ߡߊ߬ߛߊ߲߬ߕߊ߲߫ ߁߀߲ ߞߏ߲ߞߏ߲ߜߍ ߂߀߂߅

ߞߵߊ߬ ߝߐ߫ ߊߟߎ߫ ߢߣߊ߫ ߞߏ߫ ߡߊ߬ߛߊ߲߬ߕߊ߲߫ ߦߋ߫ ߛߐ߬ߘߐ߲߬ߘߊ ߓߊߖߎߟߞߊ ߟߋ߬ ߘߌ߫، ߒ ߞߊ߲߫ ߦߋ߫ ߡߐ߰ߦߊ ߛߐ߬ߘߐ߲߬ߘߊ ߟߋ߬ ߡߊ߬، ߏ߬ ߛߐ߬ߘߐ߲߬ߘߊ ߦߋ߫ ߓߍߓߊ߯ ߟߋ߬ ߘߌ߫، ߝߏ߫ ߞߊ߬ߙߊ߲߬ߕߊ ߟߎ߬ ߦߋ߫ ߞߍ߫ ߦߊ߲߬، ߓߊ߯ߙߊ߫ ߟߎ߬ ߦߋ߫ ߞߍ߫ ߦߊ߲߬، ߛߌߟߊ߫ ߟߎ߬ ߦߋ߫ ߞߍ߫ ߦߊ߲߬، ߝߏ߫ ߟߊ߬ߞߊ߲߬ߘߊ߲߬ߟߌ ߦߋ߫ ߞߍ߫ ߦߋ߲߬. ߓߊߏ߬߸ ߘߋ߲ߡߌߛߍ߲ ߠߎ߬ ߣߌ߫ ߡߏ߬ߛߏ ߟߎ߬ ߟߊ߫ ߞߏ ߦߋ߫ ߘߌ߬ߢߍ߬ߒ߬ߘߐ߬ߓߊߟߌ ߢߍߡߌߘߕߊ ߟߋ߬ ߘߌ߫. ߝߏ߫ ߞߊ߬ ߝߍ߬ߙߍ ߣߌ߫ ߞߍߢߊ ߓߍ߯ ߞߍ߫ ߛߊ߫ ߖߐ ߣߌ߫ ߡߊ߬ߝߊ ߘߌ߫ ߛߋ߫ ߛߓߊ߬ߕߌ߫ ߟߊ߫. ߒ ߓߘߊ߫ ߟߊߞߙߐ߬ߛߌ߬ ߓߊ߯ߙߊ߫ ߛߌߦߊߡߊ߲߫ ߕߘߍ߬ ߓߘߊ߫ ߘߊߡߌ߬ߣߊ߬ ߞߵߊ߬ ߟߊߓߊ߲ߓߊߟߌ ߕߏ߫. ߏ߬ ߟߋ߬ ߞߏߛߐ߲߬ ߊ߲ ߞߊ߬ ߡߙߌߘߐߛߓߍ ߟߎ߬ ߘߟߊߘߍ߬ ߞߏ ߝߐ߫، ߖߐ߲߰ߛߊ߫ ߊ߬ ߘߌ߫ ߛߋ߫ ߊ߬ ߞߏ ߞߋ߬ߟߋ߲߬ߞߋ߬ߟߋ߲߬ߠߊ ߡߊߞߕߌ߫ ߟߊ߫، ߞߊ߬ ߓߊ߲߫ ߞߊ߬ ߡߙߌߘߐ ߓߊ߲ߓߊ߲ߣߍ߲ ߠߎ߬ ߕߊ߬ ߏ߬ ߦߋ߫ ߢߊ߬ߒ߬ߞߐ߬ߓߊߟߌ ߘߌ߫.

ߒ ߞߊ߬ ߡߙߌߘߐߛߓߍ ߝߟߐ ߡߍ߲ ߛߐ߬ߘߐ߲߬ ߒ ߘߏ߲߬ߕߐ ߡߊ߬ߛߊ߲߬ߕߊ߲߫ ߏ߬ ߟߋ߬ ߓߡߊߟߊ߫ ߡߌ߬ߙߌ߲߬ߘߌ ߟߊ߫ ߖߊ߲߬ߕߏ߬ߒ߬ߘߐ ߟߋ߬ ߘߌ߫،ߊ߬ ߣߌ߫ ߕߋߟߋ߲ߓߊ߯ߦߊ ߞߏߕߌ߮ ߊ߲ ߘߌߣߊ߬ ߝߙߋߞߋ ߏ߬ ߘߐߞߕߌ߫ ߞߊߟߌߦߊ ߘߐ߫، ߓߟߏߘߐߓߍ߲ ߓߍ߯ ߘߌߣߊ߬ ߞߍ߫ ߊ߬ ߞߏ ߟߊ߫، ߖߐ߲߰ߛߊ߫ ߡߌ߬ߙߌ߲߬ߘߌ ߟߊ߫ ߣߝߊ ߟߎ߬ ߘߌ߫ ߢߍߘߐߓߍ߲  ߊ߬ ߣߌ߫ ߞߵߊ߬ ߕߊ߬ ߘߊ߲ߞߎ߲ߠߌ߲ ߤߏߞߌ ߘߐ߫. ߡߐ߰ߓߊ ߟߎ߬ ߟߊ߫ ߓߋߟߋ߲ߠߊ ߓߘߊ߫ ߡߊ߬ߛߊ߲߬ߕߊ߲߫ ߠߊ߫ ߥߙߎߞߌ ߢߍߥߟߊ߫ ߟߊߓߐ߫. ߊ߬ ߦߟߍ߬ߘߐ߬ߞߍ ߛߌߦߊߡߊ߲߫ ߠߋ߬ ߕߋ߲߬، ߡߊ߬ߛߊ߲߬ߕߊ߲߫ ߕߘߍ߬ ߡߊߟߐ߲ߣߍ߲߫ ߖߌ߬ߣߍ߬ ߞߊ߲ߓߍ߲ ߜߞߋ߬ ߡߣߐ ߟߋ߬ ߘߌ߫. ߉߀ ߝߊ߲
ߝߍ߬، ߖߊ߬ߕߋ߬ߘߐ߬ߛߌ߮ ߍߙ ߛߋ ߘߋ߬ ߡߍ߲ ߕߘߍ߬ ߡߊߞߍߣߍ߲߫ ߡߊ߲߬ߛߊ߲߬ߕߊ߲߫.ߒ ߘߏ߲߬ ߟߊߣߍ߲߫ ߊ߬ ߟߊ߫ ߓߏ߲ ߏ߬ ߟߎ߬ ߓߍ߯ ߟߊߓߌ߬ߟߊ߬ߣߍ߲ ߠߋ߬ ߓߌ߬ ߏ߬ ߦߋ߫ ߞߎ߲߬ߘߐ߬ߕߋ ߟߋ߬ ߘߌ߫، ߣߌ߫ ߥߊ߯ߕߌ ߡߴߊ߲ ߡߌ߬ߣߊ߬ ߊ߲ ߘߌߣߊ߬ ߖߊ߰ߟߋ ߘߏ߫ ߞߍ߫ ߞߵߊ߬ ߡߊߝߟߍ߫ ߍߙ ߛߋ ߘߋ ߖߊ߬ߕߋ߬ߘߐ߬ߛߌ߮ ߞߍߣߍ߲ ߢߊߡߍ߲. ߏ߬ ߕߘߍ߬ ߉߀ ߘߊߡߌߣߊ ߝߊ߲߬ߝߍ߬ߟߊ ߖߊ߬ߕߋ߬ߘߐ߬ߛߌ߮ ߓߍ߯ ߘߐ߫ ߣߝߊߡߊ ߟߋ߬ ߘߌ߫. ߛߌߟߊ ߞߏ ߛߌߟߊ ߝߍ߬، ߏ߬ ߦߋ߫ ߡߊ߬ߛߊ߲߬ߕߊ߲߫ ߘߊߦߟߍߟߌ ߟߋ߬ ߘߌ߫ ߦߏ߫ ߊߟߎ߫ ߞߵߊ߬ ߝߐ߫ ߢߊߡߍ߲. ߖߌ߬ߣߍ߬ ߕߎߞߘߐߟߊ ߣߌ߫ ߟߌߓߋߙߌߦߊ߫ ߣߌ߫ ߛߙߊ߬ߟߏ߲ ߠߎ߬ ߦߋ߫ ߛߌ߰ߢߐ߲߮ ߠߎ߬ ߟߋ߬ ߘߌ߫.ߊ߬ ߦߋ߫ ߦߙߐߓߊ ߟߋ߬ ߘߌ߫ ߞߟߍ߬ߦߊ ߛߌߟߊ ߝߍ߬ ߡߍ߲ ߘߴߊ߬ ߞߍ߫ ߊ߲ ߕߍ߫ ߢߌ߬ߣߊ߬ ߕߊ߬ߡߌ߬ߣߍ߲ ߞߘߐ ߟߎ߬ ߟߊ߫. ߊ߲ ߞߊ߫ ߞߊ߲߫߫ ߞߊ߬ ߓߟߏߘߐߓߍ߲ ߓߍ߯ ߞߍ߫ ߞߏߛߊ߫ ߞߊ߬ ߓߐߟߐ߲ ߞߊ߲ߘߟߊ ߓߟߏߕߍ߰ߓߊߟߌ ߟߎ߬ ߛߐ߬ߘߐ߲߬ ߘߐ߬ߝߊ߬ߟߋ߲ ߘߐ߫، ߞߍߢߊ ߓߍ߯ ߘߐ߫. ߛߊ߫ ߏ߬ ߘߌ߫ ߞߍ߫ ߓߐߒߘߊ߫ ߘߌ߫ ߞߊ߬ ߞߎߟߎ߲ߞߎߟߎ߲ߠߌ߲ ߟߊߣߐ߰ߦߊ߬ ߡߐ߱ ߟߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߘߌ߫ ߟߊ߬ߞߊ߲߬ߘߊ߬ߟߌ ߞߣߐ߫ ߊ߲ ߘߌߣߊ߬ ߏ߬ ߓߍ߯ ߘߐߞߕߌ߫. ߓߊߏ߬߸ ߊ߬ ߝߐߣߍ߲ߛߌ߰ߟߊ ߘߐ߫، ߡߊ߬ߛߊ߲߬ߕߊ߲߫ ߦߋ߫ ߖߌ߬ߣߍ߬ ߕߎߞߘߐߟߊ ߝߙߋߞߋ ߓߊߕߐߡߐ߲ ߠߋ߬ ߘߌ߫. ߊ߬ ߝߟߐ ߟߋ߬ ߛߌߟߊ ߞߏ ߘߌ߫، ߊ߬ ߣߌ߫ ߖߎ߬ߓߐ ߟߎ߬ ߊ߲ ߘߌߣߊ߬ ߏ߬ ߓߌ߬ߟߊ߬ ߛߋ߲߬ ߠߊ߫. ߏ߬ ߦߋ߫ ߛߌߟߊ߫ ߟߋ߬ ߘߌ߫ ߣߊ߲߬ߕߌ߰ߘߊ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߦߴߊ߬ ߝߍ߬ ߞߊ߬ ߡߍ߲ ߞߍ߫. ߊ߬ ߦߋ߫ ߖߎ߬ߓߌ߬ߟߊ ߟߎ߬ ߞߊ߲߬ ߊ߲ ߧߋ߫، ߊ߬ ߘߏ߲߬ ߕߎߞߘߐߟߊ ߖߎ߬ߓߌ߬ߟߊ ߓߏ߲߬ߓߊ ߦߋ߫ ߞߍߗߌߦߊ߫ ߖߎߓߌߟߊ ߢߊ߬ߒ߬ߞߐ߬ߓߊߟߌ ߟߎ߬ ߟߋ߬ ߘߌ߫.

ߜߞߋ ߟߊߛߐ߬ߘߐ߲߬ ߛߌߟߊ ߟߎ߬ ߞߊ߫ ߞߊ߲߫ ߠߋ߬ ߞߊ߬ ߓߊ߯ߙߊ߫، ߕߎߞߘߐߟߊ ߣߌ߫ ߖߌ߬ߣߍ߬ ߓߍ߯ ߟߊ߫ ߣߝߊ ߦߋ߫ ߏ߬ ߟߋ߬ ߘߐ߫. ߊ߲ ߣߌ߫ ߤߌ߲ߘߌߞߊ ߟߎ߬ ߘߌ߫ ߓߊ߯ߙߊ߫ ߞߊߕߙߍ߬ߕߍ߫ ߏ߬ ߘߊߞߎ߲ ߡߊ߬، ߢߎߡߍߦߊߟߌ ߞߏߕߌ߯ ߘߌߣߊ߬ ߓߐߒߡߊߟߌ ߘߏ߫ ߞߍ߫ ߛߐ߰ߡߊ ߣߌ߲߬ ߡߊ߬ ߞߵߊ߬ ߡߊߝߟߍ߫ ߖߌߢߎߡߍߓߊߟߊ߲ߞߏ ߡߐ߬ߟߐ߲ ߘߌ߫ ߛߋ߫ ߟߛߊ߬ߦߌ߬ ߟߴߊ߬ ߡߊ߬ ߢߊߡߍ߲ ߞߊߟߌߦߊ ߘߐ߫ ߌߞߘߐߣߌ߲߬. ߊߟߎ߫ ߘߏ߲߬ ߦߴߊ߬ ߟߐ߲߫ ߞߏ߫ ߞߐߡߊߓߌ߲ߓߌ߲ߠߌ߲ ߛߎ߯ ߓߍ߯ ߘߌ߫ ߞߍ߫ ߞߏߛߊ߫ ߏ߬ ߘߌ߫ ߛߋ߲߬ߠߊ߬ߞߊߟߌߦߊ߫. ߓߊߏ߬߸ ߡߊ߬ߛߊ߲߬ߕߊ߲߫ ߛߏ ߡߍ߲ ߕߘߍ߬ ߞߍߣߍ߲ ߢߊߡߍ߲ ߅߀ ߝߊ߲
ߝߍ߬  ߏ߬ ߞߊ߫ ߞߊ߲߫ ߞߊ߬ ߡߊ߬ߛߊߦߌ߬ ߞߵߊ߬ ߡߊߦߋߙߋ߲߫ ߊ߬ ߢߊߞߘߐߡߊ߬. ߛߙߋߘߎ߯ ߞߙߍ߬ߝߍ߬ߟߊ ߓߍ߯ ߕߘߍ߬ ߟߐ߬ߣߍ߲ ߝߋ߲ ߗߋ߲߱ ߠߎ߬ ߟߋ߬ ߟߊ߫. .

ߓߏ߲ ߏ߬ ߟߎ߬ ߝߣߊ߫ ߓߘߊ߫ ߟߊߓߌ߬ߟߊ߬، ߏ߬ ߘߐ߫، ߝߏ߫ ߡߊ߬ߛߊ߲߬ߕߊ߲߫ ߣߌ߫ ߕߎߞߘߐߟߊ ߓߍ߯ ߦߋ߫ ߥߟߏߞߎߘߊߘߌ߫ ߏ߬ ߟߋ߬ ߊ߲ ߠߊ߫ ߢߌߣߌ߲ߞߏ ߘߌ߫. ߊ߲ ߘߏ߲߬ ߖߌ߱ ߦߴ ߊߟߎ߫ ߞߊ߲߬ ߖߐ߲߰ߛߊ߫ ߏ߬ ߘߌ߫ ߛߋ߫ ߓߐ߫ ߟߊ߫ ߢߟߊ߫. ߏ߬ ߘߏ߲߬ ߕߍ߫ ߛߋ߫ ߓߍ߲߬ ߠߊ߫ ߣߌ߫ ߡߊ߬ߝߊ ߕߍ߫ ߦߋ߲߬، ߖߐ ߕߍ߫ ߦߋ߲߬، ߢߐ߲߯ߠߊߡߍ߲ ߣߌ߫ ߓߟߏߘߏ߲ߢߐ߲߰ߓߟߏ ߕߍ߫ ߡߐ߱ ߟߎ߬ ߣߌ߫ ߢߐ߲߯ ߕߍ߫. ߊߟߎ߫ ߞߵߊ߬ ߟߐ߲߫ ߞߏ߫ ߖߐ ߕߍ߫ ߦߙߐ ߡߍ߲ ߏ߬ ߕߴߛߋ߫ ߢߝߍߕߊ߮ ߛߐ߬ߘߐ߲߬ ߠߊ߫ ߢߊ߫ ߛߌ߫ ߡߊ߬. ߊ߬ ߕߍ߫ ߛߋ߫ ߥߙߎߞߌ ߛߐ߬ߘߐ߲߬ ߠߊ߫، ߓߣߊ߬ߦߊ ߕߍ߫ ߛߋ߫ ߘߐߜߊ߬ ߟߊ߫ ߦߋ߲߬ ߢߊ߫ ߛߌ߫ ߡߊ߬. ߞߵߊ߬ ߕߘߍ߬ ߕߌ߲߬ߞߎߘߎ߲ ߓߣߊ߬ߦߊ߬ߣߍ߲ ߠߋ߬. ߦߊ߲߬ ߕߘߍ߬ ߞߊ߫ ߞߊ߲߫ ߞߊ߬ ߞߍ߫ ߖߡߊ߬ߣߊ ߕߌ߲߬ߞߎߘߎ߲ ߓߍ߯ ߘߐ߫ ߓߣߊ߬ߦߊ߬ߣߍ߲ ߠߋ߬ ߘߌ߫. ߛߣߍ߬ߘߎ߰ ߓߘߍ ߦߴߊ߲ ߓߟߏ߫، ߡߍ߲ ߠߊ߫ ߓߊߟߏߕߊ ߕߍ߫ ߘߊ߲߬ ߖߌ߬ߣߍ ߖߍ߬ߘߍ ߡߊ߬، ߊ߬ ߘߏ߲߬ ߡߌ߬ߙߌ߲߬ߘߌ ߦߋ߫ ߓߊ߯ߙߊ߫ ߜߍߟߍ߲ ߞߍ߫ ߟߊ߫ ߟߋ߬ ߘߌ߫. ߣߴߌ ߞߊ߬ ߡߛߏ߬ ߓߊ߯ߙߟߊ ߟߎ߬ ߦߋ߫.ߌ ߘߴߊ߬ ߟߐ߲߫ ߞߏ߫ ߓߊ߯ߙߊ߫ ߘߌߡߊ߲߫ ߦߊ߲߬ߡߐ߮ ߢߍ߫.

ߊ߬ ߟߐ߲߫ ߊ߲ ߓߟߏ߫ ߞߏ߫ ߞߊ߬ߝߏ ߕߓߊ ߦߋ߫ ߊ߲ ߠߊ߫ ߞߘߐߕߏ ߘߐ߫، ߖߎ߬ߓߌ߬ߟߊ ߟߊ߲ߞߣߍߡߕߊ ߟߎ߬ ߞߍ ߘߐ߫ ߥߙߎߞߌ ߕߍ߫ ߛߋ߫ ߢߊ߫ ߟߊ߫ ߡߍ߲ ߠߎ߬ ߞߐ߫ ߕߎߞߘߐߟߊ ߕߌ߲߬ߞߎߘߎ߲ ߘߐ߫، ߒ ߕߍߣߊ߬ ߟߊ߬ߤߘߌ ߕߊ߬ ߟߴߊߟߎ߫ ߢߍ߫، ߞߏ߬ߣߌ߲߬ ߊ߲ ߘߌ߫ ߞߏ ߓߍ߯ ߘߊߦߟߍ߬، ߊߟߎ߫ ߘߌߣߊ߬ ߊ߬ ߦߋ߫ ߊߟߎ߫ ߖߘߍ߬ ߢߍ߫، ߡߍ߲ ߣߊ߬ߕߐ߫ ߞߍ߫ ߟߊ߫، ߡߍ߲ ߞߊ߫ ߞߊ߲߫ ߞߊ߬ ߞߍ߫ ߌߞߘߐ ߕߋ߲߬، ߏ߬ ߘߌߣߊ߬ ߞߍ߫ ߌߞߘߐߞߘߐ߫.

ߡߍ߲ ߞߊ߫ ߞߊ߲߫ ߞߊ߬ ߞߍ߫ ߛߌߣߌ߲߫ ߏ߬ ߘߌ߫ ߞߍ߫ ߛߌߣߌ߲߫. ߊ߲ ߘߌߣߊ߬ ߞߏ ߓߍ߯ ߞߍ߫ ߖߐ߲߰ߛߊ߫ ߏ߬ ߘߌ߫ ߛߋ߲߬ߠߞߊ߬ߟߌߦߊ߫، ߊ߲ ߖߌ߱ ߦߴߊߟߎ߫ ߘߌ߫ ߓߟߏߘߏ߲ߢߐ߲߰ߓߟߏ ߓߊ߲ߓߊ߲ߠߌ߲ ߘߐ߫، ߦߏ߫ ߊߟߎ߫ ߦߟߌ ߦߵߴߊ߬ ߟߊ߫ ߢߊߡߍ߲ ߊ߲ ߣߌ߫ ߖߡߊ߬ߣߊ ߝߌ߬ߟߊ߬ ߟߋ߬ ߛߌ߰ߢߐ߲߮ ߘߌ߫ ߦߊ߲߬ ߏ߬ ߟߋ߬ ߟߌߓߋߙߌߦߊ߫ ߣߌ߫ ߛߙߊ߬ߟߏ߲߫ ߘߌ߫. ߊ߲ ߧߋ߫ ߡߊ߬ߝߊ ߟߛߊ߬ߓߊ߬ߕߌ߫ ߖߌ߬ߣߍ߬ ߞߣߐߟߊ ߘߐ߫. ߖߊ߬ߕߋ߬ߘߐ߬ߛߌ߰ ߣߝߊߡߓߊ ߟߎ߬ ߦߴߊ߲ ߓߟߏ߫، ߡߍ߲ ߣߊ߬ߝߊ ߘߌ߫ ߛߋ߫ ߕߌ߲߬ߞߎߘߎ߲ ߝߊ߲
ߓߍ߯. ߏ߬ ߟߋ߬ ߦߋ߫ ߛߌߡߊ߲ߘߎ߯ ߘߌ߫، ߞߏߛߊ߫ ߏ߬ ߘߌ߫ ߛߋ߫ ߤߙߍ߫ ߟߊߛߋ߫ ߟߴߊ߲ ߡߊ߬ ߊ߲ ߦߟߌߛߌ߰ߣߍ߲ ߡߍ߲ ߓߍ߯ ߟߊ߫ ߊ߬ ߞߏ ߘߐ߫. ߊ߲ ߧߋ߫ ߥߊ߫ ߓߊ߯ߙߊ߫ ߡߊ߬ ߓߍ߲
ߞߣߐ߬ߡߊ߬ ߛߊ߫ ߕߍߓߍ߲ ߣߌ߫ ߞߊ߲ߓߍ߲ ߘߌ߫ ߛߓߊ߬ߕߌ߫ ߖߡߊ߬ߣߊ ߣߌ߲߬ ߘߋ߲ ߓߍ߯ ߣߌ߫ ߢߐ߲߯ ߕߍ߫.   .

