Konaakiri ñannde 30 korse 2026 – Jaagoraaɗo Aka Bru nootiiɗo e innde CEDEAO seenike ka Ardiiɗo yaakitoraaɓe ɓen fii waynitagol. E nder ɗun, o jarnii Gine sabu tinnaare ngenndi e huurugol naɓidal mun ngal e njuɓɓudiiji laral hirnaange Afiriki ndin e winndere nden. O holli wonde yewtidal ngal newinii hoolondiral ngal.
Ka jonnde Ardiiɗo yaakitoraaɓe ɓen, jaagoraaɗo Aka Buru anndinntinii taƴe jonnde makko nden Gine « Ko mi hewti Gine e siilto 2022 hari huuwondire hakkunde Gine e CEDEAO no heewi caɗeele. Kono hannde Gine artiti e nder jonnde nden e Ardiiɗo Hawtaandi ndin no teddiniraa tawdegol ka jonnde aroore », o holli, o watti ɗon wonndema jonnde nootaniiɓe CEDEAO ɓen timmbete Gine, ɗun ko huunde habbanoonde gila duuɓi jeɗɗi.
Ardiiɗo Yaakitoraaɓe ɓen e nder yewtere mun annditanii jaagoraaɗo on sabu tennaare makko nden e wakkilaare makko nden gila ñannde o hewti Gine : « ko on newinooɓe on waawii men wakkilinde hiɗon jarnaa », o hommbiri.
