Catégorie : Actualités en N’Ko

ߞߌ߲ߘߌߦߊ߫ ߞߏߟߌ߲ߞߏߟߌ߲ ߕߋ߬ߟߋ߫ ߂߃/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߓߘߊ߫ ߞߌ߲ߘߌߦߊ߫ ߡߊ߬ߡߙߊ߬ߟߌ߬ߟߊ ߟߎ߬ ߡߊߞߍ ߘߌߦߊ ߞߓߊߝߟߐߛߌ߮ ߞߏ ߟߎ߬ ߢߊߓߐ߫. ߏ߬ ߦߋ߫ ߖߊ߬ߕߋ߬ߘߐ߬ߛߌ߰ ߓߟߋߓߟߋ ߟߋ߬ ߘߌ߫߸ ߡߍ߲ ߦߋ߫ ߞߎ߲߬ߠߊ߬ߛߌ߮ ߟߊ߫ ߦߟߌߟߊߕߍ߮ ߦߌ߬ߘߊ߬ ߟߊ߫ ߞߊ߬ ߓߊ߯ߙߊߢߐ߲߯ߦߊ ߣߌ߫ ߞߊ߬ߝߏ ߟߊ߫ ߛߋߞߏߦߊ ߓߊ߲ߓߊ߲߫ ߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߘߐ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ ߞߏ߫ ߣߌ߲߬ ߦߋ߫ ߞߏ߫ ߞߎߘߊ߫ ߟߋ߬ ߘߌ߫ ߖߌ߬ߣߍ߬ ߘߐ߬ߝߐ ߘߐ߫. ߊ߬ ߝߟߐ ߟߋ߬ ߣߌ߲߬ ߛߎߥߊ߲ߘߟߌ ߕߎ߬ߡߊ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ ߘߊߞߎ߲ ߠߎ߬ ߦߋ߫ ߛߋ߫ ߓߟߏߟߊߕߎ߲߮ ߣߴߊ߬ ߢߊ߫ ߓߘߍ ߡߊ߬. ߞߵߊ߬ ߕߘߍ߬ ߝߘߏ߬ߓߊ߬ ߞߏ ߟߎ߬ ߡߊ߫ ߢߊ ߓߊ߬ߛߊ߲߬. ߏ߬ ߟߎ߬ ߦߋ߫ ߓߊ߲ߓߊ߲ߠߌ߲ ߕߐ߰ߡߊ߬ߛߙߋ ߟߋ߬ ߘߌ߫ ߡߊ߬ߡߊߘߌ߫ ߘߎ߲ߓߎߦߊ ߟߊ߫ ߢߍߡߌߘߊߟߌ ߞߣߐߡߊ߬.

ߖߊ߬ߕߋ߬ߘߐ߬ߛߌ߮ ߢߊ߬ߕߣߐ߬ߡߊ ߛߌߦߊߡߊ߲߫ ߦߴߊ߬ ߞߊ߲߬:

ߡߊ߬ߡߙߊ߬ߟߌ߬ߟߊ ߟߎ ߡߊߞߍ ߦߌߟߊ ߣߌ߲߬ ߦߋ߫ ߝߘߏ߬ߓߊ߬ ߓߊ߯ߙߊ ߟߎ߬ ߟߊߞߎߘߦߊߟߌ ߝߊ߲߬ߞߊ߬ߘߏ߲߬ߠߌ߲ ߠߋ߬ ߘߌ߫ ߝߊ߬ߛߏ ߞߣߐ߫. ߖߊ߬ߕߋ߬ߘߐ߬ߛߌ߰ߓߊ ߟߎ߬ ߦߋ߫ ߛߋ߲߬ߠߊ߫ ߕߋ߲߬ ߝߙߊߣߊ߫߸ ߞߊ߲ߞߊ߲߫ ߣߌ߫ ߓߏ߬ߞߋ߫. ߞߵߊ߬ ߕߘߍ߬ ߓߏ߬ߞߋ߫ ߝߣߊ߫ ߦߋ߫ ߥߙߎߞߌ ߢߍߕߊ߮ ߛߌߟߊ ߖߍ߬ߘߍ ߖߍ߬ߘߍ ߞߊ߲߬ ߘߍ߲߰ߦߊ߬ߟߌ ߛߌߟߊ ߝߍ߬߸ ߞߊ߬ߝߏ ߦߋ߫ ߕߎ߲ߞߎ߲߫ ߛߓߊ߬ ߟߋ߬ ߟߥߊߟߌ߫ ߟߊ߫.

.  ߘߊߞߎ߲ ߠߎ߬ ߟߊߢߊ߬ߟߌ: ߞߊ߬ ߓߊ߯ߙߊ ߟߊߛߓߊ߬ߕߌ ߘߊߞߎ߲ ߖߐ߲ߖߐ߲߫ ߠߎ߬ ߘߐ߫.

. ߘߊߞߎ߲ ߟߊߢߊ߬ߟߌ: ߞߵߊ߬ ߓߊ߯ߙߊ ߟߎ߬ ߟߊߢߊ߬ ߕߟߋ߬ߓߊ߰ߦߊ߬ߟߌ ߛߌߟߊ ߝߍ߬(ߘߌߖ߭ߌߕߊߟߌߖ߭ߊߛߌߦߐ߲) ߛߊ߫ ߝߎߣߎ߲ߞߋ ߓߊ߯ߙߊ ߟߎ߬ ߘߌ߫ ߞߟߊߓߎ ߛߐ߬ߘߐ߲߬.

. ߞߵߊ߬ ߓߊ߯ߙߊ ߗߏ߯ߦߊ ߟߎ߬ ߟߊߢߊ߬: ߞߵߊ߬ ߓߊ߯ߙߊ ߞߐߡߊߓߌ߲ߓߌ߲ ߞߵߊ߬ ߡߌ߬ߙߌ߲߬ߘߌ ߟߊߞߐ߯ ߊ߬ ߟߊ߫.

ߞߏߕߌ߯ ߝߟߐ ߟߋ߬ ߞߊ߬ ߟߊߛߙߋߦߊ߫ ߞߏ߫ ߞߎ߲߬ߠߊ߬ߛߌ߮ ߓߊ߯ߙߟߊ ߟߋ߬ ߡߌ߬ߙߌ߲߬ߘߌ ߟߊ߫ ߓߊ߯ߙߊߘߋ߲ ߠߋ߬ ߘߌ߫. ߊ߬ ߞߵߊ߬ ߘߐߞߣߍ߫ ߞߏ߫ ߝߘߏ߬ߓߊ߬ ߓߊ߯ߙߊ ߞߊ߫ ߞߊ߲߫ ߞߊ߬ ߞߍ߫ ߢߊ߬ߕߣߐ߬ߡߊ ߣߌ߫ ߟߊ߬ߛߐ߬ߘߐ߲߬ ߘߌߡߊ߲ ߠߎ߬ ߘߌ߫.

ߛߌߡߊ߲ߘߎ߯ ߣߌ߫ ߡߊ߬ߡߙߊ߬ߟߌ ߡߊ߬ߞߍ߬ ߦߌߟߊ ߞߏ ߘߏ߲߬ߢߐ߲߰ߒߓߟߏ߬ߢߊ

ߞߎߡߊ ߞߎ߲߬ߝߊ߮ ߘߐ߫߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߓߟߏߘߏ߲ߢߐ߲߰ߓߟߏ ߦߌ߬ߘߊ߬ ߓߊ߯ߙߊ ߢߌ߲߬ ߣߌ߫ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߰ ߓߟߋߓߟߋ ߕߍ߫߸ ߏ߬ ߡߍ߲ ߦߋ߫ ߛߐ߬ߘߐ߲߬ߘߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊߥߙߎߞߌ ߘߌ߲߬ߞߌߙߊ ߘߌ߫. ߖߊ߬ߕߋ߬ߘߐ߬ߛߌ߮ ߣߌ߲߬ ߢߊ߬ߕߣߐ߬ߓߊ ߟߋ߬ ߡߊ߬ߡߙߊ߬ߟߌ߬ߟߊ ߟߎ߬ ߟߊ߫ ߡߊ߬ߞߍ߬ ߦߌ߬ߟߊ ߞߏ ߟߎ߬ ߡߊ߬ ߖߡߊ߬ߣߊ ߞߣߐ߫. ߏ߬ ߦߋ߫ ߞߊ߬ߝߏ߫ ߝߊ߲߬ߞߊ߬ߡߊ ߣߌ߫ ߡߌ߬ߙߌ߲߬ߘߌ ߝߊ߲߬ߞߊ ߟߋ߬ ߘߌ߫߸   ߞߵߊ߬ ߟߐ߬ ߖߌ߬ߣߍ߬ߘߋ߲ ߠߎ߬ ߓߍ߯ ߟߊ߫ ߟߊ߬ߝߙߍ ߛߌߟߊ ߡߊ߬.

ߞߏߟߌ߲ߞߏߟߌ߲ ߕߟߋ߬ ߂߆/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߓߘߊ߫ ߓߐߒߡߊߟߌ ߞߍ߫ ߓߊߛߌ߫ ߟߊߘߊ߲߫ ߝߊ߲

ߏ߲ ߓߟߋߓߟߋ߫ ߝߌ߬ߟߊ߬ ߟߊ߫߸ ߏ߬ ߏ ߦߋ߫ ߡߊߣߍߦߊ߫ ߞߐߣߊߞߙߌ߫ ߡߙߊ߬ߘߊ߰ ߘߎ߯ߟߊ ߞߣߐ߫. ߘߏ߫ ߝߣߊ߫ ߦߋ߫ ߡߏߙߌߓߦߊ߫ ߝߏߘߋߞߊߙߌߦߊ߫ ߡߙߊ߬ߘߊ߰ ߘߎ߯ߟߊ ߞߣߐ߫. ߓߐߒߡߊߟߌ ߣߌ߲߬ ߦߋ߫ ߞߎ߲߬ߠߊ߬ߛߌ߮ ߟߊ߫ ߝߊ߲ߓߏ߲ߦߊߟߌ ߝߊ߬ߛߏ߬ߟߞߊ߬ߦߊ ߣߌ߫ ߞߍ߲ߘߍߦߊ ߣߌ߫ ߘߍ߲ߖߘߍߟߦߊ ߢߍߥߟߊ ߟߋ߬ ߘߐ߫.

