬ߡߊ߬ߦߊ ߘߐ߫، ߞߊ߬ ߘߌ߲߬ߞߌߙߊ ߛߌ߰ߓߊ߮ ߟߎ߬ ߓߌ߬ߟߵߊ߬ ߟߊ߬ߘߏ߲߬ߠߌ߲ ߟߌ߬ߤߟߊ ߟߎ߬ ߘߐ߫، ߊ߬ ߣߌ߫ ߞߊ߲ߞߋ߫ ߝߌ߬ߟߊ߬ߦߊ ߟߊ߬ߘߏ߲߬ߘߐ߬ߟߌ، ߖߊ߯ߓߊ ߜߍߓߏ߲ ߕߐ߯ ߘߐ߫، ߌߛߊ߫ ߖߊߥߎ߫ ߞߊ߬ ߞߎߟߎ߲ߖߋߟߌ ߞߍ߫ ߖߌ߬ߣߍ߬ ߟߊ߫ ߘߐ߬ߖߊ ߟߊ߫، ߊ߬ ߦߋ߫ ߘߐ߬ߖߊ ߡߍ߲ ߞߊ߲߬ ߞߊ߬ ߞߊ߬ߝߏ ߞߏ ߟߎ߬ ߟߊߘߍ߬ ߛߌ߰ߥߟߊ߫ ߞߋߟߋ߲߫ ߞߊ߲߬. ߘߎ߲߬ߘߎ߲߬ߡߊ ߡߊߘߎ߮ ߟߎ߬ ߣߌ߫ ߘߌ߲߬ߞߌߙߊ ߘߍ߬ߞߏ߬ߦߊ ߣߌ߫ ߛߌ߰ߓߊ߮ ߟߎ߬ ߟߊ߫ ߟߐ߲ߠߌ߲߫ ߡߊ߬ߘߎ߮ ߞߎߘߎ߲ߞߎߘߎ߲ߣߍ߲ ߠߎ߬ ߛߐ߬ߘߐ߲߬ߘߊ ߛߎ߲ߞߎ߲ߡߦߊ ߓߟߏߡߊ߬، ߊ߬ ߞߊ߬ ߖߘߍ߬ߘߏ߲߬ߒ߬ߞߊ߲߬ߡߊ ߟߊߞߎߘߦߊ߫ ߞߵߊ߬ ߓߍ߲߬ ߖߊ߯ߓߊ ߜߍߓߏ߲ ߟߌ߬ߤߟߊ ߡߊ߬ ߞߏ߫ ߊ߬ ߘߌ߫ ߖߌ߬ߣߍ߫ ߘߍ߬ߡߍ߲߬ ߊ߬ ߣߕߊ߬ߘߐ߬ߞߏ߫ ߛߏ߯ߙߏߦߊߣߍ߲ ߠߎ߬ ߡߊ߬، ߓߐ߰ߝߍ ߣߌ߫ ߥߙߎߞߌ ߘߎ߲ߡߊߣߍ߲ ߞߏߕߌ߮ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߖߌ߬ߣߍ߬ ߦߋ߫ ߓߐ߰ߝߍ ߛߌߓߟߏߡߦߊߣߍ߲ ߢߐ߲߰ ߛߐ߬ߘߐ߲߬ߓߊߟߌ ߟߋ߬ ߘߌ߫. ߡߍ߲ ߢߐ߲߰ ߘߐ߯ߡߊ߲߫ ߝߏ߫ ߞߵߏ߬ ߝߢߐ ߢߌߡߊ  ߟߊߞߊ߲ߘߊ߫ ߟߋ߬ ߊ߬ ߢߌ߬ߡߊ ߟߊ߫. % ߁߅ ߤߊ߲߯ ߞߊ߬ ߥߴߊ߬ ߛߌ߰ % ߂߈ ߠߊ߫. ߕߌ߲ߕߊ߲߫ ߝߊ߬ߛߏ߬ߟߊ߬ߞߊ߫ ߞߣߐ߫ ߂߀߃߀ ߝߊ߲߭ߝߍ߬ ߙߋߜ߭ߊߔ ߛߘߊ߫ ߘߐ߫. ߞߙߏ߬ߝߏ߬ ߞߎߘߊ߫ ߝߊ߬ߛߏ߬ߟߊ߬ߞߊ ߡߍ߲ ߞߐߦߌ߬ߘߊ߬ߣߍ߲߫ ߦߙߐ߫ ߁߈ ߘߐ߫ ߝߟߐߦߊ߫ ߓߟߏߡߊ߬. ߞߏߕߌ߯ ߞߊ߬ ߢߊߞߎߘߦߊߟߌ߫ ߕߣߐ߬ߡߊ߫ ߛߌߦߊߡߊ߲߫ ߓߌ߬ߟߊ߬ ߢߍߝߍ߬. ߡߍ߲ ߠߎ߬ ߓߘߊ߫ ߓߊ߲߫ ߘߊߡߌ߬ߣߊ߬ ߟߊ߫ ߊ߬ ߟߊ߫ ߓߏߟߏ߲ߝߘߊ ߟߊ߫، ߞߊߕߙߍ߬ߕߍ߫ ߊ߬ ߟߊ߫ ߤߙߍ ߘߏߞߊ߲߫ ߝߟߐ ߟߊߞߊ߲ߘߊߣߍ߲ ߡߊ߬.ߞߊ߬ ߟߊ߬ߟߐ߲߬ߠߌ߲ ߞߍ߫ ߗߋߢߊߘߋ߲߫ ߆߀߀ ߟߊ߫ ߞߵߊ߬ ߟߐ߬ ߟߊ߬ߞߊ߲߬ߘߊ߬ߟߌ ߡߊ߬، ߞߊ߬ ߡߊ߬ߘߏ߬ߠߌ߲߬ߠߌ߲ ߖߐ߰ߣߍ ߡߊߓߍ߲߬. ߊ߬ ߣߌ߫ ߛߌ߲ߘߌߘߊ ߟߊ߬ߘߊ߲߬ߠߌ߲ ߡߍ߲ ߦߋ߫ ߛߋ߲߬ ߠߊ߫ ߟߊ߬ߞߊ߲߬ߘߊ߬ߟߌ ߛߌߟߊ ߝߍ߬ ߢߣߊߡߦߊߓߐߢߟߊ ߝߍ߬ߙߍ ߟߎ߬ ߡߊ߬ ߖߌ߬ߣߍ߬ ߞߣߐ߫߸ ߡߊ߬ߞߟߌ߬ߟߌ ߞߍ߫ ߖߐ߰ߣߍ߬ߦߊ߬ߟߌ߫ ߡߊ߬ ߞߍߥߊߟߌ ߘߐ߫، ߞߵߊ߬ ߟߐ߬ ߓߐ߰ߝߍ߬ߞߊ߲ߞߋ ߟߊߞߊ߲ߘߊߟߌ ߡߊ߬. ߞߏߕߌ߯ ߝߟߐ ߞߵߊ߬ ߦߌ߬ߘߵߊ߬ ߟߊ߫ ߛߎ߬ߘߎ߲߬ߧߊ߬ߟߌ ߘߐ߫، ߞߏ߫ ߟߐ߯ߓߊߟߐ߮ ߣߌ߲߬ ߞߎ߲߬ߕߋߟߋ߲߫ ߠߋ߬ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߞߟߍ߬ߦߊ ߓߐߢߟߊ ߘߌ߫. ߥߙߎߞߌ߫ ߝߊ߬ߛߏ߬ߟߊ߬ߞߊ ߛߌ߲߬ߝߏ߲߬ߧߊ߫، ߞߊ߬ ߕߍߞߢߊߟߌ߫ ߡߊ߬ߣߐ߬ߣߍ߲ ߘߏ߫ ߛߐ߬ߘߐ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߡߐ߬ߟߐ߲߬ߡߊ߬ߦߊ ߊ߬ ߣߌ߫ ߞߊ߬ ߡߊߣߊ߲ߞߎ߲߫ ߛߎ߲ߞߎ߲ߡߊ ߟߊߕߊ߲߬ߞߊ߬ ߡߍ߲ ߠߎ߬ ߛߐ߬ߘߐ߲߬ߣߍ߲ ߊ߲ ߓߟߏ ߗߍ ߘߐ߫، ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߡߊߜߟߍ߬ߦߊ߫ ߝߣߊ߫ ߞߏ߫ ߖߌ߬ߣߍ߬ ߦߋ߫ ߝߘߊ߬ߝߌ߲߬ߠߊ߫ ߕߟߋ߬ߓߋ߫ ߝߘߏ߬ߓߊ߬ ߝߊߗߍ߫ ߟߋ߬ ߘߌ߫. ߟߊ߬ߞߊ߲߬ߘߊ߬ߟߌ ߦߋ߫ ߝߊ߬ߛߏ߬ߟߊ߬ߞߊ ߞߊ߫ ߞߊ߲߫ ߊ߲ ߠߊ߫ ߕߌ߲߬ߞߎߘߎ߲ ߣߌ߲߬ ߝߣߊ߫ ߟߊ߫ ߞߏ ߟߊ߫߸ ߞߵߊ߬ ߓߍ߲߬ ߖߡߊ߬ߣߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߫ ߢߡߊߦߟߍߡߊ߲߫ ߣߕߊ߬ߞߏ ߟߎ߬ ߡߊ߬߸ ߕߍߞߢߊߟߌ ߡߍ߲ ߞߍߕߐ߫ ߞߍ߫ ߟߊ߫ ߖߘߍ߬ߡߊ߬ߓߐ ߘߌ߫ ߞߊ߲ߞߋ ߝߌߟߡߊߦߊ ߘߐ߫، ߢߍߛߎߡߊ ߢߌߣߌ߲ ߣߊ߬ߕߊ ߡߊ߬ ߡߍ߲ ߓߊ߲ߓߊ߲ߣߍ߲ ߕߌ߲ߕߌ߲ ߡߊ߬ ߕߊ߯ߡߊ ߞߏ ߘߐ߫ ߛߋ߲߬ ߝߌ߬ߟߊ ߞߎ߲߬ߘߐ߫،، ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߟߊ߬ߞߊ߲߬ߘߊ߬ߟߌ ߘߐ߫ ߘߎ߲ߡߊ߫ ߓߟߏߡߊ߬ ߓߐ߰ߝߍ ߟߊߞߊ߲ߘߊ ߛߌߟߊ ߞߊ߲߬. ߞߎߡߊ ߞߎ߲߬ߝߊ߮ ߘߐ߫ ߞߏߕߌ߯ ߝߟߐ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߘߊߘߐߖߊߥߏ ߞߊߡߊ߲ ߘߐ߫ ߟߐ߯ߓߊߟߐ߮ ߣߌ߲߬ ߡߊ߬ߡߊߣߊ߬ ߏ߬ ߓߍߣߊ߬ ߛߏ߯ߙߏߟߌ ߘߏ߫ ߦߌ߬ߘߵߊ߲ ߠߊ߫ ߡߍ߲ ߣߊ߬ߕߐ߫ ߕߍߝߐ ߘߌ߫، ߡߙߌߘߐ ߣߌ߫ ߟߐ߬ߟߌ ߘߐ߫، ߟߊ߲ߒߘߦߊ ߘߐ߫، ߊ߬ ߣߌ߫ ߝߊ߲߬ߓߊ߬ߦߊ ߡߎ߰ߡߍ ߓߟߏ߫، ߊ߬ ߞߊ߬ ߝߘߏ߬ߓߊ߬ ߥߣߊ ߓߍ߯ ߘߐ߰ߘߏ߲߬ ߊ߬ ߞߏ ߟߊ߫߸ ߘߎ߲߬ߘߎ߲߬ߡߊ ߣߌ߫ ߘߍ߬ߞߏ߬ߦߊ ߕߊ ߓߍ߯ ߞߊ߬ߣߌ߲߬. ߊ߬ ߞߵߌ ߞߎ߲߭ ߖߍ߬ߘߍ ߖߍ߬ߘߍ ߟߐ߬ ߊ߬ ߞߘߐ߫ ߞߏ߫ ߞߊ߬ ߥߙߎߞߌ ߞߍߢߊ߫ ߘߏ߫ ߟߎ߫ ߛߌ߰ ߛߋ߲߬ߞߊ߲߬ ߖߊ߬ߓߌ߬ߦߊ߬ߟߌ ߘߐ߫، ߢߐ߲߯ߝߊ߯ߡߎ߲ ߘߐ߫، ߊ߬ ߣߌ߫ ߞߊ߲ߓߍ߲ ߣߕߊ߬ߘߐ߬ߞߏ ߟߎ߬ ߘߐ߫، ((ߘߎ߰ߞߟߏ ߕߴߊ߲ ߕߊ߬ ߘߌ߫ ߘߋ߬ ߊ߲ ߧߋ߫ ߝߋ߲ ߠߎ߬ ߟߋ߬ ߛߌ߰ ߟߵߊ߬ ߞߊ߲߬ ….) ߊ߬ ߞߵߏ߬ ߞߎ߲߬ߝߊ߰ ߊ߬ ߢߌ߬ߡߊ ߟߊ߫ ߓߊ߬؟

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߟߋ߬ ߃߀/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߵߊ߬ ߕߊ߫ ߡߊ߬ߝߊ߲ ߞߍ߫ ߖߊ߲߬ߖߏ߲ ߏ߬ ߢߣߊߓߊ߯ߦߊ ߘߐ߫، ߞߊ߬ ߓߙߌߞߌߛߍߟ ߍߙߑߟߌ߲ߜ߭ ߡߊ߬ߞߍ߬ߦߙߐ߬ ߞߎߘߊ ߘߊߦߟߍ߫ ߞߐߣߊߞߙߌ߫.

ߕߏ߰ߝߏ ߞߊ߬ ߡߊ߬ߘߏ߲߬ߠߌ߲߬ߠߌ߲ ߞߏߕߌ߯ߘߊ ߡߊ߬ߞߟߐ߬ ߣߌ߫ ߞߎ߲߬ߝߊ߲߬ߓߐ ߡߊ߬ߞߟߐ߬ ߟߎ߬ ߟߊߘߍ߬، ߊ߬ ߣߌ߫ ߛߌ߲߬ߝߏ߲߬ߘߊ߫ ߣߝߊߢߐ߲߮ ߠߎ߬، ߞߵߏ߬ ߓߍ߯ ߟߊ߫ ߓߐ߬ߟߐ߲߬ߞߊ߫ ߋߟߌߝ߭ߌߋ ߜ߭ߌߣߋߏ ߞߊ߲߬ ߓߍߟߑߖ߭ߌߞ ߝߊ߰ߡߊ߬ߟߊ ߟߊ߬ߛߌ߰ߘߋ߲ ߖߌ߬ߣߍ߬ ߞߣߐ߫. ߞߊ߬ ߞߐ߲߬ ߘߊߦߟߍߟߌ ߝߊ߰ߣߌ߲߬ ߞߎ߬ߘߎ߲߬ ߕߍ߮ ߢߍ߫، ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߎ߲߬ߦߌ߬ߘߊ߬ߟߌ ߣߌ߲߬ ߞߎߟߎ߲ߖߋߟߌ ߞߍ߫ ߞߵߊ߬ ߓߍ߲߬ ߣߝߊ߬ߢߐ߲߰ߦߊ ߟߊ߲ߒߣߦߊ ߟߊߞߎߘߦߊ ߡߊ߬ ߡߊ߲߬ߕߏ߲߬ߕߍ߬ߟߞߊ߬ߦߊ ߓߟߏߡߊ߬، ߞߵߊ߬ ߓߍ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߐ߰ߝߍ߬ߞߊ߲ߞߋ ߟߌ߬ߤߟߊ ߡߊ߬ ߖߌ߬ߣߍ߬ ߞߣߐ߫. ߊ߬ ߞߵߊ߬ ߡߊ߬ߜߟߍ߬ߦߊ ߞߏ߫ ߛߓߍߘߊ߫ ߞߎߘߊ ߣߌ߲߬ ߠߊߞߊ߭ ߞߎ߲߬ߕߋߟߋ߲ ߦߋ߫ ߢߊߞߎߘߦߊߟߌ ߝߊ߲߬ߞߊߘߏ߲߭ ߠߋ߬ ߘߌ߫ ߖߡߊ߬ߣߊ߫ ߟߎ߬ ߡߊ߬ߘߏ߲ߢߐ߲߰ߠߊ ߘߐ߫، ߞߊߕߙߍ߬ߕߍ߫ ߡߊ߬ߘߏ߲߬ߠߌ߲߬ߠߌ߲ ߡߊ߬ߘߎ߮ ߣߌ߫ ߞߎ߲ߝߊ߲ߓߐߟߌ ߡߊ߬ߘߎ߮ ߡߊ߬.

