Konaakiri ñannde 10 juko 2026 – Ardiiɗo yaakitoraaɓe ɓen Aamadu Wuuri Baa ardiike haaju weeɓitugol eɓɓoore heyɗintino yaakitorde golle e kiwal renndo ngon.
Ndee eɓɓoore ko tayre aranere e faandaare laamu ngun fii ardinngol golle e kiwal renndo e kala baylanduru humondirngu e faggudu e nder ngenndi ndin.
E nder yewtere yaakitoraaɗo golle ɗen e kiwal renndo ngon, Mori Konnde ɓannginii ɓeyditugol njuɓɓundi humpito ngon faadee e golle ɗen fii no etora golle dañotooɗe ɗen e winntaari humondirndi e ngenndi ndin maa jeytoral.
O tentinike fahin faadee e naɓidugol hakkunde jannde e ko jamaa on ɓillori kon wano e banŋe oogirɗe, demal, ilan yiilte, suluuji rewrinorde e dillirde. O holli wonndema timmbugol ka lare, kuɓeeje e golle sukaaɓe ɓen e yeñino jawle wallitoto fota fii huuwondiral e nanonndiral hakkunde sukaaɓe ɓen e timmbugol kawtitte yeñinooje jawle.
E senngo goo o ɓanngini laawol hittungol : yeñingol jawle immorɗe sekteer informel faadee e pehinorde timmbooɓe enterepiriisi ɓen. Faandaare nden e wi’i maɓɓe ko newinngol no jamaa on henndora, huutora jawle ɗen fii kiwal renndo ngon.
Ardiiɗo yaakitoraaɓe ɓen holli wonndema timmoode ngal kuugal ko newinngol nguureeji jamaa on. O annditini, ɓantal faggudu no haani dañinnde jawle senda ɗe no haaniri.
E nder ɗun himo torii winntagol e ɓanŋe bunnjayɗe wano demal, ngayna, yunngo tuumaaɗe timmbay golle heewuɗe ɗuyta baasal : «Miɗo torii luujotooɓe ɓen e banŋal renndo ardinngol yewtere nde tawata ko nde farilla fii deeƴere nden e wintagol ngol e bantal duumiingal. »
Tummbondiral ngal moftuno jeyaaɓe ka laamu, Ardiiɗo UN on Gine lujotooɓe e banŋe renndo, e nootiiɓe e innde Patronaa
