Catégorie : Actualités en N’Ko

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߃߁/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߖߌ߬ߣߍ߬ ߞߏߢߊ ߟߐ߯ߓߊߟߐ߮ ߘߍ߬ߘߊ ߟߊ߫ ߢߐ߲߯ߦߋ߫ ߝߌߟߊߣߊ߲ ߘߊߦߟߍ߬ߟߌ ߢߊ߰ߢߊ߮ ߞߎ߲߬ߠߊ߬ߛߌ߰ ߕߏ߲߬ߜߏ߬ߦߊ ߝߊߘߌ ߘߐ߫. ߖߌ߬ߣߍ߬ ߞߏߢߊ ߟߐ߯ߓߊߟߐ߮ ߏ߬ ߦߋ߫ ߝߊ߲߬ߝߘߊ ߓߟߌߝߘߍ (ߔߌߟߊߕ ߝߐߙߡ) ߠߋ߬ ߘߌ߫ ߟߐ߬ߟߌ ߥߟߊ߫ ߢߝߍߕߊ߯ ߜߟߐߡߌ߲ ߠߊ߫ ߟߐ߲ߞߏߦߊ߫.  ߊ߬ ߣߌ߫ ߞߊ߬ ߥߙߎߞߌ ߝߊ߬ߛߏ߬ߟߊ߬ߞߊ ߡߊ߬ߘߎ߮ ߓߍ߯ ߥߊ߬ߣߊ ߟߊ߫ ߟߊߢߌߣߌ߲߫ ߝߊ߰ߡߎ߲߬. ((ߞߊ߬ ߊ߲ ߘߍ߬ߡߊ߬ ߡߙߌߣߊ߲ ߠߎ߬ ߛߓߍߘߐߦߊ߫ ߞߊ߬ ߞߏߢߊ ߞߊߓߋ ߛߊ߲ߞߊߢߐ߲߯ߦߕߊ ߟߐ߬، ߡߍ߲ ߘߌ߫ ߞߍ߫ ߛߊ߬ߡߊ߲߬ߠߊ ߘߐߞߣߍߣߍ߲ ߘߌ߫ ߗߏ߯ߦߊ ߝߊ߲߬ߓߊ߬ߦߊ ߞߊ߲ߡߊ߬، ߞߊ߬ ߕߊ߬ߡߌ߲߫ ߊ߲ ߠߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߛߌߓߟߏߡߦߊ߫ ߟߊ߫ ߊ߬ ߣߌ߫ ߞߊ߬ ߕߊ߬ߡߌ߲߬ ߣߊ߲߬ߝߟߏ߬ߘߏ߲߬ߘߊ߬ߟߊ ߟߝߊߘߌߧߊ߫ ߟߊ߫ ߟߊ߬ߥߟߏ߬ߟߌ߬ߞߏ ߛߌߟߊ ߝߍ߬)) ߓߐ߬ߟߐ߲߬ߞߊ ߘߍ߲߰ߦߊ߬ߟߌ ߣߌ߫ ߥߊߟߌߘߊ ߡߊ߲ߞߊ߲ ߣߌ߫ ߘߐ߰ߡߊ߲ߣߍ߲ ߠߎ߬ ߞߏߕߌ߯ ߞߏ߲߬ߓߏ ߖߊ߰ߞߊ߫ ߛߘߌ߬ߓߋ߫ ߊ߬ ߞߵߊ߬ ߦߌ߬ߘߵߊ߬ ߟߊ߫ ߞߎߡߊ ߞߣߐ߫߸ ߊ߬ ߞߵߊ߬ ߘߐߞߣߍ߫ ((ߖ߭ߋ، ߓߋ، ߍߝ) ߢߍߕߊ߯ ߖߍ߬ߘߍ ߖߍ߬ߘߍ ߘߐ߫߸ ߞߵߊ߬ ߓߍ߲߬ ߛߌߡߊ߲ߘߎ߯ ߂߀߄߀ ߢߍߥߟߊ ߖߊ߬ߕߋ߬ߘߐ߬ߛߌ߮ ߢߌߣߌ߲ߞߏ ߟߎ߬ ߡߊ߬. ߡߍ߲ ߠߊߕߊ߬ߡߌ߲߬ ߛߊ߲߬ ߦߋ߫ ߞߊ߲ߕߌ߮ ߡߊ߬ ߞߐ ߣߌ߲߬ ߠߊ߫ ߸ ߞߵߊ߬ ߓߍ߲߬ ߘߟߊ߫ ߥߟߎ߬ߡߊ߬ ߇߅ ߣߊ߲߬ߝߟߏ߬ߘߏ߲߬ߘߊ߬ߟߊ ߡߊ߬ߞߐ߬ߣߐ߲߬ߣߍ߲ ߡߊ߬. ߥߟߎߡߊ߫ ߄߅ ߞߊ߫ ߞߊ߲߫ ߞߊ߬ ߟߊߘߍ߬ ߘߎ߲߰ߘߎ߲߰ߡߊ ߡߊ߬ߘߎ߮ ߟߎ߬ ߛߊߓߎ߫ ߟߊ߫ ߖߊ߬ߕߋ߬ߘߐ߬ߛߌ߮ ߟߊ߲߬ߓߏ߲߬ ߝߟߐ ߘߐ߫. ߞߊ߲ߕߌ߯ ߛߙߍߞߍ ߂߲ ߢߍߡߌߘߊ ߘߍ߬ߘߊ ߖ߭ߋ، ߓߋ، ߍߝ ߊ߬ ߣߌ߫ (ߛߋ ߖ߭ߋ ߖߌ) ߞߊ߲ߕߌ߮ ߛߟߊߕߌ߯ ߊ߲ߛߎߡߊ߲ߣ ߞߊ߬ߓߊ ߞߵߊ߬ ߦߌ߬ߘߊ߬ ߞߏ߫ ߝߘߏ߬ߓߊ߬ ߞߣߍ ߛߏ߯ߙߏߣߍ߲ ߘߎ߲߬ߘߎ߲ߡߊ ߡߊ߬ߘߎ߮ ߟߎ߬ ߥߊ߬ߣߊ ߟߎ߬ ߟߋ߬ ߡߊ߬. ߞߵߊ߬ ߓߍ߲߬ ߊ߬ߟߎ߬ ߟߊ߫ ߓߛߌ߬ߞߌ߬ߟߌ ߡߙߌߣߊ߲ ߡߊ߬ ߖߘߐ߬ߣߊ߲߬ߞߏ ߞߏ ߟߎ߬ ߞߊ߲߬߸ ߞߵߊ߬ ߟߐ߬ ߖߌ߬ߣߍ߬ ߥߊߟߌߘߊ ߟߎ߬ ߟߊ߫ ߥߙߎߞߌ ߡߊ߬ߘߎ߮ ߡߊ߬. ߞߏߕߌ߯ ߝߟߐ ߞߊ߬ ߞߎߡߊ ߕߊ߬ ߞߵߊ߬ ߦߌ߬ߘߊ߬ ߞߏ߫ ߖ߭ߋ ߓߋ ߍߝ ߦߋ߫ ߥߐ߬ߣߍ ߓߊ߲ߓߊ߲ ߠߋ߬ ߞߐߦߌ߬ߘߊ߬ ߟߊ߫߸ ߡߍ߲ ߖߎ߬ߛߌ߰ߣߍ߲ ߜߍߦߊ ߞߊ߲߬߸ ߓߟߏߓߘߍߡߦߊ ߣߌ߫ ߖߊ߬ߓߌ߬ߦߊ߬ߟߌ ߡߍ߲ ߘߐߕߟߊߣߍ߲ ߞߎ߲߬ߠߊ߬ߛߌ߮ ߓߟߏ߫ ߞߵߊ߬ ߟߊ߫ ߥߟߌ߬ ߡߊ߬ߘߍ߬ߡߍ߲߬ߠߌ߲ ߡߊ߬ ߗߋߝߦߊ ߘߎ߲߬ߘߎ߲߬ߡߊ ߡߊߘߎ߮ ߝߊ߬ߛߏ߬ߟߊ߬ߞߊ ߟߎ߬ ߘߐ߫: (ߒ ߧߋ߫ ߊߟߎ߫ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߞߎߟߎ߲ߖߋ߫ ߟߊ߫، ߞߵߊ߬ ߓߍ߲߬ ߊ߬ߟߎ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߡߊ߬ ߘߎ߲߬ߘߎ߲߬ߡߊ ߡߊ߬ߘߎ߮ ߟߎ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߞߍ ߘߐ߫ ߊ߬ߟߎ߬ ߞߎ߲߬ߕߋߟߋ߲ ߘߌ߫ ߊ߲ ߡߊ߲߬ߕߏ߲ ߢߍ߫، ߏ߬ ߡߍ߲ ߦߋ߫ ߥߙߎߞߌ ߕߊ߲ߓߊ߲ ߘߌ߫)) ߖߋ ߓߋ ߍߝ ߞߊ߲ߕߌ߮ ߞߍ߲߬ߣߊ߬ ߊߡߊߘߎ߫ ߎߙߌ߬ ߓߊ ߞߵߊ߬ ߦߌ߬ߘߴߌߞߐ߫ ߞߏ߫ ߞߎ߲߬ߠߊ߬ߛߌ߮ ߥߊ߬ߣߌ߲߬ߞߋ ߟߋ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߝߊ߬ߛߏ߬ߟߊ߬ߞߊ ߢߡߊߦߟߍߡߊ߲ ߘߌ߫ ߓߊߖߎ ߟߊ߫߸ ߘߊߞߎ߲ ߏ߬ ߘߐ߫ ((ߘߎ߲߬ߘߎ߲߬ߡߊ߬ ߡߊ߬ߘߎ߮ ߘߐߙߐ߲߫ ߞߊ߫ ߞߊ߲߫ ߕߍ߫ ߞߊ߬ ߢߡߊߦߟߍ߬ߡߊ߲ ߏ߬ ߞߍ߫߸ ߊ߬ߟߎ߬ ߟߋ߬ ߕߘߍ߬ ߣߌߘߐ ߘߌ߫ ߞߊ߬ߓߌ߯ ߥߊ߯ߕߌߖߊ߲߫. ߞߊ߬ߝߏ ߟߐ߬ߣߍ߲ ߟߊ߬ߥߟߏ߬ߟߌ ߗߋߢߊ ߟߎ߬ ߟߊ߫ ߣߌ߫ ߖߎ߬ߟߊ߬ߦߊ ߣߌ߫ ߟߊ߬ߖߍ߲߬ߛߍ߲߬ߠߌ߲ ߠߎ߬)) ߊ߬ ߞߵߊ߬ ߟߊߛߘߋߦߊ߫ ߞߏ߫ ߖߌ߬ߣߍ߬ ߞߊ߫ ߞߊ߲߫ ߞߵߌ ߓߊ߲߬ ߡߊ߲߬ߕߏ߲ ߓߣߊ ߟߎ߬ ߟߊ߫ ߞߏ ߟߊߕߍ߰ߣߍ߲ ߠߎ߬ ߡߊ߬ ߞߵߊ߲ ߞߍ߫ ߓߊ߬ߣߊ ߘߌ߫ ߛߐ߬ߘߐ߲߬ߘߊ ߘߐ߫ ߞߏ߬ߣߌ߲߬ ߕߍ߯ߜߍ ߘߌ߫ ߥߙߎߞߌ߫ ߞߏ ߟߎ߬ ߘߐ߫: ((ߊ߬ ߞߊ߫ ߜߍ߬ߟߍ߲߬ ߌ ߦߋ߫ ߖߡߊ߬ߣߊ ߥߙߎߞߌߣߍ߲ ߘߎ߲ߡߕߊ ߦߋ߫ ߡߍ߲ ߣߐ߬ ߊ߬ ߓߟߏߡߟߊ߫ ߟߊ߫ ߊ߬ ߟߊ߫ ߘߊ߬ߡߊ߲߬ߘߎ߮ ߟߎ߬ ߘߐߛߏߘߏ߲ߜߊߟߌ ߘߐߙߐ߲߫ ߡߊ߬߸ ߘߊ߬ߡߊ߲ ߠߊߘߏ߲߬ߠߌ߲ ߡߊ߫ ߞߍ߫ ߘߍ߲߰ߦߊ߬ߟߌ ߛߊߓߎ߫ ߘߌ߫ ߝߊ߲߬ ߛߌ߫߸ ߊ߬ ߘߏ߲߬ ߡߊ߫ ߞߍ߫ ߕߊ߯ߢߝߍ ߝߘߏ߬ߓߊ߬ߡߊ ߞߎ߲߭ ߘߌ߫ ߦߙߐ߫ ߛߌ߫.

