ߞߐߣߊߞߙߌ߫ ߣߍߣߍߓߊ߫ ߕߟߋ߬ ߄/ ߂߀߂߅
ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߊ߬ ߕߐ߰ߕߐ߰ߟߌ߬ߢߐ߲߮ ߠߎ߬ ߣߌ߫ ߟߞߊ߬ߙߊ߲߬ߠߌ߲߬ߠߊ ߟߎ߬ ߞߵߊ߬ ߓߍ߲߬ ߝߎ߬ߙߎ߲߬ߞߎ߲߬ߟߌ ߘߊߓߐߣߍ߲ ߞߊߡߊ߲߬ ߡߊߡߊ߬ߙߊ ߡߊ߬ ߟߊ߬ߞߟߏ߬ߞߟߏ߬ߟߌ ߡߊ߬ߘߎ߮ ߘߐ߫. ߢߐ߲߯ߦߋ߫ ߏ߬ ߦߋ߫ ߛߋ߲߬ߕߊ߰ ߞߏߢߌ߲ߓߊ ߟߋ߬ ߘߌ߫ ߓߐߒߘߊ߫ ߟߎ߬ ߕߌߙߌ߲ ߘߐ߫߸ ߓߍ߲߬ߢߐ߲߰ߡߊ߫ ߘߎ߲ߡߕߊ ߓߟߏߡߊ߬. ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߟߊ߫ ߝߟߐߦߊ ߘߍ߬ߡߍ߲ ߦߌ߬ߘߊ߬ ߘߍ߭ ߟߊ߫ ߡߊ߬ߝߊ ߣߌ߫ ߝߘߏ߬ߓߊ߬ ߗߋߢߊ߫ ߟߎ߬ ߓߟߏߟߊߕߎ߲߰ߠߌ߲ ߘߐ߫߸ ߞߊ߬ ߖߊ߲߬ߓߌ߬ߟߊ߬ߟߌ ߞߍ߫ ߘߊߘߐߝߙߊߢߐ߲߯ߦߊ߫ ߟߐ߬ߘߎ߰ ߕߊ߲ߓߊ߲ ߠߊ߫. ߞߵߊ߬ ߓߍ߲߬ ߘߍ߭ ߞߏߖߊ ߡߊߡߊ߬ߙߊ ߡߊ߬. ߊ߬ ߞߊ߬ ߘߊߘߐߖߊߥߏ ߖߡߊ߬ߙߌ ߘߌ߫ ߌߞߘߐߞߘߐ߫ ߞߊ߬ ߓߍ߲߬ ߘߍ߭ ߘߊߘߐߖߊߥߏ ߞߏߟߊߕߍ߮ ߝߊ߬ߛߏ߬ߟߊ߬ߞߊ ߕߊ ߡߊ߬ߝߊ߲ ߡߊ߬. ߡߍ߲ ߘߏ߲߬ߖߟߎ߬ߡߊ߬ߣߍ߲ ߊ߬ ߡߊ߬ߘߎ߮ ߓߏߟߏ߲ߝߘߊ ߞߎ߲߬ߕߌ߮ ߓߟߏ߫. ߞߊ߬ ߗߏ߯ߦߊ߫ ߟߌ߬ߤߟߊ ߞߎ߲߬ߝߊ߰ ߞߊߟߌߦߊ ߘߐ߫. ߞߵߊ߬ ߓߍ߲߬ ߟߞߊ߬ߙߊ߲߬ߠߌ߲߬ߠߊ ߟߎ߬ ߟߊ߫ ߣߌߘߐߞߏ ߡߞߊ߬ߣߌ߲߬ߠߌ߲ ߡߊ߬ ߏ߬ ߡߍ߲ ߓߕߐ߫ ߟߊ߬ߕߍ߰ߦߊ߫ ߝߙߍߕߍ߫ ߀߀߂߇/ ߓߌ߲ߠߊߥߎߟߋ߲ ߕߋ߬ߟߋ߫߂߄/ ߂߀߂߄ ߡߍ߲ ߟߐ߬ߣߍ߲ ߗߋߘߊߕߌ߮ ߟߎ߬ ߟߐ߬ߘߎ߮ ߖߊ߬ߟߊ ߡߊߦߍ߬ߟߍ ߡߊ߬. ߕߐ߰ߕߐ߰ߟߌ߬ߟߊ ߟߎ߬ ߞߐߦߌߘߊߓߊ߮ ߟߎ߬ ߞߊ߬ ߖߌ߰ߣߌ߬ߦߟߍ ߖߐߟߞߊ ߡߝߊߣߍ߲ ߕߣߐ߬ߡߊ ߞߏ߫ ߝߐ߫ ߡߍ߲ ߟߥߊ߬ߟߌ߬ߕߐ߫ ߖߌ߬ߣߍ߫ ߟߊ߬ߞߟߏ߬ߞߟߏ߬ߟߌ ߡߊ߬ߘߎ߮ ߘߐ߫. ߣߴߊ߬ ߟߐ߬ߣߍ߲ ߕߍߕߋߟߋ߲ߓߊߟߌߦߊ ߞߊ߲߬ ߟߥߊ߬ߟߌ߫ ߛߌߟߊ ߝߍ߬. ߞߵߊ߬ ߕߘߍ߬ ߡߊ߬ߘߎ߮ ߘߏ߫ ߟߎ߫ ߓߘߴߊ߬ߟߎ߬ ߕߊ ߡߊߛߐ߬ߘߐ߲߬ ߣߕߊ߬ߘߐ߬ߛߌ߯ ߖߊ߬ߕߋ߬ߡߌ߬ߘߊ߬ߣߍ߲ ߘߐ߫. ߏ߬ ߘߐ߫ ߞߍߢߊ߫ ߓߍ߯ ߘߐ߫ ߡߎ߬ߕߎ߲߬. ߕߐ߰ߕߐ߰ߟߌ߬ߘߊ ߟߎ߬ ߞߐߦߌߘߊߓߊ߮ ߟߎ߬ ߞߊ߬ ߘߊߣߐ ߕߏ߫ ߕߏ߰ߝߏ ߘߏ߫ ߞߍ ߞߏ ߞߊ߲߬ ߡߊ߬ߝߊ ߘߐ߫. ߞߵߊ߬ ߓߍ߲߬ ߊ߬ߟߎ߬ ߟߊ߫ ߛߍߥߊ ߦߌ߬ߘߊ߬ ߡߊ߬ ߛߌ߲߬ߝߏ߲߬ߘߊ ߞߍߥߊߟߌ ߞߊ߲߬. ߞߵߊ߬ ߕߍ߬ߘߍ߫ ߊ߬ ߡߊ߫ ߡߌ߬ߙߌ߲߬ߘߌ ߟߊ߫ ߡߊ߬ߞߏ߬ ߟߊߢߊ߬ ߘߐߛߊ߬.
