UNE GUINEE NOUVELLE EST POSSIBLE

GINE : UDDITO FII ELTO JEERE ARANERE NDEN KA DUƊAL HARE GINE

Konaakiri ñannde 12 yarkoma 2026 – Ardiiɗo yaakitoraaɓe ɓen ardike haaju hurmitugol elto jeere aranere nden ka duɗal hare Gine, ñoggaande e farnsiire (EGG). Ɗun ko waɗi, ko tawnde hooreeɓe konu Gine ngun.

Nguu haaju ko tayre mawnde wonannde elto konunnkeeɓe ginenaaɓe ɓen. Wonannde ndee jeere aranere ɗoo, duɗal hare ɗen no miijii eltugol konunnkeeɓe wawɓe toppitagol alhaaliiji kenndeeji, ɓeyditta ñeeñal tasakuyee maɓɓe on, ñeeñal anndintinngol fii no tontoraa no yaawiri caɗeele humondirɗe e kiwal e nder hunndaari jilɓundi ka tawata ko woniwoo ko doole etirtee.

Ardiiɗo duɗal hare ɗen EGG Senereal Aamadu Kabaa, ka nder yewtere makko, o ɓannginii weltaare tinugol ndee eɓɓoore no laatii sabu hari himo e fii mayre gila hitaande 2007 fewndo o janngaynoo jannde etaa-maajor elto ñinnaago Gine. Duuɓi sappo e jeenay hikka. Hannde ko kanko ardii duɗal ngal gila ngal sincaa ñannde 30 silto 2026. O jarni huulannde Ardiiɗo Hawtaandi ndin Koohoo Maamadii Dummbuyaa faadee e ɓantal jannde kununkeeɓe ɓen e o heyɗintini angisannde makko nden faadee e ardagol no haaniri duɗal ngal.

Yaakitoraaɗo nootiiɗo immorde e ardiigu ngun fii kiwal ngenndi ndin, Ibrahima kalil Konde torike konunnkeeɓe ɓen tinnaare e sattinaare fii waawugol ardagol e nder adintinaare e nder yankinaare faadee e Hawtaandi ndin.

Ardiiɗo yaakitoraaɓe, e innde Ardiiɗo Hawtaandi ndin, jarnii timmbo ngal duɗal Hare Gine ngal o tuumi tayre mawnde yawtaande e banŋal elto konunkeeɓe ngenndi ndin fii ñiiɓinngol ndimu ginenaaɓe ɓen. Fewndo ka tawata winndere nden no e nder baylanduru mawndu wonndude e caɗeele e banŋal kiwal leyɗe ɗen. O ɓanngini hitteendi eltugol konu mun ngun fii no waawira taskaade eta caɗeele fewndiiɗe ɗen e nder winndere nden, takkida ɗun e huuwondire ɗen, e ɗoworɗe ɗen, e faggudu ndun e fiyaake neɗɗanke e kiwal ngenndi.

Nde o fewtunoo eltotooɓe aranɓe ɓen e ngal duɗal, Ardiiɗo yaakitoraaɓe ɓen holliiɓe wonndema yo ɓe etu jikke fawaaɗe ɗen e maɓɓe nde tawnoo ko ɓe aranɓe e ngal duɗal. O toriiɓe tinnaare, yankinaare e sattinaare e needi faade e ngenndi ndin. O watti wonnde no jeyaa e ko ɓantata ngal duɗal, wakkilaare maɓɓe nden. O ɓeyditani ɓe wonndema konu no haani wonude e sago leydi e hoore teddinngol ɓure ngenndi ndin.

Partager:

Facebook
Twitter
LinkedIn