ߊߞߙߌ߫ ߞߏ߲ߞߏߜߍ߫ ߕߟߋ߬ ߁߈/ ߂߀߂߆
ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߟߊ߬ߞߢߐ߬ߡߊ߬ߟߌ ߘߏ߫ ߞߍ߫߸ߊ߬ ߣߌ߫ ߓߘߍ߬ߓߘߍ߬ߟߌ ߞߙߎߞߊ ߟߎ߬ ߞߊ߲ߕߌ߮ ߣߌ߫ ߞߊ߲ߕߌ߯ ߢߣߊߕߊߟߌ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߞߐߦߌߘߊߓߊ߮ ߟߎ߬߸ ߞߏߟߌ߲ߞߏߟߌ߲߫ ߕߟߋ߬ ߂߈/ ߂߀߂߅ ߞߵߏ߬ ߞߍ߫ ߢߐ߲߯ߦߋ߫ ߘߊߡߌߣߊ ߝߟߐ ߘߌ߫ ߢߣߊߕߊߟߌ ߞߐ ߘߐ߫߸ ߞߵߊ߬ ߓߍ߲߬ ߘߊߘߐߝߙߊߢߐ߲߯ߦߊ ߡߊ߬ߡߊ߬ߕߊ ߟߐ߬ߣߍ߲ ߡߊ߬߸ ߊ߬ ߣߌ߫ ߓߘߍ߬ߓߘߍ߬ߟߌ ߝߊ߬ߛߏ߬ߟߊ߬ߞߊ ߖߐ ߟߊ߫ ߛߓߊ߬ߕߌ. ߓߊ߬ߘߏ߬ߢߐ߲߰ߦߊ ߕߊ߬ߡߌ߲߬ ߘߊ߫ ߞߍߞߋߟߋ߲ߘߌ߫ ߝߊ߬ߛߏ߬ߟߊ߬ߞߊ ߟߋ߬ ߞߊ߲߬߸ ߞߵߊ߬ ߓߍ߲߬ ߓߘߍ߬ߓߘߍ߬ߟߌ ߘߊߘߐߝߙߊߢߐ߲߯ߦߊ ߟߊ߫ ߖߊ߲ߞߏ ߡߊ߬߸ ߖߊ߬ߓߌ߬ߦߊ߬ߟߌ ߣߌ߫ ߡߊ߬ߝߊ ߘߐ߫. ߞߊ߬ ߓߍ߲߬ ߢߊ߬ߒ߬ߞߐ߬ߓߊ߬ߟߌ߬ߦߊ ߡߊ߬ ߥߊ߬ߣߊ ߟߎ߬ ߣߌ߫ ߢߐ߲߯ߕߍ߫ ߝߘߏ߬ߓߊ߬ ߓߟߏߡߊ߬. ߞߊ߬ ߝߟߐߦߊ ߘߌ߫ ߡߌ߬ߙߌ߲ߘߌ ߟߊ߫ ߝߘߏ߬ߓߊ߬ ߣߝߊ ߡߊ߬. ߊ߬ ߣߌ߫ ߞߊ߬ ߛߌ߲߬ߝߏ߲߬ߘߊ ߞߊ߲ߓߍ߲ߠߞߊ ߟߊ߫ ߡߊ߬ߝߊ ߓߊ߲ߓߊ߲. ߓߐ߬ߟߐ߲߬ߞߊ ߡߞߊߟߋ߫ ߞߡߊ߬ߙߊ߫ ߞߊ߬ ߞߎߡߊ ߕߊ߬ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߕߐ߯ ߘߐ߫ ߏ߬ ߡߍ߲ ߞߙߍߞߙߍ߫ ߘߊ߫ ߓߋߟߋ߲ߕߌ߮ ߘߌ߫ ߟߌ߬ߤߟߊ ߣߌ߲߬ ߘߐ߫. ߏ߬ ߞߊ߬ ߝߏ߬ߟߌ ߟߊߛߋ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߡߊ߬߸ ߊ߬ ߞߊ߬ ߡߍ߲ ߡߊ߲߬ߞߕߎ߬ߦߊ߫ ߟߐ߬ߕߊ ߣߌ߫ ߟߊ߬ߝߘߏ߬ߓߦߊ߬ߕߊ ߘߌ߫߸ ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߦߴߊ߬ ߟߊ߫ ߓߌ߬ߟߊ ߘߐ߫߸ ߞߵߊ߬ ߓߍ߲߬ ߊ߬ߟߎ߬ ߕߊ߫ ߞߍߕߊ ߞߍ ߡߊ߬، ߖߊ߬ߓߌ߬ߦߊ߬ߟߌ ߛߌߟߊ ߝߍ߬ ߊ߬ ߣߌ߫ ߞߏߟߊߘߍߢߐ߲߯ߦߊ ߛߌߟߊ ߝߍ߬. ߖߐ ߟߊ߫ ߛߓߊ߬ߕߌ ߘߐ߫، ߞߍߞߋߟߋ߲ߘߌ ߝߊ߬ߛߏ߬ߟߊ߬ߞߊ ߘߐ߫، ߊ߬ ߣߌ߫ ߖߡߊ߬ߣߊ ߟߊ߫ ߥߙߎߞߌ ߘߐ߫.
