Catégorie : Actualités en N’Ko

ߓߌߟߏ߲߫ ߞߏ߲ߓߌߕߌ߱ ߕߟߋ߬ ߂߃/ ߂߀߂߅

 ߝߙߊߣߊ߫ ߡߙߊ߬ߓߊ߰ߘߊ ߞߐߝߍ߬، ߒߖ߭ߙߋߞߏ߬ߙߋ߬، ߞߊ߲ߞߊ߲߫، ߡߊ߯ߡߎ߫ ߣߌ߫ ߞߌ߲ߘߌߦߊ߫. ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߛߌ߲߯ ߓߏߞߋ߬ ߕߌ߲߬ߞߎߘߎ߲߫ ߠߊ߫. ߏ߬ ߦߋ߬ ߞߎߟߎ߲ߖߋߟߌ ߝߊ߲߬ ߝߌߟߊߣߊ߲ ߠߋ߬ ߘߌ߫، ߡߍ߲ ߘߊߓߐߣߍ߲ ߞߵߊ߬ ߓߍ߲߬ ߛߌ߰ߞߊ߲ ߞߎߘߊ ߟߊߘߌ߬ߢߍ ߡߊ߬. ߊ߬ߟߋ ߡߍ߲ ߦߋ߫ ߞߊ߲ߘߟߌ ߓߙߊߡߊߖߊ߲ߓߊ߲ ߘߏ߲߬ߖߟߎ߬ߡߊ߬ߟߊ ߝߊ߬ߛߏ߬ߟߊ߬ߞߊ ߘߌ߫ ߤߊ߯ߟߌ ߢߍ߫. ߊ߬ ߣߊ߬ߣߍ߲ ߞߎ߲߬ߠߊ߬ߛߌ߮ ߟߊ߫ ߥߊߟߢߌߡߊߟߐ߲߫ ߝߏߟߌ ߟߊ߫ ߞߊߕߙߍ߬ ߡߌ߬ߙߌ߲߬ߘߌ ߡߊ߬. ߞߵߊ߬ ߓߍ߲߬ ߊߟߎ߫ ߟߊ߫ ߞߙߎߝߊߟߌ ߡߊ߬߸ ߊ߬ ߣߴߊߟߎ߫ ߟߊ߫ ߡߛߍ߬ߞߍ߬ߡߛߍߞߍ ߘߊߞߎ߲ ߢߌ߲߬ ߘߐ߫. ߛߋ߲߬ߕߊ߰ ߟߊߓߊ߲ ߏ߬ ߘߐ߫، ߞߎ߲߬ߠߊ߬ߛߌ߮ ߞߎ߲߬ߕߌ߮ ߕߘߍ߬ ߡߊߟߐߣߍ߲ ߞߍ߲ߘߍߦߊ ߣߌ߫ ߝߘߏ߬ߓߊ߬ ߛߊߣߌߧߊ ߞߏߕߌ߮ ߟߋ߬ ߓߟߏ߫، ߟߊ߬ߞߟߏ߬ߞߟߏ߬ߟߌ ߣߌ߫ ߟߊ߬ߛߓߍ߬ߛߎ߲߬ߧߊ߬ߟߌ ߞߏߕߌ߯ ߝߊ߬ߛߏ߬ߟߊ߬ߞߊ، ߊ߬ ߣߌ߫ ߞߏߕߌ߯ ߝߟߐߘߊ ߞߎߓߋߘߐ. ߓߏ߬ߞߋ߬ ߕߌ߲߬ߞߎߘߎ߲߫ ߘߏ߲߬ߖߟߎ߬ߡߊ߬ߟߊ. ߊ߬ ߘߏ߲߬ߣߍ߲ ߓߏߞߋ߬ ߞߏߕߌ߯ ߝߟߐ ߟߊߞߢߐ߬ߡߊ߬ ߘߊ߫ ߓߏ߬ߞߋ߫ ߕߌ߲߬ߞߎߘߎ߲ ߡߙߊ߬ߦߊ ߡߊ߬ߡߙߊ߬ߟߌ߬ߟߊ ߟߎ߬ ߟߋ߬ ߓߟߏ߫.

ߞߏ߲ߓߌߕߌ߱ ߕߟߋ߬ ߁߂/ ߂߀߂߅

ߞߵߊ߬ ߓߍ߲߬ ߊ߬ ߟߊ߫ ߞߎߟߎ߲ߖߋߟߌ ߖߊ߰ߟߋ ߞߊߡߊ߲ ߡߊ߬، ߕߎߟߊߝߌ߲߬ ߂߁/ ߂߀߂߅ ߞߊ߲ߘߟߌ ߓߙߊߡߊߖߊ߲ߓߊ߲ ߘߏ߲߬ߖߟߎ߬ߡߊ߬ߟߊ ߝߊ߬ߛߏ߬ߟߊ߬ߞߊ ߊߡߊߘߎ߫ ߎߙߌ߬ ߓߊ ߞߊ߬ ߓߊ߬ߘߏ߬ߢߐ߲߰ߦߊ ߘߐߘߎ߲߬ߧߊ߬ߣߍ߲ ߘߏ߫ ߞߍ߫ ߊ߬ ߣߌ߫ ߞߌ߲ߘߌߦߊ߫ ߛߌ߰ߓߊ߮ ߝߐ߰ߓߍ߬ߦߊ߬ߟߊ ߟߎ߬، ߊ߬ ߞߵߊ߬ ߟߊ߫ ߟߊ߬ߤߘߌ ߕߊ߬ߣߍ߲ ߏ߬ ߡߝߊ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߝߘߏ߬ߓߊ߬ ߖߊ߬ߓߌ߬ߦߊ߬ߟߊ ߓߍ߯ ߞߊ߫ ߞߊ߲߫ ߞߊ߬ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߢߌ߬ߣߌ߲߬ߞߊ߬ߟߌ ߟߎ߬ ߖߊ߬ߓߌ߬߸ ߏ߬ ߦߋ߫ ߕߊ߯ߛߋ߲ ߠߋ߬ ߘߌ߫ ߡߎ߬ߕߎ߲߬ ߡߍ߲ ߛߓߍߣߍ߲ ߞߎ߲߬ߠߊ߬ߛߌ߰ߦߊ߬ߟߌ ߘߐ߫ ߛߋ ߍߣ ߍߙ ߘߋ ߟߊ߫ ߖߊ߬ߕߋ߬ߓߐ ߞߣߐ߬ߡߊ߬. ߏ߬ ߡߍ߲ ߓߐߣߍ߲ ߞߊ߲ߓߍ߲ ߞߊ߲ߕߌ߮ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߖߍ߬ߘߍ ߟߊ߫ ߟߊ߬ߛߌ߲߰ߠߌ߲ ߘߐ߫. ߏ߬ ߞߎ߲߭ ߠߋ߬ ߞߊ߬ ߢߡߊߦߟߍߡߊ߲ ߞߍ߫ ߊ߬ ߣߌ߫ ߞߊ߬ ߘߊ߲߬ߛߌ߰ ߥߣߎ߬ߥߣߎ߬ߞߊ߲ ߠߊ߫߸ ߊ߬ ߣߌ߫ ߞߎ߲߬ߠߊ߬ߝߎ߬ߟߋ߲߬ߓߊߟߌߦߊ ߞߊߟߌߦߊ ߘߐ߫. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߌ߲ߘߌߦߊ߫ ߝߐ߰ߓߍ߬ߟߊ߬ߟߊ ߓߟߏߡߞߊ߬ߣߍ߲ ߠߎ߬ ߝߏ߬، ߞߏ߫ ߊ߬ߟߎ߬ ߓߘߊ߫ ߝߏ߲߬ߝߏ߲߬ߠߊ ߣߌ߫ ߖߊ߬ߓߌ߬ߦߊ߬ߟߌ ߞߍ߫ ߊ߬ߟߎ߬ ߟߊ߫ ߞߘߐߓߐߟߊ߲ ߣߴߊ߬ߟߎ߬ ߗߋߦߊߟߌ ߞߊ߲߬ ߞߎ߲߬ߠߊ߬ߝߎߟߋ߲ ߛߌߟߊ ߝߍ߬.