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߃߀/ ߂߀߂߅

ߞߵߊ߬ ߓߍ߲߬ ߞߊ߲ߓߍ߲ߠߞߊߦߊ ߓߟߏߟߊߕߎ߲߮ ߡߙߌߣߊ߲ ߡߊ߬߸ ߊ߬ ߣߌ߫ ߞߏߟߊߒߞߘߐߢߐ߲߯ߦߊ ߘߎ߲ߡߕߊ ߡߊ߬߸ ߞߵߊ߬ ߓߍ߲߬ ߞߎ߲߬ߠߊ߬ߛߌ߮ ߟߊ߫ ߞߍߥߊߟߌ ߟߎ߬ ߛߎߘߊ߲ ߞߏ ߡߊ߬߸ ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ، ߞߊ߬ ߖߌ߰ߦߊ ߟߴߊ߬ ߢߍߓߊ߯ ߕߊ߬ߡߌ߲߬ߣߍ߲ ߠߎ߬ ߘߐ߫߸ ߞߏ߫ ߊ߬ߟߎ߬ ߦߋ߫ ߓߊ߬ߘߏ߬ߢߐ߲߰ߦߊ߬ ߞߵߊ߬ ߓߍ߲߬ ߝߊ߬ߛߏ ߟߊ߫ ߞߏ߫ ߞߘߎ߬ߜߍߟߍ߲ ߠߎ߬ ߡߊ߬. ߣߌ߲߬ ߠߋ߬ ߞߍߣߍ߲߫ ߊ߬ߟߎ߬ ߟߊ߫ ߓߊ߬ߘߏ߬ߢߐ߲߰ߦߊ ߛߓߊߣߊ߲ ߘߌ߫ ߞߊ߬ ߓߌ߯ ߊ߬ ߞߍ߫ ߘߊ߫ ߞߏߕߌ߯ ߝߟߐ ߘߌ߫. ߊ߬ ߕߊ߬ߡߌ߲߬ߣߍ߲ ߞߎߘߊ ߞߍ߫ ߘߊ߫ ߓߌ߲ߠߊߥߎߟߋ߲߫ ߁߃/ ߂߀߂߅ ߟߋ߬ ߡߊ߬߸ ߖߙߎߡߎ߲ ߏ߬ ߡߐ߬ߟߐ߲߬ߘߏ߲ ߠߋ߬ ߘߌߦߊߣߍ߲߫ ߞߏߕߌ߯ ߝߟߐ߫ ߢߍ߫ ߞߊߕߌ߫. ߞߵߊ߬ ߟߊߥߟߌ߬ ߡߙߌߣߊ߲ ߠߎ߬ ߟߊߘߍ߭ ߡߊ߬. ߤߊ߲ߞߟߌߛߌ߮ ߣߌ߫ ߟߞߊ߬ߙߊ߲߬ߠߌ߲ ߡߍ߲ ߦߋ߫ ߖߡߊ߬ߣߊ ߗߋߢߟߊ ߞߘߐ ߟߎ߬ ߟߊ߫߸ ߞߵߊ߬ ߓߍ߲߬ ߡߊ߬ߡߙߊ߬ߟߌ߬ ߞߊߓߋ ߡߊߦߟߍ߬ߣߍ߲ ߡߊ߬: ((ߊ߲ ߧߴߊ߬ ߝߍ߬ ߞߊ߬ ߦߋߢߐ߲߯ߠߦߊ ߞߊ߲ߓߍ߲ߠߞߊ ߟߋ߬ ߖߎ߬ߛߌ߮. ߞߊ߲ߓߍ߲߫ ߞߊ߫ ߞߊ߲߫ ߞߊ߬ ߓߊ߯ߙߊ߫ ߏ߬ ߢߊ ߟߋ߬)) ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߲߫ ߘߐ߫. ߊ߬ ߢߣߊߓߊ߯ ߘߏ߫ ߟߎ߫ ߝߟߍ߫: ߊߤߑߡߍߘ ߕߌߖߊߣ ߛߎ߬ߥߊ߬ߙߋ߬، ߞߊ߰ߓߌ߬ߣߍ߫ ߞߏ߬ߡߊ߬ߙߊ߫، ߡߎߤߊ߲ߡߍߘ ߛߊߦߌߘߌ߬ ߝߏߝߣߊ߫، ߊ߬ ߣߌ߫ ߡߊ߬ߡߊߘߌ߫ ߦߎ߬ߟߊ، ߢߐ߲߯ߦߋ ߞߍ߫ ߘߊ߫ ߘߊߞߎ߲߫ ߛߌߦߊߡߊ߲߫ ߞߊ߲߬ ߞߵߊ߬ ߟߐ߬ ߝߊ߬ߛߏ ߟߊ߫ ߕߐ߬ߣߐ ߡߊ߬. ߞߵߊ߬ ߓߍ߲߬ ߘߍ߭ ߓߟߏߘߏ߲ߢߐ߲߰ߒߓߟߏ ߟߊߛߓߊ߬ߕߌ ߡߊ߬، ߞߵߊ߬ ߓߍ߲߬ ߖߙߎߡߎ߲ߦߟߍߡߊ߲ ߓߊ߲ߓߊ߲ ߣߴߊ߬ ߛߏ߯ߙߏߢߊ ߞߏ ߡߊ߬߸ ߞߊ߬ ߓߍ߲߬ ߝߘߏ߬ߓߊ߬ ߡߊ߬ߡߙߊ߬ߟߌ ߞߎ߲߬ߞߊ߬ߟߌߦߊ ߡߊ߬߸ ߊ߬ ߣߌ߫ ߛߌ߲߬ߝߏ߲߬ߘߊ ߟߎ߬ ߟߊ߫ ߓߊ߲ߓߊ߲. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߘߐ߫ ߟߎ߬ ߕߐ߯ ߘߐ߫ ߊߡߍߘ ߕߌߖߊ߲ߣ ߛߎ߬ߥߊ߬ߙߋ߬ ߞߊ߬ ߡߙߌߣߊ߲ ߢߌ߲߬ ߞߎߟߎ߲ߖߋߟߌ ߞߍ߫߸ ߞߏ߫ ߣߌ߲߬ ߦߋ߫ ߓߘߍ߬ߓߘߍ߬ߟߌ ߞߎߡߊߞߎ߬ߘߎ ߕߐ߰ߡߊ߬ߛߙߋ ߟߋ߬ ߘߌ߫، ߊ߬ ߣߌ߫ ߛߌ߲߬ߝߏ߲߬ߘߊ ߟߎ߬ ߡߊߓߏ߬ߢߊ ߕߐ߰ߡߊ߬ߛߙߋ. ((ߊ߲ ߧߋ߫ ߞߏߕߌ߯ ߝߟߐ ߝߏ߬ ߟߊ߫ ߞߵߊ߬ ߓߍ߲߬ ߊ߲ ߘߊ߲ߞߎ߲ ߡߊ߬߸ ߊ߬ ߣߌ߫ ߘߊߦߟߍ߬ߟߌ ߡߙߌߣߊ߲ ߡߍ߲ ߦߋ߫ ߦߋ߫ ߟߊ߫ ߊ߬ ߞߍߥߊߟߌ ߟߎ߬ ߘߐ߫. ߊ߲ ߘߌ߫ ߛߓߍߘߐ ߝߣߊ߫ ߝߏ߬ ߓߊ߯ߙߟߊ ߏ߬ ߟߎ߬ ߡߍ߲ ߠߎ߬ ߦߋ߫ ߓߌ߬ߟߊ߬ߛߌ߬ߟߊ߬ߟߌ ߞߊ߲߬ ߞߵߊ߬ ߓߍ߲߬ ߢߌߣߌ߲ߞߏ ߟߎ߬ ߓߐߒߢߟߊ ߣߌ߫ ߖߊ߬ߓߌ߬ߦߊ߬ߟߌ ߡߊ߬)).

