Konaakiri ñannde 21 juko 2026, yaakitoraaɗo hooreejo kabinee on, Doftooru Dawuda Kamisoko nootino e innde Ardiiɗo yaakitoraɓe ɓen Aamadu Wuuri Baa ka nafakka mo jaagoraaɗo Hawtaaandi Koddiwaaru on Gine nodditi fii anital 66ɓal kettal ndimu ngenndi maɓɓe ndin
Ɗun ko e werde mawnde ka saare Konaakiri ɗoo waɗi. Haaju ngun moftuno huɓindiiɓe buy liggotooɓe ka laamu e jaagoraaɓe goo, e yeñinooɓe jawle wonndude e koddiwaarunaaɓe buy wuuruɓe Gine.
Ngal tummbondiral ko nder welo-welo waɗi e hoore seedintinal huuwondiral hawtaandi Gine ndin e ndi Koddiwaaru ndin.
Gine no jeyaano, hiɗen anndintina, e leyɗe teddiniranooɗe ɗen fii tawdegol Abijan ka anital, ɗun ko ñannde 6 juko waɗi ka saare Abijan.
