Catégorie : Actualités en N’Ko

ߞߐߣߊߞߙߌ߫ ߞߊ߬ߙߌ߬ߝߐ/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߟߊߣߍ߲ ߞߎ߲߬ߠߊ߬ߛߌ߮ ߛߌ߲߬ߝߏ߲ ߛߌߦߊߡߊ߲߫ ߞߊ߲߬، ߏ߬ ߟߎ߬ ߓߍ߯ ߞߊ߬ ߕߋߟߋ߲ߓߊ߯ߦߊ ߣߌ߫ ߡߐ߰ߦߊ ߤߊߞߍ ߟߊߞߊ߲ߘߊ ߞߏߕߌ߮ ߝߊ߬ ߟߊ߫ ߛߞߎ߬ߦߊ ߢߣߊߓߊ߯ߦߊ߫ ߟߋ߬، ߏ߬ ߡߍ߲ ߛߊ߬ߣߍ߲ ߞߊ߬ߙߌ߬ߝߐ ߕߟߋ߬ ߁߉/ ߂߀߂߆ ߕߎߣߌߖ߭ߌ߫ ߖߊ߲߬ߞߊߙߏ ߘߏ߫ ߛߊߓߎ߫ ߟߊ߫.

ߞߏߟߊߕߍ߮ ߟߎ߬ ߞߊ߬ ߛߎ߭ ߟߊ߫ ߓߐߟߌ ߢߣߊߓߊ߯ߦߊ߫ ߖߌ߬ߣߍ߬ ߣߌ߫ ߛߌߣ ߘߍ߬ߢߐ߲߰ߦߊ ߟߎ߬ ߘߊ߲ߘߊߛߏ. ߊ߬ ߥߊ߫ ߘߊ߫ ߡߊߟߐ߬ ߤߊ߲߯ ߞߐ߰ߦߊ߬. ߞߏߕߌ߯ ߝߟߐ ߞߊ߬ ߝߏ߬ߟߌ ߞߍ߫ ߞߊ߲ߓߍ߲ ߞߊ߲ߕߌ߮ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫، ߊ߬ ߣߌ߫ ߞߎ߲߬ߠߊ߬ߛߌ߮ ߡߎ߰ߡߍ ߕߐ߯ ߘߐ߫. ߞߊ߬ ߛߦߊ߬ߝߏ߬ߟߌ ߟߐ߬ ߕߋߟߋ߲ߓߊ߯ߦߊ ߞߏߕߌ߮ ߡߊ߬ ߞߵߊ߬ߟߎ߬ ߟߊ߫ ߛߎ߬ߣߎ߲ ߦߌ߬ߘߊ߬.

ߢߣߊߓߊ߯ߦߊߟߌ ߏ߬ ߘߐ߫ ߞߏߕߌ߯ ߝߟߐ ߣߌ߫ ߞߎ߲߬ߠߊ߬߫ߛߌ߮ ߛߌ߲߬ߝߏ߲ ߠߎ߬ ߞߵߊ߬ߟߎ߬ ߟߊ߫ ߢߐ߲߯ߘߍߡߍ߲ ߦߌ߬ߘߊ߬. ߊ߬ ߣߴߊ߬ߟߎ߬ ߟߊ߫ ߛߎ߬ߣߎ߲ ߞߐߙߍ߫ ߢߊߖߌߞߎߘߎ߲ߕߐ ߟߎ߬ ߟߊ߫. ߊ߬ ߣߴߊ߬ߟߎ߬ ߞߵߊ߬ߟߎ߬ ߟߊ߫ ߘߎߓߊ߫ ߟߊߓߊ߲ ߞߍ߫ ߝߙߋ߬ߣߍ߲ ߢߍ߫.

ߞߐߣߊߞߙߌ߫ ߘߓߊ߬ߓߌߟߊ ߕߟߋ߬ ߁߁/ ߂߀߂߆

ߣߐ߬ߡߊ߬ߢߌ߲߬ߦߊ ߞߎ߲߬ߠߊ߬ߛߌ߰ߦߊ߬ߟߌ߫ ߞߍߥߊߟߌ ߟߎ߬ ߜߋ߬ߟߎ߲ ߛߌߟߊ ߝߍ߬، ߞߵߊ߬ ߓߍ߲߬ ߖߊ߬ߕߋ߬ߛߎ߰ߓߐ ߓߟߏߘߐߓߍ߲ ߠߎ߬ ߡߊ߬، ߞߏߕߌ߯ߘߊ߫ ߓߏߟߏ߲ߝߘߊ߫ ߘߋ߬ߙߌ߬ߘߊ ߓߘߊ߫ ߟߊ߬ߤߘߌ ߕߊ߬ ߂߀߂߆ ߕߎߟߊߝߌ߲߫ ߣߊ߬ߕߐ ߣߌ߲߬ ߠߊ߫، ߞߏߕߌ߯ߝߟߐߘߊ ߓߘߊ߫ ߞߊߙߏ߫ ߃ ߞߐߝߟߌ ߜߋߟߎ߲߫ ߞߍߒߖߘߍߡߊߟߊ߲ ߠߎ߬ ߟߊߘߊ߲߫ ߞߏߕߌ߯ߘߊ ߢߍ߫.

ߓߊ߯ߙߊ߫ ߟߏ߲߫ ߝߌߟߊߣߊ߲ ߢߌ߲߬ ߘߐ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߖߍ߬ߘߍ ߢߊ ߓߐ߫ ߘߊ߫ ߟߋ߬ ߜߍ ߘߐ߫ ߓߊ߯ߙߊ ߥߊ߯ߕߌ، ߢߣߊߓߊ߯ߦߊߟߌ ߏ߬ ߦߋ߫ ߓߊ߯ߙߊ ߣߌ߲߬ ߢߊ߬ߕߣߐ ߟߋ߬ ߦߌ߬ߘߊ߬ ߟߊ߫ ߞߎ߲߬ߠߊ߬ߛߌ߮ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߕߊ߬ߣߍ߲ ߘߐ߫. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߎ߲߬ߕߋ߬ߟߋ߲߬ߦߊ߬ߟߊ߲ ߠߎ߬ ߖߙߎߡߎ߲ߦߊ߫، ߛߊ߫ ߞߊ߬ ߛߋߞߏߦߊ ߟߎ߬ ߡߞߊ߬ߝߏ߬، ߓߊ߯ߙߊ߫ ߘߊߓߐߣߍ߲ ߠߎ߬ ߞߊߡߊ߲ ߘߐ߫، ߊ߬ ߣߌ߫ ߞߊ߬ ߞߍߞߏߢߌߡߊ ߛߌߟߊ ߟߊߞߊ߬ ߞߏߕߌ߯ߘߊ߫ ߡߐ߰ ߕߊ߬ߣߍ߲ ߠߎ߬ ߢߍ߫ ߢߌߣߌ߲ߞߏ ߟߎ߬ ߓߐߒߢߟߊ ߛߌߟߊ ߝߍ߬.

ߏ߬ ߦߋ߫ ߖߊ߬ߕߋ߬ߛߎ߰ߓߐ ߞߍߒߖߘߍߡߊ ߟߋ߬ ߘߌ߫، ߏ߬ ߘߐ߫ ߘߊߞߎ߲ ߓߘߊ߫ ߛߋ߫ ߓߏߟߏ߲ߝߘߊ ߟߎ߬ ߡߊ߬ ߞߊ߬ ߞߐߝߟߌ߫ ߟߎ߬ ߦߌ߬ߘߵߊ߲ ߠߊ߫. ߊ߬ ߣߵߏ߬ ߛߌ߬ߣߊ߬ ߟߊߞߙߐ߬ߛߌ߬ߣߍ߲ ߠߎ߬ ߊ߬ߟߎ߬ ߟߊ߫ ߗߋߦߊߟߌ߫ ߓߊ߯ߙߊ ߟߎ߬ ߘߐ߫.

ߟߊ߬ߘߍ ߟߏ߲߫ ߝߌߟߊߣߊ߲ ߢߌ߲߬ ߞߊ߬ ߟߊ߬ߘߍ߬ߟߌ ߞߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߖߊ߬ߓߌ߬ߦߊ߬ߟߌ ߛߌߟߊ ߟߎ߬ ߡߊ߬ ߬ߠߌ߲ ߖߊ߬ߓߌ߬ߦߊ߬ߟߌ ߛߌߟߊ ߟߎ߬ ߡߊ߬، ߫ߟߌ ߞߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߲ ߠߊߟߣߊ߲߬ߝߟߏ߬ߦߊ ߣߌ߫ ߣߊ߲߬ߝߟߏ߬ߦߊ߬ߟߌ ߣߌ߫ ߥߙߎߞߌ ߘߐ߫، ߞߣߊ߬ߕߏ߫ ߛߋ߫ ߟߊ߫ ߡߊ߬ߘߎ߮ ߓߏߟߏ߲ߝߘߊ ߡߊ߬.

ߘߡߊߝߊߟߋ߲ ߞߐߝߟߌ ߡߍ߲ ߦߌ߬ߘߊ߬ ߘߊ߫ ߘߐ߬ߛߙߋ ߘߐ߫ ߞߵߊ߬ ߓߍ߲߬ ߖߊ߬ߕߋ߬ߛߎ߰ߓߐ ߞߍߒߖߘߎߡߊ ߡߊ߬، ߝߏ߫ ߞߊ߬ ߓߍ߯ ߣߐ߬ ߜߍ ߟߋ߬ ߦߋ߫. ߞߊ߬ ߓߊ߬ߘߏ߬ߢߐ߲߰ߦߊ ߞߍ߫ ߓߊ߯ߙߟߊ ߝߍ߬ ߟߊ߬ߜߍ߬ߟߌ ߛߌߟߊ ߝߍ߬ ߞߵߊ߬ ߟߐ߬ ߕߊ߲߬ߘߏ߬ߟߌ ߓߐߒߢߟߊߣߍ߲ ߠߎ߬ ߡߊ߬ ߜߍ ߘߐ߫.

ߏ߬ ߡߎ߰ߡߍ ߦߋ߫ ߓߏߟߏ߲ߝߘߊ߫ ߅ ߟߋ߬ ߘߌ߫، ߊ߬ߟߎ߬ ߦߴߊ߬ߟߎ߬ ߟߊ߫ ߞߐߝߟߌ ߟߎ߬ ߦߌ߬ߘߊ߬ ߖߊ߬ߕߋ߬ߛߎ߰ߓߐ ߜߘߍ ߟߎ߬ ߘߊߞߎ߲ ߘߐ߫: ߖߎ߬ߟߊ߬ߦߊ ߣߌ߫ ߘߍ߲߰ߦߊ߬ߟߌ ߞߏߕߌ߮، ߞߐߞߊ߲ߞߏ ߟߎ߬ ߣߌ߫ ߝߘߊ߬ߝߌ߲߬ߠߊ߫ ߟߊ߫ ߞߍߞߋߟߋ߲ߘߌ ߣߌ߫ ߖߌ߬ߣߍ߬ ߕߎ߲ߞߙߊߒߞߋ ߟߎ߬ ߟߊ߫ ߞߏߕߌ߮، ߘߊ߬ߡߊ߲ ߣߌ߫ ߘߎ߰ߘߐ߬ߛߓߍ ߞߏߕߌ߮، ߖߎ߬ߓߐ ߟߎ߬ ߞߏߕߌ߮ ߞߵߏ߬ ߓߍ߯ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߕߌ߮ ߕߊ ߞߊ߲߬، ߝߛߎߞߎߦߊߟߌ ߣߌ߫ ߣߊ߲߬ߝߟߏ߬ߦߊ߬ߟߌ ߞߏߕߌ߮.

