Catégorie : Actualités en N’Ko

 ߂߀߂߅ ߛߌ߰ߞߊ߲ ߞߊ߲ߘߟߌ

ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߟߊ߫ ߓߋߟߋ߲ߠߊ

ߕߎߟߊߝߌ߲ ߂߁/ ߂߀߂߅

 ߓߊߘߋ߲ ߝߓߊ߬ߘߋ߲߬ߢߐ߲߮ ߠߎ߬:

ߖߌ߬ߣߍ߬ ߡߌ߬ߙߌ߲߬ߘߌ ߞߵߊ߬ߟߎ߬ ߟߊ߫ ߘߎ߰ߘߋ߲߬ߠߞߊ߬ߦߊ ߢߣߊߕߊߟߌ ߞߍ߫߸ ߞߊ߬ ߛߌ߰ߞߊ߲ ߢߌ߲߬ ߠߊ߫ ߘߤߊ߬. ߏ߬ ߦߋ߫ ߕߌ߲߬ߞߎߘߎ߲ ߡߊ߬ߡߙߊ߬ߟߌ ߕߊ߲ߓߊ߲ߓߐߟߌ ߞߏߕߌ߯ ߟߊ߫ ߖߊ߬ߕߋ߬ߛߎ߬ߓߐ ߠߋ߬ ߘߌ߫ ߝߟߐ߫.  ߏ߬ ߡߍ߲ ߞߐ ߖߊ߬ߓߌ ߞߍߣߍ߲߫ % ߈߉ ߘߌ߫. ߏ߬ ߕߘߍ߬ߒ߬ߘߐ߬ߓߊ߰ߦߊ ߦߋ߫ % ߈߆، ߄߂ ߘߌ߫. ߣߌ߲߬ ߕߘߍ߬ ߦߋ߫ ߞߊߓߋ ߜߍߟߍ߲ ߠߋ߬ ߘߌ߫ ߞߵߊ߬ ߓߍ߲߬ ߞߐߛߊߦߟߌ ߛߌߟߊ ߡߊ߬ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫.ߞߏ߬ߣߌ߲߬ ߕߎߟߊߝߌ߲ ߂߁/ ߂߀߂߅ ߞߊ߲ߘߟߌ ߦߋ߫ ߟߊ߬ߛߙߋ߬ߦߊ߬ߟߌ ߘߐߘߎ߲߬ߧߊ߬ߣߍ߲ ߠߋ߬ ߘߌ߫. ߊ߬ ߦߋ߫ ߓߍ߲߭ ߣߌ߫ ߓߟߏߘߏ߲ߢߐ߲߰ߓߟߏ ߝߣߊ߫ ߦߌ߬ߘߊ߬ ߟߊ߫߸ ߞߊ߬ߝߏ ߣߌ߫ ߣߊ߲߬ߒ߬ߕߊ߲ ߘߍ ߟߎ߬ ߕߍ߫. ߊ߬ ߦߋ߫ ߓߘߍ߬ߓߘߍ߬ߟߌ ߛߊ߯ߘߊ߫ ߜߘߍ߫ ߟߋ߬ ߘߊߡߌ߬ߣߊ߬ߕߐ߬ߟߊ ߘߌ߫. ߡߍ߲ ߞߎ߲߬ߛߌ߲߯ߣߍ߲߫ ߓߍ߯ߦߊ ߘߍ߭ ߣߌ߫ ߓߊߘߋ߲ߧߊ ߣߌ߫ ߡߊ߬ߝߊ ߡߊ߬ ߞߵߊ߬ ߓߍ߲߬ ߞߊ߬ߝߏ߬ ߢߊߞߎߘߦߊߣߍ߲ ߠߎ߬ ߟߌ߬ߤߟߊ ߡߊ߬߸ ߡߍ߲ ߠߎ߬ ߓߘߊ߫ ߟߊ߬ߓߘߍ߬ߦߊ߬ߟߌ ߣߌ߫ ߘߊߦߟߍߟߌ ߞߍ߫.

ߞߊ߲ߓߍ߲ ߞߊ߲ߕߌ߯ ߣߌ߫ ߞߊ߬ߝߏ ߞߎ߲߬ߕߌ߮ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫، ߊ߬ ߣߌ߫ ߞߎ߲߬ߠߊ߬ߛߌ߮ ߕߐ߯ ߘߐ߫، ߊ߲ ߧߋ߫ ߞߎߡߊ߫ ߟߴߊߟߎ߫ ߦߋ߫ ߒ ߧߋ߫ ߞߎߡߊ߫ ߟߴߊߟߎ߫ ߝߍ߬ ߞߊ߬ ߞߎߟߎ߲ߖߋߟߌ ߖߍ߬ߘߍ ߖߍ߬ߘߍ ߟߊߛߋ߫ ߊߟߎ߫ ߡߊ߬߸ ߊ߬ ߣߌ߫ ߞߊ߬ ߓߊߙߌߞߊ߫ ߓߌ߬ߟߊ߬ ߖߍ߬ߘߍ ߖߍ߬ߘߍ ߞߍ߫ ߊߟߎ߫ ߢߍ߫.  ߓߊߘߋ߲ ߠߎ߬ ߞߎ߲߬ߠߊ߬ߛߌ߮ ߦߋ߫ ߓߍ߯ߦߊ ߞߎ߬ߡߊߞߘߎ߬ߕߐ߬ߟߊ ߝߏ߬ ߟߊ߫، ߊ߬ߟߎ߬ ߣߐ߬ ߡߍ߲ ߛߎߥߊ߲ߘߌ߫ ߟߊ߫߸ ߏ߬ ߦߴߊ߲ ߠߊ߫ ߖߡߊ߬ߣߊ ߢߊߞߎߘߦߊߟߌ ߖߎ߬ߛߌ߰ ߢߎߡߊ ߟߋ߬ ߘߌ߫. ߊ߬ ߣߌ߫ ߖߡߊ߬ߣߊ ߕߌ߲ߞߎߘߎ߲ ߓߍ߯ ߘߐ߫߸ ߛߏߓߊ ߣߌ߫ ߛߏߣߍ߲ ߠߎ߬ ߓߍ߯ ߟߊ߫߸ ߊ߬ ߣߌ߫ ߕߎ߲ߞߙߊߒߞߋ ߟߎ߬ ߓߍ߯. ߊ߬ߟߎ߬ ߕߘߍ߬ ߞߟߊߓߎߡߦߊߣߍ߲ ߓߌ߬߬ ߞߏ ߕߍ߫، ߖߡߊ߬ߦߊ߬ ߓߟߏߡߊ߬߸ ߊߟߎ߫ ߓߘߴߊߟߎ߫ ߟߊ߫ ߘߎ߰ߘߋ߲߬ߦߊ ߞߍߕߊ ߓߐ߫ ߊߟߎ߫ ߡߊ߬. ߓߍ߲߭ ߣߌ߫ ߡߊ߬ߝߊ ߘߐ߫. ߞߵߊ߬ ߓߍ߲߬ ߓߍ߯ߦߊ߫ ߞߎ߲߬ߡߊߞߘߎ߬ߕߐ߬ߟߊ ߡߊ߬ ߦߟߌߡߊߛߙߋߦߊ ߓߟߏߡߊ߬. ߝߙߋߞߋ ߛߌ߫ ߡߊ߫ ߕߘߍ߬ ߊ߬ ߘߐ߫. ߡߐ߰ ߛߌ߫ ߡߊ߫ ߡߊߘߌߘߌ߲߫. ߡߐ߰ ߛߌ߫ ߡߊ߫ ߓߣߐ߬ ߊ߬ ߣߌ ߘߐ߫. ߏ߬ ߦߋ߫ ߡߐ߰ ߞߎ߲߬ߞߋߟߋ߲ ߠߊ߫ ߛߎߘߊ߲ ߠߋ߬ ߘߌ߫.ߞߏߢߊ ߣߌ߲߬ ߦߋ߫ ߓߟߏߘߐߓߍ߲ ߓߘߍߓߘߍ ߘߏ߫ ߟߋ߬ ߥߟߏߒߘߐ ߘߌ߫. ߣߴߏ߬ ߦߋ߫ ߛߙߍߘߍߦߊߟߌ ߝߊ߬ߛߏ߬ߟߊ߬ߞߊ ߘߐߦߙߌߥߊߣߍ߲ ߞߐߝߟߌ ߘߌ߫. ߛߙߍߘߍߦߊߟߌ ߛߓߍߘߐ ߛߍ߯ߛߍ߯ߣߍ߲. ߢߣߊߕߊߟߌ ߝߘߏ߬ߓߊ߬ ߕߊ߲ߓߊ߲ߘߊ ߛߋߞߏߦߊߕߌ߮. ߊ߬ ߣߌ߫ ߟߊ߬ߞߙߐ߬ߛߌ߬ߟߊ ߝߊ߬ߛߏ߬ߟߊ߬ߞߊ ߣߌ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߎ߬ ߟߊ߫ ߟߊ߬ߘߌ߬ߢߍ߬ߟߌ. ߢߣߊߕߊߟߌ ߕߊ߬ߡߌ߲߬ ߘߊ߫ ߜߍߦߊ ߞߊ߲߬ ߊ߬ ߣߌ߫ ߢߐ߲߯ ߕߍ߫ ߞߏ ߟߎ߬ ߡߊߓߏ߬ߢߊ ߞߊ߲߬.ߊߟߎ߫ ߓߘߴߊߟߎ߫ ߞߐߘߏ߲߬ ߞߏ߫ ߞߘߐ߫ ߕߊ߬ߡߌ߲߬ߣߍ߲ ߠߎ߬ ߟߊ߫، ߞߊ߬ ߓߊ߲߫ ߞߊ߬ ߛߐ߲߬ ߛߌߣߌ߲ߢߍߛߌ߮ ߡߊ߬ ߊߟߎ߫ ߛߣߐ߬ߡߍ ߘߐ߫. ߏ߬ ߦߋ߫ ߟߊ߲ߒߣߦߊ ߛߕߊ ߟߋ߬ ߘߌ߫، ߊ߬ ߣߌ߫ ߕߌ߲ߕߌ߲ߠߌ߲ ߢߡߊߦߟߍߡߊ߲ ߞߊ߲߬. ߏ߬ ߦߋ߫ ߛߌߟߊ߫ ߟߊߞߊ߬ߣߍ߲ ߠߋ߬ ߘߌ߫ ߞߊ߲ߕߌ߯ ߢߣߊߕߊߟߌ ߣߊ߬ߕߐ ߢߍ߫، ߞߎ߬ߙߎ߲߬ߘߎ߬ߟߊ߬ߞߊ ߣߌ߫ ߞߊ߬ߝߏ߬ߙߋ߲߬ߠߊ߬ߞߊ߸ ߏ߬ ߡߍ߲ ߣߊ߬ߕߐ߫ ߊ߲ ߛߋ߲߬ߠߞߊ߬ߟߌ߬ߦߊ߬ ߟߊ߫ ߞߐߛߊߦߟߌ ߘߐ߫ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫.ߤߊ߯ߟߌ߫ ߣߌ߫ ߍ߲߬ߍ߲߫ ߓߍ߯ ߦߴߊ߲ ߠߊ߫ ߓߍ߯ߦߊ ߞߍ߲ߘߍߡߦߊ ߟߋ߬ ߦߌ߬ߘߊ߬ ߟߊ߫، ߒ ߧߋ߫ ߘߎ߰ߘߋ߲ ߠߎ߬ ߝߏ߬ ߟߊ߫ ߞߙߎߝߊߟߌ ߕߐ߰ߡߊ߬ߛߙߋ߬ߡߊ ߣߌ߲߬ ߠߊ߫. ߊ߬ ߣߌ߫ ߞߊ߬ ߝߏ߬ߟߌ ߟߊߛߋ߫ ߞߏߢߊ ߡߛߍ߬ߞߍ߬ߡߛߍߞߍ ߥߊ߬ߣߊ ߓߍ߯ ߡߊ߬. ߖߌ߬ߣߍ߬ ߞߣߐ߫ ߓߊ߬ ߕߎ߲߬ߒߞߊ߲߫ ߠߊ߫ ߓߊ߬..  ߓߘߍ߬ߓߘߍ߬ߟߌ߫ ߞߙߎߞߊ ߟߎ߬ ߣߴߊ߬ߟߎ߬ ߖߊ߬ߓߌ߬ߦߊ߬ߟߊ ߟߎ߬،. ߕߐ߰ߕߐ߬ߟߌ߬ߟߊ ߟߎ߬ ߣߌ߫ ߓߊ߯ߙߟߊ ߟߎ߬ ߟߊ߫ ߛߌ߲߬ߝߏ߲߬ߘߊ،. ߘߋ߲ߡߌߛߍ߲ ߣߌ߫ ߡߏ߬ߛߏ ߟߎ߬ ߜߟߐߡߌ߲ ߕߘߍ߬ ߏ߬ ߟߎ߬ ߡߍ߲ ߠߎ߬ ߘߐ߫ ߞߵߊ߬ ߓߍ߲߬ ߢߣߊߕߊߟߌ ߡߊ߬.ߡߐ߰ߓߊ ߟߎ߬ ߣߌ߫ ߝߘߏ߬ߓߊ߬ ߞߏ ߥߊ߬ߣߊ ߟߎ߬ ߊ߬ ߣߌ߫ ߣߊ߲߬ߒ߬ߕߊ߲ ߘߍ ߛߌ߲߬ߝߏ߲߬ߘߊ ߟߎ߬ ߞߵߊ߬ ߓߍ߲߬ ߊ߬ߟߎ߬ ߞߍߥߊߟߌ ߡߊ߬ ߡߊ߬ߝߊ ߘߐ߫.ߞߊ߬ ߝߏ߬ߟߌ ߟߊߛߋ߫ ߡߊ߬ߞߊ߲߬ߞߊ߲߬ߠߌ߲߬ߠߊ ߟߎ߬ ߣߌ߫ ߞߎ߲߬ߠߊ߬ߝߎ߬ߟߋ߲߬ߠߊ ߟߎ߬ ߡߊ߬ ߞߵߊ߬ ߓߍ߲߬ ߊ߬ߟߎ߬ ߞߟߊ߬ߡߊ߬ߓߊ߰ߦߊ ߡߊ߬.ߞߊ߬ ߝߏ߬ߟߌ ߟߊߛߋ߫ ߞߍ߲ߘߍߦߊ ߢߍߓߊ߯ߙߟߊ ߟߎ߬ ߣߌ߫ ߟߊ߬ߟߐ߲߬ߠߌ߲߬ߦߊ߬ߟߌ߬ߟߊ ߟߎ߬ ߣߌ߫ ߞߟߋߞߟߋߦߟߊ ߟߎ߬ ߡߊ߬. ߊ߬ ߣߌ߫ ߟߊ߬ߞߙߐ߬ߛߟߌ߬ߟߊ ߟߎ߬ ߣߌ߫ ( ߘߋ ߖ߭ߋ ߋ) ߡߊ߬ ߞߵߊ߬ ߓߍ߲߬ ߊ߬ߟߎ߬ ߟߊ߫ ߖߘߍ߬ߘߌ ߡߊ߬ ߤߊߟߌ߬ ߔߍߙߍ߲ߘߊ ߕߍ߫  ߡߍ߲ ߡߊ߬.ߞߊ߬ ߝߏ߬ߟߌ ߟߊߛߋ߫ ߞߎ߲߬ߠߊ߬ߛߌ߮ ߣߌ߫ ߖߡߊ߬ߣߊ ߛߌ߲߬ߝߏ߲߬ߘߊ ߕߐ߬ߡߊ ߓߍ߯ ߡߊ߬.ߒ ߘߌ߫ ߒ ߕߌ߲ߕߌ߲߫ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߕߊ߫ ߡߊ߬ߝߊ߲߬ ߞߍߣߍ߲ ߞߊ߲߬ ߦߊ߲߬. ߊ߬ ߟߊ߫ ߡߛߍ߬ߞߍ߬ߡߛߍ߬ߞߍ ߡߍ߲ ߞߍߣߍ߲߫ ߛߊߓߎ߫ ߘߌ߫ ߞߊ߬ ߓߊ߯ߙߊ ߢߌ߲߬ ߓߐ߫ ߜߍ߫ ߟߊ߫…ߤߊ߯ߟߌ߫ ߕߍ߫ ߞߙߎ߫ ߝߊ߲߬ߞߋߟߋߡߊ߫ ߛߎߘߊ߲߫ ߘߌ߫، ߊ߬ ߦߋ߫ ߖߌ߬ߣߍ߫ ߡߎ߰ߡߍ ߟߊ߫ ߛߎߘߊ߲ ߠߋ߬ ߘߌ߫. ߡߍ߲ ߠߎ߬ ߞߊ߬ ߍ߲߬ߍ߲߫ ߕߊ߬ ߒ ߘߴߊ߬ ߝߐ߫ ߞߏ߫ ߊߟߎ߫ ߟߊ߫ ߓߙߍ߬ߦߊ ߖߊ߬ߕߋ߬ߣߍ߲߫߸ ߘߊߘߐߝߙߊߢߐ߲߯ߦߊ ߣߌ߫ ߕߍߘߐߓߍ ߕߏߕߐ߫ ߟߋ߬ ߞߎ߲߬ߠߊ߬ߛߌ߮ ߞߍߥߊߟߌ ߟߎ߬ ߣߴߊ߬ ߛߣߐ߬ߡߍ ߘߐ߫.   .ߛߋ ߍߣ ߍߙ ߘߋ ߓߘߴߊ߬ ߟߊ߫ ߟߊ߬ߤߘߌ ߡߝߊ߫ ߖߌ߬ߣߍ߬ ߡߌ߬ߙߌ߲߬ߘߌ ߢߍ߫. ߛߋ߲߬ߕߊ߮ ߞߎߘߊ߫ ߓߘߊ߫ ߊ߬ ߞߊ߲߫ ߓߐ߫. ߡߍ߲ ߟߐ߬ߕߐ߫ ߢߣߊߕߊߟߌ ߣߊ߬ߕߐ ߡߊ߬߸ ߖߐ ߣߌ߫ ߡߊ߬ߝߊ ߘߐ߫߸ ߓߍ߲ ߣߌ߫ ߓߍ߯ߦߊ ߣߌ߫ ߥߙߎߞߌ ߘߐ߫.ߛߋ ߍߣ ߍߙ ߘߋ ߦߴߊ߬ ߞߊ߲߬ ߞߵߊ߬ ߟߊ߫ ߟߊ߬ߤߘߌ ߟߎ߬ ߡߝߊ߫߸ ߊ߬ ߞߊ߬ ߡߍ߲ ߕߊ߬ ߖߌ߬ߣߍ߬ ߡߌ߬ߙߌ߲߬ߘߌ ߢߍ߫߸ ߛߋ߲߬ߕߊ߰ ߞߎߘߊ߫ ߓߘߊ߫ ߞߊ߲߫ ߓߐ߫: ߡߍ߲ ߟߐ߬ߕߐ߫ ߓߊ߯ߙߊ ߟߎ߬ ߖߙߎߡߎ߲ߦߊߟߌ ߡߊ߬، ߘߐߘߏ߲߬ߣߍ߲ ߣߌ߫ ߘߐ߬ߛߓߊ߬ߟߌ߬ߦߊ ߘߐ߫. ߞߊ߬ ߓߍ߯ߦߊ߫ ߟߌߟߌ߲ ߓߐ߬ߟߐ ߕߘߎ߫. ߛߌ߲߬ߝߏ߲߬ߘߊ ߝߊ߲߬ߞߊ߬ߡߊ، ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߓߟߏߡߦߊߣߍ߲ ߊ߬ ߣߌ߫ ߡߐ߰ߦߊ߬ ߓߐ߰ߝߍ߬ߞߊ߲ߞߋ ߟߎ߬ ߡߐ߬ߟߐ߲ ߘߏ߲߭. ߛߌߡߊ߲ߘߎ߯ ߂߀߄߀ ߓߘߴߊ߲ ߠߊ߫ ߘߍ߲߬ߞߣߍ߬ߦߊ߬ ߊ߬ ߖߘߍ߬ ߡߊ߬.ߟߏ߲ ߘߝߟߐ߬ߟߊ߬ߞߊ ߏ߬ ߞߎ߲߬ߕߋߟߋ߲ ߞߊ߬ ߟߐ߯ߕߍ߫ ߞߍ߫ ߖߘߍ߬ߕߌ߰ߦߊ ߝߊ߬ߛߏ߬ߟߊ߬ߞߊ، ߞߵߊ߬ ߓߍ߲߬ ߊ߲ ߠߊ߫ ߘߍ߲ߖߘߍߟߦߊ߫ ߛߊ߲߬ߞߎ߲߬ߓߍ߲ ߆߇߲ ߡߊ߬. ߞߵߏ߬ ߞߎ߲߬ߕߐ߮ ߞߍ߫ (( ߞߵߌ ߛߌ߲ߡߊ߫ ߕߊ߬ߡߌ߬ߣߍ߲ ߡߊ߬ ߞߊ߬ ߛߌߣߌ߲ߢߍߛߌ߮ ߘߐߓߍ߲߬ ߢߐ߲߮ ߝߍ߬)) ߘߐ߬ߝߐ ߘߴߊ߬ ߟߞߊ߬ߟߌ߬ ߞߏ߫ ߕߎߟߊߝߌ߲ ߂߁/ ߂߀߂߅، ߖߌ߬ߣߍ߬ ߡߌ߬ߙߌ߲߬ߘߌ ߘߍ߲ߖߘߍߟߊ ߓߘߊ߫ ߛߌߣߌ߲ߢߍߛߌ߯ ߝߏ߲ߘߏ ߞߊ߲ߓߍ߲ߠߞߊ ߣߌ߫ ߓߍ߯ߦߟߊߞߊ ߕߋ߬.ߓߍ߯ߦߊ߫ ߦߋ߫ ߓߊߟߏ߫، ߞߊ߲ߓߍ߲ ߦߋ߫ ߓߊߟߏ߫، ߖߌ߬ߣߍ߬ ߦߋ߫ ߓߊߟߏ߫.