ߡߊߣߍߦߊ߫ ߝߊ߲ߓߏ߲

ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߝߊߙߑߡߊߛߎߕߌߞߊߟ ߞߐ߲ߔߊߢߌ߲ ߝߊ߲ߓߏ߲ ߡߊߝߟߍ߫ ߡߊߣߍߦߊ߫ ߏ߬ ߦߋ߫ ߝߊ߲ߓߏ߲ ߠߋ߬ ߘߌ߫ ߡߍ߲ ߠߊߘߊ߲ߣߍ߲߫ ߖߌ߬ߣߍ߬ ߞߎ߲߬ߠߊ߬ߛߌ߮ ߣߌ߫ ߘߎ߲߬ߘߎ߲߰ߡߊ߬ ߥߊߟߌߘߊ ߟߎ߬ ߟߊ߫ ߣߝߊ߬ߢߐ߲߰ߦߊ ߓߟߏߘߏ߲ߢߐ߲߰ߓߟߏ ߘߐ߫.

.ߊ߬ ߛߋߞߏߦߊ: ߊ߬ ߘߌ߫ ߛߋ߫ ߓߊߛߌ߫ ߞߎ߲ߓߊ߫ ߥߟߎ߬ߡߊ߬ ߅߇ ߟߊߘߊ߲߫ ߠߊ߫ ߞߊߙߏ߫ ߓߍ߯ ߟߊ߫.

. ߓߊߛߌ߫ ߛߎ߯ߦߊ ߟߎ߬: (ߕߏߘߋߕߏߘߋߟߊ߲، ߛߍߙߐߡ ، ߜߋߣߎ߲ ߛߌߙߏ ߊ߬ ߣߌ߫ ߘߊ߲ߘߊߟߌ߫ ߖߐ߯ߙߊ߲ ߠߎ߬)

. ߟߊ߬ߢߌߣߌ߲: ߊ߬ ߘߌ߫ ߝߊ߬ߛߏ ߡߊߛߐ߫ ߟߊ߫ ߣߝߊ߬ߓߐ߬ߟߌ ߘߐ߫ % ߆߀ ߟߊ߫߸ ߊ߬ ߣߌ߫ ߞߊ߬ ߓߊߛߌ߫ ߟߎ߬ ߟߊߝߏ߬ߦߌ߬ ߟߊ߬ߡߌߣߌ߲߫ ߖߡߊ߬ߣߊ ߟߎ߬ ߘߐ߫.

ߡߏߙߌߓߦߊ߫ ߝߊ߲ߓߏ߲

ߞߎ߲߬ߠߊ߬ߛߌ߮ ߟߊ߫ ߗߋߘߋ߲ ߠߎ߬ ߟߥߊ߫ ߘߊ߫  ߡߍߘߑߣߍ߫ ߊߝߙߌߞߊ߬ ߛߊߙߑߟߌ߫ ߝߍ߬ ߡߏߙߌߓߦߊ߫߸ ߏ߬ ߦߋ߫ ߟߌ߲ߓߊ߲ ߖߌ߬ߣߍ߬ ߣߌ߫ ߍߘ ߟߊ߫ ߣߝߊ߬ߢߐ߲߰ߦߊ ߓߟߏߘߏ߲ߢߐ߲߰ߓߟߏ ߞߐߝߟߌ ߟߋ߬ ߘߌ߫.

. ߟߊ߬ߢߌߣߌ߲: ߊ߬ߟߎ߬ ߦߴߊ߬ ߝߍ߬ ߞߊ߬ ߓߊߛߌ߫ ߛߎ߯ߦߊ߫ ߁߂߀ ߠߋ߬ ߟߊߘߊ߲߫ ߛߊ߲߭ ߞߘߐ߫߸ ߞߊ߬ ߖߌ߬ߣߍ߬ߞߊ ߡߊ߬ߞߏ ߟߎ߬ ߢߣߊߓߐ߫ ߊ߬ ߣߌ߫ ߞߊ߬ (ߖߌ߬ߣߍ߬ ߓߊߛߌ) ߟߊߘߊ߲߫ ߞߵߏ߬ ߟߊߝߏ߬ߦߌ߬ ߞߐߞߊ߲ߠߊ ߟߎ߬ ߘߐ߫.

ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߎߡߊ ߞߎ߲߬ߝߊ߮ ߘߐ߫ ߞߏ߫ ߣߌ߲߬ ߘߌ߫ ߞߍ߫ ߓߊߛߌ߫ ߛߐ߲߬ߞߐ ߡߊ߬ߖߌ߮ ߛߊߓߎ߬ ߘߌ߫߸ ߞߊ߬ ߓߊ߯ߙߊ߫ ߦߌߟߊ ߟߎ߬ ߘߊߦߟߍ߬، ߊ߬ ߣߌ߫ ߞߊ߬ ߖߌ߬ߣߍ߬ ߟߊ߫ ߞߎ߲ߝߊߟߋ߲ ߘߋߝ߭ߌߛ ߟߊߞߊ߲ߘߊ߫ ߊ߬ ߦߌ߬ߘߊ߬ ߝߣߊ߫ ߞߏ߫ ߖߊ߬ߕߋ߬ߘߐ߬ߛߌ߮ ߣߌ߲߬ ߦߋ߫ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߛߌߡߊ߲ߘߎ߯ ߂߀߄߀ ߢߍߥߟߊ ߟߋ߬ ߘߐ߫. ߗߋߘߋ߲ ߠߎ߬ ߣߊ߬ߣߍ߲߫ ߞߐߣߊߞߙߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫ ߞߟߌߟߌ ߟߋ߬ ߞߣߐ߬ߡߊ߬ߗߋߘߋ߲ ߠߎ߬ ߣߊ߬ߣߍ߲߫ ߞߐߣߊߞߙߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫ ߞߟߌߟߌ ߟߋ߬ ߞߣߐ߬ߡߊ߬. ߗߋߘߋ߲ ߠߎ߬ ߣߊ߬ߣߍ߲߫ ߞߐߣߊߞߙߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߟߊ߫ ߞߟߌߟߌ ߟߋ߬ ߞߣߐ߬ߡߊ߬.

