Konaakiri ñannde 6 juko 2026 – Ardiiɗo yaakitoraaɓe ɓen Aamadu Wuuri Baa no fokkiti Abijan e innde Ardiɗo Hawtaandi ndin Koohoo Maamadii Dummbuyaa ka anital 66ɓal hettaare ndimu ngenndi Koddiwaaru ndin. Ɗun ko ñannde 6 e 7 juko 2026 waɗata.
Ardiiɗo yaakitoraaɓe ɓen no seenodi e huɓindiiɓe liggotooɓe ka laamu ɗuuɗuɓe wano : yaakitoraaɗo fii alhaaliiji jananiri ndin Doftooru Mori-Sannda Kuyaatee, yaakitoraaɗo fii eɓɓoore e huuwondiral e ɓantal Moodi Isma’el Naabee, yaakitoraaɗo fii golle ngenndi ndin, koolaaɗo konngol ardiigu ngun Moodi Faransuwaa Burunoo e cukko ardiiɗo kabinee on ka yaakitorde aranere e huɓindiiɓe duuɗuɓe.
Hiikaa ɗoo, Gine no tawaa e leyɗe teddiniraaɗe ɗen wonndude e Benen e Gaban e Indiya. Tiitootoonde anital ngal hikka ko : « konunkeeɓe ɓen faadee e ɓuttu e nanondiral e ɓantal ». Toonin welo-welo anital ngal, ɗun ɗoo no ɓanngini huuwondiral hakkunde Gine e Koddiwaaru e ley konngol Ardiiɓe ɓen ɗiɗo Maamadii Dummbuyaa e Alasan Wataraa. E nder ɗii ɗuubi sakkitori, ɗee leyɗe ɗoo ɗiɗi no maakoda fii Alhaaliji yulirɗe e ɓantal immorde e faggudu
Wonannde oo seenayee ɗoo, mo Ardiiɗo yaakitoraaɓe ɓen ardii ɓannginii finnde mun faadee e ngal naɓidal.
