ߓߌ߲ߠߊߥߎߟߋ߲߫ ߕߟߋ߬߈/ ߂߀߂߆

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߛߋ߲ߞߏߟߦߊ ߛߌ߲߬ߝߏ߲ ߠߎ߬ ߟߊ߫ ߘߍ߬ߘߊ ߟߊߛߣߍ߫ ߞߏߕߌ߯ߝߟߐߘߊ ߟߊ߫ ߡߍ߲ ߠߎ߬ ߟߊߢߎ߲߯ߣߍ߲߫ ߕߍߝߐ߫ ߝߊ߬ߛߏ߬ߟߊ߬ߞߊ ߟߥߊ߬ߟߌ߬ߕߊ ߄߅ ߓߟߏߦߊߟߌ ߟߊ߫. ߏ߬ ߡߍ߲ ߢߍߖߟߎ ߡߌ߬ߣߊ߬ߣߍ߲߫ ߞߏߕߌ߯ߝߟߐߘߊ ߞߎߓߋߘߐ ߞߏߕߌ߮ ߓߟߏ߫ ߏ߬ ߡߍ߲ ߦߋ߫ ߗߋߦߊߟߌ ߣߌ߲߬ ߞߊ߲ߕߌ߮ ߘߌ߫. ߡߎߤߊ߲ߡߍߘ ߟߊ߬ߡߌߣߌ߲߫ ߛߌ߫ ߛߝ߭ߊ߬ߣߍ߫ ߏ߬ ߣߌ߫ ߗߋߦߊߟߌ ߣߊ߬ߣߍ߲߫ ߞߏߕߌ߯ ߝߟߐ ߝߏ߬ ߟߊ߫. ߊ߬ ߣߌ߫ ߞߊߣߵߊ߬ ߟߊ߫ ߥߊ߬ߛߊ ߝߣߊ߫ ߦߌ߬ߘߊ߬ ߞߵߊ߬ ߓߍ߲߬ ߊ߬ߟߎ߬ ߞߏߟߊߘߍߢߐ߲߯ߦߊ ߛߌߟߊ ߡߊ߬ ߊ߬ ߟߊ߫ ߘߍ߬ߢߐ߲߰ߦߊ ߛߌ߲߬ߝߏ߲߬ߘߟߊ߬ߞߊ ߟߎ߬ ߞߣߐ߫. ߏ߬ ߡߍ߲ ߞߐߝߟߌ ߟߊߞߙߐ߬ߛߌ߬ߣߍ߲߫ ߛߊ߲߬ ߛߓߊ߬ ߓߊ߯ߙߊ߫ ߕߊ߬ߡߌ߲߬ߣߍ߲ ߞߘߐ߫. ߘߊߘߐߝߙߊߢߐ߲߯ߦߊ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߞߏ߫ ߟߎ߬ ߛߌ߰ ߛߋ߲߬ߞߊ߲߬߸ ߞߵߊ߬ ߓߍ߲߬ ߓߊ߯ߙߊ ߟߊ߫ ߢߍߕߊ ߡߊ߬ ߞߵߊ߬ ߓߍ߲߬ ߟߊߢߌߣߌ߲߫ ߄߅ ߡߊ߬. ߏ߬ ߡߍ߲ ߝߊ߲߬ߓߊ߬ߦߊ߫ ߓߊ߯ߙߊ ߟߎ߬ ߓߘߊ߫ ߓߊ߲߫ ߞߍ߫ ߟߊ߫ ߓߌ߬ ߝߊߦߌߘߊ߫. ߊ߬ ߕߐ߭ ߟߎ߬ ߝߣߊ߫ ߣߊ߬ߕߐ߫ ߟߊ߬ߘߏ߲߬ ߠߊ߫ ߓߏߟߏ߲ߝߘߊ ߟߎ߬ ߡߊ߬ߘߎ߮ ߗߋߦߊߟߌ ߗߋߛߓߍ ߛߊ߲߬ߠߊ߬ߞߊ ߘߐ߫. ߛߟߊߕߌ߯ ߛߝ߭ߊߣߋ ߞߊ߬ ߝߏ߬ߟߌ ߞߍ߫ ߞߵߌ ߕߌ߲ߕߌ߲߫ ߕߍߝߐ߫ ߝߊ߬ߛߏ߬ߟߊ߬ߞߊ ߞߊ߲߬. ߏ߬ ߡߍ߲ ߛߌ߬ ߘߊ߫ ߛߋ߲߬ߞߊ߲߬ ߂߀߂߂ ߕߙߊߓߊ ߟߊ߫߸ ߏ߬ ߡߍ߲ ߢߌߣߌ߲ߞߏ߫ ߕߘߍ߬ ߓߍ߲߭ ߣߌ߫ ߞߍߞߋߟߋ߲ߘߌ ߝߊ߲߬ߞߊߘߏ߲߭ ߘߌ߫. ߏ߬ ߡߍ߲ ߞߎ߲߬ߕߋߟߋ߲ ߦߋ߫ ߢߣߊߕߊߟߌ߫ ߕߊ߯ߛߌߟߊ߫ ߖߐߡߊ ߣߴߊ߬ ߜߍߦߊߣߍ߲ ߘߌ߫. ߢߌߣߌ߲ߞߏ ߏ߬ ߟߎ߬ ߡߍ߲ ߠߎ߬ ߓߘߊ߫ ߓߐ߫ ߢߊ߫ ߟߊ߫ ߓߌ߬߸ ߏ߬ ߕߊ߬ߡߌ߲߬ߣߍ߲ ߞߐ ߊ߬ ߞߵߊ߬ ߡߙߌߦߊ ߝߐ߫ ߘߍ߬ߘߊ ߛߌ߲߬ߝߏ߲ ߠߎ߬ ߟߊ߫ ߛߍ߰ߘߏ߲ ߓߟߏߟߊߕߎ߲߮ ߘߐ߫ ߞߵߊ߬ ߓߍ߲߬ ߖߌ߬ߣߍ߫ ߞߊ߬ߝߏ ߘߍ߬ߡߍ߲ ߡߊ߬߸ ߞߊ߬ ߓߍ߲߬ ߥߙߎߞߌ ߘߍ߬ߞߏ߬ߦߊ ߟߊߛߓߊ߬ߕߌ ߡߊ߬.

ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߎߡߊ ߞߐߛߊߦߌ ߘߐ߫ ߞߊ߲ߓߍ߲߫ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫. ߊ߬ ߞߊ߬ ߘߍ߬ߘߊ ߛߌ߲߬ߝߏ߲ ߠߎ߬ ߞߎߟߎ߲ߖߋ߫ ߞߐߝߟߌ߫ ߛߐ߬ߘߐ߲߬ߣߍ߲ ߠߊ߫ ߞߊ߬ߝߏ ߟߊ߫ ߣߊ߬ߝߊ ߞߊ߲ߡߊ߬. ߊ߬ ߞߵߊ߬ ߞߊ߲ߠߊߕߍ߰ ߢߡߊߦߟߍߡߊ߲߫ ߓߎ߰ߓߎ߰ߣߍ߲ ߓߟߏߡߦߊ߫ ߞߏ ߞߊ߲߬. ߞߵߊ߬ ߓߍ߲߬ ߟߊ߬ߢߌߣߌ߲߫ ߖߙߎߡߎ߲ߦߊߣߍ߲ ߠߎ߬ ߡߊ߬. ߞߊ߬ ߞߎ߲߬ߠߊ߬ߛߌ߮ ߖߘߍ߬ߘߏ߲߬ߒ߬ߞߊ߲߬ߡߊ ߓߟߏߡߦߊ߫ ߓߊ߯ߙߊ ߟߎ߬ ߞߍߟߌ ߓߐߒߢߟߊ ߞߏ ߘߐ߫.

ߓߌ߲ߠߊߥߎߟߋ߲߫ ߕߟߋ߬ ߈

ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߢߍߡߌ߬ߘߊ߬ߣߍ߲ ߕߘߍ߬ ߛߟߊߕߌ߯ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߟߋ߬ ߓߟߏ߫. ߞߵߏ߬ ߟߊ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߓߍ߯ ߟߊߘߍ߬ߣߍ߲ ߞߊ߲߬. ߞߵߏ߬ ߓߍ߯ ߟߊ߫ ߞߊ߲ߕߌ߯ߘߊ ߞߎߓߋߘߐ ߛߌ߲߬ߝߏ߲ ߠߎ߬ ߞߊ߲߬߸ ߞߊߕߙߍ߬ߕߍ߫ ߞߊ߲ߕߌ߯ߘߊ ߝߘߏ߬ߓߊ߬ ߞߟߊ߬ߕߌ߰ ߞߏߕߌ߮ ߞߟߍ߬ߕߌ߯ ߊߡߙߊ߫ ߞߡߊ߬ߙߊ߫ ߞߊ߲߬߸ ߊ߬ ߣߌ߫ ߞߊ߲ߕߌ߯ߘߊ ߞߎߓߋߘߊ ߗߋߕߌ߮ ߛߟߊߕߌ߯ ߖߌ߯ߓߊ߫ ߖߊ߬ߞߌ߬ߕߋ߫ ߏ߬ ߟߎ߬ ߣߊ߬ ߘߊ߫ ߓߌߠߊߥߎߟߋ߲߫ ߕߟߋ߬ ߆ ߓߌߟߏ߲ ߂߀߂߆ ߞߣߊ߬ ߛߊ߲߬ߓߍ߫ ߛߊ߲߬ߓߍ߫ ߝߏ߬ߟߌ ߟߊߛߋ߫ ߡߊ߬ߓߏ߬ߢߊ߬ߕߊ ߞߊ߲ߓߍ߲߫ ߞߊ߲ߕߌ߯ ߛߟߊߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߡߊ߬ ߢߊ߰ߢߊ߮ ߟߊߥߛߊ߬ߣߍ߲ ߞߎ߲߬ߠߊ߬ߦߋ߬ߙߋ߲߬ߕߊ ߘߏ߫ ߛߋ߲߬ߝߍ߬. ߞߵߊ߬ ߓߍ߲߬ ߛߌ߲߬ߝߏ߲߬ߘߊ ߞߏ ߢߣߊߓߐ ߟߎ߬ ߕߎ߬ߡߊ ߡߊ߬ ߡߍ߲ ߞߍߣߍ߲߫ ߛߋ߲߬ߕߊ߮ ߢߊ߬ߕߣߐ߬ߡߊ߬ߓߊ ߘߌ߫. ߞߵߊ߬ ߓߍ߲߬ ߞߎ߲߬ߠߊ߬ߛߌ߮ ߟߊ߫ ߖߘߍ߬ߘߏ߲߬ߒ߬ߞߊ߲ߡߊ ߡߊ߬߸ ߞߊ߬ߝߏ ߟߊ߫ ߟߐ߬ߒ߬ߗߋ߬ߟߊ ߟߥߊߟߌ ߘߐ߫. ߞߵߊ߬ ߓߍ߲߬ ߞߊ߬ߝߏ ߞߎ߲߬ߕߌ߰ߦߊ ߞߊߓߋ ߡߊ߬߸ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߕߘߍ߬ ߡߊߛߘߌ߬ߣߍ߲߫ ߝߊ߰ߣߌ߲߬ߜߍ ߟߋ߬ ߘߐ߫ ߜߍߦߊ ߕߐ߰ߡߊ߬ߛߙߋ ߣߌ߫ ߓߍ߲߭ ߣߌ߫ ߝߊ߬ߟߋ߲߬ߢߐ߲߰ߘߐ߬ߦߊ ߕߐ߰ߡߊ߬ߛߙߋ ߡߙߌߦߊ߫ ߞߋߟߋ߲ߢߐ߲߯ߦߊ ߘߐ߫ ߞߊ߲ߓߍ߲ߠߞߊߦߊ ߛߌߟߊ ߝߍ߬. ߞߏߕߌ߯ ߝߟߐ ߕߐ߯ ߘߐ߫߸ ߞߏߕߌ߯ ߟߎ߬ ߞߊ߬ ߞߎߡߊ ߢߍߛߌ߲߯ ߞߊ߲ߓߍ߲ ߞߊ߲ߕߌ߮ ߡߊ߬ ߞߊ߬ ߘߎߓߊ߫ ߞߍ߲ߘߍߦߊ ߣߌ߫ ߥߙߎߞߌ ߣߌ߫ ߛߎߘߊ߲ߠߌ߲ ߠߊ߫߸ ߞߏߕߌ߯ ߟߎ߬ ߞߊ߬ ߓߍ߲߬ߒ߬ߛߋ߲߬ߡߊ ߏ߬ ߕߣߐ߬ߓߐ߬ ߞߊ߬ ߞߎߟߎ߲ߖߋߟߌ ߟߊߛߋ߫ ߡߊ߬ߓߏ߬ߢߊ߬ߕߊ ߛߟߊߕߌ߯ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߡߊ߬߸ߊ߬ ߟߊ߫ ߛߎߘߊ߲ߠߌ߲߫ ߞߏߟߌߞߏߟߌ ߞߏߛߐ߲߬ ߢߣߊߕߊߟߌ ߘߐ߫ ߞߊ߬ ߓߍ߲߬ ߞߊ߬ߝߏ ߟߐ߬ߘߎ߰ ߛߊ߬ߙߌ߬ߦߊ ߡߊ߬ ߛߊ߲ߘߐߕߊ ߞߊ߲ߕߌ߯ ߢߣߊߕߊߟߌ ߡߊ߬߸ ߏ߬ ߡߍ߲ ߞߍ߫ ߘߊ߫ ߞߏߟߌ߲ߞߏߟߌ߲߫ ߕߟߋ߬ ߂߈/ ߂߀߂߅. ߊ߬ߟߎ߬ ߞߊ߬ ߓߍ߲߬ߛߋ߲߬ߡߊ ߣߌ߲߬ ߕߣߐ߬ߓߐ ߞߵߊ߬ߟߎ߬ ߟߊ߫ ߥߞߊ߬ߟߌ ߦߌ߬ߘߊ߬ ߖߌ߬ߣߍ߬ ߗߋߢߊߟߌ ߘߐ߫ ߜߍߦߊ ߛߌߟߊ ߞߊ߲߬߸ ߖߊ߬ߓߌ߬ߦߊ߬ߟߌ ߘߐ߫، ߊ߬ ߣߌ߫ ߘߐ߬ߖߊ߬ ߖߍ߬ߘߍ ߖߍ߬ߘߍ ߘߐ߫. ߞߵߊ߬ ߓߍ߲߬ ߞߊ߲ߓߍ߲ߠߞߊߦߊ ߞߎ߲߬ߕߋߟߋ߲ ߣߌ߫ ߝߘߊ߬ߝߌ߲߬ߟߊ߲߬ߘߌߦߊ ߛߌߟߊ ߟߓߊߕߏ ߡߊ߬ ߞߵߏ߬ ߓߍ߯ ߟߊ߫ ߝߓߊ߬ߘߋ߲߬ߧߊ ߞߊ߲߬ ߞߊ߬ߝߏ ߞߎ߲߬ߕߌ߮ ߡߙߌߣߊ߲ ߠߎ߬ ߜߘߌߛߌ߰ߣߍ߲ ߏ߬ ߡߍ߲ ߞߊ߲߬.