ߞߏ߲ߓߌߕߌ߱ ߕߟߋ߬ ߁߆/ ߂߀߂߅

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߁߅/ ߂߀߂߅ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߛߟߊߕߌ߯ ߊߡߊߘߎ߫ ߎߙߌ߬ ߓߊ ߞߊ߬ ߢߐ߲߯ߦߋ߫ ߟߊߘߌ߬ߢߍ߬ ߛߟߊߕߌ߯ ߖ߭ߊ߲ ߡߊߙߑߞ ߔߎߛߏߟ ߢߍ߫ ߝߊ߬ߙߊ߲߬ߛߌ߬ ߛߊ߲ߡߊߞߎߟߎ߲ ߗߋߕߌ߮ ߝߘߊ߬ߝߌ߲߬ߠߊ߫. ߊ߬ ߡߊ߬ߟߐ߬ ߘߊ߫ ߓߐ߬ߟߐ߲߬ߞߊ ߣߊߖߊ߬ ߊߖ߭ߊߟ، ߕߌ߲߬ߞߎߘߎ߲߫ ߘߍ߬ߡߊ߬ߘߊ ߗߋߕߌ߮ ߟߋ߬ ߓߟߏ߫. ߗߋߦߊߟߌ ߣߊ߬ߣߍ߲ ߥߙߎߞߌ ߝߊ߲߬ߝߘߊ߬ ߞߎߘߊ ߦߌ߬ߘߊ߬ ߟߊ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊ߫߸ ߊ߬ ߣߌ߫ ߗߋߢߊ ߛߋߞߏߦߊ ߡߞߊ߬ߝߏ߬ߣߍ߲ ߦߌ߬ߘߊ߬ ߟߊ߫ ߡߍ߲ ߟߐ߬ߣߍ߲߬ ߖߌ߬ߣߍ߬ ߡߊ߬. ߞߎ߲߬ߦߌ߬ߘߊ߬ߟߌ ߏ߬ ߓߐߣߍ߲ ߘߍ߬ߡߊ߬ߘߊ ߢߊߣߌߞߋ ߟߋ߬ ߘߐ߫ ߞߵߊ߬ ߓߍ߲߬ ߊ߬ ߟߊ߫ ߓߍߓߊ߯ߦߊ ߓߊ߲ߓߊ߲ ߡߊ߬ ߖߌ߬ߣߍ߬ ߟߐ߯ߝߍ ߟߎ߬ ߘߐ߫ ߛߊ߲ߞߊߢߐ߲߯ߦߊ ߛߌߟߊ ߝߍ߬ ߞߵߏ߬ ߓߍ߲߬ ߕߊ߯ߡߊߘߋ߲ ߠߎ߬ ߛߋ߲߬ߞߊ߲ ߡߊ߬. ߝߘߊ߬ߝߌ߲߬ߠߊ߫ ߍߙ ߝߊ߬ߙߊ߲߬ߛߌ߬ ߗߋߕߌ߮ ߞߊ߬ ߕߊ߯ߛߌߟߊ߫ ߞߎ߲ߓߊ ߟߎ߬ ߦߌ߬ߘߊ߬. ߞߵߊ߬ ߓߍ߲߬ ߟߊ߬ߝߙߍ ߛߌߟߊ ߟߊߣߐ߰ߦߊ߬ߣߍ߲ ߠߎ߬ ߡߊ߬߸ ߞߊ߬ ߓߍߟߍ߲ߠߌ߲ ߥߊ߯ߕߌ ߟߎ߬ ߡߊߘߐ߯ߦߊ߸ ߛߊ߲ߡߊߞߎߟߎ߲ ߕߋߟߋ߲ߠߟߊ ߟߎ߬ ߟߊߛߌߦߊߦߊ، ߊ߬ ߣߌ߫ ߢߍߕߊ߯ ߢߊߞߎߘߦߊߟߌ ߝߢߐߞߊ߲ߕߊ ߓߐߢߟߊ ߞߵߊ߬ ߟߐ߬ ߞߐߣߊߞߙߌ߫ ߣߌ߫ ߔߊߙߌ ߛߌߟߊ ߡߊ߬. ߢߊߞߎߘߦߊߟߌ ߏ߬ ߞߎ߲߬ߛߌ߲߯ߣߍ߲߫ ߢߝߍߕߊ߯ ߤߊ߲ߞߟߌߦߊ ߟߋ߬ ߟߊ߫߸ ߞߵߊ߬ ߟߐ߬ ߛߊ߲߬ߠߌ߲߬ߢߐ߲߮ ߠߎ߬ ߡߊ߬ ߖߌ߬ߣߍ߬ ߞߎ߲ߠߊ߫. ߞߏߕߌ߯ ߝߟߐ ߞߊ߬ ߡߛߍ߬ߞߍ߬ߡߛߍߞߍ ߣߌ߲߬ ߝߏ߬ߟߌ ߞߍ߫߸ ߞߊ߬ ߘߍ߬ߡߊ߬ߘߊ ߞߟߊߓߎߡߦߊ߫ ߞߊ߬ ߟߐ߬ ߗߋߢߘߊ ߓߘߍ ߘߎ߲ߡߕߊ ߓߟߏߡߦߊ߫ ߡߊ߬߸ ߡߍ߲ ߓߍ߲߬ߕߐ߫ ߖߌ߬ߣߍ߬ ߕߊ߯ߡߊߘߋ߲ ߠߎ߬ ߟߌ߬ߤߟߊ ߟߊߢߊ߭ ߡߊ߬. ߊ߬ ߞߵߊ߬ ߦߌ߬ߘߊ߬ ߞߏ߫ ߞߎ߲߬ߠߊ߬ߛߌ߮ ߦߴߊ߬ߟߎ߬ ߟߊ߫ ߓߌ߬ߟߊ ߘߐ߫، ߞߊ߬ ߓߟߏߘߏ߲ߢߐ߲߯ߓߟߏ ߢߊߞߎߘߦߊ ߟߊߛߓߊ߬ߕߌ߬ ߖߡߊ߬ߣߊ ߝߌ߬ߟߊ ߣߌ߫ ߢߐ߲߯ߕߍ߫ ߛߊ߲ߡߊ߫ ߛߌߟߊ ߝߍ߬.