ߓߌߟߏ߲߫ ߞߏ߲ߞߏߜߍ ߂߀/ ߂߀߂߅
ߞߎ߲߬ߠߊ߬ߛߌ߮ ߟߊ߫ ߛߋ߲߬ߠߊ߬ߓߐ߬ߟߌ ߗߋߦߊߟߌ߫ ߓߟߋߓߟߋ ߘߏ߫ ߢߍߡߌ߬ߣߊ߬ ߘߊ߫ ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߓߟߏ߫. ߘߏ߲߬ ߘߊ߫ ߞߘߏ߬ߛߊ߫ ߞߊ߬ ߥߊ߫ ߞߏ߫ ߟߎ߬ ߘߐߜߍ߫ ߞߣߍ ߞߊ߲߬ ߊ߬ ߣߌ߫ ߞߊ߬ ߓߊ߬ߘߏ߬ߢߐ߲߰ߦߊ߫ ߛߌ߰ߓߊ߮ ߟߎ߬ ߝߍ߬߸ ߊ߬ ߟߊ߫ ߓߐߒߡߊߟߌ ߝߍ߬ ߛߏߕߌ߯ ߗߍ߬ߡߐ߮ ߡߊ߬߸ ߞߘߏ߬ߛߊ߫ ߡߐ߰ߓߊ ߟߎ߬ ߞߵߊ߬ ߡߞߊ߬ߛߌ߬ߒ߬ߞߊ߲߬ߠߊ߬ ߛߌߦߊߡߊ߲߫ ߝߐ߫. ߦߏ߫ ߡߙߊ߬ߓߊ߰ߘߊ ߓߊ߯ߙߊ، ߘߊ߲ߘߊߛߏߓߊ ߢߊߞߎߘߦߊ ߓߊ߯ߙߊ ߟߊߟߐ߭ ߞߏ. ߖߌ ߞߏ ߜߟߍ߬ߦߊ، ߢߎߡߍߞߏ ߜߟߍߦߊ، ߖߘߊ߬ߜߍ߬ߟߊ߫ ߛߍ߲ ߓߟߌ ߞߏ ߖߋ߬ߟߌ߬ߓߊ߬ ߞߊ߲߬ ߏ߬ ߡߍ߲ ߞߓߊ ߝߟߐ ߕߘߍ߬ ߓߘߊ߫ ߛߌ߰ ߞߏ߬ߣߌ߲߬ ߊ߬ ߓߊ߯ߙߊ߫ ߕߘߍ߬ ߡߊ߫ ߘߊߡߌ߬ߣߊ߬.
ߞߏߕߌ߯ ߝߟߐ ߞߊ߬ ߞߎߡߊ߫ ߕߊ߬: ߞߊ߬ ߛߟߊ߬ߕߎ ߞߍ߫ ߞߡߊ߬ߙߊ߫ ߟߊߦߌ߬ ߝߎ߬ߙߋ ߢߍ߫، ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߊ߬ ߟߊ߫ ߕߊ߯ߡߊ ߕߐ߬ߣߐ ߣߴߊ߬ ߞߎ߲߬ߠߊ߬ߦߋߙߋ߲ ߠߊ߫߸ ߏ߬ ߞߐ߫ ߛߊ߫߸ ߊ߬ ߞߊ߬ ߡߐ߰ߓߊ ߟߎ߬ ߟߊߘߍ߲߬ߞߣߍ߬ߦߊ߫ ߞߏ߫ ߊ߬ߟߎ߬ ߤߊߡߌ߲ߣߊ߲ߞߏ ߟߎ߬ ߓߘߊ߫ ߕߊ߬ ߓߊߘߐ߫. ߊߟߎ߫ ߞߊ߬ ߢߎߡߍߞߏ ߜߟߍߦߊ ߝߐ߫߸ ߖߌߞߏ ߜߟߍߦߊ، ߊ߬ ߣߌ߫ ߡߙߊ߬ߓߊ߰ߘߊ ߘߊ߲ߘߊߛߏ ߢߊߞߎߘߦߊ ߞߏ، ߞߍ߲ߘߍߦߊ ߞߏߕߌ߮ ߓߍߣߊ߬ ߏ߬ ߞߍ߫ ߝߟߐߦߊ ߘߌ߫ ߞߵߊ߬ ߟߐ߲߫ ߡߎ߲߬ ߘߐ߫ ߊ߬ ߟߐ߬ߣߍ߲. ߤߊߟߌ߬ ߖߋ߬ߟߌ߬ߓߊ ߛߍ߲ ߟߐ߬ ߞߏ ߓߍ߯ ߘߌߣߊ߬ ߡߊߝߟߍ߫. ߓߊߏ߬߸ ߘߋ߲ߡߌߛߍ߲ ߠߎ߬ ߟߊ߫ ߥߙߎߞߌ ߘߍ߲ߣߍ߲ ߕߌ߲߬ߞߎߘߎ߲ ߠߊ߫ ߥߙߎߞߌ ߟߋ߬ ߟߊ߫.
ߊߡߊߘߎ߫ ߎߙߌ߬ ߓߊ ߞߊ߲߫ ߘߐ߫.

ߡߊ߲߬ߖߊ߲߬ߠߊ߫ ߞߏ߲ߞߏߜߍ߫ ߕߟߋ߬ ߁߈/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ ߓߊ ߘߏ߲߬ ߘߊ߫ ߡߊ߲߬ߖߊ߲߬ߠߊ߫ ߛߐ߰ߡߊ ߉ ߙߋ߲ ߠߊ߫. ߞߎ߲߬ߠߊ߬ߛߌ߮ ߟߊ߫ ߗߋߦߊߟߌ ߟߊߛߣߍ߫ ߘߊ߫ ߘߌ߲߬ߞߌߙߊ ߛߌ߰ߓߊ߮ ߟߎ߬ ߟߋ߬ ߓߟߏ߫. ߞߏ߬ߙߌ߬ߞߊ߬ ߕߎߡߊߣߌ߲߫ ߖߊߟߏ߫߸ ߣߴߊ߬ ߞߏߟߊߘߍߢߐ߲߮ ߠߎ߬ ߕߘߍ߬ ߞߣߍ߫ ߞߊ߲߬. ߕߌ߲߬ߞߎߘߎ߲ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߮ ߞߊ߬ ߞߎߡߊ߫ ߕߊ߬ ߞߏߕߌ߯ ߝߟߐ ߕߐ߯ ߘߐ߫߸ ߞߊ߬ ߗߋߦߊߟߌ ߣߊ߬ ߞߎ߲ ߝߐ߫߸ ߞߵߊ߬ ߦߌ߬ߘߊ߬ ߡߌ߬ߙߌ߲߬ߘߌ ߟߊ߫ ߞߏ߫ ߊ߬ߟߎ߬ ߟߊ߫ ߞߎ߲߬ߠߊ߬ߛߌ߮ ߟߋ߬߸ ߞߵߊ߬ߟߎ߬ ߤߊߡߌ߲ߣߊ߲ߞߏ ߞߘߎ߬ߜߍߟߍ߲ ߠߎ߬ ߟߐ߲߫. ߞߵߊ߬ ߓߊ߲߫ ߞߊ߬ ߓߐߘߊ߫ ߟߎ߬ ߢߌߣߌ߲߫ ߊ߬ ߞߋ߬ߟߋ߲߬ߞߋ߬ߟߋ߲߬ߠߊ ߟߊ߫. ߊ߬ ߞߵߌ ߕߌ߲ߕߌ߲ ߊ߬ ߞߊ߲߬ ߞߏ߫ ߞߎ߲߬ߠߊ߬ߛߌ߮ ߦߋ߫ ߓߍ߯ ߟߊ߫ ߓߌ߬ߟߊ ߣߴߊ߬ ߛߊ߬ߥߏ ߘߐ߫. ߞߵߊ߬ ߓߍ߲߬ ߘߌ߲߬ߞߌߙߊ ߓߐߣߍ߲ߢߐ߲߰ߡߊ ߓߍ߯ ߡߊߘߍ߬ߡߍ߲ ߡߊ߬ ߊ߬ߟߎ߬ ߟߊ߫ ߥߙߎߞߌ ߞߏ ߟߎ߬ ߘߐ߫߸ ߡߐ߰ߓߊ ߟߎ߬ ߣߌ߫ ߛߏ ߛߌ߰ߓߊ ߟߎ߬ ߞߵߊ߬ߟߎ߬ ߡߙߌߣߊ߲ ߠߎ߬ ߘߌ߫߸ ߏ߬ ߡߍ߲ ߟߐ߬ߣߍ߲ ߞߘߎ߬ߜߍߟߍ߲ߓߊ ߛߊ߬ߓߊ ߣߌ߲߬ ߠߊߥߌ߬ߟߌ ߡߊ߬. ߛߌߟߊ ߞߏ߫ ߟߌ߬ߤߟߊ، ߖߌ߫ ߛߊߣߌߡߊ߲ ߠߊߛߐ߬ߘߐ߲ ߞߏ ߡߊ߬߸ ߊ߬ ߣߌ߬߫ ߢߎߡߍ ߞߏ߫ ߝߙߋߞߋ. ߊ߬ߟߎ߬ ߡߞߊ߬ߛߌ߬ߒ߬ߞߊ߲߬ߠߊ ߏ߬ ߟߎ߬ ߘߏ߲߬ ߕߊ߬ ߘߊ߫ ߓߊ ߞߎ߲߬ߠߊ߬ߛߌ߯ ߗߋߦߊߟߌ߫ ߓߟߏ߫ ߞߏߛߓߍ߫. ߞߊ߬ ߓߊ߲߫ ߞߵߊ߬ߟߎ߬ ߟߊ߫ ߘߍ߲߬ߞߣߍ߬ߦߊ߬ ߞߏ߫ ߓߟߏ߫ ߝߌ߬ߟߊ ߓߘߊ߫ ߛߌ߰ ߡߞߊ߬ߛߌ߬ߒ߬ߞߊ߲߬ߠߊ ߏ߬ ߞߘߐ߫.

ߞߵߊ߬  ߓߍ߲߬ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߗߋ ߟߊߛߋ߫ ߡߊ߬߸ ߡߌ߬ߙߌ߲߬ߘߌ ߡߊ߬߸ ߞߎ߲߬ߠߊ߬ߛߌ߮ ߞߵߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߦߌ߬ߘߊ߬ ߞߵߊ߬ ߓߍ߲߬ ߝߘߏ߬ߓߊ߬ ߥߙߎߞߌ ߢߍߥߟߊ ߡߊ߬. ߓߊ߬ߘߏ߬ߢߐ߲߰ߦߊ ߞߎ߲߬ߝߊ߰ ߘߊ߫ ߘߎߎߓߊ߫ ߟߋ߬ ߟߊ߫ ߡߐ߰ߓߊ ߟߎ߬ ߓߟߏ߫. ߞߵߊ߬ ߓߍ߲߬ ߓߍ߲߭ ߣߌ߫ ߖߐ ߟߊߛߓߊ߬ߕߌ ߡߊ߬. ߊ߬ ߣߌ߫ ߖߡߊ߬ߣߊ ߟߊ߫ ߥߙߎߞߌ.

