Konaakiri ñannde 11 jolal 2025- Ardiiɗo yaakitoraaɓe en Koohoo Aamadu Wuuri Baa taawaama e ndee ñalaajaande hurmbitugol ndee eɓɓoore mawnde Simanndu ka saare Fodekariyaa wonndude e jeyaaɓe ka laamu ɓen e liujooɓe ɓe e banŋe karallaagal e jawle, e lamɓe nokkuure nden.
E ley arrdiigu Ardiiɗo Hawtaandi ndin, Seneral Maamadii Dummbuyaa, ngal tummbondiral moftuno koohooɓe duuɗuɓe iwruɓe e nder loowoondi Afiriki maa e nokkeeli goo. No e ɓen:
- Ardiiɗo Hawtaandi Gabon ndin;
- Ardiiɗo Hawtaandi Ruwanndaa ndin
- Ardiiɗo yaakitoraaɓe ɓen Ca’ina
- Ardiiɗo yaakitoraaɓe ɓen Saralon
- Ardiiɗo Yaakitoraaɓe ɓen Koddiwaaru e wonndude e nootaniiɓe kawtitte winndereyankooje buy e luujooɓe ɓen e banŋe karallaagal e jawle.
Ndee eɓɓoore no yuɓɓori non, no holli wonndema hinde jeyaa e ɓurunde mawnude e nder Afiriki, ɗun no ɓanngini faandaare Ardiiɗo Hawtaandi ndin Seneral Maamadii Dummbuyaa fii no leydi ndin hettira ndimu mun, alɗere e gine huɓindiiɗo oogirɗe mun ɗen..
Ndee eɓɓoore mawnde Simmanndu, ko laawol mawngol wonnannde Bantal ngenndi men ndin nde wonay sommbo timmbugol guluuje liggeeji e nder leydi ndin timmba alhaaliiji e yulirɗe ɓantal ko jamaa on nafitora.