ߦߌ߬ߘߊ߬ߟߌ ߓߍ߯ ߞߐߝߍ߬، ߞߎߓߋߘߐ ߗߋߕߌ߮ ߞߏߕߌ߮ ߞߊ߬ ߡߊ߬ߞߟߌ߬ߟߌ ߞߍ߫ ߖߊ߬ߓߌ߬ߦߊ߬ߟߌ ߡߊ߬، ߡߊ߬ߘߎ߮ ߞߏߕߌ߮ ߣߌ߫ ߓߏߟߏ߲ߝߘߊ ߟߎ߬ ߖߊ߬ߓߌ߬ߦߊ߬ߟߊ ߟߎ߬، ߞߊ߬ ߜߟߍ߬ߦߊ ߟߎ߬ ߛߊ߬ߡߊ߲߬ߛߋ߲ ߠߕߊ߬ߡߌ߲߬ ߞߊ߬ ߞߎ߲߬ߦߌ߬ߘߊ߬ߟߌ ߟߊߛߐ߬ߘߐ߲߬ ߊ߬ ߞߊ߬ ߡߍ߲ ߞߟߊ߬ߣߐ߰ߦߊ߬. ߞߊ߬ ߞߟߊߓߎߡߦߊߟߌ ߞߍ߫، ߞߊ߬ ߞߐߡߊߓߌ߲ߓߌ߲ߠߌ߲ ߞߍ߫، ߛߊ߫ ߡߊ߬ߜߟߍ߬ߦߊ߬ߣߍ߲ ߠߎ߬ ߘߌ߫ ߛߋ߫ ߓߐ߫ ߟߊ߫ ߢߊ߫ ߟߊ߫߸ ߛߊ߫ ߞߊ߬ ߞߐߝߟߌ߫ ߛߐ߬ߘߐ߲߬ߣߍ߲ ߠߎ߬ ߓߟߏߦߊ߫   ߝߘߏ߬ߓߊ߬ ߛߋߞߏߦߊ ߟߎ߬ ߟߊߘߐ߬ߘߐ߲ ߘߊߞߎ߲ ߘߐ߫.

ߞߐߣߊߞߙߌ߫ ߘߓߊ߬ߓߌߟߊ ߕߟߋ߬ ߁߀/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߓߊ߯ߙߊ ߣߌ߫ ߖߙߎߡߎ߲ߦߟߍߡߊ߲ ߛߓߍߘߐ ߞߣߐߞߏ ߟߎ߬ ߖߊ߬ߕߋ߬ߘߐ߬ߛߌ߮ ߦߌ߬ߘߊ߬ߟߌ ߢߣߊߓߊ߯ߦߊ߫ ߓߊ߯ߙߊ ߣߌ߫ ߘߍ߬ߞߏ߬ߦߊ ߟߊ߬ߞߊ߲߬ߘߊ߬ߟߌ ߞߏߕߌ߮

ߞߎ߲߬ߦߌ߬ߘߊ߬ߟߌ ߣߌ߲߬ ߦߋ߫ ߥߐ߬ߣߍ߬ ߓߘߍ ߟߋ߬ ߘߌ߫ ߞߎ߲߬ߠߊ߬ߛߌ߰ߟߌ ߓߊ߯ߙߊ ߛߌߟߊ ߝߍ߬، ߞߊ߬ ߓߊ߯ߙߊ ߛߣߐ߬ߡߍ ߟߊ߫ ߊ߬ ߣߌ߫ ߘߍ߬ߞߏ߬ߦߊ ߟߊ߬ߞߊ߲߬ߘߊ߬ߟߌ ߊ߬ ߣߌ߫ ߖߌ߬ߣߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߖߛߎ߬ߞߎ߲ ߢߡߊߦߟߍߡߊ߲߫. ߓߊ߯ߙߊ ߣߌ߫ ߘߍ߬ߞߏ߬ߦߊ ߟߊ߬ߞߊ߲߬ߘߊ߬ߟߌ ߞߏߕߌ߮ ߡߏߙߌ߬ ߞߐ߲ߘߍ߫ ߞߵߊ߬ ߦߌ߬ߘߵߊ߬ ߟߊ߫ ߓߋߟߋ߲ߠߊ ߘߐ߫، ߊ߬ ߞߊ߬ ߟߊ߬ߟߐ߲߬ߠߌ߲ߦߊ߬ߟߌ ߞߊ߲ߞߋߦߊ ߝߊ߲߬ߞߊ߬ߘߏ߲߬ߠߌ߲ ߞߍ߫ ߓߊ߯ߙߊ߫ ߢߌߣߌ߲ ߘߊߞߎ߲ ߘߐ߫، ߛߊ߫ ߞߊ߬ ߝߘߏ߬ߓߊ߬ ߓߊ߯ߙߊ ߟߎ߬ ߛߎߡߊ߲߫ ߖߐ߲ߖߐ߲߫ ߝߘߏ߬ߓߊ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߣߌ߫ ߘߎ߲߬ߘߎ߲߬ߡߊ߬ ߣߊ߲߬ߝߟߏ߬ߘߏ߲߬ߕߊ ߟߎ߬ ߞߊ߲ߡߊ߬.

ߊ߬ ߞߊ߬ ߕߌ߲ߕߌ߲߫ ߟߊ߬ߞߐ߰ߟߌ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߌ߬ߟߊ߬ߢߐ߲߰ߡߊ ߞߏ ߞߊ߲߬߸ ߞߊߕߙߍ߬ߕߍ߫ ߘߊ߬ߡߊ߲߬ߞߏ ߣߌ߫ ߛߍ߬ߣߍ ߡߊ߬ߘߎ߮ ߡߊ߬، ߊ߬ ߣߌ߫ ߜߟߐߡߌ߲ߦߊ ߣߌ߫ ߘߍ߲߰ߦߊ߬ߟߌ ߡߊ߬ߘߎ߮ ߘߐ߫، ߢߎߡߍߙߋ߲ߦߊ ߣߌ߫ ߡߊ߬ߘߏ߬ߘߏ߬ߣߌ߲߬ߠߌ߲، ߊ߬ ߞߎߡߊ߫ ߘߊ߫ ߕߌ߲߬ߞߎߘߎ߲߫ ߓߊ߯ߙߊ߫ ߓߏ߲ ߠߎ߬ ߣߌ߫ ߟߐ߬ߟߌ ߥߊߟߌߝߦߊ ߟߊ߫ ߢߍߕߊ߮ ߞߊ߲߬.ߊ߬ ߓߍߣߊ߬ ߊ߬ ߕߊ ߡߊ߬ߝߊ߲ ߞߍ߫ ߘߋ߲ߡߌߛߍ߲ ߠߎ߬ ߡߊߘߏ߲߬ ߘߐ߫ ߥߊߟߌߘߊ ߟߎ߬ ߟߊ߫، ߊ߬ ߣߌ߫ ߞߊ߬ ߘߎ߲߬ߘߎ߲߬ߡߊ߬ ߓߊ߯ߙߊ ߟߎ߬ ߓߟߏߦߊߟߌ ߟߊߣߐ߰ߦߊ߬.

ߊ߬ ߞߊ߬ ߛߌߟߊ߫ ߢߊ߬ߕߣߐ߬ߡߊ ߜߘߍ߫ ߦߌ߬ߘߊ߬߸ ߢߍߕߊ߮ ߟߊ߬ߞߐ߰ߟߌ ߓߘߍ ߞߍ߫ ߊ߬ ߞߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߫ ߖߦߎߡߎ߲ߒߕߊ߲ ߞߊ߲߬ ߥߊߟߌߝߊ ߟߊ߫ ߛߌ߰ߞߊ߲ ߕߊ߯ߓߟߏߡߊ߬، ߊ߬ ߞߵߊ߬ ߦߌ߬ߘߊ߬ ߞߏ߫ ߢߌߣߌ߲ߞߏ߫ ߦߋ߫ ߣߊ߲߬ߝߟߏ߬ߦߊ ߟߋ߬ ߘߌ߫߸ ߟߐ߯ߝߍ ߣߌ߫ ߘߍ߬ߡߍ߲߬ߠߌ߲ ߠߎ߬ ߘߐ߫، ߞߵߊ߬ ߓߍ߲߬ ߘߍ߬ߞߏ߬ߦߊ ߟߊߞߊ߲ߘߊߟߌ ߕߊ߯ߛߌߟߊ ߡߊ߬.

ߞߏߕߌ߯ ߝߟߐ߫ ߞߵߊ߬ ߡߊߜߟߍ߬ߦߊ߫ ߞߏ߫ ߞߎ߲߬ߠߊ߬ߛߌ߰ߟߊ߬ߞߊ ߟߎ߬ ߟߊ߫ ߞߏ߫ ߟߎ߬ ߟߊߓߊ߲ ߦߋ߫ ߡߌ߬ߙߌ߲߬ߘߌ ߞߏ߫ ߞߍߢߊ ߟߊߢߊ߭ ߟߋ߬ ߘߌ߫، ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߢߍߛߎߡߊ ߟߊߘߊ߲߫ ߠߋ߬ ߣߊ߬ ߟߊ߫ ߓߣߊ߬ߦߊ ߘߌ߫߸ ߊ߬ ߣߌ߫ ߞߢߊߟߌ߫ ߘߐ߬ߕߟߊ߬ߟߌ.