ߞߏߕߌ߯ ߝߟߐ ߞߊ߬ ߝߊ߲߬ߞߊ ߣߌ߫ ߘߐ߬ߖߊ ߓߌ߬ߟߊ߬ ߢߍ ߘߐ߫ ߡߙߊ߬ߦߊ ߟߎ߬ ߕߊ߫ ߓߟߏ߫ ߟߊ߫߸ ߞߵߊ߬ ߓߍ߲߬ ߞߊ߲ߓߍ߲ ߞߊ߲ߕߌ߮ ߞߎ߲߬ߕߋߟߋ߲ ߡߊ߬، ߞߊ߬ ߞߊ߲ߞߋߦߊ߫ ߝߊ߲߬ߝߌ߬ߟߊ߬ߡߊ ߢߊߞߎߘߦߊ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߛߌߟߊ ߝߍ߬. ߞߵߊ߬ ߓߍ߲߬ ߖߌ߬ߣߍ߬ ߣߌ߫ ߓߏߊߙߘ ߥߙߎߞߌ ߢߊߞߎߘߦߊ߫ ߛߌߟߊ ߡߊ߬ ߛߊ߲ߡߊߘߊ߲߫ ߖߎߓߐ ߞߏ ߟߎ߬ ߛߌߟߊ ߝߍ߬. ߓߍߟߑߖ߭ߌߞ ߟߊ߬ߛߌ߰ߘߋ߲ ߞߊ߬ ߣߝߊ߬ߢߐ߲߰ߦߊ ߝߊ߲߬ߞߊ ߘߏ߲߬ߣߍ߲ ߣߌ߲߬ ߕߊ߲߬ߘߏ߬ߟߌ ߞߍ߫ ߞߊߕߙߍ߬ߕߍ߫ ߞߏ߫ ߞߎߘߊ߫ ߟߊ߬ߘߏ߲߬ߣߍ߲ ߠߎ߬ ߡߵߊ߬ ߘߐ߫ ߛߌ߲ߘߟߌ ߛߌߟߊ ߝߍ߬، ߞߵߏ߬ ߓߍ߯ ߟߊ߫ ߓߐߒߘߊ߫ ߞߎߘߊ߫ ߟߊߘߏ߲߬ߣߍ߲ ߠߎ߬ ߡߵߊ߬ ߘߐ߫ ߡߊ߬ߘߏ߬ߠߌ߲ ߛߙߊ߬ߞߏ ߛߌߟߊ ߝߍ߬. ߘߊߦߟߍߟߌ ߣߌ߲߬ ߓߍߣߊ߬ ߊ߬ ߣߐ߭ ߟߊ߫ ߟߋ߬ ߥߙߎߞߌ ߛߋ߲߬ߕߊ߰ ߞߎߘߊ߫ ߘߴߊ߲ ߡߊ߬. ߞߵߊ߬ ߓߍ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߌ߬ߟߊ߬ߒ߬ߢߐ߲߰ߡߊ ߡߊ߬ ߖߌ߬ߣߍ ߣߴߊ߬ ߣߝߊ߬ߢߐ߲߮ ߋߙߐߔߎߞߊ ߟߎ߬ ߕߍ߫.

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߋ߬ߟߋ߫ ߂߉/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߖߌ߬ߣߍ߫ ߞߊ߬ߙߊ߲߬ߘߋ߲߬ ߔߊߔߘߊ ߝߘߏ߬ߓߊ߬ ߟߊ߬ߘߊ߲߬ߧߊ ߞߍߢߊ ߟߊ߬ߘߍ ߞߎ߲߬ ߠߊ߬ ߛߌ߰، ߕߏ߲߬ߜߏ߬ߦߊ߬ ߝߊߘߌ ߘߐ߫߸ ߏ߬ ߡߍ߲ ߓߐߣߍ߲ ߞߟߍ߬ߕߌ߯ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߡߙߌߣߊ߲ ߠߎ߬ ߘߐ߫، ߞߎ߲߬ߦߌ߬ߘߊ߬ߟߌ ߣߌ߲߬ ߞߎ߲߭ ߠߋ߬ ߖߌ߬ߣߍ߬ ߞߊߙߊ߲ߘߋ߲ ߔߊ߬ߔߘߊ ߝߊ߬ߛߏ߬ߟߊ߬ߞߊ ߘߐߓߍ߲߭ ߘߌ߫. ߓߘߍ߬ߦߊ ߣߌ߫ ߡߊ߬ߡߊ ߘߐ߫߸ ߏ߬ ߡߍ߲ ߠߊߓߐߣߍ߲߫ ߡߞߊ߬ߙߊ߲߬ߠߌ߲ ߞߍߢߊ ߓߊ߲ߓߊ߲ ߞߊ߲ߡߊ߬. ߞߣߊ߬ߕߏ߫ ߊ߬ ߝߊ߲߬ߞߊߘߏ߲߬ ߠߊ߫ ߘߎ߲ߡߊ߫ ߓߟߏߡߊ߬ ߛߋߞߏߦߊ ߣߌ߫ ߟߥߊ߬ߟߌ߬ߟߌ߫ ߞߊ߲ߞߋߦߊ ߘߐ߫ ߟߊ߬ߞߟߏ߬ߞߟߏ߬ߟߌ ߛߌߟߊ ߝߍ߬. ߝߊ߲߬ߝߘߊ߬ߦߊ߬ߟߌ ߣߌ߫ ߓߌ߬ߟߊ߬ߢߐ߲߰ߡߊ ߣߌ߫ ߥߙߎߞߌ߫ ߞߏߕߌ߮   ߛߟߊߕߌ߯ ߌߛߑߡߊߦߍߟ ߣߊ߰ߓߋ߬ ߞߊ߬ ߞߍߕߊ ߟߎ߬ ߡߊߜߟߍ߬ߦߊ߫ ߝߘߏ߬ߓߊ߬ ߡߙߌߣߊ߲ ߠߎ߬ ߟߊ߫ ߞߏ ߘߐ߫. ߞߊ߬ ߞߊ߬ߙߊ߲߬ߘߋ߲߬ߧߊ ߔߊ߬ߔߘߊ ߞߍ߫ ߦߌ߬ߘߊ߬ߕߊ ߣߌ߫ ߓߊ߯ߙߊߟߊ߲ ߘߌ߫. ߝߊ߲߬ߝߘߊ߬ߦߊ߬ߟߌ ߣߌ߫ ߛߋ߲ߞߏߟߦߊ ߣߌ߫ ߗߋߢߊ ߝߊ߲߬ߝߘߊ߬ߦߊ ߡߌ߬ߙߌ߲߬ߡߊ߬ߦߊ߫ ߘߐ߫. ߟߊ߬ߞߟߏ߬ߞߟߏ߬ߟߌ ߣߌ߫ ߛߓߍߛߎ߲ߧߊߟߌ ߞߏߕߌ߮ ߣߌ߫ ߛߋ߲ߞߏߟߦߊ߫ ߟߞߊ߬ߙߊ߲߬ߠߌ߲ ߣߌ߫ ߓߟߏߟߊߓߊ߯ߙߊ ߞߏߕߌ߮ ߛߟߊߕߌ߯ ߊߟߌߝߊ߫ ߓߎߥߞߊߙ ߓߊߙߌ߬ ߞߊ߬ ߕߍߞߢߊߟߌ߫ ߘߐߞߣߍߣߍ߲ ߞߐߡߊߓߌ߲ߓߌ߲߫ ߞߵߊ߬ ߓߍ߲߬ ߟߊ߬ߞߟߏ߬ߞߟߏ߬ߟߌ ߞߊ߲ߞߋ ߡߊ߬. ߏ߬ ߡߍ߲ ߘߐߛߌ߰ߣߍ߲ ߕߟߊߢߊ߫ ߡߊ߬ߝߘߏ߬ߣߍ߲ ߞߊ߲߬ ߞߵߊ߬ ߓߍ߲߬ ߞߊ߬ߙߊ߲߬ߕߊ߫ ߖߎ߬ߓߐ ߟߎ߬ ߟߌ߬ߤߟߊ ߡߊ߬߸ ߏ߬ ߦߋ߫ ߟߐ߲ߕߊ߫ ߓߊ߲ߓߊ߲ߣߍ߲ ߘߝߊߓߊߟߌߦߊ ߟߋ߬ ߦߌ߬ߘߊ߬ ߟߊ߫ ߏ߬ ߡߍ߲ ߝߊ߲߬ߝߘߊ߬ߦߊ߬ߟߌ ߟߥߊ߬ߟߌ߬ߟߌ ߕߙߏ߬ߞߏ߬ߦߊ ߘߣߊ߬ߕߍ߰ ߟߊ߫.