ߞߏߟߌ߲ߞߏߟߌ߲ ߕߟߋ߬ ߉/ ߂߀߂߅

ߞߐ߬ߟߏ߲ ߓߊ߯ߙߊߢߐ߲߯ߦߊ ߢߐ߲߯ߦߋ ߓߊ߲ߣߍ߲ ߞߐߝߍ߬߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߝߌ߬ߟߊ ߞߊ߬ ߝߐ߰ߓߍ߬ߜߙߊ ߝߊ߲߬ߝߌ߬ߟߊ߬ߡߊ ߘߏ߫ ߢߣߊߓߊ߯ߦߊ߫ ߏ߬ ߛߋ߲߬ߝߍ߬ ߞߎߡߊ߫ ߞߍ߫ ߘߊ߫ ߘߊߞߎ߲߫ ߛߌߦߊߡߊ߲߫ ߞߊ߲߬߸ ߏ߬ ߛߋ߲߬ߝߍ߬ ߞߏߕߌ߯ ߝߟߐ ߊߓߘߎߟߊߦ ߡߊ߬ߦߌ߬ߜ߭ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߟߊ߫ ߓߐߒߡߊߟߌ߫ ߞߎ߲߬ߕߋߟߋ߲ ߦߋ߫ ߞߊ߬ߝߏ ߞߎ߲߬ߕߌ߮ ߝߌ߬ߟߊ߬ ߟߊ߫ ߡߙߌߣߊ߲߫ ߞߋߟߋ߲ߢߐ߲߰ߦߊ ߟߋ߬ ߘߌ߫߸ ߜߙߋ߬ߡߊ߬ߕߍ߰ߓߊ߮ ߛߋߞߎ߬ ߕߎ߬ߙߋ߬ ߣߌ߫ ߡߏߘߌߓߏ߬ ߞߋߕߊ߬ ߟߎ߬ ߗߍߕߊߓߊ߮ ߊ߬ ߞߊ߬ ߝߏ߬ߟߌ ߞߍ߫ ߘߡߊߝߊߟߋ߲߫ ߝߊ߲߬ߝߌ߬ߟߊ߬ߡߊ ߢߌ߲߬ ߠߊ߫. ߏ߬ ߡߍ߲ ߦߋ߫ ߥߟߊ߬ߘߊ (ߢߣߊߡߊ) ߛߐ߬ߘߐ߲߬ߣߍ߲ ߠߎ߬ ߞߐߝߟߌ ߖߊ߬ߓߌ߬ߟߌ ߟߎ߬ ߘߌ߫. ߊ߬ ߣߌ߫ ߞߵߌ ߕߌ߲ߕߌ߲߫ ߥߣߍ߬ߡߊ߬ߦߊ߫ ߡߊ߬ߡߊ߬ߟߊ ߞߊ߲߬. ߞߊ߬ ߘߍ߬ߘߊ߬ߟߋ߲ ߝߊ߲߬ߝߌ߬ߟߊ߬ߡߊ ߘߏ߫ ߛߌ߰ ߘߍ߬ߘߊ߬ߓߊ ߞߣߐ߫. ߡߊ߬ߟߌ ߞߏߕߌ߯ ߝߟߐ ߞߊ߬ ߖߌ߬ߣߍ߬ ߝߏ߬ ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߐߡߊߓߌ߲ߓߌ߲ߠߌ߲ ((ߓߊ߲ߓߊ߲ߣߍ߲ ߡߊ߬)) ߜߟߍ߬ߦߊ ߕߎ߬ߡߊ ߟߎ߬ ߟߊ߫߸ ߞߊߕߙߍ߬ߕߍ߫ ߛߘߋߦߊߏ ߟߊ߫ ߖߊ߲߬ߞߌ߲߬ߠߌ߲ ߥߊ߯ߕߌ ߡߊ߬. ߊ߬ ߞߊ߬ ߘߎߓߊ߫ ߛߌߦߊߡߊ߲߫ ߞߍ߫ ߞߏ߫ ߊߟߊ߫ ߦߋ߫ ߖߌ߬ߣߍ߬ ߞߏߟߌ߲ߞߏߟߌ߲߫ ߂߈ ߞߊ߲ߕߌ߯ ߢߣߊߕߊߟߌ ߣߌ߲߬ ߕߊ߬ߡߌ߲߬ ߊ߬ ߢߌ߬ߡߊ ߟߊ߫߸ ߓߍ߲߭ ߣߌ߫ ߞߍߞߋߟߋ߲ߘߌ ߝߊ߬ߛߏ߬ߟߊ߬ߞߊ ߞߣߐ߫. ߊ߬ ߞߊ߬ ߖߌ߬ߣߍ߬ ߡߙߊ߬ߦߊ ߡߐ߱ ߟߎ߬ ߝߏ߬ ߝߣߊ߫ ߞߵߊ߬ ߓߍ߲߬ ߛߌߡߊ߲ߘߎ߯ ߘߊ߬߬ߡߊ߲߬ ߖߊ߬ߕߋ߬ߘߐ߬ߛߌ߰ߓߊ ߞߐ߲߬ߞߎ߬ߟߎ߲߬ ߝߟߐ ߟߊ߫ ߥߟߌ߬ߟߌ ߡߊ߬. ߊ߬ ߞߵߏ߬ ߡߊ߲߬ߞߕߎ߬ߦߊ߫ ߥߣߊ߬ߦߊ ߟߊ߲ߡߊ ߟߋ߬ ߘߌ߫ ߝߘߊ߬ߝߌ߲߬ߠߊ߫ ߓߍ߯ ߢߍ߫. ߞߵߊ߬ ߞߍ߫ ߟߊ߬ߞߊ߲߬ߘߊ߬ߟߌ ߞߘߎ߬ߜߟߍ߬ߦߊ߬ߕߊ ߘߌ߫. ߊ߬ ߣߌ߫ ߡߊ߬ߟߌ ߣߊ߲߬ߕߌ߮ ߟߎ߬ ߟߌ߬ߤߟߊ߸ ߊߓߘߎߟߊߦ ߡߊߦߌߜ߭ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߟߍ߬ߦߊ ߘߍ߲ߖߘߍߟߦߊ ߟߊ߫ ߖߡߊ߬ߣߊ ߝߌ߬ߟߊ ߢߐ߲߯ ߕߍ߫߸ ߦߌ߬ߘߊ߬ߟߌ ߘߐ߫ ߞߏ߫ ߓߊ߰ߓߊ߰ߟߌ߬ߟߊ ߟߎ߬ ߞߍ߬ߟߍ ߦߋ߫ ߓߌ߬ ߞߘߎ߬ߜߍߟߍ߲ ߡߊߘߏ߬ߣߌ߲߬ߕߊ ߟߋ߬ ߘߌ߫. ߡߍ߲ ߞߎ߲߬ߕߋߟߋ߲߫ ߦߋ߫ ߕߌ߲߬ߞߎߘߎ߲߫ ߕߍߓߊ߯ߦߊ߫ ߡߊ߬ߡߊ߬ߟߊ ߓߊ߲ߓߊ߲ߣߍ߲ ߘߌ߫. ߊ߬ ߞߵߊ߬ ߕߌ߲ߕߌ߲߫ ߡߞߊ߬ߝߏ߬ߟߌ ((ߥߎ߬ߣߊ߲߬ߞߏߙߏ߲)) ߞߍߟߌ ߞߊ߲߬. ߞߵߊ߬ ߓߍ߲߬ ߡߊ߬ߟߌ ߟߊ߬ߞߊ߲߬ߘߊ߬ߟߌ ߟߌ߬ߤߟߊ ߡߊ߬. ߏ߬ ߘߌ߫ ߟߊ߬ߥߟߌ߬ߟߌ ߞߍ߫ ߞߐߥߟߏߟߌ ߘߐ߫߸ ߏ߬ ߡߍ߲ ߦߋ߫ ߛߋ߲߬ ߠߊ߫ ߞߊ߬ߓߌ߯ ߛߊ߲߬ ߛߓߊ߬ ߞߘߐ߫ ߣߊ߲߬ߕߌ߰ ߝߊ߲ߞߊ ߛߘߊ߫ ߘߐ߫. ߦߌ߬ߘߞߊ߬ߟߌ ߣߌ߫ ߟߊ߬ߟߐ߲߬ߠߌ߲߬ߦߊ߬ߟߌ߬ߓߊ߬ߟߌ߬ߦߊ ߘߐ߫. ߊ߬ ߣߌ߫ ߝߐ߰ߓߍ߬ߦߊ߬ߟߌ ߘߐ߬ߛߏ߬ߘߏ߲߬ߜߊ߬ߟߌ ߘߏ߫ ߟߎ߫ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߓߊ߰ߓߊ߰ߟߌ߬ߟߊ߬ ߞߙߎ߫ ߛߌ߫ ߡߊ߫ ߛߋ߫ ߓߡߊ߬ߞߐ߫ ߡߎ߰ߡߍ߫. ߞߏߕߌ߯ ߝߟߐ ߞߵߊ߬ ߟߊ߫ ߥߞߊ߬ߟߌ ߦߌ߬ߘߊ߬ ߡߊ߬ߟߌ ߟߊ߫ ߝߣߊ߫߸ ߞߏ߫ ߊ߬ ߣߌ߫ ߖߌ߬ߣߍ߬ ߦߋ߫ ߕߊ߯ ߢߐ߲߮ ߝߍ߬ ߟߊ߬ߘߏ߲߬ߒ߬ߘߐ߬ߟߌ ߘߐ߫߸ ߥߙߎߞߌ ߟߐ߬ߟߌ ߣߌ߫ ߟߊ߬ߞߊ߲߬ߘߊ߬ߟߌ ߘߐߕߟߊߣߍ߲ ߕߣߐ߬ߡߊ ߖߡߊ߬ߣߊ ߝߌ߬ߟߊ ߓߟߏ߫.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߵߊ߬ ߦߌ߬ߘߊ ߞߏ߫ ߊ߬ ߡߐ߬ߟߐ߲߬ߕߌ߰ߢߐ߲߮ ߡߊ߬ߟߌ߬ߞߊ ߟߊ߫ ߣߊ߬ߟߌ ߦߋ߫ ߡߊ߬ߟߌ ߞߊ߬ߝߏ ߞߎ߲߬ߕߌ߮ ߟߊ߫ ߖߡߊ߬ߙߌ ߟߋ߬ ߘߌ߫߸ ߊ߬ ߞߵߊ߬ ߕߌ߲ߕߌ߲߫ ߓߌ߬ߟߊ߬ߢߐ߲߰ߡߊ߬ ߞߎ߲߬ߞߋ߬ߟߋ߲߬ߡߊ ߞߊ߲߬ ߡߍ߲ ߦߋ߫ ߖߌ߬ߣߍ ߣߌ߫ ߡߊ߬ߟߌ ߓߌ߬ߟߵߌ ߢߐ߲߮ ߡߊ߬.(( ߞߏ߫ ߞߏ߫ ߛߌ߫ ߓߊ߯ ߛߋ߫ ߡߊ߬ߟߌ ߡߊ߬ ߏ߬ ߘߌ߫ ߛߋ߫ ߖߌ߬ߣߍ߬ ߝߣߊ߫ ߡߊ߬ ߢߊ߬ߒ߬ߞߐ߬ߓߊ߬ߟߌ߬ߦߊ ߛߌߟߊ ߝߍ߬ ߟߋ߬ ߘߍ߯)) ߡߙߌߦߊ߫ ߏ߬ ߛߊߓߎ߫ ߟߊ߫ ߊ߬ ߞߊ߬ ߞߏߟߊߒߞߘߐߢߐ߲߯ߦߊ߫ ߢߊ߬ߒ߬ߞߐ߬ߓߊ߬ߟߌ ߘߎ߲ߡߕߊ ߦߌ߬ߘߊ߬ ߞߊ߬ ߕߍߓߊ߯ߦߊ߫ ߛߋ߲߬ߞߘߐ߬ߓߌ߲ߓߌ߲߫. ߡߍ߲ ߞߎ߲߬ߕߋߟߋ߲߫ ߞߍߕߐ߫ ߜߙߋ߬ߡߊ߬ߕߍ߰ߓߊ߮ ߟߎ߬ ߟߊ߫ ߗߍ ߕߏߣߍ߲ ߘߌ߫. ߣߊߟߌ߬ߡߎ߲߫ ߝߘߊ߬ߝߌ߲߬ߟߊ߲߬ߘߌ߬ߦߊ ߡߙߌߦߊ ߘߐߕߟߊߣߍ߲ ߘߌ߫ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߣߌ߫ ߊߛߌߡ ߞߏ߬ߦߌ߬ߕߊ ߕߍ߫