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߂߉

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߒߖ߭ߙߋߞߏ߬ߙߋ߬ ߡߏ߬ߛߏ ߟߊ߫ ߝߘߏ߬ߓߊ߬ ߘߍ߬ ߟߊߛߣߍ߫ ߏ߬ ߟߎ߬ ߡߍ߲ ߢߍߡߌ߬ߘߊ߬ߣߍ߲ ߕߘߍ߬ ߘߋ߲ߡߌߛߍ߲ ߥߣߊ ߟߊ߬ߡߌߣߌ߲߫ ߥߙߊߓߊ ߛߊ߬ߞߐ߫ ߓߟߏ߫، ߓߍ߯ ߕߊ߫ ߡߐ߰ ߞߋߟߋ߲߫ ߕߏ߰ߝߏ ߛߌ߲߬ߝߏ߲. ߏ߬ ߓߍ߲߬ߛߋ߲߬ߡߊ ߞߏߛߐ߲߬ ߕߎߞߘߐߟߊ ߡߏ߬ߛߏ ߟߎ߬ ߞߐߦߌߘߊߓߊ߮ ߟߎ߬ ߣߊ߬ ߘߊ߫ ߖ. ߕ. ߗߋ߲߬ߥߟߎ߬ ߉߀߀، ߏ߬ ߡߍ߲ ߓߘߊ߫ ߓߌ߬ߟߊ߬ ߝߘߏ߬ߓߊ߬ ߞߏ߲ߘߏ ߟߊ߫߸ ߏ߬ ߡߍ߲ ߦߋ߫ ߝߘߏ߬ߓߊ߬ ߓߟߏߟߊߘߍ ߕߐ߰ߡߊ߬ߛߙߋ߬ ߘߌ߫ ߞߵߊ߬ ߟߐ߬ ߞߊ߲ߓߍ߲ ߞߊ߲ߕߌ߮ ߞߊ߬ߝߏ ߞߎ߲߬ߕߌ߮ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߟߊߓߎߡߦߊ߫ ߡߊ߬ ߞߊ߲߫ ߠߊߓߐ ߟߊ߫ ߡߊ߬ߡߌ߬ߘߊ߬ߟߌ߬ߟߊ ߞߐ߫߸߂߀߂߅ ߞߏߟߌ߲ߞߏߟߌ߲ ߂߈ ߞߊ߲ߕߌ߯ ߢߣߊߕߊߟߌ ߘߐ߫. ߏ߬ ߦߋ߫ ߘߎ߰ߘߋ߲ ߠߊ߫ ߥߞߊ߬ߟߌ ߦߌ߬ߘߊ߬ߞߏ ߖߍ߬ߘߍ ߖߍ߬ߘߍ ߟߋ߬ ߘߌ߫، ߞߏߕߌ߯ ߝߟߐ ߞߊ߬ ߒߖ߭ߙߋߞߏ߬ߙߋ߬ ߡߏ߬ߛߏ ߟߎ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߞߎ߲߬ߦߌ߬ߘߊ߬ߟߌ ߝߏ߬. ߊ߬ ߞߵߏ߬ ߡߍ߲ ߡߊ߲߬ߞߕߎ߬ߦߊ߫ (ߝߣߍ߬ߝߣߍ ߛߣߍ߬ߕߊ ߖߍ߬ߘߍ ߖߍ߬ߘߍ ߘߌ߫ ߖߌ߬ߣߍ߬ ߡߌ߬ߙߌ߲߬ߘߌ ߓߟߏ߫)) ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߎ߬ ߓߘߴߊ߬ ߓߟߏߟߊߘߍ ߟߊߡߎߣߎ߲ߧߊ߫ ߘߏ߫ ߡߊߛߐ߬ߘߐ߲߬ ߞߊ߬ ߝߘߊ߫ ߓߏߝߊ߬ ߟߊ߫، ߊ߬ ߣߌ߫ ߝߙߊߣߊ߫ ߣߌ߫ ߔߌߕߊ߬ ߟߎ߬ ߘߐ߫. ߏ߬ ߡߍ߲ ߦߋ߫ ߞߐߡߊߓߌ߲ߓߌ߲ߠߌ߲ ߕߏ߰ߝߏ ߘߐߝߎߟߋ߲ߣߍ߲ ߝߊ߬ߛߏ߬ߟߊ߬ߞߊ ߦߌ߬ߘߊ߬ ߟߊ߫. ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߞߊ߲ߠߊߕߍ߰ ߗߋߦߊߟߌ ߢߍ߫ ߞߏ߫ ߊ߬ ߘߌ߫ ߛߙߊ߬ߒ߬ߞߊ߲ߠߊ ߣߌ߫ ߓߟߏߟߊߘߍ ߟߊߛߋ߫ ߜߍߦߊ߫ ߓߟߏߡߊ߬ ߞߊ߲ߓߍ߲ ߞߊ߲ߕߌ߮ ߡߊ߬. ߞߵߊ߬ ߕߌ߲ߕߌ߲߫ ߊ߬ ߞߊ߲߬ ((ߞߏ߫ ߊ߬ ߕߍߣߊ߬ ߡߍ߲ ߠߊ߫ ߖߌ߬ߣߍ߬ ߡߌ߬ߙߌ߲߬ߘߌ ߟߊ߫ ߡߊ߬ߞߐ߬ߣߐ߲߬ߠߌ߲߬ ߟߊߢߌߣߌ߲ߣߍ߲ ߘߌ߫ ߖߊ߬ߓߌ߬))