ߟߊ߬ߞߙߐ߬ߛߌ߬ߟߌ ߣߌ߲߬ ߘߐ߫،ߊ߬ ߞߊ߬ ߡߊ߬ߞߟߌ߬ߟߌ ߞߍ߫ ߟߊ߬ߥߟߏ߬ߟߌ ߡߊ߬ߘߎ߮ ߡߊ߬، ߞߊߕߙߍ߬ߕߍ߫ ߛߍ߬ߣߍ ߣߌ߫ ߞߟߏߝߋ߲ߦߊ ߣߌ߫ ߡߐ߲ߠߌ߲ ߡߊ߬ߘߎ߮ ߡߊ߬، ߏ߬ ߟߎ߬ ߡߍ߲ ߠߎ߬ ߦߋ߫ ߓߊ߯ߙߊ߫ ߟߊߥߟߏ߫ ߟߐ߬ߛߋ߲ ߠߎ߬ ߘߌ߫، ߓߊ߯ߙߊ ߘߊߟߞߊ ߦߋ߫ ߖߊ߯ߓߊߕߐ߯ߦߊ ߡߊߘߐ߯ߦߊ ߟߋ߬ ߘߌ߫ ߞߊ߬ ߓߟߏߞߏߟߏ߲ߧߊ ߓߊ߲߫،(( ߒ ߧߋ߫ ߘߍ߬ߞߏ߬ߦߊ ߣߝߊ߬ߢߐ߲߰ ߠߎ߬ ߡߊߞߟߌ߫ ߟߊ߫ ߘߊߘߐߖߊߥߏ ߡߊ߬ ߊ߬ ߣߌ߫ ߟߐ߬ߞߏ߬ ߞߎߘߊ ߡߊ߬، ߏ߬ ߡߍ߲ ߞߎ߲߭ ߦߋ߫ ߖߐ ߟߊ߫ ߛߓߊ߬ߕߌ ߘߌ߫، ߣߊ߲߬ߝߟߏ߬ߘߏ߲߬ߘߊ߬ߟߊ ߣߌ߫ ߥߙߎߞߌ߫ ߘߎ߲ߡߊߣߍ߲ ߡߊ߬.

ߢߐ߲߯ߦߋ߫ ߣߌ߲߬ ߞߊ߬ ߞߎ߲߬ߠߊ߬ߛߌ߮ ߛߌ߲߬ߝߏ߲ ߛߌߦߊߡߊ߲߫ ߠߋ߬ ߟߊߘߍ߬، ߊ߬ ߣߌ߫ ߡߊ߲߬ߕߏ߲ ߠߊߘߍ߬ߣߍ߲ ߘߏ߲߬ߖߟߎ߬ߡߊ߬ߟߌ ߞߊ߲ߞߋ ߖߌ߬ߣߍ߬ ߞߣߐ߫، ߘߍ߬ߞߏ߬ߦߊ ߣߝߊ߬ߢߐ߲߮ ߠߎ߬، ߊ߬ ߣߌ߫ ߗߋߝߊ߯ߦߊ ߞߐߦߌߘߊߓߊ߮ ߟߎ߬.

ߞߐߣߊߞߙߌ߫ ߞߊ߬ߙߌ߬ߝߐ ߕߟߋ߬߁߇/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ،

ߞߵߊ߬ ߕߊ ߡߊ߬ߝߊ߲ ߞߍ߫ ߞߊ߲ߓߍ߲ߠߞߊߦߊ ߟߊߢߌߣߌ߲߫ ߛߊ߬ߙߌ߬ߦߊ߬ߦߊ ߝߟߐߡߊ ߟߊ߫ ߟߊ߬ߛߌ߰ߟߌ ߘߐ߫.

ߏ ߡߍ߲ ߞߍߣߍ߲߫ ߡߌ߬ߙߌ߲߬ߘߌ ߟߊ߫ ߞߎߓߋ ߢߐ߲߯ߦߋ߫ ߝߏ߯ߓߊ ߞߣߐ߫. ߢߐ߲߯ߦߋ߫ ߓߟߋߓߟߋ ߣߌ߲߬ ߞߣߍ ߞߊ߲߬߸ ߊ߬ ߟߊ߫ ߝߟߐ߫ ߘߊ߫ ߖߌ߬ߣߍ߬ ߞߎ߲߬ ߘߐ߲ߞߟߌ ߟߋ߬ ߟߊ߫. ߊ߬ ߣߌ߫ ߘߎߓߊ߫ ߞߙߍߞߙߍߣߍ߲ ߜߊ߲߰ߛߊ߲߫ ߘߌ߯ߣߊ߫ ߡߙߊ߬ߦߊ ߟߎ߬ ߓߟߏ߫. ߊ߬ ߞߍ߫ ߘߊ߫ ߞߊ߲ߓߍ߲߫ ߡߙߊ߬ߦߊ ߛߊ߲ߘߐ ߟߎ߬ ߓߍ߯ ߢߣߊ߫.  ߛߌ߲߬ߝߏ߲߬ߘߊ ߟߎ߬ ߞߊ߲ߕߌ߮ ߟߎ߬ ߢߣߊ߫. ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߢߣߊ߫، ߝߊ߬ߛߏ߬ߜߙߊ ߞߊ߲ߕߌ߮ ߞߘߐ ߢߣߊ߫. ߣߊ߲߬ߕߌ߰ ߖߟߊ߬ߓߊ߬ߕߌ߮ ߛߌߦߊߡߊ߲߫ ߢߣߊ߫. ߡߊ߬ߡߙߊ߬ߟߌ ߡߙߊ߬ߦߊ߫ ߛߌߦߊߡߊ߲߫ ߝߣߊ߫ ߢߣߊ߫. ߊ߬ ߣߌ߫ ߞߏߕߌ߯ ߝߟߐ ߞߘߐ߫ ߛߌߦߊߡߊ߲߫ ߝߣߊ߫ ߢߣߊ߫. ߞߎߡߊ߫ ߟߊߛߎߘߎ߲ߧߊ߫ ߘߐ߫، ߞߊ߲ߓߍ߲ ߞߊ߲ߕߌ߯ߘߊ ߞߏߟߊߕߍ߮ ߡߍ߲ ߠߎ߬ ߟߊߢߎ߲߯ߣߍ߲ ߛߌ߲߬ߝߏ߲߬ߘߊ ߟߎ߬ ߟߊ߫ ߞߏ ߟߊ߫. ߞߏ߲߬ߓߏ ߊ߲ߕߏߥߊ߲ߣ ߊ߲ߕߎߥߊ߫ ߛߏߝ߭ߏߖߌ߫ ߞߵߊ߬ ߡߊߜߟߍ߬ߦߊ߫. ߞߏ߫ ߘߊߦߟߍߟߌ ߣߌ߲߬ ߦߋ߫ ߛߋ߲߬ߕߊ߰ ߢߣߊߡߊ ߟߋ߬ ߘߌ߫. ߞߵߊ߬ ߓߍ߲߬ ߛߊ߬ߦߌ߬ ߡߊ߬ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫. ߊ߬ ߞߊ߬ ߥߛߊ߬ߘߋ߲ ߠߎ߬ ߡߊߞߟߌ߫ ߟߊ߲ߒߘߦߊ ߓߊ߲ߓߊ߲߫ ߡߊ߬ ߛߌ߲߬ߝߏ߲߬ߘߊ ߟߎ߬ ߣߌ߫ ߢߐ߲߯ ߕߍ߫ ߞߊ߬ ߟߐ߲ߠߌ߲ߦߊ߫ ߘߊߝߙߊߢߐ߲߯ߦߊ ߟߊߛߓߊ߬ߕߌ߫ ߛߌ߲߬ߝߏ߲߬ߘߊ ߟߎ߬ ߣߌ߫ ߢߐ߲߯ ߕߍ߫. ߞߊ߬ ߘߊߘߐߝߙߊߢߐ߲߯ߦߊ ߟߐ߲ߠߌ߲ߦߊ ߛߌ߲߲ߛߌ߲߫. ߞߊ߬ ߛߊ߬ߙߌ߬ߦߊ߫ ߟߎ߬ ߟߊߘߊ߲߫ ߡߍ߲ ߓߍ߲߬ߣߍ߲߫ ߘߎ߰ߘߋ߲ ߛߌ߰ߝߊߘߌ ߡߊ߬. ߥߛߊ߬ߘߋ߲ ߠߊߛߌ߮ ߟߊ߬ߘߍ ߞߊ߲ߕߌ߮ ߞߕߌߖߌ߲߫ ߛߊ߲ߘߐߕߊ ߞߊ߲ߕߌ߯ ߝߟߐ ߝߏߘߋ߫ ߓߊ߲߬ߜ߭ߎߙߊ߬، ߞߊ߬ ߛߌ߲߬ߝߏ߲߬ߘߊ ߣߌ߲߬ ߠߊ߫ ߘߐ߬ߝߐ ߢߊߝߐ߫ ߞߏߛߓߍ߫. ߞߵߊ߬ ߓߍ߲߬ ߞߊ߬ߝߏ ߛߊ߬ߙߌ߬ߦߊ߬ߡߊ ߞߏ ߛߌߟߊ ߡߊ߬. ߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ߝߏ ߛߊ߬ߙߌ߬ߦߊ߬ߡߊ ߓߟߏߘߏ߲ߢߐ߲߰ߓߟߏ ߕߐ߰ߡߊ߬ߛߙߋ ߟߴߊ߬ ߘߌ߫. ߝߊ߲߬ߞߊ ߟߎ߬ ߘߐ߬ߕߟߊ߬ߟߌ ߘߐ߫، ߊ߬ ߣߌ߫ ߖߊ߬ߡߊ ߟߊ߫ ߝߘߏ߬ߓߊ߫ ߖߘߍ߬ߕߌ߰ߦߊ ߟߊߞߊ߲ߘߊ. ߞߵߊ߬ ߓߍ߲߬ ߝߊ߬ߛߏ߬ߜߙߊ ߞߣߐߟߊ߫ ߛߊ߬ߙߌ߬ߛߋ߲ ߃߆ ߡߊ߬. ߟߊ߬ߘߍ ߢߍߡߌ߬ߘߊ߬ ߘߊ߫ ߛߌ߬ߞߛߊߓߌ ߞߌ߬ߣߊ ߟߋ߬ ߓߟߏ߫߸ ߡߊ߬ߓߏ߬ߢߊ߬ߕߊ ߌߓߎߙߊߡߊ߬ ߊߓߋ߬ ߛߌ߬ߟߊ߫ ߡߊߘߍ߬ߡߍ߲߬ ߘߊ߫ ߘߋ߲ߡߌߛߍ߲߫ ߥߛߊ߬ߘߋ߲߫ ߝߌ߬ߟߊ߬ ߟߋ߬ ߓߟߏ߫، ߤߊߖߊ߬ ߌߘߙߌߛߊ߬ ߓߊ ߣߌ߫ ߤߊߖߊ߬ ߡߍߦߌߡߎߣߊ߬ ߓߊߙߌ߬. ߞߵߊ߬ ߓߍ߲߬ ߓߊ߯ߙߊ ߣߌ߲߬ ߡߊ߬. ߡߊ߬ߓߏ߬ߢߊ߬ߕߊ߫ ߞߏ߲߬ߓߏ ߘߊ߲߲ߛߊ߬ ߞߙߏ߬ߡߊ߫ ߟߋ߬ ߞߋߟߋ߲߫ ߔߋ߫ ߓߐ߫ ߘߊ߫ ߡߊ߬ߡߌ߬ߘߊ߬ߟߌ ߞߐ߫، ߊ߬ߟߋ ߟߋ߬ ߘߏ߲߬ ߛߎߥߊ߲ߘߌ߫ ߘߊ߫ ߞߊ߲ߧߊ߫ ߁߂߉ ߟߊ߫ ߥߛߊ߬ߘߋ߲߫ ߁߄߇ ߘߐ߫. ߡߍ߲߲ ߠߎ߬ ߞߊ߬ ߞߊ߲ߓߍ߲߫ ߛߊ߬ߙߌ߬ߦߊ߬ߟߌ ߞߣߐ߬ߜߍ߲߫ ߛߊ߲߬ ߅ ߞߎ߲߬ߕߊ߰ ߞߘߐ߫. ߞߊ߬ ߛߌߟߊ߫ ߟߊߞߊ߬ ߛߌ߲߬ߝߏ߲߬ߘߊ ߟߎ߬ ߟߊ߫ ߓߍߓߊ߯ߦߊ ߢߍ߫ ߖߌ߬ߣߍ߬ ߞߣߐ߫.