ߞߏ߲ߓߌߕߌ߱ ߕߟߋ߬ ߁߂/ ߂߀߂߅

ߞߌ߲ߘߌߦߊ߫ ߓߐߒߡߊߟߌ ߞߏ߲ߓߌߕߌ߱ ߕߟߋ߬ ߁߁ ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߦߋ߫ ߞߊ߲ߕߌ߯ ߞߐߦߌ߬ߘߊ߬ ߟߊ߫߸ ߞߊ߬ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߟߊ߫ ߥߊߟߢߌߡߊߟߐ߲ ߝߏ߬ߟߌ ߟߊߛߋ߫ ߡߐ߰ߓߊ ߟߎ߬ ߣߌ߫ ߡߌ߬ߙߌ߲߬ߘߌ ߡߊ߬، ߞߵߊ߬ ߓߍ߲߬ ߞߊ߲ߘߟߌ ߕߊ߬ߡߌ߲߬ ߞߏ߬ ߢߌߡߊ ߡߊ߬ ߕߎߟߊߝߌ߲ ߂߁.ߞߎߡߊ ߞߐߛߊߦߟߌ ߘߐ߫ ߞߎߟߎ߲ߖߋߟߌ ߏ߬ ߘߌߦߊ߫ ߘߴߊ߬ߟߎ߬ ߢߍ߫߸ ߛߌ߰ߓߊ߮ ߟߎ߬ ߞߵߊ߬ߟߎ߬ ߟߊ߫ ߥߞߊ߬ߟߌ߬ ߦߌ߬ߘߊ߬ ߞߍߞߋߟߋ߲ߘߌ ߝߊ߬ߛߏ߬ߟߊ߬ߞߊ ߣߌ߫ ߖߐ ߟߊ߫ ߛߓߊ߬ߕߌ ߟߊ߫߸ ߞߏ߫ ߞߌ߲ߘߌߦߊ߫ ߡߊ߫ ߞߊ߬ߝߘߌ߬ߞߊ߬ߖߊ߲߬ߧߊ ߟߐ߲߫.  ߊ߬ߟߎ߬ ߞߊ߬ ߞߎߡߊ ߞߎ߲߬ߘߏ߲߬ ߘߎߓߊ߫ ߘߐ߫ ߓߍ߲߭ ߣߌ߫ ߖߌ߬ߣߍ߬ ߟߊ߫ ߥߙߎߞߌ ߟߊ߫.  

ߛߌ߬ߣߌ߲߬ߟߏ߲ ߞߏ߲ߓߌߕߌ߱ ߕߟߋ߬ ߂߄/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߣߴߊ߬ ߟߊ߫ ߗߋߦߊߟߌ ߛߣߍ߫ ߘߊ߫ ߟߊߓߋ߬ ߛߏ߫ ߞߣߐ߫߸ ߕߌ߲߬ߞߎߘߎ߲ ߞߎߓߋ ߣߌ߲߬ ߠߋ߬ ߞߎߟߎ߲ߖߋߟߌ߫ ߖߊ߰ߟߋ ߞߎ߲߬ߘߐ߬ߖߊ߲ ߞߎ߲߬ߘߏ߲ ߘߌ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߎߟߎ߲ߖߋߟߌ߫ ߞߍ߫ ߛߌ߰ߞߊ߲ ߞߎߘߊ ߟߊߘߌ߬ߢߍ ߞߐ߫. ߞߊ߲ߘߟߌ ߓߙߊߡߊߖߊ߲ߓߊ ߘߏ߲߬ߖߟߎ߬ߡߊ߬ߟߊ ߝߊ߬ߛߏ߬ߟߊ߬ߞߊ((ߤߊ߯ߟߌ߫)) ߢߍ߫. ߊ߬ ߟߊߛߣߍ߫ ߘߊ߫ ߡߙߊ߬ߦߊ ߕߌ߲߬ߞߎߘߎ߲߫ ߡߊ߬ߡߙߊ߬ߟߌ߬ߟߊ ߟߎ߬ ߟߋ߬ ߓߟߏ߫ ߕߎ߲߰ߢߐ߲߰ߠߊ ߓߟߏߡߊ߬߸ ߊ߬ ߣߌ߫ ߟߊߓߋ߬ ߡߐ߰ߓߊ ߟߎ߬ ߣߌ߫ ߡߏ߬ߛߏ ߟߎ߬ ߣߌ߫ ߘߋ߲ߡߌߛߍ߲ ߠߎ߬ ߞߊ߬ ߢߐ߲߮ ߦߋ߫. ߞߊ߬ߝߏ ߞߎ߲߬ߕߌ߮ ߟߊ߫ ߥߊߟߢߌߡߊߟߐ߲߫ ߝߏ߬ߟߌ ߟߊߛߋ߫ ߘߊ߫ ߊ߬ߟߎ߬ ߡߊ߬. ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߙߎߝߊߟߌ ߣߴߊ߬ߟߎ߬ ߟߊ߫ ߛߐ߲߬ ߠߊ߫ ߛߌ߰ߞߊ߲߬ ߞߎߘߊ ߡߊ߬. ߞߏߕߌ߯ ߝߟߐ ߡߊߟߐ߬ߣߍ߲ ߘߊ߫ ߟߊ߬ߞߟߏ߬ߞߟߏ߬ߟߌ ߝߊ߬ߛߏ߬ߟߊ߬ߞߊ ߣߌ߫ ߛߓߍߛߎ߲ߧߊߟߌ ߞߏߕߌ߮ ߖ߭ߊ߲ߔߏߟ ߛߋ ߘߌ߫ ߟߋ߬ ߓߟߏ߫، ߊ߬ ߣߴߊ߬ ߟߊ߫ ߞߎߓߋߘߐ ߡߊ߬ߞߟߐ ߟߎ߬.