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߊ߬ ߖߌߘߊ߲ ߛߏ߯ߙߏߦߢߊ ߟߌ߬ߤߟߊ ߟߊ߫ ߖߙߎߡߎ߲ߦߟߍߡߊ߲ ߛߌߟߊ ߝߍ߬، ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߞߊ߬ߙߊ߲߬ߘߋ߲߬ ߔߊߔߘߊ ߦߋ߫ ߓߊ߯ߙߊߝߋ߲߫ ߠߋ߬ ߘߌ߫، ߞߊ߬ ߛߋ߫ ߛߌ߲߬ߝߏ߲߬ߧߊ߬ߟߌ ߞߍ߫ ߟߊ߫ ߡߊ߬ߛߐ߬ߟߌ ߓߟߏߡߊ߬. ߊ߬ ߣߌ߫ ߟߊ߬ߞߟߏ߬ߞߟߏ߬ߟߌ ߕߍߞߢߊߟߌ ߝߊ߬ߛߏ߬ߟߞߊ߬ߦߊ ߛߌߟߊ ߝߍ߬. ߞߊ߬ ߛߌߣߌ߲ߢߍߛߌ߮ ߡߊ߬ߞߏ߬ߣߊ߲ ߠߎ߬ ߛߋ߲߬ߠߞߊ߬ߟߌߦߊ߫. ߊ߬ ߣߌ߫ ߞߵߊ߬ ߛߐ߬ߘߐ߲ ߓߟߏߡߦߊ߫ ߘߋ߲ߣߍ߲ ߓߍ߯ ߢߍ߫ ߕߍߞߢߊ߫ ߓߟߏߡߊ߬. ߊ߬ ߣߌ߫ ߞߊ߬ ߟߊ߬ߞߟߏ߬ߞߟߏ߬ߟߌ ߟߊߛߐ߬ߘߐ߲ ߣߐ߰ߦߊ߫ ߘߋ߲ ߓߍ߯ ߢߍ߫ ߘߎ߰ߞߣߍ ߡߎ߰ߡߍ ߞߊ߲߬. ߊ߬ ߞߊ߬ ߞߍ߲ߘߍߦߊ ߛߌߣߌ߲ߢߍߛߌ߮ ߔߊ߬ߔߘߊ ߟߊߘߊ߲ ߞߏ ߝߣߊ߫ ߞߎ߲߬ߦߌ߬ߘߊ߬ߟߌ ߞߍ߫. ߏ߬ ߡߍ߲ ߦߋ߫ ߞߎ߲߬ߠߊ߬ߛߌ߮ ߥߍ߬ߣߍ ߦߌ߬ߘߊ߬ ߟߊ߫ ߞߎ߲߬ߕߋ߬ߟߋ߲߬ߦߊ ߘߎ߲ߡߊ ߓߟߏߡߊ߬، ߞߵߊ߬ ߓߍ߲߬ ߓߏߟߏ߲ߝߘߊ ߝߊ߲߬ߝߘߊ߬ߦߊ߬ߟߌ ߛߌߟߊ ߡߊ߬، ߞߵߊ߬ ߟߊߥߟߌ߬ ߕߞߌߦߊ ߟߊߘߏ߲߰ߣߍ߲ ߡߊ߬ ߢߍߛߎߡߊ ߛߌߟߊ ߝߍ߬. ߖߙߎߡߎ߲ߦߟߍߡߊ߲ ߛߏ߯ߙߏߦߊߣߍ߲ ߛߌߟߊ ߝߍ߬ ߞߊ߬ߝߏ ߕߊ߫ ߓߟߏߡߊ߬ ߖߌ߬ߣߍ߬ ߞߣߐ߫. ߡߍ߲ ߘߌ߫ ߣߊ߬ߕߊ ߦߌ߬ߘߊ߬: ߕߍߞߢߊ ߞߊߙߊ߲ߕߊ ߢߐ߲߰ߦߋ߬ߓߊߟߌ ߟߎ߬ ߟߊߘߊ߲߫. ߞߊ߬ ߞߎ߲߬ߠߊ߬ߛߌ߰ߦߊ߬ߟߌ߫ ߟߊ߬ߞߟߏ߬ߞߟߏ߬ߟߌ߫ ߢߊߞߎߘߦߊ߫ ߛߊߣߌߧߊ ߓߟߏߡߊ߬، ߏ߬ ߡߍ߲ ߜߘߌߛߌ߰ߣߍ߲߫ ߟߐ߲ߕߊ ߟߎ߬ ߞߊ߲߬. ߞߊ߬ ߟߊ߬ߞߟߏ߬ߞߟߏ߬ߟߌ ߞߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ߟߊ߲ ߘߌ߫ ߘߍ߭ ߞߣߐ߫. ߞߵߊ߬ ߓߍ߲߬ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲ ߡߊ߬ ߡߍ߲ ߛߌ߰ߣߍ߲߫ ߜߟߐߡߌ߲ߦߊ ߥߣߊ߬ߦߊ ߞߊ߲߬ ߛߌ߲߬ߝߏ߲߬ߘߟߊ߬ߞߊ߬ߦߊ ߛߌߟߊ ߝߍ߬ ߛߋ߲ߞߏߟߦߊ ߛߌߟߊ ߝߍ߬. ߡߋߣߊ، ߋ ߕߋ ߍߝ ߔߋ، ߌ ߍߣ ߍߛ، ߞߊߓߌߣߍ߫ ߖ߭ߋ ߍߛ ߔߋ، ߣߋߕߑߛߍ߲ ߜ߭ߙߎߔ ߞߊ߬ ߟߐ߲ߞߏ ߣߌ߫ ߖߌ߬ߣߍ߬ ߞߎ߲߬ߦߌ߬ߘߊ߬ߟߌ ߞߣߍ ߟߐ߬.

ߞߐߣߊߞߙߌ߫ ߂߉/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߥߊ߫ ߘߊ߫ ߡߊߟߐ߬ ߞߊ߲ߕߌ߯ߘߊ ߝߟߏ߬ߓߊ߬ ߞߟߊ߬ߕߌ߮ ߟߋ߬ ߓߟߏ߫، ߊ߬ߟߎ߬ ߥߊ߫ ߘߊ߫ ߛߍ߲ ߟߏ߯ߟߎ ߘߊߦߟߍߟߌ ߞߎ߲߬ ߠߊ߫ ߛߌ߰ ߞߊ߲ߞߌߓߏ߲ ߣߌ߫ ߏ߬ ߡߍ߲ ߓߐߣߍ߲ ߢߊ߫ ߟߊ߫ ߞߎߓߋߘߊ߫ ߘߌ߲߬ߞߌߙߊ ߖߎ߬ߓߐ ߟߎ߬ ߢߊߞߎߘߦߊߟߌ ߢߍߥߟߊ ߞߣߐ߫، ߦߏ߫ ߞߊ߲ߛߏ߲ߧߊ߫، ߞߌ߬ߛߐߛߐ߬، ߞߌߙߐߕߌ߬، ߘߋ߬ߡߘߎߟߊ߬، ߊ߬ ߣߌ߫ ߞߊߞߌ߲ߓߏ߲. ߖߎ߬ߓߐ ߢߌ߲߬ ߠߎ߬ ߓߐߢߟߊ ߦߋ߫ ߞߊ߲ߓߍ߲ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߥߣߍ߬ ߛߊߣߌ߲ ߠߋ߬ ߦߌ߬ߘߊ߬ ߟߊ߫.ߞߊ߬ ߘߌ߲ߞߌߙߊ ߟߎ߬ ߛߌߟߊ߫ ߞߙߏ߬ߝߏ߬ߦߊ߬ߟߌ ߝߊ߲߬ߞߊߘߏ߲߬ ߘߎ߲ߡߊ߫ ߓߟߏߡߊ߬، ߞߵߊ߬ ߓߍ߲߬ ߡߐ߱ ߟߎ߬ ߟߊ߫ ߓߐߒߣߘߐ ߟߊߣߐ߰ߦߊ ߡߊ߬ ߞߐߣߊߞߙߌ ߓߏ߲߬ߓߊ ߞߣߐ߫. ߖߎ߬ߟߊ߬ߦߊ ߣߌ߫ ߥߊߟߌߘߊ߫ ߗߋߕߌ߯ ߡߛߏ ߡߍ߲ ߦߋ߫ ߟߥߊ߬ߟߌ߬ߟߊ ߘߌ߫. (ߓߟߊߛ ߣߋ߬ߘߊߡ) ߞߊ߬ ߞߎߟߎ߲ߖߋߟߌ ߞߍ߫ ߞߵߊ߬ ߓߍ߲߬ ߊ߬ ߟߊ߫ ߣߝߊ߬ߢߐ߲߰ߦߊ ߖߊ߬ߕߋ߬ߘߐ߬ߛߌ߮ ߢߍߛߐ߲ ߦߌ߬ߘߊ߬ߣߍ߲ ߥߟߏߘߐ ߡߊ߬ ߖߌ߬ߣߍ ߣߌ߫ ߔߋߦߌߓߊ߫ ߕߍ ߘߐ߫، ߊ߬ ߞߵߊ߬ ߡߊߜߟߍ߬ߦߊ߬ ߞߏ߫ ߛߍ߲ ߟߏ߯ߟߎ ߣߌ߲߬ ߢߊ߬ߕߣߐ ߞߊ߫ ߓߏ߲߬ߓߊ ߟߋ߬  ߘߍ߬ߞߏ ߟߎ߬ ߘߐ߫. ߞߊ߬ ߓߐߒߣߘߐ ߟߊߣߐ߰ߦߊ߬ ߞߊ߬ ߓߐߒߘߊ߫ ߞߎߘߊ߫ ߟߎ߬ ߟߊߘߊ߲߫ ߡߌ߬ߙߌ߲߬ߘߌ ߢߍ߫، ߖߎ߬ߓߐ ߟߎ߬ ߣߌ߫ ߝߘߏ߬ߓߊ߬ ߓߊ߯ߙߊ ߞߏߕߌ߮ ߛߟߊߕߌ߯ ߝߊ߬ߛߌ߬ߣߍ߫ ߛߌ߬ߟߊ߫ ߞߏ߫ ߛߍ߲ ߟߏ߯ߟߎ ߣߌ߲߬ ߘߊߦߟߍߟߌ ߕߊ߬ߡߌ߲߬ߣߍ߲߫ ߗߋߢߊ߫ ߓߊ߯ߙߊ ߛߌߦߊߡߊ߲߫ ߞߊ߲߬، ߊ߬ ߦߋ߫ ߓߘߍ߬ߓߘߍ߬ߟߌ ߞߌ߬ߛߍ߬ߦߊ ߖߍ߬ߘߍ ߖߍ߬ߘߍ ߟߋ߬ ߦߌ߬ߘߊ߬ ߟߊ߫߸ ߡߍ߲ ߖߎ߬ߛߌ߰ߣߍ߲ ߥߊߟߌߦߊ ߣߌ߫ ߓߏ߬ߢߊ ߣߌ߫ ߝߘߏ߬ߓߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߞߊ߲߬. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߂߀߂߂ ߢߍߥߟߊ߫ ߡߍ߲ ߓߟߏߦߊߣߍ߲߫ ߞߊ߲ߓߍ߲ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߖߌ߲߬ߓߊ߲ ߞߘߐ߫ ߣߌ߲߬، ߏ߬ ߟߊ߬ߢߌߣߌ߲ ߠߋ߬ ߖߎ߬ߓߐ ߟߎ߬ ߢߊߞߎߘߦߊߟߌ߫ ߘߎ߲ߡߊߣߍ߲ ߘߌ߫ ߘߌ߲߬ߞߌߙߊ ߟߎ߬ ߘߐ߫. ߊ߬ ߣߌ߫ ߞߊ߬ ߓߐߒߘߐ ߓߊ߯ߙߊ ߟߎ߬ ߟߊߣߐ߰ߦߊ ߞߐߣߊߞߙߌ߫ ߞߣߐ߫. ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߤߊ߲ߞߟߌߡߦߊ߫ ߛߙߊ߬ߣߎ߲ ߛߌߦߊߡߊ߲߫ ߦߌ߬ߘߊ߬. ߞߵߊ߬ ߓߍ߲߬ ߊ߬ ߟߊ߫ ߤߊ߲ߞߟߌ߫ ߛߐ߬ߘߐ߲߬ߣߍ߲ ߞߘߐ߬ߡߊ߲ ߠߎ߬ ߡߊ߬ ߛߊ߲߬ ߛߌߦߊߡߊ߲߫ ߞߘߐ߫ ߞߐߣߊߞߙߌ߫ ߛߊ߲ߝߍߟߊ߫ ߝߊ߲ ߠߎ߬ ߡߊ߬. ߊ߬ߟߋ ߡߍ߲ ߦߋ߫ ߟߊ߲߬ߓߊ߬ߦߌ߲߫ ߛߌ߰ߓߊ߰ ߞߘߐ ߘߌ߫. ߊ߬ ߞߊ߬ ߜߟߍ߬ߦߊ߬ ߦߋߣߍ߲߫ ߞߘߐ ߟߎ߬ ߢߊߝߐ߫ ߘߐ߫ ߞߏ߫ ߡߐ߰ ߛߌߦߊߡߊ߲߫ ߦߋ߫ ߓߐ߫ ߟߊ߫ ߊ߬ߟߎ߬ ߟߊ߫ ߟߎ ߡߊ߬ ߟߋ߬ ߖߏߣߊ߫ ߊ߬ߟߎ߬ ߘߏ߲߬ ߕߍ߫ ߘߏ߲߬ ߠߊ߫ ߖߏߣߊ߫ ߞߵߊ߬ ߓߍ߲߭ ߖߐ߭ ߡߊ߬. ߊ߬ ߞߵߊ߬ ߦߌ߬ߘߊ߬ ߞߏ߫ ߏ߬ ߝߙߋߞߋߓߊ ߟߋ߬ ߘߌ߫ ߘߍ߭ ߞߊ߲߬، ߞߐߙߍ ߟߎ߬ ߣߌ߫ ߡߐ߰ߦߊ߬ ߘߍ߬ߡߍ߲߬ߞߏ ߟߎ߬ ߘߐ߫، ߞߏ߫ ߖߎ߬ߓߐ߬ ߛߍ߲ ߟߏ߯ߟߎ ߢߌ߲߬ ߠߎ߬ ߢߊ߬ߕߣߐ ߓߏ߲߬ߓߊ߬ߓߊ ߟߋ߬ ߡߐ߱ ߟߎ߬ ߞߊ߲߬، ߊ߬ ߦߋ߫ ߡߌ߬ߙߌ߲߬ߘߌ ߟߊ߫ ߝߟߐߦߊ ߟߎ߬ ߘߏ߫ ߟߋ߬ ߘߌ߫. ߊ߬ ߞߵߊ߬ ߦߌ߬ߘߊ߬ ߞߏ߫ ߓߊ߯ߙߊ ߣߌ߲߬ ߦߋ߫ ߢߡߊߦߟߍߡߊ߲߫ ߜߍߣߍ߲ ߠߋ߬ ߘߌ߫، ߡߌ߬ߙߌ߲߬ߘߌ ߟߊ߫ ߘߎߢߊߘߐߕߍ߮ ߣߐ߰ߦߊ ߘߐ߫، ߞߊ߬ ߛߏߓߊ ߞߣߐߟߊ ߖߌ߰ߣߌ߬ߦߟߍ ߞߍߢߊ ߟߊߢߊ߬. ߞߊ߬ ߞߌ߲߬ߘߊ߬ ߛߌߦߊߡߊ߲߫ ߞߣߐ ߘߓߐ߫، ߞߊ߬ ߛߋ߫ ߕߎ߬ߡߊ ߝߣߊ߫ ߕߣߐ߬ߓߐ߬ ߟߊ߫. ߖߘߍ߬ߕߌ߰ߦߊ ߣߌ߫ ߞߍ߫ ߞߏ߫ ߢߌߡߊ ߘߐ߫ ߞߐߣߊߞߙߌ߫ ߓߏ߲߬ߓߊ߬ߓߊ ߞߣߐ߫. ߛߍ߲ ߟߏ߯ߟߎ߫ ߖߊ߬ߕߋ߬ߘߐ߬ߛߌ߮ ߦߋ߫ ߖߎ߬ߓߐ ߓߟߋߓߟߋ ߟߎ߬ ߟߋ߬ ߞߐߦߌ߬ߘߊ߬ ߟߊ߫ ߡߍ߲ ߠߎ߬ ߦߋ߫ ߝߏ߫ ߋߙߏ߫ ߆߅ ߉߉߀ ߃߃߉ ߘߐ߫. ߘߋ߬ߡߘߎߟߊ߬ ߛߍ߲ ߦߴߏ߬ ߟߋ߬ ߘߐ߫ (ߜߟߊ߬ߜߟߊ߬ ߁߄߄ ߦߋ߫ ߡߍ߲ ߟߐ߬ߜߊ߲ ߘߌ߫، ߊ߬ ߣߌ߫ ߛߌߟߊ߫ ߞߣߐߟߊ ߦߋ߫ ߜߟߊ߬ߜߟߊ߬ ߄߉߅) ߞߌߙߐ߬ߕߌ߬ ߛߍ߲ ߦߋ߫ ߜߟߊ߬ߜߟߊ߫ ߉߆ ߟߋ߬ ߘߌ߫ ߟߐ߬ߜߊ߲ ߘߐ߫ ߊ߬ ߞߣߐߟߊ ߦߋ߫ ߜߟߊ߬ߜߟߊ߫ ߆߈߁) ߞߌ߬ߛߐ߯ߛߐ߬ ߛߍ߲ ߦߋ߫ ߜߟߊ߬ߜߟߊ߬ ߁߄߄ ߠߋ߬ ߘߌ߫، ߛߌߟߊ߫ ߦߋ߫ ߜߟߊ߬ߜߟߊ߬ ߁، ߂ ߟߋ߬ ߘߌ߫. ߊ߬ ߣߌ߫ ߞߊ߲ߛߏ߲ߧߊ߫ ߛߍ߲ ߁߉߂ ߜߟߊ߬ߜߟߊ߬ ߇، ߄ ߣߴߊ߬ ߞߣߐ ߘߌ߫. ߖߎ߬ߓߐ ߢߌ߲߬ ߦߋ߫ ߘߌ߲߬ߞߌߙߊ߫ ߟߎ߬ ߢߡߊߦߟߍߡߊ߲ ߣߐ߰ߦߊ߬ ߟߊ߫ ߞߐߣߊߞߙߌ߫ ߘߌ߲߬ߞߌ߬ߙߊ߬ ߛߌߦߊߡߊ߲߫ ߣߌ߫ ߢߐ߲߯ ߕߍ߫ ߊ߬ ߣߴߊ߬ ߡߙߊ߬ ߦߙߐ ߟߎ߬.

