Konaakiri ñannde 16 collite 2026 fewndo lollinannde noowembur mbulu, yaakitorde aranere nden huuruno tefoore fii kanseer ɓuuri wonannde gollooɓe ɓen ka yaakitorde.
Ngal kuugal ko e nder adintingol, humpitugol e yurmondiral fii newinngol ngurndan liggotooɓe ɓen ka yaakitorde, ko aldaa e wikkagol hay e gooto.
E nder yewtere makko, sonnaajo ardiiɗo salndu fotondiral ndun yaakitorde Sonna Bintu Maaraa, anndintinno, wonndema kanser duu’iiɓe ɓen, tenntinii ɓuuri ndin, ko nawnaare lollunde e nder ngenndi ndin. Wonnde haray nawnuɗo anndaa ko nawni, maa o annda nde neeɓuno. Tallallakkeeji ɗin no heewi wonannde nawnuɗo on e ɓeynguure makko nden. O tentini wonnde haray hino haani ka yawten keeri finaa-tawaaji ɗin. Jiñina fii tefoore nden ka mo kala.
E innde Ardiiɗo yaakitoraaɓe ɓen, tawaaɓe ɗon ɓen fow, jarnii angisannde karalɓe fii cellal aruɓe ɓen fii ndee tefoore nawnaare ɓuuri. Ɓe fow ɓe ɓanngini wonnde lollinngol fii fotondiral no tawnori fii cellal, sabu ɗun ko tugalal mawngal wonannde renndo ngon e ɓantal ngal.
Tummbondiral ngal lanniri, torondiral fii yo gooto kala wonu jaagorɗo fii anndintino ngon fii Gine e ginenaaɓe e nder deeƴere e huuwondiral.