ߞߐߣߊߞߙߌ߫ ߞߊ߬ߙߌ߬ߝߐ߫ ߕߋ߬ߟߋ߫ ߂߈/ ߂߀߂߆

ߊ߬ ߟߊ߫ ߕߐ߯ ߞߎߘߦߊ ߞߐߝߍ߬ ߞߎ߲߬ߠߊ߬ߛߌ߮ ߞߎ߲߬ߕߌ߰ߦߊ ߟߊ߫، ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߞߎߟߎ߲ߖߋߟߌ߫ ߛߌߦߊߡߊ߲߫ ߛߐ߬ߘߐ߲߬߸ ߊ߬ ߟߊ߫ ߞߎߓߋߘߐ ߛߌ߲߬ߝߏ߲ ߠߎ߬ ߞߊ߲߬ ߞߵߏ߬ ߟߊ߫ ߞߏߕߌ߯ߝߟߐߘߊ ߗߋߢߊ߫ ߞߎ߲߬ߕߌ߮ ߟߎ߬ ߞߊ߲߬.

ߊ߬ߟߎ߬ ߞߵߊ߬ߟߎ߬ ߟߊߘߍ߬ ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߞߵߊ߬ߟߎ߬ ߟߊ߫ ߥߊ߬ߛߊ ߣߌ߫ ߟߊ߲ߒߘߦߊ ߦߌ߬ߘߊ߬ ߡߍ߲ ߠߊ߫ ߞߎߘߦߊߣߍ߲߫. ߊ߬ߟߎ߬ ߞߵߊ߬ ߝߏ߬ ߥߣߊ߬ߦߊ ߟߊ߫߸ ߊ߬ ߟߊ߫ ߞߊ߬ߝߏ ߞߎ߲߬ߕߋߟߋ߲ ߠߊߓߊ߬ߕߏ ߟߊ߫. ߊ߬ ߟߊ߫ ߖߘߍ߬ߘߏ߲߬ߒ߬ߞߊ߲ߡߊ ߘߎ߲ߡߊߣߍ߲ ߘߐ߫، ߞߊ߬ ߘߎߓߊ߫ ߊ߬ ߦߋ߫ ߞߎ߲߬ߠߊ߬ߛߌ߰ ߟߊߛߌ߲߯ ߞߏߢߌߡߊ ߣߐ߰ߦߊ ߟߴߊ߬ ߡߊ߬߸ ߞߎߡߊ ߖߊ߬ߓߌ ߘߐ߫ ߞߏߕߌ߯ ߝߟߐ ߞߊ߬ ߞߏߟߊߘߍߢߐ߲߯ ߓߍ߯ ߞߎߟߎ߲ߖߋ߫ ߝߘߏ߬ߓߊ߬ ߓߟߏߡߊ߬߸ ߊ߬ߟߎ߬ ߟߊ߫ ߟߊ߲ߒߘߦߊ ߣߴߊ߬ߟߎ߬ ߟߊ߫ ߘߊ߲ߞߎ߲ߠߌ߲ ߠߊ߫. ߊ߬ ߞߵߊ߬ߟߎ߬ ߞߟߊߓߎߡߦߊ߫ ߡߙߌߣߊ߲߫ ߞߋߟߋ߲߫ ߏ߬ ߟߎ߬ ߓߟߏߟߊߕߎ߲߱ ߠߊ߫. ߢߐ߲߯ ߘߍߡߍ߲ ߣߌ߫ ߦߟߌߛߌ߮ ߊ߬ ߣߌ߫ ߝߊ߲߬ߞߊ߬ߘߏ߲߬ߠߌ߲ ߘߊߝߟߐߣߍ߲ ߸ ߊ߬ ߣߌ߫ ߞߊ߬ ߞߍߥߊߟߌ߫ ߟߎ߬ ߞߎ߲߬ߞߍ߲ߘߍߦߊ ߝߊ߲߬ߞߊߘߏ߲߬ ߓߘߍߞߍ߭. ߊ߬ ߣߌ߫ ߗߋߢߊ ߓߟߏߦߊ߫ ߘߎ߰ߘߋ߲ ߠߎ߬ ߟߊ߫ ߣߊ߬ߝߊ ߛߌߟߊ ߟߊ߫ ߛߓߊ߬ߕߌ ߟߊ߫.

ߞߐߣߊߞߙߌ߫ ߞߊ߬ߙߌ߬ߝߐ ߕߋ߬ߟߋ߫ ߂߂/ ߂߀߂߆

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߣߌ߲ߓߊߔߍߦ ߘߊߡߌߣߊߟߌ߫ ߝߘߏ߬ߓߊ߫ ߞߎ߲߬ߠߊ߬ߛߌ߰ߟߌ ߞߍ߫. ߏ߬ ߦߋ߫ ߛߙߊ߬ߟߌ ߞߊ߲ߞߋߦߊ߫ ߝߊ߬ߛߏ߬ߟߊ߬ߞߊ ߞߎ߲߬ߕߊ߰ߟߊ߬ߞߊ ߢߐ߲߰ ߛߐ߬ߘߐ߲߬ ߜߏߡߊ߲ ߠߋ߬ ߘߌ߫ ߖߌ߬ߣߍ߬ ߞߊ߲ߓߍ߲ ߞߣߐ߫.

ߖߊ߲߬ߖߏ߲ ߞߍ߫ ߘߊ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߣߌ߫ ߞߊ߲ߓߍ߲ ߞߊ߲ߕߌ߮ ߟߊ߫ ߞߏߟߊߕߍ߮ ߟߎ߬ ߢߣߊ߫. ߞߊ߬ ߖߌ߬ߣߍ߬ ߜߍߓߏ߲ ߕߊ߲ߓߊ߲ ߖߊ߬ߓߌ߬ߦߊ߬ߟߊ ߟߎ߬ ߟߊߘߍ߬، ߘߎ߲߬ߘߎ߲߬ߡߊ߬ ߘߍߞߙߎ ߓߟߏߡߊߞߊ߬ߣߍ߲ ߠߎ߬ ߘߌ߫، ߜߍߓߏ߲ ߠߎ߬، ߢߎߡߍߙߋ߲ߦߊߟߌ߫ ߖߎ߬ߓߐ ߟߎ߬، ߜߍߓߏ߲ߟߋ߲ ߠߎ߬ ߣߌ߫ ߛߌ߲߬ߝߏ߲߬ߘߊ ߟߎ߬ ߞߵߏ߬ ߟߊ߫ ߛߋ߲ߞߏߟߦߊ߫ ߣߝߊ߬ߢߐ߲߮ ߠߎ߬ ߣߌ߫ ߣߊ߲߬ߝߟߏ߬ߦߊ߬ߟߊ ߟߎ߬ ߞߊ߲߬،

ߞߏ ߣߌ߲߬ ߦߋ߫ ߜߍߓߏ߲ ߕߊ߲ߓߊ߲ ߠߊ߫ ߢߌߣߌ߲ߞߏ ߥߟߏߒߘߐ ߟߎ߬ ߟߋ߬ ߘߌ߫، ߏ߬ ߦߋ߫ ߖߌ߬ߣߍ߫ ߣߊ߲߬ߝߟߏ߬ߦߊ߬ߟߌ߫ ߞߊ߲ߞߋߦߊ߫ ߟߎ߬ ߟߊߘߍ߬ߣߍ߲ ߠߋ߬ ߘߌ߫. ߣߌ߲ߓߊߔߍߦ ߓߘߊ߫ ߢߊߞߎߘߦߊߟߌ߫ ߓߐߒߢߟߊ߫ ߛߌߦߊߡߊ߲߫ ߠߋ߬ ߞߍ߫، ߞߵߊ߬ ߟߐ߬ ߛߊ߬ߙߊ ߣߊ߲߬ߝߟߏ߬ߦߊ߬ߟߌ߬ߞߊ߲ߞߋ ߞߊ߬ߞߎ߬ߘߟߊ߬ߞߊ ߡߊ߬ ߖߌ߬ߣߍ߬ ߞߣߐ߫. ߊ߬ ߞߊ߬ ߖߡߊ߬ߣߊ ߥߍ߬ߣߍ ߟߎ߬ ߣߴߊ߬ ߞߊ߲ߞߋߦߊ ߟߎ߬ ߟߊߘߍ߬߸ ߛߙߊ߬ߟߌ ߞߊ߬ߞߎߘߊ، ߟߊ߬ߞߊ߲߬ߘߊ߬ߟߌ، ߟߥߊ߬ߟߌ߬ߟߌ ߟߊߛߐ߬ߘߐ߲߬ ߘߌߡߊ߲، ߡߍ߲ ߛߋߞߏߦߊ߫ ߘߌ߫ ߛߋ߫ ߣߊ߲߬ߝߟߏ߬ߦߊ߬ߟߌ ߢߊ߬ߒ߬ߞߐ߬ߓߊߟߌ ߟߎ߬ ߞߍ߫ ߟߊ߫.

ߊ߬ ߣߌ߫ ߖߌ߬ߣߍ߬ ߡߣߋߕߌߞ ߝߘߏ߬ߓߊ߬ ߗߋߕߌ߮ ߊߟߌ߫ ߓߊߘߊ߬ߙߊ ߓߙߋߕߋ߫، ߞߵߊ߬ ߦߌ߬ߘߊ߬ ߞߏ߫ ߓߟߏߡߊߢߌ߲ߦߊ ߣߌ߲߬ ߟߐ߬ߣߍ߲߫ ((ߛߋ߲ߞߏߟߦߊ ߖߎߓߐ ߟߎ߬ ߟߋ߬ ߡߊ߬)) ߞߏ߬ߣߌ߲߬ ߣߌ߲߬ ߦߋ߫ ߘߍ߬ߒ߬ߡߊ߫ ߞߎ߲ߕߋߟߋ߲ ߠߋ߬ ߘߌ߫. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߖߊ߬ߕߋ߬ߘߐ߬ߛߌ߮ ߓߟߏߦߊ ߦߋ߫ ߕߟߋ߬ ߁߂߇ߘߐ߫. ߥߟߊ߫ ߞߊߙߏ߫ ߆ ߞߘߐ߫. ߞߵߏ߬ ߟߊ߫ ߛߋ߲ߞߏߟߦߊ߫ ߞߙߎ ߟߊ߫ ߞߙߎߝߊߟߌ ߟߎ߬ ߞߊ߲߬߸ ߣߊ߲߬ߝߟߏ߬ߦߊ߬ߟߌ ߛߌ߲߬ߝߏ߲߬ߘߊ ߟߎ߬، ߞߵߏ߬ ߟߊ߫ ߛߋ߲ߞߏߟߦߊ ߞߙߎ ߟߊ߫ ߞߙߎߝߊߟߌ ߟߎ߬ ߞߊ߲߬. ߣߊ߲߬ߝߟߏ߬ߦߊ߬ߟߌ ߛߌ߲߬ߝߏ߲߬ߘߊ ߟߎ߬ ߕߘߍ߬ߒ߬ߘߐ߬ߓߊ߰ߦߊ ߣߌ߫ ߛߋ߲ߞߏߟߦߊ ߛߌߟߊ ߝߍ߬.   .

