Konaakiri ñannde 9 morso 2026 Ardiiɗo yaakitoraaɓe ɓen Aamadu Wuuri Baa ardike jonnde golle arane fii hollitugol eɓɓoore aala fii tefoore njuɓɓudiiji laamu ngun ka yaakitorde aranere.
Ndee jonnde no moftunoo ardiiɓe banŋeeji buy ka yaakitorde aranere wano cukko ardiiɗo kabinee on Lansine Hawa Dummbuyaa e ardiiɗo kabinee on sonna Fatoumata Binta Jallo e liggotooɓe ɗuuɗuɓe fii hollugol ɓe eɓɓoore golle nde ɓe adii ñinnude nden immorde e mojobere halfinaande timmbugol aala on newinirɗo ardiigu laatiingu.
Aala yottiiɗo, pehinorde e fewjinorde fii ɓannginngol kuugal gooto kala, yuɓɓindira golle ɗen e nder kiwal laatiingal, newina kala kuugal, newinana aroyooɓe no ɓe toppitorora e golle ɗen ka yaakitorde aranere.
Ɓay ɓe hollaama yaltudi araniri ndin, Ardiiɗo yaakitoraaɓe ɓen, jarniɓe sabu kuugal kenndewal ngal o toriiɓe luggingol tefoore nden, junna miijo fii yo aala on wonu tontiiɗo kala lanndal humondirngal e ardiigu faadee e yaltudi nafoori.
Ardiiɗo yaakitoraaɓe ɓen tenntinino fii yo o fensitu no laaɓiri kuugal gooto kala, kala ko haani gollude fii haɗugol ballondiral golle e newina nantondiral ka golle
O anndintini wonndema heyɗintingol ardiigu ngun no humondiri e laaɓal aalaaji ɗin, nanondiral gollooɓe ɓen. O torii liggotooɓe ɓen fow etagol huɓindoo aala on fii no ɓe huurira kuuɗe ɗe ɓe haani huurude ɗen e nder neweende.
« Ardiigu kelɗungu no fawii e aalaaji kelɗuɗi, e golle sifaaɗe no laaɓiri e huuwondiral e nder laɓal wonannde gollooɓe ɓen fow. »
Ka ñoggannde, Ardiiɗo yaakitoraaɓe ɓen tori mojobere nden toppitagol e golle ɗen ko aldaa e happu ñalaande fii yo yaakitorde aranere nden heɓu aala kenndeejo newinoowo golle ɗen, ɓeyda yaltudi ndin.