ߊߡߊߘߎ߫ ߎߙߌ߬ ߓߊ ߞߊ߬ ߖߌ߬ߣߍ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߓߊ߲ߓߊ߲ߣߍ߲ ߦߌ߬ߘߊ߬ ߝߣߊ߫ ߞߵߊ߬ ߓߍ߲߬ ߡߊ߬ߟߌ ߞߐߡߊߓߌ߲ߓߌ߲ ߡߊ߬ ߞߵߊ߬ ߓߍ߲߬ ߞߐ߰ߖߌ߬ߘߊ ߡߊߛߐ߬ߘߐ߲ ߖߊ߬ߓߌ߬ߟߌ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲ ߠߎ߬ ߡߊ߬ ߓߌ߲߬ߕߊ߰ߦߊ ߓߟߏߡߊ߬. ߊ߬ߟߎ߬ ߞߎߡߊ߫ ߘߊ߫ ߕߌ߲߬ߞߎߘߎ߲߫ ߟߊ߬ߞߊ߲߬ߘߊ߬ߟߌ ߞߘߎ߬ߜߟߍ߬ߦߊ ߞߊ߲߬. ߊߡߊߘߎ߫ ߎߙߌ߬ ߞߊ߬ ߡߊ߬ߟߌ ߞߎߟߎ߲ߖߋ߫، ߊ߬ߟߎ߬ ߞߟߊߓߎߡߦߊߟߌ ߟߊ߫ ߓߊ߰ߓߊ߰ߟߌ߬ߟߊ ߟߎ߬ ߞߍ߬ߟߍ ߘߐ߫. ߖߊ߲߬ߓߌ߬ߟߊ߬ߟߌ ߘߐ߫ ߞߏ߫ ߞߍ߬ߟߍ ߏ߬ ߦߋ߫ ߡߊ߬ߟߌ ߡߌ߬ߙߌ߲߬ߘߌ ߟߊ߬ߞߊ߲߬ߘߊ ߟߋ߬ ߘߌ߫ ߊ߬ ߣߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߕߌ߲߬ߞߎߘߎ߲ ߓߍ߯ ߟߊߞߊ߲ߘߊ. ߊ߬ ߞߊ߬ ߟߊ߬ߘߍ߲߬ߞߣߍ߬ߦߊ߬ߟߌ ߞߍ߫ ߞߏ߫ ߖߌ߬ߣߍ ߦߋ߫ ߡߙߌߣߊ߲ ߏ߬ ߞߊ߲߬، ߊ߬ ߣߴߊ߬ ߘߴߊ߬ ߞߐߡߊߓߌ߲ߓߌ߲߫ ߖߘߍ߬ߘߏ߲߬ߠߌ߲ ߣߌ߫ ߘߍ߬ߡߍ߲ ߘߐ߫ ߜߍߘߐ، ߛߌ߰ߢߐ߲߰ ߖߡߊߣߊ ߟߎ߬ ߘߍ߬ߡߍ߲ ߘߐ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߘߐ߬ߛߌ߬ߟߊ߲߬ߠߌ߲ ߘߐ߫. ߉/ ߁߂/ ߂߀߂߅/ ߂߁ ߙߋ߲ ߀߀.

ߞߐߣߊߞߙߌ߫ ߞߏߟߌ߲ߞߏߟߌ߲ ߕߟߋ߬ ߈/ ߂߀߂߅

ߞߏߕߌ߯ ߝߟߐ ߛߟߊߕߌ߯ ߊߡߊߘߎ߫ ߎߙߌ߬ ߓߊ ߞߊ߬ ߟߐ߬ߟߌ ߓߊ߯ߙߊ߫ ߏ߬ ߝߘߏ߬ߓߊ߬ ߘߊߡߌߣߊߟߌ ߢߍߡߌߘߊߟߌ ߞߍ߫ ߞߐ߬ߓߊ߬ߟߏ߲ ߣߌ߲߬ ߡߊ߬߸  ߞߊ߬ ߓߍ߲߬ ߗߋߘߊߕߌ߯ ߟߎ߬ ߡߊߞߍߘߊ ߡߊ߬߸ ߏ߬ ߡߍ߲ ߦߋ߫ ߛߊ߲ߝߌߟ ߞߌ߲ߘߊ ߟߊ߫߸ ߞߊߟߎߡ ߞߊ߬ߝߏ߬ߙߋ߲ ߞߣߐ߫. ߒߖ߭ߙߋߞߏ߬ߙߋ߬ ߣߌ߫ ߜߞߋߘߎ߯ ߣߌ߫ ߝߙߊߣߊ߫ ߕߊ ߣߌ߫ ߞߊ߲ߞߊ߲߫ ߕߊ ߟߎ߬ ߞߐߝߍ߬ ߞߊߟߎߡ ߓߘߴߊ߬ ߟߊߞߢߐ߬ߡߊ߬ ߊ߬ ߦߋ߫ ߖߊ߬ߕߋ߬ߘߐ߬ߛߌ߮ ߛߏ߯ߙߏߦߊߣߍ߲ ߠߋ߬ ߘߌ߫، ߡߍ߲ ߟߐ߬ߣߍ߲ ߝߊ߬ߛߏ߬ߟߞߊ߬ߦߊ ߡߊ߬ߡߊ߬ߟߊ ߞߊ߲߬. ߞߊ߬ ߓߍ߲߬ ߞߎ߲߬ߠߊ߬ߛߌ߮ ߓߊ߯ߙߟߊ ߟߎ߬ ߟߊ߫ ߘߎߢߊߘߐߕߍ߮ ߟߊߣߐ߰ߦߊ ߗߏ߯ߦߊ ߡߊ߬ ߡߍ߲ ߟߐ߬ߣߍ߲ ߞߊ߬ߝߏ ߓߊ߯ߙߟߊ ߟߎ߬ ߡߊ߬. ߡߊ߬ߞߍ߬ߘߌߦߊ ߞߊ߬ߞߎ߬ߘߟߊ߬ߞߊ ߞߎߘߊ ߏ߬ ߘߐߕߟߊߣߍ߲߫ ߡߊߞߍ߫ ߦߙߐ߫ ߃߇߀ ߟߋ߬ ߟߊ߫߸ ߊ߬ ߣߌ߫ ߡߣߐ߬ߓߏ߲߫ ߇߆ ߡߍ߲ ߟߐ߬ߣߍ߲ ߓߊߟߏ ߗߏ߮ ߞߊ߬ߘߊ߲ ߘߏ߫ ߟߊߥߟߌ߫ ߡߊ߬، ߣߴߊ߬ ߘߌ߫ ߓߍ߲߬ ߘߋ߬ߙߌ߬ߣߊ߲߫ ߡߊ߬ߞߏ߬ߡߊ߬ߝߋ߲ ߠߎ߬ ߡߊ߬ ߛߌߣߌ߲ߢߍߛߌ߮ ߡߊ߬ߞߍ߬ߦߌ߬ߟߊ߬ ߞߏ ߘߐ߫. ߖߊ߬ߕߋ߬ߘߐ߬ߛߌ߮ ߏ߬ ߞߎ߲߬ߕߋߟߋ߲߫ ߘߝߊߣߍ߲ ߟߐ߬ߣߍ߲ ߘߍ߭ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߥߙߎߞߌ ߢߍߥߟߊ ߘߎ߲ߡߕߊ ߟߋ߬ ߡߊ߬، ߊ߬ ߣߴߊ߬ ߖߊ߬ߓߌ߬ߦߊ߬ߟߊ ߛߌߡߊ߲ߘߎ߯ ߂߀߄߀ ߡߊ߬ߓߏ߬ߢߊ߬ߕߊ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߟߊ߬ߢߌߣߌ߲ ߠߋ߬ ߡߊ߬߸ ߏ߬ ߡߍ߲ ߦߋ߫ ߡߊ߬ߞߍ߬ߦߌߟߊ ߟߎ߬ ߟߊ߫ ߓߘߍ߬ߦߊ ߞߊ߲߬ ߘߎ߰ߘߋ߲ ߠߎ߬ ߢߍ߫، ߊ߬ ߣߌ߫ ߡߊ߬ߞߍ߬ߦߌ߬ߟߊ߬ ߡߝߊ߬ߟߋ߲، ߞߵߊ߬ ߞߍ߫ ߡߊ߬ߞߍ߬ߦߌߟߊ ߢߡߊߦߟߍߡߊ߲ ߘߌ߫ ߝߊ߬ߛߏ ߟߊ߫ ߝߟߐߦߊ ߟߎ߬ ߞߏߛߐ߲߬.