߂߀߂߅/ ߞߏ߲ߞߏߜߍ߫ ߕߟߋ߬ ߁߃

 ߡߊ߬ ߌߞߐ߫. ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߓߋߟߋ߲ߠߊ ߞߟߊ߬ߟߡߊ߬ߓߊ ߞߍ߫ ߞߵߊ߬ ߞߵߊ߬ ߟߊ߬ߥߟߌ߬ ߛߊ߫ ߊ߲ ߘߴߊ߲ ߠߊ߫ ߞߎ߬ߠߊ߬ߦߋߙߋ߲ ߠߊߛߊ߬ߦߌ ߊ߬ ߣߐ߭ ߘߐ߫߸ ߝߏ߫ ߞߊ߬ ߖߋ߬ߟߌ߬ߓߊ߬ ߖߌ߬ߦߊ߬ߘߊ ߟߊߛߊ߬ߦߌ ߊ߬ ߣߐ߭ ߘߐ߫ ߟߋ߬߸ ߒ ߞߊ߬ ߦߋ߲߬ ߡߍ߲ ߞߎ߲ߝߊ߲ߓߐ߫ ߁߉߈߉ ߟߊ߫߸ ߊ߬ ߞߊ߬ ߒ ߖߌ߰ߕߍ߰ ߟߋ߬ ߛߊ߲߬ ߞߎ߲߬ߘߐ߬ߖߊ߲߫ ߟߊ߬ߞߙߐ߬ߛߌ߬ߟߌ ߕߊ߬ߡߌ߲߬ߣߍ߲ ߞߐ߫، ߞߏ߫ ߖߡߊ߬ߣߊ ߟߊ߫ ߛߍߥߊ ߕߐ߰ߡߊ߬ߛߙߋ ߡߍ߲ ߦߋ߫߸ ߞߊ߬ ߊ߲ ߟߌ߬ߤߟߊ ߡߊߦߟߍ߬ߡߊ߲߬ ߜߍߘߐ߫߸ ߞߵߊ߲ ߓߌ߬ߟߊ߬ ߘߎߢߊ߫ ߞߊߓߋ ߟߊ߫߸ ߏ߬ ߟߋ߬ ߕߎ߲߬ ߓߘߊ߫ ߓߐ߬ߘߍ߬ߓߐ߬ ߣߌ߲߬. ߛߊ߲߬ ߕߊ߬ߡߌ߲߬ߣߍ߲ ߣߌ߲߬ ߓߍ߯ ߞߣߐ߫߸ ߢߌ߬ߣߊ߬ ߕߘߍ߬ ߓߘߊ߫ ߞߍ߫ ߖߌ߬ߦߊ߬ߘߊ ߞߐ߫ ߝߋߎ߫. ߓߊ߲߬ ߕߎ߲߬ ߓߘߊ߫ ߞߍ߫ ߊ߬ ߘߐ߫߸ ߞߵߊ߬ ߟߊߝߟߌ߬ ߡߍ߲ ߘߌ߫ ߛߌ߰ߢߐ߲߮ ߠߎ߬ ߛߎߘߊ߲߫ ߊ߲ ߞߊ߲߬߸ ߓߐ߰ߟߐ߬ߦߊ ߘߏ߫ ߕߘߍ߬ ߦߋ߲߬߸ ߏ߬ ߕߘߍ߬ ߓߐߒߖߘߍߘߐ ߟߋ߬ ߘߌ߫، ߞߵߊ߬ ߓߌ߬ߟߊ߬ ߘߎߢߊ߫ ߛߊ߬ߥߏ߬ ߘߐ߫. ߊ߲ ߝߣߊ߫ ߕߊ ߓߏ߲ߟߐ ߞߍߢߊ ߡߊ߬߸ ߟߐ߬ߟߌ߬ ߢߐ߲߰ߦߋ߬ߜߏߡߊ߲ ߞߊ߬ߣߌ߲߬. ߞߎ߬ߛߊ߲߬ߕߊ߰ߘߌ ߡߍ߲ ߠߎ߬ ߞߊ߬ ߖߋ߬ߟߌ߬ߓߊ ߖߌ߬ߦߊ߬ߘߊ ߟߐ߬߸ ߏ߬ ߟߎ߬ ߕߘߍ߬ ߊ߬ ߝߍ߬ ߊ߬ ߦߋ߫ ߡߍ߲ ߢߊߡߍ߲߸ ߢߊ߫ ߕߎ߲߬ ߡߊ߲߫ ߞߊ߲߬ ߞߊ߬ ߓߍ߲߬ ߏ߬ ߡߊ߬ ߛߊ߲߬ߖߌ ߢߌ߲߬ ߞߘߐ߫. ߏ߬ ߦߋ߫ ߕߌߢߍ߲߫ ߢߊ߫ ߛߎ߯ ߢߌ߲߬ ߡߊ߬߸ ߏ߬ ߘߐ߫߸ ߊ߲ߠߎ߬ ߦߋ߫ ߡߍ߲ ߝߍ߬ ߏ߬ ߟߋ߬ ߊ߲ߠߎ߬ ߤߊ߬ߙߌ߬ߖߍ߮ ߞߍ߫ ߘߌ߫ ߖߋ߬ߟߌ߬ߓߊ ߖߌ߬ߦߊ߬ߘߊ ߟߊߥߌ߬ߟߌ ߘߐ߫. ߞߵߊ߬ ߞߍ߫ ߕߟߋ߬ ߡߍߣߍ߲߫ ߞߎߘߊ߫ ߘߌ߫. ߊ߲ ߠߊ߫ ߥߊߟߌߢߌߡߊߟߐ߲߫ ߦߋ߫ ߛߋ߫ ߟߊ߫ ߗߍ߭ ߣߌ߫ ߡߏ߬ߛߏ ߣߌ߫ ߘߋ߲ߣߍ߲ ߓߍ߯ ߡߊ߬߸ ߝߋ߲-ߋ-ߝߋ߲߫ ߞߊ߬ ߢߊߞߎߘߦߊߟߌ ߣߌ߲߬ ߢߣߊߓߊ߯ߦߊ߫ ߓߌ߬߸ ߢߊߞߎߘߦߊߟߌ ߡߍ߲ ߣߊ߬ߕߐ߫ ߡߐ߱ ߟߎ߬ ߟߐ߬ ߟߊ߫ ߡߞߊ߬ߙߊ߲߬ߧߊ߬ߟߌ ߟߊ߫ ߞߵߊ߬ߟߎ߬ ߟߊ߫ ߘߎߢߊ߫ ߘߐߓߍ߲߬. ߡߍ߲ ߓߍ߲߬ߕߐ߫ ߜߘߌߛߌ߯ߞߎߘߊ ߡߊ߬ ߏ߬ ߕߍ߫ ߘߊߘߐߞߎߡߊ߫ ߘߐߙߐ߲߫ ߘߌ߫. ߦߋߟߌ ߞߍߢߊ ߘߏ߫ ߟߋ߬ ߞߎ߲߬ߠߊ߬ߛߌ߰ߟߌ ߞߍߢߊ ߘߏ߫ ߟߋ߬. ߏ߬ ߟߋ߬ ߕߍߝߐ ߛߊ߬ߥߏ߬ߦߊ ߘߌ߫ ߞߏ߫ ߕߊ߬ߡߌ߬ߣߍ߲ ߣߌ߫ ߓߌ߲߭ߒߕߊ߭ ߓߍ߯ ߘߐ߫. ߢߣߊߓߊ߯ ߟߎ߬ ߦߴߊ߬ߟߎ߬ ߢߊߛߌ߲߯ ߞߏ߫ ߣߊ߬ߕߐ ߟߎ߬ ߟߊ߫ ߡߎ߬ߕߎ߲߬. ߏ߬ ߘߏ߲߬ ߦߋ߫ ߛߌߣߌ߲߫ ߢߍߛߌ߮ ߟߋ߬ ߟߊ߲ߞߣߍߡߦߊ߫ ߟߊ߫ ߊ߲ ߢߍ߫. ߖߋ߬ߟߌ߬ߓߊ߬ ߖߌ߬ߦߊ߬ߘߊ ߦߋ߫ ߖߌ ߟߋ߬ ߡߊߞߟߌ߫ ߟߊ߫ ߝߣߊ߫ ߡߍ߲ ߞߍߕߐ߫ ߖߋ߬ߟߌ߬ߓߊ ߘߐ߫. ߏ߬ ߡߍ߲ ߞߍߕߐ߫ ߗߍ߭ ߟߎ߬ ߣߌ߫ ߡߏ߬ߛߏ ߟߎ߬ ߢߐ߲߯ߓߍ߲߫ ߦߙߐ ߘߌ߫߸ ߞߊ߬ ߓߊߟߏ߫ ߖߌ ߘߐ߫ ߓߊߏ߬߸ ߣߌ߫ ߖߌ߫ ߕߍ߫ ߓߍߓߊ߯ߦߊ߫ ߕߍ߫ ߦߋ߲߬. ߞߏ߫ ߞߐ߬ߣߐ߲߬ߘߐ ߡߍ߲ ߠߎ߬ ߦߋ߫ ߖߋ߬ߟߌ߬ߓߊ߬ ߖߌ߬ߦߊ߬ߘߊ ߟߊ߫ ߏ߬ ߟߎ߬ ߓߘߊ߫ ߟߊ߫ ߛߌ߲ߞߐ߲ߡߦߊ߫ ߞߵߊ߬ ߟߊ߫ ߡߊ߲߬ߕߏ߲߬ߕߍ߬ߦߊ߬. ߞߵߊ߬ ߟߊ߫ ߝߘߊ߬ߝߌ߲߬ߦߊ߫. ߓߊߏ߬߸ ߞߏ߫ ߜߙߋ߬ߡߊ߬ߕߍ߰ߣߍ߲ ߠߎ߬ ߟߋ߬ ߡߍ߲ ߠߎ߬ ߤߊ߲ߞߟߌ ߓߐߣߍ߲߫ ߖߌ߬ߣߍ߬ ߟߊ߫ ߘߍ߲ߖߘߍߟߦߊ ߕߊ߭ ߞߐ߫߸ ߤߊ߲ߞߟߌߣߊ߲߫ ߏ߬ ߞߊ߫ ߞߊ߲߫ ߞߊ߬ ߥߟߏ߫ ߞߎߘߊ ߘߌ߫ ߦߋߗߏ߯ ߞߎߘߊ߫ ߟߋ߬ ߟߊ߫߸ ߣߊߟߌ߬ߡߎ߲߫ ߦߏߗߏ߮ ߛߞߊߣߌ߲ ߘߌ߫ ߡߍ߲ ߦߋ߫ ߝߘߊ߬ߝߌ߲߬ߟߊ߲߬ߘߌߦߊ ߦߌ߬ߘߊ߬ ߟߊ߫߸ ߏ߬ ߟߋ߬ ߞߵߊ߬ ߞߍ߫ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߖߊ߬ߕߋ߬ ߘߊ߫ ߖߌ ߟߊߞߊ߲ߘߊ߫ ߞߟߏߞߕߏ߫ ߘߍ߬ߜߍ ߘߌ߫. ߞߵߊ߬ ߡߊߛߐ߬ߘߐ߲߬ ߊ߲ ߠߊ߫ ߓߊ ߟߎ߬ ߞߘߐߓߌ߲ߓߌ߲ ߦߋ߫ ߞߘߐߓߌ߲ߓߌ߲ ߖߍ߬ߘߍ ߖߍ߬ߘߍ ߟߋ߬ ߘߌ߫. ߖߌ߬ߣߍ߬ ߟߊ߫ ߓߘߍ߬ߓߘߍ߬ߟߌ ߛߊ߬ߥߏ߬ߡߊ߬ߦߊ ߟߋ߬ ߦߴߊ߬ ߓߟߏ߫߸ ߡߐ߱ ߛߌ߫ ߕߍ߫ ߛߋ߫ ߖߌ߬ߣߍ߬ ߞߎ߲ߡߊߦߟߍ߬ߡߊ߲߬ ߠߊ߫ ߥߟߊ߫ ߞߵߊ߬ ߘߐߛߌߟߊ߲߫. ߤߊߡߊ߲߫ ߞߵߊ߬ ߟߊ߫ ߛߌߞߊ߫ ߥߟߊ߫ ߞߵߊ߬ ߓߌ߬ߟߊ߬ ߝߌ߬ߟߊ߲ߝߌ߬ߟߊ߲ ߘߐ߫. ߖߌ߬ߣߍ߬ ߞߋߟߋ߲߫ ߠߋ߬ ߒ߬ߞߊ߲߬߸ ߊ߬ ߟߊ߫ ߞߋ߬ߟߋ߲߬ߧߊ ߏ߬ ߞߏߛߐ߲߬ ߊ߬ ߡߊߛߌߟߊ߲߫ ߓߋ߲ߒ߬ߞߊ߲߬ߠߌ߲߬ߠߊ ߛߌ߫ ߢߍ߫. ߝߘߊ߬ߝߌ߲߬ߠߊ߫ ߓߍ߯ ߦߋ߫ ߢߌߣߌ߲߫ ߠߊ߫ ߖߌ߬ߣߍ߬ ߟߊ߫ ߖߌ߫ ߝߊ߲߬ߞߊ߬ߡߊ ߟߋ߬ ߡߊ߬ ߞߵߏ߬ ߛߊߓߎ߫ ߞߍ߫ ߞߐ߲߬ߞߍ߬ߓߊ ߟߎ߬ ߘߌ߫.ߦߏ: ߡߊߣߏ߫ ߓߊ ߛߌ߲߬ߝߏ߲߬ ߖߡߊ߬ߣߊ ߟߎ߬، ߏ ߍߡ ߝ߭ߌߖ߭ ߜ߭ߊ߲ߓߌ߫، ߞߊ߲ߓߌ߲ ߓߊ ߡߐ߬ߟߐ߲߬ߡߊ߬ߦߊ߬ߟߌ ߛߌ߲߬ߝߏ߲߬ߘߊ، ߖߋ߬ߟߌ߬ߓߊ߬ ߘߟߊߡߊ߲ ߠߎ߬ ߖߌ ߏ߬ ߡߍ߲ ߓߘߊ߫ ߝߘߊ߬ߝߌ߲߬ߠߊ߫ ߖߡߊ߬ߣߊ߫ ߁߅ ߞߎ߲߬ߠߊ߬ߓߌߘߌ߲߫. ߓߟߏߘߐߓߍ߲ ߡߍ߲ ߞߍߣߍ߲ ߞߵߊ߬ ߓߍ߲߬ ߖߋ߬ߟߌ߬ߓߊ ߖߌ߬ߦߊ߬ߘߊ ߟߊߞߎߣߎ߲ߞߎߘߦߊ ߡߊ߬߸ ߏ߬ ߞߍߣߍ߲ ߓߘߍ߬ߓߘߍ߬ߟߌ ߛߊ߬ߥߏ߬ߦߊ ߟߋ߬ ߘߌ߫ ߡߍ߲ ߥߟߏߒߘߐ ߦߋ߫ ߛߋߘߋߦߊߏ ߘߌ߫ ߓߌ߬. ߏ߬ ߟߋ߬ ߞߋ߬ߟߋ߲߬ߧߊ ߛߌߟߊ ߘߌ߫. ߞߋߟߋ߲߬ߧߊ ߕߐ߰ߡߊ߬ߛߙߋ ߞߍߕߐ߫ ߡߎ߲߬ ߘߌ߫߸ ߏ߬ ߟߋ߬ ߦߙߌߕߘߎ ߞߍ ߘߌ߫ ߝߙߊߣߊ߫ ߡߌ߬ߙߌ߲߬ߘߌ ߟߊ߫ ߢߊ߬ߒ߬ߞߐ߬ߓߊ߬ߟߌ߬ߦߊ ߘߌ߫߸ ߞߵߊ߬ ߡߊߛߐ߬ߘߐ߲߬ ߖߊ߭ ߕߊ߬ߡߌ߲߬ ߠߊ߫ ߥߊ߬ߙߊ ߟߋ߬ ߟߊ߫߸ ߒ ߣߊ߬ߣߍ߲ ߞߎ߬ߣߊ߬ߛߌߣߌ߲ ߢߊߡߍ߲ ߡߐ߰ߓߊ ߟߎ߬ ߞߵߊ߬ ߦߌ߬ߘߊ߬ ߒ ߠߊ߫ ߞߏ߫ ߝߙߊߣߊ߫ ߕߎ߲߬ ߓߘߊ߫ ߓߋ߬ ߘߓߌ߬ߞߎߘߎ߲ ߘߐ߫ ߛߌߘߌ߲ߜߊ߲߫. ߕߎ߬ߡߊ߬ ߛߎ߬ߘߎ߲߬ߣߍ߲ ߢߌ߲߬ ߠߋ߬ ߞߘߐ߫ ߝߙߊߣߊ߫ ߦߴߌߘߐ߫ ߞߊ߬ ߓߍ߲߬߸ ߒ ߘߴߊ߬ ߦߌ߬ߘߊ߬ ߊߟߎ߫ ߟߊ߫ ߞߏ߫ ߝߙߊߣߊ߫ ߕߟߋ߬ߞߎߘߦߊ ߕߐ߰ߡߊ߬ߛߙߋ ߓߘߊ߫ ߓߐ߫ ߓߌ߬. ߏ߬ ߟߋ߬ ߞߏߛߐ߲߬ ߊ߲ߠߎ߬ ߘߌߣߊ߬ ߕߘߍ߬ ߖߋ߬ߟߌ߬ߓߊ ߖߌ߬ߦߊ߬ߘߊ ߟߊ߬ߛߣߍ߬ߟߌ ߣߊ߬ߕߐ ߘߐ߫. ߏ߬ ߦߋ߫ ߡߊ߬ߛߘߌ ߣߌ߫ ߕߐ߰ߡߊ߬ߛߙߋ ߟߋ߬ ߘߌ߫߸ ߊߟߎ߫ ߦߴߊߟߎ߫ ߓߟߏ߫ ߛߌ߰ ߕߐ߰ߡߊ߬ߛߙߋ ߣߌ߲߬ ߞߘߐ߫. ߞߵߊ߬ ߟߊߞߊ߲ߘߊ߫ ߞߵߊ߬ ߝߊ߲߬ߞߊߘߏ߲߬،ߞߵߊ߬ ߢߍߛߌ߲߯ ߛߌߣߌ߲ߢߍߛߌ߮ ߟߊ߫ ߡߎ߬ߕߎ߲߬. ߞߏߘߐߞߙߎ ߡߍ߲ ߞߵߊ߲ߠߎ߬ ߛߐ߬ߘߐ߲߬ ߣߌ߲߬ ߊ߲ߠߎ߬ ߓߐ߲ߛߐ߲ߢߐ߲߮ ߡߍ߲ ߘߐ߯ߡߊ߲߫ ߊ߲ ߓߍ߯ ߘߌ߫، ߊ߬ ߣߴߊ߲ ߝߊ߬ ߟߎ߬ ߘߌ߫ ߏ߬ ߓߘߊ߫ ߛߊߞߍ߫. ߞߊ߬ ߖߡߊ߬ߣߊ ߟߐ߬ ߞߊ߬ ߢߊ߬ ߞߵߊ߬ ߞߍ߫ ߖߡߊ߬ߣߊ߬ ߘߌ߫߸ߌ ߘߌ߫ ߝߊ߯ߘߐߞߍ ߣߌ߫ ߝߊ߯ߘߐߞߍ ߞߍ߫. ߟߐ߬ߟߌ ߖߎ߬ߕߍ߰ߣߍ߲ ߏ߬ ߘߌ߫ ߞߍ߫ ߊߝߙߌߞߌ߬ ߝߊ߰ߡߊ߬ߟߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߘߌ߫. ߊߟߎ߫ ߞߊߣߊ߬ ߢߌ߬ߣߊ߬ ߏ߬ ߟߊ߫ ߘߋ߬߸ ߓߊߏ߬߸ ߏ߬ ߟߋ߬ ߦߴߊ߲ ߠߊ߫ ߝߘߏ߬ߓߊ߬ ߘߍ߲߰ߡߊ߬ߞߏ ߘߌ߫. ߏ߬ ߟߋ߬ ߦߴߊ߲ ߡߊߟߐ߲߫ ߕߙߎ ߘߌ߫. ߣߴߊ߲ ߢߌ߬ߣߊ߬ ߘߴߊ߲ ߡߊߟߐ߲߫ ߕߙߎ ߞߐ߫ ߊ߲ ߘߌ߫ ߕߎߣߎ߲߫.ߣߴߊ߲ ߞߵߊ߲ ߡߊߟߐ߲߫ ߕߙߎ ߣߴߊ߲ ߠߊ߫ ߖߘߍ߬ߕߌ߰ߦߊ ߛߎߋߦߊ ߦߌ߬ߘߊ߬ ߘߎߢߊ߫ ߞߊ߬ߞߎ߬ߘߊ߬ ߕߟߋ ߣߌ߲߬ ߠߊ߫. ߊ߲ ߘߌ߫ ߛߎߘߊ߲߫ ߊ߬ ߣߌ߫ ߞߊ߬ ߞߍ߫ ߥߊ߬ߣߊ ߘߌ߫. ߒ ߢߴߊߟߎ߫ ߝߏ߬ ߟߊ߫.

߂߀߂߅/ ߞߏ߲ߞߏߜߍ ߕߟߋ߬ ߁߂߲ ߝߙߊߣߊ߫.

ߓߐ߬ߟߐ߲߬ߞߊ ߛߣߍ߬ߞߍ ߖߊ߯ߓߘߊ ߝߘߏ߬ߓߊ߬ ߗߋߕߌ߮ ߛߟߊߕߌ߯ ߞߊ߬ߙߊ߲߬ߝߊ ߟߎ߬ ߣߌ߫ ߞߊ߬ߙߊ߲߬ߠߊ߬ߘߋ߲ ߠߎ߬. ߒ ߣߌߘߐ߫ ߝߎߟߋ߲ߣߍ߲ ߠߋ߬ ߒ ߞߍ߫ ߘߐ߫ ߊ߬ߟߎ߬ ߕߍߟߊ ߘߐ߫ ߓߌ߬، ߓߊߏ߬߸ ߊߟߎ߫ ߓߘߊ߫ ߢߌ߲߬ߦߊ ߘߏ߫ ߕߐ߰ߡߊ߬ߛߙߋ߬ߦߊ߫ ߕߌߙߌ߲ߠߌ߲ ߞߍ߫، ߊ߬ ߣߴߊ߬ ߟߊߓߊ߯ߙߊߟߌ ߓߟߏߦߊ ߘߊߞߘߐ߫. ߞߊ߬ ߡߌ߬ߙߌ߲߬ߘߌ ߟߊ߫ ߘߎߢߊߘߐߕߍ߮ ߢߡߊߦߟߍ߬ߡߊ߲ ߏ߬ ߟߋ߬ ߞߏߛߐ߲߬ ߒ ߠߊ߫ ߟߊ߲ߘߦߊ ߦߋߴߊߟߎ߫ ߘߐ߫ ߞߊ߬ߞߘߐ߫.ߊߟߎ߫ ߟߊ߫ ߞߎ߲߬ߕߌ߮ ߦߴߊ߬ ߞߟߊ߬ߡߊ ߊ߲ ߧߴߊ߲ ߞߊߟߌߦߊ ߟߋ߬ ߞߊ߲߬ ߕߋ߲߬. ߞߊ߬ ߓߛߌ߬ߞߌ߬ߦߊ߬ߟߌ ߘߎ߰ߝߘߏ ߛߙߊ߬ߕߊ ߞߋߟߋ߲߫ ߠߊߘߊ߲߫. ߞߊ߬ ߞߊ߲ߞߋߦߊ߫ ߝߢߊߝߢߊ ߘߏ߫ ߛߌ߰ ߛߋ߲߬ߠߊ߫. ߛߊ߫ ߝߎߣߎ߲ߞߋ ߝߎ߲ߘߌߓߊ߯ߕߐ ߟߛߊ߬ߦߌ߬ߣߍ߲ ߠߎ߬ ߣߌ߫ ߊ߬ ߣߌ߫ ߝߎߣߎ߲ߞߋ ߡߍ߲ ߠߎ߬ ߡߊ߫ ߞߊ߬ߙߊ߲߬ߕߟߊ߬ߛߌ߯ ߞߍ߫ ߛߊ߫ ߏ߬ ߟߎ߬ ߝߣߊ߫ ߘߌ߫ ߛߋ߫ ߜߍߞߣߍ߫ ߛߐ߬ߘߐ߲߬ ߠߊ߫. ߊ߬ߟߎ߬ ߘߴߊ߬ߟߎ߬ ߟߊ߫ ߞߏ ߟߎ߬ ߞߍ߫ ߦߙߐ ߡߍ߲.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߎߡߊ߫ ߘߊ߫ ߖߡߊ߬ߣߊ ߟߐ߬ߞߎ߬ߘߊ߬ߦߊ ߞߏ ߝߣߊ߫ ߞߊ߲߬. ߊ߬ ߣߌ߫ ߞߏ߫ ߞߎߘߊ߫ ߟߎ߬ ߛߌ߲ߘߌ ߛߊ߫ ߕߐ߬ߣߐ ߟߎ߬ ߘߌ߫ ߟߊߝߘߏ߬ߓߊ߬ߦߊ߫ ߖߊߙߌߒߕߋߦߊ ߘߌ߫ ߛߋ߲߬ߠߞߊߟߌߦߊ߫. ߊ߬ ߞߊ߬ ߝߎߣߎ߲ߞߋ ߟߎ߫ ߞߎߟߎ߲ߖߋ߫ ߓߊ߯ߙߊ ߟߊ߫.

