Konaakiri ñannde 8 morso 2026, Ardiiɗo yaakitoraaɓe ɓen Aamadu Wuuri Baa ardike haaju hurmbitugol yonntere tabintino ɓuttu. Ko ñinni ɗun ko Fonds des Nations Unies pour la consolidation de la paix (PBF).
Ko ko haanunoo waɗude gila 22 haa 26 korse e nder leyɗe cappanɗe jeegoo ɗe ngun ngalu hewti. E nga’al Gine ko koolol timmbiri ɗun, fii tabintinngol ɓuttu ngun.
Ndee yontere UN fii ɓuttu no waɗude e saa’i anitannde 20ɓre nden wonannde huunde timmbaande gila duuɓi 19. Nde ɓanngina ɓure dañaaɗe e mun ɗen, nde newina faltondiral e banŋe ganndal e nde ɓeydita naɓidal ngal hakkunde leyɗe ɗen fii ɓuttu duumiiɗo.
Nootaniiɗo UN on Gine Moodi Jego Jorrilla jaarni naɓidal maɓɓe ngal e Gine. O anndintini wonnde Gine no tawa e leyɗe adiiɗe yeɗeende nguu ngalu ɗoo. O watti ɗon ballal PBF ngal tammbitike fotta heyɗintinal njuɓɓudiiji buy tenntinii senngo renndo, kiwal, tammbitagol sonnaaɓe e sukaaɓe ekn…
Jaagoraaɗo Faransi ɓay ƴettii konngol, o ɓanngini wonndema humondiral leydi makko ndin faadee e lollinngol ngal kuugal PBF fii no ɓuttu ngun tabitira e nder winndere nden. O torii yo ndaare none alhaali kesi no ɓuttu ñiiɓira e nder winndere nden.
Ardiiɗo yaakitoraaɓe ɓen Aamadu Wuuri Baa anndintini wonndema huuwondiral hakkunde GinePBS no jeyaa e taarika, wonii jooni moggo duuɓi noogay, sabu kanko tigi o tawano e mun fewndo o wonunoo Yaakitoraaɗo fii fottinnndino ngenndi ndin. Wonnannde Gine, piiji buy waɗii fii ñiiɓinngol ɓuttu fii kiwal, e fii jiñinngol timmbugol ngenndi sariyayankoori. O weltanii luujooɓe ɓen fow ko tawata ɓe tammbitiki fii ñiiɓinngol ɓuttu.
Ardiiɗo yaakitoraaɓe ɓen anndintinii wonndema « ɓuttu hinaa keɓal ñiiɓungal ko ko danketee ñanndewoo, immorde e ardiigu moƴƴu, huuwondiro e ɓii-leydi en fow, teddinngol njuɓɓudiiji ɗin fow e senndugol fii hita hay e gooto faɗu dimɗe hettaare nden».