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߟߋ߬ ߁߅/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߕߘߍ߬ ߘߊ߫ ߟߋ߬ ߖߌ߬ߣߍ߫ ߜߍ߲߬ߜߍ߲߬ߡߏߙߌߦߊ ߘߋ߬ߙߌ߬ߘߊ ߡߊ߬ߞߍ߬ߘߊ ߘߊߦߟߍߟߌ߫ ߝߘߏ߬ߓߊ߬ߡߊ ߘߐ߫߸ ߏ߬ ߡߍ߲ ߡߊߞߍߣߍ߲߫ ߘߐ߲ߞߊ߬ ߞߌ߲߬ߘߊ ߟߊ߫ ߘߌߞߑߛߌߣߌ߲߫ ߞߊ߬ߝߏ߬ߙߋ߲ ߞߣߐ߫. ߣߴߊ߬ ߓߟߏߡߞߊߣߍ߲ ߞߍ߲ߘߍߘߐߦߊ ߘߊ߲ߘߊߟߌ ߞߊ߲ߡߊ߬، ߟߐ߲ߞߏ߫ ߕߌߙߌ߲ߠߌ߲ ߣߌ߫ ߟߊ߬ߞߐ߰ߟߌ، ߘߋ߬ߙߌ߬ߘߊ ߣߌ߲߬ ߦߋ߫ ߞߐߦߌߘߊߟߌ߫ ߝߊ߲߬ߞߊߘߏ߲߬ߠߌ߲ ߠߋ߬ ߘߌ߫ ߞߍ߲ߘߍߦߊ ߞߊ߲ߞߋߦߊ ߝߊ߬ߛߏ߬ߟߊ߬ߞߊ ߓߊ߲ߓߊ߲ߣߍ߲ ߦߌ߬ߘߊ߬ ߘߐ߫، ߞߵߊ߬ ߓߍ߲߬ ߝߎ߬ߖߎ߯ߖߎ߮ ߟߎ߬ ߞߣߐ߬ߜߍ߲߬ߠߌ߲ ߡߊ߬ ߖߌ߬ߣߍ߬ ߞߣߐ߫.  ߖߌ߬ߣߍ߬ ߜߍ߲߬ߜߍ߲߬ߡߏ߬ߙߌ߬ߦߊ߫ ߝߘߏ߬ߓߊ߬ ߗߋߕߌ߯ߓߊ ߞߏ߲߬ߓߏ߫ ߣߏߏߥߍߟ ߕߐߙߑߘߏ߫، ߞߵߊ߬ ߦߌ߬ߘߊ߬ ߞߏ߫ ߘߋ߬ߙߌ߬ߘߊ ߦߋ߫ ߖߌ߬ߣߍ߫ ߝߘߏ߬ߓߊ߫ ߞߍ߲ߘߍߦߊ߫ ߕߌߙߌ߲ߠߌ߲ ߦߙߐ ߟߋ߬ ߘߌ߫، ߊ߬ ߞߵߊ߬ ߡߊߜߟߍ߬ߦߊ߫ ߞߏ߫ ߊ߬ ߟߊ߫ ߓߊ߯ߙߊ߫ ߞߍߕߊ ߟߎ߬ ߛߌ߰ߕߐ߫ ߝߊ߲߬ߝߘߊ߬ ߛߓߊ߬ ߟߋ߬ ߞߊ߲߬. ߞߵߊ߬ ߖߎ߬ߓߌߟߊ ߞߍ߫ ߕߌߙߌ߲ߠߌ߲ ߘߌ߫، ߝߘߏ߬ߓߊ߬ ߞߍ߲ߘߍߦߊ ߞߏ ߣߌ߫ ߟߊ߬ߞߐ߬ߟߌ߬ ߞߏ ߘߌ߫߸ ߞߵߊ߬ ߟߐ߬ ߟߐ߲ߞߏߦߊ߫ ߣߌ߫ ߖߡߊ߬ߣߊ ߟߛߊߣߌߧߊ ߣߌ߫ ߥߙߎߞߌ߫ ߡߊ߬. ߛߊߣߌߧߊ ߣߌ߫ ߝߘߏ߬ߓߊ߬ ߞߍ߲ߘߍߦߊ ߞߏߕߌ߮ ߓߐ߬ߟߐ߲߬ߞߊ߫ ߞߍߕ ߛߊߟ ߞߵߊ߬ ߦߌ߬ߘߊ߬ ߞߏ߫ ߦߙߐߓߊ ߣߌ߲߬ ߘߊߦߟߍߟߌ ߞߐߝߟߌ ߦߋ߫ ߡߙߌߣߊ߲߫ ߘߐߕߟߊߣߍ߲ ߘߏ߫ ߟߋ߬ ߘߌ߫ ߛߊ߫ ߖߌ߬ߣߍ߬ ߘߌ߫ ߟߐ߲ߞߏߦߊ߫ ߛߙߍߘߍ ߝߟߐ ߛߐ߬ߘߐ߲߬߸ ߞߊ߬ ߛߋ߫ ߡߌ߬ߙߌ߲߬ߘߌ ߟߊߞߊ߲ߘߊ߫ ߟߊ߫߸ ߊ߬ ߣߌ߫ ߞߊ߬ ߛߋ߫ ߞߍ߲ߘߍߦߊ ߘߋ߬ߥߎ ߟߎ߬ ߟߊߥߟߌ߬ ߟߊ߫ ߛߌߣߌ߲߫.

ߞߏߕߌ߯ ߝߟߐ ߞߵߊ߬ ߦߌ߬ߘߵߊ߬ ߟߊ߫ ߓߋߟߋ߲ߠߊ ߘߐ߫߸ ߞߏ߫ ߖߌ߬ߣߍ߬ ߓߘߴߊ߬ ߞߐߛߊߦߌ߫ ߛߌߟߊ߫ ߞߘߐ ߡߊ߬ ߡߍ߲ ߕߴߛߋ߫ ߟߊߟߐ߬ ߟߊ߫ ߡߎ߬ߕߎ߲߬. ߊ߬ ߞߵߊ߬ ߡߊߜߟߍ߬ߦߊ߫ ߞߏ߫ ߊ߬ ߟߊ߫ ߢߣߊߓߊ߯ߦߊ ߣߌ߲߬ ߞߏ ߘߊߡߌߣߊߟߌ ߘߐ߫، ߝߘߊ߬ߝߌ߲߬ߠߊ߫ ߜߍ߲߬ߜߍ߲߬ߡߏߙߌߦߊ߫ ߛߌ߲߬ߝߏ߲߬ߘߊ߫ ߛߌߦߊߡߊ߲߫ ߞߐߦߌߘߊߟߌ ߘߐ߫߸ ߏ߬ ߦߋ߫ ߞߏ ߟߎ߬ ߟߊ߫ ߞߐߛߊߦߟߌ ߟߋ߬ ߘߐߙߐ߲߫ ߘߌ߫߸ ߞߙߎߝߊߟߌ߫ ߡߊߟߐ߲ߣߍ߲߫ ߏ߬ ߦߋ߫ ߢߍߛߎߡߊ ߡߊ߬ߡߊ߬ߟߊ߫ ߞߎߘߊ ߟߋ߬ ߘߌ߫. ߜߙߋ ߣߝߊ߬ߢߐ߲߰ߦߊ߫ ߛߊ߲߬ߞߊ߬ߛߋ߲߫ ߏ߬ ߦߴߊ߬ߟߎ߬ ߟߊ߫ ߢߣߊߓߊ߯ߦߊ ߟߋ߬ ߦߌ߬ߘߊ߬ ߟߊ߫ ߢߊ߰ߢߊ߮ ߘߐ߫: ߓߐ߰ߝߍ ߟߊߞߊ߲ߘߊ ߣߌ߫ ߥߙߎߞߌ߫ ߘߎ߲ߡߊߣߍ߲ ߞߏߕߌ߮ ߓߐ߬ߟߐ߲߬ߞߊ߫ ߖߊߣߌ߬ ߖߊߟߏ߫ ߞߵߏ߬ ߟߊ߫ ߝߊ߬ߙߊ߲߬ߛߌ߫ ߟߊ߰ߛߌ߰ߘߋ߲ ߞߊ߲߬ ߖߌ߬ߣߍ߬ ߞߣߐ߫. ߡߊ߬ߓߏ߬ߢߊ߬ߕߊ߫ ߛߟߊߕߌ߯ ߟߎߞ ߓߙߌߊߙߘ ߣߌ߫ ߣߊ߲߬ߝߟߏ߬ߦߊ߬ߟߌ߫ ߛߋ߲ߞߏߟߦߊ߫ ߣߝߊ߬ߢߐ߲߰ ߛߌߦߊߡߊ߲߫ ߕߘߍ߬ ߞߣߍ ߣߌ߲߬ ߞߊ߲߬.

