Konaakiri ñannde 20 mbooyi 2026 – Ardiiɗo yaakitoraaɓe ɓen Aamadu Wuuri Baa tottii haqqee ruƴƴugol julde suumayee ka juulirde mawnde Faysaal wonndude e yaakitoraaɗo on ka sukaaɓe e eltere ɓanndu.
E nder yewtere ɓenndunde, o weltanike Alla nde tawnoo on newinanii julɓe ɓen hoorugol lewru suumayee e o weltanii fahin ginenaaɓe ɓen yankinaare maɓɓe nden. O holli hawrondiral suumaayee on e ñalɗi korka annasaaraaɓe ɓen, e wi’e makko ɗun ko maande mawnde yurmondiral e huuwondiral wonannde ɓii-leyɗi ngenndi ndin fow.
E nder yewtere makko nden Ardiiɗo yaakitoraaɓe ɓen weltanike jamaa Gine on fota non sabu muñal ngal o ardini e sadakaaji ɗi o totti faadee e miskinaaɓe ɓen. E nder ɗun, yurmondiral e naɓidal ɓeydike e nder ngenndi ndin e kadi ɓuttu ñiiɓii e nder renndo ngon.
Ka lannoode, e innde Ardiiɗo leydi ndin, o torike ardiiɓe diina kan du’agol fii ɓuttu wonannde Gine e Laral hirnaange Afiriki ngal fow.
