ߞߐߣߊߞߙߌ߫ ߘߓߊ߬ߕߊ ߈/ ߂߀߂߆
ߞߏߕߌ߯ߝߟߐߘߊ ߞߎߓߋߘߐ ߗߋߕߌ߮ ߞߏߕߌ߮ ߞߏ߲߬ߓߏ ߘߊߎߘߊ߫ ߞߊ߬ߡߌ߬ߛߏ߬ߞߏ߫ ߟߋ߬ ߞߊ߬ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߐߦߌ߬ߘߊ߬ ߞߐߣߊߞߙߌ߫ ߋߙߐߔ ߟߏ߲ߓߊ ߢߊ߰ߢߊ߮ ߘߐ߫. ߢߊ߰ߢߊ߮ ߞߍ߫ ߘߊ߫ ߖߌ߬ߣߍ߬ ߡߙߊ߬ߦߊ߫ ߛߌߦߊߡߊ߲߫ ߢߊߞߘߐ߫. ߊ߬ ߣߌ߫ ߕߍߓߊ߯ߦߟߊ߫ ߟߊߘߌ߬ߢߍ߬ߣߍ߲ ߠߎ߬، ߞߵߏ߬ ߓߍ߯ ߟߊ߫ ߛߋ߲ߒߞߏߟߊ߫ ߣߝߊߢߐ߲߯ ߠߎ߬ ߣߌ߫ ߛߌ߲߬ߝߏ߲߬ߘߊ ߟߎ߬ ߞߊ߲߬. ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߟߊ߬ߛߌ߰ߘߋ߲ ߖ߭ߊߝ߭ߌߦߍߙ ߛߕߌߞߍߙ ߡߍ߲ ߦߋ߫ ߋߙߐߔߎߞߊ ߟߎ߬ ߟߊ߫ ߗߋߦߊߟߌ ߞߎ߲߭ ߘߌ߫ ߖߌ߬ߣߍ߬ ߞߣߐ߫. ߏ߬ ߞߊ߬ ߋߙߐߔ ߟߊ߫ ߘߍ߬ߡߍ߲߬ߠߌ߲߫ ߖߘߍ߬ߘߏ߲߬ߒ߬ߞߊ߲߬ߡߊ ߦߌ߬ߘߊ߬ ߥߙߎߞߌ ߝߟߐߦߊ ߞߏ ߟߎ߬ ߞߊߡߊ߲ ߘߐ߫.ߊ߬ ߞߊ߬ ߘߐ߬ߞߣߍ߬ߟߌ ߞߍ߫ ߖߊ߬ߕߋ߬ߘߐ߬ߛߌ߰ ߛߏ߯ߙߏߦߊߣߍ߲߫ ߛߌߦߊߡߊ߲߫ ߠߊ߫ ߖߎ߬ߓߐ߬ ߞߏ ߡߊ߬ߘߎ߮ ߘߐ߫. ߢߎߡߍߦߊ ߣߌ߫ ߞߍ߲ߘߍߦߊ ߡߊ߬ߘߎ߮ ߘߐ߫، ߞߊߕߙߍ߬ߕߍ߫ ߞߎߘߍ߫ ߄߂ ߟߊߟߌ ߝߟߐ߫ ߡߊ߬ ߘߊߓߌߛ ߣߌ߫ ߕߟߋߡߟߋ߬ ߕߍ߫. ߛߊ߫ ߞߊ߬ ߕߌ߲߬ߞߎߘߎ߲ ߠߎ߬ ߟߊ߫ ߓߌ߬ߟߊ߬ߢߐ߲߰ߡߊ ߝߊ߲߬ߞߊߘߏ߲߬ ߖߌ߬ߣߍ߬ ߓߌߛߊߥߏ߫ ߝߊ߲߭ߝߍ߬. ߞߵߏ߬ ߟߊ߫ ߛߊߣߌߧߊ ߖߎ߬ߓߐ ߟߎ߬ ߓߌ߬ߟߊ߬ ߡߴߊ߲ ߛߊ߬ߥߏ߬ ߘߐ߫ ߖߌ߬ߣߍ߬ ߕߎߞߘߐߟߊ ߘߐ߫. ߟߊ߰ߛߌ߬ߘߋ߲ ߊߓߎߟߊߦ ߦߎ߬ߟߊ ߞߊ߬ ߞߎߡߊ ߕߊ߬ ߏ߬ ߡߍ߲ ߕߎ߲ߞߊ߲ߠߊߞߏ ߟߎ߬ ߣߌ߫ ߝߘߊ߬߫ߝߌ߲߬ߠߊ߫߫ ߟߊ߫ ߞߍߞߋߟߋ߲ߘߌ ߣߌ߫ ߖߌ߬ߣߍ߬ ߞߐߞߊ߲ߡߐ߮ ߟߎ߬ ߟߊ߫ ߞߏߕߌ߮ ߞߏ߲߬ߓߏ ߡߏߙߌߛߊ߲ߘߊ߫ ߞߎߦߊߕߍ߫ ߞߐߦߌߘߊߓߊ߮ ߘߌ߫ ߞߣߍ ߞߊ߲߬. ߊ߬ߟߋ ߡߍ߲ ߦߋ߫ ߓߏߟߏ߲ߝߘߊ ߏ߬ ߝߘߏ߬ߓߊ߬ ߞߟߊ߬ߕߌ߮ ߘߌ߫. ߏ߬ ߞߊ߬ ߞߎߟߎ߲ߖߋߟߌ ߞߍ߫ ߞߊ߬ ߣߝߊ߬ߢߐ߲߰ߦߊ߫ ߝߊ߲߬ߝߌ߬ߟߊ߬ߡߊ ߝߏ߬ߟߌ ߞߍ߫، ߊ߬ ߣߌ߫ ߓߘߍ߬ߓߘߍ߬ߟߌ ߘߊߘߐߝߙߊߢߐ߲߯ߦߊ، ߊ߬ ߣߌ߫ ߞߊ߬ ߥߙߎߞߌ߫ ߘߎ߲ߡߊߣߍ߲ ߟߊ߬ߖߊ߲߬ߞߏ߬ߟߌ ߞߍ߫ ߢߌ߬ߣߊ߬ߓߐ߬ߓߊ߬ߟߌ߬ߦߊ ߘߐ߫. ߊ߬ ߞߵߊ߬ ߕߌ߲ߕߌ߲߫ ߣߝߊ߬ߢߐ߲߰ߦߊ߫ ߞߙߎ߬ߓߐ߬ߡߊ ߘߏ߫ ߡߊ߬ ߘߋ߲ߡߌߛߍ߲ߧߊ ߟߊ ߞߏ ߘߐ߫ ߞߊ߬ ߟߐ߬ ߘߍ߲߰ߦߊ߬ߟߌ ߡߊ߬ߝߊ߲ ߡߊ߬. ߛߋߞߏߦߊ߫ ߟߎ߬ ߟߕߊ߬ߡߌ߲߬ߒ߬ߡߊ߬ߟߌ ߣߌ߫ ߓߊ߯ߙߊ ߟߎ߬ ߘߊߓߐߟߌ. ߝߊ߲߭ ߝߌ߬ߟߊ ߟߎ߬ ߞߵߊ߬ߟߎ߬ ߘߍ߬ߒ߬ߡߊ߬ ߣߊ߬ߕߊ ߦߌ߬ߘߊ߬ ߞߊ߬ ߣߝߊ߬ߢߐ߲߰ߦߊ߫ ߝߊ߲߬ߝߘߊ߬ߡߊ ߘߏ߫ ߟߊߘߊ߲߫ ߓߍ߲߭ ߗߋߢߊߟߌ ߛߌߟߊ ߝߍ߬، ߊ߬ ߣߌ߫ ߛߊߣߌߧߊ߫ ߘߐߝߘߊߣߍ߲ ߠߎ߬. ߞߵߏ߬ ߟߊ߫ ߢߍߛߎߡߊ߫ ߘߐߕߟߊߣߍ߲ ߞߊ߲߬ ߞߵߏ߬ ߟߊ߫ ߥߙߎߞߌ߫ ߘߎ߲ߡߊߣߍ߲ ߞߊ߲߬.