ߞߊ߲ߕߌ߯ ߡߊ߬ߓߏ߬ߢߊ߬ߕߊ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߖߊ߬ߓߌ߬ߟߌ ߘߐ߫߸ ߊ߬ ߞߊ߬ ߞߎߟߎ߲ߖߋߟߌ ߞߍ߫ ߖߘߍ߬ߘߏ߲߬ߒ߬ߞߊ߲߬ߡߊ ߣߌ߫ ߞߎ߲߬ߠߊ߬ߛߌ߮ ߞߙߎ ߟߊ߫ ߓߍ߲߭ ߘߐ߫. ߊ߬ ߞߵߊ߬ ߞߊ߲ߞߘߐߕߊ߬ ߊ߬ ߝߐ ߘߐ߫ ߞߏ߫ ߞߎ߲߬ߠߊ߬ߛߌ߮ ߞߏߕߌ߯ ߟߎ߬ ߦߴߊ߬ߟߎ߬ ߟߊ߫ ߘߍ߬ߡߍ߲߬ ߠߊߛߴߊ߬ߟߎ߬ ߢߐ߲߮ ߡߊ߬. ߞߵߊ߬ ߓߍ߲߬ ߕߟߏߡߊߟߐ ߡߊ߬ ߡߌ߬ߙߌ߲߬ߘߌ ߟߊ߫ ߞߘߎ߬ߜߍߟߍ߲ ߠߎ߬ ߟߊ߫߸ ߊ߬ ߣߌ߫ ߞߊ߬ ߕߏ߫ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߛߌߟߊ ߞߊ߲߬ ߕߎ߬ߡߊ ߓߍ߯ ߞߵߊ߬ ߓߍ߲߬ ߖߡߊ߬ߣߊ ߟߊ߫ ߥߙߎߞߌ ߢߌߣߌ߲ߞߏ ߟߎ߬ ߡߊ߬. ߞߊ߬ ߛߋ߫ ߖߊ߬ߓߌ߬ߟߌ ߞߍ߫ ߟߊ߫ ߞߎ߲߬ߞߊߟߌߦߊ ߘߐ߫ ߞߊ߬ ߓߍ߲߬ ߖߌ߬ߣߍ߫ ߡߌ߬ߙߌ߲߬ߘߌ ߘߍ߲ߖߘߍߟߊ ߟߊ߫ ߟߊ߬ߘߌ߬ߢߍ߬ߟߌ ߡߊ߬. ߏ߬ ߞߐ߫ ߛߊ߫ ߞߊ߬ߝߏ ߞߎ߲߬ߕߌ߮ ߞߊ߬ ߛߊ߲߬ߓߍ߬ ߛߊ߲߬ߓߍ߬ ߝߏ߬ߟߌ߫ ߟߊߛߋ߫ ߞߵߊ߬ ߕߌ߲ߕߌ߲߫ ߊ߬ ߞߊ߲߬ ߞߏ߫ ߂߀߂߆ ߦߴߊ߬ ߟߊ߫ ߛߊ߲߬ ߥߐߙߐ߲ߥߌߟߊ ߞߎ߲߬ߕߊ߮ ߘߊߡߌ߬ߣߊ ߟߋ߬ ߘߌ߫. ߏ߬ ߞߍߕߐ߫ ߓߊ߯ߙߊ ߘߊߡߌ߬ߣߊ ߕߎ߬ߡߊ ߖߍ߬ߘߍ ߖߍ߬ߘߍ ߟߋ߬ ߘߌ߫. ߝߏ߲߬ߝߏ߲߬ߟߊ ߕߎ߬ߡߊ ߟߋ߬، ߞߍߞߋߟߋ߲ߘߌ ߕߎ߬ߡߊ ߟߋ߬ ߞߵߏ߬ ߓߍ߯ ߟߊ߫ ߣߕߊ߬ߘߐ߬ߛߌ߮ ߟߎ߬ ߓߐߢߟߊ ߞߊ߲߬. ߏ߬ ߘߌߣߊ߬ ߞߍ߫ ߖߌ߬ߣߍ߫ ߘߐ߬ߝߐ ߝߊ߲߬ ߜߘߍ߫ ߟߊߞߊ߬ߣߍ߲ ߘߌ߫ ߖߌ߬ߣߍ߫ ߡߌ߬ߙߌ߲߬ߘߌ ߖߘߍ߬ߕߌ߮ ߢߍ߫. ߢߊ߰ߢߊ߮ ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߞߊ߬ߝߏ ߞߎ߲߬ߕߌ߮ ߞߵߏ߬ ߞߍ߫ ߛߊ߬ߓߊߟߌ ߘߌ߫ ߊ߬ ߣߌ߫ ߞߎ߲߬ߠߊ߬ߛߌ߮ ߞߙߎ ߟߊ߫ ߓߊߘߋ߲ߧߊ߫ ߖߌߦߊߓߍ ߘߏ߫ ߕߊ߬ߟߌ ߘߐ߫ ߊ߬ߟߋ ߣߌ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߓߍ߯، ߞߊ߬ ߞߐ߲߬ ߘߊߘߐߝߙߊߢߐ߲߯ߦߊ ߢߍ߫ ߊ߬ߟߋ ߣߌ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߕߍ߫ ߡߎߤߊ߲ߡߍߘ ߛߍ߲ߞ ߞߎߓߋ ߞߏߞߏߓߊ ߞߣߐ߫. ߥߊ߯ߕߌ ߏ߬ ߞߍ߫ ߘߊ߫ ߕߐ߰ߡߊ߬ߛߙߋ߬ߓߊ ߘߌ߫، ߡߊ߬ߘߏ߲ߢߐ߲߰ߠߊ ߥߣߊ߬ߦߊ ߦߌ߬ߘߊ߬ߛߙߋ ߟߋ߬ ߖߍ߬ߘߍ ߝߣߊ߫ ߦߋ߫. ߞߏߘߐߛߐ߯ߣߐߦߊ ߦߌ߬ߘߊ߬ߟߊ߲ ߣߴߊ߬ ߥߍ߬ߣߍ ߞߵߊ߬ ߟߐ߬ ߓߊ߯ߙߊߢߐ߲߯ ߠߎ߬ ߡߊ߬. ߊ߬ ߞߏ߫ ߞߏ߫ ߓߍ߯ ߦߴߌ ߕߊ ߡߊ߬ߜߍ߲ ߞߍ߫ ߓߍ߲߭ ߣߌ߫ ߞߍߞߋߟߋ߲ߘߌ ߣߌ߫ ߢߐ߲߯ߘߍߡߍ߲ ߘߐ߫ ߞߊ߬ߝߏ ߟߊ߫ ߓߊ߯ߙߊ ߘߊߞߎ߲ ߠߎ߬ ߘߐ߫.

ߞߐߣߊߞߙߌ߫ ߓߌ߲ߠߊߥߎߟߋ߲߫ ߕߟߋ߬ ߆/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߣߊ߲߬ߝߟߏ߬ߦߊ߬ߣߍ߲ ߠߎ߬ ߟߊ߫ ߢߊ߰ߢߊ߮ ߟߊߥߊ߲߬ߞߊ߲߬ ߢߣߊߓߊ߯ߦߊ߫ ߞߵߊ߬ ߓߍ߲߬ ߟߊߛߐ߬ߘߐ߲߬ߓߊ߮ ߟߎ߬ ߡߊ߬߸ ߞߊ߬ ߡߊ߬ߞߟߌ߬ߟߌ ߞߍ߫ ߝߏߣߌ߲ ߣߌ߫ ߦߙߌߘߋ߲ ߖߊ߬ߕߋ߬ߘߐ߬ߛߌ߮ ߡߊ߬߸ߞߵߏ߬ ߛߌ߲߬ߝߏ߲߬ߧߊ߬ ߕߏ߲߬ߜߏ߬ ߝߊߘߌ ߘߐ߫߸ ߛߣߍ߬ߞߍ ߞߏߕߌ߯ߘߊ ߟߊ߫ ߢߌߣߌ߲ߞߏ ߣߌ߲߬߸ ߞߊ߬ ߓߍ߲߬ ߛߣߍ߬ߞߍ ߟߊ߫ ߥߙߎߞߌ ߖߊ߬ߕߋ߬ߘߐ߬ߛߌ߮ ߡߊ߬ ߊ߬ ߖߎ߬ߟߊ߬ߦߊ ߛߌߟߊ ߝߍ߬ ߖߌ߬ߣߍ߬ ߞߣߐ߫( ߔߋ ߘߋ ߊ ߛߋ ߖ߭ߌ). ߏ߬ ߡߍ߲ ߣߊ߲߬ߝߟߏ߬ߦߊ߬ߣߍ߲߫ ߖߊ߯ߓߊ ߜߍߓߏ߲ ߓߟߏ߫߸ ߣߴߊ߬ ߞߎ߲߬ߕߋߟߋ߲߫ ߦߋ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߓߍߓߊ߯ߦߊ ߘߌ߫ ߘߎ߲߬ߘߎ߲߬ߡߊ ߛߌߟߊ ߝߍ߬ ߞߊ߬ ߛߍ߬ߣߍ ߡߐ߬ߟߐ߲߬ߡߊ߬ߦߊ߫ ߢߊ߬ߒ߬ߞߐ߬ߓߊߟߌ ߓߟߏߡߊ߬. ߞߵߊ߬ ߓߍ߲߬ ߢߍߥߟߊ߫ ߟߥߊߟߌ߫ ߘߌ߲ߞߌߙߊ ߟߎ߬ ߡߊ߬߸ ߊ߬ ߛߌ߰ ߛߋ߲߬ߞߊ߲ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߘߟߊ߫ ߗߋ߲߬ߥߟߎ߬ ߁߅߀ ߟߊߘߍ߬ ߣߊ߲߬ߝߟߏ߬ߘߏ߲߬ߘߊ߬ߟߊ ߛߌߟߊ ߝߍ߬ ߞߊ߬ ߓߊ߯ߙߘߊ߫ ߂߄߀߀߀ ߛߌ߰ ߛߋ߲߬ߞߊ߲߬. ߞߵߊ߬ ߓߍ߲߬ ߛߍ߬ߣߍ ߖߎ߬ߟߊ߬ߦߊ ߡߐ߬ߟߐ߲߬ߘߏ߲ ߡߊ߬. ߊ߬ ߞߊ߬ ߞߏߟߊߘߍߢߐ߲߯ ߠߎ߬ ߝߏ߬ ߊ߬ߟߎ߬ ߕߊ߯ߢߊ ߓߘߍ ߟߊ߫ ߡߍ߲ ߘߐߝߍ߲߬ߛߍ߲߬ ߘߊ߫ ߖߊ߬ߕߋ߬ߘߐ߬ߛߌ߮ ߞߊߡߊ߲ ߠߎ߬ ߓߐߢߟߊ ߘߐ߫. ߖߊ߯ߓߊ ߜߍ߲ߓߏ߲ ߞߙߎ ߞߐߦߌߘߊߓߊ߮ ߛߟߊߕߌ߯ ߌߛߊ߫ ߖߥߊߙߊ߫ ߞߵߊ߬ ߦߌ߬ߘߊ߬ ߞߏ߫ ߛߌߡߊ߲ߘߎ߯ ߂߀߄߀ߖߊ߬ߕߋ߬ߘߐ߬ߛߌ߰ ߢߌߣߌ߲ߞߏ ߟߎ߬ ߟߋ߬ ߣߌ߲߬ ߓߍ߯ ߘߌ߫. ߡߍ߲ ߟߐ߬ߕߐ߫ ߛߍ߬ߣߍ ߟߊ߫ ߛߓߊ߬ߕߌ ߡߊ߬ ߸ ߘߍ߲߰ߦߊ߬ߟߌ ߣߌ߫ ߘߊߥߎ߲ߠߌ߲ߝߋ߲ߠߞߊ ߟߎ߬ ߓߊ߯ߙߊ ߛߌߟߊ ߝߍ߬ ߊ߬ ߣߌ߫ ߞߵߊ߬ ߖߎ߬ߟߊ߬ߦߊ߫. ߏ߬ ߦߋ߫ ߝߟߐߦߊ ߟߎ߬ ߘߏ߫ ߟߋ߬ ߘߌ߫ ߝߊ߲߬ߝߘߊ߬ߦߊ߬ߟߌ ߘߐ߫ ߞߊ߬ ߓߍ߲߬ ߖߊ߯ߓߊ ߜߍߓߏ߲ ߡߊ߬.