ߊ߬ ߞߵߊ߬ ߦߌ߬ߘߵߊ߬ ߟߊ߫ ߞߎߡߊ ߘߐ߫ ߌߞߐ߫ ߞߏ߫ ߝߏ߫ ߞߊ߬ ߡߞߊ߬ߙߊ߲߬ߠߌ߲ ߞߍ ߟߋ߬، ߞߵߊ߬ ߡߊߛߐ߬ߘߐ߲߬ ߞߏ߲ߞߏߛߏ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߋ߬ߦߌ ߦߋ߫  ߒߠߋ ߖߍ߬ߘߍ ߟߊ߫. ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߏ߬ ߡߍ߲ ߠߊ߫ ߥߊ߲߬ߞߊ߲߬ߣߍ߲߫ ߊ߲ ߠߊ߫ ߓߎ߰ߘߊ ߟߎ߬ ߦߋ߫، ߛߏߣߍ߲ ߠߎ߬ ߦߋ߫ ߞߊ߬ ߛߋ߫ ߡߌ߬ߙߌ߲߬ߘߌ ߡߊ߬. ߞߵߊ߬ ߦߌ߬ߘߊ߬ ߞߏ߫ ߊ߲ ߧߋ߫ ߘߎߢߊ߫ ߡߍ߲ߘߌߦߊ ߟߋ߬ ߘߐ߫߸ ߦߏ߫ ߡߐ߱ ߟߎ߬ ߦߴߏ߬ ߝߐ߫ ߟߊ߫ ߢߊߡߍ߲. ߊ߬ ߘߏ߲߬ ߡߍ߲ߘߌߦߊ ߟߋ߬ ߝߋߎ߫߸ ߓߊߏ߬߸ ߊߟߊ߫ ߞߊ߬ ߤߊ߲ߞߟߌ ߘߴߊ߲ ߡߊ߬ ߝߏ߫ ߊ߲ ߧߋ߫ ߛߋ߫ ߊ߲ ߠߊ߫ ߛߎ߲ߞߎ߲ ߓߐ߰ߝߍ ߦߟߍ߬ߡߊ߲߬ ߠߊ߫߸ ߊ߲ ߠߊ߫ ߘߎߢߊߘߐߕߍ߮ ߞߊ߬ߘߊ߲ ߞߣߐ߫. ߞߵߌ ߡߙߌ߫ ߘߎߢߊߘߐߕߍ߮ ߡߊ߬ ߛߏߣߍ߲ ߞߣߐ߫ ߞߵߊ߬ ߓߍ߲߬ ߓߊ߯ߙߘߊ ߓߐߣߍ߲ߢߐ߲߰ߡߊ ߟߎ߬ ߡߊ߬. ߘߎ߰ ߜߍ ߦߴߊ߲ ߓߟߏ߫ ߝߏߦߌ߬ ߡߊ߫ ߞߍ߫ ߡߍ߲ ߞߊ߲߬ ߝߟߐ߫.

ߞߏߕߌ߯ ߝߟߐ߫ ߞߙߊ ߛߋ߫ ߘߊ߫ ߕߎ ߟߎ߬ ߟߊߞߊ߲ߘߊ ߣߌ߫ ߓߐ߰ߝߍ ߘߐߛߏߘߏ߲ߜߊ ߡߊ߬. ߛߣߍ߬ߞߍ߬ ߞߏ ߡߊ߬. ߤߊ߲߯ ߞߵߊ߬ ߦߌ߬ߘߊ߬ ߞߎߡߊ ߘߐ߫ ߞߏ߫ ߘߎ߱ ߟߐ߬ߣߍ߲ ߊ߬ ߣߐ߭ ߟߋ߬ ߘߐ߫. ߊ߬ ߘߌ߫ ߛߋ߫ ߦߙߌ߫ ߟߊߓߎ߯ ߟߊ߫ ߛߊ߲߬ ߅ ߥߟߊ߫ ߛߊ߲߬ ߂߅ ߥߊߟߌ߬ߡߊ߬ ߛߊ߲߬ ߂߈ ߞߘߐ߫. ߊ߲ ߘߋ߲ ߣߴߊ߲ ߡߊ߬ߡߊ߬ߙߋ߲ ߠߎ߬ ߘߌ߫ ߛߴߊ߬ ߕߣߐ߬ߓߐ߬ ߟߊ߫ ߗߍ ߝߣߊ߫ ߘߐ߫.

ߊ߬ ߞߵߊ߬ ߦߌ߬ߘߊ߬ ߞߎߡߊ ߘߐ߫ ߌߞߐ߫ ߞߏ߫ ߡߍ߲ ߠߎ߬ ߥߊߕߐ߫ ߓߊ߯ߙߊ߫ ߛߐߘߐ߲ ߛߌ߲ߘߟߌ ߘߊߞߎ߲ ߘߐ߫، ߏ߬ ߟߎ߬ ߞߊ߫ ߞߊ߲߫ ߞߊ߬ ߞߍ߫ ߦߙߍߞߍߟߌߟߊ ߟߎ߬ ߟߋ߬ ߘߌ߫ ߕߎ߬ߡߊ߬ ߛߎߘߎ߲ ߞߘߐ߫. ߏ߬ ߓߊ߯ ߞߍ߫ ߣߊ߲߬ߝߟߏ߬ߦߊ߬ߟߌ ߘߌ߫ ߜߋ߲ߜߋ߲ߦߊ߫. ߊ߲ ߘߌߣߊ߬ ߛߐ߬ߘߐ߲߬ߕߊ ߟߎ߬ ߟߊ߫ ߓߊ߯ߙߊ߫ ߡߞߊ߬ߝߏ߬ ߞߵߏ߬ ߓߌ߬ߟߊ߬ ߝߎߣߎ߲ߞߋߦߊ ߛߊ߬ߥߏ߬ ߘߐ߫. ߊ߬ ߣߌ߫ ߡߏ߬ߛߏ ߟߎ߬ ߛߍ߬ߣߍ ߟߊߥߙߎߞߌ ߡߊ߬ߘߎ߮ ߘߐ߫. ߞߵߊ߬ ߓߍ߲߬ ߕߏ߰ߝߏ ߞߍߢߊ ߡߊ߬.ߓߊߏ߬߸ ߓߊ߯ߙߊ߫ ߡߍ߲ ߘߴߊ߲ ߖߙߎߡߎ߲ ߦߟߍ߬ߡߊ߲߬ߓߊ ߞߍ߫ ߖߡߊ߬ߣߊ ߣߌ߲߬ ߞߣߐ߫. ߏ߬ ߟߋ߬ ߟߞߊ߬ߙߊ߲߬ߠߌ߲ ߛߊ߲ߘߐߕߊ ߞߏߕߌ߯ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߦߋߙߋ߲ ߡߍ߲ ߦߋ߫ ߞߏ߫ ߞߍߕߊ ߓߍ߯ ߢߍ߫ ߏ߬ ߟߋ߬ ߡߐ߱ ߗߋ߲߲߬ߥߟߎ߬ ߁߄ ߓߊߟߏ ߘߌ߫ ߊ߲ ߖߍ߬ߘߍ ߟߊ߫ ߛߣߍ߬ ߛߎߡߊ߲ ߠߎ߬ ߟߊ߫. ߊ߲ ߢߴߊ߬ ߝߍ߬ ߞߊ߬ ߞߍ߫ ߖߡߊ߬ߣߊ ߟߋ߬ ߘߌ߫ ߓߟߏ ߘߌ߫ ߟߐ߬ ߡߍ߲ ߠߊ߫ ߛߊ߲߬ ߣߊ߬ߕߐ. ߡߍ߲ ߘߌ߫ ߛߋ߫ ߓߊߟߏ߫ ߞߍ߫ ߟߊ߫ ߞߊ߬ ߡߐ߰ ߗߋ߲߬ߥߟߎ߬ ߦߙߌߞߊ߫ ߓߊߟߏ߫ ߛߊ߲߬ ߦߙߌߞߊ߫ ߝߘߊ߬ߝߌ߲߬ߠߊ߫ ߣߌ߫ ߞߐߞߊ߲߫ ߖߡߊߣߊ ߟߎ߬ ߘߐ߫. ߓߍ߲ߜ߭ߌߟߊߘߍߛ ߞߊ߬ ߛߊ߲߬ ߦߙߌߞߊ߫ ߟߋ߬ ߞߍ߫ ߓߟߏߞߏߟߏ߲ߧߊ ߘߐ߫. ߞߎ߲߬ ߦߌ߬ߘߊ߬ߟߌ ߢߌ߬ߡߊ߲ ߠߋ߬ ߞߏ߲߭ ߘߌ߫. ߓߌ߭ߓߌ߭ ߣߌ߲߬ ߘߐ߫ ߓߍ߲ߜߌߟߊߘߍߛ ߦߋ߫ ߘߎߢߊ߫ ߡߊ߬ߟߏ߬ ߟߊ߬ ߝߏ߬ߦߌ߬ߟߊ ߓߟߋߓߟߋ ߟߎ߬ ߛߙߍߘߍ ߟߋ߬ ߘߐ߫.

ߞߎߡߊ ߞߎ߲߬ߝߊ߮ ߘߐ߫ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߲ ߢߴߊ߬ ߝߍ߬ ߟߋ߬ ߛߍߣߍ߲߬ ߊ߲ ߧߋ߫ ߕߘߍ߬ ߡߊ߬ߘߊ߲߬ߠߌ߲ ߘߐ߫߸ߊ߬ ߦߋ߫ ߝߐ߫ ߞߏ߫ ߕߌߙߌ߲ߠߌ߲ߠߊ ߡߍ߲ ߕߐ߯ ߞߏ߫ ߞߊ߬ߘߌ߬ߛߊ߫ ߞߏ߫ ߏ߬ ߦߋ߫ ߖߌ߬ߣߍ߬ ߞߊ߲ߓߍ߲ ߠߋ߬ ߞߣߐ߫ ߖߊ߯ߓߘߊ ߞߊ߬ߘߌ߬ߛߊ߫ ߟߊ߫ ߝߙߊߣߊ߫ .

ߘߊߓߏߟߊ߫ ߞߏ߲ߞߏߜߍ ߕߟߋ߬ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߛߐ߰ ߘߊ߫ ߕߌ߲߬ߞߎߘߎ߲ ߡߊ߬ߡߙߊ߬ߟߌ߬ߟߊ ߣߌ߫ ߡߙߊ߬ߓߊ߰ߘߊ ߡߊ߬ߡߙߊ߬ߟߌ߬ߟߊ ߣߌ߫ ߢߣߊߓߊ߮ ߓߍ߯ ߝߏ߬ ߟߋ߬ ߡߊ߬ ߝߟߐ߫. ߞߣߊ߬ߕߏ߫ ߞߎߡߊ߫ ߟߊ߫ ߓߐߒߡߊߟߌ ߞߎ߲߭ ߣߌ߫ ߛߋ߲߬ߕߊ߮ ߟߎ߬ ߞߊ߲߬ ߞߵߏ߬ ߥߟߊߥߟߊ߫ ߊ߬ ߘߏ߲߬ ߞߙߊ ߛߋ߫ ߘߊ߫ ߥߙߎߞߌ ߡߊ߬ߘߎ߮ ߛߌߦߊߡߊ߲߫ ߡߊ߬.

ߊ߬ ߞߵߊ߬ ߦߌ߬ߘߊ߬ ߞߎߡߊ ߘߐ߫ ߞߏ߫ ߊ߬ ߞߊ߬ ߘߊߓߏߟߞߊ ߟߎ߬ ߡߙߌߦߊ߫ ߛߌߦߊߡߊ߲߫ ߝߊ߰ߡߎ߲߬ ߞߊ߬ߞߘߐ߬. ߞߏ߫ ߦߟߍ߬ߘߐ߬ߞߍ ߝߌ߬ߟߊ ߕߊ߬ߡߌ߲߬ ߘߊ߫ ߘߊߓߏߟߊ߫ ߕߘߍ߬ ߛߏ߫ ߡߊߦߋߙߋ߲ߣߍ߲߫ ߣߌ߫ ߢߐ߲߯ߓߍ߲ ߦߙߐ ߟߋ߬ ߘߌ߫، ߖߌ߬ߣߍ ߖߍ߬ߘߍ ߟߊ߫ ߞߏ߫ ߛߌߦߊߡߊ߲߫ ߕߘߍ߬ ߖߊ߬ߕߋ߬ ߟߊ߫ ߦߊ߲߬ ߞߊ߬ߓߌ߯ ߂߀߀߀ ߝߊ߲߬ߝߍ߬. ߦߊ߲߬ ߠߋ߬ ߖߌ߬ߣߍ߬ ߕߊ߲ߓߊ߲ ߘߌ߫. ߒ ߓߐ߫ ߛߊ߲ ߠߋ߬ ߦߊ߲߬ ߞߵߊ߬ ߓߍ߲߬ ߛߎ߬ߕߊ߬ߞߎߟߎ߲ ߣߌ߫ ߔߏߔߏ߫ ߛߋ߲߬ߛߓߊ߬ߡߊ ߘߐ߬ߝߘߊ߬ߟߌ ߞߵߏ߬ ߓߍ߯ ߟߊ߫ ߘߊ߲ߘߊߟߌ߫ ߞߐ߲ߛߏ ߟߎ߬ ߣߌ߫ ߔߏߔߏ ߟߎ߬ ߞߊ߲߬. ߞߵߊ߬ ߓߍ߲߬ ߛߎߥߍߘ ߟߊ߫ ߖߊ߬ߕߋ߬ߘߐ߬ߛߌ߮ ߡߊ߬ ߒ ߞߊ߬ ߓߍ߲߬ߒ߬ߛߋ߲߬ߡߊ ߛߐ߬ߘߐ߲߬ ߞߊ߬ ߘߊߘߐߝߙߊߢߐ߲߯ߦߊ ߞߍ߫ ߘߊߓߏߟߊ߫ ߝߘߏ߬ߓߊ߬ ߞߎ߲߬ߠߊ߬ߛߌ߰ߟߊ ߡߊߓߏ߬ߢߊ߬ߕߊ ߟߎ߬ ߝߍ߬. ߏ߬ ߞߊ߬ ߒ ߛߐ߫ ߤߊ߲ߞߟߌ߫ ߟߊ߫ ߸ ߏ߬ ߘߏ߲߬ ߞߍ߫ ߘߊ߫ ߖߎ߬ߓߌߟߊ (ߍ߲ߝߙߊߛߙߎ߳ߞ ߕߎ߳ߙ) ߟߋ߬ ߘߌ߫. ߡߍ߲ ߘߌ߫ ߛߋ߫ ߞߊ߬ߙߊ߲߬ߘߋ߲ ߥߟߊ߫ ߞߊ߬ߙߊ߲߬ߠߊ߬ߘߋ߲ ߁߂߀߀ ߞߘߐ߫.

ߊ߬ ߞߊ߬ ߦߌ߬ߘߊ߬ ߝߣߊ߫: ߞߏ߫ ߊ߲ ߠߊ߫ ߡߌ߬ߙߌ߲߬ߘߌ ߝߊ߲߬ߓߊ ߦߋ߫ ߘߋ߲ߡߌߛߍ߲ ߠߎ߬ ߟߋ߬ ߘߌ߫߸ ߝߏ߫ ߞߊ߬ ߢߊߢߌߣߌ߲߫ ߘߋ߲ߡߌߛߍ߲ ߠߎ߬ ߟߊ߫ ߞߎ߲߬ߝߍ߬ߕߊ߮ ߡߊ߬ ߟߋ߬ ߊ߬ ߢߊ߫ ߖߍ߬ߘߍ ߖߍ߬ߘߍ ߡߊ߬. ߞߵߊ߬ ߕߘߍ߬ ߗߋߘߊߒߕߊ߲ߧߊ ߥߟߊ߫ ߡߞߊ߬ߙߊ߲߬ߟߌ߬ߓߊߦߊ ߟߴߊ߬ ߝߊ߲߬ߓߊ ߛߊߓߎ߫ ߘߌ߫.

 ߊ߬ ߞߎߡߊ߫ ߘߊ߫ ߟߊ߬ߞߐ߰ߟߌ ߕߊ߲ߓߊ߲ߘߊ ߓߍ߯ߦߟߊߞߊ ߘߏ߫ ߟߊ߫ ߞߏ ߞߊ߲߬ ߞߏ߫ ߊ߬ ߣߌ߫ ߓߐ߬ߟߐ߲߬ߞߊ ߞߏߕߌ߯ ߕߘߍ߬ ߓߘߊ߫ ߢߐ߲߯ߦߋ ߏ߬ ߟߌ߬ߤߟߊ ߡߊ߬. ߊ߬ ߟߊ߫ ߞߊ߬ ߞߏ ߣߴߊ߬ ߟߊߛߓߊ߬ߕߌ߬ߢߊ ߞߏ ߡߊ߬.