ߞߏ߲ߓߌߕߌ߱ ߕߟߋ߬ ߃߀/ ߂߀߂߅

ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߎ߲߬ߜߙߊ߬ ߁߈ ߢߍߡߌߘߊ ߘߍߘߊ ߟߊ߫ ߢߊ߰ߢߊ߮ ߘߊߦߟߍ߬ ߞߵߊ߬ ߓߍ߲߬ ߡߊ߲߬ߕߏ߲߬ ߠߊߘߍ߬ߣߍ߲ ߠߊ߫ ߘߍ߬ߡߍ߲߬ߠߌ߲ ߝߊ߲߬ߝߘߊ ߡߊ߬ ߞߌ߬ߢߍ߬ߞߏ߲ߞߏ. ߞߵߊ߬ ߞߍ߫ ߕߏ߲߬ߜߏ߬ ߓߛߌߞߌ ߘߌ߫. ߞߎ߲߬ߜߙߊ ߏ߬ ߞߍ߫ ߘߊ߫ ߞߏ߲ߓߌߕߌ߱ ߕߟߋ߬ ߃߀ ߣߌ߫ ߃߁ ߠߋ߬ ߂߀߂߅. ߡߍ߲ ߢߌߣߌ߲ߞߏ ߕߘߍ߬ ߢߍߕߊ߯ ߟߊߞߙߐ߬ߛߌ߬ߣߍ߲ ߠߎ߬ ߖߎ߯ߓߍ ߘߌ߫߸ ߞߵߌ ߡߙߌ߫ ߕߌ߲߬ߞߎߘߎ߲ ߠߊ߫ ߕߊ߯ߢߝߍ ߝߊ߬ߘߌ ߣߌ߫ ߖߊ߯ߓߊ ߕߊ ߓߍ߯ ߡߊ߬. ߊ߬ ߣߌ߫ ߞߊ߬ ߡߊ߬ߛߐ߬ߟߌ ߞߍ߫ ߛߌߣߌ߲ߢߍߛߌ߯ ߞߎ߲߬ߕߋ߬ߟߋ߲߬ ߝߊ߲ߝߘߊ ߟߎ߬ ߟߊ߫߸ ߞߵߊ߬ ߓߍ߲߬ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߟߊ߫ ߖߊ߬ߓߌ߬ ߛߐߘߐ߲ ߡߊ߬ ߞߌ߬ߢߍ߬ߞߏ߲ߞߏ߲ ߛߌߣߌ߲ߢߍߛߌ߮ ߞߊ߲߬. (ߋ ߘߋ ߘߋ) ߞߌ߬ߢߍ߬ߞߏ߲ߞߏ߲ (ߟߑߎߍߣߌߍߛ) (ߓߍ߲߭ ߠߊ߫ ߛߓߊ߬ߕߌ ߝߊ߲߬ߝߘߊ ߘߍߘߊ ߡߊ߲߬ߕߏ߲߬ ߠߊߘߍ߬ߣߍ߲ ߞߊ߬ ߡߍ߲ ߠߊߘߊ߲߫ ߞߌ߬ߢߍ߬ߞߏ߲ߞߏ߲ ߘߍ߬ߡߍ߲ ߘߐ߫) ߓߐ߬ߟߐ߲߬ߞߊ ߞߙߌߛߑߕߍߟ ߦߎߣߍ߫، ߡߊ߲߬ߕߏ߲ ߠߊߘߍ߬ߣߍ߲ ߞߊ߲ߞߋߦߊ ߘߏ߲߬ߖߟߎ߬ߡߊ߬ߟߊ ߡߍ߲ ߛߌ߰ߣߍ߲ ߖߌ߬ߣߍ߬ ߞߣߐ߫.ߊ߬ ߞߵߊ߬ ߦߌ߬ߘߊ߬ ߊ߬ ߟߊ߫ ߓߋߟߋ߲ߠߊ ߘߐ߫ ߞߏ߫ ߛߊߤߍߟ ߕߌ߲߬ߞߎߘߎ߲ ߦߋ߫ ߞߙߎ߬ߓߐ ߦߙߐ߫ ߝߊ߲߬ߞߊ߬ߡߊ ߟߋ߬ ߘߌ߫. ߞߵߊ߬ ߓߍ߲߬ ߖߐ ߣߌ߫ ߥߙߎߞߌ ߘߎ߲ߡߕߊ ߡߊ߬ ߝߴߏ߬ ߦߋ߫ ߓߐ߫߫ ߘߍ߬ߘߐ߬ߦߊ ߛߋߞߏߦߊ ߟߋ߬ ߘߐ߫ ߞߊ߬ ߓߛߏߟߌ ߞߍ߫ ߟߊߞߊ߲ߘߊߟߌ ߟߊ߫.ߞߵߊ߬ ߟߐ߬ ߞߎ߲߬ߠߊ߬ߛߌ߰ߦߊ߬ߟߌ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߐߒߘߊ ߡߊ߬ ((ߞߵߊ߬ ߓߍ߲߬ ߞߍߥߊߟߌ߫ ߡߙߌߣߊ߲ ߓߍ߲߬ߒ߬ߢߐ߲߰ߦߊ߬ߕߊ ߟߎ߬ ߡߊ߬߸ ߊ߲ ߞߊ߫ ߞߊ߲߫ ߞߊ߬ ߡߍ߲ ߠߊߡߍ߬ߙߍ߲߬ ߞߵߊ߬ ߓߍ߲߬ ߊ߲ ߘߍ߬ߡߊ߬ ߖߘߍ߬ߘߏ߲߬ߒ߬ߞߊ߲߬ߡߊ ߡߊ߬ ߞߌ߬ߢߍ߬ߞߏ߲ߞߏ ߖߡߊ߬ߣߊ ߟߎ߬ ߞߙߍ߬ߝߍ߬߸ ߛߊ߫ ߞߊ߬ ߞߣߍ߫ ߘߐߜߍߦߊߣߍ߲ ߛߐ߬ߘߐ߲߬ ߡߍ߲ ߕߴߛߋ߫ ߘߐߛߊ߬ ߟߊ߫ ߢߍߛߎߡߊ ߛߌߟߊ ߝߍ߬߸   ߛߟߊߕߌ߯ ߊߓߘߎߟߊߦ ߡߊߙ ߖߊߦߌ߬، ߡߊ߲߬ߕߏ߲ ߠߊߘߍ߬ߣߍ߲ ߘߏ߲߬ߖߟߎ߬ߡߊ߬ߟߊ ߞߙߍߞߙߍߣߍ߲ ߡߍ߲ ߟߐ߬ߣߍ߲ ߛߊߤߍߟ ߥߙߎߞߌ ߞߏ ߡߊ߬. ߢߐ߲߯ߘߍߡߍ߲ ߡߊ߲߫ ߞߊ߲߫ ߞߊ߬ ߦߋ߫ ߘߐ߬ߜߍ߬ߘߍ߲߬ ߘߐߙߐ߲߫ ߘߐ߫߸ ߊ߬ ߞߊ߫ ߞߊ߲߫߫ ߞߊ߬ ߦߋ߫ ߡߙߌߣߊ߲ ߣߌ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߝߣߊ߫ ߘߐ߫ ((ߣߴߊ߲ ߘߐߓߍ߲߬ߣߍ߲߬ ߕߍ߫ ߞߏߖߊ ߟߎ߬ ߖߊ߬ߓߌ ߟߊ߫߸ ߦߏ߫ ߥߙߎߞߌ ߞߏ ߟߎ߬ ߟߐ߬ߟߌ ߊ߲ ߕߍߣߊ߬ ߛߋ߫ ߟߊ߫ ߞߘߎ߬ߜߍߟߍ߲ ߞߐߛߊ߬ߥߏ߬ ߟߊ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߖߌ߬ߣߍ߬ ߦߋ߫ ߞߌ߬ߢߍ߬ߞߏ߲ߞߏ ߞߏ߲߬ߞߏ ߟߋ߬ ߘߌ߫ ߘߎ߰ߡߊ߬ߛߓߍ ߛߌߟߊ ߝߍ߬. ߊ߲ ߧߋ߫ ߜߟߍ߬ߦߊ ߟߎ߬ ߘߐߕߟߊ߫ ߟߊ߫ ߊ߬ ߢߊ߫ ߖߍ߬ߘߍ ߖߍ߬ߘߍ ߡߊ߬߸ ߊ߬ ߣߌ߫ ߕߌ߲߬ߞߎߘߎ߲ ߢߌ߲߬ ߝߊ߬ߘߌ߬ߡߊ߬ߦߊ. ߕߎ߬ߡߊ߬ ߞߋߟߋ߲ ߏ߬ ߟߊ߫ ߊ߬ ߦߋ߫ ߡߐ߰ߦߊ߬ߞߏ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߍ߲߬ߕߍ ߟߋ߬ ߘߌ߫. ߏ߬ ߦߋ߫ ߓߍ߲߭ ߖߍ߬߬ߘߍ ߖߍ߬ߘߍ ߟߋ߬ ߘߌ߫ ߞߌ߬ߢߍ߬ߞߏ߲ߞߏ ߣߌ߫ ߟߌ߲ߓߊ߲ߡߊ߲ߞߊ߲ ߕߍ߫. ߓߊߙߌ ߝߊ߲߬ߝߘߊ ߡߍ߲ ߟߐ߬ߣߍ߲ ߕߌ߲߬ߞߎߘߎ߲ ߓߙߐߕߐ ߡߊ߬. ߏ߬ ߛߋ߲߬ߝߍ߬ ߊ߬ ߞߊ߬ ߡߊߞߟߌߟߌ ߞߍ߫ ߞߏ߫ ߊ߲ ߢߴߊ߬ ߕߎ߬ߡߊ߬ ߘߌߡߊ߲ ߠߋ߬ ߘߐ߫ ߣߌ߲߬߸ ߞߊ߬ ߕߌ߲߬ߞߎߘߎ߲߫ ߞߎ߲߬ߠߊ߬ߛߌ߰ߟߌ ߢߊߞߎߘߦߊ߫ ߡߍ߲ ߜߘߌߛߌ߰ߣߍ߲ ߢߐ߲߯ ߕߍ߫ ߞߏ ߖߊ߬ߓߌ߬ߦߊ߬ߟߌ ߞߊ߲߬، ߢߐ߲߯ ߝߊ߯ߡߎ߲ ߝߊ߲߬ߝߘߊ ߟߊ߲ߒߣߦߊ ߝߊ߲߬ߝߘߊ ((ߖߌ߬ߣߍ߬ ߦߋ߫ ߕߍ߯ ߘߝߐ߫ ߟߊ߫ ߞߌ߬ߢߍ߬ߞߏ߲ߞߏ ߞߎ߲߬ߠߊ߬ߛߌ߰ߦߊ߬ߟߌ ߢߊ߬ߒߞߐ߬ߓߊߟߌ ߣߊ߬ߕߐ ߢߍ߫، ߊ߬ ߞߊ߬ߝߏ ߞߋ߬ߟߋ߲߬ߞߋ߬ߟߋ߲߬ߠߊ ߣߴߊ߬ ߘߎ߰ߞߣߍ߫ ߞߋ߬ߟߋ߲߬ߞߋ߬ߟߋ߲߬ߠߊ ߊ߬ ߘߍ߭ ߓߍ߯، ߞߍߕߐ߫ ߊ߬ ߖߘߍ߬ ߦߋ߫ ߟߊ߫ ߡߍ߲ ߡߙߌߣߊ߲ ߠߎ߬ ߕߊ߭ ߣߴߊ߬ ߞߐߝߟߌ ߟߎ߬ ߘߐ߫.)) ߞߎߡߊ߫ ߞߎ߲߬ߘߏ߲ ߘߐ߫ ߞߊ߬ߝߏ ߞߊ߲ߕߌ߮ ߕߐ߯ ߘߐ߫߸ ߒ ߧߋ߫ ߖߌ߬ߣߍ߫ ߞߎ߲߬ߠߊ߬ߛߌ߮ ߟߊ߫ ߖߘߍ߬ߘߏ߲߬ߒ߬ߞߊ߲ߡߊ ߣߐ߬ߡߊߛߊ߬ߦߌ߬ ߟߊ߫. ߞߊ߬ ߞߎ߲߬ߜߙߊ ߁߈ ߓߍ߲߬ߒ߬ߡߊ߬ߞߊ߲ ߠߎ߬ ߟߥߊߟߌ߫ ߞߐߡߊߓߌ߲ߓߌ߲ ߘߍ߬ߘߊ ߢߍߡߌߘߊ ߘߐ߫ ((ߟ ߎߣߌߛ) ߕߊߓߟߏ߫ ߟߊ߫߸ ߊ߬ ߣߌ߫ ߞߵߊ߬ ߕߊ߫ ߡߊ߬ߝߊ߲ ߞߍ߫ ߟߊ߬ߞߎ߲߬ߞߎ߲߬ߠߌ߲ ߘߐ߫ ߡߊ߬ߝߊ ߛߌߟߊ ߝߍ߬߸ ߊ߬ ߣߌ߫ ߞߌ߬ߢߍ߬ߞߏ߲ߞߏ߲ ߟߊ߬ߞߊ߲߬ߘߊ߬ߟߌ ߣߌ߫ ߥߟߏߞߎߘߊߘߌ ߡߙߌߣߊ߲ ߞߊ߲߬.