ߊ߲ ߡߊ߬ߞߏ ߦߋ߫ ߓߍ߲
ߠߋ߬ ߟߊ߫ ߡߎ߬ߕߎ߲߬ ߛߊ߫ ߖߌ߬ߣߍ߬ ߘߌ߫ ߛߋ߫ ߟߐ߬ ߟߊ߫، ߒ ߧߋ߫ ߊߟߎ߫ ߞߎߟߎ߲ߖߋ߫ ߟߊ߫ ߊߟߎ߫ ߊ߬ ߟߐ߲߫ ߞߏ߫ ߡߙߌߘߐߛߓߍ ߥߟߊ߫ ߤߊ߲ߞߟߌߣߊ߲ ߓߍ߯ ߕߊ߬ߕߐ߫ ߟߋ߬ ߊ߲ ߓߟߏ߫ ߓߊߘߐ߫. ߢߌ߬ߣߊ߬ ߕߍߣߊ߬ ߞߍ߫ ߟߴߊ߬ ߝߊ߲-ߊ-ߝߊ߲߬ ߞߐ߫. ߒ ߓߘߴߏ߬ ߟߊ߬ߤߘߌ ߕߊ߬ ߊߟߎ߫ ߢߍ߫. ߊߟߎ߫ ߞߎߟߎ߲ߖߋ߫ ߊߟߎ߫ ߟߊ߫ ߡߎ߬ߢߎ߲ ߠߊ߫ ߞߏߛߓߍ߫، ߊߟߎ߫ ߣߌ߫ ߗߋ߫ ߊߟߎ߫ ߟߊ߫ ߛߌ߲߬ߝߏ߲߬ߧߊ߬ߟߌ ߟߊ߫،

ߒ ߘߴߊߟߎ߫ ߟߊ߫ ߝߏ߬ߟߌ ߟߊߛߋ߫ ߛߏ߬ߙߌ߬ߡߊ߬ߘߋ߲ ߠߎ߬ ߞߎ߲߬ߕߌ߰ߓߊ ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߡߊ߬ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮.

ߊ߬ ߣߴߊߟߎ߫ ߞߊ߬ ߣߌߟߊߛߍߥߊ ߡߍ߲ ߦߌ߬ߘߊ߬ ߊ߲ ߠߊ߫ ߝߏ߯ ߞߣߐ߫، ߊ߲ ߧߋ߫ ߖߛߎ߬ߟߊ߬ߝߌ߲ ߠߊߝߟߌ߬ ߊ߲ ߞߕߐ߫ ߞߊ߬ ߕߊ߯ ߢߍ߫ ߞߏߛߊ߫ ߊ߲ ߘߌ߫ ߥߛߊ߬ ߡߊ߬ߞߏ ߞߘߎ߬ߜߍߟߍ߲ ߠߎ߬ ߘߐ߫. ߡߊ߬ߛߊ߲߬ߕߊ߲߫ ߡߌ߬ߙߌ߲߬ߘߌ ߊ߬ ߣߌ߫ ߖߌ߬ߣߍ߬ ߡߌ߬ߙߌ߲߬ߘߌ ߓߍ߯ ߟߊߘߍ߬ߣߍ߲߫.

ߊߟߎ߫ ߞߎߟߎ߲ߖߋ߫ ߞߏߛߓߍ߫.

ߞߏ߲ߞߏߜߍ ߕߟߋ߬ ߁߁ / ߂߀߂߅

ߒ ߢߴߊ߲ ߘߍ߬ߡߍ߲߬ߓߊ߮ ߓߍ߯ ߝߏ߬ ߟߊ߫߸ ߒ ߞߵߊ߬ ߟߐ߲߫ ߞߏ߫ ߜߞߋߘߎ߯ ߕߘߍ߬ ߖߊ߬ߡߊ ߢߐ߲߯ߓߍ߲ ߦߌߟߊ ߟߋ߬ ߘߌ߫ ߛߊ߲ߠߌ߲ߝߙߋ ߛߌߟߊ ߝߍ߬ ߝߘߊ߬ߝߌ߲߬ߠߊ߫ ߕߟߋ߬ߓߋ ߓߍ߯ ߘߐ߫߸ ߊ߲ ߞߊ߬ ߡߎߙߎ߲ߕߌߓߊ߯ ߟߎ߬ ߟߊ߫ ߞߍߒߞߊ߲ߠߌ߲ ߠߋ߬ ߛߐ߬ߘߐ߲߬ ߂߀߀߀ ߟߊ߫ ߜߞߋߘߎ߯ ߦߊ߲߬.

ߜߞߋߘߎ߯ ߟߋ߬ ߞߍ߫ ߘߊ߫ ߛߏ ߘߌ߫ ߡߍ߲ ߞߊ߬ ߛߏߞߣߐߞߟߍ ߏ߬ ߞߐߝߟߌߖߎ߯ ߡߊߜߙߏ߬ ߡߍ߲ ߛߋ߫ ߘߴߊ߲ ߛߌ߬ߢߐ߲߰ ߖߡߊߣߊ ߟߎ߬ ߡߊ߬. ߒ ߧߴߊ߬ ߝߐ߫ ߊߟߎ߫ ߢߍ߫ ߞߣߐߜߍߦߊ ߘߐ߫، ߞߏ߫ ߜߞߋߘߎ߯ ߟߐ߬ߞߎ߬ߘߊ߬ߦߊ ߣߊ߲߬ߝߟߏ ߕߘߍ߬ ߓߘߊ߫ ߟߊߘߍ߬ ߓߊߏ߬߸ ߂߀߀߈ ߠߊ߫ ߏ߬ ߥߊߘߌ ߕߘߍ߬ ߦߋ߲߬. ߞߏ߬ߣߌ߲߬ ߌߞߏߡߌ߲߬ ߡߐ߰ߓߊ ߞߵߊ߬ ߝߐ߫ ߢߊߡߍ߲ ߛߌߛߍ߲߬. ߝߙߋߞߋ ߡߍ߲ ߦߴߊ߲ ߠߊ߫ ߖߡߊ߬ߣߊ ߞߣߐ߫ ߸ ߣߊ߲߬ߝߟߏ߬ߦߊ߬ߟߌ ߟߎ߬ ߦߋ߫ ߛߐ߬ߘߐ߲߬ ߠߊ߫، ߞߵߊ߬ߟߎ߬ ߓߌ߬ߟߊ߬ ߝߋߎ߫، ߏ߬ ߞߐ߫ ߊ߲ ߘߴߊ߬ ߞߍ߫ ߦߏ߫ ߊ߬ ߓߘߊ߫ ߘߊߡߌ߬ߣߊ߬ ߊ߬ ߓߍ߯ ߘߌ߫ ߓߊ߲߫ ߞߊ߬ ߕߎߣߎ߲߫ ߖߋߎ߲߫ ߝߏ߫ ߊ߲ ߧߋ߫ ߏ߬ ߟߋ߬ ߞߟߍ߬. ߊ߬ ߘߏ߲߬ ߊ߲ ߞߋ߬ߟߋ߲߬ߞߋ߬ߟߋ߲߬ߠߊ ߓߍ߯ ߞߢߊߡߊ߲߫ ߞߵߏ߬ ߞߣߐ߬ߜߍ߲߫ ߞߏߛߊ߫ ߏ߬ ߘߌ߫ ߓߟߏߞߊ߬. ߘߌ߲߬ߞߌߙߊ߫ ߛߌ߰ߓߊ߮ ߟߎ߬ ߦߋ߫ ߖߊ߬ߕߋ߬ߘߐ߬ߛߌ߯ ߞߣߐ߬ߜߍ߲ ߡߍ߲ ߞߍ ߦߴߌ ߘߐ߫ ߊ߬ߟߎ߬ ߛߌ߰ ߘߌ߲ߞߌߙߊ߫ ߟߎ߬ ߘߐ߫.

ߕߌ߲ߞߎߘߎ߲ ߠߎ߬ ߡߊ߬ߡߙߊ߬ߟߌ߬ߟߊ ߟߎ߬ ߝߣߊ߫ ߦߋ߫ ߕߋ߲߬ ߓߊߏ߬߸ ߛߊ߬ߙߌ߬ߦߊ ߦߴߊ߬ ߓߟߏ߫ ߞߊ߬ ߞߏ߫ ߟߎ߫ ߓߍ߯ ߟߊߞߙߐ߬ߛߌ ߡߍ߲ ߠߎ߬ ߞߍ ߦߴߌ ߘߐ߫ ߊ߬ ߟߊ߫ ߡߙߊ߬ ߦߙߐ ߟߎ߬ ߘߐ߫.

ߞߏ߬ߣߌ߲߬ ߞߎ߲߬ߠߊ߬ߛߌ߮ ߞߊ߫ ߞߊ߲߫ ߞߊ߬ ߘߋ߬ߙߌ߬ߣߊ߲߬ ߞߘߐ ߟߎ߬ ߡߝߊ߬ߟߋ߲߬. ߞߊߕߙߍ߬ߕߍ߫ ߖߌ߬ߣߍ߬ ߞߊ߲ߓߍ߲ ߣߊ߲߬ߝߟߏ߬ߦߊ߬ߟߌ ߡߊ߬ߡߙߊ߬ߟߌ߬ ߦߙߐ

ߟߎ߬ ߘߐ߫. ߕߎ߬ߢߊ ߟߊ߫ ߝߍ߭ ߡߌ߲߫ ؟
  ߖߊ߬ߕߋ߬ߘߐ߬ߛߌ߮ ߓߊ߯ ߣߊ߬ ߊ߲ ߘߌ߫ ߡߙߌߘߐߕߊ ߞߏ߫ ߞߏ߫ ߛߎ߯ ߡߍ߲ ߘߌ߫ ߓߍ߲߬ ߦߙߐ ߡߍ߲ ߘߐ߫. ߞߵߊ߬ ߕߘߍ߬ ߕߌ߲߬ߞߎߘߎ߲ ߛߌ߰ߓߊ߮ ߡߊ߬ߡߙߊ߬ߟߌ߬ߟߊ ߟߎ߬ ߕߴߊ߬ ߞߟߊ߬ߡߊ߬. ߘߌ߲߬ߞߌߙߊ߫ ߡߐ߰ ߛߎߥߊ߲ߘߌߣߍ߲ ߠߎ߬ ߝߣߊ߫ ߕߴߊ߬ ߞߟߊ߬ߡߊ߬ ߊ߬ߟߎ߬ ߟߐ߲߫ ߞߏ߫ ߕߴߊ߬ ߘߐ߫ ߦߏ߫ ߛߏߕߌ߮ ߞߵߊ߬ ߝߐ߫ ߢߊߡߍ߲ ߛߌߛߍ߲߬. ߟߊ߬ߢߎ߲߬ߠߌ߲߬ߛߓߍ ߞߣߐߘߐߞߏ ߏ߬ ߟߊߓߊ߲ߕߐ߫ ߡߍ߲ ߡߊ߬ ߥߊߟߌߘߊ ߘߏ߫ ߘߌߣߊ߬ ߌ ߖߎߙߊ߲߫ ߕߋ߲߬ ߞߏ߫ ߒ ߣߊ߬ߣߍ߲ ߓߊ߯ߙߊ߫ ߢߌ߲߬ ߠߋ߬ ߞߊ߲ߡߊ߬. ߟߏ߲߫ ߞߋߟߋ߲߫ ߕߋ߲߬ ߥߊߟߌߘߊ ߏ߬ ߘߌ߫ ߕߎߣߎ߲߫. ߡߌ߬ߙߌ߲߬ߘߌ ߏ߬ ߛߋߕߐ߫ ߡߎ߲߬ ߞߣߐ߬ߜߍ߲߬ ߠߊ߫ ߥߟߊ߫ ߞߵߊ߬ ߞߙߐ߬ߛߌ߫ ߏ߬ ߞߏ ߘߐ߫؟

ߡߊ߬ߡߙߊ߬ߟߌ ߢߌߣߌ߲ߞߏ ߟߋ߬ ߊ߬ ߘߛߍ ߦߙߐ ߟߎ߬ ߛߊߞߍ ߘߌ߫.

ߡߙߊ߬ߘߊ ߢߌߣߌ߲ߞߏ ߦߋ߫ ߡߍ߲ ߘߌ߫߸ ߏ߬ ߟߋ ߊ߲ ߟߊ߲߬ߝߏ ߦߙߐ ߟߎ߬ ߣߴߊ߲ ߠߊ߫ ߘߊ
߲ ߠߎ߬ ߡߊߟߐ߲߫ ߘߌ߫، ߣߴߊ߬ ߞߵߊ߲ ߞߐߛߊ߬ߦߌ߲߬ ߞߐߣߊߞߙߌ߫߸ ߊߟߎ߫ ߟߊ߫ ߡߊ߬ߜߟߍ߬ߦߊ߬ߟߌ ߟߎ߬߸ ߟߊ߬ߞߙߐ߬ߛߌ߬ߟߌ ߟߎ߬߸ ߊ߬ߟߎ߬ ߞߊ߬ ߡߍ߲ ߢߊߝߐ߫ ߦߊ߲߬߸ ߊ߬ ߣߌ߫ ߡߙߊ߬ߓߊ߰ߘߊ߬ ߛߌߦߊߡߊ߲߫ ߠߊ߫ ߊ߲ ߕߊ߬ߡߌ߬ߣߍ߲߫ ߦߙߐ ߡߍ߲ ߠߎ߬ ߘߐ߫߸ ߏ߬ ߟߎ߬ ߦߋ߫ ߥߟߊ߬ߘߊ ߟߎ߫ ߟߋ߬ ߘߌ߫ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߕߊ߬ ߓߊߘߐ߫، ߊ߬ ߘߏ߲߬ ߊ߲ ߣߌ߫ ߞߊ߲ߕߌ߮ ߘߌ߫ ߘߊߘߐߖߊߥߏ ߞߍ߫ ߊ߬ ߞߊ߲߬߸ ߖߐ߲߰ߛߊ߫ ߟߢߊ߬ߟߌ߬ ߞߟߏߡߊ ߟߎ߬ ߘߌ߫ ߞߍ߫ ߞߊ߬ ߓߍ߲߬ ߡߙߊ߬ߘߊ ߟߊߓߊ߯ߙߢߊ ߡߊ߬߸ ߛߴߊ߬ ߘߴߌ ߡߊߘߏ߲߬ ߡߌ߬ߙߌ߲߬ߘߌ ߟߊ߫ ߝߣߊ߫ ، ߖߐ߲߰ߛߊ߫ ߏ߬ ߟߎ߬ ߘߴߊ߬ ߟߐ߲߫ ߞߏ߫ ߡߍ߲ ߦߋ߫ ߖߊ߬ߕߋ߬ߘߐ߬ߛߌ߮ ߛߎ߮ ߣߌ߲߬ ߘߐ߫، ߏ߬ ߓߊ߯ ߞߍ߫߸ ߊ߬ ߓߊ߯ ߞߍ߫ ߞߏ߫ ߘߌ߫߸ ߊ߬ߟߎ߬ ߘߌ߫ ߛߋ߫ ߞߵߊ߬ ߟߐ߲߫ ߣߌ߫ ߛߋ߲߬ߕߊ߮ ߦߋ߫ ߞߍ߫ ߟߊ߫ ߥߟߊ߫ ߍ߲߬ߍ߲߫.

ߏ߬ ߦߋ߫ ߘߎ߰ߘߋ߲߬ ߓߘߍ ߓߊ߯ߙߊ ߟߋ߬ ߘߌ߫߸ ߡߍ߲ ߘߌߣߊ߬ ߞߍ߫ ߖߊ߬ߕߋ߬ߘߐ߬ߛߌ߮ ߓߍ߯ ߓߊ߯ߙߊ ߜߋ߬ߟߎ߲߬ߓߊ߮ ߘߌ߫߸ ߛߴߊ߲ ߘߌ߫ ߛߋ߫ ߕߊ߯ ߟߊ߫ ߢߍ߫ ߊ߬ ߢߎߡߊ ߟߊ߫، ߡߊ߬ߜߟߍ߬ߦߊ߬ߕߊ ߘߏ߫ ߜߘߍ߫ ߟߎ߬ ߡߍ߲ ߠߎ߬ ߞߏߝߐߣߍ߲߫ ߡߐ߰ ߛߌߦߊߡߊ߲߫ ߓߟߏ߫߸ ߊ߲ ߓߘߴߊ߬ ߡߍ߲߫، ߊ߬ ߘߌ߫ ߞߋߟߊ ߟߊߛߋ߫، ߊ߬ ߣߴߊ߲ ߘߍ߲߬ߞߣߍ߬ߦߊ߬ߣߍ߲߫ ߊ߬ ߡߊ߬ ߞߏ߫ ߡߙߌߘߐ߫ ߓߘߍ ߟߎ߬ ߘߌ߫ ߛߎߥߊߘߌ߲߫ ߛߊ߫ ߞߊ߬ ߦߙߐ ߡߙߊ߬ߘߊ ߟߎ߬ ߣߴߊ߬ ߡߌ߬ߙߌ߲߬ߘߌ ߟߎ߬ ߡߊ߬ߘߏ߲߬ ߢߐ߲߮ ߠߊ߫ ߞߏߛߓߍ߫، ߒ ߕߍߣߊ߬ ߟߊ߬ߤߘߌ ߕߊ߬ ߟߴߊߟߎ߫ ߦߋ߫߸ ߞߏ߬ߣߌ߲߬ ߖߌ߬ߣߍ߬ ߟߊ߫ ߣߊ߬ߝߊ ߦߋ߫ ߞߎ߲߬ߠߊ߬ߛߌ߮ ߟߊ߫ ߣߊ߬ߝߊ ߟߋ߬ ߘߌ߫، ߊ߲ ߧߋ߫ ߜߘߋߘߎ߯ ߝߟߐߟߡߊ ߛߊ߲߬ ߃߀ ߓߌ߬ ߢߍ߫߸ ߊ߬ ߣߴߊ߬ ߓߌ߬ߟߊ߬ߡߊ ߡߊߝߟߍ߫ ߓߊ߫.

߁߉߈߉߸ ߁߉߉߀߸ ߁߉߉߁ ߛߊ
߲ ߠߎ߬ ߟߊ߫߸ ߊߟߎ߫ ߡߊ߫ ߦߋ߫ ߜߘߋߘߎ߯ ߟߐ߯ߟߐ߮ ߕߘߍ߬ ߦߋ߫ ߢߊ ߡߍ߲߸ ߟߊ߬ߡߌ߬ߣߌ߲߬ ߖߡߊߣߊ ߓߍ߯ ߕߘߍ߬ ߣߊ߬ ߟߊ߫ ߥߟߏߒߘߐ ߟߎ߫ ߛߊ߲߬ ߠߊ߫ ߦߊ߲߬، ߊ߬ ߘߏ߲߬ ߒ ߕߊ߫ ߡߙߌ߫ ߘߐ߫߸ ߊ߬ ߘߌ߫ ߛߋ߫ ߟߊߥߟߌ߬ ߟߊ߫ ߓߌ߬، ߓߊ߯ߙߊ߫ ߛߌߦߊߡߊ߲߫ ߠߋ߬ ߕߏߣߍ߲߫.

ߟߢߊ߬ߟߌ ߡߍ߲ ߠߎ߬ ߞߍߣߍ߲߫߸ ߊߟߎ߫ ߓߘߊ߫ ߏ߬ ߟߎ߬ ߞߏߝߐ߫، ߊ߬ ߘߏ߲߬ ߊ߲ ߞߊ߫ ߞߊ߲߫ ߞߊ߬ ߞߎߟߎ߲ߖߋߟߌ ߞߍ߫ ߏ߬ ߟߊ߫، ߞߏ߬ߣߌ߲߬ ߡߍ߲ ߕߏߣߍ߲߫߸ ߏ߬ ߟߋ ߞߊ߫ ߛߌߦߊ߫.

ߟߌ߬ߤߟߊ ߏ߬ ߘߐ߫. ߖߐ߲߰ߛߴߊ߲ ߘߌ߫ ߛߎߘߊ߲߫߸ ߊ߲ ߡߊ߬ߞߏ ߦߋ߫ ߡߍ߲ ߝߟߐ߫ ߟߊ߫߸ ߏ߬ ߟߋ ߖߐ ߘߌ߫، ߓߊ ߖߐ ߡߊ߬ߝߊ ߟߋ߬ ߞߣߐߡߊ߬߸ ߊ߲ ߘߌ߫ ߛߋ߫ ߘߊߘߐߝߙߊߢߐ߲߯ߦߊ ߣߌ߫ ߘߊߘߐߖߊߥߏ ߞߍ߫ ߟߊ߫߸ ߞߊ߬ ߖߊ߬ߕߋ߬ߘߐ߬ߛߌ߮ ߓߍ߯ ߦߋ߫ ߞߋߟߋ߲ߞߋߟߋ߲߫߸ ߞߊ߬ ߡߌ߬ߙߌ߲߬ߘߌ ߡߞߊ߬ߛߌ߬ߞߊ߲߬ߠߊ ߟߎ߬ ߟߊߡߍ߲߫߸ ߊ߬ ߣߌ߫ ߞߊ߬ ߡߙߌߘߐ ߟߎ߫ ߕߊ߬ ߞߍߕߊ߫ ߖߏߣߊ ߟߎ߬ ߞߊ߲ߡߊ߬، ߞߏ߬ߣߌ߲߬ ߣߌ߫ ߖߐ߫ ߕߍ߫ ߦߋ߲߬߸ ߣߌ߫ ߓߍ߲߬ ߕߍ߫ ߦߋ߲߬߸ ߏ߬ ߞߘߐ ߟߋ߬ ߞߏ߫ ߥߙߎߞߌ ߣߌ߫ ߢߍߕߊ߮ ߣߌ߫ ߘߐ߱ ߞߍ߬ߟߍ ߟߎ߬ ߘߌ߫ ߞߐߕߐߙߐ߲ߘߓߐ߫ ߏ߬ ߘߐ߫ ߞߵߊ߬ ߓߌ߬ߟߊ߬ ߥߊ߯ߕߌ߫ ߜߘߍ߫ ߟߊ߫.

ߜߘߋߘߎ߯߸ ߊߟߎ߫ ߓߘߊ߫ ߡߍ߲߫ ߡߊ߬ߞߐ߬ߣߐ߲߬ߠߌ߲ ߘߐ߫، ߛߏߕߌ߮ ߞߵߊ߬ ߝߐ߫ ߞߏ߫ ((ߜߘߋߘߎ߯ ߦߋ߫ ߞߊ߬ߛߌ ߟߊ߫))، ߞߏ߬ߣߌ߲߬ ߊߟߊ߫ ߟߊ߫ ߘߍ߬ߡߍ߲߬ߠߌ߲ ߞߣߐߡߊ߬߸ ߊ߲ ߘߴߊߟߎ߫ ߢߊߖߌ ߟߊ߫ ߕߍ߬ߙߍ߲߬ߘߍ߬ ߣߴߊߟߊ߫ ߛߐ߲߬ ߘߊ߫.

