ߞߐߣߊߞߙߌ߫ ߕߙߊߓߊ߫ ߕߋ߬ߟߋ߫ ߂߆/ ߂߀߂߆
ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߓߏߝߊ߬ ߡߐ߰ߓߊ ߟߎ߬ ߟߊߞߢߐ߬ߡߊ߫ ߞߏߟߐ߲ߓ ߞߎߓߋ ߞߣߐ߫. ߏ߬ ߟߎ߬ ߡߍ߲ ߢߍߡߌ߬ߘߊ߫ ߘߊ߫ ߡߙߊ߬ߓߊ߮ ߓߟߏ߫. ߗߋߦߊߟߌ ߣߊ߬ ߘߊ߫ ߙߌߦߏ߫ ߔߏ߲ߜ߭ߏ ߟߊ߫ ߝߏ߬ߟߌ ߟߊߛߋ߫ ߡߊ߬. ߊ߬ ߣߌ߫ ߞߵߊ߬ ߦߌ߬ߘߊ߬ ߞߏ߫ ߡߙߊ߬ߦߊ ߟߊ߫ ߞߍߥߊߟߌ߫ ߘߌߦߊ߫ ߘߴߊ߬ߟߎ߬ ߢߍ߫. ߡߐ߰ߓߊ ߟߎ߬ ߕߐ߯ ߘߐ߫ ߟߊ߰ߖߌ߬ ߡߊ߲ߡߊߘߎ߫ ߖߥߊߙߊ߫ ߞߊ߬ ߞߎߟߎ߲ߖߋ ߞߍ߫ ߞߵߊ߬ ߓߍ߲߬ ߢߝߍߕߊ߯ ߞߏ߫ ߓߟߏߦߊߣߍ߲ ߠߎ߬ ߡߊ߬. ߞߊߕߙߍߕߍ߫ ߡߊ߬ߞߍ߬ ߘߌ߲ߞߌߙߊ ߟߎ߬ ߘߊߦߟߍߟߌ ߡߊ߬. ߊ߬ ߣߌ߫ ߘߌ߲߬ߞߌߙߊ ߟߊߥߙߎߞߌ ߞߏ߫ ߟߎ߬ ߡߊ߬، ߊ߬ ߞߊ߬ ߘߌ߲߬ߞߌߙߊ ߟߎ߬ ߥߊߟߌߘߊ߫ ߟߎ߬ ߡߊߘߍ߬ߡߍ߲߬ߞߏ ߝߣߊ߫ ߓߌ߬ߟߊ߬ ߢߍߝߍ߬، ߞߊ߬ ߓߍ߲߬ ߘߍ߭ ߟߊ߫ ߟߊߥߙߎߞߌ ߞߏ ߟߎ߬ ߟߊߣߐ߰ߦߊ߬ ߡߊ߬. ߗߋߦߊߟߌ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߢߎߡߍ߫ ߣߌߘߐ ߛߋߞߏߦߊ ߟߊߘߐ߯ߦߊ ߟߊ߫߸ ߊ߬ ߕߍ߫ ߖߊ߬ߡߊ ߘߓߐ߫ ߟߊ߫ ߡߎ߬ߕߎ߲߬.
ߞߏߕߌ߯ ߝߟߐ ߞߊ߬ ߞߎߟߎ߲ߖߋߟߌ ߞߍ߫ ߞߊ߬ ߓߍ߲߬ ߡߐ߰ߓߊ ߟߎ߬ ߟߊ߫ ߕߊ߯ߡߊ ߣߌ߲߬ ߡߊ߬߸ ߊ߬ ߣߌ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߓߘߊ߫ ߦߟߌߣߐ߫ ߘߐߞߣߍߣߍ߲ ߕߊ߬ ߢߎߡߍߞߏ ߣߌ߫ ߖߌߞߏ ߞߊ߲߬. ߞߵߊ߬ ߘߐߞߣߍ߫ ߊ߬ߟߎ߬ ߢߍ߫ ߞߏ߫ ߏ߬ ߞߏ߫ ߟߎ߬ ߓߘߊ߫ ߓߊ߲߫ ߘߊߡߌ߬ߣߊ߬ ߟߊ߫߸ ߞߵߊ߬ ߓߍ߲߬ ߊ߬ߟߎ߬ ߣߌ߫ ߗߋߕߌ߯ߘߊ߫ ߕߊ߲ߓߊ߲߫ ߠߊ߫ ߘߡߊߝߊߟߋ߲ ߡߊ߬ ߓߐߒߘߊ߫ ߘߎ߲ߡߊߣߍ߲ ߛߐ߬ߘߐ߲߬ ߞߏ ߘߐ߫.