ߞߐߣߊߞߙߌ߫ ߞߏߟߌ߲ߞߏߟߌ߲ ߕߟߋ ߈/ ߂߀߂߅

ߞߏߕߌ߫ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߊ߬ߞߢߐ߬ߡߊ߬ߟߌ ߘߏ߫ ߞߍ߫ ߞߐߙߐ߲ߕߌ߲ ߁߭ ߣߌ߫ ߂߲ ߞߌ߲߬ߘߊ߬ ߞߎ߲߬ߕߌ߮ ߢߍ߫، ߊ߬ߟߎ߬ ߡߊߟߐ߬ߣߍ߲߫ ߕߘߍ߬ ߞߊߟߎߡ ߖߌߥߎ ߓߏ߲ߘߏ߲ ߖߋ߬ߣߌ߲ ߡߊ߲߬ߕߙߐ߬ߓߊ߰ߕߐ ߟߎ߬ ߟߊ߫ ߘߍ߬ߞߙߎ ߞߊ߲ߕߌ߮ ߟߋ߬ ߓߟߏ߫. ߊ߬ߟߎ߬ ߣߊ߬ߣߍ߲ ߘߍ߬ߡߍ߲ ߢߌߣߌ߲߫ ߠߊ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߝߍ߬ ߞߵߊ߬ ߓߍ߲߬ ߛߌ߲߬ߓߏ߲߬ߛߌ ߝߌߟߊߣߊ߲ ߡߊ߬ ߞߐߙߐ߲ߕߌ߲ ߖߌߥߎ ߓߏ߲ߘߏ߲ ߝߏߘߏ߲ ߘߐ߫ ߞߊߟߎߡ ߞߊ߬ߝߏ߬ߙߋ߲ ߞߣߐ߫߸ ߓߌ߬ߟߊ߬ߒ߬ߘߐ߬ߖߎ߮ ߏ߬ ߡߍ߲ ߞߵߊ߲ ߓߣߐ߬ ߣߌ߫ ߛߌߦߊߡߊ߲߫ ߠߊ߫߸ ߊ߬ ߣߌ߫ ߞߵߊ߲ ߓߣߐ߬ ߖߐ߯ߙߊ߲߫ ߞߟߏߡߊ ߛߌߦߊߡߊ߲߫ ߝߣߊ߫ ߟߊ߫، ((ߞߊ߬ߝߏ ߞߊ߬ ߘߍ߬ߡߍ߲߬ ߞߍ߫ ߊ߲ ߧߋ߫ ߊ߲ߞߌߛ ߟߊ߫ ߛߌߟߊ ߝߍ߬، ߊ߲ ߝߊ߲߭ ߝߍ߬ ߊ߲ ߧߋ߫ ߛߏ߬ߓߌ߬ߟߊ߬ߞߎߣߎ߲ ߠߎ߬ ߓߟߏߟߊߕߎ߲߰ ߠߊ߫ ߞߣߍ ߞߊ߲߬)) ߞߊ߬ ߛߟߊߕߌ߯ ߊߡߙߊ߫ ߕߎ߬ߙߋ߬ ߦߌ߬ߘߊ߬ ߦߏ߫ ߞߐߙߐ߲ߕߌ߲ ߡߊ߲߬ߕߙߐ߬ߓߊ߮ ߟߎ߬ ߟߊ߫ ߘߍ߬ߞߙߎ ߞߊ߲ߕߌ߮. ߊ߬ ߥߊ߯ߕߌ߫ ߛߎߘߎ߲ ߢߌ߲߬ ߘߐ߫، ߡߐ߰ߓߊ ߟߎ߬ ߣߌ߫ ߡߊ߬ߛߎ߬ߘߎ߲߬ߧߊ߬ߓߊ߮ ߟߎ߬ ߣߌ߫ ߕߋߙߌ ߟߎ߬ ߓߘߴߊ߬ߟߎ߬ ߟߊߘߍ߬ ߊ߬ߟߎ߬ ߟߊ߫ ߘߍ߬ߞߙߎ ߘߐ߫߸ ߞߵߊ߬ ߟߊߥߟߌ߬ ߞߎ߬ߙߊ߬ߣߊ߫ ߛߊߣߌ߲ ߞߊ߬ߙߊ߲ ߛߌ߲߬ߝߏ߲߬ߧߊ ߡߊ߬ ߊ߬ ߣߌ߫ ߦߟߌ߫ ߟߊ߫ ߡߙߌ߫ ߛߟߐߡߌ߲ ߕߎߣߎ߲ߣߍ߲ ߠߎ߬ ߡߊ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߊ߬ߘߍ߲߬ߞߣߍ߬ߦߊ߬ߟߌ ߞߍ߫ ߞߵߊ߬ ߟߐ߬ ߞߐߡߊߓߌ߲ߓߌ߲ߠߌ߲ ߡߊ߬ ߞߎ߲߬ߠߊ߬ߛߌ߮ ߓߟߏ߫ ߊ߬ ߟߊ߫ ߛߌߟߊ ߝߍ߬ ߞߵߊ߬ ߓߍ߲߬ ߖߊ߲߬ߖߏ߲ ߕߏ߰ߝߏ ߕߊ߬ߡߌ߲߬ ߢߊ߬ ߓߘߍ ߡߊ߬.

ߞߏߟߌ߲ߏߟߌ߲ ߕߟߋ߬ ߆/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߊ ߡߊ߬ߝߊ߲ ߞߍ߫ ߛߊߣߌߧߊ ߟߏ߲ ߝߊ߬ߛߏ߬ߟߊ߬ߞߊ ߘߐ߫ ߞߎߘߍ߫ ߃߆ ߟߊ߫.

ߘߎ߰ߘߋ߲ ߠߎ߬ ߟߊ߫ ߞߙߎߝߊߟߌ ߣߌ߲߬ ߞߎ߲ߕߋߟߋ߲ ߠߋ߬ ߞߏ߫ ߛߊߣߌߧߊߟߌ ߞߍߟߌ ߕߍ߫ ߞߏ߫ ߖߐ߲ߖߐ߲ ߡߊ߫ ߜߊ߲ߛߊ߲ ߘߌ߫ ߘߋ߬. ߞߏ߬ߣߌ߲߬ ߘߎ߬ߘߋ߲ ߠߊ߫ ߞߍߕߊ ߟߋ߬ ߊ߬ ߣߌ߫ ߘߍ߬ߒ߬ߡߊ߫ ߖߊ߬ߓߌ߬ߦߊ߬ߟߌ ߟߊ߫ ߘߐ߬ߣߌ߲ ߠߋ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߓߊ߬ߟߊ߲ ߠߎ߬ ߞߏߝߐ߫ ߞߵߊ ߓߍ߲߬ ߞߐߣߊߞߙߌ߫ ߢߊ߬ߡߊ ߡߊߡߊ߬ߙߊ ߘߎ߲ߡߕߊ ߡߊ߬߸ ߊ߬ ߞߊ߬ ߞߊ߬ߝߏ ߟߊ߫ ߥߞߊ߬ߟߌ ߦߌ߬ߘߊ߬ ߏ߬ ߡߊ߬ߘߎ߮ ߢߡߊߦߟߍߡߊ߲ ߘߐ߫ ߊ߬ ߞߊ߬ ߜߊ߲߬ߞߎ߲߬ߠߌ߲ ߖߟߐ߬ߞߐ ߦߌ߬ߘߊ߬، ߟߊ߬ߓߊ߯ߙߊ߬ߟߌ ߣߌ߫ ߢߊ߬ߡߊ ߡߐ߬ߟߐ߲߬ߘߏ߲ ߘߐ߫. ߊ߬ ߞߊ߬ ߝߟߐߦߊ߫ ߞߍߟߌ߫ ߥߊߟߌߦߕߊ ߟߎ߬ ߦߌ߬ߘߊ߬ ߡߏ߬ߛߏ ߟߎ߬ ߟߊ߫ ߡߍ߲ ߠߎ߬ ߞߘߎ߬ߜߍߟߍ߲ߡߊ߲ ߞߎ߲߬ߠߊ߬ߛߌ߮ ߡߊ߬. ߞߵߊ߬ ߟߊߥߟߌ߬ ߢߊ߬ߡߊ ߢߡߊߦߟߍߡߊ߲ ߘߎ߲ߡߕߊ ߣߴߊ߬ ߡߊߡߊ߬ߙߊ ߡߊ߬ ߞߎߓߋߘߊ ߞߣߐ߫ ߞߣߊ߬ߕߏ߫ ߖߊ߲߬ߓߌ߬ߟߊ߬ߟߌ ߞߍ߫ ߟߊ߫ ((ߢߌߣߌ߲ߞߏ ߟߋ߬ ߊ߲ ߠߊ߫ ߞߎߓߋߘߊ ߞߍ ߘߌ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߝߙߍߢߍ߫ ߟߊߓߊ߲ ߘߌ߫))

ߞߐߣߊߞߙߌ߫ ߞߏߟߌ߲ߞߏߟߌ߲ ߕߟߋ߬ ߄/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߛߋ߲߬ߘߐ߬ߞߎߟߎ߲߫ ߛߓߊ߬ ߡߊߛߐ߬ߘߐ߲߬. ߊ߬ ߣߌ߫ ߡߊ߬ߘߍ߬ߡߍ߲߬ߠߌ߲ ߖߐ߯ߙߊ߲ ߛߌߦߊߡߊ߲߫ ߡߍ߲ ߞߎ߲߬ߛߌ߲߯ߣߍ߲߫ ߞߏߕߌ߯ߝߟߐߘߊ ߟߊ߫߸ ߏ߬ ߞߍ߫ ߘߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߣߊ߲߬ߝߟߏ߬ߦߊ߬ߟߌ ߞߏߕߌ߯ ߢߣߊ߫ ߟߋ߬. ߊ߬ ߣߌ߫ ߡߊ߬ߡߙߊ߬ߟߌ ߡߊ߬ߞߟߐ ߛߌߦߊߡߊ߲߫ ߕߘߍ߬ ߞߣߍ ߞߊ߲߬߸ ߡߊ߬ߜߍ߲߬ߠߌ߲ ߢߌ߲߬ ߦߋ߫ ߕߊߕߘߍߟߌ ߛߋߞߏߦߊ߫ ߟߋ߬ ߓߊ߲ߓߊ߲߫ ߠߊ߫߸ ߊ߬ ߣߌ߫ ߞߙߎ ߟߊߞߊ߲ߘߊ ߡߍ߲ ߠߎ߬ ߟߐ߬ߣߍ߲ ߝߘߏ߬ߓߊ ߗߋߦߊߟߌ ߟߊ߫. ߊ߬ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊ߫ ߓߐߒߣߘߐ ߟߎ߬ ߘߐ߫ ߖߡߊ߬ߣߊ ߞߣߐߟߊ ߘߐ߫. ߞߏߕߌ߯ ߝߟߐ ߞߊ߬ ߞߎ߲߬ߦߌ߬ߘߊ߬ߟߌ ߘߏ߫ ߞߎߟߎ߲ߖߋߟߌ ߞߍ߫(( ߡߍ߲ ߟߐ߬ߣߍ߲߫ ߞߊ߲ߓߍ߲ ߡߙߌߣߊ߲ ߡߊ߬)) ߖߊ߲߬ߓߌ߬ߟߊ߬ߟߌ ߘߐ߫ ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߘߌߦߊߣߊ߲ߕߊ ߕߍ߫ ߖߐ߯ߙߊ߲ ߢߌ߲߬ ߠߎ߬ ߘߌ߫߸ ߞߏ߬ߣߌ߲ ߖߐ߯ߙߊ߲ ߢߊ߬ߒ߬ߞߐ߬ߓߊߟߌ ߟߋ߬ ߞߙߎ ߟߊ߬ߞߊ߲߬ߘߊ߬ߟߌ ߞߊ߲ߡߊ߬ ߞߊ߬ ߛߋ߫ ߕߊߕߘߍߟߌ ߟߞߊߟߌ߲ ߞߍ߫ ߟߊ߫ ߣߴߊ߬ ߓߍ߲߬ ߘߊ߫ ߓߌ߬ߟߊ߬ߒ߬ߘߐ߬ߖߎ߮ ߘߏ߫ ߡߊ߬ ߘߎ߰ߘߋ߲ ߠߎ߬ ߞߙߍ߬ߝߍ߬. ߞߏߕߌ߯ ߝߟߐ ߞߊ߬ ߝߏ߬ߟߌ ߟߊߛߋ߫ ߣߊ߲߬ߒ߬ߕߊ߲߬ ߡߊߛߊ߲ߛߊ߲ ߣߌ߫ ߟߊ߬ߞߊ߲߬ߘߊ߬ߟߌ ߞߏߕߌ߮ ߢߍ߫. ߞߵߊ߬ ߓߍ߲߬ ߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߡߊ߬ ߓߊ߲ߓߊ߲ߠߌ߲ ߘߐ߫، ߊ߬ ߣߌ߫ ߞߵߊ߬ ߟߐ߬ ߢߍߓߊ߯ߙߟߊ ߟߎ߬ ߡߊ߬.ߏ߬ ߡߍ߲ ߦߋ߫ ߓߌ߬ߟߊ߬ߒ߬ߛߊ߬ߥߏ߬ߘߐ߬ߟߌ ߟߊ߬ߘߌ߬ߢߍ߬ߟߌ ߞߍ߫ ߟߊ߫ ߛߋ߲߬ߘߐ߬ߞߎߟߎ߲ ߞߏ ߖߐ߯ߙߊ߲ ߞߙߍߞߙߍߣߍ߲ ߠߎ߬ ߘߌ߫.