ߞߛߌ߬ߘߎ߯ ߞߐ߬ߟߏ߲ ߁߁ ߞߏ߲ߞߏߜߍ ߂߀߂߅

ߊ߲ ߞߊ߬ ߞߛߌ߬ߘߎ߯ ߣߌ߫ ߞߊ߲ߞߊ߲߫ ߕߍ ߛߌߟߊ ߞߏ ߞߎߡߊ ߟߊߥߌ߬ߟߌ ߡߍ߲ ߞߍ߫، ߓߍ߯ ߞߵߌ ߕߍ߯ߝߐ߫، ߒ ߧߋ߫ ߊߟߎ߫ ߞߎߟߎ߲ߖߋ߫ ߟߊ߫، ߓߊߏ߬߸ ߊߟߎ߫ ߟߊ߫ ߕߍߝߐ ߦߋ߫ ߊߟߎ߫ ߘߌߦߊߣߊ߲ߞߏ ߣߴߊߟߎ߫ ߣߊ߬ߕߊ ߟߋ߬ ߦߌ߬ߘߊ߬ ߟߊ߫ ߞߛߌ߬ߘߎ߯ ߣߌ߫ ߞߊ߲ߞߊ߲߫ ߕߍ ߛߌߟߊ ߞߏ߫ ߘߐ߫. ߏ߬ ߘߌ߫ ߘߐߓߍ߲߬ ߞߊ߬ ߓߌ߬ߟߊ߬ߢߐ߲߰ߡߊ ߟߊߣߐ߰ߦߊ߬. ߖߐ߲߰ߛߊ߫ ߊߟߎ߫ ߘߌ߫ ߛߋ߫ ߜߍߞߊ߲ߠߊ ߞߎߓߋߘߊ ߡߊߛߐ߬ߘߐ߲߬ ߠߊ߫ ߞߊߟߌߦߊ ߣߌ߫ ߣߐ߰ߦߊ߬ ߓߍ߯ ߘߐ߫، ߛߊ߫ ߡߐ߱ ߟߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߟߊ߫ ߞߎߟߎ߲ߞߎߟߎ߲ߠߌ߲ ߘߌ߫ ߣߐ߰ߦߊ߬. ߞߛߌ߬ߘߎ߯ ߛߌ߰ߓߊ߮ ߟߎ߬ ߘߐߙߐ߲߫ ߘߌߦߊߣߊ߲ߞߏ ߕߍ߫ ߏ߬ ߘߌ߫ ߘߋ߬، ߟߊ߬ߖߌ߬ߣߍ߬ ߘߌߡߊ߲ ߡߐ߰-ߐ-ߡߐ߰ ߢߍ߫ ߏ߬ ߓߍ߯ ߘߌߦߊߣߊ߲ ߣߴߏ߬ ߘߌ߫.

.ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߠߊ߫ ߥߙߎߞߌ ߕߍ߫ ߛߋ߫ ߞߍ߫ ߟߊ߫ ߖߎ߬ߓߌߟߊ ߓߟߏߦߕߊ ߟߎ߬ ߞߐ߫. ߛߊ߲߬ ߡߎ߰ߡߍ ߞߘߐ߫ ߡߐ߱ ߕߍ߫ ߛߋ߫ ߓߊ߯ߙߊ߫ ߛߌ߲ߘߌ ߟߊ߫ ߘߌ߲߬ߞߌߙߊ߫ ߘߐ߫ ߛߌߟߊ߫ ߕߍ߫ ߦߙߐ ߡߍ߲. ߓߊߏ߬߸ ߡߐ߰ ߛߌ߫ ߕߍߣߊ߬ ߊ߬ ߟߊ߫ ߣߊ߲߬ߝߟߏ ߘߏ߲߬ ߠߊ߫ ߘߊ߫ ߟߊ߫ ߦߙߐ߫ ߘߐ߫ ߖߊ߬ߓߌ߬ߦߊ߬ߟߌ ߕߍ߫ ߡߍ߲ ߠߊ߫، ߞߏ߫ ߊ߬ ߘߌ߫ ߛߋ߫ ߥߟߏߒߘߐ ߟߎ߬ ߟߥߊ߫ ߟߊ߫ ߟߊ߬ߥߟߏ߬ߟߌ߬ߘߊ ߟߊ߫. ߣߴߊ߲ ߣߊ߬ ߘߊ߫ ߡߊ߬ߞߟߐ ߟߎ߬ ߘߌ߫ ߛߊ߫ ߊ߬ߟߎ߬ ߘߌ߫ ߓߊ߯ߙߊ߫ ߘߎ߰ ߡߊߛߐ߬ߘߐ߲߬ߜߏ ߟߎ߬ ߞߣߐ߫. ߌ ߦߴߊ߬ ߟߐ߲߫ ߞߏ߫ ߊ߬ ߣߌ߫ ߕߣߊ߬ߡߊ ߛߌߦߊߡߊ߲߫ ߠߋ߬ ߣߊ߬ߕߐ߫ ߛߍߥߊ߫ ߕߍ߫ ߡߍ߲ ߘߐ߫ ߝߋߎ߫. ߏ߬ ߞߐߝߟߌ ߝߣߊ߫ ߘߌ߫ ߞߍ߫ ߊ߬ ߣߊ߬ߞߎ߲ ߣߝߊ߬ ߛߐ߬ߘߐ߲߬ߓߊ߬ߟߌ߬ߦߊ ߘߌ߫.

.

ߏ߬ ߘߐ߫ ߛߌߟߊ ߓߊ߯ߙߊ߫ ߛߙߊߕߌ ߓߌ߲ߓߌ߲ߣߍ߲߫ ߕߎ߬ߡߊ ߟߋ߬ ߡߊ߬. ߞߵߊ߬ ߓߍ߲߬ ߥߙߎߞߌ ߡߊ߬، ߊ߬ ߓߊ߯ߙߊ߫ ߡߊ߬، ߊ߬ ߣߌ߫ ߟߊ߬ߖߊ ߕߎ߬ߡߊ ߝߣߊ߫ ߡߊ߬. ߞߍߒߢߐ߲߰ߝߍ ߘߐ߫. ߞߏߛߊ߫ ߖߌ߬ߣߍ߬ ߕߌ߲߬ߞߎߘߎ߲ ߠߎ߬ ߘߌ߫ ߛߋ߫ ߥߙߎߞߌ߫ ߟߊ߫. ߊ߲ ߓߘߊ߫ ߡߍ߲ ߞߐ ߘߐ߫ ߞߏߖߎ߯ߦߊ߫. ߒ߬ ߡߙߌ ߘߌߣߊ߬ ߛߋ߫ ߊߟߎ߫ ߟߊ߫ߝߙߋߞߋ ߛߌߦߊߡߊ߲߫ ߡߊ߬. ߓߊߏ߬ ߘߌ߬ߢߍ߬ ߡߊ߲߫ ߞߊ߲߫ ߞߊ߬ ߞߍ߫ ߊߟߎ߫ ߣߌߘߐߞߏ ߏ߬ ߞߍߓߊߟߌߦߊ ߡߊ߬ ߖߡߊ߬ߣߊ ߣߌ߲߬ ߞߣߐ߫ ߝߛߍߞߘߎ߫. ߓߊ، ߕߌ߲߬ߞߎ߬ߘߎ߲߫ ߞߎ߲߬ߠߊ߬ߛߌ߰ߣߍ߲ ߠߋ߬ ߞߏߛߊ߫ ߊ߬ ߘߌ߫ ߛߋ߫ ߞߊ߬ ߢߊߞߎߘߦߊ߫ ߏ߬ ߘߐ߫ ߘߌ߬ߢߍ߬ ߕߍ߫ ߛߋ߫ ߞߍ߫ ߟߊ߫ ߏ߬ ߞߍߓߊߟߌߦߊ ߡߊ߬.

ߡߏ߬ߛߏ ߟߎ߬ ߊ߲ ߘߌߣߊ߬ ߓߊ߯ߙߊ߫ ߞߊߟߌߦߊ߫ ߘߝߊߣߍ߲ ߘߐ߫.

ߞߏ߫ ߛߌߦߊߡߊ߲߫ ߠߋ߬ ߓߘߊ߫ ߞߍ߫ ߞߙߎߝߊߟߌ ߢߍ߫، ߞߏ߬ߣߌ߲߬ ߊ߲ ߘߌߣߊ߬ ߓߍ߯ ߓߌ߬ߟߊ߬ ߓߊ߯ߙߊ߫ ߟߊ߫ ߛߊ߲
ߣߌ߲߬ ߠߊ߫ ߣߴߊߟߊ߫ ߘߌ߬ߢߍ߬ ߘߊ߫. ߊ߲ ߘߌߣߊ߬ ߝߍ߬ߙߍ ߟߎ߬ ߡߞߊ߬ߝߏ߬ ߖߐ߲߰ߛߊ߫ ߘߋ߲ߡߌߛߍ߲ ߠߎ߬ ߣߌ߫ ߡߏ߬ߛߏ ߟߎ߬ ߘߌ߫ ߛߋ߫ ߓߊ߯ߙߊ߫ ߟߊ߫ ߛߣߍ߬ߞߍ ߡߊ߬ߘߎ߮ ߘߐ߫. ߛߊ߫ ߟߊ߬ߥߟߏ߬ߟߌ ߘߌ߫ ߛߋ߫ ߡߞߊ߬ߝߏ߬ ߟߊ߫ ߞߊ߬ ߓߊ߲߫ ߞߊ߬ ߢߊ߬.ߊ߬ ߣߌ߫ ߛߊ߫ ߏ߬ ߘߌ߫ ߛߋ߫ ߞߍ߫ ߟߊ߫ ߛߐ߬ߘߐ߲߬ߘߊ ߘߌ߫ ߊ߬ߟߎ߬ ߢߍ߫ ߊ߬ߟߎ߬ ߘߌ߫ ߛߋ߫ ߊ߬ߟߎ߬ ߟߊ߫ ߞߐߙߍ ߖߐ߰ߣߍ ߟߎ߬ ߢߣߊߓߐ߫ ߟߊ߫ ߡߍ߲ ߘߐ߫. ߏ߬ ߦߋ߫ ߞߏ߫ ߟߋ߬ ߘߌ߫ ߊ߲ ߣߊ߬ߕߐ߫ ߡߍ߲ ߞߍ߫ ߟߊ߫.ߏ߬ ߞߐߝߍ߬ ߥߙߎߞߌ ߕߍ߫ ߣߊ߬ ߟߊ߫ ߓߘߍ߬ߓߘߍ߬ߟߌ ߓߙߊߡߊߖߊ߲ߓߊ߲߫ ߘߐߙߐ߲߫ ߘߐ߫. ߊ߲ ߣߊ߬ߣߍ߲߫ ߞߵߊ߬ߟߎ߬ ߟߊ߫ ߡߞߊ߬ߛߌ߬ߒ߬ߞߊ߲ߠߊ ߟߎ߬ ߟߋ߬ ߟߊߡߍ߲߫. ߝߐߕߊ ߣߌ߫ ߝߐߓߊߟߌ ߓߍ߯ ߞߊ߬ ߥߟߊ߬ߘߊ ߛߐ߬ߘߐ߲߬ ߏ߬ ߘߐ߫.

.ߒ ߞߵߊ߬ ߟߐ߲߫ ߊߟߎ߫ ߕߍߣߊ߬ ߛߋ߫ ߊߟߎ߫ ߡߙߌߦߊ ߓߍ߯ ߝߐ߫ ߟߊ߫ ߓߋߟߋ߲ߠߊ ߘߐ߫. ߞߏ߬ߣߌ߲߬ ߌߞߏߡߌ߲߬ ߒ ߞߵߊ߬ ߝߐ߫ ߢߊߡߍ߲ ߛߌߛߍ߲߬. ߊߟߎ߫ ߦߋ߫ ߟߴߊ߬ ߟߊ߫ ߞߏ߫ ߂߀߂߅ ߦߋ߫ ߖߌ߬ߣߍ߬ ߡߊ߬ ߛߊ߲߬ ߣߝߊ߬ߡߊ߬ߓߊ ߟߋ߬ ߘߌ߫. ߓߊ߯ߙߊߞߣߍߓߊ ߛߌߦߊߡߊ߲߫ ߠߋ߬ ߦߴߊ߲ ߓߟߏ߫. ߞߊ߬ ߛߊ߬ߦߌ߬ ߛߌ߰ߞߊ߲ ߞߎ߬ߙߎ߲߬ߘߎ ߞߣߐ߫. ߕߌ߲߬ߞߎߘߎ߲ ߠߎ߬ ߡߊ߬ߡߙߊ߬ߟߌ߬ߟߊ، ߗߋߦߊߟߌ ߞߙߍߞߙߍߣߍ߲ ߠߎ߬ ߟߐ߬ߘߎ߰ߓߊ ߟߋ߬ ߏ߬ ߟߎ߬ ߟߊ߫ ߖߡߊ߬ߣߊ ߞߏ߫ ߟߎ߫ ߢߡߊߦߟߍ߬ߡߊ߲ ߘߐ߫. .

ߢߡߊߦߟߍߡߊ߲ ߏ߬ ߘߊߡߌ߬ߣߊ߬ߕߐ߫ ߡߊ߬ߡߙߊ߬ߟߌ ߛߌ߲߬ߝߏ߲߬ߘߊ ߟߎ߬ ߛߙߍߘߍߦߊ ߟߋ߬ ߡߊ߬. ߞߵߊ߬ ߓߍ߲߬ ߣߊ߲߬ߒ߬ߕߊ߲ ߠߎ߬ ߢߌߣߌ߲ߞߏ ߡߊ߬.ߛߐ߬ߘߐ߲߬ߛߓߍ ߕߍ߫ ߡߐ߱ ߡߍ߲ ߠߊ߫، ߏ߬ ߟߋ߬ ߦߏ߫ ߌ ߟߊ߫ ߞߏߟߐ߲ߣߍ߲߫ ߕߍ߫ ߘߐ߬ߛߙߋ ߝߊ߬ߛߏ߬ߟߊ߬ߞߊ ߘߐ߫. ߞߊ߬ߝߏ ߕߍ߫ ߛߋ߫ ߡߐ߰ ߘߍ߬ߡߍ߲߬ ߠߊ߫ ߊ߬ ߡߊ߫ ߡߍ߲ ߡߊߟߐ߲߫. ߏ߬ ߝߣߊ߫ ߘߌ߫ ߞߍ߫ ߛߊߓߎ߫ ߘߌ߫ ߞߊ߬ ߡߌ߬ߙߌ߲߬ߘߌ ߞߟߊߓߎߡߦߊ ߛߐ߬ߘߐ߲߬ߛߓߍ߬ ߢߎߡߍߙߋ߲ߡߊ ߕߊ ߟߊ߫. ߖߐ߲߰ߛߊ߫ ߊ߬ ߘߌ߫ ߛߋ߫ ߡߊ߬ߟߐ߲߬ ߔߊߔߘߊ ߕߙߏ߬ߞߏ߬ߦߊ߬ߣߍ߲ ߛߐ߬ߘߐ߲߬ ߠߊ߫ ߏ߬ ߡߍ߲ ߞߍߕߐ߫ ߊ߬ ߟߊ߫ ߝߙߍ߫ ߟߊ߫߸ ߌ ߘߏ߲߬ ߕߍ߫ ߝߏ߬ߦߌ߬ ߛߙߊ߬ ߟߴߊ߬ ߘߐ߫.ߏ߬ ߘߌ߫ ߞߍ߫ ߛߊߓߎ߫ ߘߌ߫ ߖߡߊ߬ߣߊ ߝߣߊ߫ ߘߌ߫ ߘߐ߬ߛߙߋ ߛߐ߬ߘߐ߲߬ ߞߊ߬ ߛߋ߫ ߛߐ߬ߘߐ߲߬ߘߊ ߟߎ߬ ߘߐߕߟߊ߫ ߞߏߢߌ߲ ߠߊ߫. ߓߊߏ߬߸ ߣߴߌ ߞߵߊ߬ ߡߊߝߟߍ߫ ߞߛߌ߬ߘߎ߯ ߡߌ߬ߙߌ߲߬ߘߌ ߓߊߟߌ߫ ߘߊ߫ ߛߊ߲߬ ߁߀ ߞߘߐ߫ ߊ߬ ߢߐ߲߰ ߝߌ߬ߟߊ߬ ߟߋ߬ ߟߊ߫. ߏ߬ ߘߴߊ߬ ߦߌ߬ߘߊ߬ ߞߏ߫ ߞߊ߬ߙߊ߲߬ߕߊ ߟߐ߬ߣߍ߲ ߠߎ߬ ߞߊ߫ ߞߊ߲߫ ߞߊ߬ ߞߊ߬ ߡߞߊ߬ߝߏ߬. ߛߌ߰ߓߏ߲ ߠߎ߬ ߞߊ߫ ߞߊ߲߫ ߞߊ߬ ߡߞߊ߬ߝߏ߬، ߘߊ߲ߘߊߟߌ ߕߊ߲ߓߊ߲߫ ߠߎ߬ ߞߊ߫ ߞߊ߲߫ ߞߊ߬ ߡߞߊ߬ߝߏ߬. ߊ߬ ߝߐߢߊ߫ ߜߘߍ߫ ߘߐ߫، ߝߋ߲-ߋ-ߝߋ߲߫ ߞߊ߬ ߞߊ߲߫ ߞߊ߬ ߞߏ߫ ߟߎ߫ ߟߊߣߐ߰ߦߊ ߓߐ߰ߝߍ ߏ߬ ߛߌ߰ߓߊ߮ ߟߎ߬ ߢߍ߫ ߏ߬ ߓߍ߯ ߞߊ߫ ߞߊ߲߫ ߞߊ߬ ߞߍ߫ ߦߋ߲߬.

ߞߏ߫ ߝߌߟߊߣߊ߲ ߡߍ߲ ߞߊ߲ ߏ߬ ߟߋ߬ ߛߌߡߊ߲ߘߎ߯ ߂߀߄߀ ߘߌ߫.

.ߒ ߠߋ߫ ߞߎߡߊ߫ ߟߊ߫

ߊ߬  ߘߏ߫ ߟߎ߫ ߢߣߊ߫ ߟߋ߬ ߞߏ߫ ߊ߲ ߞߊ߫ ߞߊ߲߫ ߠߋ߬ ߞߵߊ߲ ߛߌ߰ ߤߊ߲߯ ߂߀߄߀ ߞߵߊ߬ ߡߊߝߟߍ߫ ߊ߬ ߞߍߕߐ߫ ߓߊ߯ ߞߍ߫ ߢߊߡߍ߲ ߞߵߏ߬ ߟߐ߲߫، ߒ ߘߴߊ߬ ߝߐ߫ ߊߟߎ߫ ߢߣߊ߫ ߞߏ߫ ߛߌߡߊ߲ߘߎ߯ ߢߍߥߟߊ߫ ߓߘߊ߫ ߘߊߡߌ߬ߣߊ߬ ߘߋ߬. ߡߍ߲ ߠߎ߬ ߦߴߊ߬ ߞߟߊ߬ߡߊ߬ ߏ߬ ߟߎ߬ ߞߵߊ߬ ߟߐ߲߫ ߞߏ߫ ߣߍ߰ߛߌߟߊ ߓߘߊ߫ ߦߋ߫ ߘߊߡߌ߬ߣߊ߬. ߖߎ߬ߓߌߟߊ ߓߘߊ߫ ߦߋ߫ ߘߊߡߌ߬ߣߊ߬، ߞߏ߬ߣߌ߲߬ ߛߌߡߊ߲ߘߎ߯ ߂߀߄߀ ߓߘߊ߫ ߘߊߡߌ߬ߣߊ߬ ߢߊ߫ ߜߘߍ߫ ߡߊ߬. ߏ߬ ߟߋ߬ ߞߏߛߐ߲߬ ߒ ߧߋ߫ ߞߎ߲߬ߠߊ߬ߛߌ߰ ߣߌ߫ ߞߏߕߌ߯ߘߊ ߓߐߣߍ߲ߢߐ߲߰ߡߊ ߟߎ߬ ߣߌ߫ ߕߌ߲߬ߞߎߘߎ߲ ߠߎ߬ ߡߊ߬ߡߙߊ߬ߟߌ߬ߟߊ ߟߎ߬، ߛߎߥߊ߲ߘߌߣߍ߲ ߠߎ߬، ߛߌ߰ߓߊ߮ ߖߊ߯ߙߋߣߍ߲ ߠߎ߬، ߞߏ߫ ߊ߬ߟߎ߬ ߦߴߊ߬ߟߎ߬ ߥߟߌ߬ ߞߵߊ߬ߟߎ߬ ߓߟߏߘߐߓߍ߲߬ ߞߏߛߊ߫ ߛߌߡߊ߲ߘߎ߯ ߂߀߄߀ ߘߌ߫ ߞߍ߫ ߢߡߊߦߟߍߡߊ߲ ߢߍߕߊ߯ ߥߟߌ߬ߟߊ߲ ߘߌ߫ ߞߊ߬ ߞߍ߫ ߥߙߎߞߌ ߘߌ߫ ߕߌ߲߬ߞߎߘߎ߲߫ ߝߊ߲
ߓߍ߯ ߘߐ߫. ߢߌ߬ߣߌ߲߬ߞߊ߬ߟߌ ߞߐ߯ߣߍ߲ ߦߋ߫ ߡߍ߲ ߘߌ߫ ߝߏ߫ ߊ߲ ߧߋ߫ ߡߙߌ ߟߋ߬ ߟߊߟߐ߬ ߛߍߣߍ߲߬ ߞߊ߬ ߢߝߍߟߊ ߡߞߊߘߊ߲߫، ߣߴߏ߬ ߕߍ߫ ߊ߬ ߖߐ߬ߘߐ ߦߋ߫ ߒ ߠߊ߫ ߓߟߏߟߞߊߟߌ߲ ߠߎ߬ ߞߊߣߊ߬ ߞߐ߲߬ ߕߊ߬ߡߌ߲߬ߦߙߐ߫ ߓߘߍ ߟߎ߬ ߡߌ߬ߣߊ ߡߊ߬. ߏ߬ ߘߐ߫߸ ߝߏ߫ ߞߊ߬ߝߏ ߦߴߊ߬ ߓߟߏߟߞߊߟߌߦߊ߫ ߟߋ߬ ߞߏߛߊ߫ ߊ߲ ߞߊߣߊ߬ ߥߊ߫ ߗߌߙߏ߲ߠߌ߲ ߟߌ߬ߤߟߊ ߘߏ߫ ߦߴߊ߬ ߘߐ߫. ߝߙߊߣߊ߫ ߕߌ߲߬ߞߎߘߎ߲ ߠߋ߬ ߖߌ߬ߣߍ߬ ߣߌߟߊߞߟߌ ߘߌߦߊ ߘߌ߫، ߊ߬ߟߋ ߟߋ߬ ߖߌ߬ߣߍ߬ ߕߊ߲ߓߊ߲ ߝߣߊ߫ ߘߌ߫. ߝߋ߲ ߓߍ߯ ߦߋ߫ ߕߊ߬ߡߌ߲߬ ߠߊ߫ ߦߊ߲߬ ߠߋ߬. ߌ ߓߊ߯ ߞߍ߫ ߕߌ߲߬ߞߎ߬ߘߎ߲߬ ߛߌ߫ ߟߊߛߐ߬ߘߐ߲߬ ߞߏ ߘߐ߫. ߝߴߌ ߦߋ߫ ߕߊ߬ߡߌ߲߬ ߕߊ߲ߓߊ߲ ߘߐ߫ ߟߋ߬، ߏ߬ ߟߋ߬ ߞߏߛߐ߲߬ ߝߙߊߣߊ߫ ߕߌ߲߬ߞߎߘߎ߲ ߝߙߋߞߋ ߟߐ߬ߣߍ߲ ߖߎ߬ߓߌߟߊ ߞߏ ߟߋ߬ ߡߊ߬. ߊ߬ ߣߌ߫ ߣߊ߲߬ߝߟߏ߬ߘߏ߲߬ߘߊ߬ ߟߊ߫ ߓߟߋߓߟߋ. ߊ߲ ߞߊ߫ ߞߊ߲߫ ߞߊ߬ ߛߌߣߌ߲߫ ߢߍߛߌ߰ ߛߊ߲߬ ߕߊ߲߫ ߣߊ߬ߕߐ߫ ߟߊ߫ ߢߌ߲߬ ߘߐ߫. ߞߏߛߊ߫ ߝߙߊߣߊ߫ ߕߌ߲߬ߞߎߘߎ߲߫ ߘߌ߫ ߓߐ߫ ߢߟߊ߫. ߛߌߡߊ߲ߘߎ߯ ߂߀߄߀ ߦߋ߫ ߞߍ߫ ߢߡߊߦߟߍߡߊ߲߫ ߞߘߐߕߊߟߌ ߘߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߝߊ߬ߛߏ߬ߟߊ߬ߞߊ ߟߊ߫ ߘߎ߲߬ߧߊ ߛߊߓߎ߫ ߟߊ߫. ߖߌ߬ߣߍ߬ ߝߊ߲
ߓߍ߯، ߊ߬ ߣߌ߫ ߖߌ߬ߣߍ߬ߞߊ ߓߍ߯ ߟߊ߫ ߥߙߎߞߟߌ ߣߊ߬ߕߊ ߞߏߛߐ߲߬. ߊ߲ ߣߊ߬ߣߍ߲ ߦߟߌߣߐ ߕߊ߬ ߟߊ߫ ߏ߬ ߟߋ߬ ߞߊ߲߬ ߊ߬ ߣߌ߫ ߞߊ߬ ߞߏ߫ ߟߎ߫ ߡߊߦߟߍ߬ߡߊ߲߬ ߡߊ߬ߡߙߊ߬ߟߌ ߘߌ߲߬ߞߌߙߊ ߓߍ߯ ߘߐ߫. ߞߎߣߎ߲߬ ߕߘߍ߬ ߞߎߣߎ߲߬ ߠߋ߬ ߘߌ߫، ߓߌ߬ ߊ߲ ߧߋ߫ ߤߊ߲ߞߟߌߣߊ߲ ߠߎ߬ ߡߝߊ߬ߟߋ߲߬ ߛߍߣߍ߲߬. ߞߊ߬ ߞߏ߫ ߟߎ߫ ߜߊ߲ߞߎ߲߬ ߢߐ߲߮ ߠߊ߫ ߜߍߘߐߦߊ ߓߟߏߡߊ߬. ߓߟߐߟߐ ߕߍ߫ ߘߊ߰ߡߎ߲߬ ߘߌ߫ ߡߎ߬ߕߎ߲߬. ߓߊ߯ߙߊ߫ ߟߊ߫ ߣߐ߰ߦߊ߬ߟߊ߲ ߠߋ߬.