ߛߍ߬ߣߍ ߞߏߕߌ߯ ߡߊߙߌߦߡߊ߫ ߛߙߋ ߛߌ߬ߟߊ߫ ߛߍ߬ߣߍ ߞߵߊ߬ ߦߌ߬ߘߊ߬ ߞߏ߫ ߞߊ߬ߓߌ߯ ߡߊߛߌߗߌ߲ߞ ߜ߭ߊߙߊ߲ ߟߥߊ߬ߟߌ߬ߟߌ ߘߊߡߌ߬ߣߊ߬ ߘߊ߫߸ ߡߍ߲ ߟߐ߬ߣߍ߲߫ ߛߍ߬ߣߍ ߖߊ߬ߕߋ߬ߘߐ߬ߛߌ߰ߟߋ߲ ߘߎ߲߰ߘߎ߲߬ߡߊ߬ߕߊ ߟߊߖߊ߲߬ߞߏ߫ ߡߊ߬ ߆߀߂ ߏ߬ ߡߍ߲ ߞߐߝߟߌ ߦߋ߫ % ߃߄ ߘߌ߫ ߡߏ߬ߛߏ ߟߎ߬ ߞߊ߬ ߘߍ߬ߡߍ߲߬ߠߌ߲ ߝߊ߲ߞߊߢߊ߲߫ ߛߐ߬ߘߐ߲߬ ߞߵߊ߬ ߓߍ߲߬ ߊ߬ߟߎ߬ ߡߊ߬. ߡߍ߲ ߥߊߘߌ߫ ߟߊߘߍ߬ߣߍ߲ ߦߋ߫ ߊߡߋߙߞߌ߫ ߘߟߊ߫ ߗߋ߲߬ߥߟߎ߬ ߃߀ ߘߌ߫ ߥߟߊ߫ ߖߌ߬ߣߍ߬ ߕߊߡߊ߲߫ ߥߟߎ߬ߡߊ߬ ߂߅߈ ߖߊ߬ߕߋ߬ߘߐ߬ߛߌ߮ ߣߌ߲߬ ߞߍߕߐ߫ ߝߊ߲߬ߝߘߊ߬ߦߊ߬ߟߌ߫ ߡߐ߬ߟߐ߲߬ߡߦߊ߬ߟߌ߫ ߛߌߦߊߡߊ߲߫ ߠߋ߬ ߞߍ߫ ߟߊ߫. ߞߊߕߙߍ߬ߕߍ߫ ߝߏߣߌ߲ ߞߏ ߣߌ߫ ߡߊ߬ߟߏ ߣߌ߫ ߦߙߌߘߋ߲ ߞߏ ߣߌ߫ ߣߡߊ߬ߛߊ ߞߏ߫ ߣߌ߫ ߢߐ߬ ߞߏ ߟߎ߬ ߛߌߟߊ ߝߍ߬ ߏ߬ ߣߴߊ߬…

 ߞߏߕߌ߯ ߝߟߐ ߞߵߊ߬ ߦߌ߬ߘߵߊ߬ ߟߊ߫ ߞߎߡߊ ߘߐ߫، ߞߏ߫ ߞߎ߲߬ߦߌ߬ߘߊ߬ߟߌ ߣߌ߲߬ ߘߌߣߊ߬ ߞߍ߫ ߛߊߓߎ߬ ߘߌ߫ ߞߊ߬ ߡߌ߬ߣߊ߬ ߞߏ߬ ߢߌ߬ߡߊ߬ߦߊ ߘߏ߫ ߛߌ߰ ߛߋ߲߬ߞߊ߲߬ ߡߍ߲ ߕߐ߬ߣߐ ߛߋߕߐ߫ ߘߍ߲߰ߦߊ߬ߟߌ ߢߡߊߦߟߍߡߊ߲ ߝߊ߲߬ߞߊߘߏ߲߭ ߡߊ߬. ߞߊ߬ ߓߟߏߡߦߊߟߌ ߞߍ߫ ߖߘߍ߬ߡߊ߬ߛߐ߬ߘߐ߲ ߘߎ߲ߡߕߊ ߘߐ߫، ߞߊ߬ ߟߐ߬ ߥߟߏߒߘߐ ߓߊߖߎߟߞߊ ߟߎ߬ ߡߊ߬. ߊ߬ ߞߵߊ߬ ߕߌ߲ߕߌ߲߫ ߊ߬ ߕߐ߬ߣߐ ߞߊ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߟߊ ߝߍ߬. ߘߍ߬ߞߏ߬ߦߊ ߣߌ߫ ߝߊ߲߬ߝߟߏ߬ߘߏ߲߬ߘߊ߬ߟߊ ߡߊ߬ߘߎ߮ ߘߐ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߢߊ߬ߕߣߐ߬ߓߊߟߌߣߍ߲ ߠߎ߬ ߦߌ߬ߘߊ߬ ߖߊ߬ߡߊ ߟߊ߫: ߞߊ߬ ߛߣߍ߬ߞߍ߬ߟߊ ߟߎ߬ ߟߊ߫ ߘߍ߲߬ߞߣߍ߬ߦߊ ߊ߬ߟߎ߬ ߟߊ߫ ߟߊ߫ ߥߟߏߒߘߐ ߟߎ߬ ߕߌߢߍߓߊߟߌߦߊ ߡߊ߬ ߞߵߊ߬ ߓߟߏߡߦߊ߫ ߟߊ߬ߡߙߊ߬ߟߌ ߛߌߟߊ ߝߍ߬. ߊ߬ ߣߌ߫ ߞߊ߬ ߘߊߦߟߍ߬ ߣߊ߲߬ߝߟߏ߬ߘߏ߲߬ߘߟߊ߬ߟߊ ߓߟߏߟߊߕߎ߲߰ߕߊ ߟߎ߬ ߢߍ߫߸ ߞߵߊ߬ ߟߊߥߟߌ߬ ߥߊߟߌߝߦߊ ߟߊߥߙߎߞߌ ߛߌߟߊ ߡߊ߬߸ ߞߵߊ߬ ߓߍ߲߬ ߡߊ߬ߛߎ߬ߘߎ߲߬ߧߊ߬ߟߌ ߕߎ߬ߡߊ ߣߌ߲߬ ߡߊ߬. ߞߎ߲߬ߠߊ߬ߛߌ߮ ߦߴߊ߬ ߟߊ߫ ߘߍ߬ߡߍ߲ ߦߌ߬ߘߊ߬ ߟߊ߫ ߕߎ߬ߡߊ߬ ߛߎ߬ߘߎ߲߬ߣߍ߲ ߣߌ߲߬ ߠߊ߫߸ ߞߵߊ߬ ߓߍ߲߬ ߣߊ߲߬ߝߟߏ߬ߦߊ߬ߟߌ߬ߟߊ ߟߎ߬ ߞߎ߲߬ߕߋ߬ߟߋ߲߬ߦߊ ߡߊ߬ ߞߵߊ߬ ߓߍ߲߬ ߛߌ߲߬ߝߏ߲߬ߧߊ߬ߟߌ ߘߏ߲߬ߖߟߎ߬ߡߊ ߡߊ߬. ߞߵߊ߬ ߓߍ߲߬ ߣߝߊ߬ ߡߞߊ߬ߝߏ ߛߌߟߊ ߡߊ߬ ߞߊ߬ ߛߋ߫ ߞߍ߫ ߟߊ߫ ߡߊ߬ߡߊ߬ߕߊ ߘߌ߫ ߘߎ߲ߡߊ ߓߟߏߡߊ߬ ߛߣߍ߬ߞߍ߫ ߡߐ߬ߟߐ߲߬ߡߊ߬ߦߊ ߘߐ߫. ߞߊ߬ߕߙߍ߬ߕߍ߫ ߝߏߣߌ߲ ߣߌ߫ ߦߙߌߘߋ߲ߠߞߊ ߟߎ߬ ߡߊ߬.

ߞߐߣߊߞߙߌ߫ ߓߌ߲ߠߊߥߎߟߋ߲߫ ߕߟߋ߬ ߅/ ߂߀߂߆

ߞߏߕߌ߯ߝߟߐߘߊ ߡߊ߬ߞߟߐ ߟߎ߬ ߞߊ߬ ߛߊ߲߬ ߞߎߘߊ ߝߏ߬ߟߌ ߟߐ߬ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߡߊ߬߸ ߏ߬ ߞߍ߫ ߘߊ߫ ߢߊ߰ߢߊ߰ ߛߌ߲߬ߝߏ߲߬ߢߊ߬ߣߍ߲߬ߓߊ ߟߋ߬ ߘߌ߫. ߞߏߕߌ߯ߝߟߐߘߊ ߔߊߟߍ ߘߋ߬ ߟߊ߫ ߞߐߟߐ߲ߓ ߞߣߐ߫ ߞߏߕߌ߯ߝߟߐߘߊ ߡߊߞߍ ߘߌߦߊ ߦߋ߫ ߦߋ߲߬ ߡߍ߲ ߘߐ߫. ߢߊ߰ߢߊ߮ ߣߌ߲߬ ߞߊ߬ ߞߏߕߌ߯ ߞߎߓߋߘߐ ߗߋߕߌ߮ ߣߌ߫ ߞߎߓߋߘߐ ߗߋߕߌ߯ ߛߙߍߞߍ ߣߌ߫ ߞߏߟߊߕߍ߮ ߟߎ߬ ߣߌ߫ ߞߣߐߟߊ ߡߐ߰ ߣߝߊ߬ߡߊ߬ ߛߌߦߊߡߊ߲߫ ߠߊߘߍ߬ ߞߵߏ߬ ߓߍ߯ ߟߊ߫ ߞߏߕߌ߯ߝߟߐߘߊ ߓߊ߯ߙߊߘߋ߲ ߠߎ߬ ߞߊ߲߬. ߊ߬ ߣߌ߫ ߗߋߢߊ߫ ߜߊ߲߬ߞߎ߲߬ߣߍ߲ ߠߎ߬. ߊ߲ ߠߴߊ߲ ߘߍ߬ߢߐ߲߮ ߌߓߎߙߊߤߌߡ ߛߘߌ߬ߡߋ ߕߐ߰ߕߐ߰ߟߌ ߞߙߎ ߝߘߏ߬ߓߊ߬ ߞߟߊ߬ߕߌ߮ ߘߍ߲߬ߞߍ߲߬ߕߎ߬ߣߍ߲. ߞߊ߬ ߞߎ߲߬ߠߊ߬ߦߋߙߋ߲ ߛߊ߲߬ߠߊ߬ߞߊ ߣߌ߲߬ ߞߍ߫ ߢߐ߲߮ ߝߍ߬، ߞߊ߬ ߞߎߡߊ߫ ߞߎ߲߬ߛߌ߲߯ ߞߏߕߌ߯ ߝߟߐ ߟߊ߫ ߖߊ߬ߡߊ ߕߐ߯ ߘߐ߫. ߞߵߊ߬ ߘߎߓߊ߫ ߞߍ߲ߘߍߦߊ ߣߌ߫ ߤߙߍ ߟߊ߫ ߂߀߂߆ ߛߊ߲߬ ߞߎߘߊ ߣߌ߲߬ ߠߊ߫. ߊ߬ ߞߊ߬ ߞߎߟߎ߲ߖߋߟߌ ߞߍ߫ ߞߵߊ߬ ߓߍ߲߬ ߛߋ߲߬ߕߊ߰ ߓߟߋߓߟߋ ߞߍߣߍ߲ ߠߎ߬ ߡߊ߬. ߞߊ߬ ߝߟߐߦߊ ߘߌ߫ ߘߎ߲߬ߘߎ߲߬ߡߊ ߡߙߌߣߊ߲ ߠߎ߬ ߡߊ߬ ߥߛߊ߬ߘߊ߬ߕߌ߮ ߟߎ߬ ߟߊ߫ ߛߌߟߊ ߝߍ߬. ((ߞߊ߬ ߓߊ߯ߙߊ ߟߊ߫ ߢߍߕߊ߮ ߣߌ߫ ߓߐߒߘߊ ߟߎ߬ ߞߍ߫ ߢߐ߲߮ ߝߍ߬)) ߏ߬ ߘߐ߫ ߞߣߍ߫ ߘߊ߫ ߓߊ߬؟

