Konaakiri ñannde 15 morso 2026 – Ardiiɗo yaakitoraaɓe ɓen Aamdu Wuuri Baa ardike ka jonnde Cour d’appel, haaju hurmbitugol yewtere aranere ngenndiyankoore polkileerɓe ɓen.
Ko yaakitoraaɗo fii nundal ngal e haqqeeji neɗɗanke immorde e ardorde boneeji mawɗi ɗi timmbi haaju ngun. Ɗun non ko gila 15 haa 17 morso 2026 ɗun waɗata.
Ko e ley tiitoonde « lollinngol ɗate mawɗe ɗoworɗe ñaawooje ngenndi ndin, ñinnira noone gooto kuuɗe ñoowooɓe ɓen faadee e jamaa on » yewtere polkireerɓe ɓen ko tummondiral fii ɓeydondiral hakkunde polkireerɓe ɓen e nder Hawtaandi Gine ndin.
Ka nder yewtere makko sannirde, Ardiiɗo alhaaliiji boneeji mawɗi ɗin e yaafuyeeji ɗin Moodi Aamadu Wuuri Jallo holli wonnde ngal kuugal ɓedital nanndindingol kuuɗe ñaawooɓe ɓen e yaccina huura kuuɗe ñaawoore nden e nder ngenndi ndin
Wonannde yaakitoraaɗo fii ñaawore e haqqeeji neɗɗanke, Moodi Iburaahiima Sori Tunkaraa, ngal tummbondiral no ɓanngini faale laamu ngun yeɗugol ñaawooɓe ɓen aala newinoo ñaawooje ɗen no haaniri ko aldaa e ŋakkere faadee e jamaa on.
Ardiiɗo yaakitoraaɓe ɓen jarnii ndee eɓɓoore newinanaynde polkirerɓe ɓen nanondirgol e noone golle fii yo ñaawooje ɗen wonu goote e nder leydi ndin fow. O holli wonnde ñaawooɓe ɓen (majistaraaɓe ɓen) no waɗude golle kelɗuɗe fii tabimtinngol hoolaare hakkunde ñaawooɓe ɓen e jamaa on.
« Ñaawoore nden no haanaa huurireede e nder nunɗal e hoore leydi ndin fow fii no ginenaajo kala hoolora fow no fota ka sariya » o ɓeyditi.
Ardiiɗo yaakitoraaɓe ɓen tentinino e huurugol ñaawoore nden tippude e baylanduru faggudu ndun, karallaaku ngun, kiwal leydi ndin. O torii yo ɓe rewrinɗin alhaaliiji ñaawoore nden.
O hooli faadee e faandaare ɓantal Gine nden kiwal jawle wintaaɗe ɗen e ardiigu laaɓungu ko e ñaawoore nden fawii. O torii polkireerɓe ɓen nunɗugol ka golle maɓɓe.
« eɓɓooje mawɗe fii ɓantal genndi ndin no lanndii ñunɗal mawngal ka ñaawooje waawayngal hiwude jawle wintaaɗe ɗen e newina wonunnde deeƴunde » hommbi Ardiiɗo yaakitoraaɓe ɓen.