ߕߐ߲ߓߟߏߡߟߊ ߟߎ߬، ߘߊ߲ߘߊߛߏ ߟߎ߬ ߕߌ߲߬ߞߎߘߎ߲ ߠߎ߬ ߡߊ߬ߡߙߊ߬ߟߌ߬ߟߊ ߟߎ߬ ߣߌ߫ ߡߊ߬ߡߙߊ߬ߟߌ ߛߌ߲߬ߝߏ߲߬ߘߊ ߟߎ߬ ߓߍ߯ ߤߊߟߌ߬ ߞߊ߬ߙߊ߲߬ߕߊ ߟߎ߬ ߝߣߊ߫ ߦߋ߫ ߜߊ߲߬ߞߎ߲߬ ߛߊ߲߬ ߣߊ߬ߕߐ߫ ߢߌ߲߬ ߘߐ߫. ߊ߲ ߘߌߣߊ߬ ߝߙߍ߬ ߟߎ߬ ߛߌ߰ ߛߋ߲߬ߞߊ߲߬. ߖߐ߲߰ߛߊ߫ ߡߐ߱ ߡߊ߬ߞߏ ߕߍߣߊ߬ ߞߍ߫ ߟߊ߫ ߞߐߣߊߞߙߌ߫ ߥߊߟߌ߫ ߞߏ߫ ߟߊ߫ ߕߊ߯ߡߊߛߓߍ ߞߏ ߣߐ߬ ߝߍ߬. ߝߏ߫ ߡߊ߬ߡߙߊ߬ߟߌ ߦߴߊ߬ ߟߐ߬ߘߎ߮ ߝߊ߫ ߡߌ߬ߙߌ߲߬ߘߌ ߢߍ߫ ߝߊ߲
ߓߍ߯ ߟߋ߬. ߏ߬ ߟߋ߬ ߘߴߊ߬ ߞߍ߫ ߡߐ߱ ߖߎ߬ߛߎ ߘߌ߫ ߛߋ߫ ߘߐߝߎߟߋ߲߫ ߠߊ߫ ߊ߬ߟߎ߬ ߘߴߊ߬ߟߎ߬ ߖߘߍ߬ ߦߋ߫ ߘߎ߰ߘߋ߲ ߘߌ߫. ߒ߬ߓߊ߬߸ ߏ߬ ߟߋ߬ ߦߋ߫ ߜߘߌߛߌ߯ߞߎߘߊ ߟߊ߬ߢߌߣߌ߲ ߘߌ߫. ߏ߬ ߟߋ߬ ߦߋ߫ ߞߊ߲ߓߍ߲ ߞߊ߲ߕߌ߯ ߢߌߣߌ߲ߞߏ ߘߌ߫. ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߣߊ߬ߕߊ ߘߐ߫ ߜߘߌߛߌ߯ߞߎߘߊ ߦߋ߫ ߢߡߊߦߟߍߡߊ߲ ߘߐߘߎ߲߬ߧߊ߬ߣߍ߲ ߠߋ߬ ߘߌ߫ ߛߌ߲߬ߝߏ߲߬ߘߊ߬ ߟߎ߬ ߝߣߊ߫ ߕߊ ߓߟߏߡߊ߬، ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߓߟߏߡߊ߬، ߊ߬ ߣߌ߫ ߤߊߟߌ߬ ߤߊ߲ߞߟߌߦߊ ߞߘߐ ߕߊ߬ߡߌ߲߬ߣߍ߲ ߠߎ߬ ߊ߲ ߠߊ߫ ߖߡߊ߬ߣߊ ߞߣߐ߫.

ߊ߲ ߞߊ߫ ߞߊ߲߫ ߞߵߊ߲ ߢߊ ߝߏ߬ߦߌ߬ ߢߝߍߟߊ ߘߐ߫، ߢߝߍ ߕߊ߯ ߘߐ߫، ߊ߬ ߣߌ߫ ߢߊߞߎߘߦߊߟߌ ߘߐ߫، ߞߍߞߋߟߋ߲ߘߌ ߘߐ߫، ߡߊ߬ߝߊ ߘߐ߫، ߊ߬ ߞߘߐ ߕߍ߫ ߞߏ߫ ߝߏ߫ ߌ ߣߌ߫ ߡߍ߲ ߦߋ߫ ߓߐߛߎ߲߫ ߞߋߟߋ߲ߘߌ߫. ߊ߬ ߖߍ߬ߘߍ ߖߍ߬ߘߍ ߦߋ߫ ߊߟߎ߫ ߟߊ߫ ߢߐ߲߯ ߣߝߊ ߟߋ߬ ߘߌ߫. ߓߍ߲
ߞߣߐߡߊ߬ ߊ߲ ߧߴߊ߲ ߢߊߕߋߟߋ߲߫ ߊ߲ ߢߐ߲߮ ߠߊ߫ ߞߊ߬ ߖߡߊ߬ߦߊ ߟߊ߫ ߥߙߎߞߌ߫ ߏ߬ ߟߋ߬ ߘߌ߫ ߛߋߞߏߦߊ߫ ߟߊߥߟߏ߫ ߞߵߊ߲ ߠߊ߫ ߞߊ߬ߝߏ ߓߊ߲ߓߊ߲߫ ߞߵߊ߲ ߠߊ߫ ߞߊ߬ߝߏ ߓߊߛߌ߰ߣߍ߲ ߕߏ߫. ߞߴߊ߲ ߞߍ߫ ߞߊ߬ߝߏ߬ ߢߊߞߎߘߦߊߣߍ߲ ߘߌ߫. ߣߴߊ߲ ߘߏ߲߬ ߦߴߊ߬ ߝߍ߬ ߏ߬ ߦߋ߫ ߓߍ߲߬ ߝߏ߫ ߊ߲ ߧߋ߫ ߕߊ߬ߡߌ߲߬ ߖߌ߬ߣߍ߬ ߕߊ߲ߓߊ߲ ߠߋ߬ ߝߍ߬ ߣߴߏ߬ ߦߋ߫ ߝߙߊߣߊ߫ ߕߌ߲߬ߞߎߘߎ߲ ߘߌ߫.

ߒ ߧߋ߫ ߊߟߎ߫ ߞߎߟߎ߲ߖߋ߫ ߟߊ߫.

ߟߊ߬ߞߐ߰ߟߌ ߦߋ߫ ߛߌߣߌ߲߫ ߘߐߓߍ߲
ߠߋ߬ ߘߌ߫، ߡߊߣߊ߲ߞߎ߲ ߢߣߊߡߊ ߝߟߐ ߡߍ߲ ߓߊ߯ ߞߍ߫ ߖߡߊ߬ߣߊ ߟߊ߫ ߏ߬ ߟߴߊ߬ ߡߐ߱ ߟߎ߬ ߝߟߐ߫ ߘߌ߫، ߊߟߊ߫ ߕߊ߲ߘߏ߫ ߘߊ߬ߡߊ߲߬ߘߎ߰ ߛߐ߬ߘߐ߲߬ߘߊ ߟߎ߬ ߦߴߊ߲ ߓߟߏ߫، ߛߣߍ߬ߘߎ߰ ߟߎ߬ ߦߴߊ߲ ߓߟߏ߫. ߞߐ߬ߡߌߛߍ߲ ߠߎ߬ ߦߴߊ߲ ߓߟߏ߫

ߡߎ߲߬ ߘߛߍߣߍ߲߫ ߊ߲ ߘߐ߫ ߞߊ߬ ߥߙߎߞߌ߫ ߏ߬ ߟߋ߬ ߓߊ߯ߙߊ߫ ߛߋߞߏߦߊ ߟߞߊߟߌ߲ ߘߌ߫، ߞߏߛߊ߫ ߞߊ߬ ߛߌ߲߬ߝߏ߲߬ߧߊ߬ߟߌ ߞߍ߫ ߘߊߞߎ߲ ߢߌ߲߬ ߠߎ߬ ߓߍ߯ ߡߝߊ߬ߟߋ߲߬ ߞߊ߲ߡߊ߬ ߊ߲ ߣߴߊ߲ ߞߏߟߊߘߍߢߐ߲߯ ߠߎ߬ ߌߙߌߦߏߕߌ߲ߕߏ߫، ߟߊ ߍߝ ߘߋ ߕߙߌߞ ߊߝߙߌߞߊ߬ ߊ߬ ߣߌ߫ ߓߊ߯ߙߊ ߟߊ߬ߞߐ߰ߟߌ ߛߋ߲ߒߞߏߟߦߊ ߥߣߊ ߞߏߕߌ߯ߘߊ ߊ߬ߟߎ߬ ߦߋ߫ ߕߊ߲ߓߊ߲ ߠߊߞߊ߬ ߟߊ߬ߞߐ߰ߟߌ ߟߎ߬ ߞߊ߲ߡߊ߬ ߡߊ߬ߞߏ ߦߋ߫ ߡߍ߲ ߠߎ߬ ߞߍߟߌ ߟߊ߫ ߌߞߘߐߞߘߐ߫ ߕߋ߲߬ ߞߵߊ߬ ߓߍ߲߬ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߞߍߕߊ ߟߎ߬ ߡߊ߬. ߓߊߏ߬߸ ߛߌߡߊ߲ߘߎ߯ ߦߋ߫ ߖߊ߬ߕߋ߬ߘߐ߬ߛߌ߰ ߢߊ߬ߕߣߐ߬ߡߊ߬ߓߊ ߟߋ߬ ߘߌ߫ ߊ߲ ߠߊ߫ ߖߡߊ߬ߣߊ ߢߍ߫. ߤߊߟߌ߬ ߝߘߊ߬ߝߌ߲߬ߠߊ߫  ߕߟߋ߬ߓߋ߬ߞߊ ߓߍ߯ ߡߊ߬.

ߛߊ߫ ߖߊ߬ߕߋ߬ߘߐ߬ߛߌ߮ ߦߋ߫ ߓߍ߲߬ ߊ߲ ߣߊ߬ߕߊ ߡߊ߬. ߦߏ߫ ߞߊ߬ ߘߏ߲߬ ߊ߲ ߠߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߗߏ߯ߦߊ ߘߐ߫ ߞߵߊ߬ ߝߡߊ߬ߟߋ߲߬، ߝߏ߫ ߊ߲ ߧߋ߫ ߡߐ߰ ߓߘߍߓߘߍ ߟߊߞߐ߯ߣߍ߲ ߠߎ߬ ߟߋ߬ ߟߊߓߐ߫. ߏ߬ ߟߋ߬ ߞߏߛߐ߲߬ ߊ߲ ߧߴߊ߲ ߞߏߟߊߘߍߢߐ߲߯ ߠߎ߬ ߝߏ߬ ߟߊ߫، ߡߍ߲ ߠߎ߬ ߟߊ߫ ߦߋߟߌ ߛߋߣߍ߲ ߛߣߌߥߊߟߎ߬ ߟߊ߫ ߛߊ߲߬ߘߊ ߘߏ߫ ߡߊ߬ ߞߏ߫ ߛߊ߬ߣߌ߬ ߌ ߦߋ߫ ߡߐ߱ ߛߐ߫ ߖߍ߮ ߟߊ߫ ߊ߬ ߞߊ߬ߙߊ߲߬ ߖߍ߯ߡߌߣߊ ߟߊ߫. ߏ߬ ߞߘߐ ߟߋ߬ ߞߏ߫ ߊ߲ ߠߊ߫ ߘߋ߲ߡߌߛߍ߲ ߛߌߓߟߏߡߊߓߍ߯ ߞߊ߫ ߞߊ߲߫ ߠߋ߬ ߞߊ߬ ߟߊߞߐ߰ ߞߏߛߊ߫ ߊ߬ߟߎ߬ ߘߌ߫ ߛߋ߫ ߓߊ߯ߙߊ߫ ߟߊ߫ ߦߋ߲߬ ߢߊߡߍ߲ ߊ߬ߟߎ߬ ߖߘߍ߬ ߢߍ߫ ߊ߬ ߣߌ߫ ߖߡߊ߬ߣߊ ߢߍ߫. ߞߊ߬ ߕߊ߬ߡߌ߲߬ ߟߐ߲ߠߌ߲ߛߐ߬ߘߐ߲߬ ߠߴߊ߬ ߞߏ ߞߊ߲߬ ߘߏ߯ߣߍ߲ ߘߏ߯ߣߍ߲߫. ߤߊ߲߯ ߞߊߣߊ߬ ߞߍ߫ ߊ߬ ߥߊ߬ߣߊ ߘߌ߫ ߛߊ߫. ߖߐ߲߰ߛߊ߫ ߟߏ߲ ߘߏ߫ ߊ߲ ߘߌ߫ ߛߋ߫ ߓߟߏߡߊߘߍ߬ߡߍ߲߬ ߛߋߞߏߦߊߕߌ߯ ߟߎ߬ ߟߊߕߊ߯ ߟߊ߫ ߖߡߊ߬ߣߊ߬ ߜߘߍ߫ ߟߎ߫ ߘߐ߫ ߣߌ߫ ߡߍ߲ ߡߊ߬ߞߏ ߓߌ߬ߟߊ߬ ߘߊ߫ ߊ߲ ߠߊ߫. ߏ߬ ߦߋ߫ ߜߊ߬ߛߊ ߣߌ߫ ߞߘߎ߬ߜߍߟߍ߲ ߠߋ߬ ߓߌ߬ߟߊ߬ߣߍ߲ ߘߌ߫ ߊߟߎ߫ߞߘߐ߫. ߊߟߎ߫ ߦߋ߫ ߓߊ߯ߙߊ߫ ߞߏߛߊ߫ ߛߊ߲߬ ߕߊ߲߫ ߣߊ߬ߕߐ ߣߌ߲߬ ߞߘߐ߫، ߖߌ߬ߣߍ߬ ߦߋ߫ ߛߋ߫ ߥߙߎߞߌ߫ ߟߊ߫ ߓߟߏߦߊߟߌ ߞߍߗߌߦߊ ߟߎ߬ ߟߊ߫ ߡߍ߲ ߖߍ߬ߘߍ ߣߊ߬ߝߊ ߘߌ߫ ߛߋ߫ ߝߘߊ߬ߝߌ߲߬ ߖߡߊߣߊ ߜߘߍ߫ ߟߎ߫ ߝߣߊ߫ ߡߊ߬.

ߊߟߎ߫ ߓߍ߯ ߞߎߟߎ߲ߖߋ߫ ߌߙߌߦߏߕߌ߲ߕߏ، ߟߊߍߝ ߘߋ ߞߎߟߎ߲ߖߋ߫، ߕߙߌߛ ߊߝߙߌߞߊ߬ ߞߎߟߎ߲ߖߋ߫ ߛߋ߲ߞߏߟߦߊ ߓߊ߯ߙߊ߫ ߡߞߊ߬ߙߊ߲߬ߠߌ߲ ߓߟߏߡߊߞߊ߬ߣߍ߲ ߞߏߕߌ߯ߘߊ ߝߣߊ߫ ߞߎߟߎ߲ߖߋ߫ ߊ߲ ߠߊ߫ ߞߘߎ߬ߜߍߟߍ߲ ߝߊ߲ߓߊ ߦߴߊߟߎ߫ ߟߋ߬ ߓߟߏ߫ ߓߌ߬ ߣߴߊ߬ ߦߋ߫ ߓߊ߯ߙߊ߫ ߞߏ ߘߌ߫. ߘߋ߲ߡߌߛߍ߲ߗߋ߲߬ߥߟߎ ߦߙߌߞߊ ߟߋ߬ ߖߌ߰ߟߊ߬ߝߏ߬ߦߊ߬ߣߍ߲ ߦߋ߫ ߖߐ߬ߘߐ ߕߊ߬ ߟߊ߫ ߓߌ߬ ߞߏ߫ ߝߏ߫ ߊ߬ߟߎ߬ ߓߊ߯ ߞߐ߰ߖߌ ߕߍ߰ ߥߟߊ߫ ߞߊ߬ ߕߊ߯ ߞߌ߬ߢߍ߬ߞߏ߲ߞߏ ߞߊ߲߬ ߓߊ߯ߙߊ߫ ߡߞߊߙߊ߲ߓߊߟߌߦߊ ߟߋ߬ ߘߏ߲߬ ߏ߬ ߕߎ߬ߙߎ ߘߌ߫.

ߊ߬ ߘߏ߲߬ ߟߊ߬ߞߐ߰ߟߌ ߖߎ߬ߓߌߟߊ ߟߎ߬ ߦߴߊ߲ ߓߟߏ߫، ߊ߲ ߞߊ߫ ߞߊ߲߫ ߞߊ߬ ߡߍ߲ ߠߎ߬ ߟߊߢߊ߬ ߞߵߊ߬ߟߎ߬ ߡߐ߬ߟߐ߲߬ߡߊ߬ߦߊ߫.

ߋߙߊߡ ߦߴߊ߲ ߓߟߏ߫ ߘߊߓߏߟߊ߫ ߊ߬ ߣߌ߫ ߤߊߟߌ߬ ߦߙߐ߫ ߜߘߍ߫ ߟߎ߫ ߘߐ߫.ߊ߲ ߞߊ߫ ߞߊ߲߫ ߞߊ߬ ߣߊ߲߬ߝߟߏ ߘߏ߲߬ ߘߊ߫ ߟߊ߫، ߞߏߛߊ߫ ߟߞߊ߬ߙߊ߲߬ߠߌ߲ ߛߋߞߏߟߊ ߟߊ߬ߞߐ߰ߟߌ ߓߟߏߡߊߞߊ߬ߣߍ߲ ߘߌ߫ ߛߋ߫ ߥߙߎߞߌ߫ ߟߊ߫ ߞߊ߬ ߕߊ߬ߡߌ߲߬ ߝߘߏ߬ߓߊ߬ ߟߞߊ߬ߙߊ߲߬ߠߌ߲ ߞߊ߲߬.

ߝߏ߫ ߞߊ߬ ߛߋ߫ ߜߟߍ߬ߦߊ ߏ߬ ߟߋ߬ ߞߟߍ߬ ߟߊ߫ ߞߵߊ߲ ߡߊ߬ߞߏ ߛߐ߬ߘߐ߲߬. ߓߐ߬ߟߐ߲߬ߞߊ ߞߏߕߌ߮ ߞߊ߬ ߕߊ߬ ߢߌ߬ߣߊ߲ ߡߊ߬ ߊ߲ ߞߊ߫ ߞߊ߲߫ ߞߊ߬ ߞߘߎ߬ߜߍߟߍ߲ ߏ߬ߟߊߥߟߌ߬. ߛߊ߫ ߘߋߣߍ߲ ߠߎ߬ ߟߊ߫ ߞߎ߲߬ߝߍ߬ߕߊ߮ ߘߌ߫ ߘߊߓߌ߬ߟߊ߬ ߌ ߓߟߏߘߐߓߍ߲߬ ߛߊ߫ ߊ߲ ߠߊ߫ ߓߊ߯ߙߊ߫ ߡߞߊߙߊ߲ ߞߊ߬ߙߊ߲߬ߕߊ ߟߎ߬ ߘߌ߫ ߛߋ߫ ߘߋ߲ߡߌߛߍ߲ ߠߎ߬ ߟߊߞߢߐ߬ߡߊ߬ ߟߊ߫. ߛߊ߫ ߊ߬ߟߎ߬ ߘߌ߫ ߛߋ߫ ߟߊߓߊ߯ߙߊ߫ ߟߊ߫. ߞߊ߬ ߣߐ߬ ߛߐ߬ߘߐ߲߬ ߊ߬ߟߎ߫ ߖߘߍ߬ߞߊߣߌ߲ ߠߊ߫ ߥߙߎߞߌ ߞߏ ߡߊ߬ ߘߊߞߎ߲ ߓߐߣߍ߲ߢߐ߲߰ߡߊ ߟߎ߬ ߘߐ߫.