ߞߊߕߙߍ߬ߕߍ߫ ߡߊߖ߭ߊߟߊߔ ߛߌ߲ߘߌߘߊ ߡߊ߬، ߞߵߏ߬ ߟߊ߫ ߊߝߙߌߞߊ߬ ߣߍ߲ߘ ߕߌߕߑߛߊ߬ ߥߐߙߘ ߡߊ߬ ߣߊ߬ߝߊ ߡߍ߲ ߦߴߏ߬ ߟߊ߫ ߛߌ߰ߦߙߐ߫ ߟߊ߬ߖߘߍ߬ߕߊ߰ߦߊ ߛߌߟߊ ߝߍ߬ ߞߎ߲߬ߠߊ߬ߛߌ߰ߦߊ߬ߟߌ ߞߊ߲ߞߋߦߊ߫ ߕߊ߯ ߝߊߘߌ ߘߐ߫ ߜߍߓߏ߲ ߕߊ߲ߓߊ߲ ߠߊ߫. ߏ߬ ߡߍ߲ ߖߊ߬ߕߋ߬ߛߌ߰ߣߍ߲߫ ߦߏ߫ ߖߊ߬ߕߋ߬ߘߐ߬ߛߌ߮ ߘߎ߲ߡߊ ߣߌ߫ ߓߟߏߡߦߊ ߛߌߟߊ ߓߘߍ ߊ߬ ߣߌ߫ ߡߊ߬ߘߏ߬ߣߌ߲߬ߠߌ߲ ߓߟߏߟߊߕߎ߲߱ ߊ߬ߟߎ߬ ߓߘߴߊ߬ߟߎ߬ ߟߊ߫ ߟߊ߬ߤߘߌ ߡߝߊ߫. ߞߵߊ߬ߟߎ߬ ߡߊߘߍ߬ߡߍ߲߬ ߣߐ߬ߡߊ߬ߢߌ߲߬ߦߊ ߛߌߟߊ߫ ߓߘߍ ߡߊ߬، ߥߟߏߒߘߐ߫ ߞߎߘߊ ߣߌ߫ ߗߋߢߊ߫ ߞߎߘߊ ߞߏ ߓߟߏߡߊ߬߫.

ߣߌ߲ߓߊߔߊߦ ߟߊߛߌ߲߯ ߘߍ߬ߘߊ ߜߍߓߏ߲ ߕߊ߲ߓߊ߲ ߞߎ߲߬ߠߊ߬ߛߌ߰ߟߊ߫ ߛߙߍߞߍ (ߓߋ ߖ߭ߋ ߍߙ، ߖ߭ߋ) ߖߌ߬ߣߍ߬ ߡߣߋߕߌߞ ߡߎߤߊ߲ߡߍߘ ߟߊ߬ߡߌߣߌ߲߫ ߞߐ߲ߕߍ߬ ߞߵߊ߬ ߦߌ߬ߘߊ߬ ߞߏ߫ ߟߐ߲ߠߌ߲߫ ߡߊ߲߬ߕߏ߲߬ߕߍ߬ߟߊ߬ߞߊ ߞߊߕߙߍߕߍ߫ ߓߙߋߖ߭ߌߟ ߞߎ߬ߢߊ߬ߘߐ ߡߊ߬ ߊ߬ ߣߌ߫ ߟߎߔߌ ߍ߲ߘ ߏ߬ ߟߎ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߛߙߊ߬ߟߌ߫ ߞߊ߲ߞߋߦߊ߫ ߥߟߊ߬ߘߊ ߛߌ߰ߣߍ߲߫ ߛߊ߬ߡߊ߲߬ߛߋ߲߫ ߛߓߊ߬ ߟߋ߬ ߞߊ߲߬: ߏ߬ ߦߋ߫ ߥߊߘߌߞߏ ߡߙߊ߬ߦߊ ߝߊ߲߬ߞߊ߬ߡߊ ߟߋ߬ ߘߌ߫، ߛߋ߲ߞߏߟߦߊ߫ ߣߐ߬ߡߊ߬ߢߌ߲߬ߦߊ߫ ߖߎ߬ߓߐ ߡߍ߲ ߘߊߓߐߣߍ߲ ߣߊ߲߬ߝߟߏ߬ߦߊ߬ߟߌ߫ ߞߊ߲ߞߋߦߊ߫ ߝߊ߲߬ߝߌ߬ߟߊ߬ߡߊ ߘߎ߲ߡߊ ߞߊ߲߬.

ߜߍߓߏ߲ ߕߊ߲ߓߊ߲ ߞߎ߲߬ߠߊ߬ߛߌ߰ߟߊ ߞߙߊ߬ߡߐ߮ ߞߊ߬ߓߊ ߞߵߊ߬ ߦߌ߬ߘߊ߬ ߞߏ߫ ߣߌ߲ߓߊߔߍߦ ߗߋߢߊ ߣߊ߬ߕߊ ߟߋ߬ ߛߙߊ߬ߟߌ߫ ߞߍߢߊ߫ ߖߎ߬ߓߐ߫ ߞߊ߬ߞߎ߬ߘߊ߬ߡߊ، ߘߍ߲ߖߘߍߟߦߊ ߣߌ߫ ߟߥߊ߬ߟߌ߬ߟߌ ߘߏ߲߬ߢߐ߲߰ߓߟߏ ߟߊߣߐ߰ߦߊ ߘߌ߫. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߢߍߕߊ߯ ߓߐߒߢߟߊߣߍ߲ ߠߎ߬ ߟߊ߫߸ߣߊ߲߬ߝߟߏ߬ߦߊ߬ߟߌ ߟߊ߬ߗߋ߲߬ߛߎ߬ߟߌ ߛߌߟߊ ߝߍ߬. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߢߝߍߕߊ߯ ߓߟߏߦߊߣߍ߲ ߠߎ߬ ߟߊ߫߸ߞߵߊ߬ ߓߍ߲߬ ߣߊ߲߬ߝߟߏ߬ߦߊ߬ߟߌ ߢߐ߲߰ ߛߐ߬ߘߐ߲߬ߜߏߡߊ߲ ߡߊ߬. ߞߵߊ߬ ߓߍ߲߬ ߗߋߢߊ ߟߊ߬ߛߐ߬ߘߐ߲߬ߠߌ߲ ߕߘߍ߬ߒ߬ߘߐ߬ߟߌ ߡߊ߬ % ߄ ߠߊ߫ ߂߀߁߁ ߞߣߐ߫. ߊ߬ ߣߌ߫ % ߃߆ ߟߊ߫ ߂߀߂߄ ߞߣߐ߫. ߞߊߕߙߍ߬ߕߍ߫ ߣߊ߲߬ߝߟߏ߬ߦߊ߬ߟߌ߫ ߥߙߎߞߌ ߛߌߟߊ ߡߊ߬ ߢߎߡߍߦߋ߲߫ ߥߊߘߌ ߟߊ߫ ߞߏ ߘߐ߫. ߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߲ߞߋߦߊ ߦߋ߫ ߖߘߌ߫ ߟߊ߫ ߟߋ߬ ߡߎ߬ߕߎ߲߬ ߝߣߊ߫.

ߞߐߣߊߞߙߌ߫ ߞߊ߬ߙߌ߬ߝߐ ߕߟߋ߬ ߂߃/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߘߍ߬ߘߊ ߟߊ߬ߘߍ߬ ߛߌ߰ߞߊ߲߬ߠߊ߬ߞߊ ߢߣߊߓߊ߯ߦߊ߫. ߞߟߍ߬ߦߊ ߘߐ߬ߛߏ߬ߘߏ߲߬ߜߊ߬ߟߌ ߛߌߟߊ ߝߍ߬. ߝߛߎߞߎߦߊߟߌ ߝߘߏ߬ߓߊ߬ (ߛߋ ߍߣ ߓߋ ߔߋ) ߏ߬ ߡߍ߲ ߕߌ߲ߕߌ߲ߣߍ߲ ߓߊ߯ߙߊ ߟߊ߬ߞߐ߰ߟߌ ߞߊ߲߬ ߝߛߎߞߎߦߊߟߌ ߟߊ߫.

ߢߐ߲߯ߦߋ߫ ߣߌ߲߬ ߟߊ߬ߢߌߣߌ߲ ߠߋ߬ ߢߍߕߊ߯ ߟߎ߬ ߖߊ߬ߕߋ߬ߛߎ߰ߓߐ ߘߌ߫߸ ߢߍߕߊ߯ ߡߍ߲ ߠߎ߬ ߞߍߣߍ߲߫ ߞߵߏ߬ ߟߎ߬ ߖߊ߬ߕߋ߬ߡߌ߬ߘߊ߬. ߊ߬ ߣߌ߫ ߞߊ߬ ߟߊߢߌߣߌ߲߫ ߞߘߎ߬ߜߍߟߍ߲ ߠߎ߬ ߖߦߎߡߎ߲ߦߊ߫. ߢߐ߲߯ߦߋ߫ ߕߊ߬ߡߌ߲߬ߣߍ߲ ߠߎ߬ ߞߣߐ߫. ߞߊ߬ ߞߐ߲߬ ߓߊ߯ߙߊߟߊ߲߫ ߣߌ߫ ߝߊ߲߬ߝߘߊ ߟߊ߫ ߘߌ߬ߢߍ ߢߍ߫. ߝߘߏ߬ߓߊ߬ ߞߍߕߊ ߟߎ߬ ߛߌߓߟߏߡߦߊ ߣߌ߫ ߖߊ߬ߕߋ߬ߛߎ߰ߓߐ ߛߌߟߊ ߝߍ߬. ߏ߬ ߡߍ߲ ߞߍߣߍ߲ ߝߊ߲߬ߝߘߊ ߟߊߛߌ߲߯ ߛߌߟߊ ߝߍ߬. ߊ߬ ߣߌ߫ ߓߊ߲ߓߊ߲ߠߌ߲ ߢߌߣߌ߲߫ ߠߊ߫߸ ߊ߬ ߦߋ߫ ߟߊ߬ߤߘߌ ߕߊ߬ߣߍ߲ ߝߣߊ߫ ߡߝߊ߫ ߞߏ ߓߊ߲ߓߊ߲߫ ߠߊ߫ ߞߏߛߓߍ߫ ߡߍ߲ ߓߎ߲ߓߎ߲ߣߍ߲߫ ߞߐߝߟߌ ߡߊ߬. ߞߏߕߌ߯ߘߊ߫ ߓߏߟߏ߲ߝߘߊ ߘߐߘߎ߲߬ߧߊ߬ߣߍ߲ ߘߏ߫ ߞߊ߲߬ ߞߐߝߟߌ ߦߋ߫ ߡߍ߲ ߠߊ߫. ߡߍ߲ ߞߍߕߐ߫ ߛߘߊߡߊߒߊߞߊ߲ߠߊ ߟߎ߬ ߡߝߊ߫ ߟߊ߫. ߞߏߕߌ߯ߘߊ߫ ߓߏߟߏ߲ߝߘߊ ߟߎ߬ ߞߐߡߊߓߌ߲ߓߌ߲߫ ߠߊ߫߸ ߏ߬ ߡߍ߲ ߖߎ߬ߛߌ߰ߣߍ߲ ߞߎ߲߬ߠߊ߬ߛߌ߰ߟߌ߬ ߞߏߢߌ߲ ߞߊ߲߬. ߜߍߦߊ ߣߌ߫ ߡߐ߬ߟߐ߲߬ߡߦߊ߬ߟߌ ߓߟߏߡߊ߬.

ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߞߏߕߌ߯ ߝߟߐ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߝߛߎߞߎ ߢߍߥߟߊ ߦߋ߫ ߞߟߍ߬ߦߊ߫ ߟߊߓߊ߬ߕߏ߬ߕߊ ߟߋ߬ ߘߌ߫. ߛߊ߫ ߞߊ߬ ߛߋ߫ ߝߘߏ߬ߓߊ߬ ߖߐ߰ߦߊ߬ߟߌ ߛߋߞߏߦߊ ߟߎ߬ ߟߊߢߊ߬ ߟߊ߫. ߞߊ߬ ߡߊ߬ߡߙߊ߬ߟߌ ߢߍ ߞߘߎ߬ߜߍߟߍ߲ ߠߎ߬ ߕߋ߬ ߊ߬ ߣߌ߫ ߞߊ߬ ߓߟߏߡߦߊߟߌ ߞߍ߫ ߞߍߞߏ ߢߌߡߊ ߟߊ߫. ߊ߬ ߣߌ߫ ߣߊ߲߬ߝߟߏ߬ ߟߊߢߌߣߌ߲ߣߍ߲ ߠߎ߬ ߞߵߏ߬ ߟߊ߫ ߞߐߝߟߌ߫ ߟߊߓߐߣߍ߲ ߠߎ߬ ߞߊ߲߬ ߡߍ߲ ߠߎ߬ ߡߊߞߐ߬ߣߐ߲ ߦߴߌ ߘߐ߫.

ߊ߬ ߞߊ߬ ߞߎ߲߬ߠߊ߬ߛߌ߮ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߓߟߏߟߊߕߎ߲߰ ߞߊ߬ ߝߘߏ߬ߓߊ߫ ߡߊ߬ߡߙߊ߬ߟߌ߬ߘߊ ߟߎ߬ ߟߊ߫ ߞߵߊ߬ ߘߐߞߣߍ߫. ߞߊ߬ ߓߐߒߘߊ߫ ߞߐߝߟߌ ߢߌߡߊ ߟߎ߬، ߞߵߊ߬ ߓߍ߲߬ ߞߢߊߟߌ߫ ߣߝߊ߬ߡߊ ߡߊ߬ ߡߍ߲ ߟߐ߬ߣߍ߲߫ ߛߌߡߊ߲ߘߎ߯ ߂߀߄߀ ߢߍߥߟߊ ߡߊ߬.

ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߣߌ߫ ߛߌ߲߬ߝߏ߲߬ߘߊ ߟߎ߬ ߖߊ߬ߓߌ߬ߦߊ߬ߟߊ ߟߎ߬ ߥߣߊ ߡߍ߲ ߠߎ߬ ߡߊ߬ ߝߛߎߞߎߦߊߟߌ ߘߏ߲߬ߖߟߎ߬ߡߊ߬ ߢߊ ߖߍ߬ߘߍ ߖߍ߬ߘߍ ߘߐ߫. ߓߊ߯ߙߊ߫ ߓߎ߲ߓߎ߲ߣߍ߲߫ ߢߍߥߟߊ ߡߍ߲ ߠߎ߬ ߡߊ߬ ߊ߬ ߣߌ߫ ߖߊ߬ߕߋ߬ߡߌߘߊ ߡߍ߲ ߠߎ߬ ߞߍߣߍ߲߫ ߟߊ߬ߓߊ߰ߙߊ߬ߟߌ߬ ߞߏߟߌߞߏߟߌ ߘߐ߫.

ߞߐߣߊߞߙߌ߫ ߞߊ߬ߙߌ߬ߝߐ ߕߋ߬ߟߋ߫ ߞߏߕߌ߯ߝߟߐߘߊ ߞߎߓߋߘߐ ߓߐ߬ߟߐ߲߬ߞߊ ߓߌ߲ߕߊ߬ ߖߊߟߏ߫ ߞߊ߬ ߟߊ߬ߞߢߐ߬ߡߊ߬ߟߌ߫ ߘߏ߫ ߞߍ߫ ߞߏߟߊߘߍߢߐ߲߯ ߛߊ߬ߓߊ ߟߊ߫ ߡߍ߲ ߠߎ߬ ߥߊߕߐ߫ ߊ߬ߟߎ߬ ߕߊ߫ ߡߊ߬ߝߊ߲ ߞߍ߫ ߟߊ߫ ߕߏ߲߬ߜߏ߫ ߡߊ߲߬ߕߏ߲߬ߕߍ߬ߟߊ߬ߞߊ߫ ߓߟߋߓߟߋ ߘߐ߫߸ ߡߍ߲ ߘߍ߬ߡߍ߲߬ߘߌ߬ߣߍ߲߫ ߞߟߊ߬ߕߌ߰ ߞߙߍߞߙߍߣߍ߲ ߠߎ߬ ߟߊ߫ ߞߵߊ߬ߟߎ߬ ߟߊ߫ ߞߟߍ߬ߦߊ߫ ߗߋߢߊ.  ߞߏߕߌ߯ ߟߎ߬ ߣߌ߫ ߛߌ߲߬ߝߏ߲߬ߘߊ ߟߎ߬ ߞߊ߲ߕߌ߮ ߟߎ߬ ߝߍ߬، ߛߋߞߏߦߊ߫ ߡߞߊߝߏ ߕߎ߬ߡߊ ߣߌ߲߬ ߞߍߕߐ߫ ߟߏߡߋ߫ ߟߋ߬. ߕߜ߭ߏ ߞߊ߲ߓߍ߲ ߞߣߐ߫. ߞߊ߬ߙߌ߬ߝߐ ߕߟߋ߬ ߂߃/ ߂ / ߂߀߂߆

ߡߍ߲ ߟߐ߬ߣߍ߲ ߞߎ߲߬ߕߐ߮ ߡߊ߬، ߞߊ߬ ߓߊߓߋߟߌ ߞߍ߫ ߞߊ߬ ߞߙߐ߬ߛߌ߬ߟߌ ߞߍ߫، ߊ߬ ߣߌ߫ ߞߊ߬ ߗߋߢߊ ߞߎߘߊ߫ ߉ ߞߟߊ߬ߕߌ߰ ߓߟߏߡߊߞߊ߬ߣߍ߲ ߠߎ߬ ߕߊ߬: ߏ߬ ߦߋ߫ ߞߏ߫ ߓߘߍ ߟߋ߬ ߘߌ߫ ߓߊ߫ ߓߋߟߌ ߛߌߟߊ ߝߍ߬، ߞߊ߬ ߗߋߝߊ ߗߋߢߊ ߣߌ߫ ߡߊ߬ߘߍ߬ߡߍ߲߬، ߡߊ߬ߘߎ߰ ߢߊ߬ߕߣߐ߬ߡߊ ߝߊ߲߬ߓߊ ߘߐ߫߸ ߊ߬ ߣߌ߫ ߞߊ߬ ߛߌ߲߬ߝߏ߲߬ߘߊ ߟߊ߫ ߕߎ߬ߡߊ߬ߥߟߊ ߡߊߓߏ߬ߢߊ߬. ߢߌߣߌ߲ߞߏ߫ ߘߏ߫ ߟߋ߬ ߟߊ߬ߞߐ߰ߟߌ߫ ߣߌ߲߬ ߠߊ߫߸ ߏ߬ ߟߋ߬ ߞߊ߬ ߕߘߍ߬ߒ߬ߘߐ߬ߓߊ߮ ߟߎ߬ ߛߋߞߏߦߊ߫ ߡߞߊ߬ߝߏ߬. ߕߎ ߛߌ߲߬ߝߏ߲߬ߘߊ߫ ߟߊ߫ ߕߎ߬ߡߊ߬ߥߟߊ ߡߊ߬ߓߏ߬ߢߊ ߡߊ߬ߡߙߊ߬ߟߌ߫ ߡߊ߬ߘߎ߰ ߓߐߣߍ߲ߢߐ߲߰ߡߊ ߟߎ߬ ߘߐ߫. ߟߊ߬ߟߐ߲߬ߠߌ߲ߦߊ߬ߟߌ ߓߟߋߓߟߋ ߟߎ߬ ߛߌߟߊ ߝߍ߬. ߞߊ߬ ߛߌߓߟߏߡߦߊߟߌ ߞߍ߫ ߝߟߐߦߊ ߟߎ߬ ߘߐ߫. ߞߊ߬ ߓߍ߲߬ ߓߍߓߊ߯ߦߊ ߡߊߓߏ߬ߢߊ ߡߊ߬. ߜߎ߲߬ߘߎ ߣߌ߫ ߓߟߏߡߞߊ ߓߟߏߡߊ߬. ߏ߬ ߡߍ߲ ߦߋ߫ ߟߐ߬ߘߎ߮ ߟߎ߬ ߛߌߓߟߏߡߦߊ߫ ߟߊ߫ ߗߋߢߊ߫ ߝߊ߲߬ߝߘߊ߫ ߞߟߍ߬ߦߊ߬ߡߊ ߛߌߟߊ ߝߍ߬.

