Konaakiri ñannde 14 morso 2026 Ardiiɗo yaakitoraaɓe ɓen Aamadu Wuuri Baa sannii soferɓe nayo aruɓe hollugol mo seedeeji ɗi ɓe henndii ɗin ka battane elto fii doginngol e nder kiwal.
Ɗun ko ñannde 9 haa ñannde 13 morso 2026 waɗi immorde e koolorde kuugal laamu ngun e luujooɓe mun BECEIP. Ngoo elto moftuno soferɓe cappanɗe jowo fii kiwal nde ɓe dogina
E nder ɗun, Ardiiɗo yaakitoraaɓe ɓen, jarnii soferɓe ɓen fii angisannde maɓɓe nden e banŋe ɓeyduru ganndal. O toriiɓe huutorgol ko ɓe janngi kon fii no taƴƴalle ɗen ɗuytora, ɓe teddina sartiiji laawol ngol ɓe yaara no haaniri.
Soferɓe ɓen nayo ɓangini weltaare faadee e Ardiiɗo Hawtaandi ndin, Maamadii Dummbuyaa e laamu makko ngun fow sabu ko ɓe tammbitii ɓe kon faadee e ngoo elto. Ɓe heyɗintini angisannde maɓɓe nden fii gollugol no haaniri tippude e ko ɓe ɓeyditanaa kon.
