Konaakiri ñannde 27 morso 2026, e nder tummbondiral hakkunde gollooɓe ɓen ka yaakitorde, Ardiiɗo yaakitoraaɓe ɓen, henndinaama aala etirɗo ɓure golle ka calɗi ardiigu. Ngal kuugal no humandiri e ɓeyduru golle ardiigu ngun
Ko holliti aala on ko yaakitoraaɗo ardiiɗo kabinee on ka yaakitorde aranere o inni wonndema oo aala ɗoo waaway newinnde ƴewtagol ittiri golle ɗen ka fewndii ɗon tippude e ɓatakuru golle ndu ɓe hollaa ndun.
E nder ɗun, Ardiiɗo yaakitoraaɓe ɓen hollii wonndema farluuyee gollooɓe ka laamu ɓen no lanndii ndartannde tumawoo tippude e ɗi ɓe farlaa ɗin ka golle
« Oo farluyee mon no haanaa ndarteede tumawoo, fii no piiji ɗin yaccinoree yaadude e aala etirɗo on. Faandaare nden ko ɓannginngol caɗeele, ƴettana ɗe feere fii no haajuuji ɗin yaccora », o holli.
Ardiiɗo yaakitoraaɓe ɓen jarnii ardorde yaakitorde aranere nden battane golle moƴƴe ɗe ɓe waɗi ɗen, sabu ɗun ɗoo newinanay laamu ngun dañugol ɓure.
E nder ko o ɓannginta baɗe waajooɓe makko ɓen faadee e oo aala, o holli wonndema, ɓe etoto fii piiji ɗiɗi : fellitugol wonndema yaakitorɗe ɗen fow no huɓindii aala on, e ƴewtagol eta ittiri no o wonaa e huutoreede non.
« Ɓantal no lanndii huɓindagol saa’i on e jawleɗen. Ko e ɗun haanu ɗen humude ardiigu men ngun fii no dañiren ɓure tentuɗe faadee e jaa on », o hommbiri.