ߞߎߓߋߘߐ ߞߏߕߌ߯ ߡߎ߬ߤߊ߲ߡߍߘ ߟߊ߬ߡߌߣߌ߲߫ ߛߌ߫ ߛߝ߭ߊ߬ߣߍ߫ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߊ߬ ߟߊ߫ ߓߋߟߋ߲ߠߊ ߘߐ߫ ߞߏ߫ ߛߊ߲߬ ߕߊ߬ߡߌ߲߬ߣߍ߲ ߞߍ߫ ߘߊ߫ ߞߘߎ߬ߜߍߟߍ߲ ߠߊߥߟߌ߬ߣߍ߲߫ ߛߌߦߊߡߊ߲߫ ߠߋ߬ ߞߊ߲߬߸ ߞߏ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߣߌ߫ ߥߞߊ߬ߟߌ߬߫ߘߐ߬ߞߏ ߛߌߦߊߡߊ߲߫ ߠߋ߬ ߞߊ߬ ߢߐ߲߮ ߓߍ߲߬ ߘߐ߬ߞߣߍ߬ߦߊ߬ ߓߟߏߡߊ߬.

ߓߊ߯ߙߊߘߋ߲ ߠߎ߬ ߟߊ߫ ߝߏ߬ߟߌ

ߛߟߊߕߌ߯ ߌߓߎߙߊߤߌߡߊ߬ ߛߘߌ߬ߓߋ߬ ߡߍ߲ ߦߋ߫ ߓߊ߯ߙߊߘߋ߲ ߠߎ߬ ߟߊ߫ ߘߍ߭ ߝߘߏ߬ߓߊ߬ ߞߟߊ߬ߕߌ߮ ߘߌ߫ ߏ߬ ߝߣߊ߫ ߞߊ߬ ߛߊ߲߬ ߠߊߓߊ߲߫ ߝߏ߬ߟߌ ߞߍ߫ ߞߵߊ߬ ߢߊߛߌ߲߯ ߞߏߕߌ߯ ߝߟߐ ߡߊ߬߸ ߓߊ߯ߙߟߊ ߟߎ߬ ߕߐ߯ ߘߐ߫߸ ߞߊ߬ ߘߎߓߊ߫ ߞߍ߲ߘߍߦߊ ߟߊ߫߸ ߣߌ߫ ߤߙߍ ߣߌ߫ ߛߊ߲߬ ߂߀߂߆ ߘߌߦߊ ߟߊ߫߸ ߊ߬ ߞߊ߬ ߢߍߕߊ߯ ߝߏߟߌ ߟߊߛߋ߫ ߞߵߊ߬ ߓߍ߲߬ ߢߌߣߌ߲ߞߏ ߓߐߢߟߊߣߍ߲ ߠߎ߬ ߡߊ߬. ߞߵߊ߬ ߟߐ߬ ߥߛߊ߬ߘߊ߬ߕߌ߮ ߟߎ߬ ߡߊ߬ߞߏ ߟߎ߬ ߡߊ߬: ((ߊ߬ ߣߴߊ߲ ߞߊ߬ ߢߝߍߕߊ߯ ߡߍ߲ ߠߎ߬ ߞߍ߫ ߢߐ߲߮ ߝߍ߬)) ߞߏߕߌ߯ ߞߎߓߋߘߐ ߗߋߕߌ߮ ߡߎߤߊ߲ߡߍߘ ߟߊߡߌߣ ߛߌ߫ ߛߝ߭ߊ߬ߣߋ߫ ߞߊ߬ ߖߊ߲߬ߓߌ߬ߟߌ ߞߍ߫ ߊ߬ ߟߊ߫ ߓߋߟߋ߲ߠߊ ߘߐ߫߸ ߞߏ߫ ߛߊ߲߬ ߕߊ߬ߡߌ߲߬ߣߍ߲ ߘߐߞߍ߫ ߘߐ߫ ߞߘߎ߬ߜߍߟߍ߲ ߢߊ߬ߒ߬ߞߐ߬ߓߊߟߌ ߟߎ߬ ߟߋ߬ ߟߊ߫߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߛߌߛߌ ߓߍ߲߬ ߡߍ߲ ߠߎ߬ ߡߊ߬߸ ߥߞߊ߬ߟߌ ߘߐ߬ߞߣߍ߬ߟߌ ߛߌߟߊ ߝߍ߬. ߊ߬ ߞߊ߬ ߝߏ߬ߟߌ ߟߊߛߋ߫ ߊ߬ ߡߊ߬ ߞߵߊ߬ ߓߍ߲߬ ߞߎ߲߬ߠߊ߬ߛߌ߮ ߟߊ߫ ߛߎߘߊ߲ ߡߊ߬߸ ߞߵߊ߬ ߓߍ߲߬ ߜߟߍ߬ߦߊ ߕߎ߬ߡߊ ߕߊ߬ߡߌ߲߬ߣߍ߲ ߢߌ߲߬ ߡߊ߬. ߞߏ߫ ߊ߬ ߟߊ߫ ߣߊ߬ߟߌ ߞߊ߬ ߓߟߏߓߐߟߌ߫ ߛߌߦߊߡߊ߲߫ ߠߋ߬ ߞߍ߫ ߞߛߌ߬ߞߛߊ߬ ߞߏ ߟߎ߬ ߘߐ߫. ߞߵߏ߬ ߓߍ߯ ߟߊ߫ ߖߌߥߎ ߓߏ߲ߘߏ߲ ߘߐߝߏߘߏ߲߫ ߡߊ߲߬ߕߙߐ ߟߎ߬ ߞߊ߲߬߸ ߞߘߐߓߐߟߌ ߏ߬ ߡߍ߲ ߛߋ߫ ߘߊ߫ ߡߊ߬ߣߐ߬ ߟߊ߫ ߞߵߊ߬ ߓߍ߲߬ ߊ߬ ߞߐߝߟߌ ߟߊ߫ ߜߟߍ߬ߦߊ ߡߊ߬ ߢߍߥߟߊߦߊߟߌ ߛߌߟߊ ߝߍ߬)) ߊ߬ ߞߵߏ߬ ߘߐߞߣߍ߫ ߞߘߎ߬ߜߍߟߍ߲ ߠߎ߬ ߝߍ߬ ߓߊ߬.

ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊ߫ ߖߊ߬ߓߌ߬ߟߌ ߓߋߟߋ߲ߠߊ ߘߐ߫، ߊ߬ ߞߊ߬ ߖߊ߲߬ߓߌ߬ߟߌ ߞߍ߫ ߛߊ߲߬ ߞߎߘߊ ߣߌ߲߬ ߞߎ߲߬ߓߍ߲߬ ߗߏ߮ ߟߊ߫، ߏ߬ ߡߍ߲ ߘߐߞߍߣߍ߲߫ ߡߊ߬ߞߏ ߢߊ߬ߒ߬ߞߐ߬ߓߊߟߌ ߟߎ߬ ߟߊ߫߸ ߓߊߏ߬ ߞߘߐ߬ߡߊ߲߫ ߡߍ߲ ߠߎ߬ ߕߘߍ߬ ߛߘߌ߬ߣߍ߲ ߢߣߊߕߊߟߌ ߟߎ߬ ߟߊ߫. ߊ߬ ߣߌ߫ ߛߌ߰ߞߊ߲߬ߠߞߊ߬ߦߊ ߖߊ߬ߓߌ߬ߦߊ߬ߟߌ ߓߊ߯ߙߊ ߟߎ߬. ߞߵߏ߬ ߓߍ߯ ߟߊ߫ ߖߐ ߟߊ߫ ߛߓߊ߬ߕߌ ߓߟߏߡߦߊ ߞߊ߲߬߸ ߞߵߊ߬ ߓߍ߲߬ ߝߘߏ߬ߓߊ߬ ߗߋߢߊ ߟߎ߬ ߟߊߘߌ߬ߢߍ߬ߟߌ ߣߴߊ߬ߟߎ߬ ߣߐ߬ߡߌ߬ߣߊ߬ߟߌ ߡߊ߬߸ ߞߏߕߌ߯ ߝߟߐ ߞߊ߬ ߞߏߕߌ߯ߝߟߐߘߊ ߗߍߥߊߟߌ ߟߎ߬ ߟߊ߫ ߓߍߕߊ߯ߦߊ ߦߌ߬ߘߊ߬ ߞߵߊ߬ ߓߍ߲߬ ߞߎ߲߬ߠߊ߬ߛߌ߮ ߞߍߥߊߟߌ ߟߎ߬ ߘߏ߲߬ߖߟߎ߬ߡߊ߬ߟߌ ߡߊ߬߸ ߊ߬ ߞߵߊ߬ ߕߌ߲ߕߌ߲ ߊ߬ ߟߊ߫ ߗߋߦߊߟߌ ߞߊ߲߬ ߞߵߊ߬ ߓߍ߲߬ ߓߍ߲߬ߢߐ߲߰ߡߊ߬ߦߊ ߣߌ߫ ߞߎ߲߬ߞߊߟߌߦߊ ߝߊ߲߬ߝߘߊ ߣߌ߫ ߛߋߞߏߦߊ ߟߎ߬ ߘߐ߫ ߝߘߏ߬ߓߊ߬ ߓߘߍ߬ߓߘߍ߬ߟߌ ߛߌߟߊ ߝߍ߬. ((ߘߎߢߊ߫ ߡߎ߰ߡߍ ߕߍߣߊ߬ ߛߋ߫ ߟߐ߬ ߟߊ߫ ߕߟߋ߬ ߞߋߟߋ߲߫ ߞߘߐ߫ ߊ߬ ߦߋ߫ ߞߍ߫ ߞߍ߫ ߓߐߢߐ߲߯ߒߞߘߐ ߟߋ߬ ߟߊ߫)) ߊ߬ ߞߵߏ߬ ߝߐ߫ ߊ߬ ߢߊ ߡߊ߬ ߓߊ߬؟

ߊ߬ ߞߵߊ߬ ߟߊߕߍ߰ ߞߏ߫ ߞߏߕߌ߯ߝߟߐߘߊ ߞߊ߫ ߞߊ߲߫ ߞߊ߬ ߢߍߕߊ߯ ߓߍ߲߬ߢߐ߲߰ߡߊ߬ߦߊ߬ߣߍ߲ ߠߎ߬ ߟߊߘߊ߲߫ ߞߵߊ߬ ߓߍ߲߬ ߞߊ߬ߝߏ ߟߊ߫ ߛߋ߲ߛߋ߲ߘߋ߲ߦߊߣߍ߲ ߠߎ߬ ߡߊ߬. ߞߵߊ߬ ߓߍ߲߬ ߞߘߐߓߐߟߌߟߊ߲ ߘߝߊߣߍ߲ ߠߎ߬ ߡߊ߬ ߞߵߊ߬ ߟߐ߬ ߢߌߣߌ߲ߞߏ߫ ߞߘߐߞߍ߬ߙߍ߲߬ߘߍ߬ߣߍ߲ ߠߎ߬ ߟߊߛߐ߬ߘߐ߲ ߞߏ ߡߊ߬.

