Abidjan ñannde 7 juko 2026 taweede Gine ka anital 66ɓal ka hetaare ndimu Hawtaandi Koddiwaaru wonuno saa’i ɓuruɗo hittude on ka jarsiisi Yopugon.
Ko Gine sakkitii waɗude jarsiisi wonannde leyɗe teddiniraaɗe ɗen. Konu FS-Gine ngun hollii mbawɗi dillirgol wa palanɗe dooñorgal huunde ko nguu konu anndiraa gila 2018
Yuɓɓondiral jarsiisi on e hoore mbawndi ŋalɗinno jamaa seeniiɗo on fow, wonunooɓe ɗon fow jaɓɓori ɗun kelle e weltaare. ɗun no ɓanngini wonnde Hawtaandi Gine ndin ƴellitike e banŋe Konunke.
Wonannde jamaa Gine on Koddiwaaru, ɗun ɗoo ko weltaare mawnde tawde ko e ndii leydi ɓe jeyaa. Ɓe Koddiwaaru ɓen weltii ko alaa e nanndo. Yaakitoraaɗo Koddiwaarunaajo, fii huuwondire ɗen Sonna Ñaalen Kabaa inni yeruujo makko on, Doftooru Mori Sanndaa Kuyaatee : « Konu Gine ngun no heewi norɗi fotuɗi »
Toonin oo jarsiisi fotuɗo, ɗun ɗoo no ɓanngini wonndema huuwondiral moƴƴal hakkunde Gine e Koddiwaaru.