ߞߏ߲ߓߌߕߌ߱ ߕߟߋ߬ ߂߃/ ߂߀߂߅

ߓߏߞߋ߬ ߞߏߕߌ߯ ߝߟߐ ߟߊߓߍ߲߬ ߘߊ߫ ߖߌ߲ߘߊ߲ ߖߍ߬ߘߍ ߖߍ߬ߘߍ ߟߋ߬ ߘߐ߫ ߡߌ߬ߙߌ߲߬ߘߌ ߓߟߏ߫ ߊ߬ߟߎ߬ ߟߊ߫ ߘߋ߲ߡߌߛߍ߲ ߓߏ߲ ߠߊ߫. ߞߊ߬ ߞߊ߬ߝߏ ߞߎ߲߬ߕߌ߮ ߟߊ߫ ߗߋ ߟߊߛߋ߫ ߊ߬ߟߎ߬ ߡߊ߬߸ߊ߬ ߣߊ߬ߣߍ߲߫ ߊ߬ ߟߊ߫ ߛߍߥߊ ߖߍ߬ߘߍ ߖߍ߬ߘߍ ߦߌ߬ߘߊ߬ ߟߊ߫ ߘߎ߰ߘߋ߲ ߠߎ߬ ߟߊ߫. ߞߵߊ߬ ߓߍ߲߬ ߊ߬ߟߎ߬ ߟߊ߫ ߞߙߎߝߊߟߌ ߕߐ߰ߡߊ߬ߛߙߋ߬ߡߊ ߡߊ߬ ߞߊ߲ߘߟߌ ߢߣߊߕߊߟߌ ߕߊ߬ߡߌ߲߬ ߘߐ߫ ߕߎߟߊߝߌ߲ ߂߁/ ߂߀߂߅.ߗߋߦߊߟߌ߫ ߞߊ߲ߕߌ߯ ߞߙߍߞߙߍߣߍ߲ ߣߌ߫ ߓߏ߬ߞߋ߫ ߕߌ߲߬ߞߎߘߎ߲ ߞߎ߲߬ߠߊ߬ߛߌ߰ߟߊ ߟߎ߬ ߞߊ߬ ߝߏ߬ߟߌ ߟߊߛߋ߫ ߘߐ߬ߖߊ ߟߊ߫. ߊ߬ ߣߌ߫ ߥߊߟߢߌߡߊߟߐ߲߫، ߊ߬ ߣߌ߫ ߘߐ߬ߖߊ ߡߍ߲ ߞߍߣߍ߲߫ ߞߊ߬ ߡߐ߱ ߟߎ߬ ߟߊߖߍ߲ߛߍ߲߫ ߞߣߍ ߞߊ߲߬ ߡߙߊ߬ߦߊ ߟߎ߬ ߓߟߏ߫߸ ߛߊ߫ ߝߘߏ߬ߓߊ߬ ߓߘߍߓߘߍߟߌ ߘߌ߫ ߟߊߕߊ߯ ߡߊ߬. ((ߏ߬ ߡߍ߲ ߞߊ߬ ߞߊ߲ߕߌ߮ ߞߟߊߓߎߡߦߊ߫ ߊ߬ ߟߊߞߙߐ߬ߛߌ ߞߐ߫ ߞߏ߫ ߊ߲ ߓߘߊ߫ ߛߎߘߊ߲ ߊ߲ ߣߌߘߐߞߏ ߞߎ߲߬ߘߐ߬ߖߊ߲ ߘߐ߫ ߡߍ߲ ߕߘߍ߬ ߕߴߛߋ߫ ߟߊ߫ ߞߍ߫ ߟߊ߫ ߞߊ߬ߞߘߐ߬: ߞߵߊ߬ ߦߌ߬ߘߊ߬ ߞߏ߫ ߊ߲ ߘߌ߫ ߛߋ߫ ߞߏ߫ ߓߊ ߓߟߋ߬ߓߟߋ߬ ߟߎ߬ ߘߟߊߞߊ߬ ߟߊ߫ ߓߍ߲߭ ߘߐ߫. ߞߍߞߋߟߋ߲ߘߌ ߘߐ߫، ߊ߬ ߣߌ߫ ߕߋߙߌߦߊ ߘߐ߫)) ߞߏߕߌ߯ ߝߟߐ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߞߊ߲ߘߟߌ ߕߘߍ߬ߒ߬ߘߐ߬ߓߊ߮ ߞߍߣߍ߲߫ % ߉߀، ߤߊ߲߯ ߉߄ ߝߊ߬ߛߏ ߘߎ߰ߞߣߍ ߓߍ߯ ߟߊߘߍ߬ߣߍ߲ ߞߊ߲߬. ߏ߬ ߘߐ߫ ߖߊ߬ߕߋ ߏ߬ ߦߋ߫ ߘߎ߬ߘߋ߲ ߠߎ߬ ߟߊ߫ ߛߐ߲߬ߡߊ߬ߦߊ ߟߋ߬ ߦߌ߬ߘߊ߬ ߟߊ߫ ߡߛߍ߬ߞߍ߬ߡߛߍߞߍ ߟߎ߬ ߞߎ߲߬ߕߊ߮ ߞߣߐ߫ ((ߣߌ߫ ߕߘߍ߬ߒ߬ߘߐ߬ߓߊ߮ ߖߊ߬ߕߋ ߦߟߍ߬ ߘߊ߫ ߏ߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߊ߲ ߠߊ߫ ߖߡߊ߬ߣߊ ߦߋ߫ ߜߘߌߛߌ߯ߞߎߘߊ ߛߌߟߊ ߞߊ߲߬. ߏ߬ ߦߋ߫ ߡߌ߬ߙߌ߲߬ߘߌ ߟߊ߫ ߟߊߒߠߦߊ ߕߐ߰ߡߊ߬ߛߙߋ ߟߋ߬ ߘߌ߫ ߊ߬ ߟߊ߫ ߛߌ߲߬ߝߏ߲߬ߘߊ ߘߐ߫. ߊ߬ ߞߊ߬ ߘߎ߰ߘߋ߲ ߓߍ߯ ߝߏ߬، ߡߍ߲ ߠߎ߬ ߞߊ߬ ߐ߲ߤߐ߲ ߛߎߥߊߘߌ߫ ߡߍ߲ ߠߎ߬ ߞߊ߬ ߍ߲߬ߍ߲߫ ߛߎߥߊߘߌ߫.)) ߞߵߊ߬ ߦߌ߬ߘߊ߬ ߞߏ߫ ߓߍ߯ߦߊ ߜߘߌߛߌ߰ߣߍ߲ ߛߐ߲߬ ߠߋ߬ ߡߊ߬ ߓߍ߯ ߕߊ ߝߊ߰ߡߎ߲߬ߠߌ߲ ߡߊ߬ ߘߍ߬ߞߏ߬ߦߊ ߕߘߍ߬ߒ߬ߘߐ߬ߟߌ ߟߎ߬ ߘߐ߫. ߏ߬ ߞߐ߫߸ ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߊ߲ ߠߊ߫ ߞߊ߲ߘߟߌ ߛߎ߯ߦߊ߫ ߢߌ߲߬ ߕߍߣߊ߬ ߛߋ߫ ߟߊ߫ ߞߍ߫ ߟߊ߫ ߣߐ߰ߦߊ ߘߐ߫ ߣߌ߫ ߓߟߏߘߏ߲ߢߐ߲߰ߓߟߏ ߕߴߊ߲ ߣߌ߫ ߘߌ߲߬ߞߌߙߊ ߡߙߊ߬ߦߊ ߟߎ߬ ߣߌ߫ ߘߎ߰ߘߋ߲ ߠߎ߬ ߣߌ߫ ߢߐ߲߯ ߕߍ߫. ߞߊ߬ ߝߟߐߦߊ ߘߌ߫ ߖߘߍ߬ߘߏ߲߬ߒ߬ߞߊ߲ߡߊ ߣߌ߫ ߟߞߊ߬ߙߊ߲߬ߠߌ߲ ߣߌ߫ ߞߍ߲ߘߍߦߊ ߥߛߊ߬ߘߊ߬ߕߌ߮ ߟߎ߬ ߡߊ߬߸ ߞߊߕߙߍ߬ߕߍ߫ ߘߎ߰ߣߍ߲ ߞߣߐߟߊ ߞߐߞߘߐߕߊ ߟߎ߬ ߡߊ߬߸ ߞߊ߬ ߥߊ߫ ߡߌ߬ߙߌ߲߬ߘߌ ߟߎ߬ ߝߍ߬ ߦߋ߲߬߸ ߞߊ߲ߘߟߌ ߞߎ߲߬ߕߊ߮ ߓߍ߯ ߞߘߐ߫.ߏ߬ ߞߐ߫ ߞߏߕߌ߯ ߝߟߐ ߞߊ߬ ߞߊ߲ߓߍ߲ ߞߊ߲ߕߌ߮ ߣߌ߫ ߞߎ߲߬ߠߊ߬ߛߌ߮ ߟߊ߫ ߞߎߟߎ߲ߖߋߟߌ ߟߊߛߋ߫ ߓߏ߬ߞߋ ߡߌ߬ߙߌ߲߬ߘߌ ߡߊ߬. ߞߏ߫ ߊߟߎ߫ ߟߋ߬ ߣߐ߬ ߝߊ߲ߞߊ ߘߌ߫ ߟߴߊ߲ ߡߊ߬ ߞߊ߬ ߥߙߎߞߌ ߛߌߟߊ ߣߌ߫ ߓߍ߲߭ ߛߌߟߊ ߡߌ߬ߣߊ߬، ߊߟߎ߫ ߟߋ߬ ߕߘߍ߬ ߡߛߍ߬ߞߍ߬ߡߛߍߞߍ ߕߊ߲ߓߊ߲ ߘߌ߫. ߊ߲ ߘߏ߲߬ ߦߋ߫ ߦߋ߲߬ ߠߋ߬ ߞߵߊߟߎ߫ ߗߋ ߢߊ߬. ߊߟߎ߫ ߟߊ߫ ߥߞߊ߬ߟߌ ߣߴߊߟߎ߫ ߟߊ߫ ߞߙߎߝߊߟߌ ߕߏߕߐ߫ ߟߋ߬ ߖߡߊ߬ߣߊ߫ ߘߝߐ߬ ߜߊ߲ߜߊ߲ߣߍ߲ ߘߐ߫.