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߂߉/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߕߊ߯ ߘߴߊ߬ ߡߊ߬ߝߊ߲ ߞߍ߫ ߓߌ߬ ߞߎ߬ߣߎ߲߬ߟߏ߲ ߡߌ߬ߙߌ߲߬ߘߌ ߟߊ߫ ߞߎߓߋ ߟߊ߫߸ ߞߵߊ߬ ߓߍ߲߬ ߟߊ߰ߖߌ߬ ߡߊ߬ߡߘߎ߫ ߞߡߊ߬ߙߊ߫ ߛߎ߬ ߞߊ߲ߞߌߙߊ ߞߎ߲߬ߠߊ߬ߦߋߙߋ߲ ߡߊ߬ ߞߐ߰ߖߌ߬ߘߊ ߡߐ߰ߓߊ߬ ߓߏߟߏ߲ ߞߎ߲߬ߕߌ߮߸ ߡߍ߲ ߛߊ߬ߣߍ߲ ߞߐ߬ߓߊ߬ߟߏ߲ ߕߊ߬ߡߌ߲߬ߣߍ߲ ߛߌߣߏ ߖߌߣߍߍ߲ ߘߊ߲ߘߊߛߏ ߟߊ߫ ߞߐߣߊߞߙߌ߫. ߞߊ߲ߓߍ߲߫ ߞߊ߲ߕߌ߮ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߐߦߌߘߊߓߊ߮ ߟߎ߬ ߣߌ߫ ߡߐ߰ߓߊ߬ ߛߌߦߊߡߊ߲߫ ߞߵߌ ߡߊߖߌ߰ ߝߓߊ߬ߘߋ߲ ߢߌ߲߬ ߝߎ߬ߙߋ ߢߍ߸ ߦߟߌߡߦߊ ߕߐ߰ߡߊ߬ߛߙߋ، ߓߍ߲߭ ߕߐ߰ߡߊ߬ߛߙߋ߬ ߊ߬ ߣߌ߫ ߓߟߏߘߏ߲ߢߐ߲߰ߓߟߏ߫ ߝߊ߬ߛߏ߬ߟߊ߬ߞߊ ߕߐ߬ߡߊ߬ߛߙߋ ߓߍ߫ ߕߘߍ߬ ߦߋ߫ ߊ߬ ߟߊߓߍ߲߬ ߞߊߡߊ߲ ߘߐ߫. ߛߋ ߍߣ ߍߙ ߘߋ ߛߌ߲߬ߝߏ߲ ߠߎ߬، ߡߙߊ߬ߦߊ ߟߎ߬، ߞߏߕߌ߯ ߝߟߐ ߞߘߐ ߟߎ߬، ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬، ߊ߬ ߣߌ߫ ߣߊߡߎ߲߫ ߢߍߡߐ߯ ߣߌ߫ ߘߍ߬ߞߏ߬ߦߊ ߢߍߡߐ߮ ߛߌߦߊߡߊ߲߫. ߓߍ߯ ߞߊ߬ ߢߣߊߡߦߊ ߖߞߊߡߦߊߕߊ ߝߏ߬ߟߌ ߟߊߛߋ߫ ߊ߬ ߡߊ߬ ߞߵߊ߬ ߓߍ߲߬ ߊ߬ ߘߐ߰ߘߏ߲ ߡߊ߬ ߖߌ߬ߣߍ߬ ߞߏ ߟߊ߫ ߊ߬ ߢߊ ߖߍ߬ߘߍ ߖߍ߬ߘߍ ߡߊ߬. ߊ߬ ߣߌ߫ ߢߐ߲߯ ߡߊ߫ ߞߕߏ߫ ߡߐߟߐ߲߫ ߛߐ߬ߘߐ߲، ߡߍ߲ ߛߐ߬ߘߐ߲߬ ߘߊ߫ ߁߉߄߉ ߟߊ߫ ߞߌ߲ߘߌߦߊ߫. ߟߊ߰ߖߌ߬ ߡߊ߬ߡߘߎ߫ ߞߡߊ߬ߙߊ߫ ߞߵߊ߬ ߟߊ߫ ߘߎߢߊߘߐߕߍ߮ ߓߎ߲ߓߎ߲ ߘߊߘߐߝߙߊߢߐ߲߯ߦߊ ߟߋ߬ ߡߊ߬߸ ߊ߬ ߓߍ߲߬ߢߐ߲߰ߡߊ ߘߐ߫ ߘߎ߰ߘߋ߲߬ߢߐ߲߮ ߠߎ߬ ߟߊ߫ ߢߍߛߎߡߊ ߛߌߟߊ ߞߊ߲߬. ߡߐ߱ ߦߙߌߥߊߣߍ߲ ߣߌ߲߬ ߞߏ߬ߣߌ߲߬ ߠߊ߫ ߗߍߘߐ߫ ߦߟߌߦߊ ߣߌ߫ ߛߣߐ߬ߡߍ߬ߘߐ߬ߦߊ ߞߍߕߐ߫ ߟߋ߬ ߕߏ߫ ߟߴߊ߬ ߡߊ߬ ߓߐ߲ߛߐ߲ߘߊ߫ ߣߊ߬ߕߐ ߟߎ߬ ߢߍ߫. ߝߊ߬ߘߌ߬ߓߊ߲ߞߎ ߕߎߣߎ߲ߣߍ߲ ߞߐ߫. ߞߎ߲ߕߌ߮ ߛߎ߭ ߥߊߕߐ߫ ߞߌ߲ߘߌߦߊ߫ ߟߋ߬ ߊ߬ ߝߊ߬ߛߏ ߟߊ߫߸ ߊ߬ ߞߍߕߐ߫ ߊ߬ ߟߊ߫ ߟߊ߫ ߦߋ߲߬ ߠߋ߬ ߡߎ߬ߕߎ߲߬ ߞߎ߲߬ߠߊ߬ߦߋߙߋ߲ ߣߌ߫ ߓߏ߬ߢߊ ߘߐ߫.

ߓߏߞߋ߬ ߞߏ߲ߓߌߕߌ߱ ߕߟߋ߬ ߂߃/ ߂߀߂߅

ߞߵߊ߬ ߓߍ߲߬ ߞߎߟߎ߲ߖߋߟߌ ߖߊ߰ߟߋ ߡߊ߬ ߓߏ߬ߞߋ߬ ߕߌ߲߬ߞߎߘߎ߲ ߘߐ߫. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߞߎ߲߰ߛߎ߲ ߕߊ߲ߓߊ߲ ߘߊߦߟߍ߬ߟߌ ߢߊ߰ߢߊ߮ ߢߣߊߓߊ߯ߦߊ߫ ߓߏߞߋ߫ ߕߌ߲߬ߞߎߘߎ߲߫ ߘߊ߲ߘߊߛߏ ߟߊ߫. ߞߍ߲ߘߍߦߊ ߣߌ߫ ߝߘߏ߬ߓߊ߬ ߛߊߣߌߧߊ ߞߏߕߌ߮ ߞߊ߬ ߦߌ߬ߘߊ߬ ߞߏ߫ ߕߊ߲ߓߊ߲ ߞߊ߬ߞߎߘ߬ߟߊ߬ߞߊ ߓߍ߲߬ߣߍ߲ ߡߊ߲߬ߕߏ߲߬ߕߍ߬ߦߊ ߖߊ߭ ߡߊ߬. ߊ߬ ߘߌ߫ ߛߋ߫ ߞߍ߲ߘߍߡߦߊߞߏ ߟߎ߬ ߕߊ߬ ߟߊ߫.ߡߍ߲ ߟߐ߬ߣߍ߲ ߖߊ߲߬ߞߊ߬ߙߏ߬ߕߐ ߘߐߜߍ߬ߘߍ߲߬ߣߍ߲ ߠߎ߬ ߟߊ߫ ߘߐߣߌ߲߬ ߜߌߟߌ߲ ߠߎ߬ ߕߊ߭ ߟߊ߫. ߞߏߕߌ߯ ߝߟߐ ߞߊ߬ ߝߏ߬ߟߌ ߟߊߛߋ߫ ߞߍ߲ߘߍߦߊ߫ ߥߛߊ߬ߘߊ߬ߕߌ߮ ߟߊߖߍ߲ߛߍ߲ ߠߎ߬ ߡߊ߬. ߊ߬ߟߎ߬ ߟߊ߫ ߖߘߍ߬ߘߏ߲߬ߞߊ߲߬ߡߊ ߟߊ߫ ߞߵߊ߬ ߟߐ߬ ߓߣߊ߬ߕߐ ߟߎ߬ ߡߊ߬. ߞߵߊ߬ ߓߍ߫ ߟߊ߫ ߞߍ߲ߘߍߦߊ߫ ߞߏߕߌ߮ ߝߏ߭ ߞߊ߲߬߸ ߞߵߊ߬ ߓߍ߲߬ ߊ߬ ߟߊ߫ ߖߘߍ߬ ߘߐ߰ߘߏ߲߬ߠߌ߲ ߓߊ߲ߓߊ߲߫ ߡߊ߬ ߡߊ߬ߘߍ߬ߡߍ߲߬ߠߌ߲ ߛߋߞߏߦߊ߫ ߡߊ߬، ߘߎ߰ߣߍ߲ ߣߌ߫ ߘߎ߰ߓߊ ߟߎ߬ ߓߍ߯ ߞߣߐ߫.

ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߁߇/ ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ((ߛߍߘ ߝߐߙ ߝߌߕߎ߳ߙ)) ߢߍߥߟߊ߫ ߞߍߞߏ߫ ߆߲ ߢߊ߰ߢߊ߰ ߢߍߡߌ߬ߘߊ߬ ߸ߏ߬ ߡߍ߲ ߖߎ߬ߛߌ߰ߣߍ߲ ߛߣߌߥߊ ߟߎ߬ ߟߊ߫ ߞߏߟߊߘߍ ߤߎߥߊߦ ߣߌ߫ ߖߌ߬ߣߍ ߏߙߊ߲ߗ߭ ߟߊ߫ ߓߟߏߘߏ߲ߢߐ߲߰ߓߟߏ ߟߊ߫. ߟߊ߬ߞߐ߰ߟߌ ߢߍߥߟߊ ߣߌ߲߬ ߘߌ߫ ߖߌ߬ߣߍ߬ ߘߋ߲ߡߌߛߍ߲ ߠߎ߬ ߛߋߞߏߦߊ߫ ߡߞߊ߬ߝߏ ߣߌ߲߬ ߦߋ߫ ߓߍ߲߬ߒ߬ߛߋ߲߬ߡߊ ߟߋ߬ ߘߌ߫ ߢߎߡߍߙߋ߲ߠߞߊ ߛߋ߲ߞߏߟߦߊ ߞߎ߲߬ߦߌ߬ߘߊ߬ߟߌ ߡߞߊ߬ߝߏ ߞߘߐߓߌ߲ߓߌ߲ ߘߐ߫߸ ߞߏߕߌ߯ ߝߟߐ߫ ߞߊ߬ ߝߏ߬ߟߌ ߟߊߛߋ߫ ߤߎߥߊߦ ߣߌ߫ ߊ߬ ߞߏߟߊߘߍߢߐ߲߮ ߣߝߊ߬ߡߊ ߟߎ߬ ߡߊ߬ ߖߌ߬ߣߍ ߣߌ߫ ߛߌߣ ߞߊߕߙߍ߬ߕߍ߫ ߢߎߡߍߙߋ߲ߦߊ ߞߊߡߊ߲ ߡߊ߬: ((ߥߣߊ߬ ߟߎ߬ ߟߊߖߍ߲ߛߍ߲ߣߍ߲ ߦߴߊ߲ ߓߟߏ߫. ߞߵߊ߬ ߕߘߍ߬ ߊ߬ߟߎ߬ ߟߐ߲ߣߍ߲߫ ߕߍ߫ ߏ߬ ߟߎ߬ ߡߊ߬ߞߏ ߕߍ߫ ߞߏ߫ ߜߘߍ߫ ߟߊ߫ ߝߏ߫ ߞߐߡߊߓߌ߲ߓߌ߲ߠߌ߲. ߢߎߡߍߙߋ߲ߦߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߦߋ߫ ߓߌ߬ ߝߊ߲߬ߞߊ ߣߌߘߐ߫ ߢߊ߬ߒ߬ߞߐ߬ߓߊߟߌ ߟߋ߬ ߘߌ߫ ߥߙߎߞߌ ߡߊ߬ߘߎ߮ ߘߐ߫. ߊ߲ ߞߊ߫ ߞߊ߲߫ ߞߵߊ߲ ߡߙߌ߫ ߏ߬ ߡߊ߬߸ ߞߵߊ߲ ߠߊ߫ ߡߊ߬ߡߙߊ߬ߟߌ ߣߌ߫ ߘߍ߲߰ߦߊ߬ߟߌ ߣߌ߫ ߟߞߊ߬ߙߊ߲߬ߠߌ߲ ߞߊ߲ߞߋߦߊ ߢߡߊߦߟߍ߬ߡߊ߲߫)) ߊ߬ߟߎ߬ ߘߌ߫ ߓߊ߲߬ߘߊ߬ߡߌߣߊ ߛߐ߬ߘߐ߲߬ ߞߎ߲߬ߠߊ߬ߦߋߙߋ߲ ߘߐ߫، ߞߊ߬ ߓߟߏߦߊߟߌ ߘߊߡߌ߬ߣߊ߬ ߤߊ߲ߞߟߌߣߊ߲ ߛߐ߬ߘߐ߲߬ߣߍ߲ ߠߎ߬ ߟߊ߫߸ ߞߣߊ߬ ߘߍ߬ߡߍ߲߬ ߞߍ߫ ߖߡߊ߬ߣߊ ߟߊ߫ ߥߙߎߞߌ ߡߊ߬߸ ߞߣߊ߬ߕߏ߫ ߊ߬ߟߎ߬ ߡߊߞߟߌ߫ ߟߊ߫ ߓߊ߯ߙߊ ߡߊ߬، (ߞߊ߬ ߓߊ߯ߙߊ߫ ߞߊ߬ ߛߊ߬ߦߌ߬ ߞߊ߬ ߓߊ߯ߙߊ߫) ߞߊ߬ ߓߊ߯ߙߘߊ ߛߌ߰ ߛߋ߲߬ߞߊ߲߬ ߖߌ߬ߣߍ߬. ߊ߬ ߣߌ߫ ߞߎ߲߬ߠߊߞߊ߬ߟߌ ߞߵߊ߬ ߓߍ߲߬ ߞߊ߲ߓߍ߲ ߞߊ߲ߕߌ߯ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߎ߲߬ߕߋߟߋ߲ ߡߊ߬߸ ߛߌߣ ߟߊߛߌ߰ߘߋ߲ ߕߘߍ߬ ߦߋ߫ ߞߣߍ ߞߊ߲߬ ߛߍߡ ߛߎ߲ߣ ߦߐ߲ߜ߭ ߞߵߊ߬ ߟߊ߫ ߖߡߊ߬ߣߊ ߟߊ߫ ߥߞߊ߬ߟߌ ߦߌ߬ߘߊ ߖߌ߬ߣߍ߬ ߡߊߘߍ߬ߡߍ߲ ߘߐ߫.

ߞߏ߲ߓߌߕߌ߱ ߕߟߋ߬ ߁߉ / ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߕߊ߯ߡߊ߫ ߥߎߟߋ߲ ߢߍߡߌߘߊ ߡߍ߲ ߛߌ߲߬ߝߏ߲߬ߧߊ߬ߣߍ߲ ߞߍ߲ߘߍߦߊ ߣߌ߫ ߝߘߏ߬ߓߊ߬ ߛߊߣߌ߲ߧߊ ߞߏߕߌ߮ ߓߟߏ߫߸ ߞߵߊ߬ ߓߍ߲߬ ߛߌ߲ߘߐ߫ ߥߊ߲ߞߏ߲ ߞߟߍ߬ ߞߏ ߣߌ߫ ߘߋ߲ߛߏ ߕߊ ߣߌ߫ ߦߟߌ ߟߊ߫ ߖߊ߲ߞߊߙߏ ߟߊߖߊ߲ߞߏ ߓߍ߲߬ߒ߬ߛߋ߲߬ߡߊ ߣߌ߲߬ ߛߋ߲߬ߝߍ߬߸ ߊ߬ ߞߊ߬ ߞߊ߬ߝߏ ߟߊ߫ ߓߟߏߘߐߓߍ߲ ߖߍ߬ߘߍ ߟߎ߬ ߦߌ߬ߘߊ߬ ߞߵߊ߬ ߓߍ߲߬ ߢߍߓߍ߲ߠߌ߲ ߞߍߞߏ ߡߊ߬ ߝߟߐߦߊ߫ ߝߊ߬ߛߏ߬ߟߊ߬ߞߊ ߘߌ߫. ߞߎ߲߬ߠߊ߬ߛߌ߮ ߛߌ߲߬ߝߏ߲ ߠߎ߬ ߢߊߞߘߐ߫. ߛߋ߲ߞߏߟߦߊ ߞߏߟߊߘߍߢߐ߲߮ ߠߎ߬ ߣߌ߫ ߣߊ߲߬ߝߟߏ߬ߦߊ߬ߟߌ߬ߟߊ ߟߎ߬߸ ߊ߬ ߣߌ߫ ߘߎ߰ߘߋ߲ ߞߟߊߓߎߡߦߊߣߍ߲ ߠߎ߬ ߟߌ߬ߤߟߊ ߞߍߢߊ ߛߊߓߎ߫ ߟߊ߫߸ ߞߎ߲߬ߠߊ߬ߛߌ߮ ߞߎ߲߬ߕߌ߮ ߦߋ߫ ߞߎ߲߬ߦߌ߬ߘߊ߬ߟߌ ߢߌ߲߬ ߝߏ߬ߟߌ ߞߍ߫ ߟߊ߫߸ ߊ߬ ߞߵߊ߬ ߡߊ߲߬ߞߕߎ߬ߦߊ߫ ߢߐ߲߯ߘߍߡߍ߲ ߕߐ߰ߡߊ߬ߛߙߋ ߣߌ߫ ߘߍ߬ߞߏ߬ߦߊ ߓߟߏߘߏ߲ߢߐ߲߰ߓߟߏ ߟߋ߬ ߘߌ߫߸ ߊ߬ ߞߵߊ߬ ߕߌ߲ߕߌ߲ ߝߊ߬ߘߌ߬ߡߊ߬ߞߟߏ ߕߐ߬ߣߐ ߞߊ߲߬߸ ߞߵߏ߬ ߞߍ߫ ߦߏ߫ ߓߟߏߘߐߓߍ߲ ߟߞߊߟߌ߲ ߢߍߓߍ߲ߠߌ߲ ߢߍ߫ ߡߏ߬ߛߏ ߟߎ߬ ߟߊ߫ ߥߊ߲߬ߞߏ߲ ߞߍ߬ߟߍ ߘߐ߫. ߞߊ߬ ߟߊ߲ߡߊ ߕߊ߬ ߞߏߕߌ߯ߝߟߐߘߊ ߡߊ߬߸ ߣߐ߬ߡߊ߬ߛߊ߯ߛߊ ߘߍ߬ߡߊ߬ߞߏ ߞߊ߲ߞߋߡߊ ߡߍ߲ ߘߊߡߌ߬ߣߊ߬ߣߍ߲ ߞߘߐ ߦߋ߫ ߡߛߏ߬ߟߊ߬ߞߊ ߓߍ߯ ߢߍ߫، ߊ߬ ߞߊ߬ ߞߏߕߌ߯ߘߊ ߓߍ߯ ߖߡߊ߬ߙߌ߬، ߛߌ߲߬ߝߏ߲߬ߘߊ ߓߍ߯، ߖߊ߯ߓߘߊ ߕߊ߲ߓߊ߲ ߠߎ߬، ߊ߬ ߣߌ߫ ߗߋߦߊߟߌ߫ ߞߙߍߞߙߍߣߍ߲ ߛߌ߲߬ߝߏ߲ ߠߎ߬ ߞߏ߫ ߓߍ߯ ߦߴߏ߬ ߛߎ߯ ߞߍ߫. ߊ߬ ߘߊ߲߬ ߕߍ߫ ߞߍ߲ߘߍߦߊ߫ ߞߏ ߞߋߟߋ߲ߘߌ߫߸ ߊ߬ ߦߋ߫ ߦߟߌ ߟߊ߫ ߞߘߊߓߊߟߌ ߟߋ߬ ߘߌ߫. ߘߍ߬ߞߏ߬ߦߊ ߣߌ߫ ߛߌ߰ߞߊ߲߬ߠߊ߬ߞߊ ߟߋ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߡߊ߬ߞߟߌ߬ߟߌ ߞߍ߫ ߞߙߎߝߊߟߌ ߡߊ߬ ߌߞߘߐߞߘߐ߫. ߞߊ߬ ߣߌ ߟߎ߬ ߟߊߞߊ߲ߘߊ߫ ߊ߬ ߣߌ߫ ߞߊ߬ ߖߌ߬ߣߍ߬ ߞߐߙߍ ߟߎ߬ ߟߊߞߊ߲ߘߊ߫.