 

ߞߐߣߊߞߙߌ߫ ߞߏߟߌ߲ߞߏߟߌ߲߫ ߕߟߋ߬ ߄/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߊ߫ ߡߊ߬ߝߊ߲ ߞߍ߫ ߛߌ߲ߞߐ߲ߡߌߘߊ ߘߐ߫ ߕߐ߰ߕߐ߰ߟߌ߬ߟߊ ߊߓߘߎߟߊߦ ߛߏ ߛߟߐߡߌ߲ ߢߍ߫ ߊ ߘ، ߝߘߏ߬ߓߊ߬ ߞߟߊ߬ߕߌ߰ ߞߘߐ ߟߎ߳ ߍߛ ߕߋ ߖ߭ߋ ߣߌ߫ ߝߍߛߊߓߊߖ߭ ߘߐ߫. ߖߌ߬ߣߍ߫ ߕߐ߬ߕߐ߰ߟߌ߬ ߕߏ߯ߝߏ߮ ߡߐ߰ ߡߊ߬ߟߐ߲߬ߣߍ߲߬ߓߊ ߘߏ߫ ߟߋ߬߸ ߊߓߘߎߟߊߦ ߛߏ߫ ߓߘߊ߫ ߛߏߡߊߦߟߍߡߊ߲߫ ߞߏߟߌ߲ߞߏߟߌ߲߫ ߕߋ߬ߟߋ߫ ߂ / ߂߀߂߅ ߊ߬ ߞߊ߬ ߗߍ߫ ߕߐ߰ߡߊ߬ߛߙߋ߬ߦߊ߬ߣߍ߲ ߡߍ߲ ߕߏ߫ ߊ߬ ߞߐ߫ ߏ߬ ߟߋ߬ ߖߘߍ߬ߘߏ߲߬ߒ߬ߞߊ߲߬ߡߊ ߣߌ߫ ߢߍߡߌߙߌ߲ ߘߌ߫. ߊ߬ ߣߌ߫ ߓߊ߯ߙߟߊ ߟߎ߬ ߤߊߞߍ ߡߊ߬ߞߊߘߊ߲. ߊ߬ ߜߋ߬ߙߋ ߘߌ߫ ߞߍ߬ߟߍ ߞߍ߫ ߝߘߏ߬ߓߊ߬ ߘߍ߬ߞߏ߬ߦߊ ߕߍߕߋߟߋ߲߫ ߛߌߟߊ ߝߍ߬߸ ߛߙߊ߬ߕߊ ߟߎ߬ ߡߊߞߊ߲ߞߊ߲ߠߌ߲ ߘߐ߫، ߊ߬ ߣߌ߫ ߝߘߏ߬ߓߊ߬ ߘߐߝߙߊߢߐ߲߯ߦߊ ߕߏߒߡߊߟߌ. ߊ߬ ߘߏ߲߬ ߞߵߊ߬ ߣߐ߭ ߟߊ߫ ߟߋ߬ ߕߐ߰ߕߐ߰ߟߌ ߝߊ߬ߛߏ߬ߟߊ߬ߞߊ ߟߊ߲߬ߘߊ ߛߌߟߊ ߝߍ߬. ߡߌ߬ߙߌ߲߬ߘߌ ߟߊ߫ ߞߎߓߋ ߢߐ߲߬ߞߌ߲߬ߣߍ߲ ߞߍ߫ ߘߊ߫ ߦߋ߲߬ ߡߍ߲ ߘߐ߫. ߞߏߕߌ߯ ߝߟߐ ߞߊ߬ ߝߏ߬ߟߌ ߟߊߛߋ߫ ((ߡߐ߬ߟߐ߲߬ߕߌ߯ ߝߊߕߏߣߍ߲ ߡߊ߬߸ ߞߵߊ߬ ߕߊ߲߬ߘߏ ߊ߬ ߞߎ߲߬ߕߋߟߋ߲ ߘߐ߫، ߊ߬ ߟߊ߫ ߞߍߣߍ߲ ߠߎ߬ ߣߴߊ߬ߟߎ߬ ߞߍߢߊ ߟߎ߬ ߘߐ߫)) ߞߍߥߊߟߌ ߏ߬ ߡߍ߲ ߞߊ߬ ߘߍ߬ߡߍ߲߬ ߞߍ߫، ߘߍ߬ߞߏ߬ߦߊ ߡߊ߬ߝߊ ߟߊߛߓߊ߬ߕߌ ߘߐ߫. ߊ߬ ߣߌ߫ ߞߊ߬ ߟߊ߬ߖߊ߲߬ߞߏ߬ߟߌ ߞߍ߫ ߞߍߞߏ ߢߌߡߊ ߘߐ߫ ߞߊ߬ ߟߐ߬ ߖߌ߬ߣߍ߬ ߓߊ߯ߙߟߊ ߟߎ߬ ߟߌ߬ߤߟߊ ߢߌߡߊ ߡߊ߬.

ߞߏߟߌ߲ߞߏߟߌ߲ ߕߟߋ߬ ߃/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߟߊ߲߬ߖߙߎ߬ߕߐ߬ߦߊ ߟߏ߲ߓߊ ߖߊ߯ߓߟߊߞߊ ߢߊ߬ߢߊ߮ ߞߍ߫ ߛߊߔߌߕߏ ߟߊ߫.