ߒߖ߭ߙߋߞߏ߬ߙߋ߬ ߞߏߟߌ߲ߞߏߟߌ߲߫ ߕߋ߬ߟߋ߫ ߂߀/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߛߌߟߊ߫ ߝߊ߬ߛߏ߬ߟߊ߬ߞߊ ߝߙߍߕߍ߫ ߁߁ ߟߐ߬ߟߌ ߓߊ߯ߙߊ ߝߘߏ߬ߓߊ߬ ߘߊߡߌߣߊߟߌ ߢߊ߰ߢߊ߮ ߢߍߡߌ߬ߘߊ߬. ߓߣߎߡߊ߫ ߞߏ߲ߞߏߘߐ߫ ߞߊߝߏߙߋ߲ ߞߣߐ߫ ߦߋ߲߬ ߣߌ߫ ߒߖ߭ߙߋߞߏ߬ߙߋ߬ ߕߍ ߦߋ߫ ߞߎߘߍ߫ ߕߊ߲߫ ߢߐ߲߰ ߠߋ߬ ߘߌ߫. ߡߍ߲ ߦߋ߫ ߓߍ߲߬ ߠߊ߫ ߞߎߘߍ߫ ߇߅ ߡߊ߬. ߛߌߟߊ߫ ߝߊ߬ߛߏ߬ߟߊ߬ߞߊ ߝߙߍߕߍ߫ ߁߁ ߦߋ߫ ߒߖ߭ߙߋߞߏ߬ߙߋ߬ ߣߌ߫ ߦߏߡߎ߲߬ ߓߌ߬ߟߊ߬ ߟߵߌ ߢߐ߲߮ ߡߊ߬ ߟߋ߬. ߤߊ߲߯ ߟߌߓߋߙߌߦߊ߫ ߓߐߕߏ߲ ߠߊ߫. ߓߊ߯ߙߊ߫ ߛߏ߯ߙߏߦߊߣߍ߲ ߣߌ߲߬ ߞߎ߲߬ߕߋߟߋ߲߫ ߠߋ߬ ߢߡߊߦߟߍߡߊ߲ ߘߎ߲ߡߕߊ ߟߊߘߏ߲߭ ߠߋ߬ ߘߌ߫ ߡߌ߬ߙߌ߲߬ߘߌ ߟߊ߫ ߓߐߒߣߘߐ ߘߐ߫. ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߡߊߝߊߟߋ߲ ߛߋ߲߬ߞߘߐ߬ߓߌ߲ߓߌ߲߸ ߊ߬ ߣߌ߫ ߝߊ߲߬ߞߊ ߘߌ߫ ߕߎߞߘߐߟߊ ߕߌ߲߬ߞߎߘߎ߲߫ ߓߐߒߣߘߐ ߟߊߣߐ߰ߦߊ ߡߊ߬. ߞߵߊ߬ ߓߍ߲߬ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߞߎ߲߬ߕߋߟߋ߲߫ ߡߊ߬، ߏ߬ ߡߍ߲ ߣߊ߲߬ߝߟߏ߬ߦߊ߬ߣߍ߲߫ ߥߙߎߞߌ߫ ߝߊ߬ߛߏ߬ߟߊ߬ߞߊ ߝߛߎߞߎ ߘߐ߫. ߏ߬ ߡߍ߲ ߞߎ߲߬ߕߋߟߋ߲ ߦߋ߫ ߖߎ߬ߓߐ ߟߎ߬ ߢߊߞߎߘߦߊߟߌ ߡߊ߬ߡߊ߬ߟߊ ߘߌ߫. ߖߊ߬ߕߋ߬ߘߐ߬ߛߌ߰ߓߊ ߣߌ߲߬ ߡߐ߰ߦߊ߬ ߞߎߟߎ߲ߖߋߟߌ ߞߍ߫ ߘߊ߫ ߟߋ߬ ߘߌ߲߬ߞߌߙߊ ߡߙߊ߬ߦߊ ߟߎ߬ ߓߟߏ߫߸ ߡߌ߬ߙߌ߲߬ߘߌ ߣߌ߫ ߣߝߊ߬ߢߐ߲߮ ߠߎ߬. ߞߵߊ߬ ߦߌ߬ߘߊ߬ ߞߏ߫ ߥߙߎߞߌ ߟߊߕߊ߯ߟߊ߲ ߢߊ߬ߒ߬ߞߐ߬ߓߊߟߌ ߟߋ߬ ߖߌ߬ߣߍ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߞߏ߬ߦߊ ߘߐ߫.

ߞߐߣߊߞߙߌ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߄/ ߂߀߂߅

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߖߡߊ߬ߙߌ ߘߌ߫ ߛߘߋߦߊߏ ߣߌ߫ ߊߝߙߌߞߌ߬ ߘߍ߭ ߣߌ߫ ߝߊ߬ߙߊ߲߬ߛߌ߬ߞߊ߲߬ߝߐ߬ߟߊ ߟߎ߬ ߜߊ߬ߙߊ ߣߌ߫ ߡߊߣߏ߫ ߓߊ ߗߋߘߋ߲ ߠߊߘߍ߬ߣߍ߲ ߠߎ߬ ߡߊ߬. ߞߵߊ߬ ߓߍ߲߬ ߛߎߥߊ߲ߘߟߌ ߞߟߊ߬ߡߊ߬ߓߊ߰ߦߊ ߟߌ߬ߤߟߊ ߡߊ߬߸. ߏ߬ ߞߎ߲߭ ߠߋ߬ ߓߊ߯ߙߊߢߐ߲߯ߦߊ ߘߌ߫ ߘߐ߬ߞߣߍ߬ߟߌ ߘߐ߫ ߖߘߍ߬ߘߏ߲߬ߒ߬ߞߊ߲ߡߊ ߘߐ߫ ߞߵߊ߬ ߓߍ߲߬ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ ߢߣߊߕߊߟߌ ߡߛߍ߬ߞߍ߬ߡߛߍ߬ߞߍ ߟߎ߬ ߡߊ߬߸ ߗߋߘߋ߲ ߠߎ߬ ߟߊ߫ ߞߐߣߊߞߙߌ߫ ߣߊ߬ߟߌ ߦߋ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫ ߞߎ߲߬ߦߌ߬ߘߊ߬ߟߌ ߟߋ߬ ߘߌ߫. ߡߍ߲ ߞߎ߲߬ߕߋߟߋ߲ ߦߋ߫ ߕߍߝߐ ߣߌ߫ ߘߐ߬ߞߣߍ߬ߟߌ ߘߌ߫ ߣߴߊ߬ ߟߊߢߌߣߌ߲ ߦߋ߫ ߞߏ ߟߊߕߊ߯ߡߢߊ ߟߎ߬ ߓߟߏߡߦߊߟߌ ߘߌ߫ ߢߣߊߕߊߟߌ ߛߌߟߊ ߝߍ߬߸ ߋ ߊ ߍߝ ߦߴߊ߬ ߟߊ߫ ߞߐߡߊߓߌ߲ߓߌ߲ߠߌ߲ ߠߊߛߙߋߦߊ߫ ߟߊ߫ ߞߵߏ߬ ߟߊ߫ ߗߋߦߊߟߌ ߓߟߏߦߊ ߞߏ ߞߊ߲߬. ߞߏߕߌ߫ ߝߟߐ ߞߊ߬ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫ ߞߏߢߌߡߊߟߐ߲߫ ߦߌ߬ߘߊ߬ ߓߊ߯ߙߊߢߐ߲߮ ߠߎ߬ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߗߋߘߋ߲ ߠߎ߬ ߟߊ߫ ߣߊ߭ ߦߋ߫ ߓߏ߬ߢߊ߬ߓߊ ߟߋ߬ ߘߌ߫ ߖߌ߬ߣߍ߬ ߦߋ߫. ߊ߬ ߣߌ߫ ߟߊ߲ߒߠߦߊ ߕߐ߰ߡߊ߬ߛߙߋ ߟߋ߬ ߛߎߥߊ߲ߘߟߌ ߢߍߥߟߊ ߘߐ߫.(( ߊ߲ ߛߍߥߊߣߍ߲߫ ߓߊ߯ߙߊ ߟߊ߫ ߕߊ߯ߢߍ ߟߊ߫. ߞߵߊ߬ ߓߍ߲߬ ߊ߲ ߠߊ߫ ߟߐ߬ߘߎ߰ߝߊ߬ߟߌ ߡߊ߬ ߖߡߊ߬ߣߊ ߟߊ߫ ߛߊ߬ߦߌ ߘߐ߫ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫ ߂߀߂߅ ߟߊߓߊ߲ ߠߊ߫)) ߏ߬ ߞߊ߲߫ ߘߌ߬؟

ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߓߏ߬ߢߊ ߞߙߍߞߙߍߣߍ߲ ߠߊߛߋ߫ ߏ ߊ ߍߝ ߞߟߊ߬ߕߌ߮ ߡߊ߬ ߡߍ߲ ߞߊ߬ ߖߌ߬ߣߍ߬ ߟߊ߫ ߘߏ߲߬ߠߌ߲ ߟߊߣߐ߰ߦߊ ߛߌ߲߬ߝߏ߲߬ߘߊ ߣߌ߲߬ ߘߐ߫ ߂߀߂߄ ߞߏ߲ߞߏߜߍ ߟߊ߫߸ ߏ߬ ߡߍ߲ ߦߋ߫ ߛߋ߲߬ߕߊ߮ ߢߊ߬ߕߣߐ߬ߡߊ߬ߓߊ ߦߌ߬ߘߊ߬ ߟߊ߫ ߞߵߊ߬ ߓߍ߲߬ ߡߊ߲߬ߕߏ߲߬ߕߍ߬ߦߊ ߞߏ߫ ߟߎ߫ ߟߊߕߊ߯ߢߊ ߛߌ߱ ߡߊ߬ ߛߌߟߊ߫ ߢߣߊߡߊ ߞߊ߲߬ ߖߡߊ߬ߣߊ ߞߣߐ߫. ߡߍ߲ ߟߐ߬ߣߍ߲ ߢߣߊߕߊߟߌ ߖߎ߬ߓߌ߬ߟߊ ߟߎ߬ ߡߊ߬߸ ߞߏߕߌ߯ ߝߟߐ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߛߌ߰ߞߊ߲ ߢߣߊߕߊߟߌ ߣߌ߲߬ ߘߐߘߏ߲߬ߣߍ߲߫ ߡߙߌ߫ ߥߊ߯ߕߌ߫ ߝߛߊ߬ߡߊ߲߬ ߣߌ߫ ߜߘߌߛߌ߯ߞߎߦߊߟߌ ߟߋ߬ ߟߊ߫(( ߕߊ߯ߓߟߏ ߣߌ߲߬ ߦߋ߫ ߢߌ߬ߣߌ߲߬ߞߊ߬ߟߌ ߟߋ߬ ߦߌ߬ߘߊ߬ ߟߴߊ߲ ߠߊ߫߸ ߞߵߊ߬ ߓߍ߲߬ ߊ߲ ߠߊ߫ ߕߊ߬ߡߌ߲߬ߣߍ߲ ߠߎ߬ ߡߊ߬ ߡߍ߲  ߕߘߍ߬ ߓߘߊ߫ ߖߡߊ߬ߣߊ ߓߌ߬ߟߊ߬ ߕߍߝߘߊߟߌ ߛߌߟߊ ߞߊ߲߬ ߕߎ߬ߡߊ߫ ߞߎ߲߬ߘߐ߬ߖߊ߲߫ ߞߘߐ߫ ߛߌ߰ߞߊ߲߬ ߞߏ ߛߌߟߊ ߝߍ߬. ߞߵߏ߬ ߞߍ߫ ߕߎߣߎ߲ߓߊߟߌ ߘߌ߫ ߛߍ߰ߘߏ߲ ߘߐ߫ ߞߊߞߋߦߊ ߝߛߊ߬ߡߊ߲ ߘߌ߫. ߡߍ߲ ߘߌ߫ ߛߋ߫ ߊ߬ ߘߛߍ ߦߙߐ ߟߎ߬ ߛߊߞߍ߫ ߟߊ߫߸ ߞߊߕߙߍ߬ߕߍ߫ ߢߣߊߕߊߟߌ߫ ߞߐߕߐ߮ ߣߐ߬ߡߊ߬ߛߊߦߌ ߡߊ߬߸ ߊ߬ ߣߌ߫ ߢߣߊߕߊߟߌ߫ ߞߐߕߐ߯ ߥߟߊ߬ߘߐ߬ߛߊߦߌ ߖߐ߯ߙߊ߲ ߢߣߊߡߊ ߦߋ߫ ߛߐ߬ߘߐ߲߬. ߡߍ߲ ߟߊ߬ߘߌ߬ߢߍ߬ߣߍ߲ ߞߵߊ߬ ߟߐ߬ ߡߊ߬ߛߐ߬ߛߐ߬ߟߌ߫ ߦߙߐ߫ ߓߍ߯ ߡߊ߬.