ߞߏ߲ߓߌߕߌ߱ ߕߟߋ߬ ߁߇ / ߂߀߂߅

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߖߌ߬ߣߍ߬ ߘߋ߲ߡߌߛߍ߲߫ ߟߐ߯ߓߊߟߐ߮ ߞߙߎߞߊߕߌ߮ ߝߊ߬ߛߏ߬ߟߊ߬ߞߊ ߟߎ߬ ߟߊ߫ ߟߥߊ߬ߟߌ߬ߟߌ ߛߓߍߘߊ ߞߎߘߊ ߟߊߛߣߍ߫. (ߝߏߣߊߖ߭ߍߔ) ߊ߬ߟߎ߬ ߢߍߡߌ߬ߘߊ߬ߣߍ߲ ߕߘߍ߬ ߊ߬ߟߎ߬ ߟߊ߫ ߞߊ߲ߕߌ߯ ߟߋ߬ ߓߟߏ߫ ߡߍ߲ ߕߐ߯ ߞߏ߫ ߟߊߡߌߣ ߍ߲ ߞߡߊ߬ߣߏ߫. ߓߐߒߡߊߟߌ ߣߌ߲߬ ߦߋ߫ ߛߌ߲߬ߝߏ߲߬ߘߟߊ߬ߞߊ ߖߊ߰ߟߋ ߟߋ߬ ߘߌ߫، ߡߍ߲ ߢߌߣߌ߲ߞߏ ߦߋ߫ ߞߙߎ ߞߎߘߊ ߦߌ߬ߘߊ ߘߌ߫، ߞߎ߲߬ߜߙߊ ߟߊߓߊ߲߫ ߥߟߏߣߍ߲ ߡߍ߲ ߠߊ߫ ߡߍ߲ ߞߍߣߍ߲߫ ߕߎߟߊߝߌ߲ ߕߊ߬ߡߌ߲߬ߣߍ߲ ߢߌ߲߬ ߠߊ߫. ߊ߬ ߣߌ߫ ߞߊ߬ ߞߎ߲߬ߕߋߟߋ߲߫ ߦߙߋߟߋ߲ ߘߐߝߘߊ߫ ߛߊ߲߬ ߝߌ߬ߟߊ߬ ߣߊ߬ߕߐ߬ߟߊ ߣߌ߲߬ ߞߣߐ߫. ߡߍ߲ ߛߏ߯ߙߏߣߍ߲߫ ߓߘߍ߬ߓߘߍ߬ߟߌ߫ ߞߙߎߞߊ߫ ߆߉ ߞߐߦߌߘߊߓߊ߮ ߟߎ߬ ߟߊ߫߸ ߏ߬ ߟߎ߬ ߡߍ߲ ߠߎ߬ ߣߴߌ ߡߐ߲߫ ߠߊ߫ ߢߐ߲߮ ߡߊ߬. ߝߏߣߊߖ߭ߍߔ ߓߘߊ߫ ߘߊߦߟߍ߬ ߘߍ߭ ߓߟߏߘߏ߲ߢߐ߲߰ߓߟߏ ߢߍ߫، ߞߎ߲߬ߠߊ߬ߛߌ߰ ߓߘߍ߬ߦߊ ߟߊ߬ߖߊ߲߬ߞߏ߬ߟߌ ߢߍ߫، ߊ߬ ߣߌ߫ ߘߋ߲ߡߌߛߍ߲ ߠߎ߬ ߟߊ߫ ߕߘߍ߬ߒ߬ߘߐ߬ߟߌ ߡߙߌߣߊ߲ ߠߎ߬ ߕߊ߬ ߕߎߡߊ ߟߊ߫. ߢߐ߲߯ߦߋ ߛߋ߲߬ߝߍ߬. ߞߊ߲ߕߌ߯ ߞߡߊ߬ߣߏ߫ ߞߊ߬ ߥߊߟߢߌߡߊߟߐ߲߫ ߥߛߊ߬ߛߙߋ ߘߏ߫ ߘߌ߫ ߞߏߕߌ߯ ߝߟߐ ߡߊ߬߸ ߞߊ߬ ߝߏ߬ߟߌ ߞߍ߫ ߞߏ߫ ߓߘߍ߬ߓߘߍ߬ߟߌ ߕߍߝߐ ߓߟߏߡߊ ߟߋ߬ ߊ߬ ߣߌ߫ ߖߌ߬ߣߍ߬ ߘߍ߭ ߕߍߝߐ ߓߟߏߡߊ. ߞߎߡߊ ߞߐ ߖߊߓߌ ߘߐ߫߸ ߞߏߕߌ߯ ߝߟߐ ߞߊ߬ ߟߐ߯ߓߊߟߐ߮ ߞߎ߲߬ߦߌ߬ߘߊ߬ߟߊ ߟߎ߬ ߝߏ߬، ߞߵߊ߬ ߕߌ߲ߕߌ߲߫ ߞߊ߲ߞߋߦߊ߫ ߢߊ߬ߒ߬ߞߐ߬ߓߊ߬ߟߌ ߘߊߦߟߍ߬ߣߍ߲ ߞߊ߲߬ ߛߋ߲߬ߓߐ߬ߟߌ ߕߍ߫ ߡߍ߲ ߘߐ߫. ߞߵߏ߬ ߜߘߌߛߌ߰ ߞߊ߲ߓߍ߲ߠߞߊߦߊ ߕߊ߯ߛߋ߲ ߡߊߓߏ߬ߢߊ ߞߊ߲߬. ߊ߬ ߣߌ߫ ߞߙߎ߫ ߓߊ߯ߙߊ ߡߙߌߣߊ߲߸ ߞߵߏ߬ ߓߍ߲߬ ߞߊ߲ߓߍ߲ ߞߊ߲ߕߌ߯ ߞߎ߲߬ߕߋߟߋ߲ ߡߊ߬ ((ߝߏ߫ ߞߊ߬ ߞߊ߲ߞߋߦߊ ߘߏ߫ ߟߋ߬ ߟߊߘߏ߲߰ ߤߊߟߌ߬ ߛߋ߲߬ߓߐ߬ߟߌ ߕߍ߫ ߞߊ߬ ߕߊ߯ߛߋ߲ ߠߎ߬ ߡߊߓߏ߬ߢߊ߬)) ߊ߬ ߞߵߏ߬ ߘߐߞߣߍ߫ ߓߊ߬ ؟ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߟߊ߫ ߞߐߡߊߓߌ߲ߓߌ߲ߠߌ߲ ߦߌߘߵߌߞߐ߫߸ ߞߊ߬ ߕߍߝߐ ߘߊߓߊ߲߫ ߊ߬ ߣߌ߫ ߓߘߍ߬ߓߘߍ߬ߟߌ ߞߙߎ ߣߌ߫ ߘߍ߬ߟߊ߬ߞߊ ߟߎ߬ ߕߍ߫ ߛߊ߫ ߖߐ ߘߌ߫ ߟߊߞߊ߲ߘߊ߫߸ ߡߊ߬ߝߊ ߘߌ߫ ߓߊ߲ߓߊ߲߫، ߊ߬ ߣߌ߫ ߓߟߏߘߏ߲ߢߐ߲߰ߓߟߏ߫ ߝߊ߬ߛߏ߬ߟߊ߬ߞߊ ߞߊ߬ ߞߍ߫ ߞߍߞߋߟߋ߲ߘߌ ߕߣߐ߬ߡߊ߬ߛߌ߮ ߘߌ߫ ߖߌ߬ߣߍ߬ ߢߍ߫ ߞߊ߬ ߢߝߍߕߊ߯ ߛߌߟߊ ߕߊ߬.