ߟߏ߲ ߏ߬ ߡߍ߲ ߞߍߣߍ߲߫ ߖߊ߲߬ߓߌ߬ߟߊ߬ߟߌ ߘߌ߫ ߘߍ߭ ߟߊ߫ ߢߊ߬ߒ߬ߞߐ߬ߓߊ߬ߟߌ߬ߦߊ ߕߐ߬ߣߐ ߜߍߞߟߐ ߡߊ߬. ߊ߬ ߞߊ߬ ߞߘߎ߬ߜߍߟߍ߲ ߠߎ߬ ߟߊ߫ ߞߣߍ ߞߊ߲߬ ߛߊ߫ ߘߐ߰ߘߏ߲߬ ߘߌ߫ ߞߍ߫ ߡߐ߰ ߟߎ߬ ߟߊ߫ ߡߍ߲ ߠߎ߬ ߦߋ߫ ߟߊ߲߬ߖߙߎ ߟߌ߬ߤߟߊ߬ߦߊ ߛߎ߯ߦߊ߫ ߟߎ߬ ߘߐ߫. ߊ߬ ߣߌ߫ ߞߊ߬ ߝߘߏ߬ߓߊ߫ ߖߘߍ߬ߘߏ߲߬ߞߊ߲ ߟߊߥߟߌ߫ ߞߵߊ߬ ߓߍ߲߬ ߊ߬ߟߎ߬ ߟߊ߫ ߕߘߍ߬ߒ߬ߘߐ߬ߟߌ ߘߝߊߣߍ߲ ߡߊ߬ ߥߙߎߞߌ ߝߊ߬ߛߏ߬ߟߊ߬ߞߊ ߘߐ߫(( ߢߊ߰ߢߊ߬ ߞߍ߫ ߟߏ߲߫ ߘߎ߬ߛߊ߬ߜߍ ߞߏߟߌ߲ߞߏߟߌ߲߫ ߕߟߋ߬ ߃/ ߂߀߂߄ ߠߊ߫߸ ߞߏߕߌ߯ߝߟߐߘߊ ߡߊ߬ߛߐ߬ߘߐ߲߬ߠߌ߲ ߟߊߣߐ߰ߦߊ߬ߟߌ ߏ߬ ߡߍ߲ ߞߣߐ߬ߜߍ߲߬ߠߌ߲ ߖߊ߬ߓߌ߬ߦߊ߬ߟߌ ߘߌ ߟߊ߫. ߞߏߕߌ߯ߘߊ ߝߘߏ߬ߓߊ߬ ߓߏߟߏ߲ߝߘߊ ߡߊ߬ ߊ߬ ߞߍߟߌ ߕߎߡߊ ߟߊ߫. ߏ߬ ߡߍ߲ ߦߋ߫ ߞߎ߲߬ߠߊ߬ߛߌ߮ ߥߊ߬ߣߌ߲߬ߞߋ ߦߌ߬ߘߊ߬ ߟߊ߫ ߞߵߊ߬ ߟߐ߬ ߊ߲ ߖߊ߬ߕߋ ߡߊ߬)) ߛߟߊߕߌ߯ ߡߎߛߑߕߝߊ߫ ߍߡ ߞߊ߬ߓߊ ߞߊ߬ ߓߍ߲߬ ߡߐ߰ ߟߎ߬ ߡߊ߬ ߡߍ߲ ߠߎ߬ ߦߋ߫ ߟߊ߲߬ߖߙߎ߬ߕߐ߬ߦߊ ߟߌ߬ߤߟߊ ߘߐ߫. ߛߟߊߕߌ߯ ߎߛߎߡߊߣ ߖߊ߰ߣߍ߫ ߝߋߖߌߝߊ ߓߋߟߋ߲ߕߌ߮ ߊ߬ ߞߵߊ߬ ߕߌ߲ߕߌ߲߫ ߊ߬ ߞߊ߲߬߸ ߞߏ߫ ߢߡߊߦߟߍߡߊ߲ ߡߍ߲ ߥߊߣߍ߲ ߞߊ߲ߓߍ߲ ߞߊ߲ߕߌ߮ ߡߊ߬ߝߊ߲ ߡߊ߬߸ ߏ߬ ߞߊ߫ ߞߊ߲߫ ߞߊ߬ ߞߐߡߊߓߌ߲ߓߌ߲߫ ߞߎ߲߬ߞߊߟߌߦߊ ߘߐ߫߸ ߡߍ߲ ߟߐ߬ߣߍ߲ ߢߌ߬ߣߊ߬ߒ߬ߞߐ߬ߓߊ߬ߟߌ߬ߦߊ ߡߊ߬ ߟߊ߬ߞߟߏ߬ߞߟߏ߬ߟߌ ߛߌߟߊ ߝߍ߬. ߞߊ߬ ߟߐ߬ ߟߊߘߏ߲߬ߣߍ߲ ߡߊ߬ ߡߊ߬ߘߎ߰ߦߊ ߥߟߊ߫ ߓߟߏߡߞߊ ߛߌߟߊ ߝߍ߬ ߖߎ߬ߓߐ߬ ߟߎ߬ ߟߊߛߐ߬ߘߐ߲ ߘߐ߫. ߊ߬ ߣߌ߫ ߞߵߊ߬ ߓߍ߲߬ ߟߥߊ߬ߟߌ߬ߟߌ ߡߊ߬ ߝߘߏ߬ߓߊ߬ ߗߋߘߊߕߌ߯ߦߊ ߛߌߟߊ ߝߍ߬، ߞߣߊ߬ߕߏ߫ ߘߍ߬ߡߍ߲߬ ߞߍ߫ ߟߊ߫ ߟߊ߲߬ߖߙߎ߬ߕߐ ߟߎ߬ ߢߍ߫ ߞߵߊ߬ ߓߍ߲߬ ߊ߬ߟߎ߬ ߕߊ ߡߊ߬ߝߊ߲ ߖߍ߬ߘߍ ߖߍ߬ߘߍ ߞߍߟߌ ߡߊ߬ ߥߙߎߞߌ ߝߊ߬ߛߏ߬ߟߊ߬ߞߊ ߘߐ߫. ߡߏ߬ߛߏ ߟߎ߬ ߣߌ߫ ߘߋ߲ߣߍ߲ ߣߌ߫ ߟߊ߲ߖߙߎ߬ߕߐ߬ߦߊ ߟߊߖߊ߲ߞߏ ߞߏߕߌ߯ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߞߏ߫ ߕߎ߬ߡߊ߬ߙߋ߲߬ ߇߂ ߟߋ߬ ߞߙߍߞߙߍߣߍ߲߫ ߊ߬ ߢߍ߫، ߞߎ߲߬ߠߊ߬ߛߌ߮ ߦߴߊ߬ ߟߊ߫ ߘߍ߬ߡߍ߲߬ߠߌ߲ ߞߍ߫ ߞߎ߲߬ߠߊ߬ߛߌ߮ ߦߴߊ߬ ߟߊߛߘߋߦߊ߫ ߟߊ߫ ߞߏ߫ ߘߍ߬ߞߏ߬ߦߊ ߕߘߍ߬ߒ߬ߘߐ߬ߟߌ ߕߍ߫ ߟߊ߬ߥߊ߲߬ߞߊ߲ ߞߊ߲߫ ߘߐߙߐ߲߫ ߘߌ߫ ߘߋ߬ ߞߏ߬ߣߌ߲߬ ߕߌ߲ߕߌ߲ߠߌ߲ ߝߊ߬ߛߏ߬ߟߊ߬ߞߊ ߓߟߏߟߊߕߎ߲߰ߕߊ ߟߋ߬، ߊ߬ ߞߵߊ߬ ߟߊߕߍ߰ ߞߏ߫ ߖߙߎߡߎ߲ߦߟߍߡߊ߲ ߝߊ߲߬ߓߊ ߓߘߊ߫ ߘߊߡߌ߬ߣߊ߬. ߞߊ߬ ߟߐ߬ ߟߊ߬ߞߟߏ߬ߞߟߏ߬ߟߌ ߟߊߛߐ߬ߘߐ߲ ߟߢߊ߬ߟߌ߬ߞߏ ߟߎ߬ ߡߊ߬. ߊ߬ ߣߌ߫ ߞߵߊ߬ ߟߐ߬ ߕߏ߰ߝߏ߬ߦߊ߬ߟߌ ߓߍ߲߬ߣߍ߲߬ߢߐ߲߰ߒ߬ߡߊ ߡߊ߬. ߞߵߏ߬ ߟߊ߫ ߖߐ߯ߙߊ߲ ߠߎ߬ ߛߌ߲߬ߝߏ߲߬ߓߣߊ ߟߎ߬ ߘߐߕߟߊ ߞߊ߲߬ ߞߵߊ߬ ߟߊߥߟߌ߬ ߛߋ߲ߞߏߟߦߊ ߡߊ߬ߘߍ߬ߡߍ߲߬ߠߌ߲ ߡߊ߬، ߊ߬ ߣߌ߫ ߟߊ߲߬ߖߙߎߕߐ ߟߎ߬ ߟߊ߫ ߞߏ ߕߊ߭ ߛߌߡߊ߲ߘߎ߯ ߂߀߄߀ ߖߊ߬ߕߋ߬ߘߐ߬ߛߌ߮ ߘߐ߫ ߟߊߢߌߣߌ߲߫ ߝߊ߬ߛߏ߬ߟߊ߬ߞߊ ߘߐ߫.

ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߟߏ߲ ߣߌ߲߬ ߢߊ߰ߢߊ߮ ߞߍߟߌ ߓߘߊ߫ ߢߊߞߎߘߦߊ߫ ߞߵߊ߬ ߓߍ߲߬ ߘߏ߲߰ߘߐ߬ߟߌ ߡߊ߬. ߞߵߊ߬ ߓߍ߲߬ ߝߓߊ߬ߘߋ߲߬ߧߊ ߣߕߊ߬ߘߐ߬ߞߏ ߟߎ߬ ߡߊ߬߸ ߞߊ߬ ߞߏߕߌ߯ߝߟߐߘߊ ߟߊߛߐ߬ߘߐ߲߬ ߕߊ߲ߓߊ߲ ߡߊߞߍߘߊ ߛߌ߲߬ߝߏ߲߬ߧߊ߬ ߞߊ߬ ߓߍ߲߬ ߖߡߊ߬ߙߌ߬ ߘߌߣߍ߲ ߡߊ߬ ߞߏߕߌ߯ߘߊ ߕߐ߬ߡߊ ߟߎ߬ ߡߊ߬ ߊ߬ ߥߊ߯ߕߌ ߟߊ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ (( ߏ߬ ߟߊߛߘߋߦߊ ߥߍ߬ߣߍ ߓߕߐ߫ ߞߎ߲߬ߠߊ߬ߛߌ߮ ߟߋ߬ ߘߐ߫ ߞߵߊ߬ ߓߍ߲߬ ߟߊ߬ߘߏ߲߰ߘߐ߬ߟߌ ߝߊ߰ߡߎ߲߬ߧߊ ߡߊ߬ ߊ߬ ߞߵߊ߬ ߟߐ߬ ߞߍߥߊߟߌ ߟߊߓߊ߯ߙߊ ߢߊ ߡߊ߬)) ߊߡߊߘߎ߫ ߎߙߌ ߓߊ ߞߊ߬ ߞߊ߬ߝߏ ߟߊ߫ ߖߊ߲߬ߓߌ߬ߟߊ߬ߟߌ ߛߌ߰ߞߊ߲߬ߠߊ߬ߞߊ ߞߍ߫ ߞߵߊ߬ ߟߊߥߟߌ߬ ߡߊߛߐ߬ߘߐ߲߬ߠߌ߲ ߡߊ߬ ߟߊ߬ߞߟߏ߬ߞߟߏ߬ߟߌ ߣߌ߫ ߞߍ߲ߘߍߦߊ ߣߌ߫ ߖߘߍ߬ߘߏ߲߬ߒ߬ߞߊ߲߬ߡߊ ߡߍ߲ ߞߙߍߞߙߍߣߍ߲ ߟߊ߲߬ߖߙߎ߬ߕߐ ߟߎ߬ ߞߍ߫ ߞߵߊ߬ ߟߊߥߟߌ߬ ߥߊߟߢߌߡߊߟߐ߲ ߖߎ߬ߓߐ ߓߌ߲߭ߕߊ߭ ߡߊ߬ ߡߍ߲ ߕߐ߭ ߘߝߊߣߍ߲ ߕߍ߫. ߊ߬ ߞߊ߬ ߡߊ߬ߞߟߌ߬ߟߌ ߞߍ ߞߍߥߊߟߌ ߜߍߦߊߣߍ߲ ߘߏ߫ ߡߊ߬ ߞߵߊ߬ߟߎ߬ ߥߟߌ߬ ߞߊ߬ߙߊ߲߬ߕߊ߬ ߞߙߍߞߙߍߣߍ߲ ߠߎ߬ ߡߊ߬߸ ߞߊ߬ ߡߊ߬ߛߊ߲߬ߛߊ߲߬ߠߊ ߟߎ߬ ߟߊ߫ ߟߊߞߐ߯ ߘߍ߭ ߢߐ߲߯ߘߍߡߍ߲ ߓߊ߲ߓߊ߲ߠߌ߲ ߠߊ߫. ߞߊ߬ ߣߴߊ߬ ߕߊ߬ߡߌ߲߬ ߘߍ߬ߞߏ߬ߦߊ ߟߊߞߎ߲߬ߘߎ߬ߟߌ߬ ߞߝߊ ߞߎ߲߬ߞߋߟߋ߲ ߞߣߐ߫.