ߞߐߣߊߞߙߌ߫ ߞߏ߲ߞߏߘߌ߬ߓߌ߫ ߕߟߋ߬ ߁߅/ ߂߀߂߆

ߞߏߕߌ߯ ߝߟߐ ߞߵߊ߬ ߕߊ߫ ߞߍߕߊ ߞߍ߫، ߞߎߣߎ߲ߟߏ߲ ߛߐ߰ߡߊ߬ߘߊ ߣߌ߲߬ ߠߊ߫ ߞߏߕߌ߯ߝߟߐߘߊ ߟߊ߫߸ ߞߵߊ߬ ߓߍ߲߬ ߦߋߢߐ߲߯ߠߊ߫ ߖߏ߲߬ߖߏ߲ ߠߊ߫ ߦߟߍ ߡߊ߬߸ߏ߬ ߡߍ߲ ߞߍ߫ ߘߊ߫ ߡߏ߬ߛߏ ߟߎ߬ ߟߊ߫ ߞߙߎߝߊߟߌߓߊ߫ ߘߌ߫߸ ߏ߬ ߟߏ߲ ߞߙߍߞߙߍ߫ ߘߊ߫ ߢߊ߰ߢߊ߮ ߟߋ߬ ߢߍ߫ ߞߵߊ߬ ߞߍ߫ ߓߊ߯ߙߓߊߟߌߦߊ߫ ߟߏ߲ ߡߊ߲߬ߕߏ߲߬ߕߍ߬ߟߊ߬ߞߊ ߘߌ߫߸ ߡߍ߲ ߢߊ߰ߢߊ ߦߋ߫ ߛߋ߲߬ߝߏ߲߬ߢߊ߬ ߟߊ߫ ߛߊ߲߭ ߓߍ߯ ߟߊ߫ ߕߙߊߓߊ߫ ߕߋ߬ߟߋ߫ ߈. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬  ߞߏߕߌ߯ߝߟߐߘߊ ߡߛߏ߬ ߓߊ߯ߙߟߊ ߟߎ߬ ߞߊ߬ ߞߎ߲߬ߠߊ߬ߛߌ߮ ߟߊ߫ ߘߐ߬ߖߊ ߞߎߟߎ߲ߖߋߟߌ ߞߍ߫ ߞߵߊ߬ ߓߍ߲߬ ߡߏ߬ߛߏ ߟߎ߬ ߤߊߞߍ ߟߊߞߊ߲ߘߊ ߡߊ߬، ߞߊ߬ ߓߊ߲߫ ߞߊ߬ ߟߊ߬ߢߌߣߌ߲߫ ߗߋߦߊߟߌ߫ ߞߙߎ ߟߊߘߊ߲߫ ߡߏ߬ߛߏ ߟߎ߬ ߕߐ߯ ߘߐ߫߸ ߞߎߓߋߘߐ ߞߎ߲߬ߕߌ߮ ߓߐ߬ߟߐ߲߬ߞߊ߫ ߝߊߕߎߡߕߊ߫ ߓߌ߲߬ߕߊ߬ ߖߊߟߏ߫ ߞߵߊ߬ ߟߊߛߘߋߦߊ߫ ߞߏ߫ ߢߊ߰ߢߊ߮ ߣߌ߲߬ ߦߋ߫ ߘߍ߬ߒ߬ߡߊ߫ ߖߘߍ߬ߘߏ߲߬ߒ߬ߞߊ߲߬ߡߊ߫ ߟߋ߬ ߘߌ߫ ߕߋߟߋ߲ߓߊ߯ߦߊ ߣߌ߫ ߞߍߥߊߟߌ߫ ߜߍߘߐߕߊ ߛߌߟߊ ߝߍ߬، ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߡߏ߬ߛߏ ߟߐ߬ߘߎ߮ ߖߍ߬ߘߍ ߖߍ߬ߘߍ ߟߊ߫߸ ߞߵߊ߬ ߓߍ߲߬ ߡߊ߬ߡߙߊ߬ߟߌ ߟߥߊ߬ߟߌ ߟߌ߬ߤߟߊ ߟߎ߬ ߡߊ߬ ߖߡߊ߬ߣߊ ߟߊ߫ ߥߙߎߞߌ ߘߐ߫߸ ߞߙߎߝߊߟߌ ߣߌ߲߬ ߦߋ߫ ߡߙߊ߬ߦߊ ߟߎ߬ ߥߍ߬ߣߍ ߟߋ߬ ߦߌ߬ߘߊ߬ ߟߊ߫߸ ߞߵߊ߬ ߟߐ߬ ߡߏ߬ߛߏ ߟߎ߬ ߛߋ߲߬ߠߊ߬ߕߘߍ߬ߒ߬ߘߐ߬ߟߌ ߞߏ ߢߊ ߟߎ߬ ߡߊ߬ ߏ߬ ߡߍ߲ ߦߋ߫ ߢߝߍߕߊ߯ ߛߋ߲߭ ߓߊ߲ߓߊ߲ߟߊ߲ ߘߌ߫ ߝߘߏ߬ߓߊ߬ ߞߍߥߊߟߌ ߟߎ߬ ߘߐ߫.

ߞߐߣߊߞߙߌ߫ ߞߏ߲ߞߏߘߌ߬ߓߌ ߕߟߋ߬ ߈/ ߂߀߂߆

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߓߘߊ߫ ߝߊ߬ߙߊ߲߬ߛߌ߫ ߗߋߦߊߟߌ߫ ߘߏ߫ ߟߊߞߢߐ߬ߡߊ߫߸ ߡߍ߲ ߢߍߡߌ߬ߘߊ߬ߣߍ߲߫ ߣߌߞߏߟߊ߫ ߝߏߙߌߛߌߦߍߙ ߓߟߏ߫߸ ߞߐߞߊ߲ߞߏ߫ ߟߎ߬ ߞߏߕߌ߯ ߡߍ߲ ߟߊߢߎ߲߯ߣߍ߲߫ ߞߐߞߊ߲߫ ߖߎ߬ߟߊ߬ߦߊ ߣߌ߫ ߡߛߊ߬ߡߊ߲߬ߠߌ߲ ߠߊ߫. ߏ߬ ߡߍ߲ ߞߎߡߊ߫ ߞߐߣߐ߲ߞߎ߲ߓߊߘߏ߲߫ ߘߊ߫ ߝߊ߬ߙߊ߲߬ߛߌ߫ ߟߊ߬ߛߌ߰ߘߋ߲ ߓߟߏ߫ ߡߍ߲ ߦߋ߫ ߞߐߣߊߞߙߌ߫. ߗߋߦߊߟߌ߫ ߢߌ߲߬ ߞߎ߲߬ߕߋߟߋ߲ ߠߋ߬ ߣߝߊ߬ߢߐ߲߰ߦߊ ߓߌ߬ߟߊ߬ߢߐ߲߰ߡߊ ߟߊߥߙߎߞߌ ߘߌ߫، ߊ߬ ߣߌ߫ ߘߎ߲߬ߘߎ߲߬ߡߊ߬ ߥߛߊ߬ߘߊ߰ߕߌ߮ ߟߎ߬ ߕߍ߫، ߞߵߊ߬ ߓߍ߲߬ ߝߘߏ߬ߓߊ߫ ߣߝߊ߬ߢߐ߲߰ߦߊ ߣߌ߫ ߘߎ߲߬ߘߎ߲߬ߡߊ߬ߕߊ ߟߎ߬ ߟߊߛߓߊ߬ߕߌ ߛߌߟߊ ߡߊ߬߸ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߥߙߎߞߌ. ߘߡߊߝߊߟߋ߲ ߞߎ߲߬ߕߊ߮ ߞߘߐ߫߸ ߗߋߦߊߟߌ߫ ߞߎ߲߬ߕߌ߮ ߞߊ߬ ߞߎߟߎ߲ߖߋߟߌ ߞߍ߫ ߞߵߊ߬ ߓߍ߲߬ ߢߝߍߕߊ߯ ߟߊ߬ߞߎ߲߬ߘߎ߲߬ߣߍ߲ ߡߊ߬، ߊ߬ߟߎ߬ ߣߌ߫ ߖߌ߬ߣߍ߬ ߕߍ߫. ߊ߬ ߣߌ߫ ߞߊ߬ ߟߊ߬ߘߍ߲߬ߞߣߍ߬ߦߊ߬ߟߌ ߞߍ߫ ߞߏ߫ ߊ߬ߟߎ߬ ߓߍߣߊ߬ ߊ߬ߟߎ߬ ߟߊ߫ ߖߘߍ߬ߘߏ߲߬ߒ߬ߞߊ߲ߡߊ ߟߎ߬ ߓߐ߫ ߊ߬ ߛߌߟߊ߫ ߝߍ߬ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲߫ ߟߥߊߟߌߟߌ ߘߐ߫. ߞߊߕߙߍ߬ߕߍ߫ ߞߍ߲ߘߍߦߊ߫ ߡߊ߬ߘߎ߮ ߡߊ߬، ߓߐ߰ߝߍ߬ ߟߊߞߊ߲ߘߊ ߡߊ߬، ߖߎ߬ߓߐ ߟߎ߬ ߡߊ߬ߘߎ߮ ߡߊ߬، ߞߏߕߌ߯ ߝߟߐ ߞߊ߬ ߕߊ߲߬ߘߏ߬ߟߌ ߞߍ߫ ߣߝߊ߬ߢߐ߲߰ߦߊ ߣߌ߲߬ ߟߊߛߓߊ߬ߕߌ߬ߟߌ ߟߊ߫߸ ߊ߬ ߞߊ߬ ߡߊ߬ߞߟߌ߬ߟߌ ߞߍ߫ ߝߊ߲߬ߞߊ ߟߎ߬ ߟߊߘߍ߬ߟߌ ߡߊ߬߸ߞߏߛߊ߫ ߞߊ߬ ߓߐߒߘߊ߫ ߘߎ߲ߡߊߣߍ߲ ߛߐ߬ߘߐ߲߬߸ ߖߡߊ߬ߣߊ߫ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲ ߠߊ߫.