ߞߊ߬ ߓߊ߲߫ ߞߵߊ߬ߟߎ߬ ߘߐߓߍ߲߬ ߝߊ߯ߘߐߞߍ ߡߊ߬ߦߟߍ߬ߡߊ߲߬ߠߌ߲ ߢߍ߫ ߸ ߏ߬ ߡߍ߲ ߦߴߊ߬ ߞߊ߲߬ ߞߊ߬ ߘߎߢߊ߫ ߡߎ߰ߡߍ߫ ߝߊ߬ߟߋ߲߬ ߕߎ߬ߡߊ ߓߍ߯. ߛߋ߲ߞߏߟߦߊ ߞߎߘߊ߫ ߟߊ߫ ߡߍ߲ ߛߋߞߏߦߊ߫ ߞߊ߫ ߓߏ߲߬ ߞߘߐ߬ߡߊ߲߫ ߠߎ߬ ߘߌ߫. ߤߊߟߌ߬ ߣߌ߫ ߡߍ߲ ߠߎ߬ ߡߊ߫ ߘߊߡߌ߬ߣߊ߬ ߝߟߐ߫، ߏ߬ ߘߐ߫ ߘߎ߲ߡߊ߫ ߓߟߏߡߊ߬ ߝߏ߫ ߞߊ߬ߝߍ߬ߙߍ ߟߋ߬ ߞߍ߫ ߡߍ߲ ߘߴߊ߬ ߞߍ߫ ߊ߲ ߠߊ߫ ߟߞߊ߬ߙߊ߲߬ߠߌ߲ ߞߊ߲߬ߞߋ߬ߦߊ ߘߌ߫ ߢߊ߬. ߞߊߕߙߍ߬ߕߍ߫ ߟߊ߬ߞߐ߰ߟߌ ߞߊ߲߬ߞߋ߬ߦߊ ߓߟߏߡߊߞߊ߬ߣߍ߲ ߡߊ߬. ߊ߬ ߣߌ߫ ߞߵߊ߬ߛߎߡߊ߲߫ ߛߊ߫ ߊ߲ ߘߴߊ߲ ߛߋ߲߬ߓߍ߲߬ ߟߊ߬ߞߐ߰ߟߌ ߓߟߏߡߞߊ߬ߣߍ߲ ߡߊ߬ ߊ߲ ߕߟߋ߬ߘߐ߬ߡߐ߮ ߟߎ߬ ߥߊ߯ߕߌ߫ ߗߍ
ߣߌ߫ ߡߏ߬ߛߏ ߓߍ߯ ߢߣߊ߫ ߜߍ ߘߐ߫.ߒ߬ߓߊ߬߸ ߒ ߧߋ߫ ߊߟߎ߫ ߡߞߊ߬ߙߊ߲߬ߠߌ߲߬ߠߊ ߟߎ߬ ߞߟߌ߫ ߟߊ߫ ߏ߬ ߟߋ߬ ߡߊ߬. ߞߏ߫ ߊߟߎ߫ ߛߋߞߏߦߊ ߘߐߦߙߌߥߊ߫، ߊߟߎ߫ ߦߋ߫ ߕߊ߯ ߝߊ߲߬ ߠߎ߬ ߘߐ߫ ߤߊߟߌ߬ ߟߊ߬ߞߐ߰ߟߌ߬ߟߊ ߟߎ߬ ߖߍ߬ߘߍ ߡߊ߫ ߡߍ߲ ߠߎ߬ ߝߐ߫.

.ߒ ߧߋ߫ ߏ߬ ߕߐ
ߕߏ߫ ߟߊ߫ ߊߟߎ߫ ߡߊ߬ ، ߊߟߎ߫ ߓߊ߯ߙߊ߫ ߊߟߎ߫ ߓߊ߯ߙߊ߫ ߊߟߎ߫ ߓߊ߯ߙߊ߫ ߖߡߊ߬ߣߊ ߦߋ߫ ߞߐߝߍ߬، ߦߏ߫ ߛߞߎ߬ߦߊ߬ߟߊ ߟߎ߬ ߞߵߊ߬ ߝߐ߫ ߢߊߡߍ߲  ߊߟߎ߫ ߓߊ߯ߙߊ߫ ߦߏ߫ߛߣߍ߬ߞߍ߬ߟߊ ߣߴߊ߬ ߘߋ߲ ߠߎ߬. ߞߊ߬ ߞߐߓߊ߯ߦߊ߫ ߘߊ߬ߘߌ߬ ߞߊ߬ ߓߟߏߦߊߟߌ ߞߍ߫ ߞߏߛߊ߫ ߖߡߊ߬ߣߊ ߜߘߍ߫ ߟߎ߫ ߝߣߊ߫ ߡߊ߬ߞߏ ߘߌߣߊ߬ ߓߌ߬ߟߊ߬ ߊߟߎ߫ ߟߊ߫ߥߊ߯ߕߌ߫ ߣߊ߬ߕߐ ߘߐ߫

ߊߟߎ߫ ߞߊߣߊ߬ ߊߟߎ߫ ߓߌ߲ߓߌ߲߫ ߊߟߎ߫ ߟߐ߲ߕߊ߫ ߞߘߐ ߟߎ߬ ߘߐߙߐ߲߫ ߞߊ߲߬ ߊߟߎ߫ ߏ߬ ߡߞߊ߬ߝߏ߬ ߞߊ߬ ߕߊ߯ ߢߍ߫. ߊߟߎ߫ ߦߋ߫ ߞߍ߫ ߦߋߟߋ߲ߦߟߊ ߟߋ߬ ߘߌ߫. ߖߡߊ߬ߣߊ ߡߊ߬ߞߏ ߦߴߊߟߎ߫ ߟߊ߫ ߞߵߊ߲ ߓߐ߫ ߞߐ ߘߐ߫. ߞߊ߬ ߛߋ߫ ߓߟߏߦߊߟߌ߫ ߞߍߗߌߦߊ ߟߊ߫. ߖߡߊ߬ߣߊ߬ ߜߘߍ߫ ߟߎ߫ ߡߊ߬ߞߏ ߣߊ߬ߕߐ߫ ߓߌ߬ߟߊ߬ ߟߴߊߟߎ߫ ߟߊ߫ ߏ߬ ߡߍ߲ ߘߐ߫. ߊߟߎ߫ ߞߎߟߎ߲ߖߋ߫ ߊߟߎ߫ ߟߊ߫ ߓߊ߯ߙߊ߫ ߟߊ߫.

ߒ ߧߋ߫ ߞߏߟߊߘߍߢߐ߲߯ ߓߍ߯ ߝߏ߬ ߟߊ߫.

߂߲ ߕߟߋ߬ ߇ / ߂߀߂߅ ߞߏߕߌ߯ߝߟߐ ߊߡߊߘߎ߫ ߎߙߌ ߓߊ

ߣߴߊ߬ ߣߐ߬ߟߊ߫ ߞߵߌ ߞߎ߲
ߟߊ߫ ߟߐ߬ߟߊ߫ ߞߊ߲߬، ߞߵߏ߬ ߛߊߓߎ߫ ߞߍ߫ ߞߏ߲ߞߏߘߐߟߊ ߥߎߢߊ߲ߓߍ߲ ߘߏ߫ ߘߊߦߟߍߟߌ ߢߊ߰ߢߊ߰ ߘߌ߫ ߦߋ߲߬. ߏ߬ ߡߍ߲ ߦߋ߫ ߡߌ߬ߙߌ߲߬ߘߌ ߞߎ߲߬ߠߊ߬ߝߎ߬ߟߋ߲߬ߟߊ߲ ߠߎ߬ ߘߐ߫ ߝߢߊߝߢߊ ߘߌ߫، ߊ߬ ߘߌ߫ ߝߊ߰ߡߎ߲߰ߜߏߦߊ ߦߟߌ ߟߊ߫ ߞߏ߫ ߞߊ߬ߓߌ߯ ߊ߲ ߠߊ߫ ߘߍ߲ߖߘߍߟߦߊ ߡߊ߬ ߤߊ߲߯ ߕߋ߲߬ ߞߏ߫ ߥߎߢߊ߲ߓߍ߲ ߕߍ߫ ߦߊ߲߬، ߏ߬ ߟߋ߬ ߦߏ߫ ߣߍ߰ߓߐ߬ߟߌ ߖߡߊ߬ߣߊ ߞߏ ߟߎ߬ ߘߐ߫، ߏ߬ ߟߋ߬ ߞߏߛߐ߲߬ ߞߊ߬

ߖߌ߬ߣߍ߫ ߞߎ߲߬ߠߊ߬ߛߌ߮ ߟߊ߫ ߥߞߊ߬ߟߌ ߦߌ߬ߘߊ߬ ߊ߲ ߠߊ߫ ߖߘߍ߬ߕߌ߰ߦߊ ߓߊ߲ߓߊ߲ ߘߐ߫ ߖߌ߬ߣߍ ߘߎ߰ߞߣߍ ߝߊ߲
ߓߍ߯ ߘߐ߫، ߝߏ߫ ߥߎߢߊ߲ߓߍ߲ ߣߌ߲߬ ߦߋ߫ ߞߍ߫ ߥߊ߯ߕߌ߫ ߞߎ߲߬ߘߐ߬ߛߎߘߎ߲ ߠߋ߬ ߞߘߐ߬ ߏ߬ ߘߐ߫ ߘߋ߬.

ߊ߲ ߞߵߊ߬ ߟߐ߲߫ ߝߛߊߦߌ߫ ߞߏ߫ ߞߎ߲߬ߠߊ߬ߛߌ߰ߟߊ ߣߌ߫ ߡߙߊ߬ߓߊ߮ ߦߋ߫ ߞߊ߬ߝߏ ߞߐߦߌߘߊߓߊ߮ ߟߋ߬ ߘߌ߫ ߝߋߎ߫. ߞߏ߬ߣߌ߲߬ ߏ߬ ߘߐߙߐ߲߫ ߕߍ߫ ߥߛߊ߬ ߞߍ߫. ߥߎߢߊ߲ߓߍ߲ ߠߋ߬ ߝߣߊ߫ ߏ߬ ߟߎ߬ ߟߊ߫ ߡߊ߬ߙߊ ߣߴߊ߬ߟߎ߬ ߟߊ߬ߟߐ߲߬ߠߌ߲߬ߦߊ߬ߟߌ ߟߎ߬ ߟߊߣߐ߰ߦߊ߬ߟߊ߲ ߢߍߕߊ ߘߌ߫. ߡߎ߬ߕߎ߲߬ ߥߎߢߊ߲ߓߍ߲ ߠߋ߬ ߦߙߐ ߘߌ߫ ߡߍ߲ ߘߌ߫ ߛߋ߫ ߞߎ߲߬ߠߊ߬ߛߌ߮ ߣߌ߫ ߡߊ߬ߡߙߊ߬ߟߌ߬ߟߊ ߟߎ߬ ߟߊ߫ ߛߊ߲ߓߊ߫ ߟߊߛߋ߫ ߟߊ߫ ߝߌ߬ߟߊ߲ ߘߊ߲ߘߐ߫ ߞߘߐ߫. ߡߌ߬ߙߌ߲߬ߘߌ ߝߣߊ߫ ߟߊ߫ ߡߙߌߣߊ߲ ߟߊߛߋ߫ ߦߙߐ ߓߘߍ ߟߋ߬ ߥߎߢߊ߲ߓߍ߲ ߠߎ߬ ߘߌ߫. ߊ߬ߟߎ߬ ߟߊߡߌߣߌ߲ ߠߎ߬ ߘߐ߫، ߕߌ߲ߞߎߘߎ߲ߠߞߊ ߥߟߊ߫ ߟߌ߬ߤߟߊ߬ ߝߊ߬ߛߏ߬ߟߊ߬ߞߊ.

ߞߡߊߡߊ߫ ߞߡߊߡߊ߫ ߊߟߎ߫ ߞߎߟߎ߲ߖߋ߫

ߘߌ߲ߜ߭ߌߙߊߦߌ ߞߏ߲ߞߏߜߍ ߁߄ / ߂߀߂߅

ߛߟߊߕߌ߯ ߡߙߊ߬ߓߊ߮، ߛߟߊߕߌ߯ ߕߌ߲߬ߞߎߘߎ߲ ߡߊ߬ߡߙߊ߬ߟߌ߬ߟߊ ߟߎ߬، ߛߟߊߕߌ߯ ߡߙߊ߬ߓߊ߯ ߘߎ߯ߟߊ ߘߌ߲ߜ߭ߌߙߊߦߌ
 ߣߌ߫ ߘߊߓߏߟߞߊ ߛߣߍߡߊߣߍ߲ ߠߎ߬، ߛߟߊߕߌ߯ ߗߋߦߊߟߌ ߞߙߍߞߙߍߣߍ߲ ߞߐߦߌߘߊߓߊ߮ ߟߎ߬ ߞߵߊ߬ ߝߘߊ߫ ߘߌ߲ߜ߭ߌߙߊߦߌ
 ߟߊ߫.ߖߌ߬ߣߍ߬ ߞߊ߲ߓߍ߲ ߞߊ߲ߕߌ߯

ߞߟߍ߬ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߞߊ߲߫ ߞߏ߫ ߞߵߊߟߎ߫ ߝߏ߬، ߊߟߎ߫ ߦߴߊ߬ ߟߐ߲߫ ߞߏ߫ ߘߌ߲ߜ߭ߌߙߊߦߌ ߞߏ ߦߴߊ߬ ߣߌߘߐߞߏ ߟߋ߬ ߘߌ߫.a

ߕߎ߬ߡߊ ߘߏ߫ ߟߊ߫ ߌ ߓߊ߯ ߞߍ߫ 
ߘߌ߲ߜ߭ߌߙߊߦߌ ߊ߬ ߘߌ߫ ߞߍ߫ ߦߏ߫ ߢߌ߬ߣߊ߬ ߓߘߊ߫ ߞߍ߫ ߊߟߎ߫ ߞߐ߫.
 ߞߵߊ߬ ߓߍ߲߬ ߊ߬ߟߎ߬ ߟߊ߫ ߡߊ߬ߞߛߌ߬ߒ߬ߞߊ߲߬ߠߊ ߓߐߢߍ߲ߢߐ߲߰ߡߊ ߟߎ߬ ߡߊ߬ ߏ߬ ߟߎ߬ ߟߋ߬ ߣߌ߫ ߡߞߊ߬ߘߊ߲߬ߠߌ߲ ߞߢߊߡߊ߲߫، ߦߏ߫ ߗߋߦߊߟߌ ߞߙߍߞߙߍߣߍ߲ ߠߎ߬ ߝߣߊ߫ ߞߵߊ߬ ߝߐ߫ ߢߊߡߍ߲. ߒ߬ߓߊ߬߸ ߓߌ߬ ߊ߲ ߣߊ߬ߕߐ߫ ߊ߬ߟߎ߬ ߦߟߌߣߐߦߊ߫ ߟߊ߫، ߞߵߊ߬ߟߎ߬ ߘߐߞߕߌ߫، ߊ߲ ߘߌ߫ ߛߋ߫ ߡߍ߲ ߞߍ߫ ߟߊ߫ ߕߋ߲߬ ߌߞߘߐߞߘߐ߫ ߞߵߏ߬ߞߍ߫. ߡߍ߲ ߠߎ߬ ߝߣߊ߫ ߣߊ߬ߕߐ߫ ߞߍ߫ ߟߊ߫ ߞߵߏ߬ ߟߎ߬ ߝߣߊ߫ ߖߊ߬ߕߋ߬ ߣߴߊߟߊ߫ ߛߐ߲߬ ߘߊ߫.ߊ߲ ߞߏ߬ߣߌ߲ ߞߵߊ߬ߟߎ߬ ߣߌߘߐߕߊ ߟߐ߲߫ ߞߵߊ߬ ߓߍ߲߬ ߜߛߌߞߙߌߡߊߣߌ߫ ߘߌ߲ߜ߭ߌߙߊߦߌ
 ߕߍ ߛߌߟߊ ߟߐ߬ ߞߏ ߡߊ߬. ߦߏ߫: ߡߙߊ߬ߓߊ߰ߘߊ ߕߐ߬ߡߊ ߟߎ߬ ߓߍ߯ ߣߌ߫ ߢߐ߲߮ ߕߍ ߦߋ߫ ߢߊߡߍ߲ ߘߌ߲ߜ߭ߌߙߊߦߌ
 ߝߣߊ߫ ߦߴߏ߬ ߢߐ߲߱ ߛߐ߬ߘߐ߲߬. ߊߟߎ߫ ߓߘߊ߫ ߊߟߎ߫ ߘߐߖߊ߬ ߞߏߛߊ߫ ߞߎߘߊ߫ ߁߀ ߔߋ ߘߌ߫ ߛߐ߬ߘߐ߲߬ ߞߊ߲ߞߊ߲ߝߏߘߋߦߊ߫ ߣߌ߫ ߞߊ߲߬ߓߊ߬ߦߊ߫ ߣߌ߫ߛߊ߲ߘߊ߲ߝߙߊ ߟߎ߫ ߘߐ߫، ߊߟߎ߫ ߓߘߴߊ߬ ߦߌ߬ߘߊ߬ ߏ߬ ߘߐ߫ ߞߏ߫ ߣߌ߫ ߞߊ߬ߝߏ ߦߋ߫ ߞߐ ߘߐ߫، ߊߟߎ߫ ߘߌ߫ ߛߋ߫ ߘߏ߫ ߞߍ߫ ߟߊ߫ ߊߟߎ߫ ߞߎߟߎ߲ߖߋ߫.

ߊߟߎ߫ ߓߘߊ߫ ߥߟߊ߬ߘߊ ߘߌ߫ ߝߘߏ߬ߓߊ߫ ߝߊ߲߬ߞߊ ߣߌ߫ ߞߊ߬ߝߏ ߝߊ߲߬ߞߊ ߞߊ߲߬. ߏ߬ ߝߣߊ߫ ߓߍߣߊ߬ ߞߊ߬ߝߏ ߞߘߊߓߊ߫ ߞߵߊߟߎ߫ ߖߊ߬ߓߌ߬ ߊߟߎ߫ ߣߌ߫ ߛߐ߰ߡߊ.

ߒ ߣߌ߫ ߞߟߍ߬ߕߌ߯ ߊߓߎߓߞߊߙ ߛߘߌߞߌ߬ ߞߡߊ߬ߙߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߯ ߞߎߡߊ߫ ߣߌ߫ ߠߋ߬ ߓߌ߬ ߛߐ߰ߡߊ ߢߌ߲߬ ߡߊ߬، ߞߵߊ߬ ߓߍ߲߬ ߛߏ߬ߙߌ߬ߡߊ߲߬ߘߋ߲߬ ߝߊ߲ߞߊߓߏߟߏ߲ߝߘߊ ߘߏ߫ ߦߋ߫ ߦߋ߲߬ ߡߍ߲ ߕߐ߯ ߞߏ߫ ߣߊ߲߰ߕߌ߰ߗߋߥߎ߬ߦߊ ߡߍ߲ ߘߛߍߣߍ߲߫ ߓߊ߯ ߞߍ߫ ߊ߬ߟߎ߬ ߘߐ߫ ߖߐ߲߰ߛߊ߫ ߗߋߢߊ ߏ߬ ߘߌ߫ ߛߋ߫ ߞߊ߬ ߟߥߊߟߌ߫ߞߏߛߊ߫ ߞߵߊ߲ ߠߊ߫ ߛߌߟߊ ߟߎ߬ ߟߐ߬، ߊ߬ ߘߌߣߊ߬ ߏ߬ ߘߐߞߕߌ߫

ߏ߬ ߘߐ߫ ߟߏ߲ ߣߊ߬ߕߐ ߟߎ߬ ߘߐ߫ ߞߊ߲ߓߍ߲ ߞߊ߲ߕߌ߮ ߟߊ߫ ߘߌ߬ߢߍ ߣߴߊ߬ ߟߊ߫ ߘߎߓߊ߫ ߞߣߐߡߊ߬ ߊ߲ ߘߌߣߵߊ߬ ߡߊߝߟߍ߫ ߞߏߛߊ߫ ߛߏ߬ߙߌ߬ߡߊ߬ߘߋ߲ ߠߎ߬ ߘߌ߫ߛߋ߫ ߡߌ߬ߙߌ߲߬ߘߌ ߡߊߘߍ߬ߡߍ߲߬ ߠߊ߫ ߛߌߟߊ߫ ߟߐ ߜߟߍ߬ߦߊ ߦߙߐ ߟߎ߬ ߘߐ߫ ߏ߬ ߘߌ߫ ߟߞߊߟߌߦߊ߫ ߊ߬ ߘߏ߲߬ ߕߍ߫ ߘߌ߯ ߊ߲ ߠߊ߫.

ߏ߬ ߘߴߊ߬ ߦߌ߬ߘߊ߬ ߡߌ߬ߙߌ߲߬ߘߌ ߟߊ߫ ߞߏ߫ ߞߎ߲߬ߠߊ߬ߛߌ߮ ߦߴߊ߬ߟߎ߬ ߟߊ߫ ߡߍ߲߫ ߠߊ߫. ߊ߲ ߘߴߏ߬ ߟߊ߬ߤߘߌ ߕߊ߬ ߊߟߎ߫ ߢߍ߫ ߞߴߏ߬ ߘߌ߫ ߞߍ߫ ߊߟߊ߫ ߟߊ߫ ߘߌ߬ߢߍ ߟߊ߫ߞߊߟߌߦߊ ߘߐ߫.ߛߊ߫ ߘߐ߬ߝߊ߬ߟߋ߲ ߓߍ߯ ߘߐ߫ ߊߟߎ߫ ߝߣߊ߫ ߘߌ߫ ߛߋ߫ ߞߍ߫ ߟߊ߫ ߛߌߟߊ߫ ߞߋ߬ߡߎ߬ߓߏ߬ߦߊ߬ߣߍ߲ ߠߎ߬ ߞߊ߲߬ ߊߟߊ߫ ߟߊ߫ ߘߍ߬ߡߍ߲߬ ߠߊ߫.