ߢߐ߲߯ߦߋ߫ ߣߌ߲߬ ߛߋ߲߬ߝߍ߬، ߕߘߍ߬ߒ߬ߘߐ߬ߓߊ߮ ߟߎ߬ ߞߵߊ߬ ߦߌ߬ߘߊ߬ ߞߎߓߋߘߐ ߞߎ߲߬ߕߌ߮ ߟߊ߫ ߊ߬ߟߎ߬ ߞߊ߬ ߟߐ߲ߠߌ߲ ߡߍ߲ ߛߐ߬ߘߐ߲߬ ߟߊ߬ߞߐ߰ߟߌ ߣߌ߲߬ ߛߋ߲߬ߝߍ߬، ߞߊ߬ ߟߐ߲ߠߌ߲߫ ߛߐ߬ߘߐ߲߬ߣߍ߲ ߠߎ߬ ߘߐߕߟߊ߫߸ ߞߊ߬ ߗߋߢߊ߫ ߟߥߊ߬ߟߌ߬ߟߌ ߢߊߞߎߘߦߊ߫ ߞߊ߬ ߓߍ߲߬ ߗߋߢߊ ߛߌߟߊ ߡߊ߬، ߏ߬ ߞߍ߫ ߘߊ߫ ߛߊߓߎ߫ ߘߌ߫ ߊ߬ߟߎ߬ ߞߵߊ߬ߟߎ߬ ߟߊ߫ ߛߙߋߓߍ ߕߘߍ߬ߒ߬ߘߐ߬ߟߌ ߢߣߊߓߊ߯ߦߊ߫. ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߕߐ߯ ߘߐ߫ ߓߐ߬ߟߐ߲߬ߞߊ߫ ߓߌ߲ߕߊ߬ ߖߊߟߏ߫. ߞߊ߬ ߞߎߟߎ߲ߖߋߟߌ߫ ߘߐߞߣߍߣߍ߲ ߞߍ߫߸ ߞߊ߬ ߛߙߋߓߍߕߌ߯ ߟߎ߬ ߞߎߟߎ߲ߖߋ߫߸ ߞߵߊ߬ ߓߍ߲߬ ߊ߬ߟߎ߬ ߥߍ߬ߣߍ ߡߊ߬ ߛߋߞߏߦߊ߫ ߡߞߊߝߏ ߛߌߟߊ ߝߍ߬߸ ߊ߬ ߞߵߊ߬ߟߎ߬ ߡߊߞߟߌ߫ ߊ߬ߟߎ߬ ߟߐ߲ߕߊ ߟߎ߬ ߓߟߏߦߊߟߌ ߡߊ߬߸ߟߐ߲ߕߊ߫ ߛߐ߬ߘߐ߲߬ߣߍ߲ ߠߎ߬ ߞߊ߬ ߞߐ߲߬ ߛߋߞߏߦߊ߫ ߟߎ߬ ߓߊߓߋ ߢߍ߫߸ ߛߋߞߏߦߊ ߣߌ߫ ߡߊ߬ߡߙߊ߬ߟߌ ߞߍߥߊߟߌ߫ ߟߎ߬ ߊ߬ ߣߌ߫ ߝߘߏ߬ߓߊ߬ ߗߋߢߊ߫ ߟߎ߬ ߞߍߗߏ߯ ߟߊ߫ ߓߘߍ߬ߦߊ.

ߞߐߣߊߞߙߌ߫ ߂߂/ ߂߀߂߆

ߞߏߕߌ߯ߝߟߐߘߊ ߞߎߓߋߘߐ ߗߋߕߌ߮ ߞߏ߲߬ߓߏ ߘߊߎߘߊ߫ ߞߊ߬ߡߌ߬ߛߏ߬ߞߏ߫ ߞߊ߬ ߞߏߕߌ߯ ߝߟߐ ߞߐߦߌ߬ߘߊ߬، ߞߎ߲߬ߠߊ߬ߛߌ߮ ߞߎ߲߬ߕߌ߮، ߞߵߊ߬ ߕߊ ߝߊ߲߭ ߞߍ߫ ߘߋ߬ߙߌ߬ߣߊ߲߫ ߝߘߏ߬ߓߊ߬ ߜߙߊ ߘߐ߫ ߖߎ߬ߟߊ߬ߦߊ ߓߏ߲ߘߋ߲ ߞߣߐ߫، ߖߌ߬ߣߍ߫ ߞߍߞߎߛߊ߲ߧߊ ߣߌ߫ ߘߍ߲߰ߦߊ߬ߟߌ (ߛߋ ߛߋ ߌ ߊ ߖ߭ߋ) ߞߊ߬ ߡߍ߲ ߛߌ߲߬ߝߏ߲߬ߧߊ߫ ߕߏ߲߬ߜߏ߬ߦߊ ߝߊߘߌ ߘߐ߫.

ߘߋ߬ߙߌ߬ߣߊ߲߫ ߝߘߏ߬ߓߊ߬ ߜߙߊ ߦߋ߫ ߞߍ߫ ߟߊ߫ ߘߡߊߝߊߟߋ߲߫ ߞߊߡߊ߲߫ ߢߣߊߡߊ ߟߋ߬ ߘߐ߫، ߞߵߊ߬ ߓߍ߲߬ ߡߐ߱ ߟߎ߬ ߞߏߟߊߒߞߘߐߢߐ߲߯ߦߊ ߡߊ߬߸ ߞߵߊ߬ ߓߍ߲߬ ߡߙߌߘߐ ߟߎ߬ ߕߊ߬ߟߌ ߡߊ߬߸ ߛߌ߲߬ߝߏ߲ ߠߎ߬ ߣߌ߫ ߢߐ߲߯ ߕߍ߫. ߊ߬ ߦߋ߫ ߞߎߡߊ߫ ߝߐߣߍ߲ ߣߌ߫ ߞߍߣߍ߲ ߠߎ߬ ߟߋ߬ ߓߟߏߦߊ߫ ߟߊ߫߸ ߊ߬ ߣߌ߫ ߞߊ߬ ߞߍߥߊߟߌ ߟߎ߬ ߟߊ߬ߞߙߐ߬ߛߌ߫ ߞߊ߬ ߞߏ ߟߎ߬ ߟߊߥߙߎߞߌ߫. ߞߘߎ߬ߜߍߟߍ߲ ߣߌ߫ ߛߌ߲߬ߝߏ߲߬ߘߊ ߟߎ߬ ߢߍߛߎߡߊ ߛߌߟߊ ߘߎ߲ߡߊ ߘߐ߫߸ ߞߵߏ߬ ߓߍ߯ ߟߊ߫ ߘߐ߬ߞߣߍ߬ߟߌ ߣߌ߫ ߞߐߡߊߓߌ߲ߓߌ߲ߠߌ߲ ߞߊ߲߬߸ ߞߵߊ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߗߋߢߊ ߟߥߊߟߌߕߊ ߟߎ߬ ߘߊߓߊ߲߫ ߞߊ߲߬.

ߖߎ߬ߟߊ߬ߦߊ߫ ߓߏ߲ߘߋ߲ ߞߊ߲ߕߌ߮ ߟߊ߰ߖߌ߬ ߡߊ߲ߡߊߘߎ߫ ߓߊߟߑߘߋ߬ ߞߊ߬ ߝߘߏ߬ߓߊ߬ ߜߙߊ ߣߌ߲߬ ߞߎ߲߬ߕߋߟߋ߲ ߠߋ߬ ߞߎ߲߬ߠߊ߬ߛߌ߰ߟߌ ߥߊ߬ߣߌ߲߬ߞߋ ߘߌ߫. ߊ߬ ߣߌ߫ ߞߵߊ߬ ߟߊ߫ ߛߘߊߡߊߒߞߊ߲ߠߊ ߟߎ߬ ߓߐ߫ ߊ߬ ߛߌߟߊ ߝߍ߬ ߘߎ߲߰ߘߎ߲߬ߡߊ߬ ߡߊߘߎ߮ ߟߎ߬ ߟߊ߫ ߛߌߟߊ ߝߍ߬ ߜߛߊ߬ߞߍ߬ߟߊ ߟߎ߬ ߟߊ߫ ߛߌߟߊ ߝߍ߬، ߖߌ߬ߣߍ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲߫ ߖߘߍ߬ ߘߍߡߍ߲ ߥߙߎߞߟߌ ߛߌߟߊ ߢߐ߲߰ߦߋ߬ߓߊߟߌ ߞߊ߲߬.

ߊ߬ ߞߵߊ߬ߟߎ߬ ߟߊ߫ ߛߓߍߘߊ߫ ߝߏ߬ ߊ߬ߟߎ߬ ߟߊ߫ ߓߊ߯ߙߊ߫ ߓߐ ߟߊ߫ ߜߍ߫ ߟߊ߫߸ ߟߊ߬ߡߍ߲߬ߠߌ߲߫ ߝߊ߬ߛߏ߬ߟߊ߬ߞߊ ߘߐ߫. ߊ߬ ߣߌ߫ ߕߐ߯ߦߊߣߍ߲ ߠߎ߬ ߢߝߍߕߊ߯ ߛߌߦߊߡߊ߲߫ ߦߴߏ߬ ߡߍ߲ ߘߐ߫߸ ߞߊߕߙߍ߬ߕߍ߫ ߞߊ߲ߞߊ߲߫ ߣߌ߫ ߒߖ߭ߙߋߞߏ߬ߙߋ߫ ߟߊ߬ߓߊ߰ߙߊ߬ߟߌ߫ ߗߋߦߊߟߌ߫ ߕߌ߲߬ߞߎ߬ߘߎ߲߬ߠߊ߬ߞߊ ߡߊ߬. ߞߵߏ߬ ߟߊ߫ ߓߟߏߦߊߟߌ߫ ߓߊ߯ߙߊ ߟߎ߬ ߞߊ߲߬ ߓߏ߬ߞߋ߫ ߣߌ߫ ߝߙߊߣߊ߫ ߣߌ߫ ߟߊߓߋ߫ ߟߎ߫ ߘߐ߫.

ߏ߬ ߞߐ߫ ߊ߬ ߞߊ߬ ߝߏ߬ߟߌ ߟߊߛߋ߫ ߒߖ߭ߙߋߞߏ߬ߙߋ߬ ߕߊ߲ߓߊ߲ߘߊ ߡߙߊ߬ߓߊ߮ ߟߎ߬ ߡߊ߬ ߡߍ߲ ߠߎ߬ ߓߘߴߊ߬ ߘߊߡߌߣߊ߫ ߊ߬ ߣߌ߫ ߓߐߒߢߟߊߣߍ߲ ߠߎ߬ ߊ߬ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߡߊ߬ߞߏ ߦߋ߫ ߛߌ߲߬ߝߏ߲߬ߘߊ ߓߙߊߞߊߣߍ߲ ߓߊ߲ߓߊ߲ߣߍ߲ ߠߋ߬ ߟߊ߫ ߓߟߏߘߏ߲ߢߐ߲߰ߓߟߏ ߘߐ߫. ߡߍ߲ ߛߐ߲߬ߣߍ߲߫ ߊ߬ ߖߘߍ߬ ߢߍ߫ ߕߏ߬ߝߏ߬ߟߌ߫ ߓߘߍ ߘߐ߫߸ ߡߍ߲ ߘߌ߫ ߛߋ߫ ߘߎ߲߬ߘߎ߲߬ߡߊ߬ ߡߊߘߎ߮ ߟߎ߬ ߟߊ߫ ߢߎߡߍߦߊ߫ ߟߊ߫. ߊ߬ ߣߌ߫ ߞߵߊ߬ ߕߊ ߝߊ߲߭ ߞߍ߫ ߟߊߥߙߎߞߟߌ ߘߐ߫ ߞߎ߲߬ߞߊ߬ߟߌ߬ߦߊ߫ ߓߟߏߡߊ߬߸ ߓߟߏߘߏ߲ߢߐ߲߰ߓߟߏ ߛߌߟߊ ߝߍ߬. ߞߵߏ߬ ߓߍ߯ ߟߊ߫ ߊ߲ ߠߊ߫ ߞߏ ߟߎ߬ ߞߊ߲߬ ߝߘߏ߬ߓߊ߬ ߓߟߏߡߊ߬߸ ߖߎ߬ߟߊ߬ߦߊ߫ ߥߙߎߞߟߌ߫ ߛߌߟߊ ߝߍ߬,

