UNE GUINEE NOUVELLE EST POSSIBLE

TAKKIINGAL MAWNGAL GINE : MOBERE CA’INANAAƁE WEEƁITANII ARDIIƊO YAAKITORAAƁE ƁEN EƁƁOORE MUN NDEN

Konaakiri ñannde 17 silto 2026 Ardiiɗo yaakitoraaɓe ɓen Aamadu Wuuri Baa sannii ka jonnde mun moftannde anterepiriisiiji ca’inanaaɓe fii yo ɓe weeɓitan-mo eɓɓoore Takkiingal manngal Gine wonndude e timmbugol pooru on Kap-werga humindira mo e ɗatal laana kan haa Santu.

E nder ngal tintidal seeniiɓe ɓen e ley ardorde SPIC e Chinalco hollitii dame mawɗe eɓɓoore nden. Hinde saatini ɗatal laana ngal km 160 e pooru gasayɗo henñude batoo mo toonu 200 000. Wintaari ndin ko no tamƴinaa telen miliyaaruuji 3 dala amerikinaaɓe fii telen toonu miliyonji 77 leydi baafata e nder hitaande nden.

Wonannde seeniiɓe ɓen, eɓɓoore nden yiidintinay nokkeeli buy e nder leydi Gine ndin newina dillere nden. Pooru on e ɗatal laana kan gollidete e nder lebbi 48.

Ɓe holli fahin wonnde ɗun yeñinay jawle ɗuuɗuɗe, okka sukaaɓe ɗuuɗuɓe golle telen 10 000 fewndo ka timmbugol ɗoo.

Ardiiɗo yaakitoraaɓe ɓen anndintinii taho golle ɗe Chinalco huuri ɗen ka eɓɓoore oogirde Simanndu. O tamƴinii wonnde tawegol maɓɓe e ɓantal nan-naange ngenndi ndin ko huunde hittunde e nder baylanduru faggudu ngenndi ndin.

Ardiiɗo yaakitoraaɓe ɓen holliɓe wonndema laamu Gine ngun ko sago faadee e ndee eɓɓoore nde o waɗi e banŋe ɓantal humondirngal e yeɗugol Gine yulirɗe kenndeeje fii ɓantal faggudu ndun. O tentini hitteendi dañugol pooru lugguɗ e ɗatal laana gila Kap werga haa Santu.

O holli wonndema kippu timmbete e ley ardiigu yaakitorde aranere nden ko yewtida e Ca’inanaaɓe ɓen. Jeyete e on kippu jagge yaakitorɗe oogirɗe ɗen, dillirɗe ɗen, hunndaari ndin, alhaaliiji ɗin, e ilan yiite ngen, fii no kuugal laamu ngun yuɓɓondirora e nder nanondiral.

Ka joofinngol, Ardiiɗo yaakitoraaɓe ɓen holli wonndema telen laamu ngun ko sago, hiɓe yelii yi’ugol yewtereeji ɗin no fuɗɗoo hakkunde lamu ngun e Ca’inanaaɓe ɓen.

Partager:

Facebook
Twitter
LinkedIn