Konaakiri ñannde 13 collite 2026 Ardiɗo yaakitoraaɓe ɓen Aamadu Wuuri Baa tolnii yeñinoowo mo Faransi e Maali Hammadun Sidibe, sincuɗo ponngotiro winndereyankoore nden « Quai 54 ». On ɓanngini faandaare makko nden fii jiwɗingol lollina Basketbol e nder leydi Gine ndin.
Anndintinen, yumma makko ko ginenaajo. Nduu ardu makko nde tawnoo o waɗii duuɓi sappoo e pawdi o araali Gine, o jaɓɓano fota ka Ardiiɗo yaakitoraaɓe ɓen Aamadu Wuuri Baa.
Yewtere maɓɓe nden ko no eltere ɓanndu Basketbol ɓantorta e no o dankorta fayɓe wonuɓe e fijude ɓen eltere ɓanndu e nder leydi ndin.
Hammadun, hollii wonndema o timmbay ponngondiro basketbol nannditayngo e « Quai 54 » fii lollinngol jiwɗina fayɓe wonuɓe e eltaade ɓen, wonndude e warrugol no warretee non e nder winndere nden, tentinii ka NBA.
Ngal kuugal no humondiri e no laamu ngun eɓɓiri non fii lollinngol jiwɗina eltere ɓanndu, fii no sukaaɓe ɓen fontora.
