Kinndiyaa ñannde 22 duujal 2026 Cukko Ardiiɗo jonnde nden ka yaakitorde aranere, Lansine Hawa Dummbuyaa wonndude e sonnaajo hooreejo kabinee on Sonna Faatumata Binta Jallo e wonndude e huɓindiiɓe buy ka yaakitorde aranere tawdaama e innde Ardiiɗo yaakitoraaɓe ɓen janngannde Alqur’aan ka juulirde mawnde Fisa-hopital ka saare Kinndiyaa..
Ko jibinaaɓe e nokkuure nden wonni ko timmbi haaju ngun fii ɓuttu e nanondiral, woni ka nokkuure maɓɓe maa nder leydi ndin fow fii ñinnugol ɓantal e nder laral Kinndiyaa ngal. Hi ngal yaadi e faandaare laamu ngun fii ɓantugol laral ngal wano waɗugol ndole e nder saare nden, darnugol duɗe, waɗugol boyli e alhaaliiji ɓantal heewuɗi.
Sonna Faatumata Binta Jallo ɓay ƴettii konngol o holli wonndema waɗugol toraare Alla fii ɓuttu, fii deeƴere ngenndi Gine ndin e hoore hara no tammbitii ɓantal nokkuure nden e laral ngal fow no jeyaa e giyaa mawɗo fii ƴellintingol Kinndiyaa.
Cukko Ardiiɗo jonnde nden Lancine Hawa Dummbuyaa weltanino duhiiɗo e sonnaajo sabu mawnugol faandaare nden. O weltori toraare nden sabu ɓuttu e nanondiral renndo ko aranal fii ɓantal ngenndi.