ߒߖ߭ߙߋߞߏ߬ߙߋ߬ ߞߏߟߌ߲ߞߏߟߌ߲߫ ߕߟߋ߬ ߂߁/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߒߖ߭ߙߋߞߏ߬ߙߋ߫ ߕߌ߲߬ߞߎߘߎ߲߫ ߡߣߐ߬ߜߕߊ ߣߍߣߍߘߊ߯ߓߊ ߘߊߦߟߍߟߌ ߝߘߏ߬ߓߊ߬ߡߊ ߢߊ߰ߢߊ߮ ߞߍ߫߸ ߖߎ߬ߓߐ ߞߊ߬ߞߎ߬ߘߟߊ߬ߞߊ ߣߌ߲߬ ߣߊ߬ߕߐ߫ ߓߊߟߏߝߋ߲ ߠߎ߬ ߟߊ߬ߞߊ߲߬ߘߊ߬ߟߌ ߟߋ߬ ߞߘߎ߬ߜߍߟߍ߲ ߟߊߥߟߌ߬ ߞߊ߲ߡߊ߬. ߖߍ߯ ߦߋ߫ ߟߐ߬ߘߎ߰ߓߊ ߟߋ߬ ߕߊ߬ ߟߊ߫ ߖߌ߬ߣߍ߬ ߡߌ߬ߙߌ߲߬ߘߌ ߟߊ߫ ߘߋ߬ߙߌ߬ߣߊ߲߬ ߡߍ߬ߡߍ߬ߟߌ ߘߐ߫. ߊ߬ ߛߋߞߏߦߊ ߥߊߣߍ߲ ߠߋ߬ ߤߊ߲߯ ߞߕߌߕߌ߫ ߄߀߀. ߟߊ߬ߡߙߊ߬ߟߌ߬ߘߊ ߘߐߓߍ߲߬ߠߌ߲

ߟߊ߬ߕߊ߲߬ߞߊ߬ߟߌ ߞߊ߲ߞߋߦߊ ߟߋ߬ ߟߊ߫ ߞߟߊߦߊ ߡߊߡߊ߬ߙߊ ߞߵߊ߬ ߟߊߝߊ߰ߡߎ߲߬ߦߊ߫ ߞߛߊߞߊ ߁߅ ߣߌ߫ ߂߅ ߞߊߓߋ ߟߊ߫. ߞߍߢߊ ߏ߬ ߘߐ߫߸ ߛߋ߲ߒߞߏߟߦߊ ߓߍ߫ ߛߋ߫ ߟߊߕߊ߲߬ߞߊ߬ߟߌ ߓߟߏߡߦߊ߫ ߢߣߊߡߓߊ ߞߍ߫ ߟߊ߫. ߞߵߊ߬ ߓߍ߲߬ ߥߟߏߒߘߐ ߟߊߛߣߍߣߍ߲ ߠߎ߬ ߡߊ߬߸ ߡߍ߲ ߠߎ߬ ߓߐߣߍ߲߫ ߞߐ߰ߖߌ߬ߘߊ ߡߐ߲ߠߌ߲ ߘߌ߲߬ߞߌߙߊ ߟߎ߬ ߘߐ߫߸ ߊ߬ ߣߌ߫ ߟߊ߬ߛߎ߬ߡߊ߬ߟߌ ߞߎ߲߬ߞߊߟߌ߲ ߘߊ߲ߕߊ ߟߎ߬߸ ߛߊ߫ ߡߍ߬ߡߍ߬ߟߊ ߟߎ߬ ߣߌ߫ ߡߊ߬ߘߎ߮ ߥߊ߬ߣߊ ߟߎ߬ ߘߌ߫ ߛߋ߫ ߏ߬ ߕߣߐ߬ߓߐ߬ ߟߊ߫߸ ߊ߬ ߓߟߏߦߊߣߍ߲߫ ߖߌ߬ߣߍ߫ ߞߎ߲߬ߠߊ߬ߛߌ߮ ߟߊ߫ ߕߘߍ߬ߒ߬ߘߐ߬ߟߌ ߟߋ߬ ߟߊ߫߸ ߡߣߐ߬ߜߕߊ ߣߍߣߍߘߊ߯ߓߊ ߣߌ߲߬ ߞߎ߬ߕߋߟߋ߲߫ ߠߋ߬ ߖߌ߬ߣߍ߬ ߞߍߞߎߛߊ߲ߧߊ ߡߐ߲ߠߌ߲ ߢߍߥߟߊ߫ ߓߟߏߡߊߘߍߡߍ߲ ߘߌ߫. ߢߍߟߥߊ߫ ߏ߬ ߣߊ߲߬ߝߟߏ߬ߦߊ߬ߣߍ߲߫ ߞߊ߬ߝߏ ߟߋ߬ ߓߟߏ߫߸ ߡߍ߲ ߟߊ߬ߢߌߣߌ߲߫ ߦߋ߫ ߟߘߊ߬ߙߏ߬ߟߌ ߛߋߞߏߦߊ߫ ߡߞߊߝߏ ߘߌ߫. ߞߊ߬ ߓߐ߬ߣߐ ߡߊߘߐ߯ߦߊ߫ ߊ߬ ߟߐ߬ ߦߌߟߊ ߟߎ߬ ߟߊ߬ߡߙߊ߬ߟߌ ߘߐ߫. ߊ߬ ߣߌ߫ ߞߊ߬ ߖߍ߯ ߛߐ߬ߘߐ߲߬ߢߊ ߢߡߊߦߟߍ߬ߡߊ߲߫ ߘߎ߲ߡߊ߫ ߓߟߏߡߊ߬ ߡߌ߬ߙߌ߬ߘߌ ߓߟߏ߫. ߖߍ߯ߡߌߣߊ ߟߊ߬ߥߟߏ߬ߟߌ ߟߊߓߘߍ߬ߦߊ߬ߟߌ ߡߊ߬. ߘߌ߲߬ߞߌߙߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊߥߙߎߞߌ ߘߐ߫.

ߞߌ߲ߘߌߦߊ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߃/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߓߘߊ߫ ߞߌ߲ߘߌߦߊ߫ ߡߊ߬ߡߙߊ߬ߟߌ߬ߟߊ ߟߎ߬ ߡߊߞߍ ߘߌߦߊ ߞߓߊߝߟߐߛߌ߮ ߞߏ ߟߎ߬ ߢߊߓߐ߫. ߏ߬ ߦߋ߫ ߖߊ߬ߕߋ߬ߘߐ߬ߛߌ߰ ߓߟߋߓߟߋ ߟߋ߬ ߘߌ߫߸ ߡߍ߲ ߦߋ߫ ߞߎ߲߬ߠߊ߬ߛߌ߮ ߟߊ߫ ߦߟߌߟߊߕߍ߮ ߦߌ߬ߘߊ߬ ߟߊ߫ ߞߊ߬ ߓߊ߯ߙߊߢߐ߲߯ߦߊ ߣߌ߫ ߞߊ߬ߝߏ ߟߊ߫ ߛߋߞߏߦߊ ߓߊ߲ߓߊ߲߫ ߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߘߐ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ ߞߏ߫ ߣߌ߲߬ ߦߋ߫ ߞߏ߫ ߞߎߘߊ߫ ߟߋ߬ ߘߌ߫ ߖߌ߬ߣߍ߬ ߘߐ߬ߝߐ ߘߐ߫. ߊ߬ ߝߟߐ ߟߋ߬ ߣߌ߲߬ ߛߎߥߊ߲ߘߟߌ ߕߎ߬ߡߊ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ ߘߊߞߎ߲ ߠߎ߬ ߦߋ߫ ߛߋ߫ ߓߟߏߟߊߕߎ߲߮ ߣߴߊ߬ ߢߊ߫ ߓߘߍ ߡߊ߬. ߞߵߊ߬ ߕߘߍ߬ ߝߘߏ߬ߓߊ߬ ߞߏ ߟߎ߬ ߡߊ߫ ߢߊ ߓߊ߬ߛߊ߲߬. ߏ߬ ߟߎ߬ ߦߋ߫ ߓߊ߲ߓߊ߲ߠߌ߲ ߕߐ߰ߡߊ߬ߛߙߋ ߟߋ߬ ߘߌ߫ ߡߊ߬ߡߊߘߌ߫ ߘߎ߲ߓߎߦߊ ߟߊ߫ ߢߍߡߌߘߊߟߌ ߞߣߐߡߊ߬.

ߖߊ߬ߕߋ߬ߘߐ߬ߛߌ߮ ߢߊ߬ߕߣߐ߬ߡߊ ߛߌߦߊߡߊ߲߫ ߦߴߊ߬ ߞߊ߲߬:

ߡߊ߬ߡߙߊ߬ߟߌ߬ߟߊ ߟߎ ߡߊߞߍ ߦߌߟߊ ߣߌ߲߬ ߦߋ߫ ߝߘߏ߬ߓߊ߬ ߓߊ߯ߙߊ ߟߎ߬ ߟߊߞߎߘߦߊߟߌ ߝߊ߲߬ߞߊ߬ߘߏ߲߬ߠߌ߲ ߠߋ߬ ߘߌ߫ ߝߊ߬ߛߏ ߞߣߐ߫. ߖߊ߬ߕߋ߬ߘߐ߬ߛߌ߰ߓߊ ߟߎ߬ ߦߋ߫ ߛߋ߲߬ߠߊ߫ ߕߋ߲߬ ߝߙߊߣߊ߫߸ ߞߊ߲ߞߊ߲߫ ߣߌ߫ ߓߏ߬ߞߋ߫. ߞߵߊ߬ ߕߘߍ߬ ߓߏ߬ߞߋ߫ ߝߣߊ߫ ߦߋ߫ ߥߙߎߞߌ ߢߍߕߊ߮ ߛߌߟߊ ߖߍ߬ߘߍ ߖߍ߬ߘߍ ߞߊ߲߬ ߘߍ߲߰ߦߊ߬ߟߌ ߛߌߟߊ ߝߍ߬߸ ߞߊ߬ߝߏ ߦߋ߫ ߕߎ߲ߞߎ߲߫ ߛߓߊ߬ ߟߋ߬ ߟߥߊߟߌ߫ ߟߊ߫.

.  ߘߊߞߎ߲ ߠߎ߬ ߟߊߢߊ߬ߟߌ: ߞߊ߬ ߓߊ߯ߙߊ ߟߊߛߓߊ߬ߕߌ ߘߊߞߎ߲ ߖߐ߲ߖߐ߲߫ ߠߎ߬ ߘߐ߫.

. ߘߊߞߎ߲ ߟߊߢߊ߬ߟߌ: ߞߵߊ߬ ߓߊ߯ߙߊ ߟߎ߬ ߟߊߢߊ߬ ߕߟߋ߬ߓߊ߰ߦߊ߬ߟߌ ߛߌߟߊ ߝߍ߬(ߘߌߖ߭ߌߕߊߟߌߖ߭ߊߛߌߦߐ߲) ߛߊ߫ ߝߎߣߎ߲ߞߋ ߓߊ߯ߙߊ ߟߎ߬ ߘߌ߫ ߞߟߊߓߎ ߛߐ߬ߘߐ߲߬.

. ߞߵߊ߬ ߓߊ߯ߙߊ ߗߏ߯ߦߊ ߟߎ߬ ߟߊߢߊ߬: ߞߵߊ߬ ߓߊ߯ߙߊ ߞߐߡߊߓߌ߲ߓߌ߲ ߞߵߊ߬ ߡߌ߬ߙߌ߲߬ߘߌ ߟߊߞߐ߯ ߊ߬ ߟߊ߫.

ߞߏߕߌ߯ ߝߟߐ ߟߋ߬ ߞߊ߬ ߟߊߛߙߋߦߊ߫ ߞߏ߫ ߞߎ߲߬ߠߊ߬ߛߌ߮ ߓߊ߯ߙߟߊ ߟߋ߬ ߡߌ߬ߙߌ߲߬ߘߌ ߟߊ߫ ߓߊ߯ߙߊߘߋ߲ ߠߋ߬ ߘߌ߫. ߊ߬ ߞߵߊ߬ ߘߐߞߣߍ߫ ߞߏ߫ ߝߘߏ߬ߓߊ߬ ߓߊ߯ߙߊ ߞߊ߫ ߞߊ߲߫ ߞߊ߬ ߞߍ߫ ߢߊ߬ߕߣߐ߬ߡߊ ߣߌ߫ ߟߊ߬ߛߐ߬ߘߐ߲߬ ߘߌߡߊ߲ ߠߎ߬ ߘߌ߫.