ߊ߬ ߞߎߡߊ߫ ߘߊ߫ ߛߌߡߊ߲ߘߎ߯ ߂߀߄߀ ߢߍߥߟߊ ߞߊ߲߬، ߞߵߊ߬ ߓߍ߲߬ ߣߍ߰ߜߙߋ ߕߊ߬ߡߌ߲߬ ߦߙߐ ߡߊ߬߸ ߞߏ߫ ߣߌ߫ ߣߍ߰ߛߌߟߊ ߕߊ߬ߡߌ߲߬ ߘߊ߫ ߝߊ߲߭ ߡߍ߲ ߓߍ߯ ߘߌ߫ ߣߊ߬ߕߊ߫ ߌ ߡߊߘߏ߲߭ ߠߊ߫ ߦߋ߲߬ ߏ߬ ߟߋ߬ ߣߊ߬ߕߐ߫ ߛߏ ߟߊ߫ ߥߙߎߞߌ ߘߌ߫. ߏ߬ ߘߐ߫ ߘߊߓߏߟߊ߫ ߦߴߊ߬ ߘߐߓߍ߲߬ ߥߙߎߞߌ ߢߍ߫.

ߊ߬ ߣߌ߫ ߜߘߌߛߌ߯ߞߎߘߊ ߞߏ߫ ߜߘߌߛߌ߯ ߞߎߘߊ ߘߊߡߌߣߊ ߟߋ߬ ߤߊ߲ߞߟߌߣߊ߲ ߠߎ߬ ߡߝߊ߬ߟߋ߲ ߣߌ߫ ߘߊ߬ߙߌ߬ߣߊ߲߬ߞߏ߬ ߞߘߐ ߖߎ߯ߡߊ߲ ߠߎ߬ ߡߝߊ߬ߟߋ߲ ߘߌ߫.

ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߕߍ߫ ߟߊ߬ߤߘߌ ߕߊ߬ ߟߊ߫. ߞߏ߬ߣߌ߲߬ ߊ߬ ߕߍ߫ ߡߍ߲ ߡߎ߲߬ߕߎ߲߬ ߥߙߎߞߌ ߞߎ߲߭ ߘߌ߫ ߦߋ߫.

ߝߙߊߣߊ߫ ߂߀߂߅ ߞߏ߲ߞߏߜߍ߫ ߕߟߋ߬ ߁߃

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߞߎߡߊ߫ ߘߊߦߟߍ߬

 ߕߌ߲߬ߞߎߘߎ߲ ߡߊ߬ߡߙߊ߬ߟߌ߬ߟߊ ߟߎ߬ ߣߌ߫ ߗߍ߭ ߣߌ߫ ߡߏ߬ߛߏ ߢߣߊߓߊ߮ ߓߍ߯ ߝߏ߬ ߟߋ߬ ߡߊ߬߸ ߊ߬ ߣߌ߫ ߞߊ߬ ߝߏ߬ߟߌ ߟߊߛߋ߫ ߝߙߊߣߊ߫ ߡߌ߬ߙߌ߲߬ߘߌ ߕߍߛߘߌ߬ߣߍ߲ ߠߎ߬ ߡߊ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߞߎߣߎ߲߬ ߊ߲ ߕߘߍ߬ ߦߋ߫ ߕߊߙߊ߲ߛ ߖߌ߬ߣߍ߬ ߣߍ߰ߛߌ߬ߟߊ ߓߊ߯ߙߊ ߟߋ߬ ߞߎ߲ߝߊ߲ߓߐߟߌ ߟߊ߫߸ ߣߍ߰ߛߌߟߊ ߏ߬ ߡߍ߲ ߦߋ߫ ߞߎߘߍ߫ ߁߀ ߥߟߊ߫ ߞߎߘߍ߫ ߂߀ ߢߐ߲߰ ߘߌ߫.ߒ ߘߴߊ߬ ߝߐ߫ ߊߟߎ߫ ߢߣߊ߫ ߞߏ߫ ߓߊ߯ߙߊ ߏ߬ ߦߋ߫ ߝߋ߬ߙߊ߬ߥߎ߬ߣߟߊ߬ߞߊ ߟߋ߬ ߘߌ߫ ߡߍ߲ ߣߊ߬ߕߐ߫ ߛߌߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߖߙߎߡߎ߲ ߦߟߍ߬ߡߊ߲߬ ߠߊ߫߸ ߊ߬ ߣߌ߫ ߞߊ߬ ߖߌ߬ߣߍ߬ ߞߊ߲ߓߍ߲ ߕߌ߲߬ߞߎߘߎ߲ ߡߐ߰ߦߊ ߞߏ߫ ߟߎ߫ ߟߊߢߊ߬߸ ߊ߬ ߣߌ߫ ߝߙߊߣߊ߫ ߕߌ߲߬ߞߎߘߎ߲.ߖߙߎߡߎ߲ߦߟߍߡߊ߲ ߕߍߣߊ߬ ߘߊ߲߬ ߠߊ߫ ߝߙߊߣߊ߫ ߕߌ߲ߞߎߘߎ߲߫ ߘߐߙߐ߲߫ ߡߊ߬ ߘߋ߬ ߞߏ߬ߣߌ߲߬ ߊ߬ߟߋ ߟߋ߬ ߝߏ߲߬ߝߏ߲߬ߠߊ ߥߙߊ߬ߕߐ߫ ߖߙߎߡߎ߲ ߦߟߍߡߊ߲ ߘߐ߫ ߦߙߐ߫ ߛߌߦߊߡߊ߲ ߘߌ߫. ߏ߬ ߓߍ߯ ߘߐ߫߸ ߡߎ߲߬ ߞߍ ߦߴߌߘߐ߫ ߕߋ߲߬؟ ߊ߬ ߓߘߊ߫ ߛߊ߲߬ ߝߌ߬ߟߊ߬ ߓߐ߫ ߊ߲ ߞߎ߲߬ߠߊ߬ߛߌ߰ߣߍ߲ ߓߘߍ߬ߓߘߍ߬ߟߌ ߡߍ߲ ߓߟߏ߫߸ ߏ߬ ߟߋ߬ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߝߊ߲߬ߞߊ ߕߊ ߘߎ߰ߛߊ߬ߜߍ. ߊ߬ ߞߵߊ߬ ߡߊߜߟߍ߬ߦߊ ߞߏ߫ ߊ߲ ߢߍ߫ ߘߏ߲߬ ߞߋߟߋ߲ߘߌ߫ ߞߊ߬ ߓߐ߫ ߞߋߟߋ߲ߘߌ߫. ߞߊ߬ ߕߍߝߐ ߟߊߥߙߎߞߌ߫، ߝߏ߫ ߖߌ߬ߣߍ߬ߞߊ ߦߋ߫ ߢߐ߲߮ ߠߊߡߍ߲߫ ߞߊ߬ ߦߝߊ߬ ߢߐ߲߮ ߡߊ߬. ߊߟߊ߫ ߓߊߙߌߞߊ߫ ߓߊ߯ߙߊ߫ ߦߋ߫ ߓߊ߲ߠߌ߲ ߘߊߞߘߐ߫. ߊ߬ ߡߊ߫ ߓߊ߲߫ ߝߟߐ߫ ߘߋ߬ ߞߏ߬ߣߌ߲߬ ߊ߬ ߓߘߊ߫ ߛߋ߲߬ߕߊ߬ ߛߌߦߊߡߊ߲߫ ߞߍ߫߸ ߊ߬ ߓߟߏߟߊߕߎ߲߮ ߛߌߟߊ ߝߍ߬ ߞߏ߫ ߝߌ߬ߟߊ߬ߣߊ߲ ߠߋ߬ ߖߎ߬ߓߌ߬ߟߊ߬ߟߌ ߟߊߞߎߘߦߊ ߘߌ߫. ߓߊߛߌ߯ߟߌ߫ ߦߴߌ ߘߐ߫ ߞߊ߬ ߞߍ߫ ߘߏ߯ߣߍ߲ ߘߏ߯ߣߍ߲߫ ߝߏ߫ ߖߌ߬ߣߍ߬ߞߊ ߦߋ߫ ߕߊ߯ߢߐ߲߮ ߝߍ߬ ߓߊߞߋߟߋ߲ߡߦߊ ߣߌ߫ ߞߊ߬ߙߌ߬ߝߊ߬ߢߐ߲߰ߠߊ ߘߐ߫.ߞߊ߬ ߟߊ߬ߞߊ߲߬ߘߊ߬ߟߌ ߞߘߎ߬ߜߟߍ߬ߦߊ߬. ߓߊߖߎߦߊߟߌ ߓߟߏߡߊ߬، ߛߌ߲߬ߝߏ߲߬ߘߊ ߟߎ߬ ߟߋ߬ ߟߊߢߎ߲ߣߍ߲ ߛߌ߱ ߟߴߊ߬ߟߎ߬ ߢߣߊ߫ ߓߊ߯ߙߊ ߟߎ߬ ߞߣߐ߬ߜߍ߲ ߘߐ߫. ߡߍ߲ ߠߎ߬ ߛߌ߰ߣߍ߲߫ ߛߋ߲߬ߠߊ߫. ߖߐ߲ߓߐ߲ ߛߕߊ ߟߎ߬ ߣߌ߫ ߕߐ߲ߓߟߏߡߦߊߟߌ ߖߎ߬ߓߌ߬ߟߊ߬ߟߌ ߟߎ߬ ߏ߬ ߦߋ߫ ߘߌߦߊߜߏߦߊ߫ ߟߋ߬ ߘߌ߫ ߞߊ߬ߝߏ ߞߊ߲߬. ߛߊ߬ߙߌ߬ߦߊ ߖߡߊ߬ߣߊ ߟߊ߫ ߓߊߖߎ ߞߍߕߊ ߟߎ߬ ߞߍ ߟߋ߬ ߣߊ߬ ߟߊ߫ ߘߤߊ ߘߌ߫. ߖߡߊ߬ߣߊ߬ߘߋ߲ ߠߊ߫ ߝߘߏ߬ߓߊ߬ ߟߊߞߊ߲߬ߘߊ߬ߟߌ ߦߴߏ߬ ߟߋ߬ ߘߐ߫. ߊ߬ ߘߏ߲߬ ߊ߲ ߦߟߌߛߌ߰ߣߍ߲ ߛߌߡߊ߲ߘߎ߯ ߟߊ߫߸ ߝߏ߫ ߞߊ߬ ߟߊ߬ߞߊ߲߬ߘߊ߬ߟߌ ߝߊ߲߬ߞߊߘߏ߲߬߸ ߤߊ߬ߙߌ߬ߖߍ߮ ߞߣߊ߬ ߣߊ߬ ߞߐ߲߬ߞߐ߲߬ߡߊ߬ߟߌ ߞߎߘߊ ߣߌ߫ ߓߟߊ߬ߎ ߞߎߘߊ߫ ߟߊߘߊ߲߫. ߞߎ߲߬ߠߊ߬ߛߌ߮ ߦߋ߫ ߢߍߘߐߓߍ߲ ߠߊ߫ ߡߍ߲ ߘߌ߫ ߛߋ߫ ߓߌ߬ߟߊ߬ ߟߴߊ߬ ߘߐ߫ ߛߊ߲߬ ߅ ߥߟߊ߫ ߛߊ߲߬ ߁߀ ߞߘߐ߫ ߞߵߏ߬ ߓߐ߬ߟߐ ߕߘߎ߫ ߓߌ߬، ߏ߬ ߘߐ߫߸ ߝߏ߫ ߞߊ߬ ߕߐ߲ߓߟߏߡߟߊ ߟߐ߬ ߞߣߊ߬ ߕߐ߲ߓߟߏߡߊ ߟߎ߬ ߖߌ߬ߦߊ߬ ߊ߬ ߞߣߐ߫. ߞߊ߬ ߞߎ߲߬ߕߋ߬ߟߋ߲߬ ߕߊ߲ߓߊ߲ ߠߎ߬ ߣߌ߫ ߕߐ߲ߕߌ߯ߟߊ߫ ߕߊ߲ߓߊ߲ ߠߎ߬ ߟߐ߬ ߝߊ߲߭ ߓߍ߯.ߏ߬ ߘߏ߲߬ ߦߋ߫ ߘߌߦߊߜߏߦߊ ߘߌ߫، ߓߊߏ߬߸ ߛߊ߲߬ ߘߊ߲ߘߐ߫ ߡߐ߱ ߥߟߎ߬߫ߡߊ߬ ߥߟߎ߬ߡߊ߬ ߟߋ߬ ߞߎߟߎ߲ߞߎߟߎ߲ߕߐ߫ ߕߌ߲߬ߞߎߘߎ߲ ߢߌ߲߬ ߠߎ߬ ߘߐ߫ ߖߌ߬ߣߍ߬ ߞߊ߲ߓߍ߲ ߕߊ߲ߓߊ߲ ߞߣߐ߫ ߓߊ߯ߙߊ߫ ߢߌߣߌ߲߫ ߞߊ߲ߡߊ߬. ߓߍ߲߬ߒ߬ߛߋ߲߬ߡߊ ߞߎߘߊ ߦߋ߫ ߡߎ߲߬ ߘߴߏ߬ ߘߐ߫. ߞߊ߬ ߓߟߏߘߐߓߍ߲ ߞߍ߫ ߟߊ߬ߞߊ߲߬ߘߊ߬ߟߌ ߟߊ߫ ߛߊ߫ ߞߎ߲߬ߠߊ߬ߛߌ߮ ߘߌ߫ ߢߝߍߕߊ߮ ߞߍ߫. ߥߙߎߞߌ߫ ߝߊ߲߬ߞߊ߬ߡߊ ߡߊ߬ߞߏ ߦߋ߫ ߞߎ߲߬ߠߊ߬ߝߎߟߋ߲ ߠߋ߬ ߟߊ߫߸ ߊ߬ ߣߌ߫ ߡߌ߬ߙߌ߲߬ߘߌ ߟߊ߫ ߞߍߒߢߐ߲߯ߝߍ ߏ߬ ߟߎ߬ ߡߍ߲ ߠߎ߬ ߦߋ߫ ߢߐ߲߯ ߞߊ߲߬ ߕߎ߬ߡߊ߬ߖߊ߲ ߠߎ߬ ߞߣߐ߫.ߊ߬ ߜߋ߲ߜߋ߲߫ ߕߊ߬ߡߌ߲߬ ߦߙߐ.ߛߊ߫ ߖߌ߬ߣߍ߬ߞߊ ߓߍ߯ ߘߴߊ߬ ߟߊ߫ ߖߌ߰ߣߌ߬ߞߊ߬ߦߟߍ ߞߍ߫ ߖߛߎ߬ߛߎߡߊ߫ ߘߐ߫. ߞߎ߲߬ߠߊ߬ߝߎߟߋ߲ ߘߐ߫، ߖߛߎ߬ߛߎߡߊ ߘߐ߫. ߒ ߞߊ߬ ߖߋ߬ߟߌ߬ߓߊ ߖߌ߬ߦߊ߬ߘߊ ߟߊߞߙߐ߬ߛߌ߬ ߕߊ߰ߛߌ߬ߟߌ ߓߟߏߡߊ߬.ߒ ߛߍߥߊ߫ ߘߊ߫ ߟߋ߬ ߢߊߞߎߘߦߊߟߌ ߟߊ߫ ߞߊ߬ ߒ ߖߌ߰ߡߊ߬ߝߊ. ߞߏ߲ߓߌߕߌ߱ ߕߟߋ߬ ߂ ߕߊ߬ߡߌ߲߬ߣߍ߲ ߒ ߣߊ߬ ߘߊ߫ ߟߋ߬ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߐߦߌ߬ߘߊ߬߸ ߞߊ߬ ߛߏ ߞߏߢߌ߲ ߘߌ߫ ߤߊߖߊ߬ ߊ߲ߘߙߋ ߕߎ߬ߙߋ߬ ߡߊ߬ ߞߊ߲ߓߍ߲߫ ߞߊ߲ߕߌ߯ ߝߟߐ ߣߊ߬ߡߌ߬ߢߐ߲߮ ߞߊ߬ߣߌ߲߬.ߊ߲ ߘߌ߫ ߕߏ߰ߝߏ ߓߟߏߟߊߕߎ߲߰ ߒ ߘߴߊߟߎ߫ ߦߟߌ߫ ߓߌ߬ߟߊ߬ ߝߣߊ߫ ߞߏ߫ ߊ߲ ߡߊ߫ ߢߌ߬ߣߊ߬ ߂߀߂߁ ߕߎߟߊߝߌ߲ ߕߟߋ߬ ߅ ߞߐ߫. ߓߊߏ߬߸ ߣߌ߫ ߒ ߡߊ߫ ߢߌ߬ߣߊ߬ ߞߟߍ߬ߕߌ߯ ߌߘߌߦߊߡߌߣ ߞߊ߬ ߞߏ߫ ߢߊߓߐ ߟߎ߬ ߞߍ߫ ߞߊ߬ ߞߎߟߎ߲ߖߋߟߌ ߟߊߛߋ߫ ߛߏ߬ߙߌ߬ߡߊ߲߬ߘߋ߲߬ ߝߊ߲ߞߊ ߡߊ߬߸ ߊ߬ߟߎ߬ ߞߍ ߘߐ߫ ߞߊ߬ ߖߡߊ߬ߣߊ ߓߐ߫ ߕߊ ߘߐ߫. ߏ߬ ߦߋ߫ ߡߐ߰ߘߐ߬ߜߍ߬ ߕߐ߯ߟߡߊ ߟߋ߬ ߘߌ߫߸ ߡߍ߲ ߓߐߛߎ߲ ߦߋ߫ ߕߌ߲߬ߞߎߘߎ߲ ߢߌ߲߬ ߘߌ߫߸ ߛߊ߲ߡߊߞߎߟߎ߲ ߓߏߙߌߟߊ ߝߟߐ ߒ ߕߊ߫ ߘߎ߰ߙߋ߲ߢߊ߬ߟߌ ߘߐ߫. ߣߊ߲߬ߕߌ߰ߘߊ ߛߊ߲ߡߊߞߎߟߎ߲߫ ߓߏߙߌߟߊ ߝߟߐ ߟߋ߬ ߡߍ߲ ߦߋ߫ ߡߊ߬ߘߊ߲߬ߠߌ߲ ߘߐ߫ ߣߊ߲߰ߕߌ߰ߘߊ ߓߟߏ߫. ߕߌ߲߬ߞߎߘߎ߲ ߢߌ߲߬ ߞߵߊ߲ ߛߐ߫ ߕߐ߯ߟߡߊ ߗߍ߬ߡߊ߲ ߣߌ߫ ߡߛߏ߬ߡߊ߲ ߛߌߦߊߡߊ߲߫ ߠߋ߬ ߟߊ߫. ߊߟߎ߫ ߞߊߣߊ߬ ߢߌ߬ߣߊ߬ ߏ߬ ߟߎ߬ ߛߌ߲߬ߞߐ߲ ߠߊ߫ ߘߋ߬. ߊ߲ ߧߋ߫ ߞߎߟߎ߲ߖߋߟߌ ߟߊߛߋ߫ ߟߊ߫ ߊ߲ ߠߊ߫ ߡߐ߰ ߡߊߦߋߙߋ߲ߣߍ߲߫ ߝߊߕߏߣߍ߲ ߓߍ߯ ߡߊ߬߸ ߞߵߊ߬ߟߎ߬ ߛߟߐߡߌ߲ ߘߏ߲߬ ߡߍ߲ߘߌߦߊ ߣߊߞߐ ߘߐ߫.