ߞߏ߲ߓߌߕߌ߱ ߕߟߋ߬ ߁߇/ ߂߀߂߅

ߕߋߡߌߣߋߕߊߦ ߘߊ߲ߞߊ߲ ߢߊߞߎߘߦߊߟߌ ߞߓߊߝߟߐߛߌ߮ ߞߐߣߊߞߙߌ߫ ߞߏ߲ߓߌߕߌ߱ ߕߟߋ߬ ߁߇/ ߂߀߂߅ ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߕߋߡߌߣߋߕߊߦ ߞߍߞߎߛߊ߲ߧߊ ߘߊ߲ ߞߓߊ߫ ߝߟߐ߫ ߛߌ߮ ߢߣߊߓߊ߯ߦߊ߫. ߞߊ߬ ߓߍ߲߬ ߡߐ߲ߠߌ߲ ߖߌ߰ߟߌ߬ ߛߊ߯ߘߊ (ߘߋ ߓߊߙߑߞߊߘߍߙ) ߟߎ߬ ߛߊߣߌߧߊߟߌ ߞߊߡߊ߲ ߡߊ߬߸ ߖߌߕߟߏ ߢߊߞߎߘߦߊߟߌ ߞߎ߲߬ߦߌ߬ߘߊ߬ߟߌ ߕߣߐߡߊ ߞߊ߲ߡߊ߬ ߏ߬ ߡߍ߲ ߘߊߓߐߣߍ߲ ߞߎ߲߬ߠߊ߬ߛߌ߮ ߓߟߏ߫. ߞߵߏ߬ ߟߊߥߟߌ߬ ߞߍߞߎߛߊ߲ߧߊ ߛߋ߲߬ߞߘߐ߬ߓߌ߲ߓߌ߲ ߡߊ߬߸ߊ߬ ߣߌ߫ ߞߵߊ߬ ߡߊ߬ߘߎ߮ ߓߊ߯ߙߊ ߟߊߢߊ߬ ߥߊ߬ߣߊ ߟߎ߬ ߢߍ߫. ߡߐ߲ߠߌ߲ ߣߌ߫ ߖߌߘߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߕߌ߯ ߛߟߊߕߌ߯ ߝߊ߬ߛߎ߫ ߕߋߦߊ߫، ߞߵߊ߬ ߦߌ߬ߘߊ߬ ߓߋߟߋ߲ߠߊ ߘߐ߫߸ ߞߏ߫ ߕߋߡߌߣߋߕߊߦ ߞߍߞߎߛߊ߲ߧߊ߫ ߡߐ߲ߠߌ߲߫ ߘߊ߲ߞߊ߲ ߟߐ߬ߟߌ ߘߌߣߊ߬ ߖߍ߯ߞߏ ߣߌ߫ ߖߌ߫ ߘߐ߫ ߥߟߏߒߘߐ ߟߎ߬ ߘߍ߲ߖߘߍߟߦߊ ߘߴߊ߲ ߡߊ߬߸ ߊ߬ ߣߌ߫ ߘߌ߲߬ߞߌߙߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߐߖߘߌ߫. ߕߋߡߌߣߋߕߊߦ ߣߌ߫ ߞߊߟߎߡ ߓߍ߯ ߢߍ߫. ߞߏߕߌ߯ ߝߟߐ ߞߵߊ߬ ߦߌ߬ߘߊ߬ ߞߏ߫ ߞߣߍ ߣߌ߲߬ ߦߋ߫ ߞߎ߲߬ߠߊ߬ߛߌ߮ ߥߊ߬ߣߌ߲߬ߞߋ ߟߋ߬ ߦߌ߬ߘߊ߬ ߟߊ߫. ߞߊ߬ ߢߡߊߦߟߍߡߊ߲ ߓߟߏߡߦߊ߫ ߡߊ߬ߘߎ߮ ߏ߬ ߘߐ߫ ߞߎ߲߬ߞߊߟߌߦߊ߫ ߡߙߌߣߊ߲ ߣߌ߫ ߘߐ߬ߞߣߍ ߘߐ߫. ߊ߬ ߞߵߊ߬ ߝߊ߲߬ߝߘߊ ߣߊ߬ߝߊ ߦߌ߬ߘߊ߬ ߡߐ߲ߠߌ߲ ߘߊߞߎ߲ ߘߐ߫ ߓߣߊ߬ߦߊ ߛߌߟߊ ߟߊߞߊ߬ ߓߟߏߡߊ߬߸ ߊ߬ ߣߌ߫ ߓߟߏߞߏߟߏ߲ߧߊ ߞߍ߬ߟߍ ߛߌߟߊ ߝߍ߬. ߞߵߏ߬ ߓߍ߯ ߟߊߓߊ߲߫ ߡߊ߬ߞߟߌ߬ߟߌ ߡߊ߬ ߢߊߞߎߘߦߊߟߌ ߝߘߏ߬ߓߊ߬ߡߊ ߡߊ߬. ((ߊ߲ ߛߌ߰ߢߐ߲߮ ߠߎ߬ ߓߘߊ ߡߐ߲ߠߌ߲ ߕߊ ߝߊ߲߭ ߦߋ߫ % ߄، ߃ ߟߋ߬ ߘߌ߫ ߥߟߏߒߘߐ ߦߟߍ߬ߡߊ߲߬ߓߊߟߌ ߘߐ߫. ߖߌ߬ߣߍ߬ ߦߊ߲߬ ߝߟߐ߫ ߊ߬ ߦߋ߫ ߓߐ߬ߝߍ߬ߞߊ߲ߞߋ ߟߋ߬ ߘߌ߫ ߝߊ߲߬ߞߊ ߖߍ߬ߘߍ ߖߍ߬ߘߍ ߦߋ߫ ߡߍ߲ ߠߊ߫. ߊ߲ ߞߊ߬ ߞߊ߲߫ ߞߊ߬ ߞߊ߲ߞߋ ߡߊߝߟߍ߫ ߝߘߏ߬ߓߊ߬ ߓߟߏߡߊ߬ ߌߞߐ߫. ߞߵߊ߬ ߢߊߞߎߘߦߊ߫، ߞߵߊ߬ ߓߟߏߡߦߊ߫، ߕߋߡߌߣߋߕߊߦ ߘߊ߲ߞߊ߲ ߟߐ߬ߟߌ ߦߋ߫ ߞߊ߲ߕߌ߯ߘߊ ߟߊ߫ ߝߟߐߦߊ ߟߎ߬ ߘߏ߫ ߟߋ߬ ߘߌ߫: ߞߊ߬ ߡߐ߲ߠߌ߲ߠߊ߫ ߟߎ߬ ߟߌ߬ߤߟߊ ߟߊߢߊ߬ ߓߊ߯ߙߊ߫ ߘߐ߫ ߘߎ߲ߡߊ߫ ߓߟߏߡߊ߬ ߡߊ߬ߘߎ߮ ߏ߬ ߘߐ߫. ߊ߬ ߝߘߎߣߍ߲ ߣߴߊ߬ ߡߊ߬ߘߎ߮ ߛߌ߲߬ߝߏ߲ ߓߍ߯. ߘߊ߲ߞߊ߲ ߓߍߣߊ߬ ߞߍ߫ ߸ ߓߟߌߕߍ߫ ߞߋߟߋ߲߫ ((ߍߙ ߔߟߌߛ ߍ߲)) ߡߊ߬ߡߙߊ߬ߟߌ ߛߓߍߘߊ ߞߍߕߐ߫ ߡߍ߲ ߠߊ߫. ߝߢߐߡߌߘߊ ߦߙߐ ߞߍߕߐ ߡߍ߲ ߠߊ߫. ߕߐ߲ߓߟߏߡߊ ߣߌ߫ ߞߟߍ߬ߡߐ߮ ߟߎ߬ ߡߊߞߍߘߊ ߘߏ߫. ߊ߬ ߣߌ߫ ߘߊߓߎ߲ߘߍ ߦߙߐ، ߊ߬ ߣߌ߫ ߝߘߏ߬ߓߊ߬ ߟߐ߬ߟߌ߬ ߞߣߍ ߘߏ߫ ߝߣߊ߫ ߓߍߣߊ߬ ߞߍ߫ ߦߋ߲߬. ߊ߬ ߣߌ߫ ߣߍߣߍߘߊ ߞߎ߲ߓߊ ߟߊߡߙߊ߬ߟߌ߬ߟߊ߲. ߊ߬ ߣߌ߫ ߛߎߡߦߊߓߏ߲ ߖߌߞߘߎ ߟߊ߬ߥߟߏ߬ߟߌ ߦߙߐ. ߡߣߐ߬ߓߏ߲، ߜߕߊ، ߣߌ߫ ߟߖߊ߬ ߜߊߟߊ߲، ߊ߬ ߣߌ߫ ߡߊߞߍߘߊ ߛߋߞߏߥߙߍߕߌ߮ ߞߵߊ߬ ߓߍ߲߬ ߟߐ߬ߟߌ ߞߍߢߊ ߟߎ߬ ߡߊ߬