ߞߏ߲ߞߏߘߌ߬ߓߌ ߕߟߋ߬ ߁߀/ ߂߀߂߆

ߊ߬ߟߎ߬ ߘߏ߲߬ ߘߊ߫ ߡߊ߯ߡߎ߲߫ ߖߡߊ߬ ߞߐ߲߬ߙߐ߲߬ߜߐ߲߬ߜߐ߲ ߕߘߍ߬ ߟߊߘߍ߬ߣߍ߲߫ ߊߟߌߡߊߡߌ߲ߦߊ߫ ߘߐ߬ߝߐ ߕߌ߲ߓߌߘߌ߲ߘߊ ߟߊ߫߸ ߞߵߊ߬ ߓߍ߲߬ ߟߊ߰ߖߌ߬ ߊߟߌߝߊ߫ ߌߓߎߙߡߊ߫ ߖߍ߯ߟߊߖߍ߯ߖߌ߬ ߓߊߙߌ߬ ߛߎ߬ߞߏ߬ߦߊ ߡߊ߬߸ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߬ߠߊ߬ߓߊ ߡߍ߲ ߛߌ߬ߞߛߊߓߌ ߕߘߍ߬ ߦߋ߫ ߛߊ߲߬ ߉߁ ߘߐ߫. ߏ߬ ߡߍ߲ ߞߊ߬ ߡߊ߰ߙߌ ߟߊ߫ ߞߟߌߟߌ ߟߊߡߌ߬ߘߊ߬ ߞߏ߲ߞߏߘߌ߬ߓߌ ߕߟߋ߬ ߄/ ߂߀߂߆ ߣߌ߲߬ ߠߊ߫. ߞߊ߲ߓߍ߲ ߞߊ߲ߕߌ߮ ߞߊ߬ߝߏ ߞߎ߲߬ߕߌ߮ ߛߟߊߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫߸ ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߞߎ߲߬ߠߊ߬ߛߌ߮ ߟߊ߫ ߗߋߦߊߟߌ߫ ߘߏ߫ ߢߍߡߌ߬ߘߊ߬ ߡߍ߲ ߣߊ߬ߣߍ߲߫ ߓߍ߲߬ ߠߊ߫ ߡߊ߲߬ߕߏ߲ ߠߊ߫ ߛߎ߬ߞߏ߬ߦߊ ߡߊ߬، ߞߐߙߍ߫ ߢߊߖߌߞߎ߲ߘߎ߲ߕߐ ߟߎ߬ ߝߍ߬، ߊ߬ ߣߌ߫ ߡߊ߯ߡߎ߲߫ ߡߌ߬ߙߌ߲߬ߘߌ ߓߍ߯ ߟߊߘߍ߬ߣߍ߲ ߝߍ߬. ߗߋߦߊߟߌ ߘߐ߫ ߡߊ߬ߘߏ߬ߠߌ߲߬ߠߌ߲ ߣߌ߫ ߞߎ߲߬ߠߊ߬ߛߌ߮ ߓߋߟߋ߲ߕߌ߮ ߕߘߍ߬ ߞߣߍ ߞߊ߲߬ ߣߊߟߌ߬ߡߎ߲߫ ߎߛߎߡߊߣ ߜ߭ߥߊߟ ߖߊߟߏ߫ ߘߌ߫. ߊ߬ ߣߌ߫ ߓߐ߰ߝߍ ߣߌ߫ ߥߙߎߞߌ ߘߎ߲ߡߕߊ ߞߏߕߌ߮ ߖߊߣߌ߬ ߖߊߟߏ߫، ߊ߬ ߣߌ߫ ߣߊߡߎ߲ߞߏ ߟߎ߬ ߝߘߏ߬ߓߊ߫ ߞߟߊ߬ߕߌ߰ ߛߙߍߞߍ ߟߊ߰ߖߌ߬ ߌߓߎߙߊߤߌߡߊ߬ ߓߊ، ߊ߬ ߣߌ߫ ߞߏߕߌ߯ߝߟߐߘߊ ߞߎߓߋߘߐ ߞߎ߲߬ߕߌ߮ ߞߵߏ߬ ߟߊ߫ ߞߏߕߌ߯ ߝߟߐ ߟߊ߫ ߞߏߟߊߕߍ߮ ߘߏ߫ ߟߎ߫ ߞߊ߲߬߸ ߡߊ߬ߡߙߊ߬ߟߌ ߡߙߊ߬ߦߊ ߛߌߦߊߡߊ߲߫ ߝߣߊ߫ ߕߘߍ߬ ߞߣߍ ߞߊ߲߬߸ ߊ߬ ߣߌ߫ ߘߌ߯ߣߊ ߕߊ ߟߎ߬، ߞߵߏ߬ ߓߍ߯ ߟߊ߫ ߊ߲ ߠߊ߫ ߟߊ߲߬ߘߊ߬ߕߌ߮ ߟߎ߬   ߞߊ߲߬،ߡߐ߰ߓߊ ߛߌߦߊߡߊ߲߫ ߞߊ߬ ߛߎ߬ߞߏ߬ߦߊ ߣߌ߲߬ ߢߣߊߓߊ߯ߦߊ߫ ߟߋ߬. ߏ߬ ߟߎ߬ ߘߐ߫ ߝߎߕߊ߫ ߡߏߙߌߡߙߊ ߞߊ߬ߞߘߐ ߡߐ߰ߓߊ ߟߎ߬ ߕߘߍ߬ ߞߣߍ ߞߊ߲߬. ߟߊߓߋ߬ ߕߌ߲ߓߌߘߌ߲ߘߊ߫ ߢߍߓߊ߯ ߝߟߐ، ߊ߬ ߣߌ߫ ߖߎ߬ߟߊ߬ߦߊ ߓߏ߲ߘߋ߲ ߞߐߦߌߘߊߓߊ߮ ߟߎ߬، ߊ߬ ߣߌ߫ ߝߎߟߊߞߊ߲߫ ߝߐߟߊ ߟߎ߬ ߟߊ߫ ߞߊ߲ߕߌ߮، ߞߵߏ߬ ߟߊ߫ ߝߐߙߐ߲ߘߍߛ ߞߊ߲ߕߌ߮ ߞߊ߲߬. ߟߊ߰ߖߌ߬ ߊߟߌߝߊ߫ ߌߓߎߙߊߤߌߡߊ߬ ߖߍߟߑߖߍ߯ߖߌ߬ ߓߊߙߌ߬ ߊ߬ ߝߏ߲߬ߝߏ߲ ߠߎ߬ ߘߐ߫ ߊ߬ ߟߊ߫ ߖߘߍ߬ߘߌ ߟߊߛߘߋߦߊ߫ ߘߊ߫ ߡߐ߰ ߛߌߦߊߡߊ߲߫ ߓߟߏ߫. ߊ߬ ߣߴߊ߬ ߢߍߡߌߙߌ߲ ߣߴߊ߬ ߘߍ߬ߡߍ߲߬ߠߌ߲ ߠߊߛߘߋߦߊ߫ ߖߡߊ߬ߣߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߕߏ߰ߝߏ ߡߊ߬ߡߊ߬ߟߊ ߘߐ߫. ߞߐߣߊߞߙߌ߫ ߞߎߡߌ߫ ߖߎ߬ߟߊ߬ߦߊ߫ ߕߊ߲ߓߊ߲ ߟߊߖߊ߲ߞߏߟߊ، ߊ߬ ߞߊ߬ ߓߊ߯ߙߊ ߛߌ߲ߞߐ߲ߡߌߘߊ ߕߏ߫ ߊ߲ ߓߟߏ߫. ߊ߬ ߣߌ߫ ߞߎ߲߬ߕߋߟߋ߲߫ ߖߐ߲ߖߐ߲߫. ߛߦߊ߬ ߞߐ߲ߘߐ߲߫ ߛߙߊߣߎ߲ ߡߍ߲ ߞߍ߫ ߘߊ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߓߟߏ߫߸ ߞߊ߬ߝߏ ߞߎ߲߬ߕߌ߮ ߕߐ߯ ߘߐ߫ ߊߟߊߡߊ߬ ߊߟߊ߫ ߤߌߣߊ߫ ߘߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߡߊ߬ߘߎ߮ ߓߊ߲߬ߘߊ߲߬ߖߎ߬ߓߊ ߓߋ߬ߣߍ߲ ߠߊ߫. ߊ߬ ߞߏ߬ߣߌ߲߬ ߓߘߊ߫ ߝߏ߲߬ߝߏ߲߫ ߞߙߐ߬ߛߌ߬ߕߊ ߕߏ߫ ߊ߲ ߓߟߏ߫ ߦߊ߲߬߸ ߞߵߊ߬ ߓߍ߲߬ ߥߙߎߞߌ ߗߋߢߊ ߝߊ߬ߛߏ߬ߟߊ߬ߞߊ ߡߊ߬.