Konaakiri ñannde 13 juko 2026, Ardiiɗo yaakitoraaɓe ɓen Aamadu wuuri Baa sannii ka jonnde mun kippuɓe fii koolol jannde nden innaande SALEC. Ko ardii seeniiɓe ɓen ko sonna Kajjatu Kabaa.
Faandaare ngal tintidal ko jarnugol Ardiiɗo yaakitoraaɓe ɓen sabu tammbitannde e koolol jeegaɓol huuranoongol e setto feƴƴungo ka paleedipeepul Konaakiri.
E nder ɗun, Kajjatu Kabaa hewtinii Ardiiɗo yaakitoraaɓe ɓen derol dartol koolol jeegaɓol ngol wonndude e torofee seeditorɗo annditannde faadee e ardiiɗo yaakitoraaɓe ɓen. O watti ɗon yeɗugol defte ɗiɗi-ɗiɗi ɗe kanko tigi o winndi. O humpitori mo ɗon foolitiro nayaɓo mawngo fito waɗayngo e jolal arooru.
Ardiiɗo yaakitoraaɓe ɓen, Aamadu Wuuri Bah jarnii kippuɓe ɓen koolol ngol sabu angisannde maɓɓe nden faadee e jiwɗinngol jannde (taro) o holli wonnde toro ngon no finndina e no bunjina setta hakkil neɗɗo.
Ganndal ko ngoo taro dañotoo wi’i Ardiiɗo yaakitoraaɓe ɓen : « Taro, ko hettaare, ko baylanduru, koo manngu wonannde neɗɗo fii dañugol ganndal », o hommbiri yewter nden e hoore himo toroo sukaaɓe ɓen e janngugol.