ߞߐߣߊߞߙߌ߫ ߥߊ߬ߛߌߥߊ߬ߙߊ ߕߟߋ߬ ߂߉/ ߂߀߂߆

.ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߝߊ߲߬ߝߘߊ ߝߊ߬ߛߏ߬ߟߊ߬ߞߊ ߦߌ߬ߘߞߊ߬ߟߌ ߖߊ߲߬ߖߏ߲ ߢߣߊߓߊ߯ߦߊ߫ ߟߋ߬، ߏ߬ ߡߍ߲ ߟߐ߬ߕߐ߫ ߞߣߐ߬ߟߊ߬ߞߊ ߞߏ ߡߊ߬ߘߎ߰ ߟߊ߫ ߥߙߎߞߟߌ ߡߊ߬߸ ߣߴߊ߬ ߛߌ߲߬ߝߏ߲߬ߢߊ߬ ߘߊ߫ ߞߟߏߝߋ߲ߦߊ ߞߏߕߌ߮ ߛߘߊ߫ ߘߐ߫. ߞߎߓߋߘߊ ߕߏ߲߬ߜߏ ߡߊߓߏ߬ߢߊ߬ߕߊ߫ ߝߊߘߌ ߘߐ߫. ߣߊ߲߬ߝߟߏ߬ߦߊ߬ߟߌ ߣߌ߫ ߝߟߐߦߊ ߛߌߟߊ ߟߊߓߎ߯ ߘߐ߫ ߛߊ߫ ߞߊ߬ ߛߋ߫ ߟߊ߬ߥߟߏ߬ߟߌ ߝߊ߬ߛߏ߬ߟߊ߬ߞߊ ߟߊߥߙߎߞߌ߫ ߟߊ߫. ߞߊ߬ ߓߊߟߏߝߋ߲ ߞߏ ߟߊ߬ߞߊ߲߬ߘߊ߬ߟߌ ߞߍ߫ ߘߊߥߎ߲ߠߌ߲ߝߋ߲߫ ߞߏ ߛߌߟߊ ߝߍ߬ ߊ߬ ߣߌ߫ ߓߊ߯ߙߊ߫ ߛߐߘߐ߲ ߟߊ߫ ߣߐ߰ߦߊ ߓߟߏߡߊ߬ ߂߀߂߆ ߣߌ߫ ߂߀߃߀ ߕߍ߫. ߞߎߓߋߘߊ ߕߏ߲߬ߜߏ ߡߐ߬ߟߐ߲߬ߡߊ ߟߎ߬ ߞߍ߫ ߝߊߘߌ ߟߊߥߙߎߞߌ ߛߌߟߊ ߝߍ߬. ߕߏ߲߬ߜߏ ߣߌ߲߬ ߞߊ߬ ߡߊ߬ߘߎ߮ ߥߊ߬ߣߊ ߓߍ߯ ߟߊߘߍ߬ ߟߋ߬ ߞߘߎ߬ߜߍߟߍ߲ ߠߎ߬ ߘߊ߲ߘߊ ߞߊ߲ߡߊ߬߸ ߣߊ߲߬ߝߟߏ߬ߦߊ߬ߟߌ ߛߌߟߊ ߣߌ߫ ߝߟߐߦߊ߫ ߞߍߥߊߟߌ ߡߍ߲ ߠߎ߬ ߛߘߌ߬ߣߍ߲߫ ߟߊ߬ߥߟߏ߬ߟߌ ߝߊ߬ߛߏ߬ߟߊ߬ߞߊ ߟߊ߫߸ ߛߊ߫ ߞߊ߬ ߖߘߍ߬ߓߊߟߏ ߘߍ߲ߖߟߍߟߦߊ ߛߐ߬ߘߐ߲߬ ߞߊ߬ ߓߊ߯ߙߘߊ߫ ߟߎ߬ ߟߊߘߊ߲߫.

ߞߟߍ߬ߦߊ ߡߊ߬ߞߏ ߦߋ߫ ߝߘߏ߬ߓߊ߬ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߥߟߎߡߊ߫ ߅߁߂߄ ߟߊ߫ ߖߌ߬ߣߍ߬ ߕߊߡߊ߲ ߘߐ߫ ߥߟߊ߫ ߊߡߌߙߞߌ߫ ߘߟߊ߫ ߗߋ߲߬ߥߟߎ߬ ߅߆߃ ߏ߬ ߟߋ߬ ߞߙߎߝߊߣߍ߲ ߞߊ߬ߝߏ ߓߟߏ߫߸ ߛߋ߲ߞߏߟߦߊ ߓߟߏߘߏ߲ߢߐ߲߰ߓߟߏ ߣߌ߫ ߣߊ߲߬ߝߟߏ߬ߦߊ߬ߟߌ ߞߊߕߙߍ߬ߕߍ߫ ߘߎ߲߬ߘߎ߲߬ߡߊ߬ ߡߊߘߎ߮ ߟߎ߬ ߡߊ߬. ߊ߬ ߓߊ߯ߙߊ ߓߐ߫ ߢߟߊ߫ ߘߌ߫ ߡߊ߬ߞߏ߬ ߟߊߘߏ߲߬ߕߊ ߝߊ߬ߛߏ߬ߟߊ߬ߞߊ ߓߐ߫. ߊ߬ ߛߓߏ߬ ߣߌ߫ ߛߌ߬ߛߍ߬ߘߋ߲߬ ߞߏ ߘߐ߫. ߝߘߏ߬ߓߊ߬ ߓߟߏߡߊ߬ ߂߆߀.߀߀߀ ߘߌ߫ ߓߊ߯ߙߊ ߛߐ߬ߘߐ߲߬ ߞߋߟߋ߲ߘߌ߫. ߊ߬ ߣߌ߫ ߓߟߏߡߊߘߍߡߍ߲ ߠߊ߫ ߓߊ߯ߙߊ߫ ߟߊ߫߃߀߀.߀߀߀ ߞߊ߬ ߟߊ߬ߛߌ߰ߠߌ߲ ߘߐ߬ߛߙߋ߬ߓߊ ߦߌ߬ߘߊ߬ ߞߟߏߝߋ߲ߦߊ ߞߏߕߌ߮ ߝߋߟߌߞߛߌ߬ ߟߡߊ߫ ߞߵߊ߬ ߡߊߜߟߍ߬ߦߊ߬ ߞߏ߫ ߢߌߣߌ߲ߞߏ ߦߋ߫ ߞߣߐ߬ߟߊ߬ߞߊ ߟߎ߬ ߟߊߞߟߏߞߟߏ ߞߍ߫ ߟߋ߬ ߘߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߟߏ߫ ߞߣߐ ߛߍ߲߬ߓߍ ߘߏ߫ ߘߌ߫. ߛߊ߫ ߞߊ߬ ߟߊ߬ߥߟߏ߬ߟߌ ߡߞߊ߬ߝߏ ߞߊ߬ ߜߛߊ߬ߢߐ߲߰ߦߊ ߟߊߘߊ߲߫ ߟߊ߬ߥߟߏ߬ߟߌ߬ߟߊ ߟߎ߬ ߣߌ߫ ߢߐ߲߯ ߕߍ߫.

ߞߏߕߌ߯ ߝߟߐ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߓߐ߰ߝߍ߬ߞߊ߲ߞߋ ߟߊ߫߸ ߞߵߊ߬ ߓߍ߲߬ ߟߊ߫ ߓߊ߯ߙߊ߫ ߛߌ߲ߘߟߌ ߡߊ߬߸ ߊ߬ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߥߙߎߞߌ ((ߞߣߐ߬ߟߊ߬ߞߊ ߟߎ߬ ߟߊߞߟߏ ߦߋ߫ ߓߊ߯ߙߊ߫ ߟߊߘߊ߲ߠߊ߲ ߠߋ߬ ߘߌ߫ ߝߛߊߦߌ߫. ߞߊߙߏ߫ ߆ ߞߘߐ߫ ߘߋ߲ߡߌߛߍ߲ ߠߎ߬ ߘߌ߫ ߛߴߊ߬ߟߎ߬ ߟߊ߫ ߓߊ߯ߙߊ ߞߐߝߟߌ ߦߋ߫ ߟߊ߫.ߊ߲ ߞߊ߫ ߞߊ߲߫ ߞߵߊ߲ ߠߊ߫ ߖߡߊ߬ߣߊ ߓߌ߬ߟߊ߬ ߓߊ߯ߙߊ ߟߊ߫)) ߊ߬ ߞߵߏ߬ ߘߐߞߣߍ߫ ߓߊ߬…

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲߫ ߣߝߊ߬ߢߐ߲߰ߦߊ ߓߊ߲ߓߊ߲ߣߍ߲ ߘߏ ߊ߬ߟߎ߬ ߣߌ߫ ߞߊ߬ߝߏ ߕߍ߫. ߘߎ߲߬ߘߎ߲߬ߡߊ߬ ߡߊ߬ߘߎ߮ ߣߌ߫ ߣߊ߲߬ߝߟߏ߬ߦߊ߬ߟߌ߫ ߛߌ߲߬ߝߏ߲߬ߘߊ ߟߎ߬. ߛߊ߫ ߞߊ߬ ߟߊ߬ߥߟߏ߬ߟߌ߬ߟߊ ߟߎ߬ ߟߊ߫ ߞߎ߲߬ߦߌ߬ߘߊ߬ߟߌ ߟߎ߬ ߓߐ߫ ߢߊ߫ ߟߊ߫ ߊ߬ ߣߌ߫ ߖߌ߬ߣߍ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߟߎ߬ ߛߊ߫ ߞߊ߬ ߟߊ߬ߥߟߏ߬ߟߌ ߟߎ߬ ߘߍ߲߬ߡߍ߲߬ ߊ߬ߟߎ߬ ߟߊ߫ ߞߎ߲߬ߦߌ߬ߘߊ߬ߟߌ ߟߎ߬ ߡߊ߬. ߊ߬ ߣߌ߫ ߖߌ߬ߣߍ߬ ߣߊ߲߬ߝߟߏ߬ߘߏ߲߬ߘߊ߬ߟߊ ߟߎ߬. ߖߘߍ߬ߓߊߟߏ߫ ߖߘߍ߬ߕߌ߰ߦߊ߫ ߡߊ߰ߡߊ߬ߕߊ ߓߟߏ߫ ߡߊ߬ ߊ߬ ߣߌ߫ ߢߝߍߕߊ߯ ߘߎ߲ߡߊߣߍ߲.