ߦߊ߲߬ ߦߋ߫ ߛߣߐ߬ߡߍ߬ߘߐ߬ߦߊ ߣߌ߫ ߖߘߍ߬ߞߟߏ߬ߓߊ߰ߦߊ ߘߎ߱ ߟߋ߬ ߘߌ߫، ߊߟߎ߫ ߓߋ߲ߓߊ߫ ߟߎ߬ ߘߏ߲߬ ߞߵߊ߬ߟߎ߬ ߟߊߘߍ߬ ߞߎ߲߬ ߠߋ߬ ߟߊ߫ ߦߊ߲߬، ߏ߬ ߛߊߓߎ߫ ߟߊ߫ߞߊ߬ ߓߐ߫ ߦߊ߲߬ ߘߎ߰ߞߣߍ ߖߍ߬ߘߍ ߞߐ߫ ߘߎߢߊ߫ ߓߍ߯ ߟߋ߬ ߞߊ߬ ߦߊ߲߬ ߡߊߟߐ߲߫ ߝߘߏ߬ߓߊ߬ߗߍ ߟߋ߬ ߊߟߎ߫ ߓߟߏ߫ ߡߍ߲ ߕߐ߬ߣߐ ߞߊ߫ ߓߏ߲߬ ߞߏߛߓߍ߫. ߏ߬ߟߋ߬ ߓߍ߯ ߦߋ߫ ߛߓߏߟߏ߲ ߛߊ߬ߓߊ ߢߌ߲߬ ߠߎ߬ ߟߊ߫ ߓߟߏߘߏ߲ߢߐ߲߰ߓߟߏ ߟߊߣߐ߰ߦߊ߬ ߟߊ߫ ߊ߬ ߣߌ߫ ߞߊ߬ ߞߍߒߢߐ߲߯ߝߍ ߟߊߛߓߊ߬ߕߌ߫. ߘߌ߲ߜ߭ߌߙߊߦߌ
ߌߙߊߦߌ߫ ߊ߲ ߘߌ߫ ߓߊ߲ߓߊ߲߫ ߊߟߎ߫ ߟߊ߫ ߘߎߓߊ ߣߴ ߊ߬ߟߎ߫ ߟߊ߫ ߕߘߍ߬ߒ߬ߘߐ߬ߟߌ ߣߴߊߟߎ߫ ߟߊ߫ ߞߍߢߐ߲߯ߝߍ ߣߌ߫ ߓߟߏߘߏ߲ߢߐ߲߰ߓߟߏ ߞߏߛߐ߲߬ ߖߐ߫.ߓߊߏ߬߸ߏ߬ ߟߎ߬ ߦߋ߫ ߖߎ߬ߓߌ߬ߟߊ ߟߋ߬ ߘߌ߫، ߞߊ߬ ߛߋ߫ ߥߙߎߞߌ ߣߌ߫ ߢߝߍߕߊ߮ ߛߋ߲߬ߠߞߊ߬ߟߌߦߊ߫ ߟߊ߫. ߊ߲ ߕߘߍ߬ ߓߘߊ߫ ߞߎߡߊ߫ ߜߛߌߞߙߌߡߊ ߣߌ߫ ߘߌ߲ߜ߭ߌߙߊߦߌ
ߌߙߊߦߌ߫ ߕߍ ߞߊ߲߬، ߊ߲ ߡߊ߫ ߢߌ߬ߣߊ߬ ߛߌߟߊ߫ ߞߐ߫ ߡߌ߬ߙߌ߲߬ߘߌ ߖߍ߬ߘߍ ߣߐ߬ ߡߍ߲ ߓߊ߯ߙߊ߫ ߟߊ߫ ߊ߬ߟߎ߬ ߖߘߍ߬ ߢߍ߫߸ ߞߊ߬ߝߏ ߕߊ ߞߍߕߊ ߟߋ߬ ߏ߬ߞߋ߬ߡߎ߬ߓߏ߬ߦߊ߫ ߘߌ߫.

ߢߍߥߟߊ߫ ߜߘߍ߫ ߝߣߊ߫ ߦߴߊ߲ ߓߟߏ߫.

ߊ߲ ߣߊ߬ߕߐ߫ ߏ߬ ߟߞߊߟߌߦߊ߫ ߟߊ߫ ߟߋ߬ ߞߏߛߓߍ߫، ߏ߬ ߘߏ߲߬ ߟߐ߬ߘߌߦߊ ߖߍ߬ߘߍ ߖߍ߬ߘߍ ߟߋ߬ ߊߟߎ߫ ߟߊ߫ ߕߌ߲߬ߞߎߘߎ߲ ߡߊ߬، ߏ߬ ߟߋ߬ ߞߎߞߎߕߊ߲ߓߊ߫ߢߎߡߍߓߊߟߊ߲ ߘߌ߫. ߊߟߎ߫ ߞߵߊ߬ ߟߐ߲߫ ߞߏ߫ ߞߎߞߎߕߊ߲ߓߊ߫ ߢߎߡߍߓߊߟߊ߲ ߦߋ߫ ߝߢߐߘߊ߫ ߛߓߊ߬ ߟߋ߬ ߘߌ߫.  ߊ߬ ߝߟߐ ߦߋ߫ ߞߎߘߍ߫ ߁߅߀ ߟߋ߬ߓߌ߬ߟߊ ߘߌ߫ ߢߐ߲߮ ߡߊ߬. ߟߊߓߋ، ߕߎߖߋ، ߊ߬ ߣߌ߫ ߘߌ߲ߜ߭ߌߙߊߦߌߙߊߦߌ߫.

ߝߌߟߊߣߊ߲: ߏ߬ ߦߋ߫ ߓߊ߬ߟߊ߲ ߖߍ߬ߘߍ ߓߊ߯ߙߊ ߘߌ߫ ߢߎߡߍ ߟߊߥߟߏ߫ ߞߊ߲ߡߊ߬.

ߊ߬ ߛߓߊߣߊ߲: ߓߊ߬ߟߊ߲ ߢߌ߲߬ ߛߊߓߎ߫ ߟߊ߫ ߊ߲ ߘߌ߫ ߛߋ߫ ߘߎ߰ߞߟߏ ߟߊߘߊ߲߫ ߠߊ߫ ߞߏߛߊ߫ ߡߐ߱ ߟߎ߬ ߘߌ߫ ߛߋ߫ ߛߍ߬ߣߍ ߞߍ߫ ߟߊ߫ ߛߊ߬ߡߊ ߣߌ߫ ߕߟߋ߬ߡߊ ߓߍ߯ߘߐ߫.ߏ߬ ߛߓߍ ߓߘߊ߫ ߛߋ߫ ߣߊ߲߬ߝߟߏ߬ߦߊ߬ߟߌ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߕߌ߮ ߟߊ߫ ߛߌ߰ߥߟߊ ߞߊ߲߬ ߊ߬ ߟߊߓߊ߲߫ ߞߊ߲ߡߊ߬. ߏ߬ ߥߊߘߌ ߟߊߘߍ߬ߕߐ߫ ߖߌ߬ߣߍ߬ߖߍ߬ߘߍ ߟߋ߬ ߓߟߏ߫. ߏ߬ ߓߍ߲߬ ߠߊ߫ ߘߟߊ߫ ߗߋ߲߬ߥߟߎ߬ ߅߃߄  ߏ߬ ߖߐ߰ߣߍ ߕߘߍ߬ ߘߐߕߟߊߣߍ߲ ߞߏ߬ߣߌ߲߬ ߣߴߊߟߊ߫ ߛߐ߲߬ ߘߊ߫ ߊ߲ ߘߴߊ߬ ߛߐ߬ߘߐ߲߬.(ߏߍߡߝߋߍߛ) ߡߐ߰ ߛߌߦߊߡߊ߲߫ ߘߐ߰ߘߏ߲߬ߣߍ߲ ߡߊ߬ߟߌ ߣߌ߫ ߡߏߙߌߕߊߣߌ߲ ߣߌ߫ ߛߣߍ߬ߜ
ߊߟߌ߬ ߟߊ߫ ߓߊߏ߬߸ ߥߊߘߌ ߛߌߦߊߡߊ߲߫ ߕߘߍ߬ ߕߍ߫ ߖߌߣߍ߬ ߞߎ߲߬ ߞߊ߬ ߢߎߡߍߓߊߟߊ߲ ߞߍ߫ ߞߵߊ߬ ߓߍ߲߬ ߓߊ ߟߐ߬ߜߊ߲ ߖߊ߲߰ߧߊ ߡߊ߬.

ߞߵߊ߬ ߓߍ߲߬ ߏ߬ ߟߊߘߊ߲߫ ߣߊ߬ߝߊ ߡߊ߬ ߊ߲ ߛߌ߰ߢߐ߲߮ ߖߡߊ߬ߣߊ ߟߎ߬ ߞߊ߲߬ ߡߊ߬ߟߌ ߣߌ߫ ߦߙߐ ߡߍ߲ ߠߎ߬ ߦߋ߫ ߓߐߕߏ߲ ߠߊ߫߸ ߦߏ߫: ߕߎߖߋ، ߘߌ߲ߜ߭ߌߙߊߦߌ
، ߛߌ߯ߙߌ߲߫، ߡߊ߲߬ߖߊ߲߬ߠߊ߫ ߏ߬ ߟߎ߬ ߘߌߣߊ߬ ߞߍ߫ ߛߐ߬ߘߐ߲߬ ߠߊ߫ ߥߙߎߞߌ ߘߌ߲߬ߞߌ߬ߙߓߊ߫ ߘߌ߫. ߞߊߕߙߍ߬ߕߍ߫ ߛߍ߬ߣߍ ߡߊ߬ߘߎ߮ ߡߊ߬. ߣߴߌ ߞߵߊ߬ߟߊ߬ߞߙߐ߬ߛߌ߬ ߌ ߓߊ߯ ߘߏ߲߬ ߘߌ߲߬ߞߌߙߊߦߌ߫ ߌ ߦߴߊ߬ ߦߋ߫ ߟߊ߫ ߛߏ߫ ߘߎ߰ߘߋ߲ ߝߊ߲߬ߓߊ ߓߍ߯ ߓߘߊ߫ ߓߐ߫. ߊ߬ߟߎ߬ ߟߋ߬ ߞߊ߫ ߛߌߦߊ߫ ߊ߲ߜ
ߏߟߊ߫ ߊ߬ߟߎ߬ ߦߋ߫ ߞߐߞߊ߲߬، ߘߏ߫ ߟߎ߫ ߦߋ߫ ߕߎߞߘߐ߫ ߘߏ߫ ߟߎ߫ ߦߋ߫ ߞߐߣߊߞߙߌ߫ ߊ߬ߟߎ߬ ߦߋ߫ ߥߊ߫ ߟߊ߫ ߖߡߊ߬ߣߊ߬ ߖߊ߲ ߠߎ߬ ߘߐ߫. ߓߊߏ߬߸ ߊ߬ߟߎ߬ߞߎߣߎ߲߫ ߘߊ߫ ߖߎ߬ߟߊ߬ߦߊ ߡߊ߬ ߖߏߣߊ߫. ߣߌ߫ ߢߌ߲߬ ߠߎ߬ ߓߍ߲߬ ߘߊ߫ ߏ߬ ߘߐ߫ ߖߡߊ߬ߣߊ߬ ߜߘߍ ߡߐ߱ ߟߎ߬ ߝߣߊ߫ ߘߌߣߊ߬ ߓߊ߯ߙߊ ߟߎ߬ ߢߌߣߌ߲߫ ߊߟߎ߫ ߓߘߊ ߦߊ߲߬ ߡߎ߬ߕߎ߲߬.

ߞߏ߫ ߛߌߦߊߡߊ߲ ߘߌߣߊ߬ ߦߟߍ߬ߡߊ߲߫، ߛߌߡߊ߲ߘߎ߯ ߢߊ߬ߕߣߐ ߛߋߕߐ߫ ߟߋ߬ ߖߌ߬ߣߍ߬ ߕߊ߲ߓߊ߲ ߕߍߡߟߊ ߕߌ߲߬ߞߎߘߎ߲ ߠߎ߬ ߡߊ߬، ߣߊߟߌ߬ߡߎ߲߫ ߘߎ߰ߞߎߟߎ߲ߘߌ߫.ߓߊߏ߬߸ ߊߟߎ߫ ߞߵߊ߬ ߟߐ߲߫ ߞߏ߫ ߣߍ߰ߛߌߟߊ ߓߊ߯ ߓߐ߫ ߝߊ߲
ߡߍ߲ ߞߏ߫ ߥߙߎߞߌ ߦߴߊ߬ ߛߊ߯ߘߊ߫ ߟߊ߫ ߟߋ߬     ߌߞߘߐߞߘߐ߫، ߣߌ߫ ߛߌ߬ߛߌ߬ߞߎߟߎ߲ ߕߎߣߎ߲߫ ߘߊ߫ ߛߏ ߡߍ߲ ߡߊ߬ ߏ߬ ߘߌ߫ ߝߊ߬ߛߊ߲߬ ߓߟߏߞߏߟߏ߲ߧߊ ߝߣߊ߫ ߘߴߊ߬ ߡߊߞߍ߫ ߦߋ߲߬. ߊߟߎ߫ ߞߵߊ߬ ߟߐ߲߫ ߞߏ߫ ߞߐߣߊߞߙߌ߫ ߣߌ߫ ߞߊ߲ߞߊ߲߫ ߕߍ ߣߍ߰ߛߌ߬ߟߊ ߕߘߍ߬ ߓߊ߯ߙߊ߫ ߟߊ߫ ߕߎ߬ߡߊ ߡߍ߲ ߣߍ߰ߛߌ߬ߟߊ߬ ߝߍ߬ߛߏ ߏ߬ ߛߌߦߊߡߊ߲߫ ߕߘߍ߬ ߝߊߣߍ߲ ߝߏ߫ ߞߵߊ߬ ߜߝߐ߬.

ߊ߬ ߟߊߥߟߌ߬ߣߍ߲ ߛߏ ߟߎ߬ ߕߊ߬ߡߌ߲߬ ߘߊ߫ ߡߊߛߎߡߊ߫ ߟߊ߫ ߘߏ߯ߣߍ߲߫ ߘߏ߯ߣߍ߲߫. ߘߏ߫ ߟߎ߫ ߖߍ߬ߘߍ ߕߎߣߎ߲߫ ߘߊ߫ ߟߋ߬ ߖߋߎ߲߫. ߛߌ߬ߛߌ߬ߞߎߟߎ߲ ߘߌ߫ ߣߊ߬ ߛߊߣߌ߬ ߛߊ߲
ߣߌ߲߬ ߟߊߓߊ߲ ߕߍ߫. ߞߵߌ ߞߎ߲ߟߊ߫ ߓߋߟߊ߫ ߥߟߊ߫ ߞߙߍߥߊߣߌ߲ ߠߎ߬ ߞߊ߲߬.

ߞߏ߫ ߢߊ߬ߕߣߐߡߊ߬ ߜߘߍ߫ ߟߎ߫ ߘߌߣߊ߬ ߞߍ߫، ߞߊ߬ ߞߎߡߊ߫ ߞߎ߲߬ߝߊ߰ ߊߟߎ߫ ߖߏ߫ ߦߋ߫ ߛߋ߲ߞߏߟߦߊ ߟߊ߬ߞߐ߰ߟߌ ߕߊ߲ߓߊ߲ ߞߏ߫ ߞߎߡߊ ߘߐ߫ ߛߊ߫ ߘߋ߲ߣߍ߲ ߠߎ߬ ߘߌ߫ ߓߊ߯ߙߊ߫ ߞߊ߬ߙߊ߲߬. ߓߊߏ߬߸ߣߌ߫ ߘߋ߲ߣߍ߲ ߠߎ߬ ߕߍ߫ ߡߊ߬ߞߊ߬ߙߊ߲߬ߧߊ߬ߟߌ ߞߍ߫ ߟߊ߫ ߓߊ߯ߙߘߊ߫ ߘߏ߲߬ ߕߴߊ߬ߟߎ߬ ߟߊ߫߸ ߤߙߍ߫ ߣߌ߫ ߣߊ߲߬ߝߟߏ߬ߘߏ߲߬ߘߊ ߓߊ߯ ߥߙߊ߬ ߢߊ߫ ߛߌ߫ ߡߊ߬. ߊ߬ߟߎ߬ ߘߴߏ߬ ߓߌ߬ߟߊ߬ ߞߊ߬ ߕߏ߫ ߝߋ߲ ߠߎ߬ ߓߙߍ߬ߦߊ ߘߐߙߐ߲߫ ߖߊ߬ߕߋ߬ ߟߊ߫.

ߏ߬ ߘߐ߫، ߝߏ߫ ߞߵߏ߬ ߟߎ߫ ߞߟߊߓߎߡߦߊ ߟߋ߬، ߊ߲ ߘߌߣߊ߬ ߞߏ ߓߍ߯ ߛߌ߰ߛߋ߲߬ ߠߊ߫ ߞߏ߫ ߛߊ߫ ߖߎ߬ߓߌߟߊ ߟߎ߬ ߣߌ߫ ߟߊ߬ߞߐ߰ߟߌ߬ ߕߊ߲ߓߊ߲ ߠߎ߬ ߘߌ߫ ߛߋ߫ ߡߊߞߍ߫ ߟߊ߫.  ߤߊߟߌ߬ ߊ߬ ߓߊ߯ ߘߍ߲߫ ߠߋ߬ ߞߏ߫ ߊ߲ ߧߋ߫ ߘߌ߲ߜ߭ߌߙߊߦߌ
ߌߙߊߦ ߘߋ߲ߡߌߛߍ߲ ߠߎ߬ ߟߊߕߊ߯ ߘߊߓߏߟߊ߫ ߓߊߏ߬߸ ߟߊ߰ߞߐ߬ߟߌ ߕߊ߲ߓߊ߲ ߕߌ߲߬ߞߎ߬ߘߎ߲߬ߠߊ߬ߞߊ ߘߏ߫ ߦߋ߫ ߦߋ߲߬. (ߟߋߙߊߡ ߡߍ߲ ߘߌ߫ ߛߋ߫ ߞߊ߬ߙߊ߲߬ߠߊ߬ߘߋ߲߫ ߁߂߀߀ ߞߘߐ߫. ߥߊ߯ߕߌ߫ ߣߌ߲߬ ߘߏ߲߬ ߠߊ߫ ߞߊ߬ߙߊ߲߬ߠߊ߬ߘߋ߲߫ ߂߀߀ ߘߐߙߐ߲߫ ߠߋ߬ ߦߋ߲߬. ߊ߬ ߕߍ߫ ߛߋ߫ ߝߐ߫ ߟߊ߫ ߒߠߋ ߢߣߊ߫ ߞߏ߫ ߘߋ߲ߡߌߛߍ߲ ߠߎ߬ ߕߍ߫ ߦߋ߲߬ ߡߍ߲ ߠߎ߬ ߦߴߊ߬ ߝߍ߬ ߞߊ߬ ߓߊ߯ߙߊ߫ ߡߞߊ߬ߙߊ߲߬.ߒ߬ ߞߊ߬ ߦߟߌߣߐ ߕߊ߬ ߏ߬ ߟߌ߬ߤߟߊ ߞߊ߲߬ ߘߊߓߏߟߊ߫ ߞߎߣߎ߲߬. ߝߏ߫ ߊ߲ ߧߋ߫ ߓߟߏߘߐߓߍ߲ ߓߍ߯ ߟߋ߬ ߞߍ߫ ߌߞߘߐߞߘߐ߫ ߖߐ߲߰ߛߊ߫ ߒ߬ ߘߌ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߛߐ߬ߘߐ߲߬ ߸ ߞߊ߬ ߓߊ߲߫ ߞߊ߬ ߘߋ߲ߡߌߛߍ߲ ߠߎ߬ ߕߊ߬ ߟߊ߬ߞߐ߰ߟߌ ߣߌ߫ ߜߋ߲߬ߞߘߎ߬ߢߐ߲߰ߠߊ߬ߦߊ ߛߎߘߎ߲ ߠߎ߬ ߞߊ߲ߡߊ߬ ߞߊߙߏ߫ ߃ ߣߌ߫ ߞߊߙߏ߫ ߆ ߟߎ߬ ߞߘߐ߫، ߞߊ߬ ߓߊ߲߫ ߞߵߊ߬ߟߎ߬ ߘߍ߬ߡߍ߲߬ ߓߊ، ߊ߬ ߟߐ߬ ߦߋ߫ ߘߋ߲ߡߌߛߍ߲ ߠߎ߬ ߟߊ߫ ߞߵߊ߬ߟߎ߬ ߟߊ߫ ߓߍߓߊ߯ߦߊ߫ ߦߌ߬ߘߊ߬. ߊ߬ ߟߐ߯ ߦߴߊ߬ߟߎ߬ ߟߊ߫ ߝߣߊ߫ ߞߵߊ߬ ߓߊ߯ߙߊ߫ ߓߟߏߦߊ߫ ߞߊ߬ ߛߐ߬ߘߐ߲߬ߘߊ ߘߏ߫ ߟߊߘߊ߲߫ ߏ߬ ߦߋ߫ ߢߊ߬ߒ߬ߞߐ߬ߓߊߟߌ ߟߋ߬ ߘߌ߫.

ߊ߲ ߧߋ߫ ߓߊ߯ߙߊ߫ ߟߋ߬ ߟߞߊߟߌߦߊ߫ ߊߟߎ߫ ߞߊߣߊ߬ ߖߌ߰ߟߊ߬ߝߏߦߊ߫ ߘߋ߬ ߏ߬ ߘߐ߫ ߘߌ߲ߜߌߙߊߦߌߞߊ ߟߎ߬ ߟߊ߰ߖߌ߬ ߎߡߊߙ ߕߊߟ ߟߊ߫ ߘߎߓߊ߫ ߦߴߊߟߎ߫ ߞߐ߫ ߊߟߎ߫ ߞߊߣߊ߬ ߛߌߟߊ߲߫ ߊߟߊ߫ ߦߴߊߟߎ߫ ߝߍ߬.

ߘߌ߲ߜߌߙߊߦߌ߫ ߞߏ߲ߞߏߜߍ ߕߟߋ߬ ߁߄ / ߂߀߂߅

ߡߊ߬ߓߏ߬ߢߊ߬ߕߊ
ߘߌ߲ߜ߭ߌߙߊߦߌ ߡߐ߰ߓߊ ߟߎ߬

ߘߌ߲ߜߌߙߊߦߌ߫ ߡߊߟߐ߲ߣߍ߲߫ ߟߌ߬ߤߙߐߡߊ ߛߏ ߟߋ߬ ߘߌ߫ ߞߘߐ߬ߡߊ߲، ߊ߬ ߦߋ߫ ߛߏ߫ ߟߋ߬ ߝߣߊ߫ ߘߌ߫ ߡߍ߲ ߛߌ߰ߓߊ߮ ߟߎ߬ ߘߐߓߊ߬ߛߊ߲߬ߣߍ߲ ߣߊ߬ߣߍ߲߫ ߌ ߡߐ߲߫ ߠߊ߫ ߢߐ߲߮ ߡߊ߬ ߞߎ߲߬ ߖߐ߲ߖߐ߲߫ ߘߏ߫ ߟߊ߫، ߡߐ߰ߦߊ ߟߊߛߓߊ߬ߕߌ ߣߌ߫ ߛߣߐ߬ߡߍ߬ߘߐ߬ߦߊ ߟߋ߬ ߞߵߊ߬ ߞߍ߫ ߟߊ߰ߖߌ߬ ߎߡߊߙ ߕߊߟ ߡߊߞߍ߫ ߦߙߐ ߘߌ߫߸ ߏ߬ ߡߍ߲ ߞߎ߲
ߕߘߍ߬ ߕߌ߲߬ߞߎߘߎ߲ ߢߌ߲߬ ߡߝߊ߬ߟߋ߲ ߘߌ߫ ߛߣߐ߬ߡߍ߬ߘߐ߬ߦߊ ߞߏ߫ ߟߌ߬ߤߟߊ ߛߊߓߎ߫ ߟߊ߫، ߏ߬ ߟߋ߬ ߞߏߛߐ߲߬߸ ߊ߲ ߓߊ߯ ߞߍ߫ ߕߐ߲ߓߟߏߡߟߊ ߕߊ߲ߓߊ߲ ߘߏ߫ ߘߊߟߞߊ߬ ߟߊ߫ ߥߟߊ߫ ߞߓߊߝߟߐߛߌ߰ ߟߊ߫، ߝߏ߫ ߞߵߏ߬ ߓߏ߬ߢߊ߬ ߟߊߛߋ߫ ߊߟߎ߫ ߡߊ߬ ߊ߬ ߖߙߎߡߎ߲ ߘߐ߫ ߞߏ߫ ߕߐ߲ߓߟߏߡߊ ߟߎ߬ ߦߋ߫ ߘߎ߰ߘߋ߲ ߠߊ߫ ߗߋߢߊ ߟߋ߬ ߟߊ߫. ߕߐ߲ߓߟߏߡߊ ߟߎ߬ ߕߍ߫ ߦߋ߲߬ ߛߌ߰ߓߊ߮ ߟߎ߬ ߣߌ߫ ߘߎ߰ߘߋ߲ ߞߊ߲ߡߊ߬ ߊ߬ ߦߴߊ߬ߟߎ߬ ߢߍ߫ ߟߋ߬. ߞߵߊ߬ ߓߍ߲߬ ߊߟߎ߫ ߡߐ߰ ߢߌ߬ߡߊ ߟߎ߬ ߡߊ߬ߞߏ ߡߊ߬ ߞߊ߬ߙߊ߲߬ߕߊ ߟߎ߬ ߞߣߐ߫، ߖߡߊ߬ ߟߊ߬ߘߍ߬ ߦߙߐ ߟߎ߬ ߘߐ߫، ߝߏ߫ ߞߊ߬ ߘߋ߲ߡߌߛߍ߲ ߠߎ߬ ߛߏ߬ߓߌ߬ߟߊߞߎߣߎ߲ ߞߏ߫ ߣߌ߫ ߕߐ߲ߓߟߏߡߊ ߕߍ߫ ߦߙߐ ߡߍ߲ ߘߐ߫، ߝߊ߲߬ߞߊ߬ߡߊ ߟߊ߫ ߛߊ߬ߙߌ߬ߦߊ ߟߋ߬ ߓߊ߯ߙߊ߫ ߟߊ߫ ߦߋ߲߬. ߊ߬ ߘߏ߲߬ ߝߊ߲߬ߞߊ߬ߡߊ ߟߊ߫ ߛߊ߬ߙߌ߬ߦߊ ߦߋ߫ ߝߊ߲߬ߞߊ߬ߒ߬ߕߊ߲ ߠߎ߬ ߟߋ߬ ߞߊ߲ߡߊ߬ ߕߎ߬ߡߊ ߓߍ߯. ߡߐ߰ ߜߍ߲ߛߍ߲ߞߍߙߍ߲ ߠߎ߬ ߟߋ߬ ߞߊ߲ߡߊ߬. ߏ߬ ߟߋ߬ ߞߏߛߐ߲߬ ߊ߲ ߧߋ߫ ߘߌ߲ߜ
ߌߙߊߦߌ߫ ߕߐ߲ߓߟߏߡߟߊ ߕߊ߲ߓߊ߲ ߞߓߊ ߝߟߐ ߛߌ߰ ߟߊ߫. .