߂߀߂߅ ߞߏ߲ߞߏߜߍ ߕߟߋ߬ ߁߈ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߵߊ߬ ߞߐߛߊ߬ߦߌ߬ ߛߌ߯ߙߌ߲߫ ߌߞߐ߫. ߊ߬ ߞߵߊ߬ ߦߌ߬ߘߊ߬ ߞߎߡߊ ߘߊߡߌߣߊ ߘߐ߫ ߞߏ߫ ߣߌ߲߬ ߦߋ߫ ߒ ߛߋ߬ߢߊ߫ ߣߊ߯ߣߌߣߊ߲ ߥߟߊ߫ ߟߏ߯ߟߎߣߊ߲ ߘߌ߫، ߢߌ߬ߣߊ߲߬ ߛߊ߲߬ ߞߋߟߋ߲߫ ߢߌ߲߬ ߞߣߐ߫ ߛߌ߯ߙߌ߲߫ ߦߊ߲߬. ߒ ߢߴߊߟߎ߫ ߝߏ߬ ߟߊ߫ ߊ߬ߟߎ߬ ߘߴߊ߬ ߟߐ߲߫ ߏ߬ ߡߊ߬ ߞߏ߫ ߊߟߎ߫ ߟߊ߫ ߘߎ߲߬ߘߎ߲ߡߊ߬ ߘߌߦߊߢߍ ߦߴߊ߲ ߛߣߐ߬ߡߍ ߘߐ߫ ߏ߬ ߘߐ߫ ߊߟߎ߫ ߣߌ߫ ߗߋ߫ ߞߏߞߎߘߊ߫.  ߊ߬ ߞߊ߬ ߝߏ߬ߟߌ ߟߊߛߋ߫ ߞߊ߲ߞߊ߲߫ ߕߌ߲߬ߞߎߘߎ߲߫ ߡߊ߬ߡߙߊ߬ߟߌ ߞߎ߲߬ߠߊ߬ߛߌ߰ߓߊ߮ ߟߎ߬ ߡߊ߬. ߞߣߊ߬ ߛߋ߫ ߛߌ߯ߙߌ߲߫ ߡߊ߬ߡߙߊ߬ߟߌ߬ߟߊ ߟߎ߬ ߓߍ߯ ߡߊ߬. ߊ߬ ߣߌ߫ ߞߊ߬ ߡߐ߰ߓߊ ߟߎ߬ ߝߏ߬ ߞߊ߬ ߛߏ ߛߌ߰ߓߊ߮ ߓߍ߯ ߝߏ߬. ߞߊߕߙߍ߬ߕߍ߫ ߘߎ߬ߜ߭ߊ߬ ߓߐ߬ߟߐ߲߬ߓߊ ߡߐ߰ߓߊ ߟߎ߬ ߡߊ߬. ߛߏߕߌ߯ ߗߍߡߐ߯ ߊߓߘߎߙߤߊߡߊߣ ߡߜ߭ߊ߬ߛߎߓߊ߫ ߣߴߊ߬ ߟߊ߫ ߞߏߟߊߕߍ߮ ߟߎ߬ ߕߘߍ߬ ߊ߬ ߞߐ߬ߣߐ߲߬ ߠߊ߫ ߦߋ߲߬ ߡߍ߲ ߘߐ߫.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߵߊ߬ ߦߌ߬ߘߴߊ߬ ߞߎߡߊ ߘߐ߫ ߞߏ߫ ߛߌ߯ߙߌ߲߫ ߦߋ߫ ߡߙߊ߬ߓߊ߰ߘߊ ߣߝߊ߬ߡߊ ߟߋ߬ ߘߌ߫. ߞߏ߫ ߣߴߌ ߞߵߊ߬ ߡߊߝߟߍ߫ ߛߊ߲߬ ߘߊ߲ߘߐ ߣߌ߲߬ ߞߘߐ߫ ߛߌ߰ߙߌ߲߫ ߛߌ߰ߓߊ߮ ߓߘߊ߫ ߓߊߟߌ߫ ߊ߬ ߢߐ߲߰ ߂ ߥߟߊ߫ ߛߓߊ߬ ߟߊ߫. ߏ߬ ߘߏ߲߬ ߞߘߐ ߟߋ߬ ߡߊ߬ߞߏ߬ߟߊ߬ߘߏ߲߬ ߞߎߘߊ ߟߎ߬ ߡߞߊߣߌ߲ ߘߌ߫. ߏ߬ ߘߏ߲߬ ߞߍߕߐ߫ ߡߊ߬ߡߙߊ߬ߟߌ ߡߐ߬ߟߐ߲߬ ߠߊߛߊ߬ߦߌ ߟߋ߬ ߘߌ߫. ߏ߬ ߟߋ߬ ߞߏߛߐ߲߬ ߊ߬ߟߎ߬ ߦߋ߫ ߟߊ߬ߞߊ߲߬ߘߊ߬ߟߌ ߡߊߞߟߌ߫ ߟߊ߫ ߕߎ߬ߡߊ ߓߍ߯. ߣߌ߫ ߖߊ߬ߡߊ ߥߙߊ߬ ߘߊ߫ ߕߎ߬ߡߊ߬ ߛߌ߫ ߝߏ߫ ߊߟߎ߫ ߦߴߊߟߎ߫ ߦߟߌ ߕߏ߫ ߟߊߞߊ߲ߘߊߟߌ ߞߐ߫ ߞߏߛߓߍ߫.

ߊ߬ ߞߵߊ߬ ߦߌ߬ߘߊ߬ ߞߏ߫ ߡߐ߰ߓߊ ߘߏ߫ ߞߵߊ߬ ߝߐ߫ ߞߎߡߊ ߘߐ߫ ߞߏ߫ ߊ߬ߟߎ߬ ߓߐߣߍ߲ ߡߊ߲߬ߖߊ߲߬ߠߊ ߟߋ߬ ߞߊ߬ ߣߊ߬ ߞߏ߬ߣߌ߲߬ ߡߐ߱ ߟߎ߬ ߓߐߣߍ߲ ߞߊ߲ߞߊ߲߫ ߠߋ߬ ߝߍ߬. ߏ߬ ߘߐ߫ ߝߏ߫ ߞߊ߬ ߛߍ߲ ߘߏ߫ ߟߋ߬ ߟߊ߫ ߛߌ߯ߙߌ߲߫ ߣߌ߫ ߡߊ߲߬ߖߊ߲߬ߠߊ߫ ߕߍ߫. ߛߏ߫ ߖߌ߰ߣߌ߬ߦߟߍ ߘߌ߫ ߣߐ߰ߦߊ߬ ߞߊ߬ ߡߊ߬ߛߊ߲߬ߜߊ߬ߟߌ ߓߐ߫ ߊ߬ ߘߐ߫. ߏ߬ ߞߐ߫ ߊߟߎ߫ ߓߘߊ߫ ߛߌߟߊ߫ ߜߘߍ߫ ߞߏ߫ ߝߐ߫ ߡߍ߲ ߦߋ߫ ߥߊ߫ ߟߊ߫ ߓߌ߬ߟߊ߬ ߟߊ߫ ߡߊ߬ߟߌ ߡߊ߬. ߞߴߏ߬ ߝߣߊ߫ ߛߎ߬ߘߎ߲߬ߡߊ߲߫ ߞߎ߬ߙߋ߬ߡߊ߬ߟߋ߲ ߘߌ߫. ߏ߬ ߝߣߊ߫ ߞߊ߫ ߞߊ߲߫ ߠߋ߬ ߞߊ߬ ߕߣߐ߬ߓߐ߫. ߦߏ߫ ߊߟߎ߫ ߞߵߊ߬ ߟߐ߲߫ ߢߊߡߍ߲ ߖߡߊ߬ߣߊ ߛߌ߫ ߡߊ߬ߞߏ ߕߍ߫ ߓߐߘߊ߫ ߞߋߟߋ߲߫ ߠߊ߫ ߝߏ߫ ߓߐߘߊ߫ ߛߌߦߊߡߊ߲߫ ߠߋ߬ ߦߋ߫ ߞߍ߫ ߦߋ߲߬ ߖߐ߫. ߣߌ߫ ߝߙߋߞߋ ߕߍ߰ ߘߊ߫ ߘߊ ߘߏ߫ ߝߍ߬ ߡߐ߱ ߟߎ߬ ߘߌ߫ ߓߐ߫ ߘߊ߫ ߜߘߍ߫ ߝߍ߬. ߓߊߏ߬߸ ߣߌ߫ ߡߐ߱ ߞߍ߫ ߘߊ߫ ߓߏ߲ ߘߏ߫ ߞߣߐ߫ ߘߏ߲߬ߘߊ߬ ߞߋߟߋ߲߫ ߓߐߘߊ ߡߊ߲ߞߊ߲߫ ߞߊ߬ ߘߊ߲߬ ߏ߬ ߡߊ߬. ߥߙߎߞߌ ߢߊ߬ߒ߬ߞߐ߬ߓߊ߬ߟߌ ߦߋ߫ ߓߊ߯ߙߘߊ߫ ߓߐߣߍ߲ߢߐ߲߰ߡߊ ߟߎ߬ ߟߊߡߌߣߌ߲߫ ߝߏߟߏ߲ ߠߎ߬ ߕߋ߭ ߟߋ߬ ߘߌ߫. ߞߊ߬ ߕߊ߯ ߛߌ߰ߢߐ߲߰ ߖߡߊ߬ߣߊ ߟߎ߬ ߡߊ߬.

-ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߖߌߞߏ ߝߣߊ߫ ߦߴߊ߲ ߣߌ ߘߐ߫ ߞߏ ߟߋ߬ ߘߌ߫߸ ߞߏ߫ ߖߌ߫ ߕߍ߫ ߝߊ߲߬ ߛߌ߫ ߢߣߊߡߦߊ ߕߍ߫ ߦߋ߲߬. ߣߌ߫ ߖߌ ߕߍ߫ ߞߎߓߋߛߏ߫ ߓߟߋߓߟߋ ߞߣߐ߫ ߊ߬ ߛߌ߱ ߕߍ߫ ߛߋ߫ ߓߍ߲߬ ߠߊ߫ ߝߋߎ߫. ߤߊߟߌ߬ ߞߐߙߍ ߞߣߐ߫ ߣߌ߫ ߖߌ ߕߍ߫ ߦߋ߲߬ ߘߤߊߓߊߟߌߦߊ ߟߋ߬ ߦߋ߲߬. ߒ߬ߓߊ߬߸ ߞߏߕߌ߯ ߡߍ߲ ߖߊ߲߬ߕߏ߬ߣߍ߲ ߖߌߞߏ ߘߐ߫߸ ߏ߬ ߟߊ߫ ߝߟߐߦߊ ߟߋ߬ ߖߌ ߟߊߘߏ߲߭ ߘߌ߫ ߛߏ߫ ߁߁ ߞߣߐ߫.

-ߊ߬ ߞߎߡߊ߫ ߘߊ߫ ߛߊߣߌߧߊ ߝߣߊ߫ ߞߊ߲߬ ߞߏ߫ ߛߏߓߊ ߞߣߐߟߊ ߛߊߣߌߧߊ ߕߍ߫ ߘߊ߲߬ ߠߊ߫ ߞߐߣߊߞߙߌ߫ ߞߋߟߋ߲߫ ߡߊ߬ ߡߎ߬ߕߎ߲߬ ߘߋ߬. ߛߏߓߊ ߛߊߣߌߧߊ߫ ߟߐ߬ߕߐ߫ ߘߎ߰ߓߊ ߓߍ߯ ߟߋ߬ ߡߊ߬ ߡߎ߬ߕߎ߲߬. ߦߏ߫ ߞߊ߲ߞߊ߲߫ ߣߌ߫ ߛߌ߯ߙߌ߲߫ ߓߊߏ߬߸ ߣߌ߫ ߛߏ߫ ߞߣߐߟߊ ߟߎ߬ ߡߊ߫ ߛߊߣߌߧߊ߫ ߖߊ߬ߡߊ ߟߊ߫ ߝߘߏ߬ߓߊ߬ ߞߍ߲ߘߍߦߊ ߘߌ߫ ߘߐߞߛߐ߫.

-ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߍߣߊ߬ ߓߍ߲߬ߒ߬ߡߊ߬ߞߊ߲߬ ߞߙߍߞߙߍߣߍ߲ ߘߏ߫ ߕߊ߬ ߞߵߊ߬ ߓߍ߲߬ ߓߐ߰ߝߍ ߟߊߞߊ߲ߘߊ ߡߊ߬. ߞߊ߬ ߓߐ߬ߟߐ߲߬ߞߊ ߞߏߕߌ߯ ߡߊߛߙߊ߬ ߞߵߊ߬ ߓߍ߲߬ ߦߙߌߕߘߎ ߝߊ߲߬ߞߊߘߏ߲߭ ߡߊ߬، ߞߵߊ߲ ߠߊ߫ ߞߐ߭ ߟߎ߬ ߣߌ߫ ߓߊ ߟߎ߬ ߟߊߞߊ߲ߘߊ߫.ߏ߬ ߦߋ߫ ߞߟߍ߬ߞߍ߬ߕߊ ߞߏߟߌߞߏߟߌ ߟߋ߬ ߘߌ߫ ߓߌ߬.

-ߊ߬ ߞߵߊ߬ ߦߌ߬ߘߊ߬ ߞߎߡߊ ߘߐ߫ ߞߏ߫ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߵߊ߬ ߦߌ߬ߘߊ߬ ߞߏߟߌ߲ߞߏߟߌ߲ ߃߁ ߓߋߟߋ߲ߠߊ ߘߐ߫ ߞߏ߫ ߢߌ߬ߣߊ߲߬ ߞߍߕߐ߫ ߢߣߊߕߊߟߌ ߛߊ߲߭ ߠߋ߬ ߘߌ߫.

-ߞߎߡߊ ߞߎ߲߬ߘߏ߲ ߘߐ߫ ߊ߬ ߞߵߊ߬ ߦߌ߬ߘߊ߬ ߞߎߡߊ ߟߊߖߌ߱ ߘߐ߫ ߞߏ߫ ߛߌ߯ߙߌ߲ ߡߐ߰ߓߊ ߟߎ߬ ߞߊ߬ߛߌ߬ߣߍ߲ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߣߊ߬ߟߌ ߡߍ߲ ߞߐ߫ ߞߏ߫ ߞߟߍ߬ߕߌ߯ ߘߌߣߊ߬ ߕߊ߯ ߛߌ߯ߙߌ߲߫ ߝߋߎ߫.

 

ߞߊߦߌߙߊߥߊ߯ߣߌ߲߫ ߞߏ߲ߞߏߜߍ߫ ߕߟߋ߬ ߁߉/ ߂߀߂߅

ߞߵߊ߬ ߓߍ߲߬ ߞߎ߲߬ߠߊ߬ߛߌ߮ ߟߊ߫ ߓߐߒߡߊߟߌ ߡߊ߬߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߘߏ߲߬ ߘߊ߫ ߞߊߦߌߙߊߥߊ߯ߣߍ߲߫ ߊ߬ ߣߴߊ߬ ߟߊ߫ ߞߎ߲߬ߠߊ߬ߛߌ߮ ߛߌ߲߬ߝߏ߲ ߘߏ߫ ߟߎ߫߸ ߊ߬ߟߎ߬ ߟߊߓߍ߲߬ ߘߊ߫ ߘߌ߲߬ߞߌߙߊ ߛߌ߰ߓߊ ߟߎ߬ ߣߌ߫ ߡߐ߰ߓߊ ߟߎ߬ ߣߌ߫ ߡߊ߬ߡߙߊ߬ߟߌ ߞߏߟߊߕߍ߯ ߟߎ߬ ߟߋ߬ ߓߟߏ߫.ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߕߌ߲߬ߞߎߘߎ߲ ߠߎ߬ ߡߊ߬ߡߙߊ߬ߟߌ ߣߌ߫ ߕߊ߲ߓߊ߲ߓߐߟߌ ߞߏߕߌ߮ ߞߵߊ߬ ߦߌ߬ߘߊ߬ ߌߓߎߙߡߊ߫ ߞߊߟߌߟߎ߬ ߞߐ߲ߘߍ߫ ߞߎߡߊ߫ ߘߊ߫ ߞߏߕߌ߯ ߝߟߐ ߕߐ߯ ߘߐ߫. ߊ߬ ߞߵߊ߬ ߦߌ߬ߘߊ߬ ߞߏ߫ ߓߐߒߡߊߟߌ߫ ߢߌ߲߬ ߞߍߣߍ߲ ߢߌߣߌ߲ߞߏ߫ ߝߌ߬ߟߊ߬ߣߍ߲ ߠߋ߬ ߘߌ߫.

ߞߊ߬ ߞߎ߲߬ߠߊ߬ߛߌ߮ ߟߊ߫ ߖߊ߬ߕߋ߬ߘߐ߬ߛߌ߮ ߟߎ߬ ߟߊ߫ ߢߍߕߊ߯ ߡߊߝߟߍ߫߸ ߊ߬ ߣߌ߫ ߞߊ߬ ߡߌ߬ߙߌ߲߬ߘߌ ߟߊ߫ ߡߍ߲ ߞߵߊ߬ ߓߍ߲߬ ߊ߬ߟߎ߬ ߣߌߘߐߞߏ ߟߎ߬ ߡߊ߬. ߞߣߊ߬ߕߏ߫ ߣߊ߬ ߟߊ߫ ߓߐߘߊ߫ ߟߎ߬ ߘߌ߫ ߊ߬ߟߎ߬ ߟߊ߫ ߝߙߋߞߋ ߟߎ߬ ߟߊ߫.

