ߞߐߣߊߞߙߌ߫ ߘߓߊ߬ߕߊ ߕߟߋ߬ ߇/ ߂߀߂߆
ߞߏߕߌ߯ߝߟߐߘߊ ߞߎߓߋߘߐ ߞߎ߲߬ߕߌ߮ ߓߐ߬ߟߐ߲߬ߞߊ߫ ߝߊߕߎߡߊߕߊ߬ ߓߌ߲ߕߊ߬ ߖߊߟߏ߫، ߞߊ߬ ߓߊ߯ߙߊ ߘߏ߫ ߢߍߡߌ߬ߘߊ߬ ߊ߬ ߣߌ߫ ߗߋߕߌ߯ߘߊ ߕߊ߲ߓߊ߲߫ ߝߊ߬ߛߏ߬ߟߊ߬ߞߊ ߞߊ߬ ߡߙߊ߬ߘߐ߬ߦߊ ߟߊߢߊ߬ߟߌ ߟߎ߬ ߞߍ߫، ߏ߬ ߡߍ߲ ߢߍߡߌ߬ߘߊ߬ߣߍ߲ ߛߟߊߕߌ߯ ߡߎߤߊ߲ߡߍߘ ߞߐ߲ߘߍ߫ ߓߟߏ߫ ߞߊ߬ ߟߊ߬ߘߍ ߞߍ߫ ߣߝߊ߬ߢߐ߲߰ߦߊ߫ ߞߟߍ߬ߦߊ߬ߡߊ ߦߋߗߏ߮ ߞߋߟߋ߲߫ ߡߊ߬ ߛߌ߲߬ߝߏ߲߬ߘߊ߫ ߝߌ߬ߟߊ ߟߎ߬ ߕߍ߫. ߘߡߊߝߊߟߋ߲߫ ߕߊ߬ߡߌ߲߬ ߘߊ߫ ߞߏߟߊߘߍߢߐ߲߯ߦߊ ߞߍߢߊ ߟߎ߬ ߞߊ߲߬߸ ߞߵߊ߬ ߓߍ߲߬ ߟߊ߬ߞߐ߰ߟߌ ߓߟߏߟߊߕߎ߲߮ ߡߊ߬ ߓߟߏߡߞߊߟߌ ߘߐ߫. ߊ߬ ߣߌ߫ ߞߊ߬ ߞߏߕߌ߯ߝߟߐߘߊ ߡߊ߬ߞߟߐ ߟߎ߬ ߞߍ߫ ߓߊߓߋߟߌߟߊ ߟߎ߬ ߘߌ߫. ߢߐ߲߯ߦߋ ߟߊߓߊ߲߫ ߘߊ߫ ߛߙߋߓߍ߫ ߟߕߊߡߌ߲ ߠߋ߬ ߡߊ߬ ߞߋߟߋ߲ߘߌ߫. ߡߊ߬ߞߟߐ߫ ߟߎ߬ ߡߊ߬ ߡߍ߲ ߠߎ߬ ߞߊ߬ ߟߊ߬ߞߐ߰ߟߌ ߢߣߊߓߊ߯ߦߊ߫ ߞߎ߲߬ߕߐ߮ ߏ߬ ߞߊ߲߬ ((ߡߣߊߛߋߡߊ߲ ߔߙߋߝ߭ߌߖ߭ߐߣߍߟ ߘߍ߬ ߙߋߛߎߙߛ ߤߌߡߍߣ)) ߏ߬ ߡߍ߲ ߛߌ߲߬ߝߏ߲߬ߧߊ߬ߣߍ߲߫ ߞߏ߲ߞߏߘߌ߬ߓߌ ߕߋ߬ߟߋ߫ ߂ߣߌ߫ ߁߃ ߡߊ߬ ߂߀߂߆ ߣߌ߲߬ ߠߊ߫. ߢߐ߲߯ߓߍ߲ ߣߌ߲߬ ߓߐߣߍ߲߫ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߟߊ߫ ߡߙߌߣߊ߲߫ ߓߘߍ ߟߋ߬ ߘߐ߫. ߣߴߊ߬ ߟߊߢߌ߬ߣߌ߲߫ ߦߋ߫ ߡߊ߬ߡߙߊ߬ߟߌ ߞߊ߬ߞߎ߬ߘߊ߬ߡߊ ߛߐ߬ߘߐ߲ ߘߌ߫ ߦߋߗߏ߮ ߓߘߍ ߘߐ߫ ߡߍ߲ ߞߐߝߟߌ ߓߍߣߊ߬ ߦߋ߫. ߞߎ߲߬ߦߌ߬ߘߊ߬ߟߌ ߏ߬ ߛߘߊ߫ ߘߐ߫. ߓߐ߬ߟߐ߲߬ߞߊ߫ ߞߎߓߋߘߐ ߞߎ߲߬ߕߌ߮ ߦߴߊ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߓߟߏߦߊ߫ ߟߊ߫߸ ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߟߊ߫ ߥߣߊ߬ߦߊ ߞߣߐ߫. ߞߊ߬ ߞߊ߲ߓߍ߲߫ ߞߊ߲ߕߌ߯ ߡߊ߬ߡߊߘߌ߫ ߘߎ߲ߓߎߦߊ߫ ߡߙߌߣߊ߲߫ ߓߘߍ ߞߐߡߊߓߌ߲ߓߌ߲߫ ߏ߬ ߡߍ߲ ߟߊ߬ߢߌߣߌ߲ ߦߋ߫ ߞߎ߲߬ߠߊ߬ߛߌ߰ߟߌ߬ ߞߏ߬ߢߌߡߊ ߘߌ߫. ߊ߬ ߣߌ߫ ߞߊ߬ ߡߐ߰ߦߊ ߡߊߣߊ߲ߞߎ߲ߦߊ߫ ߡߐ߬ߟߐ߲߬ߘߏ߲߬ ߞߏߕߌ߯ߝߟߐߘߊ ߟߊ߫.