ߞߏ߲ߓߌߕߌ߱ ߕߟߋ߬ ߂߂ / ߂߀߂߅

ߝߙߊߣߊ߫ ߂߂/ ߂߀߂߅ ߖߋ߬ߟߌ߬ߓߊ ߓߊ ߓߐߛߎ߲ ߛߏ ߞߊ߬ ߟߊߓߍ߲߬ߠߌ߲߬ߓߊ ߞߍ߫ ߗߋߦߊߟߌ ߞߎ߲߬ߠߊ߬ߛߌ߰ߟߊ߬ߞߊ ߢߍ، ߏ߬ ߡߍ߲ ߢߍߡߌ߬ߘߊ߬ߣߍ߲ ߕߘߍ߬ ߞߏߕߌ߯ ߝߟߐ߫ ߊߡߊߘߎ߫ ߎߙߌ߬ ߓߊ ߓߟߏ߫. ߝߊ߲߬ߝߘߊ߬ߦߊ߬ߟߌ ߣߌ߫ ߕߍߓߊ߯ߦߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߞߏߕߌ߮ ߌߛߑߡߊߦߍߟ ߣߊ߰ߓߋ، ߛߌߟߊ߫ ߓߊ߯ߙߊ߫ ߞߏߕߌ߮، ߟߊ߰ߦߌ߬ ߛߋߞߎ߬ ߞߡߊ߬ߙߊ߫، ߊ߬ ߣߌ߫ ߞߎ߲߬ߠߊ߬ߛߌ߰ ߟߊ߫ ߝߘߏ߬ߓߊ߬ ߞߟߊ߬ߕߌ߮ ߞߏߕߌ߮ ߓߋߣߎߥߊ߫ ߞߡߊ߬ߣߏ߫، ߞߎ߲߬ߠߊ߬ߛߌ߮ ߞߎ߲߬ߕߌ߮ ߕߘߍ߬ ߡߊߟߐ߬ߣߍ߲ ߏ߬ ߟߎ߬ ߟߋ߬ ߓߟߏ߫. ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߕߐ߯ ߘߐ߫. ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߝߙߊߣߊ߫ ߛߍ߲ ߞߋߟߋ߲߫ ߞߓߊߝߟߐߛߌ߮ ߢߊ߰ߢߊ߰ ߢߣߊߓߊ߯ߦߊ߫߸ ߘߐ߬ߕߊߡߌ߲ ߞߏߟߊߕߍ߯ ߝߊ߬ߛߏ߬ߟߊ߬ߞߊ ߞߊ߲ߕߌ߮ ߕߘߍ߬ ߞߣߍ߫ ߞߊ߲߬. ߊ߬ ߖߌ߰ߕߐ ߛߊ߲ߡߊߞߎߟߎ߲ ߞߣߐ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߟߊߓߍ߲߬ ߘߊ߫ ߝߙߊߣߊ߫ ߕߌ߲߬ߞߎߘߎ߲߫ ߞߎ߲߬ߠߊ߬ߛߌ߰ߟߊ ߟߋ߬ ߓߟߏ߫، ߕߍߟߍ߲߫ ߝߌߟߊߣߊ߲ ߞߟߍ߬ߕߌ߯ ߓߎ߲߬ߘߎ߬ߞߊ ߞߐ߲ߘߍ߫ ߝߙߊߣߊ߫ ߡߙߊ߬ߓߊ߮ ߣߌ߫ ߞߛߌ߬ߘߎ߮ ߣߌ߫ ߘߊߓߏߟߊ߫ ߣߌ߫ ߘߌ߲ߜ߭ߌߙߊߦߌ߫ ߡߙߊ߬ߓߊ߮ ߟߎ߬ ߓߍ߯ ߕߘߍ߬ ߞߣߍ ߞߊ߲߬.  ߝߙߊߣߊ߫ ߛߍ߲ ߞߎ߲߬ߞߋߟߋ߲߫ ߦߋ߫ ߖߎ߬ߓߌ߬ߟߊ߬ ߝߊ߲ߝߘߊ ߟߋ߬ ߘߌ߫. ߕߌ߲߬ߞߎߘߎ߲ ߠߊ߫ ߘߊߦߟߍߟߌ ߣߌ߫ ߥߙߎߞߌ ߘߐ߫. ߊ߬ ߣߊ߲߬ߝߟߏ߬ߦߊ߬ߣߍ߲ ߊ߲ ߣߌ߫ ߣߌߔߐ߲ ߠߊ߫ ߓߟߏߘߏ߲ߢߐ߲߰ߓߟߏ ߟߋ߬ ߟߊ߫. ߢߊ߰ߢߊ߰ ߓߍ߯ ߞߍ߫ ߘߴߊ߬ߟߎ߬ ߟߊ߫ ߗ߭ߊߔߐ߲ ߠߊ߫ ߟߊ߬ߛߌ߰ߘߋ߲ ߢߊߞߘߐ߫ ߟߋ߬ ߕߋߙߌߢߐ߲߯ߦߊ ߣߌ߫ ߢߐ߲߯ߘߍߡߍ߲ ߛߙߋ ߖߌ߬ߣߍ ߣߌ߫ ߗ߭ߊߔߐ߲߫ ߡߌ߬ߙߌ߲߬ߘߌ ߣߌ߫ ߢߐ߲߯ ߕߍ߫.