ߌߞߏߡߌ߲߬ ߊ߲ ߞߵߊ߬ ߘߊߡߌ߬ߣߊ߬ ߢߊߡߍ߲ ߛߍ߲ ߞߵߊ߬ ߝߐ߫ ߞߟߍ߬ߕߌ߯ ߓߊߛߌߙ ߖߊߟߏ߫ ߢߍ߫، ߞߏ߫ ߕߐ߲ߓߟߏߡߊ ߟߎ߬ ߟߋ߬ ߖߍ߬ߘߍ ߦߋ߫ ߖߐ ߟߊߛߓߊ߬ߕߌ߫ ߟߊ߫߸ ߞߊ߬ ߓߍ߲
ߟߊߛߓߊ߬ߕߌ߫، ߞߊ߬ ߛߌ߰ ߘߐߘߌߦߊ߫. ߞߎ߲߬ߠߊ߬ߝߎ߬ߟߋ߲߬ߓߊ߬ߟߌߦߊ ߞߍ߬ߟߍ ߘߐ߫߸ߞߏ߬ߣߌ߲߬ ߣߌ߫ ߖߊ߲߬ߕߏ߬ߟߌ߬ߟߊ ߕߍ߫ ߦߋ߲߬ ߞߊ߬ ߞߎ߲߬ߠߊ߬ߝߎߟߋ߲ ߘߌ߫ ߝߊ߲߬ߞߊ߬ߒ߬ߕߊ߲ ߠߎ߬ ߡߊ߬. ߝߊ߲߰ߞߊ߬ߡߊ ߟߎ߬ ߣߊ߰ߟߊ߬ ߝߏߣߴߊ߬ ߕߏ߫ ߘߊ߫ ߛߏ߬ߙߌ߲߬ߡߊ ߟߎ߬ ߕߊ ߡߊ߬.

ߏ߬ ߘߐ߫ ߊ߲ ߓߟߏߡߟߊߣߍ߲ ߊߟߎ߫ ߡߊ߬، ߊߟߎ߫ ߟߊ߫ ߘߎߓߊ ߣߌ߫ ߕߌ߲ߞߌ߲ ߠߎ߬ ߞߏߛߐ߲߬، ߊߟߎ߫ ߘߋ߲ߡߌߛߍ߲ ߠߎ߬ ߛߏ߬ߓߌ߬ߟߊ߬ߞߎߣߎ߲ ߞߏ߫ ߡߐߣߍ ߦߋ߫ ߡߐ߰ߦߊ ߟߋ߬ ߝߍ߬ ߞߏ߬ߣߌ߲߬ ߝߏ߫ ߡߐ߱ ߦߋ߫ ߛߋ߫ ߌ ߟߊ߫ ߡߐߣߍ ߏ߬ ߟߊߓߐߢߊ ߟߊ߫ ߟߋ߬ ߘߋ߬. ߣߴߊ߲ ߞߵߊ߲ ߖߍ߬ߘߍ ߞߎ߲߬ߠߊ߬ߝߎ߬ߟߋ߲߬ ߝߋ߲ ߠߎ߬ ߕߌߢߍ߲߫، ߓߍ߲
ߛߓߊ߬ߕߌ߬ߟߊ߲ ߠߎ߬ ߕߌߢߍ߲߫، ߏ߬ ߞߘߐ ߟߋ߬ ߊ߲ ߖߍ߬ߘߍ ߞߊߣߌ߲ ߡߊ߬ߞߏߛߊ
ߘߌ߫ ߟߏ߲ ߘߏ߫.

.

ߖߎ߬ߓߐ ߟߎ߬ ߡߊ߲ߛߌߦߊ߫ ߏ߬ ߘߐ߫ ߣߌ߫ ߕߐ߲ߓߟߏߡߟߊ ߣߌ߲߬ ߞߊ߬ ߓߊ߯ߙߊ߫ ߘߊߡߌ߬ߣߊ߬ ߊ߲ ߢߋ߫ ߊ߬ ߢߌߣߌ߲߫ ߠߊ߫ ߊߟߎ߫ ߝߍ߬ ߊߟߎ߫ ߊ߬ߟߎ߬ ߖߊ߲߬ߕߏ߫ ߊ߬ ߘߐ߫. ߞߊ߬ ߘߋ߲ߡߌߛߍ߲ ߠߎ߬ ߛߏ߬ߓߌ߬ߟߊ߬ߞߎߣߎ߲ ߞߏ߫ ߊ߬ߟߎ߬ ߟߊ߫ ߣߊ߬ߝߊ ߦߴߏ߬ ߟߋ߬ ߘߐ߫ ߊ߬ ߞߍߣߍ߲߫ ߊ߬ߟߎ߬ ߢߍ߫ ߟߋ߬ ߊ߬ ߞߍߣߍ߲߫ ߕߍ߫ ߊ߬ߟߎ߬ ߞߊ߲ߡߊ߬. ߞߊ߬ߝߏ ߟߊ߫ ߞߏߕߌ߯ߦߊ ߦߋ߫ ߡߐ߰ߦߊ ߤߊ߲ߞߟߌߣߊ߲ ߓߘߍ ߟߋ߬ ߘߌ߫.ߞߟߏ ߟߋ߬، ߝߓߊ߬ߘߋ߲߬ߧߊ ߟߋ߬. ߏ߬ ߟߋ߬ ߓߊߖߎ ߘߌ߫. ߊ߲ ߓߟߏߡߟߊߣߍ߲߫ ߊߟߎ߫ ߡߊ߬

ߊߟߎ߫ ߞߎߟߎ߲ߖߋ߫ ߞߏߛߓߍ߫

 

߂߀߂߅ ߞߏ߲ߞߏߜߏ ߞߐ߬ߟߏ߲ ߄

ߖߐ߲߰ߛߊ߫ ߓߊ߯ߙߊ ߟߎ߬ ߓߍ߯ ߘߌ߫ ߞߍ߫ ߦߋ߲߬ ߊ߬ ߢߌ߬ߡߊ ߟߊ߫ ߓߍ߲߬ߢߐ߲߰ߡߦߊ߬ ߓߟߏߡߊ߬، ߛߏߓߊ ߟߊߥߙߎߞߌ߸ ߛߍ߬ߣߍ ߟߊߥߙߎߞߌ߸ ߘߍ߰ߦߊ߬ߟߌ ߟߊߥߙߎߞߌ، ߊ߬ ߝߐߢߊ߫ ߜߘߍ߫ ߘߐ߫߸ ߊ߲ ߧߋ߫ ߝߙߍ߬ ߞߍ߫ ߞߵߊ߲ ߡߙߌ ߟߊߕߊ߯ ߖߌ߬ߣߍ߬ ߞߐ߫ ߛߊ߲߬ ߄߀ ߣߊ߬ߕߐ ߞߣߐ߫، ߖߐ߲߰ߛߊ߫ ߏ߬ ߘߌ߫ ߛߋ߫ ߞߍ߫ ߟߊ߫߸ ߝߏ߫ ߡߐ߱ ߟߎ߬ ߣߌ߫ ߓߊ߯ߙߘߊ ߟߎ߬ ߓߍ߯ ߦߋ߫ ߛߋ߫ ߛߌ߱ ߞߍ߫ ߟߊ߫ ߢߐ߲߮ ߝߍ߬ ߟߋ߬߸ ߞߟߍ߬ߢߐ߲߰ߡߊ߬ ߕߍ߫ ߡߍ߲ ߘߐ߫، ߏ߬ ߦߋ߫ ߞߏ߫ ߕߣߐ߬ߡߊ߫ ߖߍ߬ߘߍߖߍ߬ߘߍ߫ ߟߋ߬ ߘߌ߫، ߏ߬ ߟߋ ߞߏߛߐ߲߬ ߞߟߊ߬ߡߊ߬ߓߊ߮ ߟߎ߬ ߟߊߘߍ߬ ߕߐ߬ߣߐ ߦߴߊ߬ ߟߊ߫ ߞߊ߬ ߓߊ߯ߙߊ߫ ߏ߬ ߞߊ߲߬، ߖߐ߲߰ߛߊ߫ ߞߊ߬ ߓߊ߯ߙߊ߫ ߞߍߞߌߦߊ߫ ߟߎ߫ ߞߊ߲߬ ߡߍ߲ ߘߌ߫ ߛߌߣߌ߲߫ ߢߍߓߍ߲߬.

ߢߌ߬ߣߌ߲߬ߞߊ߬ߟߌ ߕߐ߬ߣߐ ߦߴߊ߬ ߟߊ߫، ߓߊ ߊߟߎ߫ ߞߵߊ߬ ߟߐ߲߫ ߞߏ߫ ߥߙߎߞߌ ߣߌ߫ ߡߊ߲߬ߕߊ߰ߦߊ߬ߓߊ߬ߟߌߦߊ ߟߋ߬، ߣߴߊ߲ ߡߊ߫ ߡߙߌ߫ ߞߊ߬ ߛߋ߫ ߡߊ߲߬ߕߊ߰ߦߊ߬ߓߊ߬ߟߌߦߊ ߏ߬ ߦߟߍ߬ߡߊ߲߬ ߠߊ߫߸ ߊ߲ ߘߌ߫ ߝߙߋߞߋ߫ ߜߘߍ߫ ߛߌ߲ߘߌ߫ ߦߙߐ ߜߘߍ߫، ߛߌߡߊ߲ߘߎ߯ ߦߋ߫ ߖߊ߬ߕߋ߬ߘߐ߬ߛߌ߰ߓߊ ߟߋ߬ ߘߌ߫߸ ߡߍ߲ ߘߌ߫ ߡߊ߬ߦߟߍ߬ߡߊ߲߬ߠߌ߲ ߖߍ߬ߘߍߖߍ߬ߘߍ ߟߊߘߏ߲߬ ߞߊ߬ߝߏ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߐ߫.

ߣߍ߰ ߛߌ߬ߟߊ߬ ߞߘߐ ߡߍ߲ ߕߎ߲߬ ߦߋ߲߬߸ ߏ߬ ߕߎ߲߬ ߞߊ߬ ߛߏ߫ ߞߎߘߊ߫ ߟߎ߫ ߛߌ߲ߘߌ߫، ߣߍ߰ ߛߌߟߊ ߏ߬ ߟߊ߫ ߕߎߣߎ߲ ߞߊ߬ ߛߏ ߏ߬ ߟߎ߬ ߟߊߕߎߣߎ߲ߣߍ߲߫ ߘߐ߯ߣߍ߲߫ ߘߐ߯ߣߍ߲߫ ߤߊߡߊ߲߫ ߕߎ߬ߡߊ߬ߘߐ߫߸ ߏ߬ ߟߎ߬ ߓߘߊ߫ ߦߟߍ߬ߡߊ߲߫ ߓߌ߬ ߞߊ߬ ߞߍ߫ ߛߏߣߍ߲ ߠߎ߬ ߘߌ߫، ߏ߬ ߘߐ߫߸ ߕߊߙߊ߲ߛߑߖߌߣߋ ߘߌߣߊ߬ ߛߏ߫ ߞߎߘߊ߫ ߟߎ߫ ߛߌ߲ߘߌ߫ ߣߍ߰ ߛߌߟߊ ߕߊ߬ߡߌ߲߬ߦߙߐ ߟߎ߬ ߓߍ߯ ߝߍ߬.

ߖߐ߲߰ߛߊ߫ ߕߊ߬ߡߌ߲߬ߦߙߐ ߏ߬ ߟߎ߬ ߞߊߣߊ߬ ߞߍ߫ ߡߊ߲߬ߞߊ߲߬ߡߊ߬ ߦߙߐ ߣߌ߫ ߝߐߢߐ߲߯ߞߐ߫ ߦߙߐ ߘߌ߫ ߞߊ߬ ߓߍ߲߬ ߘߎ߰ߞߏ ߡߊ߬߸ ߝߏ߫ ߊ߲ ߧߋ߫ ߢߍߓߍ߲ߠߌ߲ ߞߍ߫ ߞߏ ߟߎ߬ ߟߊ߫، ߏ߬ ߟߋ ߞߏߛߐ߲߬ ߊ߬ ߕߐ߬ߣߐ ߦߴߊ߬ ߟߊ߫߸ ߊ߲ ߧߴߊߟߎ߫ ߟߐ߬߸ ߊߟߎ߫ ߦߴߊߟߎ߫ ߡߙߌ߫ ߞߏߛߓߍ߫ ߞߊ߬ ߕߌߙߌ߲ߠߌ߲߫ ߓߘߍ ߞߍ߫ ߞߏ߫ ߟߎ߫ ߞߊ߲߬߸ ߡߍ߲ ߠߎ߬ ߘߌ߫ ߛߋ߫ ߞߍ߫ ߟߊ߫ ߟߊ߬ߣߐ߰ߞߏ ߟߎ߬ ߘߌ߫، ߛߏ ߟߎ߬ ߘߌ߫ ߛߌ߲ߘߌ߫߸ ߝߐߢߐ߲߯ߞߐ ߟߎ߬ ߘߌ߫ ߞߍ߫ ߦߋ߲߬߸ ߏ߬ ߟߎ߬ ߘߌ߫ ߘߊ߲ߘߊ߫ ߘߌ߫؟ ߝߐߢߊ߫ ߜߘߍ߫ ߘߐ߫߸ ߊߟߎ߫ ߞߊ߫ ߞߊ߲߫ ߞߴߊߟߎ߫ ߡߙߌ߫ ߖߌ߬ߣߍ߫ ߛߊ߲߬ ߂ ߥߟߊ߫ ߃ ߤߊߡߊ߲߫ ߄ ߣߊ߬ߕߐ߬ߟߊ ߡߊ߬߸ ߓߊ ߛߌߡߊ߲ߘߎ߯ ߓߘߊ߫ ߓߊ߲߫ ߛߋ߫ ߟߊ߫ ߦߊ߲߬.

ߛߌߡߊ߲ߘߎ߯ ߓߘߊ߫ ߓߊ߲߫ ߛߋ߫ ߟߊ߫ ߥߙߏ߬ߘߎ߮ ߘߐ߫، ߞߏ߬ߣߌ߲߬ ߖߌ߬ߣߍ߬ ߘߌ߫ ߛߋ߫ ߟߊߡߊ߲߬ߕߊ߰ߦߊ߬ ߟߊ߫ ߘߌ߬߸ ߣߴߊ߬ ߕߘߍ߬ ߘߊ߫ ߓߊ߯ߙߊ ߓߍ߯ ߝߊ߲ߞߊ߲ߣߍ߲߫ ߣߍ߰ ߛߌߟߊ ߕߊ߬ߡߌ߲߬ߦߙߐ ߟߎ߫ ߟߋ߬ ߞߊ߲߬؟ ߏ߬ ߞߘߐ ߟߋ߬ ߞߴߊ߬ ߘߌ߫ ߝߙߋߞߋ ߟߎ߬ ߛߌ߲ߘߌ߫، ߏ߬ ߟߋ ߞߏߛߐ߲߬ ߊ߬ ߕߐ߬ߣߐ ߦߴߊ߬ ߟߊ߫ ߓߊ߯ߙߊ ߟߎ߬ ߘߐ߫߸ ߊ߲ ߦߴߊ߲ ߡߙߌ߫ ߥߙߎߞߌ ߦߋ߫ ߞߍ߫ ߓߍ߯ ߦߋ߫ ߘߏ߫ ߛߐ߬ߘߐ߲߬ ߊ߬ ߘߐ߫.

ߏ߬ ߟߋ ߞߏߛߐ߲߬߸ ߊ߬ ߕߐ߬ߣߐ ߦߴߊ߬ ߟߊ߫ ߘߍ߰ߦߊ߬ߟߌ߬ ߦߙߐ ߟߎ߬ ߘߐ߫ ߡߍ߲ ߘߍ߲ߣߍ߲߫ ߣߍ߰ ߛߌ߬ߟߊ߬ߞߏ ߟߊ߫߸ ߏ߬ ߡߍ߲ ߦߋ߫ ߥߙߏ߬ߘߎ߯߸ ߏ߬ ߦߋ߫ ߣߐ߬ߘߐߓߌ߬ߟߊ߬ ߕߊ߬ߡߌ߲߬ߦߙߐ ߟߊߥߙߎߞߌ ߟߊ߫ ߞߐ߰ߘߎ߮ ߘߐ߫ ߥߟߊ߫ ߞߊ߬ ߘߍ߰ߦߊ߬ߟߌ ߟߎ߬ ߟߊߥߙߎߞߌ߫߸ ߡߍ߲ ߠߎ߬ ߘߍ߲ߣߍ߲߫ ߝߎߥߊ߲ ߣߌ߫ ߊߔߐߞߑߛߌߘ ߟߊ߫، ߏ߬ ߟߋ ߘߌߣߊ߬ ߖߌ߬ߣߍ߬ ߟߊߡߊ߲߬ߕߊ߰ߦߊ߫، ߊ߲ ߞߊߣߊ߬ ߢߌ߬ߣߊ߬ ߞߎ
߲ ߡߍ߲ ߠߊ߫ ߊ߲ ߧߋ߫ ߝߟߐߦߊ ߟߊ߫߸ ߏ߬ ߟߋ ߛߍ߬ߣߍ ߟߊߥߙߎߞߌ ߘߌ߫.

ߒ ߧߴߊߟߎ߫ ߞߟߊߓߎߡߦߊ߫ ߟߊ߫.

ߞߍ߬ߟߍ ߞߍ߫ ߘߴߊ߲ ߛߌ߰ߢߐ߲߰ ߖߡߊߣߊ ߘߏ߫ ߘߐ߫ ߘߎ߰ߞߏ ߘߐ߫߸ ߣߊߟߌߡߎ߲߬ ߜߋ߲߫ ߞߐ߲߰ߖߌ߬ߘ߬ߊ (ߞߏߘߌߥߊߙߌ߫) ߘߌ߫، ߛߌ߬ߛߌ߬ߞߎߟߎ߲ ߦߋ߫ ߖߣߊ߬ߣߊ ߡߍ߲ ߠߎ߬ ߞߣߐ߫߸ ߊ߲ ߧߋ߫ ߟߊߒߡߊ߫ ߕߊ߬ ߏ߬ ߟߎ߫ ߡߊ߬ ߡߍ߲ ߞߵߏ߬ ߟߎ߫ ߛߐ߬ߘߐ߲߬، ߊ߬ ߣߴߊ߲ ߧߴߊ߲ ߞߍ߫ ߓߊ߯ߙߊ ߞߊ߲߬ ߖߏߣߊߖߏߣߊ߫߸ ߛߊ߫ ߖߌ߬ߣߍ߬ ߘߌ߫ ߥߙߎߞߌ߫ ߟߊߡߊ߲߬ߕߊ߰ߦߊ߬ߣߍ߲߸ ߓߍ߲߬ߢߐ߲߰ߡߊ߬ߣߍ߲ ߣߌ߫ ߘߐߡߙߌߣߍ߲߫ ߢߎߡߊ ߛߐ߬ߘߐ߲߬.

ߊߟߎ߫ ߣߌ߫ ߞߟߊߓߎ߫، ߊ߲ ߧߋ߫ ߞߍ߫ ߝߙߋߞߋ߫ ߘߊ߲ߘߊߟߌߟߊ߫ ߓߘߍ ߘߌ߫ ߛߊ߫.

