Konaakiri ñannde 13 collite – Ardiiɗo yaakitoraaɓe ɓen Aamadu Wuuri Baa tolnii ka jonnde yaakitorde kaliifu on Bambilor, Cerno Mamadu Bassiir Mbenge, wonndude e naɓidaaɓe ɗuuɗuɓe.
E ngal tummbundiral, ballo Kaliifu on holli wonndema ko fii heyɗintinngol huuwondiral e banŋe diina, immorde e koolol mawngol waɗungol ngol Konaakiri fii huuwondiral hakkunde diinaaji gila ñannde 09 haa ñannde 12 collite.
yewtere maɓɓe nden, no humondiri e ɓeydugol naɓidal e huuwondiral hakkunde diinaaji ɗin. Ɓe watti ɗon yewtereeji humondirɗi e feru ngu sar’inaaka hirnaange Afiriki. Kaliifu on jarnii anngisannde ardiigu Gine ngun fii deeƴere rendo ngon e ɓuttu ngun. O sakkitori jarnugol Ardiiɗo hawtaandi ndin Maamadii Dummbuyaa sabu haqqille ɗe o ardini ɗen ka ardagol laamu ƴanɗewu.