ߛߌߡߊ߲ߘߎ߯ ߣߌ߫ ߡߊ߬ߡߙߊ߬ߟߌ ߡߊ߬ߞߍ߬ ߦߌߟߊ ߞߏ ߘߏ߲߬ߢߐ߲߰ߒߓߟߏ߬ߢߊ

ߞߎߡߊ ߞߎ߲߬ߝߊ߮ ߘߐ߫߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߓߟߏߘߏ߲ߢߐ߲߰ߓߟߏ ߦߌ߬ߘߊ߬ ߓߊ߯ߙߊ ߢߌ߲߬ ߣߌ߫ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߰ ߓߟߋߓߟߋ ߕߍ߫߸ ߏ߬ ߡߍ߲ ߦߋ߫ ߛߐ߬ߘߐ߲߬ߘߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊߥߙߎߞߌ ߘߌ߲߬ߞߌߙߊ ߘߌ߫. ߖߊ߬ߕߋ߬ߘߐ߬ߛߌ߮ ߣߌ߲߬ ߢߊ߬ߕߣߐ߬ߓߊ ߟߋ߬ ߡߊ߬ߡߙߊ߬ߟߌ߬ߟߊ ߟߎ߬ ߟߊ߫ ߡߊ߬ߞߍ߬ ߦߌ߬ߟߊ ߞߏ ߟߎ߬ ߡߊ߬ ߖߡߊ߬ߣߊ ߞߣߐ߫. ߏ߬ ߦߋ߫ ߞߊ߬ߝߏ߫ ߝߊ߲߬ߞߊ߬ߡߊ ߣߌ߫ ߡߌ߬ߙߌ߲߬ߘߌ ߝߊ߲߬ߞߊ ߟߋ߬ ߘߌ߫߸   ߞߵߊ߬ ߟߐ߬ ߖߌ߬ߣߍ߬ߘߋ߲ ߠߎ߬ ߓߍ߯ ߟߊ߫ ߟߊ߬ߝߙߍ ߛߌߟߊ ߡߊ߬.

ߞߏߟߌ߲ߞߏߟߌ߲ ߕߟߋ߬ ߂߆/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߓߘߊ߫ ߓߐߒߡߊߟߌ ߞߍ߫ ߓߊߛߌ߫ ߟߊߘߊ߲߫ ߝߊ߲

ߏ߲ ߓߟߋߓߟߋ߫ ߝߌ߬ߟߊ߬ ߟߊ߫߸ ߏ߬ ߏ ߦߋ߫ ߡߊߣߍߦߊ߫ ߞߐߣߊߞߙߌ߫ ߡߙߊ߬ߘߊ߰ ߘߎ߯ߟߊ ߞߣߐ߫. ߘߏ߫ ߝߣߊ߫ ߦߋ߫ ߡߏߙߌߓߦߊ߫ ߝߏߘߋߞߊߙߌߦߊ߫ ߡߙߊ߬ߘߊ߰ ߘߎ߯ߟߊ ߞߣߐ߫. ߓߐߒߡߊߟߌ ߣߌ߲߬ ߦߋ߫ ߞߎ߲߬ߠߊ߬ߛߌ߮ ߟߊ߫ ߝߊ߲ߓߏ߲ߦߊߟߌ ߝߊ߬ߛߏ߬ߟߞߊ߬ߦߊ ߣߌ߫ ߞߍ߲ߘߍߦߊ ߣߌ߫ ߘߍ߲ߖߘߍߟߦߊ ߢߍߥߟߊ ߟߋ߬ ߘߐ߫.

ߡߊߣߍߦߊ߫ ߝߊ߲ߓߏ߲

ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߝߊߙߑߡߊߛߎߕߌߞߊߟ ߞߐ߲ߔߊߢߌ߲ ߝߊ߲ߓߏ߲ ߡߊߝߟߍ߫ ߡߊߣߍߦߊ߫ ߏ߬ ߦߋ߫ ߝߊ߲ߓߏ߲ ߠߋ߬ ߘߌ߫ ߡߍ߲ ߠߊߘߊ߲ߣߍ߲߫ ߖߌ߬ߣߍ߬ ߞߎ߲߬ߠߊ߬ߛߌ߮ ߣߌ߫ ߘߎ߲߬ߘߎ߲߰ߡߊ߬ ߥߊߟߌߘߊ ߟߎ߬ ߟߊ߫ ߣߝߊ߬ߢߐ߲߰ߦߊ ߓߟߏߘߏ߲ߢߐ߲߰ߓߟߏ ߘߐ߫.

.ߊ߬ ߛߋߞߏߦߊ: ߊ߬ ߘߌ߫ ߛߋ߫ ߓߊߛߌ߫ ߞߎ߲ߓߊ߫ ߥߟߎ߬ߡߊ߬ ߅߇ ߟߊߘߊ߲߫ ߠߊ߫ ߞߊߙߏ߫ ߓߍ߯ ߟߊ߫.

. ߓߊߛߌ߫ ߛߎ߯ߦߊ ߟߎ߬: (ߕߏߘߋߕߏߘߋߟߊ߲، ߛߍߙߐߡ ، ߜߋߣߎ߲ ߛߌߙߏ ߊ߬ ߣߌ߫ ߘߊ߲ߘߊߟߌ߫ ߖߐ߯ߙߊ߲ ߠߎ߬)

. ߟߊ߬ߢߌߣߌ߲: ߊ߬ ߘߌ߫ ߝߊ߬ߛߏ ߡߊߛߐ߫ ߟߊ߫ ߣߝߊ߬ߓߐ߬ߟߌ ߘߐ߫ % ߆߀ ߟߊ߫߸ ߊ߬ ߣߌ߫ ߞߊ߬ ߓߊߛߌ߫ ߟߎ߬ ߟߊߝߏ߬ߦߌ߬ ߟߊ߬ߡߌߣߌ߲߫ ߖߡߊ߬ߣߊ ߟߎ߬ ߘߐ߫.

ߡߏߙߌߓߦߊ߫ ߝߊ߲ߓߏ߲

ߞߎ߲߬ߠߊ߬ߛߌ߮ ߟߊ߫ ߗߋߘߋ߲ ߠߎ߬ ߟߥߊ߫ ߘߊ߫  ߡߍߘߑߣߍ߫ ߊߝߙߌߞߊ߬ ߛߊߙߑߟߌ߫ ߝߍ߬ ߡߏߙߌߓߦߊ߫߸ ߏ߬ ߦߋ߫ ߟߌ߲ߓߊ߲ ߖߌ߬ߣߍ߬ ߣߌ߫ ߍߘ ߟߊ߫ ߣߝߊ߬ߢߐ߲߰ߦߊ ߓߟߏߘߏ߲ߢߐ߲߰ߓߟߏ ߞߐߝߟߌ ߟߋ߬ ߘߌ߫.

. ߟߊ߬ߢߌߣߌ߲: ߊ߬ߟߎ߬ ߦߴߊ߬ ߝߍ߬ ߞߊ߬ ߓߊߛߌ߫ ߛߎ߯ߦߊ߫ ߁߂߀ ߠߋ߬ ߟߊߘߊ߲߫ ߛߊ߲߭ ߞߘߐ߫߸ ߞߊ߬ ߖߌ߬ߣߍ߬ߞߊ ߡߊ߬ߞߏ ߟߎ߬ ߢߣߊߓߐ߫ ߊ߬ ߣߌ߫ ߞߊ߬ (ߖߌ߬ߣߍ߬ ߓߊߛߌ) ߟߊߘߊ߲߫ ߞߵߏ߬ ߟߊߝߏ߬ߦߌ߬ ߞߐߞߊ߲ߠߊ ߟߎ߬ ߘߐ߫.

ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߎߡߊ ߞߎ߲߬ߝߊ߮ ߘߐ߫ ߞߏ߫ ߣߌ߲߬ ߘߌ߫ ߞߍ߫ ߓߊߛߌ߫ ߛߐ߲߬ߞߐ ߡߊ߬ߖߌ߮ ߛߊߓߎ߬ ߘߌ߫߸ ߞߊ߬ ߓߊ߯ߙߊ߫ ߦߌߟߊ ߟߎ߬ ߘߊߦߟߍ߬، ߊ߬ ߣߌ߫ ߞߊ߬ ߖߌ߬ߣߍ߬ ߟߊ߫ ߞߎ߲ߝߊߟߋ߲ ߘߋߝ߭ߌߛ ߟߊߞߊ߲ߘߊ߫ ߊ߬ ߦߌ߬ߘߊ߬ ߝߣߊ߫ ߞߏ߫ ߖߊ߬ߕߋ߬ߘߐ߬ߛߌ߮ ߣߌ߲߬ ߦߋ߫ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߛߌߡߊ߲ߘߎ߯ ߂߀߄߀ ߢߍߥߟߊ ߟߋ߬ ߘߐ߫. ߗߋߘߋ߲ ߠߎ߬ ߣߊ߬ߣߍ߲߫ ߞߐߣߊߞߙߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫ ߞߟߌߟߌ ߟߋ߬ ߞߣߐ߬ߡߊ߬ߗߋߘߋ߲ ߠߎ߬ ߣߊ߬ߣߍ߲߫ ߞߐߣߊߞߙߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫ ߞߟߌߟߌ ߟߋ߬ ߞߣߐ߬ߡߊ߬. ߗߋߘߋ߲ ߠߎ߬ ߣߊ߬ߣߍ߲߫ ߞߐߣߊߞߙߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫ ߞߟߌߟߌ ߟߋ߬ ߞߣߐ߬ߡߊ߬.

