Konaakiri, ñannde 02 mbooy 2026 kawtital yeeyooɓe e ñeeñuɓe Gine ɓen e faransiire Chambre de commerce, d’industrie et d’artisanat de Guinée sannano hannde ka yaakitorde aranere. Seeniiɓe ɓen heyɗintinii tammbitannde mun nden faadee e laamu ngun, ɓe holli kadi nootaniiɗo ɓe on e leydi Ameriki (USA) ndin.
Ko ardii seeniiɓe ɓen, ko ardiiɗo CCIAG on Mammadu Balde, e nder hen ɓe weltanii ardiigu ngun ko ngu heyɗintini kon ardinngol Ardiiɗo yaakitoraaɓe ɓen. E innde Patoronaa Gine on, o heyɗintinii faale kawtital maɓɓe ngal tammbitagol laamu Gine ngun e ɗee eɓɓooje ɓantal ɗe ngu timmbi
Ko e nder ɗun ɓe holli sonna Hawaa Bari nootaniiɗo ɓe e leydi Ameriki (USA), ɗoo e yeeso o wonanayɓe ƴanngal hakkunde Konaakiri e Wasinton. O mottindiray ginenaaɓe yaltuɓe ɓen fii no ɓe wintora ka ngenndi maɓɓe.
“ko o salndu Saambur ngenndiyankoojo on wonuɗo USA on. Faandaare makko ko jiwɗingol newina huuwondiral hakkunde Konaakiri e Wasinton fii jiñinngol anterepiriissji amerikinaaɓe ɓen yo ɓe wattan hilla ɓe wintoo Gine”.
