Konaakiri ñannde 10 juko 2026 adi saato sakkitoro ngon e lewru silto 2026 e yaakitorɗe ka lannoode bowte 2026 kabinee yaakitorde aranere nden e konngol Ardiiɗo Yaakitoraaɓe ɓen Aamadu Wuuri Baa dillanii ndarto ɗeri ndartinirɗi ɗin cagge yaakitorɗe ɗen.
Tummbundiral ngal ko e ley ardiigu yaakitoraaɗo ardiiɗo kabinee on e cukko makko on, nde tawnoo ko ɓe ardiiɗo e cukko mun, wonannde mojobere halfinaande ndarto ngon. No wallitaade ɓe e golle ɗen hoorejo Kabinee on e waajotooɓe ka yaakitorde aranere.
No nootanii Yaakitoraaɓe ngenndi ndin e ɗee golle koolaaɓe kayɗi, hooreeɓe kabinee yaakitorɗe ɗen waajotooɓe ɓen, inspekteer ɓen e hooreɓe BSDjiɗin.
Ngoo ndarto ɗoo ko taskagol ɗeri ɗi yaakitorɗe ɗen addi ɗin, saata ɗi, eɓɓindira ɗin e ko yaakitorde aranere nden jogii kon . Ndarta wintaaje ɗen saata, eɓɓindira seeditorɗi ɗin. Fii hebulinngol saato silto 2026 ngon.
Fii ngal ñallal aral golle ɗoo, yaakitorɗe nayi ɓanngini ɗeri mun ndartirɗi ɗin, ɗun ko yaakitorde fii ñaawoore nden e hakkee neɗɗanke, yaakitorde fii eɓoore nden, yaakitorde fii golle ɗen, e yaakitorde kolorde kuugal laamu ngun.
Ko udditi damal ngal ko yaakitorde fii ñaawoore nden e hakkee neɗɗanke.
