Konaakiri ñannde 17 collite 2026 – Ardiiɗo yaakitoraaɓe ɓen, tolnii karallɓe immorde e CEDEAO, seeniiɓe fii eggino artira tulɓere laralyankeere fii ngalu ndiyan ɗan nde tawnoo haldano yo jonnde nden artir Gine gila korse (suwen) 2025 ka tummbondiral Ardiiɓe hawtaaɗe.
Ko ardii seeniiɓe ɓen, ko nootaniiɗo CEDEAO on Gine. O addiɓe ko huurugol ñinna eggudu ndu artira liggotooɓe ɓen, yuɓɓindira kippuuji ɗin wonndude e yaakitorde nde ɗun ɗon sappii nden, fii no golle ɗen fuɗɗora e nder lebbi tati arani ɗin e nder hitaande 2026 nden.
Wonannde Seydu Kaasori Bannguraa, ardiiɗo wonnde e yiilirɗe ka CEDEAO, suɓagol Konaakiri ngol, ko tippude e sartiiji wonnduɗi e faandaareeji wano, ɓantal alhaaliiji ɗin fii timmbugol jonnde.
Ardiiɗo yaakitoraɓe ɓen, weltorii kuugal ngal, o anndintini wonndema Gine ko loonde Hirnaange-Afiriki : “Gere ndiyan ɗan ko faandaare amen hittunde. Anngisannde laamu ngun, newinay timmbugol e laatinngol golleeji ndee tulɓere”.
