Konaakiri ñannde 14 morso 2026 Ardiiɗo yaakitoraaɓe ɓen Aamadu Wuuri Baa sannii mojobere immornde Ajerba’ijan innaande (ASAN).
Ko ardiide ko Mahammad Alii Kudawerdiyew, hoorejo seeniibe ɓen. Ngal tummbundiral no humondiri e ahodal kinngal fii huurugol njuɓɓudi ngenndiyankoore newinayndi golle humondirɗe e ɓii-leydi.
E nder yewtereeji maɓɓe ɗin, Yakitoraaɗo fii golle Fayyaa Faransuwaa Burunoo hollitii ka eɓɓoore nden fewndii, huulannde nden ko ɓannindirgol laamu ngun e jamaa on immorde e rewrinirgol alhaaliiji ɗin fow sinca yulirɗe ɓadorɗe kuuɗe laamu ngun
« men faalaama waylugol noone gollirɗo on fii nawrugol yeeso no ɗe ɓadora ɓii-leydi en, holli yaakoraaɓe fii golle on, o watti ɗon wonndema ko sifa noone mo ASAN ɓe Ajerba’ijan mo tawata hino coobaa e nder winndere nden, ɓe woni e timmbude.
Immorɓe Ajerba’ijan ɓen holluno Ardiiɗo yaakitoraaɓe ɓen, no leydi maɓɓe ndin woni e warrude non tippude e tugaale tati : nokku ñiiɓuɗo, dilloowo e rewrinaaɗo. Ganndal fii no laatora Gine no jokkaa hara no yaadii e finaa-tawaaji ngenndi ndin.
Ardiiɗo yaakitoraabe ɓen jarnii huuwondiral ngal e nafoore ndee eɓɓoore fii newinngol golle ɗen newinana jamaa on heɓugol no yaawiri e neweende faaleeji maɓɓe faade e laamu ngun.
« Heyɗintino ardiigu ngun ko ɓural ardinaa ngal, hiɗen haani yaccaade kuuɗe fuɗɗaaɗe ɗen fii no golle men ɗen ɓadora jamaa on, tippude e faandaareeji maɓbe ɗin » hollli Ardiiɗo yaakitoraaɓe ɓen
