Konaakiri ñannde 12 collite 2026 Ardiiɗo yaakitoraaɓe ɓen tolnii nootaniiɓe mojobere Rotarii Winndere. Ko ardiinde ko Guwerneer suudu 9101, Moodi Abuu-Baakr Wataraa.

Guwerneer on ko seeditagol tammbitaare ardiigu Gine ngun e golleeji maɓɓe ɗin e faale timmbugol ñinna naɓidal kesal wonndude e laamu gine ngun tippude e faandaareeji ngenndi ndin wano e banŋe jannde, ndiyan, laaɓal e tawdegol fii newinngol ngurndan jamaa Gine on ;

« Rotari on Gine ko luujo mawɗo enngisiiɗo e nder yurmeende binnde laamu ngun e fahin himo wallitoo jamaa on fii newinngol ngurndan ɗan e ɓantal kala rendo», O ɓanngini.

ɓaawo o ɓanngini caɗeele ɗe jamaa on wonndi Ardiiɗo yaakitoraɓe ɓen holli immorde e ɗuuɗal faaleeji ɗin, kuuɗe laamu ngun nde wonnde no yawinoo. Kono o watti ɗon, ɗun ko kuuɗe ɗe taawata no luujoree wallitotooɓe. ko e sifa ɗen banŋe ɗon Rotarii gasata ɓe luujaade wano ñinnugol faandaareeji jamaaji ɗin fii ɓantal koɗooli ɗin.

Fii ŋakkere ndiyan ɗan, Ardiiɗo yaakitoraaɓe ɓen no ɓanngini giggol naɓidal e ɓanŋe karallaagal fii jasugol boyli nafayɗi jamaa on ko yaawi. E hoore ɗun ko watti haray ko fanɗi woo ko yo sennditani lare ɗen fow ka aldaa e baatino ma barñino.

Ka ñoggugol, Ardiiɗo yaakitoraaɓe ɓen holli anngisannde laamu ngun huuridugol e Rotari eɓɓooreeji nafayɗi jamaa on hara ko nafoore duumiinde wonannde ginenaaɓe ɓen.