ߞߏ߲ߓߌߕߌ߱ ߕߟߋ߬ ߂߁/ ߂߀߂߅

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߂߁/ ߂߀߂߅ ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߐߞߑߛߎߝߐߙߘ ߢߍߥߟߊ߫ ߖߌ߬ߣߍ ߣߌ߫ ߌߙߌߦߏ ߕߌ߲߬ߕߏ߫ ߘߍ߬ߒ߬ߡߊ߬ ߞߎ߲ߦߌߘߊߟߌ.  ߏ߬ ߦߋ߫ ߢߍߥߟߊ߫ ߟߋ߬ ߘߌ߫ ߌߙߌߦߏ߫ ߕߌ߲߬ߕߏ߫ ߖߌ߬ߣߍ߬ ߣߌ߫ ߖߌ߬ߣߍ߬ ߞߎ߲߬ߠߊ߬ߛߌ߮ ߕߍ߫. ߡߍ߲ ߞߎ߲߬ߕߋߟߋ߲߫ ߦߋ߫ ߡߊߞߟߐ ߟߎ߬ ߛߋߞߏߦߊ ߡߞߊ߬ߝߏ ߘߌ߫ ߝߘߏ߬ߓߊ߬ ߡߊ߬ߡߙߊ߬ߟߌ߬ ߘߐ߫. ߞߊ߬ߓߌ߯ ߂߀߂߃/ ߁߉ ߝߘߏ߬ߓߊ߬ ߡߊ߬ߡߙߊ߬ߟߌ߬ ߡߊ߬ߞߟߐ ߊ߬ ߣߌ߫ ߓߊ߯ߙߊߘߋ߲߫ ߁߁ ߕߊ߬ ߘߊ߫ ߢߍߥߟߊ߫ ߏ߬ ߞߊ߲ߡߊ߬. ((ߡߣߊߖߍ߲ߞ ߡߣߌߜ߭ ߎߥߊߟ ߊ߲ߜ߭ߊߛ ߝߐߙ ߣߊߛߐ߲ߣߊߟ ߘߋߝ߭ߟߏߔߋߡߊ߲))ߞߵߊ߬ ߟߊ߬ߥߟߌ߬ ߊ߬ߟߎ߬ ߛߋߞߏߦߊ ߝߊ߲߬ߝߘߊ ߡߞߊ߬ߝߏ ߡߊ߬ ߞߎ߲߬ߠߊ߬ߛߌ߰ߦߊ߬ߟߌ ߘߐ߫. ߊ߬ ߣߌ߫ ߛߐ߬ߘߐ߲߬ߘߊ ߟߎ߬ ߡߊߡߊ߬ߙߊ ߥߙߎߞߌ ߦߋߝߊߘߌ ߘߎ߲ߡߕߊ ߡߊ߲߬ߕߏ߲ ߗߋ ߢߊ߬ ߞߊ߲ߡߊ߬.  ߞߏߕߌ߯ ߝߟߐ ߛߍߥߊ߫ ߘߊ߫ ߞߏߢߊ ߣߌ߲߬ ߠߊ߫ ߞߵߊ߬ ߡߊ߲߬ߞߕߎ߬ߦߊ߫ ߞߏ߫ (ߌߙߌߦߏ߫ ߕߌ߲ߕߏ߫ ߖߌ߬ߣߍ߬ ߟߊ߫ ߗߋߦߊߟߌ ߘߝߊߟߊ߲ ߠߋ߬ ߦߌߟߊ ߣߌ߲߬ ߘߌ߫). ߊ߬ ߞߵߊ߬ ߦߌ߬ߘߊ߬ ߦߟߌߓߌߟߊߟߌ ߘߐ߫ ߞߏ߫ ߖߡߊ߬ߣߊ ߡߍ߲ ߠߎ ߛߎߘߊ߲ߣߍ߲߫߸ ߏ߬ ߟߋ߬ ߡߍ߲ ߠߎ߬ ߞߊ߬ ߣߊ߲߬ߝߟߏ߬ߘߏ߲߬ߠߌ߲ ߞߍ߫ ߡߐ߰ߦߊ ߟߊ߬ߞߐ߰ߟߌ߬ ߞߏ߫ ߟߎ߬ ߟߊ߫)) ߞߵߊ߬ ߟߊ߫ ߞߎߡߊ߫ ߟߊ߲ߡߊ߫ ߘߏ߫ ߕߊ߬ ߛߌ߲ߜ߭ߊߔߎߙ ߡߊ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲߫ ߡߙߌߣߊ߲ ߣߌ߫ ߞߎ߲߬ߠߊ߬ߛߌ߰ߦߊ߬ߟߌ ߞߊ߲߬߸ ߦߏ߫ ߢߡߊߦߟߍߡߊ߲߫ ߠߊߥߙߎߞߌߟߊ߲ ߝߊ߬ߛߏ߬ߟߊ߬ߞߊ: ((ߖߍ߯ߡߌߣߟߊ ߟߎ߬ ߟߊ߫ ߛߏߣߍ߲ ߓߘߊ߫ ߞߴߊ߬ ߘߌ߫ ߡߙߊ߬ߓߊ߮ ߟߎ߬ ߟߊ߫ ߦߟߌߟߊ߲ߘߌߦߊ ߘߐ߫ ߛߎߘߊ߲ ߖߊ߯ߓߊߞߊ߲ߞߋ ߝߊ߬ߘߌ ߘߐ߫)) ߌ ߞߵߏ߬ ߝߊ߰ߡߎ߲߬ߓߊ ߛߊߣߌ߬ ߌ ߞߍߕߐ߫ ߖߌ߬ߣߍ߫ ߡߊ߬ߞߟߐ ߟߎ߬ ߡߊߞߟߌ߫ ߟߊ߫ ߞߏ߫ ߛߎ߯ ߏ߬ ߟߎ߬ ߡߊ߬.ߞߵߊ߬ߟߎ߬ ߖߘߍ߬ ߘߐߓߍ߲߬ ߞߍߢߊ߫ ߓߍ߯ ߘߐ߫ ߓߍ߬ߘߍ ߟߊ߫. ߡߍ߲ ߓߍ߲߬ߣߍ߲ ߜߍߘߐߞߏ ߟߎ߬ ߡߊ߬ ߡߊ߲߬ߕߏ߲߬ߕߍ߬ߟߞߊ߬ߦߊ ߣߌ߫ ߝߊ߬ߛߏ߬ߟߞߊ߬ߦߊ ߓߟߏߡߊ߬.  ߞߎߡߊ ߞߎ߲߬ߝߊ߮ ߘߐ߫، ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߣߕߊ߬ ߡߍ߲ ߦߴߊ߬ߟߎ߬ ߟߊ߫ ߞߵߊ߬ ߟߐ߬ ߛߌߣߌ߲ߢߍߛߌ߮ ߖߏߣߊ ߡߊ߬، ߡߊ߬ߝߘߏ߬ߟߌ߬ߓߊߟߌ߬ߦߊ ߘߐ߫. ߝߊ߬ߛߊ߲߬ ߦߋߕߐ߫ ߊߟߊ߫ ߞߊ߬ ߞߣߍ߫ -ߍ-ߞߣߍ߫ ߓߐ߫. ߞߊ߬ ߕߊ߬ߡߌ߲߬ ߓߘߍ߬ߓߘߍ߬ߟߌ ߡߙߌߣߊ߲ ߘߐߞߣߍ߫ ߟߊ߫.