ߞߏߟߌ߲ߞߏߟߌ߲ ߕߟߋ߬ ߉/ ߂߀߂߅

ߞߐ߬ߟߏ߲ ߓߊ߯ߙߊߢߐ߲߯ߦߊ ߢߐ߲߯ߦߋ ߓߊ߲ߣߍ߲ ߞߐߝߍ߬߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߝߌ߬ߟߊ ߞߊ߬ ߝߐ߰ߓߍ߬ߜߙߊ ߝߊ߲߬ߝߌ߬ߟߊ߬ߡߊ ߘߏ߫ ߢߣߊߓߊ߯ߦߊ߫ ߏ߬ ߛߋ߲߬ߝߍ߬ ߞߎߡߊ߫ ߞߍ߫ ߘߊ߫ ߘߊߞߎ߲߫ ߛߌߦߊߡߊ߲߫ ߞߊ߲߬߸ ߏ߬ ߛߋ߲߬ߝߍ߬ ߞߏߕߌ߯ ߝߟߐ ߊߓߘߎߟߊߦ ߡߊ߬ߦߌ߬ߜ߭ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߓߐߒߡߊߟߌ߫ ߞߎ߲߬ߕߋߟߋ߲ ߦߋ߫ ߞߊ߬ߝߏ ߞߎ߲߬ߕߌ߮ ߝߌ߬ߟߊ߬ ߟߊ߫ ߡߙߌߣߊ߲߫ ߞߋߟߋ߲ߢߐ߲߰ߦߊ ߟߋ߬ ߘߌ߫߸ ߜߙߋ߬ߡߊ߬ߕߍ߰ߓߊ߮ ߛߋߞߎ߬ ߕߎ߬ߙߋ߬ ߣߌ߫ ߡߏߘߌߓߏ߬ ߞߋߕߊ߬ ߟߎ߬ ߗߍߕߊߓߊ߮ ߊ߬ ߞߊ߬ ߝߏ߬ߟߌ ߞߍ߫ ߘߡߊߝߊߟߋ߲߫ ߝߊ߲߬ߝߌ߬ߟߊ߬ߡߊ ߢߌ߲߬ ߠߊ߫. ߏ߬ ߡߍ߲ ߦߋ߫ ߥߟߊ߬ߘߊ (ߢߣߊߡߊ) ߛߐ߬ߘߐ߲߬ߣߍ߲ ߠߎ߬ ߞߐߝߟߌ ߖߊ߬ߓߌ߬ߟߌ ߟߎ߬ ߘߌ߫. ߊ߬ ߣߌ߫ ߞߵߌ ߕߌ߲ߕߌ߲߫ ߥߣߍ߬ߡߊ߬ߦߊ߫ ߡߊ߬ߡߊ߬ߟߊ ߞߊ߲߬. ߞߊ߬ ߘߍ߬ߘߊ߬ߟߋ߲ ߝߊ߲߬ߝߌ߬ߟߊ߬ߡߊ ߘߏ߫ ߛߌ߰ ߘߍ߬ߘߊ߬ߓߊ ߞߣߐ߫. ߡߊ߬ߟߌ ߞߏߕߌ߯ ߝߟߐ ߞߊ߬ ߖߌ߬ߣߍ߬ ߝߏ߬ ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ((ߓߊ߲ߓߊ߲ߣߍ߲ ߡߊ߬)) ߜߟߍ߬ߦߊ ߕߎ߬ߡߊ ߟߎ߬ ߟߊ߫߸ ߞߊߕߙߍ߬ߕߍ߫ ߛߘߋߦߊߏ ߟߊ߫ ߖߊ߲߬ߞߌ߲߬ߠߌ߲ ߥߊ߯ߕߌ ߡߊ߬. ߊ߬ ߞߊ߬ ߘߎߓߊ߫ ߛߌߦߊߡߊ߲߫ ߞߍ߫ ߞߏ߫ ߊߟߊ߫ ߦߋ߫ ߖߌ߬ߣߍ߬ ߞߏߟߌ߲ߞߏߟߌ߲߫ ߂߈ ߞߊ߲ߕߌ߯ ߢߣߊߕߊߟߌ ߣߌ߲߬ ߕߊ߬ߡߌ߲߬ ߊ߬ ߢߌ߬ߡߊ ߟߊ߫߸ ߓߍ߲߭ ߣߌ߫ ߞߍߞߋߟߋ߲ߘߌ ߝߊ߬ߛߏ߬ߟߊ߬ߞߊ ߞߣߐ߫. ߊ߬ ߞߊ߬ ߖߌ߬ߣߍ߬ ߡߙߊ߬ߦߊ ߡߐ߱ ߟߎ߬ ߝߏ߬ ߝߣߊ߫ ߞߵߊ߬ ߓߍ߲߬ ߛߌߡߊ߲ߘߎ߯ ߘߊ߬߬ߡߊ߲߬ ߖߊ߬ߕߋ߬ߘߐ߬ߛߌ߰ߓߊ ߞߐ߲߬ߞߎ߬ߟߎ߲߬ ߝߟߐ ߟߊ߫ ߥߟߌ߬ߟߌ ߡߊ߬. ߊ߬ ߞߵߏ߬ ߡߊ߲߬ߞߕߎ߬ߦߊ߫ ߥߣߊ߬ߦߊ ߟߊ߲ߡߊ ߟߋ߬ ߘߌ߫ ߝߘߊ߬ߝߌ߲߬ߠߊ߫ ߓߍ߯ ߢߍ߫. ߞߵߊ߬ ߞߍ߫ ߟߊ߬ߞߊ߲߬ߘߊ߬ߟߌ ߞߘߎ߬ߜߟߍ߬ߦߊ߬ߕߊ ߘߌ߫. ߊ߬ ߣߌ߫ ߡߊ߬ߟߌ ߣߊ߲߬ߕߌ߮ ߟߎ߬ ߟߌ߬ߤߟߊ߸ ߊߓߘߎߟߊߦ ߡߊߦߌߜ߭ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߟߍ߬ߦߊ ߘߍ߲ߖߘߍߟߦߊ ߟߊ߫ ߖߡߊ߬ߣߊ ߝߌ߬ߟߊ ߢߐ߲߯ ߕߍ߫߸ ߦߌ߬ߘߊ߬ߟߌ ߘߐ߫ ߞߏ߫ ߓߊ߰ߓߊ߰ߟߌ߬ߟߊ ߟߎ߬ ߞߍ߬ߟߍ ߦߋ߫ ߓߌ߬ ߞߘߎ߬ߜߍߟߍ߲ ߡߊߘߏ߬ߣߌ߲߬ߕߊ ߟߋ߬ ߘߌ߫. ߡߍ߲ ߞߎ߲߬ߕߋߟߋ߲߫ ߦߋ߫ ߕߌ߲߬ߞߎߘߎ߲߫ ߕߍߓߊ߯ߦߊ߫ ߡߊ߬ߡߊ߬ߟߊ ߓߊ߲ߓߊ߲ߣߍ߲ ߘߌ߫. ߊ߬ ߞߵߊ߬ ߕߌ߲ߕߌ߲߫ ߡߞߊ߬ߝߏ߬ߟߌ ((ߥߎ߬ߣߊ߲߬ߞߏߙߏ߲)) ߞߍߟߌ ߞߊ߲߬. ߞߵߊ߬ ߓߍ߲߬ ߡߊ߬ߟߌ ߟߊ߬ߞߊ߲߬ߘߊ߬ߟߌ ߟߌ߬ߤߟߊ ߡߊ߬. ߏ߬ ߘߌ߫ ߟߊ߬ߥߟߌ߬ߟߌ ߞߍ߫ ߞߐߥߟߏߟߌ ߘߐ߫߸ ߏ߬ ߡߍ߲ ߦߋ߫ ߛߋ߲߬ ߠߊ߫ ߞߊ߬ߓߌ߯ ߛߊ߲߬ ߛߓߊ߬ ߞߘߐ߫ ߣߊ߲߬ߕߌ߰ ߝߊ߲ߞߊ ߛߘߊ߫ ߘߐ߫. ߦߌ߬ߘߞߊ߬ߟߌ ߣߌ߫ ߟߊ߬ߟߐ߲߬ߠߌ߲߬ߦߊ߬ߟߌ߬ߓߊ߬ߟߌ߬ߦߊ ߘߐ߫. ߊ߬ ߣߌ߫ ߝߐ߰ߓߍ߬ߦߊ߬ߟߌ ߘߐ߬ߛߏ߬ߘߏ߲߬ߜߊ߬ߟߌ ߘߏ߫ ߟߎ߫ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߓߊ߰ߓߊ߰ߟߌ߬ߟߊ߬ ߞߙߎ߫ ߛߌ߫ ߡߊ߫ ߛߋ߫ ߓߡߊ߬ߞߐ߫ ߡߎ߰ߡߍ߫. ߞߏߕߌ߯ ߝߟߐ ߞߵߊ߬ ߟߊ߫ ߥߞߊ߬ߟߌ ߦߌ߬ߘߊ߬ ߡߊ߬ߟߌ ߟߊ߫ ߝߣߊ߫߸ ߞߏ߫ ߊ߬ ߣߌ߫ ߖߌ߬ߣߍ߬ ߦߋ߫ ߕߊ߯ ߢߐ߲߮ ߝߍ߬ ߟߊ߬ߘߏ߲߬ߒ߬ߘߐ߬ߟߌ ߘߐ߫߸ ߥߙߎߞߌ ߟߐ߬ߟߌ ߣߌ߫ ߟߊ߬ߞߊ߲߬ߘߊ߬ߟߌ ߘߐߕߟߊߣߍ߲ ߕߣߐ߬ߡߊ ߖߡߊ߬ߣߊ ߝߌ߬ߟߊ ߓߟߏ߫.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߵߊ߬ ߦߌ߬ߘߊ ߞߏ߫ ߊ߬ ߡߐ߬ߟߐ߲߬ߕߌ߰ߢߐ߲߮ ߡߊ߬ߟߌ߬ߞߊ ߟߊ߫ ߣߊ߬ߟߌ ߦߋ߫ ߡߊ߬ߟߌ ߞߊ߬ߝߏ ߞߎ߲߬ߕߌ߮ ߟߊ߫ ߖߡߊ߬ߙߌ ߟߋ߬ ߘߌ߫߸ ߊ߬ ߞߵߊ߬ ߕߌ߲ߕߌ߲߫ ߓߌ߬ߟߊ߬ߢߐ߲߰ߡߊ߬ ߞߎ߲߬ߞߋ߬ߟߋ߲߬ߡߊ ߞߊ߲߬ ߡߍ߲ ߦߋ߫ ߖߌ߬ߣߍ ߣߌ߫ ߡߊ߬ߟߌ ߓߌ߬ߟߵߌ ߢߐ߲߮ ߡߊ߬.(( ߞߏ߫ ߞߏ߫ ߛߌ߫ ߓߊ߯ ߛߋ߫ ߡߊ߬ߟߌ ߡߊ߬ ߏ߬ ߘߌ߫ ߛߋ߫ ߖߌ߬ߣߍ߬ ߝߣߊ߫ ߡߊ߬ ߢߊ߬ߒ߬ߞߐ߬ߓߊ߬ߟߌ߬ߦߊ ߛߌߟߊ ߝߍ߬ ߟߋ߬ ߘߍ߯)) ߡߙߌߦߊ߫ ߏ߬ ߛߊߓߎ߫ ߟߊ߫ ߊ߬ ߞߊ߬ ߞߏߟߊߒߞߘߐߢߐ߲߯ߦߊ߫ ߢߊ߬ߒ߬ߞߐ߬ߓߊ߬ߟߌ ߘߎ߲ߡߕߊ ߦߌ߬ߘߊ߬ ߞߊ߬ ߕߍߓߊ߯ߦߊ߫ ߛߋ߲߬ߞߘߐ߬ߓߌ߲ߓߌ߲߫. ߡߍ߲ ߞߎ߲߬ߕߋߟߋ߲߫ ߞߍߕߐ߫ ߜߙߋ߬ߡߊ߬ߕߍ߰ߓߊ߮ ߟߎ߬ ߟߊ߫ ߗߍ ߕߏߣߍ߲ ߘߌ߫. ߣߊߟߌ߬ߡߎ߲߫ ߝߘߊ߬ߝߌ߲߬ߟߊ߲߬ߘߌ߬ߦߊ ߡߙߌߦߊ ߘߐߕߟߊߣߍ߲ ߘߌ߫ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߣߌ߫ ߊߛߌߡ ߞߏ߬ߦߌ߬ߕߊ ߕߍ߫

ߊߡߊߘߎ߫ ߎߙߌ߬ ߓߊ ߞߊ߬ ߖߌ߬ߣߍ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߓߊ߲ߓߊ߲ߣߍ߲ ߦߌ߬ߘߊ߬ ߝߣߊ߫ ߞߵߊ߬ ߓߍ߲߬ ߡߊ߬ߟߌ ߞߐߡߊߓߌ߲ߓߌ߲ ߡߊ߬ ߞߵߊ߬ ߓߍ߲߬ ߞߐ߰ߖߌ߬ߘߊ ߡߊߛߐ߬ߘߐ߲ ߖߊ߬ߓߌ߬ߟߌ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲ ߠߎ߬ ߡߊ߬ ߓߌ߲߬ߕߊ߰ߦߊ ߓߟߏߡߊ߬. ߊ߬ߟߎ߬ ߞߎߡߊ߫ ߘߊ߫ ߕߌ߲߬ߞߎߘߎ߲߫ ߟߊ߬ߞߊ߲߬ߘߊ߬ߟߌ ߞߘߎ߬ߜߟߍ߬ߦߊ ߞߊ߲߬. ߊߡߊߘߎ߫ ߎߙߌ߬ ߞߊ߬ ߡߊ߬ߟߌ ߞߎߟߎ߲ߖߋ߫، ߊ߬ߟߎ߬ ߞߟߊߓߎߡߦߊߟߌ ߟߊ߫ ߓߊ߰ߓߊ߰ߟߌ߬ߟߊ ߟߎ߬ ߞߍ߬ߟߍ ߘߐ߫. ߖߊ߲߬ߓߌ߬ߟߊ߬ߟߌ ߘߐ߫ ߞߏ߫ ߞߍ߬ߟߍ ߏ߬ ߦߋ߫ ߡߊ߬ߟߌ ߡߌ߬ߙߌ߲߬ߘߌ ߟߊ߬ߞߊ߲߬ߘߊ ߟߋ߬ ߘߌ߫ ߊ߬ ߣߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߕߌ߲߬ߞߎߘߎ߲ ߓߍ߯ ߟߊߞߊ߲ߘߊ. ߊ߬ ߞߊ߬ ߟߊ߬ߘߍ߲߬ߞߣߍ߬ߦߊ߬ߟߌ ߞߍ߫ ߞߏ߫ ߖߌ߬ߣߍ ߦߋ߫ ߡߙߌߣߊ߲ ߏ߬ ߞߊ߲߬، ߊ߬ ߣߴߊ߬ ߘߴߊ߬ ߞߐߡߊߓߌ߲ߓߌ߲߫ ߖߘߍ߬ߘߏ߲߬ߠߌ߲ ߣߌ߫ ߘߍ߬ߡߍ߲ ߘߐ߫ ߜߍߘߐ، ߛߌ߰ߢߐ߲߰ ߖߡߊߣߊ ߟߎ߬ ߘߍ߬ߡߍ߲ ߘߐ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߘߐ߬ߛߌ߬ߟߊ߲߬ߠߌ߲ ߘߐ߫. ߉/ ߁߂/ ߂߀߂߅/ ߂߁ ߙߋ߲ ߀߀.