Konaakiri ñannde 29 korse 2026 Ardiiɗo yaakitoraaɓe ɓen Aamadu Wuuri Baa ardiike haaju weeɓitugol eɓɓoore ngenndiyankoore fii ɓantal banŋal joorooje, kuugal immorngal yaaakitorde fii ngaynaaku ngun.
Haaju ngun ko ñannde 29 e ñannde 30 korse 2026 e nder weerirde mawnde ka saare Konaakiri waɗi. no tawanoo e nguu haaju liggotooɓe ɗuuɗuɓe humondirɓe e aynugol joorooje. Faandaare mawnde nden ko ɓantugol banŋal ngayna joorooje ɗen timmbana sukaaɓe ɓen golleeji, hiwa haarannde ngenndi ndin.
Eɓɓoore nden no faandii yeñinngol jawle telen miliyaaruuji 5 124 mbuuɗi faran Gine. Ɗun ko wano miliyonji 563 dala amerikinaaɓe, mbuuɗi ɗi laamu ngun mooɓiti wonndude e luujooɓe maɓɓe. si nde ñinnaama, ɗun newinay haɓugol e banŋe teewu wiirooje e boofo majje e hoore kadi hara golle yeru yimɓe 260 000 no ƴettaa e ɓuri 300 000 no gollideede.
Yaakitoraaɗo fii ngayna kan Feliks Lamaa holli faandaare eɓɓoore nden e ɓure ko nde dañata kon si nden ñinnaama e wurin foolotiro ngo aynooɓe ɓen ñinnata ngon.
Ardiiɗo yaakitoraaɓe ɓen kañun anndintin ɓure ɗe Gine jogiiɗen fii timmbanngol yimɓe ɓen golle yaadude e ɓantal faggudu.
« Ngal banŋal joorooje, no hitti sanne e timmbay liggeeji buy. E nder lebbi jeegoo sukaaɓe ɓen fuɗɗoto kisan soñude toore maɓɓe nden. Hiɗen haani wattude leydi men ndin e golle », O ɓanngini.
Ardiiɗo yaakitoraaɓe ɓen, tentinii e luujondiral hakkunde laamu ngun e njuɓɓudiiji luujotooɗi e banŋal jawle e ñeeñal ɗin fii no banŋal ngal ɓantora e nder ko duumii.