ߞߏ߲ߓߌߕߌ߱ ߕߟߋ߬ ߂߄ / ߂߀߂߅

ߞߏ߲ߓߌߕߌ߱ ߕߟߋ߬ ߂߃/ ߂߀߂߅ ߞߎߟߎ߲ߖߋߟߌ ߖߊ߰ߟߋ ߛߋ߲߬ߝߍ߬. ߓߏ߬ߞߋ߬ ߡߊ߬ߡߙߊ߬ߟߌ ߕߌ߲߬ߞߎߘߎ߲ ߘߐ߫، ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߖߏ߯ ߓߘߍߦߊ ߓߐߒߡߊߟߌ ߘߏ߫ ߞߍ߫ ߓߏߝߊ߬ ߡߐ߬ߓߊ ߟߎ߬ ߝߍ߬. ߏ߬ ߞߎ߲߬ߠߊ߬ߦߋߙߋ߲ ߞߵߊ߬ ߝߊ߫. ߛߌ߰ߓߊ߮ ߟߎ߬ ߞߊ߬ ߞߎߟߎ߲ߖߋߟߌ ߖߍ߬ߘߍ ߖߍ߬ߘߍ ߞߍ߫ ߞߵߊ߬ ߓߍ߲߬ ߢߡߊߦߟߍߡߊ߲ ߡߊ߬ ߡߌ߬ߙߌ߲߬ߘߌ ߟߊ߫ ߢߣߊߡߦߊ ߟߊߣߐ߰ߦߊ ߛߌߟߊ ߝߍ߬.  ߞߎ߲߬ߠߊ߬ߛߌ߮ ߣߌ߫ ߞߊ߬ߝߏ ߞߎ߲߬ߕߌ߮ ߓߟߏ߫. ߏ߬ ߓߍ߲߬ߒ߬ߛߋ߲߬ߡߊ ߛߋ ߓߏߝߊ߬ ߡߐ߰ߓߊ ߟߎ߬ ߓߟߏ߫ ߊ߬ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ߟߎ߬ ߡߙߌߣߊ߲ ߞߊ߲߬ ߣߌ߫ ߝߊ߲߬ߞߊ߬ ߘߐ߬ߝߘߊ߬ ߕߍ߫߸ ߊ߬ ߣߌ߫ ߖߌ߬ߣߍ߬ ߢߡߊߦߟߍ߬ߡߊ߲ ߡߙߌߣߊ߲. ߊ߬ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߞߊ߲ߓߍ߲ ߞߊ߲ߕߌ߮ ߟߊ߫ ߡߊ߬ߞߎ߲߬ ߞߎ߲߬ߘߐ߬ߖߊ߲ ߣߌ߲߬ ߝߊ߰ߡߎ߲߬. ߞߏ߫ ߊ߬ߟߎ߬ ߦߋ߫ ߞߟߋߞߟߋ ߡߊߦߟߍ ߞߍ߫ ߟߊ߫ ߞߊ߲ߡߊߦߟߍ ߘߐ߫ ߞߏ߫ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߦߋ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ ߘߌ߫. ߞߊ߲ߕߌ߯ ߢߣߊߕߊߟߌ ߣߊ߬ߕߐ ߘߐ߫. ߞߊ߬ ߞߎߡߊ ߕߐ߭ ߓߟߏߕߎ߲߰ ߊ߬ ߝߏ߭ ߟߊ߫ ߞߍߥߊߟߌ ߘߊߡߌ߬ߣߊ߬ߣߍ߲ ߠߎ߬ ߟߊ߫ ߊ߬ ߟߊ߫ ߖߡߊ߬ߣߊ ߡߊ߬ߙߊ ߛߊ߲߬ ߣߊ߯ߣߌ߲߫ ߣߌ߲߬ ߞߣߐ߫.

