Konaakiri, ñannde 9 Morso – Ardiiɗo yaakitoraaɓe ɓen wonndude e huɓindiiɓe duuɗuɓe seenino ka « kaas Belwii » hiwrondirgol battane faatunnde Sonna Anderee Tuuree Sonnaajo adiiɗo ardaade Hawtaandi Gine ndin. Ndee faatunnde ko Rabaa waɗi e nder leydi Marok.
Ɓaawo maandingol ka ɗerol yarlinirgol, Ardiiɗo yaakitoraaɓe ɓen coobii fota faatiɓe ɓen, o watti ɗon ɗun ɗoo wonanii Gine hayrere mawnde.
« Ko Gine fow faatoraa ɗoo, ko ɗerol taariika mawɗo waylitaa ɗoo. Himo tawaa e seedeeɓe ɓuruɓe e mawnude e nder ngenndi ndin gila ka Gine hetti hoore mu ehaa e duuɓi arani ni moodi makko ardii ɗin. Ngurndan sonna Anderee ɗan ko taariika Gine on fow rewi ɗon. »
Ardiiɗo yaakitoraaɓe ɓen toppitii e innugol wonnde batti duuɓi Sonna anderee ɗin juuti haa o tini wonnde Gine toppitike e laawol ɓantal yelaangol
« Miɗo faalaa fellitude wonndema Sonna Anderee tinii wonndema miijooji gennda makko ɗin wurnitaama fii ɓantal ngenndi ndin e nder deeƴere e nanondiral », o ɓanngini.
