Konaakiri ñannde 13 jolal 2025 Ardiiɗo kampaañ GMD on Koohoo Aamadu Wuuri Baa tolnii kawtal mojobe ngendiyankooje e banŋe yunngugol fii no ɓe ɓannginira faandaare maɓɓe tammbitagol tawdeede Seneral Maamadii Dummbuyaa ka suɓo fewndiingo.
Ngal tummbundiral no yaadi e faandaare fedde nden GMD e ɓantugol Gine ñinna naɓidal duumiingal.
E nder yewtere, Koohoo Aamadu Wuuri Baa jarnii miijo yurmondiral ngon, e addintingol ballal ngal. O ɓanngini darnde sonnaaɓe ɓen e sukaaɓe ɓen ka tammbitagol Senral on ñannde suɓo-suɓo ngon fii no polgal ngal wontira senngo maɓɓe ka yaadu aranuru.
Koohoo Aamadu Wuuri Baa anndintini fahin yiilirde makko nden no mari salndu moftugol jamaa fii no ɓe liggora kisan ko ɗun si mo toroo wonuɓe ɓen e banŋe yunngugol, yo ɓe tawtu kisan.
E nder ko o anndintinta woɓɓe e maɓɓe, o holli wonndema himo anndi sonnaaɓe yunngooɓe ɓen no waawi nodditude Konaakiri fow. O watti ɗon wonndema ɗun ɗon hollii kittol, ngol yunngugol joganaa, ka ardiigu e ka ɓantal faggudu.
Kawtital mojobe yunngooɓe ɓen no mofti kala kawtital yunngooɓe e nder leydi ndin woni ko huutorooɓe alaaji mawɗi woni ko yunngirooɓe laakoy, woni ko yornooɓe maa yeeyooɓe. Ɓe holli wonndema anngisannde maɓɓe nden no mawni fii ardinngol Maamadii Dummbuyaa.