߂߀߂߅ ߞߏ߲ߞߏߜߍ ߁߁߸ ߝߙߊߣߊ߫

ߝߙߊߣߊ߫ ߡߙߊ߬ߓߊ߰ߘߊ ߡߙߊ߬ߓߊ߮ ߣߴߊ߬ ߡߙߊ߬ߓߊ߰ߘߎ߯ߟߊ߸ ߛߟߊߕߌ߮ ߟߎ߬߸ ߡߙߊ߬ߘߊ߬ ߕߊ߲ߓߊ߲ ߡߊ߬ߞߟߐ߫ ߓߐ߬ߟߐ߲߬ߞߊ ߟߎ߬߸ ߝߙߊߣߊ߫ ߛߏ ߡߐ߰ߓߊ߮ ߟߎ߬߸ ߊ߬ ߝߏߣߌ߲ߞߋ ߟߎ߬߸ ߊ߬ ߡߏ߬ߛߏ ߟߎ߬߸ ߝߊ߬ߣߌ߲߬ ߝߙߌߛߌߡߊ ߕߏ߰ߝߏ ߟߎ߬߸ ߒ ߧߴߊߟߎ߫ ߝߏ߬ ߟߊ߫، ߊ߲ ߞߵߊߟߎ߫ ߟߊߡߍ߲߫߸ ߊ߲ ߘߏ߲߬ ߓߘߴߊ߲ ߓߟߏ߫ ߝߴߊߟߎ߫ ߟߊ߫ ߞߎߡߊ ߘߐ߫، ߞߎ߲߬ߦߌ߬ߘߊ߬ߟߌ ߡߍ߲ ߠߎ߬ ߦߴߊߟߎ߫ ߓߟߏ߫߸ ߡߍ߲ ߦߋ߫ ߞߣߐ߬ߘߐ߬ߝߟߌ ߟߎ߬ ߞߏߝߐ߫ ߟߊ߫ ߞߊ߬ ߓߍ߲߬ ߝߙߊߣߊ߫ ߕߌ߲߬ߞߎߘߎ߲ ߠߊ߫ ߥߙߎߞߌߞߏ ߡߊ߬߸ ߊ߲ ߘߴߏ߬ ߟߎ߫ ߕߊ߬ ߓߊߘߐ߫.ߒ ߞߵߊ߬ ߟߐ߲߫ ߞߏ߫ ߞߏ߫ ߘߏ߫ ߟߎ߫ ߦߋ߲߬߸ ߣߴߏ߬ ߟߎ߬ ߕߍ߫߸ ߥߙߎߞߌ ߕߏߕߐ߫ ߦߟߌߦߊ ߟߋ߬ ߘߐ߫، ߝߙߊߣߊ߫-ߡߊ߯ߡߎ߲߫ ߛߌߟߊ߸ ߝߙߊߣߊ߫-ߘߊߓߏߟߊ߫ ߛߌߟߊ߸ ߊ߬ ߣߌ߫ ߞߛߌ߬ߘߎ߯-ߞߊ߲ߞߊ߲߫ ߛߌߟߊ ߝߣߊ߫ ߟߊߒߡߊ߫ ߘߐ߫߸ ߏ߬ ߟߎ߬ ߦߋ߫ ߢߊ߬ߒ߬ߞߐ߬ߓߊߟߌ ߟߋ߬ ߘߌ߫ ߞߊ߬ ߖߌ߬ߣߍ߬ ߞߊ߲ߓߍ߲ ߕߌ߲߬ߞߎ߬ߘߎ߲߬ ߕߊ߲ߓߊ߲ ߡߊߦߋߙߋ߲߫߸ ߣߊ߬ߟߌߡߎ߲߬ ߝߙߊߣߊ߫ ߘߌ߫.ߊ߬ ߟߊ߫ ߛߣߍ߬ߘߎ߮ ߟߎ߬ ߟߊ߫ ߛߌߦߊߦߊ ߦߋ߫ ߕߣߐ߬ߡߊ߬ߓߊ ߘߏ߫ ߟߋ߬ ߘߌ߫ ߖߌ߬ߣߍ߬ ߞߊ߲ߓߍ߲ ߞߣߐ߫، ߊ߬ ߘߏ߲߬ ߣߴߊ߲ ߦߴߊ߲ ߝߍ߬ ߞߊ߬ ߓߐ߫ ߘߐ߱ ߘߐ߫߸ ߞߊ߬ ߛߴߊ߲ ߠߊ߫ ߡߌ߬ߙߌ߲߬ߘߌ ߓߊߟߏ߫ ߟߊ߫߸ ߝߏ߫ ߞߊ߬ ߣߊ߲߬ߝߟߏ߬ߦߊ߬ߟߌ ߖߍ߬ߘߍߖߍ߬ߘߍ߫ ߟߋ߬ ߓߌ߬ߟߊ߬ ߛߣߍ߬ߞߏ ߣߌ߫ ߞߟߏߝߋ߲ߧߊ ߘߊߞߘߐ߫ ߝߙߊߣߊ߫، ߛߊ
ߣߌ߲߬ ߠߊ߫߸ ߊ߲ ߘߌ߫ ߡߊߣߊ߲ߞߎ߲߫ ߘߏ߫ ߓߌ߬ߟߊ߫ ߝߏߣߌ߲ߞߋ ߟߎ߬ ߣߌ߫ ߡߏ߬ߛߏ ߟߎ߬ ߟߊ߫ ߓߌ߬ߟߊ ߘߐ߫߸ ߛߴߊ߬ߟߎ߬ ߘߌ߫ ߣߊ߬ߝߊ߫ ߛߐ߬ߘߐ߲߬ ߛߍ߬ߣߍ ߡߊ߬ߘߎ߮ ߘߐ߫.ߞߏ߫ ߛߌߦߊߡߊ߲߫ ߠߋ߬ ߕߏߣߍ߲߫ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߞߍ߫، ߞߏ ߟߎ߬ ߓߘߊ߫ ߞߍ߫߸ ߓߊ ߡߍ߲ ߣߌ߫ ߡߍ߲ ߞߊ߫ ߞߊ߲߫߸ ߏ߬ ߦߋ߫ ߞߍ߫ ߏ߬ ߢߍ߫.ߊ߲ ߓߘߊ߫ ߡߐ߰ߓߊ ߟߎ߬ ߟߊߡߍ߲߫ ߛߌߛߍ߲߬، ߊ߬ߟߎ߬ ߞߊ߲߫ ߞߴߊ߬ ߓߘߊ߫ ߡߍ߲߫߸ ߛߊ߲߬ ߃߀ ߕߊ߬ߡߌ߲߬ߣߍ߲߫ ߣߌ߲߬ ߞߘߐ߫߸ ߝߙߊߣߊ߫ ߕߎ߲߬ ߦߋ߫ ߛߌ߬ߣߐ ߟߋ߬ ߘߐ߫، ߊ߬ߟߎ߬ ߕߊ߫ ߝߐߟߌ߫߫ ߘߐ߫߸ ߞߵߏ߬ ߕߎ߬ߙߎ ߟߎ߬ ߘߌ߫ ߛߋ߫ ߛߐ߬ߘߐ߲߬ ߠߊ߫ ߘߐ߬ߝߐ ߞߣߐ߫، ߏ߬ ߓߟߏߡߊ߬߸ ߞߊ߬ߦߌ߯ ߂߀߂߁ ߕߎߟߊߝߌ߲  ߞߍ߫ ߘߊ߫߸ ߣߌ߫ ߞߎߘߊ߫ ߓߘߊ߫ ߞߍ߫ ߊ߬ߟߎ߬ ߘߐ߫، ߏ߬ ߦߋ߫ ߞߏ ߟߎ߬ ߟߊߕߊ߮ ߟߋ߬ ߘߌ߫ ߊ߬ ߛߌߟߊ ߞߊ߲߬ ߝߙߊߣߊ߫ ߡߌ߬ߙߌ߲߬ߘߌ ߢߍ߫߸ ߊ߬ߟߎ߬ ߦߋ߫ ߘߎߢߊߘߐߕߍ߰߸ ߞߊ߬ ߖߌߛߐ߬ߘߐ߲߬ ߞߎߘߊ߫ ߘߌ߫߸ ߞߊ߬ ߥߙߎߞߌ߫߸ ߊ߬ ߣߌ߫ ߞߵߊ߬ ߞߍߕߊ ߞߍ߫ ߖߌ߬ߣߍ߬ ߟߊ߫ ߥߙߎߞߌ ߘߐ߫߸ ߡߍ߲ ߛߌ߰ߓߊ߮ ߟߎ߫ ߓߍ߲߬ߣߍ߲߫ ߊ߬ ߘߐ߫߸ ߡߍ߲ ߦߋ߫ ߖߌ߬ߣߍ߬ߞߊ߬ߘߋ߲ ߓߍ߯ ߟߊߞߢߊ߫ ߟߊ߫.ߏ߬ ߦߋ߫ ߞߏ߫ ߕߣߐ߬ߡߊ߬ߓߊ ߟߋ߬ ߘߌ߫، ߒ ߞߊ߫ ߞߊ߲߫ ߞߵߊ߬ ߝߐ߫ ߝߣߊ߫߸ ߣߌ߫ ߞߎߘߊ߫ ߓߘߊ߫ ߞߍ߫ ߝߙߊߣߞߊ ߟߎ߬ ߘߐ߫ ߞߊ߬ߦߌ߯ ߂߀߂߅ ߕߎߟߊߝߌ߲ ߅߸ ߊ߬ ߦߋ߫ ߢߊ߫ ߞߋߟߋ߲ ߏ߬ ߟߋ ߡߊ߬ ߖߌ߬ߣߍ߬ ߞߊ߲ߓߍ߲ ߕߌ߲߬ߞߎߘߎ߲ ߠߎ߬ ߣߴߊ߬ ߛߏ߫ ߛߌߦߊߡߊ߲߫ ߞߣߐ߫، ߟߐ߯ߞߎ߲߫ ߕߊ߬ߡߌ߲߬ߣߍ߲ ߢߌ߲߬ ߠߎ߬ ߘߐ߫ ߌߞߘߐ߫߸ ߕߎߜ
ߋ߬ ߡߌ߬ߙߌ߲߬ߘߌ ߕߊ߯ ߘߊ߫ ߞߐߣߊߞߙߌ߫߸ ߊ߬ߟߎ߬ ߞߐߦߌ߬ߘߊ߬ ߘߴߊ߬ߟߎ߬ ߟߊ߫ ߗߋߘߋ߲ ߠߎ߫ ߟߋ߬ ߓߟߏ߫.ߊ߬ߟߎ߫ ߣߊ߬ߣߍ߲߫ ߕߘߍ߬ ߕߎߜ
ߋ߬ ߡߌ߬ߙߌ߲߬ߘߌ ߟߎ߬ ߟߊ߫ ߗߋߟߊ ߘߏ߫ ߟߋ߬ ߟߊߛߋ߫ ߟߊ߫، ߞߋߟߊ ߏ߬ ߞߎߡߊ ߡߊ߲߫ ߛߌߦߊ߫، ߊ߬ߟߎ߬ ߞߊ߲߫ ߞߏ߫ ߞߊ߬ߦߌ߯ ߞߊ߬ߝߏ ߞߍ߫ ߘߴߊ߬ ߖߘߍ߬ ߘߌ߫߸ ߞߴߊ߬ߟߎ߬ ߡߊ߫ ߡߣߊߓߏ (ߜߎ߬ߕߐߙߐ߲) ߣߌ߫ ߢߎߡߊ߫ ߛߐ߬ߘߐ߲߬ ߊ߬ߟߎ߬ ߟߊ߫ ߛߏ ߞߣߐ߫، ߞߏ߫ ߊ߬ߟߎ߫ ߣߵߏ߬ ߟߎ߫ ߛߐ߬ߘߐ߲߬ ߠߊ߫ ߕߎߟߊߝߌ߲ ߂߀߂߁ ߣߌ߲߬ ߠߋ߬ ߞߐߝߍ߬.ߊ߬ ߘߏ߲߬ ߒ ߟߊߣߍ߲߫ ߊ߬ ߟߊ߫ ߞߏ߫ ߕߎߜߋ߬ ߞߋߟߋ߲߫ ߕߎ߲߬ ߕߍ߫ ߢߊ ߏ߬ ߡߊ߬، ߊߟߎ߫ ߓߊ߯ ߕߊ߯ ߞߊ߬ߝߏ ߛߏ߫ ߛߌߦߊߡߊ߲߫ ߞߣߐ߫߸ ߒ ߕߍߣߊ߬ ߏ߬ ߟߎ߬ ߓߍ߯ ߡߊߘߊ߲߫ ߠߊ߫߸ ߒ ߞߊߣߊ߬ ߢߌߣߊ߬ ߘߏ߫ ߟߎ߫ ߞߐ߫߸ ߛߍߥߊ߫ ߞߋߟߋ߲߫ ߏ߬ ߟߋ ߓߍ߯ ߞߊ߲߬.ߞߏ߫ ߛߌߦߊߡߊ߲߫ ߠߋ߬ ߓߘߊ߫ ߞߍ߫، ߞߏ߬ߣߌ߲߬ ߞߍߕߊ ߟߎ߬ ߞߊ߫ ߛߌߦߊ߫ ߞߏߛߓߍ߫، ߏ߬ ߟߋ ߞߏߛߐ߲߬ ߡߍ߲ ߕߏߣߍ߫߸ ߏ߬ ߟߋ ߞߊ߫ ߛߌߦߊ߫، ߏ߬ ߟߋ ߞߏߛߐ߲߬ ߊ߲ ߡߊߞߏ߬ ߦߋ߫ ߡߐ߰ߓߊ ߟߎ߬ ߟߊ߫ ߡߊ߬ߕߙߊ߬ߟߌ ߟߎ߬ ߟߊ߫߸ ߡߌ߬ߙߌ߲߬ߘߌ ߟߎ߬ ߟߊ߫ ߖߘߍ߬ߘߏ߲߬ߠߌ߲ ߠߊ߫ ߞߊ߬ ߕߊ߯ ߓߍ
߲ ߛߌߟߊ ߞߊ߲߬߸ ߛߌ߰ߢߐ߲߰ߦߊ߬ ߓߘߍ ߛߌߟߊ ߞߊ߲߬߸ ߛߴߊ߲ ߘߌ߫ ߛߴߊ߲ ߠߊ߫ ߞߊ߬ߝߏ ߟߊߘߊ߲߫ ߠߊ߫ ߏ߬ ߘߐ߫ ߛߊ߫.ߞߊ߬ ߟߊ߬ߘߊ߲߬ߠߌ߲ ߞߍ߫ ߓߍ߯ ߟߊ߫ ߕߐ߬ߣߐ ߡߊ߬، ߓߊ߯ߙߊ߫ ߘߊߞߎ߲߫ ߓߟߋߓߟߋ ߟߎ߬ ߓߘߊ߫ ߘߊߡߌ߬ߘߊ߫ ߞߊ߬ ߓߊ߲߫ ߞߊ߬ ߞߐ߲߰ ߊ߲ ߠߊ߫ ߣߊ߬ߟߌ ߢߍ߫ ߝߙߊߣߊ߫، ߏ߬ ߟߎ߬ ߣߌ߫ ߦߊ߲߬ ߕߍ ߦߋ߫ ߞߎߘߊ߫ ߃߀ ߟߋ߬ ߟߊ߫߸ ߤߊߡߊ߲߫ ߊ߬ ߕߍ߫ ߛߴߏ߬ ߘߐ߫، ߊ߲ ߓߘߊ߫ ߞߍߣߍ߲߫ ߓߟߋߓߟߋ߫ ߓߊ߯ߙߊߣߍ߲ ߠߎ߬ ߦߋ߫.ߕߊߙߊ߲ߛߑߖߌߣߋ ߟߊ߫ ߣߍ߰ ߛߌߟߊ ߡߍ߲ ߠߊߘߊ߲ߕߐ߫ ߊ߬ߟߎ߫ ߞߍ߬ߙߍߝߍ߬ ߘߊ߬ߡߊ߲߬ߝߋ߲ ߠߎ߬ ߡߊߘߏ߲߬ߠߌ߲߬ ߞߊ߲ߡߊ߬߸ ߏ߬ ߕߍߣߊ߬ ߘߊ߬ߡߊ߲߬ߝߋ߲ ߠߎ߬ ߞߋߟߋ߲߫ ߡߊߘߏ߲߬ߠߌ߲߬ ߠߊ߫، ߊ߬ ߘߌߣߊ߬ ߡߐ߱ ߟߎ߬ ߣߌ߫ ߞߙߊ߬ߖߊߥߏ ߟߎ߬ ߝߣߊ߫  ߡߊ߬ߘߏ߲߬ߠߌ߲߬߸ ߦߏ߫ ߎߜߊ߲ߘߊ߫ ߞߊ߲ߕߌ߮ ߞߵߏ߬ ߝߐ߫ ߢߊ ߡߍ߲ ߞߌߜ
ߊߟߌ߫.ߣߍ߰ ߛߌߟߊ ߓߊ߯ ߟߊߘߊ߲߫߸ ߏ߬ ߦߋ߫ ߥߙߎߞߌ ߛߌߟߊ ߟߋ߬ ߟߊߞߊ߬ߣߍ߲ ߘߌ߫، ߏ߬ ߘߐ߫߸ ߝߙߊߣߊ߫ ߡߌ߬ߙߌ߲߬ߘߌ߸ ߊߟߎ߫ ߦߋ߫ ߟߊ߫ ߛߌߣߌ߲߫ ߠߊ߫، ߤߊߟߌ߬ ߣߴߊ߬ ߕߘߍ߬ ߘߊ߫ ߞߏ߫ ߞߏ߫ ߛߌߦߊߡߊ߲߫ ߦߴߊߟߎ߫ ߖߊ߲߬ ߠߊ߫ ߓߌ߬.ߢߎߡߍ߫ ߕߴߊߟߎ߫ ߓߟߏ߫، ߜߊ߲߬ߜߊ ߦߴߊߟߎ߫ ߟߊ߫ ߛߌߟߊ ߟߎ߫ ߞߊ߲߬ ߔߎ߫، ߊߟߎ߫ ߟߊ߫ ߡߞߊ߬ߛߌ߬ߟߌ ߞߊ߫ ߛߌߦߊ߫.ߞߏ߬ߣߌ߲߬ ߒ ߘߴߊ߬ ߝߐ߫ ߊߟߎ߫ ߦߋ߫߸ ߊߟߎ߫ ߦߋ߫ ߟߊ߫ ߛߌߣߌ߲߫ ߠߊ߫، ߊ߬ ߕߍ߫ ߡߍ߲߫߸ ߊ߬ ߘߌ߫ ߞߍ߫ ߦߏ߫ ߥߙߎߞߌ ߘߐ߬ߞߏ ߟߎ߬ ߦߋ߫ ߛߌߦߊߦߴߊߟߎ߫ ߡߊ߬، ߏ߬ ߘߌ߫ ߞߍ߫ ߕߙߎ߬ ߘߌ߫ ߖߌ߬ߣߍ߬ ߞߊ߲ߓߍ߲ ߕߊ߲ߓߊ߲ ߕߌ߲߬ߞߎ߲ߘߎ ߡߊ߬߸ ߢߌ߬ߣߊ߫ ߕߎ߲߬ ߓߘߊ߫ ߞߍ߫ ߏ߬ ߡߍ߲ ߞߐ߫ ߞߊ߫ ߡߍ߲߫߸ ߊ߬ ߘߌ߫ ߞߍ߫ ߞߊ߬ߝߏ ߣߌ߲߬ ߠߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߥߙߎߞߌ ߕߍߡߊߞߟߏ ߘߌ߫، ߊߟߎ߫ ߘߴߊ߬ ߦߋ߫، ߒ ߧߋ߫ ߡߍ߲ ߝߐ߫ ߞߊ߲߬ ߣߌ߲߬߸ ߏ߬ ߕߍ߫ ߓߘߍ߬ߓߘߍ߬ߟߌ߬ ߞߎߡߊ ߘߌ߫.ߒ ߧߴߊ߬ ߝߍ߬ ߞߊ߬ ߒ ߠߊ߫ ߘߍ߲߬ߞߣߍ߬ߦߊ ߡߍ߲ ߦߌ߬ߘߊ߬ ߊߟߎ߫ ߟߊ߫߸ ߏ߬ ߟߋ ߞߏ߫ ߣߌ߫ ߞߏ߫ ߞߎߘߊ߫ ߦߋ߫ ߞߍ ߟߊ߫ ߖߌ߬ߣߍ߬ ߘߐ߫، ߖߌ߬ߣߍ߬ ߘߌ߫ ߕߊ߯ ߢߍ߫.ߊ߬ ߘߏ߲߬ ߕߊ߯ߟߌ ߢߍ߫߸ ߝߙߊߣߊ߫ ߕߌ߲߬ߞߎߘߎ߲ ߘߌߣߊ߬ ߞߍ߫ ߏ߬ ߟߎ߬ ߝߟߐ ߘߌ߫߸ ߞߊ߬ ߞߍ߫ ߖߌ߬ߣߍ߬ ߞߊ߲ߓߍ߲ ߟߊ߫ ߕߊ߯ߟߌ ߞߎ߲߬ߧߊ ߟߊ߫، ߊߟߎ߫ ߦߋ߫ ߟߴߊ߬ ߟߊ߫، ߊߟߎ߫ ߞߊߣߊ߬ ߝߊ߬ߘߌ߬ ߘߐߝߊ߰.ߊߟߎ߫ ߞߊߣߵߊߟߎ߫ ߡߊߞߊ߬ߛߌ߬، ߊߟߎ߫ ߦߋ߫ ߡߊ߰ߙߌ ߕߊ߲߬ߘߏ߫، ߊߟߎ߫ ߦߋ߫ ߝߋ߲߫ ߘߌ߫ ߡߐ߰ ߡߊ߬߸ ߡߍ߲ ߠߴߊ߬ ߞߊ߫ ߞߊ߲߫.ߘߎ߲߬ߓߎ߬ߦߊ߬ߓߊ߸ ߊ߬ ߟߊ߫ ߦߋߟߌ ߡߊ߬߸ ߊ߬ ߓߘߊ߫ ߞߏ߫ ߞߍ߫߸ ߘߏ߫ ߟߎ߫ ߡߊ߫ ߛߋ߫ ߡߍ߲ ߠߊ߫ ߥߟߴߊߟߎ߫ ߕߎ߲߬ ߕߴߊ߬ ߝߍ߬ ߞߵߊ߬ ߡߍ߲ ߞ،ߕߊߙߊ߲ߛߑߖߌߣߋ ߣߌ߫ ߛߌߡߊ߲ߘߎ߯ ߣߍ߰ ߛߌߟߊ ߘߐ߬ߛߏ߬ߘߏ߲߬ߜߊ߬ߟߌ ߖߊ߬ߕߋ߬ߘߐ߬ߛߌ߮߸ ߏ߬ ߟߎ߬ ߞߏ߫ ߘߊߡߌߘߊ ߟߋ߬ ߘߐߙߐ߲߫ ߘߌ߫.ߒ ߧߴߏ߬ ߝߐ߫ ߟߴߊߟߎ߫ ߦߋ߫ ߞߊ߬ ߓߍ߲߬ ߞߏ ߟߋ߬، ߡߍ߲ ߞߍ ߦߴߌ ߘߐ߫߸ ߤߊ߬ߟߌ߬ ߛߌߡߊ߲ߘߎ߯ ߖߍ߬ߘߍ߸ ߏ߬ ߦߋ߫ ߖߊ߬ߕߋ߬ߘߐ߬ߛߌ߰ ߓߟߋߓߟߋ ߟߋ߬ ߘߊߡߌߘߊ ߘߌ߫߸ ߡߍ߲ ߘߌ߫ ߞߊ߬ߝߏ ߣߌ߲߬ ߦߟߍ߬ߡߊ߲߬ ߥߟߊߞߌ߫ ߛߊ߲ ߣߊ߬ߕߐ ߟߎ߬ ߘߐ߫، ߊ߬ ߘߌ߫ ߞߍ߫ ߝߘߊ߬ߝߌ߲߬ߠߊ߫ ߖߡߊ߬ߣߊ߫ ߕߣߐ߬ߡߊ ߟߎ߬ ߘߏ߫ ߘߌ߫߸ ߒ ߡߊ߫ ߝߐ߫ ߘߋ߬ ߞߏ߫ ߘߎߢߊ߫ ߓߍ߯.ߊߟߎ߫ ߣߌ߫ ߗߋ߫ ߘߏ߲߯، ߊߟߎ߫ ߣߌ߫ ߞߟߊߓߎߡߦߊ߫.