Konaakiri ñannde 1 Morso 2026 ardiiɗo yaakitoraaɓe ɓen Aamadu Wuuri Baa seeniike ƴewtagol gollooɓe ɓen ka yakitorde fii laaɓal e hoyniran e kuɓɓan.
Ƴewtannde nden ko fii tenƴinngol golle tippude e faandaare ardiigu ngun. E nder nden ƴewtannde, Ardiiɗo yaakitoraaɓe ɓen ardike golle ɗe ɓe saatinnoo humondirɗe e eɓɓooje laaɓal, e hoyniran e kuɓɓan.
Wonannde yaakitoraaɗo fii laaɓal, hoyniran e kuɓɓan, yewtereeji ɗin ko fii heyɗintingol noone no tuuɗe ɗen huurirtee non e sottinirgol seeɗa-seeɗa jiddere nden Daaru-Salaam e tinnagol fii timmbugol jiddere nden Baritoodee e noone no tuuɗe waylirtee fii yeñinngol faggudu timmba golle
E banŋal hoyniran ɗan, o ɓannginii ɓure laatine e banŋe yeɗugol jamaa on ndiyan laaɓuɗan fii ca’e laamoɗe lare ɗen e perefektiiji buy e nder leydi ndin ɗi tawata jawle mun mooɓitaama.
Yewtere nden ɓarorno fahin e banŋe adintingol huɓindagol taƴalle ɗen ka ndunngu ɗoo immorde e toɓo ngon, wano hoositagol jooliɗin.