ߛߏ߯ߙߏߦߊߣߍ߲ ߟߥߊ߬ߟߌ߬ߟߌ ߞߊ߲ߡߊ߬.

ߞߐߣߊߞߙߌ߫ ߞߏߟߌ߲ߞߏߟߌ߲߫ ߕߟߋ߬ ߈ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߖߊ߬ߕߋ߬ߘߐ߬ߛߌ߮ ߕߙߏ߬ߞߏ߬ߦߊ ߛߋ߲ߞߏߟߦߊ ߕߏ߲߬ߜߏ ߓߟߏߘߐߓߍ߲ ߘߊߦߟߍߟߌ ߢߊ߰ߢߊ߮ ߢߍߡߌ߬ߘߊ߬ (ߔߋ، ߔߋ ߍߝ) ߞߊ߬ ߓߍ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߊ߯ߡߊ ߡߊ߬ ߖߌ߬ߣߍ߬߸ ߡߍ߲ ߓߍ߲߬ߕߐ߫ ߞߏߟߌ߲ߞߏߟߌ߲߫ ߕߟߋ߬ ߈ ߣߌ߫ ߁߂ ߕߍߟߊ ߡߊ߬ ߂߀߂߅ ߣߌ߲߬ ߠߊ߫. ߕߏ߲߬ߜߏ߬ߦߊ߬ ߝߊߘߌ ߘߐ߫. ߔߋ ߔߋ ߍߝ ߢߌߣߌ߲ߞߏ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߊ߯ߡߊ ߢߡߊߦߟߍߡߊ߲ ߠߋ߬ ߘߌ߫ ߡߍ߲ ߦߋ߫ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߢߊ߬ߒ߬ߞߐ߬ߓߊߟߌ ߟߋ߬ ߘߌ߫، ߞߵߊ߬ ߟߊߥߟߌ߬ ߟߊ߬ߘߏ߲߰ߘߐ߬ߟߌ ߘߎ߲ߡߕߊ ߡߊ߬ ߞߐ߰ߖߌ߬ߘߊ ߓߐ߰ߝߍ߬ߞߊ߲ߞߋ ߓߊߟߞߊ ߢߍ߫ ߖߌ߬ߣߍ߬. ߞߊ߬ ߓߍ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߝߊ߬ߛߏ߬ߟߊ߬ߞߊ ߢߡߊߦߟߍߡߊ߲ ߡߊ߬. ߞߊ߬ ߢߝߍߕߊ߯ ߞߐߡߊߓߌ߲ߓߌ߲߫ ߞߊ߬ ߓߣߊ߬ߦߊ ߛߐ߬ߘߐ߲߬ ߘߊ߫ ߟߎ߬ ߟߊߘߊ߲߫ ߊ߬ ߣߌ߫ ߓߊ߯ߙߊ߫ ߛߐߘߐ߲، ߞߊ߬ ߓߐ߰ߝߍ ߟߊߞߊ߲ߘߊ߫. ߡߐ߲ߠߌ߲ ߣߌ߫ ߖߌ߫ ߘߐ߫ ߡߊߞߐߙߐ߲ߞߐߙߐ߲ߠߌ߲ ߞߏߕߌ߯ ߞߵߊ߬ ߦߌ߬ߘߊ߬ ߞߏ߫ ߕߏ߲߬ߜߏ ߣߌ߲߬ ߞߎ߲߬ߕߋߟߋ߲߫ ߦߋ߫ ߞߟߍ߬ߦߊ߫ ߡߊ߬ߡߊ߬ߟߊ ߖߍ߬ߘߍ ߖߍ߬ߘߍ ߟߋ߬ ߘߌ߫ ߖߌ߬ߣߍ߬ ߢߍ߫.  ߞߊ߬ ߝߘߊ߬ߝߌ߲߬ߠߊ߫ ߥߙߎߞߌ ߜߍߓߏ߲ ߞߐߡߊߓߌ߲ߓߌ߲ ߢߍߓߌߟߊ ߘߏ߫ ߞߏߛߐ߲߬ ߘߊ߲ߕߊ ߖߊ߬ߕߋ߬ߘߊ ߗߋ߲߬ߥߟߎ߬ ߞߋߟߋ߲߫ ߦߋ߫ ߡߍ߲ ߞߣߐ߫. ߏ߬ ߡߍ߲ ߞߐߝߟߌ ߦߋ߫ ߟߊ߲ߒߠߊߦߊ ߘߝߊߣߍ߲ ߘߌ߫ ߖߡߊ߬ߣߊ ߛߋߞߏߦߊ ߘߐ߫، ߞߵߊ߬ ߓߍ߲߬ ߖߊ߬ߕߋ߬ߘߐ߬ߛߌ߮ ߓߊ߲ߓߊ߲ߣߍ߲ ߠߎ߬ ߛߐ߬ߘߐ߲߬ ߞߏ ߡߊ߬߸ ߊ߬ ߣߴߊ߬ ߓߍ߬ߘߍ ߣߴߊ߬ ߛߋ߲ߞߏߟߦߊ ߓߐߢߟߊߕߊ. ߡߍ߲ ߓߍ߲߬ߣߍ߲ ߡߊ߲߬ߕߏ߲߬ߕߍ߬ߦߊ ߖߊ߭ ߡߊ߬.

((ߕߊ߯ߣߌߛߊߦߌ ߣߌ߲߬ ߦߋ߫ ߓߊߖߎ ߓߙߊߞߊߣߍ߲ ߠߋ߬ ߘߌ߫߸ ߞߊ߬ߕߎ߲߰ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߊ߯ߡߊ ߕߍ߫ ߟߊߛߊ߬ߦߌ߬ ߒ ߞߐ߫ ߝߋ߲ ߘߌ߫߸ ߞߏ߬ߣߌ߲ ߊ߬ ߦߋ߫ ߖߡߊ߬ߣߊ ߢߡߊߦߟߍߡߊ߲ ߛߊ߬ߡߊ߲߬ߛߋ߲ ߛߏ߯ߙߏߦߢߊ߫ ߓߘߍ ߟߋ߬ ߘߌ߫)) ߊ߬ ߞߵߏ߬ ߘߐߞߣߍ߫ ߊ߬ ߟߊ߫ ߓߋߟߋ߲ߠߊ ߘߐ߫ ߓߊ߬؟ ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߊ߬ ߟߊ߫ ߓߋߟߋ߲ߠߊ ߘߐ߫ ߞߏ߫ ߣߌ߫ ߖߌ߬ߣߍ߬ ߞߊ߬ ߢߊߕߋߟߋ߲߫ ߓߘߍ߬ߦߊ ߟߊ߫، ߞߵߊ߬ ߢߊ ߟߐ߬ ߛߌߣߌ߲ߢߍߛߌ߮ ߘߐ߫߸ ߕߙߏ߬ߞߏ߬ߦߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߊ߯ߡߊ ߓߟߏߘߐߓߍ߲ ((ߊ߲ ߓߘߊ߫ ߢߕߍߕߊ߮ ߛߋ߲߬ߕߊ߮ ߞߋߟߋ߲߫ ߞߍ߫ ߞߵߊ߬ ߓߍ߲߬ ߡߊ߲߬ߕߏ߲ ߡߊ߬ ߊ߲ ߠߊ߫ ߟߊߕߍ߮ ߟߎ߬ ߞߘߐ߫ ߢߡߊߦߟߍߡߊ߲ ߓߐ߰ߝߍ߬ߞߊ߲߬ߞߋ߬ߦߊ ߓߟߏߡߊ߬߸ ߢߝߍߕߊ߯ ߛߌߟߊ ߞߊ߲߬ ߓߊ߯ߙߊ ߛߐ߬ߘߐ߲ ߣߌ߫ ߖߘߍ߬ߕߌ߰ߦߊ ߛߌߟߊ ߝߍ߬) ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߓߊ ߦߋ߫ ߘߍ߬ߒ߬ߡߊ߬ ߝߊ߬ߗߍ ߟߋ߬ ߘߌ߫، ߡߐ߰ ߛߌ߫ ߡߊ߬ ߡߍ߲ ߢߍߘߐߓߍ߲ ߞߍ߫ ߥߟߊ߫ ߞߵߊ߬ ߝߛߏ߬ߝߛߊ߬ߦߊ߫ ߞߍ߫. ߊ߬ ߦߋ߫ ߡߌ߬ߙߌ߲߬ߡߊ߬ߦߊ ߡߊߜߟߍ߬ߦߊ߬ ߟߊ߫، ߤߊ߲ߞߟߌ߫ ߛߐߘߐ߲ ߣߌ߫ ߟߊ߬ߢߌ߬ߣߌ߲߫ ߞߎ߲߬ߘߐ߬ߖߊ߲ ߦߋ߫ ߞߍ߫ ߦߋ߲߬. ߒ߬ߓߊ߬߸ ((ߊ߲ ߣߐ߬ ߓߟߏߘߐߓߍ߲ ߢߍߥߟߊ ߣߌ߲߬ ߠߊߘߊ߲߫ ߠߊ߫ ߏ߬ ߟߋ߬ ߘߐ߫߸ ߝߘߊ߬ߝߌ߲߬ߠߊ߫ ߥߙߎߞߌ ߜߍߓߏ߲ ߠߊ߫ ߘߍ߬ߡߍ߲ ߖߍ߬ߘߍ ߖߍ߬ߘߍ ߞߣߐ߬ߡߊ߬. (ߓߊߘ) ߊ߬ ߞߵߏ߬ ߝߊߙߊ߲ߝߊ߯ߛߌ߫ ߓߊ߬.