Konaakiri ñannde 2 jolal 2026 – Ardiiɗo yaakitoraaɓe ɓen Aamadu Wuuri Baa wonndude e liggotooɓe e laamorde yaakitorde aranere nden seenike ka jaagorde Espaañ Gine fii yarlingol ɓe battane ɗee taƴalle mawɗe waɗuɗe, ɗun non ko laana TGV woni ko seli ɗun woni sabu buy feƴƴini, buy barmi.
Ko sanni ɓe, ko jaagoraaɗo on tigi koohoo Anjel Antoniyoo Guterees. Ardiiɗo yaakitoraaɓe ɓen e innde Ardiiɗo Hawtaandi ndin Koohoo Maamadii Dummbuyaa e laamu Gine ngun e jamaa Gine on toriiɓe yarlagol yarlina ɓeynguureeji mayraaɓe ɓen, toroo alla yo hayfiniran barmu ɓe ɓen cellal.
Jaagoraaɗo on jarni sanne Ardiiɗo yaakitoraaɓe ɓen faadee e yarlino e yurmino ɗohungo ɓe ngon haa ka jaagorde Espaañ. O anndintini naɓidal wonungal ngal hakkunde leydi makko ndin e Gine. O holli wonndema o yottinay e Lanɗo Espaañ on, ndee yurmeende nde ɓe waanii haa ɓe hewti ka jaagorde.