ߡߐ߰ߓߊ ߟߎ߬ ߟߊ߫ ߓߋߟߋ߲ߠߊ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ߟߎ߬ ߟߊ߫ ߓߌ߬ߟߊ ߘߐ߫ ߡߙߌߦߊ ߢߌ߲߬ ߠߎ߬ ߞߊ߲߬. ߞߵߊ߬ ߓߍ߲߬ ߞߊ߲ߓߍ߲ ߞߊ߲ߕߌ߯ ߞߎ߲߬ߕߋߟߋ߲ ߠߎ߬ ߡߊ߬. ߊ߬ߟߎ߬ ߓߊ߲߫ ߘߊ߫ ߞߵߊ߬ߟߎ߬ ߣߕߊ߬ߘߐ߬ߞߏ ߢߊߝߐ߫ ߝߟߐߦߊ ߦߋ߫ ߡߍ߲ ߠߎ߬ ߓߟߏ߫. ߞߵߏ߬ ߛߐ߰ߡߊ ߞߍ߫ ߛߌߟߊ߫ ߓߊ߯ߙߊ߫ ߞߏ ߘߌ߫، ߊ߬ ߣߌ߫ ߖߌ ߛߊߣߌߡߊ߲ ߛߐ߬ߘߐ߲߬ߞߏ ߘߌ߫. ߊ߬ ߣߌ߫ ߢߎߡߍߦߊߟߌ ߝߊ߲߬ߞߊߘߏ߲߭. ߞߎ߲߬ߠߊ߬ߛߌ߮ ߞߊ߬ ߦߟߌߣߐ ߕߊ߬ ߏ߬ ߞߊ߲߬߸   ߊ߬ߟߎ߬ ߞߵߊ߬ ߦߌ߬ߘߊ߬ ߞߏ߫ ߏ߬ ߓߐߒߘߊ߫ ߢߣߊߡߊ ߟߎ߬ ߓߍߣߊ߬ ߕߌߙߌ߲߫.

ߊߟߎ߫ ߦߋ߫ ߘߌ߬ߢߍ߬ ߒ ߢߍ߫߸ ߓߍ߲߬ߛߋ߲߬ߡߊ ߣߌ߲߬ ߛߋ߲߬ߝߍ߬߸ ߒ ߧߋ߫ ߓߊ߯ߙߊ߫ ߢߣߊߡߊ ߘߏ߫ ߟߎ߫ ߝߐ߫ ߊߟߎ߫ ߦߋ߫߸ ߡߍ߲ ߠߎ߫ ߛߌ߰ߣߍ߲߫ ߛߋ߲߬ߠߊ߫ ߞߊ߬ߦߌ߯߂߀߂߁ ߕߎߟߊߝߌ߲ ߕߟߋ߬ ߅، ߘߏ߫ ߟߎ߫ ߕߍ߬ߘߴߊ߬ ߝߐ߫ ߟߊ߫ ߞߏ߫ ߘߐ߬ߕߊߡߌ߲ ߠߋ߬߸ ߞߏ߫ ߘߐ߬ߕߊߡߌ߲ ߡߊ߲߫ ߞߊ߲߫ ߞߊ߬ ߡߍ߲߫.

ߣߌ߫ ߟߊ߬ߕߋ߬ߡߌ߲߬ߡߊ߬ߟߌ߬ ߓߏ߬ߙߌ߬ߘߐ߬ߞߢߊ ߞߍ߫ ߘߴߌߘߐ߫߸ ߕߊ߲߬ߓߊ(ߜߟߋ߬ߞߋ) ߟߋ߬ ߦߋ߫ ߟߊߕߊ߬ߡߌ߲߬ ߠߊ߫ ߡߐ߰ ߜߘߍ߫ ߡߊ߬߸ ߏ߬ ߘߌ߫ ߓߏ߬ߙߌߓߟߏߟߊߕߎ߲߰، ߊ߲ ߕߘߍ߬ ߓߘߴߏ߬ ߞߍ߫ ߏ߬ ߓߘߊ߫ ߛߊ߲߬ ߕߊ߲߫ ߣߌ߫ ߞߐ߫ ߓߐ߫߸ ߓߊ߬ߙߌ߬ ߣߐ߬ߡߌߣߊ ߡߊ߫ ߞߍ߫ ߊ߬ ߢߊ߫ ߖߍ߬ߘߍߖߍ߬ߘߍ ߡߊ߬، ߊ߲ ߕߎ߲߬ ߦߴߊ߬ ߝߍ߬ߞߊ߬ ߛߋ߫ ߦߌߟߊ ߡߍ߲߸ ߊ߲ ߡߊ߫ ߛߋ߫ ߛߋ߫ ߟߊ߫ ߦߋ߲߬، ߞߵߊ߬ ߞߍ߫ ߦߏ߫ ߊ߲ ߞߵߊ߲ ߞߐߛߊ߬ߦߌ߲߫ ߠߋ߬.

ߏ߬ ߘߐ߫ ߘߐ߬ߕߊߡߌ߲ ߡߍ߲ ߣߌ߲߬߸ ߊ߬ߟߋ ߦߋ߫ ߥߊ߬ߣߌ߲߬ߞߋ ߛߘߌ߬ߣߍ߲ ߠߋ߬ ߘߌ߫ ߛߊ߫ ߟߏ߲ ߕߊ߬ߡߌ߲߬ߣߍ߲ ߠߎ߫ ߥߟߊ߬ߘߊ ߟߎ߬ ߘߴߊ߲ ߡߊߞߏߢߊ߬߸ ߞߵߊ߲ߞߊ߬ߙߊ߲߬߸ ߞߴߊ߲ ߦߟߌߟߊߞߊ߬ ߊ߲ ߞߏ߫ ߞߍߢߊ ߟߎ߬ ߟߊߢߊ
ߘߐ߫߸ ߞߴߊ߲ ߠߊ߫ ߞߎ߲߬ߠߊ߬ߛߌ߰ߟߌ ߟߊߢߊ߬߸ ߞߵߊ߲ ߝߊ߲ߞߊ߲߫ ߡߐ߱ ߟߎ߫ ߟߊߢߊ
ߞߊ߲߬، ߡߐ߱ ߓߍ߯ ߟߋ߬ ߞߏ߫ ߦߋ߫ ߝߘߏ߬ߓߦߊ߬ ߓߟߏߡߊ߬߸ ߗߍ
ߣߌ߫ ߡߏ߬ߛߏ ߞߊ߬ߣߌ߲߬، ߓߊ ߣߊ߲߬ߝߟߏ ߓߍ߯ ߘߐ߫ ߓߏ߲߬ߓߊ ߡߍ߲ ߦߴߊ߲ ߓߟߏ߫߸ ߏ߬ ߦߋ߫ ߡߐ߰ ߓߘߍ ߟߊߛߌߦߊߦߊ ߟߋ߬ ߘߌ߫، ߏ߬ ߟߴߊ߬ ߞߍ߫ ߟߊ߫ ߣߊ߲߬ߝߟߏ߬ߘߏ߲߬ߘߟߊ߬ ߞߎ߲ߓߊ ߟߎ߬ ߓߘߊ߫ ߞߍ߫ ߏ߬ ߞߏߢߊ ߘߐ߫.

ߛߌߛߊ߲߬߸ ߞߵߊ߬ ߓߍ߲߬ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߡߊ߬߸ ߊ߬ ߘߐ߯ߦߊߣߍ߲ߓߊ߸ ߊ߬ ߕߐ߬ߣߐ %߂߀، ߒ ߞߏ߫ ߊ߬ ߘߐ߯ߦߊߣߍ߲ߓߊ، ߏ߬ ߞߘߐ߫ ߕߍ߫ ߞߏ߫ ߒ߬ ߘߊ߲߬ߕߐ߫ %߂߀ ߏ߬ ߟߋ߬ ߘߐߙߐ߲߫ ߡߊ߬، ߖߌ߬ߣߍ߬ ߦߋ߫ ߕߐ߬ߣߐ ߡߍ߲ ߛߐ߬ߘߐ߲߬ ߠߊ߫ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߘߐ߫߸ ߏ߬ %߂߀ ߞߙߍߞߙߍߕߐ߫ ߡߐ߱ ߟߎ߬ ߛߋߞߏߦߊ ߟߎ߬ ߟߊߥߊ߬ߙߊ ߟߋ߬ ߟߊ߫. ߡߎ߲߬ ߘߏ߲߬ ߦߋ߫ ߡߐ߱ ߟߎ߬ ߛߋߞߏߦߊ ߟߊߥߊ߬ߙߊ ߘߌ߫؟ ߏ߬ ߟߋ ߊ߬ ߞߍ ߘߌ߫ ߓߍ߯ ߖߘߐ߬ߣߊ߲߬ߞߏ ߦߋ߫ ߟߊߢߊ߬ ߡߍ߲ ߟߐ߬ߣߍ߲߫ ߊ߬ ߟߊ߫ ߢߣߊߡߦߊ߸ ߊ߬ ߟߊ߫ ߞߍ߲ߘߍߦߊ߸ ߊ߬ ߡߊߞߍߦߌߟߊ߸ ߊ߬ ߟߊ߫ ߘߤߊ ߣߴߊ߬ ߟߊ߫ ߥߙߎߞߌ ߡߊ߬. ߓߊߏ߬ ߏ߬ ߟߋ߬ ߓߣߊ߬ߦߊ ߓߊߖߎ ߖߍ߬ߘߍ ߘߌ߫.

ߖߡߊ߬ߣߊ ߘߏ߫ ߟߎ߫ ߓߍ߫߸ ߘߊ߬ߡߊ߲߬ߘߐ߬ ߣߊ߲ߝߟߏ߫ ߕߴߏ߬ ߟߎ߬ ߓߟߏ߫، ߒ߬ߞߊ߬߸ ߦߟߌ߫ ߘߐ߫ ߣߊ߲ߝߟߏ ߦߴߊ߬ߟߎ߬ ߓߟߏ߫ ߡߍ߲ ߦߴߊ߬ ߞߍ߫ ߟߊ߫ ߓߌ߬ ߊ߬ߟߎ߬ ߦߋ߫ ߢߍ߫ ߟߊ߬ߥߟߏ߬ߟߌ ߘߊߞߎ߲ ߘߐ߫߸ ߊ߬ ߣߌ߫ ߢߍߡߌߙߌ߲ߡߦߊ ߘߊߞߎ߲ ߘߐ߫، ߖߌ߬ߣߍ߬ ߕߍ߫ ߛߴߊ߬ ߕߏ߫ ߟߴߏ߬ ߘߐ߫ ߊ߰ ߞߍ߫ ߖߡߊ߬ߣߊ߫ ߘߌ߫ ߘߎ߰ߘߐ߬ߣߊ߲ߝߟߏ ߟߎ߬ ߦߋ߫ ߓߐ߫ ߟߊ߫ ߦߌߟߊ ߡߍ߲ ߞߊ߬ ߕߊ߯ ߛߌ߬ߛߌ߬ߞߎߟߎ߲ ߠߎ߬ ߞߣߐ߫، ߕߎ߬ߡߊ߬ ߘߊ߲ߘߐ߫ ߞߐߝߍ߬߸ ߦߟߍ߬ߘߐ߬ߞߍ ߟߎ߬ ߞߐߝߍ߬߸ ߊ߲ ߕߊ ߦߋ߫ ߕߏ߫ ߣߡߌߛߊ ߡߊ߬߸ ߕߎ߫ ߕߊ߲ߧߊ ߡߊ߬߸ ߟߊ߬ߛߐ߲߬ ߕߊ߲߬ߧߊ ߡߊ߬߸ ߊ߬ ߣߌ߫ ߞߵߊ߬ ߕߏ߫ ߞߊ߬ߛߌ ߡߊ߬ ߞߘߊߎ߫. ߊ߬ߦߌ߫߸ ߏ߬ ߞߊ߫ ߞߊ߲߫ ߠߋ߬ ߞߊ߬ ߡߊߝߊ߬ߟߋ߲߬.

ߊ߬ ߞߊ߫ ߞߊ߲߫ ߠߋ߬ ߝߣߊ߫߸ ߦߏ߫ ߒ ߧߴߊ߬ ߝߐ߫ ߟߊ߫ ߢߊ ߡߍ߲ ߛߐ߲߬߸ ߡߍ߲ ߣߌ߫ ߡߍ߲ ߞߊ߫ ߞߊ߲߫߸ ߞߵߏ߬ ߞߍ߫ ߏ߬ ߢߍ߫. ߛߏ߬ߙߌ߬ߡߊ߬ߘߋ߲߬ ߞߟߍߕߌ߮ ߡߊ߬ߡߊ߬ߘߌ߬ ߘߎ߲ߓߎߦߊ߫߸ ߊ߬ ߞߣߐߜߊߞߏ ߘߐ߫ ߓߏ߲߬ߓߊ ߦߋ߫ ߡߍ߲ ߘߌ߫߸ ߏ߬ ߟߵߊ߬ ߞߍ߫ ߘߌ߫ ߛߊ߫ ߛߌߣߌ߲߫ ߖߌ߬ߣߍ߬ ߦߋ߫ ߞߍ߫ ߦߙߐ߫ ߘߌ߫ ߖߌ߬ߣߍ߬ߘߋ߲ ߓߍ߯ ߓߍ߫ ߛߋ߫ ߘߊ߰ߡߎ߲ ߣߌ߫ ߤߙߍ ߛߐ߬ߘߐ߲߬ ߠߴߊ߬ ߣߊ߲߬ߝߟߏ߬ ߟߊߥߟߏߣߍ߲ ߠߎ߬ ߟߊ߫ ߢߊ ߡߍ߲، ߏ߬ ߘߏ߲߬ ߦߋ߫ ߕߊ߬ߡߌ߲߬ ߠߊ߫ ߡߐ߱ ߟߎ߬ ߟߊߞߐ߮ ߛߌߟߊ ߟߋ߫ ߝߍ߬߸ ߞߊ߬ ߛߋߞߏߦߊ ߞߴߊ߬ߟߎ߬ ߟߊ߫ ߕߎ߬ߡߊ ߓߍ߯ ߛߴߊ߬ߟߎ߬ ߦߋ߫ ߛߋ߫ ߝߊ߬ߛߏ ߟߊ߫ ߕߐ߬ߣߐ ߟߐ߲߫ ߠߊ߫ ߞߵߊ߬ ߡߞߊߘߊ߲߫.

ߒ ߘߌ߫ ߟߊߒߡߊ ߘߏ߫ ߘߌ߫، ߊ߲ ߧߋ߫ ߝߙߋߞߋ ߘߏ߫ ߢߊߓߐ ߞߊ߲߬ ߕߋ
߲ߕߋ߲߬ ߡߍ߲ ߟߐ߬ߣߍ߲߫ ߖߌ߬ߣߍ߬ ߝߎߥߊ߲߫ ߞߏߟߊߘߍߘߊ(ߖߝߞ) = ߜ
ߊߞ(ߜ
ߣߌ߫ ߊߟߎ߳ߡߌߣߊ߫ ߞߐߙߑߔߏߙ߳ߋߛ
ߐ߲߬) ߡߊ߬، ߊ߬ ߝߐ߫ ߘߊ߫ ߟߋ߬ ߞߏ߫ ߖߝߞ ߞߊ߫ ߞߊ߲߫ ߞߊ߬ ߛߌ߰ ߛߋ߲߬ߠߊ߫ ߖߌ߬ߣߍ߬ ߝߎߥߊ߲ߢߊߘߊ߲߫ ߘߍߡߊߘߊ(ߖߝߘ) = ߞߐ߲ߔߊߢߌ ߘߋ߬ ߓߐߞߑߛߌߕߘߋ߬ ߜ
ߌߣߋ߫(ߛߋߓߋߖ
ߋ) ߟߊ߫ ߝߎߥߊ߲ߢߊߘߊ߲߫ ߕߐ߬ߡߊ ߟߋ߬ ߟߊߓߊ߯ߙߊ߫ ߞߊ߲ߡߊ߬߸ ߖߐ߲߬ߛߊ߫ ߘߐ߬ߖߏ߲߬ߠߌ߲ ߘߌ߫ ߕߏ߫ ߊ߬ ߡߊ߬ ߝߎߥߊ߲߫ ߝߊ߲ߓߏ߲ ߠߊ߫.

ߊ߲ ߝߊ߬ߛߏ߬ߘߋ߲߬ߢߐ߲߮ ߠߎ߬߸ ߡߍ߲ ߠߎ߫ ߕߍ߬ߘߍ߫ ߖߋ߬ߓߌ߬ߦߊ߬ߟߌ ߘߊߞߎ߲ ߘߐ߫ ߏ߬ ߕߎ߬ߡߊ ߟߊ߫߸ ߏ߬ ߟߎ߫ ߞߵߊ߬ ߝߐ߫ ߟߋ߬ ߘߐߙߐ߲߫߸ ߊߟߎ߯ ߥߊߘߌ ߘߴߊ߲ ߡߊ߬߸ ߊ߲ ߘߌ߫ ߝߎߥߊ߲ߢߊߘߊ߲ ߢߌ߲߬ ߝߙߋ߬ ߊߟߎ߫ ߡߊ߬߸ ߊߟߎ߯ ߝߊ߲ߓߏ߲ ߠߎ߫ ߟߐ߬ ߊߟߎ߫ ߓߘߊ߸ ߒ߬ߠߎ߬ ߟߎ߬ ߘߌ߫ ߕߏ߫ ߝߎߥߊ߲ߢߊߘߊ߲ ߝߙߋ߬ߟߴߊߟߎ߫ ߡߊ߬ ߛߍߣߍ߲߬ ߞߘߊߎ߫، ߊ߬ ߘߏ߲߬߸ ߊ߲ ߞߵߊ߬ ߟߐ߲߫ ߕߊߦߌ߫ ߞߏ߫ ߣߴߊ߲ ߕߏ߫ ߘߊ߫ ߒ߬ ߠߊ߫ ߣߊ߲߬ߝߟߏ ߓߊߖߎߟߞߊ ߟߎ߫ ߝߙߋ߬ ߟߊ߫ ߦߋ߲߬ ߕߋ߲߬ ߒ߬ ߡߊ߫ ߒ߬ ߕߊ߫ ߞߎ߲߬ߣߌߞߎ߲߬ ߟߴߊ߬ ߞߊ߲߬߸ ߣߊߟߌ߬ߡߎ߲߫ ߣߊ߲߬ߝߟߏ߬ ߡߊ߬ߞߊߝߏ ߘߌ߫ ߡߍ߲ ߘߌ߫ ߡߐ߰ ߗߊ߯ߡߊ߲߫ ߓߟߏߘߏ߲߬ ߓߊ߯ߙߊ ߘߐ߫ ߡߍ߲ ߦߙߌߞߊ ߘߌ߫ ߡߊߞߊ߬ߝߏ߫ ߕߎ߬ߡߊ߬ ߓߍ߯߸ ߓߟߏߝߍ߫ ߓߊ߯ߙߟߊ ߟߎ߫ ߟߋ߬ ߘߐߙߐ߲߫ ߞߍߕߐ߫ ߊ߲ ߓߟߏ߫، ߏ߬ ߘߐ߫߸ ߊ߬ ߘߌߣߊ߬ ߝߐ߫ ߏ߬ ߟߎ߫ ߡߊ߬ ߟߏ߲߫ ߞߋߟߋ߲߫ ߕߋ߲߬ ߞߏ߫ ߝߎߥߊ߲ߢߊߘߊ߲ ߓߘߊ߫ ߓߊ߲߫߸ ߞߏ߫ ߞߍߦߙߐ ߘߊ ߓߘߊ߫ ߓߊߟߊ߲߫߸ ߊߟߎ߯ ߥߴߊߟߎ߫ ߟߊ߫. ߞߵߊ߬ ߛߐ߬ߘߐ߲߬ ߣߌ߫ ߞߏ ߟߎ߬ ߡߊ߬ߦߟߍ߬ߡߊ߲߬ߠߌ߲ ߘߊ߫߸ ߊ߬ ߞߎ߲߬ߝߟߐ ߘߐ߫ ߝߎߥߊ߲ߢߊߘߊ߲߫ ߝߊ߲ߓߏ߲ ߘߌ߫ ߞߴߊ߲ ߓߟߏ߫؛ ߊ߬ ߝߌߟߊߣߊ߲ ߘߐ߫߸ ߝߎߥߊ߲߫ ߝߊ߲ߓߏ߲ ߘߌ߫ ߞߴߊ߲ ߓߟߏ߫، ߏ߬ ߞߘߐ ߟߋ߬ ߞߏ߫ ߖߡߊ߬ߣߊ ߟߊ߫ ߝߊ߲ߓߏ߲ߦߊߟߌ ߓߘߊ߫ ߘߊߘߐߓߍ߲߬ ߏ߬ ߘߐ߫.