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߁߇/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߝߘߏ߬ߓߊ߬ ߡߊ߬ߡߙߊ߬ߟߌ ߛߍ߯ߛߍߟߌ ߞߊ߲߬ߞߎߡߊ ߘߊ߲߬ߕߍ߰ߟߌ ߟߊߛߙߋߦߊ ߕߏ߲߬ߜߏ ߢߍߡߌ߬ߘߊ߬. ߡߍ߲ ߠߊߘߊ߲߫ ߘߊ߫ ߖߡߊ߬ߣߊ ߢߊߞߎߘߦߊߟߌ ߣߌ߫ ߝߘߏ߬ߓߊ߬ ߡߊ߬ߡߙߊ߬ߟߌ ߢߍߥߟߊ߫ ((ߔߙߋߡߊߔ)) ߞߣߐ߫.ߢߍߥߟߊ ߏ߬ ߞߎ߲߬ߕߋߟߋ߲ ߟߐ߬ߣߍ߲ ߛߌ߲߬ߝߏ߲߬ߘߊ ߛߍ߯ߛߍ߯ߟߌ ߣߴߊ߬ ߛߌ߲߬ߝߏ߲߬ߧߊ߬ߟߌ ߡߊ߬. ߏ߬ ߞߊ߬ ߞߏ߫ ߟߎ߬ ߞߍ ߞߎ߲߭ ߠߎ߬ ߣߌ߫ ߓߐߒߘߊ ߣߌ߫ ߞߘߎ߬ߜߍߟߍ߲ ߠߎ߬ ߟߊ߲ߞߣߍߡߦߊ߫.ߊ߬ ߣߌ߫ ߞߊ߬ ߞߟߍ߬ߦߊ ߞߎ߲߬ߘߐ߬ߖߊ߲ ߘߊ߲߬ߠߊߕߍ߰ ߊ߬ ߣߌ߫ ߖߙߎߡߎ߲ ߞߎߘߦߊߟߌ ߢߍߥߟߊ ߡߍ߲ ߘߊߝߟߐߣߍ߲ ߞߎ߲߬ߠߊ߬ߛߌ߮ ߓߟߏ߫. ߞߏߕߌ߯ ߝߟߐ ߞߊ߬ ߓߊ߯ߙߊ ߛߎ߯ߦߊ ߓߐߒߢߟߊ ߞߎߟߎ߲ߖߋߟߌ ߞߍ߫. ߊ߬ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߛߍ߯ߛߍ߯ߟߌ ߢߌ߲߬ ߕߐ߬ߣߐ ߟߊ߫߸ ߞߊ߬ ߡߊ߬ߡߙߊ߬ߟߌ ߖߙߎߡߎ߲߫ ߞߎߘߊ߫ ߟߊߘߍ߬ߣߍ߲ ߘߎ߲ߡߕߊ ߠߎ߬ ߛߌߟߊ ߕߊ߬: ((ߡߊ߬ߡߙߊ߬ߟߌ ߞߊ߫ ߞߊ߲߫ ߞߊ߬ ߡߊ߲߬ߕߎ߬ߙߋ߬ߦߊ߬ߓߐ ߞߊ߬ ߛߋ߫ ߞߍ߫ ߟߊ߫ ߓߊ߯ߙߊߝߋ߲ ߓߟߏߓߘߍߡߦߊߣߍ߲ ߘߌ߫ ߘߍ߭ ߟߊ߫ ߥߙߎߞߌ ߗߋߢߊ ߛߌߟߊ ߝߍ߬. ߕߎ߬ߡߊ߬ ߛߌߦߊߡߊ߲߫ ߠߊ߫، ߖߙߎߡߎ߲ߦߟߍߡߊ߲ ߟߐ߬ߣߍ߲ ߞߍߥߊߟߌ߫ ߢߍߡߌߘߊߣߍ߲ ߡߐ߱ ߘߏ߫ ߟߋ߬ ߞߊ߲ߡߊ߬߸ ߣߴߊ߬ ߞߍ߫ ߘߊ߫ ߕߋ߲߬ ߞߊ߬ߝߏ ߞߎ߲߬ߠߊ߬ߛߌ߰ߦߊ߬ߟߌ ߢߊߞߎߘߦߊ ߢߍߕߊ߯ ߞߎ߲߬ߞߊߟߌ߲ ߞߍߕߐ߫ ߘߌ߫)) ߏ߬ ߘߐߞߣߍ ߘߊ߫ ߓߊ߫.ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߕߌ߲ߕߌ߲ ߡߊߡߙߊ߬ߟߌ ߛߏ߯ߙߏߦߢߊ ߟߊߘߍ߬ߣߍ߲ ߟߐ߬ ߞߏ ߞߊ߲߬߸ ߞߵߊ߬ ߟߊ߫ ߣߌߡߦߊ߫، ߞߵߊ߬ ߞߎ߲߬ߕߋߟߋ߲ߦߊ߫ ߞߵߊ߬ ߓߍ߲߬ ߞߐߝߟߌ ߡߊ߬. ߞߏߕߌ߯ ߝߟߐ ߞߊ߬ ߘߏ߲߬ߖߟߎ߬ߡߊ߬ߟߊ ߟߎ߬ ߖߊ߲߬ߓߌ߬ߟߊ߬ ߦߏ߫ ߊ߬ ߖߊ߬ߕߋ߬ߛߌ߰ߣߍ߲ ߢߊߡߍ߲ ߛߌ߰ߞߊ߲ ߞߣߐ߫. ߞߊߕߙߍ߬ߕߍ߫ ߡߊ߬ߡߙߊ߬ߟߌ ߣߌ߫ ߞߎ߲߬ߠߊ߬ߛߌ߰ߟߌ ߞߏߢߌ߲ ߡߊ߬ߘߎ߮ ߡߊ߬: ߊ߲ ߞߊ߫ ߞߊ߲߫ ߞߊ߬ ߓߐ߫ ߕߞߌߦߊ ߞߎ߲߬ߞߋ߬ߟߋ߲߬ߠߊ߬ߞߊ ߞߣߐ߫ ߞߊ߬ ߡߊߡߙߊ߬ߟߌ߬ߘߊ ߟߐ߬ ߡߍ߲ ߜߘߌ ߛߌ߯ߣߍ߲ ߛߋߞߏߦߊߕߌ߯ ߟߎ߬ ߟߊ߫ ߢߐ߲߯ߘߍߡߍ߲ߞߏ ߞߊ߲߬. ߞߏߕߌ߯ ߣߌ߫ ߗߋߢߊ ߓߍ߯ ߞߊ߫ ߞߊ߲߫ ߞߵߊ߬ ߟߐ߲߫ ߞߏ߫ ߘߍ߬ߡߊ߬ ߥߟߊ߬ߟߊ߬ߓߐ ߞߐߝߟߌ ߘߍ߲ߣߍ߲ ߡߊ߬ߘߎ߮ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߥߊ߬ߣߊ ߟߎ߬ ߟߋ߬ ߟߊ߫)) ߊ߬ ߞߵߊ߬ ߕߌ߲߬ߕߌ߲߬ ߏ߬ ߞߊ߲߬ ߓߊ߬؟ ߞߎߡߊ ߞߎ߲߬ߝߊ߮ ߘߐ߫. ߊ߬ ߞߵߊ߬ ߣߐ߬ߣߐ߬ߣߍ߲ ߛߌ߲ߞߊ߫ ߦߌ߬ߘߊ߬ ((ߞߏ߫ ߣߌ߫ ߣߏ߱ ߘߌ߫ ߛߋ߫ ߓߊ߯ߙߊ߫ ߟߴߊ߬ ߢߌ߬ߡߊ߬ ߟߊ߫߸ ߝߏ߫ ߢߌ߲ ߠߎ߬ ߣߌ߫ ߝߎ߬ߘߎ ߟߎ߬ ߣߌ߫ ߛߌ߲߬ߝߏ߲߬ߘߊ ߓߍ߯ ߟߋ߬ ߦߴߊ߬ ߕߊ߫ ߘߍ߬ߡߍ߲߬ ߞߍ߫ ߟߊߘߍ߬ ߓߟߏߡߊ߬)) ߒ߬ߓߊ߬߸ ߊ߲ ߠߊ߫ ߡߊ߬ߡߙߊ߬ߟߌ ߝߣߊ߫ ߞߊ߫ ߞߊ߲߫ ߞߊ߬ ߟߊߓߊ߯ߙߊ߫ ߕߊ߲߬ ߠߋ߬.