Konaakiri ñannde 17 collite 2026 – Ardiiɗo yaakitoraaɓe ɓen Aamadu Wuuri Baa, ka towno raaya hawtaandi ndin hewtinii Moodi Mohammed Lamine Banguraa ardiiɗo doginooɓe oto ɓen ka yaakitorde aranere Seedee ngenndiyankeejo inneteeɗo e faransiire Chevalier de l’Ordre national du Mérite
Mohammed Lamine Bannguraa ko e dow yamiroore (dekeree) lanɗo hawtaandi ndin e toɗɗoraa e ɗen golle. Ko e tawnde liggotooɓe ben fow ka yaakitorde o yeɗa seedee on.
E nder yewtere, Ardiiɗo yaakitoraaɓe ɓen ɓanngini wonndema ko o neɗɗo wakkiliiɗo ka golle, o anndintini seeɗa wakkilaare makko nden tentinii fewndo ka o gollaynoo ka BCDI adi o arude ka jonnde yaakitorde aranere: “ seedee mo o yeɗaa on, immorde e Ardiiɗo hawtaandi ndin, ko ko o hanndi e mun” o ɓeyditi.
E nder ŋalaw yeɗaaɗo on ɓanngini weltaare mawnde, o weltanii Ardiiɗo hawtaandi ndin. O torii yo gooto kala dañu ɓural sefa mun ka woɗɗaa.