ߌ ߓߊ߯ ߣߊ߲߬ߝߟߏ߬ߘߏ߲߬ߠߌ߲ ߢߌ߲߬ ߓߍ߯ ߦߋ߫ ߞߍ߫ ߟߊ߫ ߓߌ߬߸ ߏ߬ ߞߎ
߲ ߠߋ߬ ߛߊ߫ ߞߵߊߟߎ߫ ߘߐߓߍ߲߬ ߕߎ߬ߡߊ߫ ߣߊ߬ߕߐ ߏ߬ ߢߍ߫. ߊ߲ ߡߊ߬ߞߏ ߘߌߣߊ߬ ߓߌ߬ߟߊ߫ ߗߋ߬ߥߎ߬ߣߊ߲߬ߗߋߥߎ߫ ߞߏ߲߬ߓߏ߬ߣߍ߲߬ߓߊ ߟߎ߬ ߟߊ߫߸ ߊ߲ ߡߊ߬ߞߏ ߘߌߣߊ߬ߓߌ߬ߟߊ߫ ߘߊ߲ߘߊߟߌߟߊ ߟߎ߬ ߟߊ߫߸ ߊ߲ ߡߊ߬ߞߏ ߘߌߣߊ߬ ߓߌ߬ߟߊ߬ ߕߌߙߌ߲ߠߌ߲ߠߊ ߟߎ߬ ߟߊ߫ ߘߊߞߎ߲߫ ߓߐߣߍ߲ߢߐ߲߰ߡߊ ߟߎ߬ ߘߐ߫. ߊ߲ ߘߌߣߊ߬ ߒ߬ ߠߊ߫ ߞߐߘߐߕߏߟߌ ߛߋ߲߬ߠߊߡߌ߬ߘߊ߬ ߒ߬ ߠߊ߫ ߓߊ߯ߙߘߊ߫ ߢߣߊߡߊ ߘߏ߫ ߟߎ߫ ߟߊߕߟߋ߬ߓߊ߰ߦߊ߬ߟߌ ߘߐ߫، ߕߎ߬ߡߊ ߡߍ߲ ߊ߲ߠߎ߬ ߦߋ߫ ߓߟߐߟߐ ߟߐ߲ ߠߊ߫ ߘߏ߯ߣߍ߲ߘߏ߯ߣߍ߲߫߸ ߘߏ ߟߎ߬ ߓߘߊ߫ ߛߋ߫ ߛߊ߲ߡߊߞߎ߬ߟߋߞߎ߬ߟߋ ߟߎ߬ ߘߐ߫، ߕߟߋ߬ߖߌ߰ߞߊ ߟߎ߬ ߦߋ߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߞߊ߲߬߸ߘߌߔߑߛߌߞ ߞߏ ߞߎߡߊ ߦߋ߫ ߝߐ߫ ߟߊ߫ ߛ
ߌߣߌ߲ߞߊ ߟߎ߫ ߝߍ߬، ߊ߲ ߡߊ߲߫ ߞߊ߲߫ ߏ߬ ߘߐ߫ ߞߊ߬ ߕߏ߫ ߞߐ ߘߐߡߐ߮ ߟߎ߫ ߝߍ߬.

ߏ߬ ߘߐ߫߸ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߡߍ߲ ߠߎ߬ ߦߋ߫ ߣߌ߲߬߸ ߏ߬ ߦߴߊߟߎ߫ ߘߐߓߍ
߲ ߠߋ߬ ߘߌ߫ ߛߌߣߌ߲߫ ߢߍ߫، ߒ߬ߞߊ߬߸ ߏ߬ ߞߘߐ ߟߋ߬ ߝߣߊ߫ ߦߋ߫ ߞߏ߫ ߖߋ߬ߓߌ߬ߦߊ߬ߟߌ ߘߏ߫ ߦߴߊߟߎ߫ ߡߊ߬، ߊߟߎ߫ ߞߊ߫ ߞߊ߲߫ ߠߋ߬ ߞߊ߬ ߞߊ߬ߙߊ߲ ߞߍ߫.

ߝߏ߫ ߊߟߎ߫ ߦߋ߫ ߕߌߙߌ߲ߠߌ߲ ߣߌ߫ ߟߐ߲ߠߌ ߣߌ߫ ߛߍ߱ ߡߙߌߣߊ߲ ߠߋ߬ ߟߴߊߟߎ߫ ߣߌ ߘߐ߫ ߝߋߝߋ߫، ߘߍ߬–ߍ–ߘߍ߬ ߡߊ߫ ߛߍ߱ ߕߐ߬ߣߐ ߟߐ߲߫ ߞߵߊ߬ߞߍ߫߸ ߏ߬ ߦߋ߫ ߡߊ߬ߞߏ߬ߛߊ ߟߋ߬ ߘߊߞߘߐ߫ ߞߐߙߙߐ߫، ߊ߲ߠߎ߬ ߘߏ߲߬߸ ߊ߲ ߞߊ߫ ߞߊ߲߫ ߠߋ߬ ߞߴߊ߲ ߕߎ߬ߞߊ߲ ߡߊߕߐ߲ߕߐ߲߫.

ߒ ߓߘߊ߫ ߕߍ߯ߝߐߞߊ߲ ߡߍ߲߫، ߊ߲ ߧߴߊ߬ ߟߐ߲߫ ߞߏ߫ ߞߏߕߌ߮ ߓߍ߯ ߞߊ߬ ߘߏ߫ ߞߍ߫ ߤߊ߲߯ ߝߏ߯ߓߊ ߢߌ߲߬ ߟߐ߬ ߘߊ߫ ߓߌ߬. (ߞߎ߲߬ߠߊ߬ߛߌ߮ ߓߊ߯ߙߊ ߦߋ߫) ߘߏ߲߬ߖߟߎ߬ߡߊ ߖߍ߬ߘߍߖߍ߬ߘߍ ߟߋ߬ ߘߌ߫. ߣߌ߫ ߝߛߎߞߎ ߡߊ߫ ߓߊ߯ߙߊ߫ ߞߊ߬ ߢߊ߬߸ ߣߌ߫ ߓߟߏߟߊߘߍߟߊ ߡߊ߫ ߟߊߒߞߎ߲ ߣߌ߫ ߣߌߛߐ߲ߞߐ ߟߎ߫ ߛߙߊ߬߸ ߊߟߎ߫ ߢߣߊ߫ ߞߏ߫ ߒ߬ ߘߌ߫ ߛߋ߫ ߛߌߟߊ ߟߎ߬ ߓߊ߯ߙߊ߫ ߟߊ߫߸ ߞߊ߬ ߖߊ߯ߓߘߊ ߟߎ߫ ߟߐ߬߸ ߞߵߊ߲ ߠߊ߫ ߘߊ߲ߘߊߛߏ ߟߎ߬ ߖߐ߰ߣߍ߲ ߕߊ߬߸ ߞߊ߬ ߓߊ߯ߙߟߊ ߟߎ߫ ߛߊ߬ߙߴߊ߬ ߢߌ߬ߡߊ ߟߊ߫ ؟ ߊ߲ ߕߍߣߊ߬ ߛߋ߫ ߟߊ߫.

ߏ߬ ߞߘߐ ߟߋ߬ ߞߏ߫ ߡߝߊ߬ߟߋ߲߬ߠߌ߲ ߡߍ߲ ߦߴߌߘߐ߫ ߣߌ߲߬߸ ߊ߬ ߦߋ߫ ߡߝߊ߬ߟߋ߲߬ߠߌ߲߫ ߥߊ߲߬ߥߊ߲߬ߓߊ ߟߋ߬ ߘߌ߫ ߛߴߊߟߎ߫ ߘߌ߫ ߞߍ߫ ߛߌߣߌ߲߫ ߦߏ߫ ߖߡߊ߬ߣߊ ߘߏ߫ ߟߎ߫. ߊ߬ ߡߊ߫ ߦߟߍ߬ߘߐ߬ߞߍ߫ ߛߓߊ߬ ߓߐ߫߸ ߛ
ߌߣߌ߲߬ ߞߍ߫ ߘߊ߫ ߘߎߢߊ߫ ߝߊ߲߬ߞߊ߬ߡߊ ߟߎ߬ ߘߏ߫ ߘߌ߫. ߊ߬ ߘߏ߲߬߸ ߖߌ߬ߣߍ߫ ߣߊ߬ߕߐ߬ ߞߍ߫ ߟߊ߫ ߡߍ߲ ߘߌ߫ ߏ߬ ߓߕߐ߫ ߊߟߎ ߟߋ߬ ߘߐ߫

ߏ߬ ߘߐ߫߸ ߊߟߎ߫ ߦߋ߫ ߖߡߊ߬ߣߊ ߢߌ߲߬ ߠߊ߫ ߕߐ߬ߣߐ ߟߎ߬ ߡߞߊߘߊ߲߫ ߠߋ߬ ߘߋ߬، ߝߏߣߌ߲ߞߋ ߟߴߊߟߎ߫ ߘߌ߫، ߏ߰ ߕߎ߬ߢߊ߬ ߘߌ߫߸ ߒ߬ߞߊ߬ ߥߣߍ߬ߡߊ߬ߦߊߕߍ߫ ߛߌ߬ ߞߛߊߓߌ ߡߊ߬، ߊߟߎ߫ ߘߌ߫ ߛߋ߫ ߕߏ߫ ߟߊ߫ ߝߏߣߌ߲ߞߋߦߊ ߘߐ߫߸ ߞߴߊ߬ ߛߐ߬ߘߐ߲߬ ߖߌ߬ߣߍ߫ ߟߐ߬ߟߌ ߥߍ߬ߣߍ ߘߝߊߣߍ߲߫ ߤߏߞߌ ߦߴߊߟߎ߫ߛߣߐ߬ߡߍ ߘߐ߫، ߖߌ߬ߣߍ߫ ߝߊ߲߬ߞߊ߬ߡߊ߸ ߕߍߓߍ߲ ߣߌ߫ ߞߊ߲ߓߍ߲ ߣߌ߫ ߢߐ߲߯ߞߊߣߌ߲ ߣߌ߫ ߢߐ߲߯ߠߊߝߛߊ ߣߌ߫ ߢߐ߲߯ߘߍߡߍ߲ ߣߌ߫ ߓߟߏߘߏ߲ߢߐ߲߰ߓߟߏ ߞߊ߲߬،ߖߌ߬ߣߍ߬ ߡߍ߲ ߘߴߊ߲ ߠߊ߫ ߟߐ߲ߠߌ߲ߦߊ ߟߎ߬ ߓߍ߯ ߟߊߥߙߎߞߌ߫ ߤߊߟߌ߬ ߢߌ߬ߣߊ߬ߓߐ߬ߟߌ߫ ߕߍ߫. ߛߌߣߌ߲ߢߍߛߌ߮ ߦߋ߫ ߡߊߗߍ߲߬ ߠߊ߫ ߖߊ߯ߓߘߊ ߟߋ߬ ߞߣߐ߫.

ߒ߬ߓߊ߬߸ ߊߟߎ߫ ߦߋ߫ ߞߍ߫ ߟߊߒߡߊ ߟߎ߫ ߟߋ߬ ߘߌ߫ ߝߊ߬ߛߏ߬ߘߋ߲ ߕߐ
ߟߎ߬ ߢߍ߫߸ ߏ߬ ߟߎ߬ ߡߍ߲ ߠߎ߬ ߡߊ߫ ߓߍ߲߬ߛߋ߲߬ߡߊ߫ ߛߐ߬ߘߐ߲߬ ߞߊ߬ ߘߏ߲߬ ߖߊ߯ߓߘߊ ߞߣߐ߫، ߞߏ߫ ߝߐߕߊ߫ ߛߘߍߡߊ߲߫ ߠߋ߬ ߦߋ߫ ߦߋ߲߬ ߒ ߧߴߊ߬ ߝߍ߬ ߞߊ߬ ߡߍ߲ ߓߍ߯ ߝߐ߫ ߊߟߎ߫ ߦߋ߫߸ ߒ߬ߞߵߊߟߎ߫ ߞߊ߫ ߞߊ߲߫ ߞߊ߬ ߡߍ߲ ߕߊ߲߬ߞߊ߬ ߢߌ߬ߡߊ ߟߊ߫߸ ߏ߬ ߟߋ߬ ߞߏ߫ ߡߍ߲ ߓߍ߯ ߦߋ߫ ߞߍ ߞߊ߲߬ ߕߋ߲߬߸ ߞߴߏ߬ ߓߍ߯ ߞߍ߫ ߟߊ߫ ߟߋ߬ ߛߊ߫ ߛߌߣߌ߲߫߸ ߊߟߎ߫ ߦߴߊ߬ ߝߐ߫ ߞߏ߫ ߡߍ߲ ߠߎ߫ ߞߊ߬ ߓߊ߯ߙߊ ߣߌ߲߬ ߞߍ߫ ߣߴߊ߬ߟߎ߬ ߕߍ߫ ߦߊ߲߬ ߓߌ߬߸ ߞߴߊ߬ߟߎ߫ ߞߵߊ߬ ߞߍ߫ ߟߋ߬ ߛߊ߫ ߞߵߊ߲ ߘߐߓߍ߲߬ ߓߌ߬ ߢߍ߫، ߏ߬ߘߐ߫߸ ߊߟߎ߫ ߦߋ߫ ߓߊ߯ߙߊ߫߸ ߊߟߎ߫ ߦߴߊߟߎ߫ ߟߊ߫ ߖߋ߬ߓߌ߬ߦߊ߬ߟߌ߬ ߓߘߐ ߘߎ߲߫ ߊߟߎ߫ ߞߊ߬ߡߊ߲߬ ߠߊ߫ ߞߊ߬ ߞߍ߫ ߡߐ߰ߘߐ߬ߜߍ ߟߎ߬ ߘߌ߫ ߡߍ߲ ߠߎ߬ ߟߊ߫ߖߋ߬ߓߌ߬ߦߊ߬ߟߌ ߥߍ߬ߣߍ ߣߴߊ߬ ߞߎ߬ߘߎ ߦߴߊ߬ߟߎ߬ ߞߊ߲ߠߊ߫. ߡߍ߲ ߠߎ߬ ߦߋ߫ ߟߐ߲ߠߌ ߢߌߣߌ߲ ߞߊ߲߬ ߞߘߊߎ߫ ߞߵߊ߲ ߠߊ߫ ߖߡߊ߬ߣߊ ߝߟߐ߫ ߟߊߗߋ߲߰ߧߊ߫߸ ߞߊ߬ ߝߘߊ߬ߝߌ߲߬ߠߊ߫ ߕߎ߲߰ ߏ߬ ߟߊ߫߸ ߞߊ߬ ߘߎߢߊ߫ ߕߎ߲߰ ߏ߬ ߟߊ߫.

ߊ߲ ߠߊ߫ ߖߘߍ߬ߘߌ ߦߴߏ߬ ߟߋ߬ ߘߌ߫߸ ߊ߲ ߠߊ߫ ߣߌߞߎߣߎ߲ ߦߴߏ߬ ߟߋ߬ ߘߌ߫߸ ߊ߬ ߣߌ߫ ߗߋߞߊ߲߫ ߢߣߊߡߊ ߏ߬ ߟߋ߬ ߦߋ߫ ߛߋ–ߍߣ–ߍߙ–ߘߋ ߟߊ߫ ߡߐ߬ߟߐ߲߬ ߟߏ߯ߟߎ߫ ߟߋ߬ ߘߌ߫، ߟߊ߬ߘߍ߬ߟߌ߸ ߏ߬ ߞߐ߫ ߘߐ߬ߓߍ߲߬ߠߌ߲߬ ߞߎߘߊ߸ ߜߘߌߛߌ߯ߞߎߘߊ، ߓߊ ߡߍ߲ ߓߍ߯ ߦߋ߫ ߞߍ ߞߊ߲߬ ߣߌ߲߬߸ ߊ߲ ߘߌ߫ ߛߴߊ߬ ߝߐ߫ ߟߊ߫ߞߵߏ߬ ߓߍ߯ ߟߋ߬ ߦߋ߫ ߜߘߌߛߌ߯ߞߎߘߊ ߘߌ߫، ߞߵߊ߬ ߕߊ߬ ߞߊ߬ߝߏ ߛߌ߲߬ߝߏ߲߬ߧߊ߬ߘߊ ߟߎ߫ ߡߊ߬߸ ߊ߲ ߞߏ߫ ߘߐߡߙߌ߫ ߗߏ߮߸ ߊ߬ ߣߴߊ߲ ߓߍ߯ ߣߊ߬ߕߊ ߛߊ߫ ߛߌߣߌ߲߫߸ ߖߌ߬ߣߍ߬ ߘߌ߫ ߞߍ߫ ߖߡߊ߬ߣߊ߬ߓߊ߫ ߘߌ߫ ߡߍ߲ ߘߌ߫ ߖߊ߬ߕߋ߫ ߝߘߊ߬ߝߌ߲߬ߠߊ߬ ߜߙߋ ߞߊ߲߬ ߊ߬ ߣߌ߫ ߘߎߢߊ߫ ߞߣߐ߫.

ߡߊ߰ߙߌ ߘߏ߲߬ ߞߊ߬ ߝߋ߲ ߓߍ߯ ߘߴߊ߲ ߡߊ߬ ߥߟߊߛߊ߫ ߞߏ ߟߎ߬ ߦߋ߫ ߛߋ߫ ߞߍ߫ ߟߊ߫ ߢߊ ߏ߬ ߡߊ߬، ߒ߬ߓߊ߬߸ ߊ߲ ߧߋ߫ ߟߴߊ߲ ߖߘߍ߬ ߟߊ߫ ߞߵߊ߲ ߞߍ߫ ߓߊ߯ߙߊ ߞߊ߲߬، ߊߟߎ߫ ߣߌ߫ ߗߋ߫.