Jour : 23 août 2026

ߞߐߣߊߞߙߌ߫ ߘߓߊ߬ߓߌߟߊ ߕߟߋ߬ ߁߂/ ߂߀߂߆ ߞߏߕߌ߮ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߟߊ߬ߞߢߐ߬ߡߊ߬ߟߌ ߘߏ߫ ߞߍ߫، ߛߟߊߕߌ߮ ߡߊߕ ߤߐߟߌߖ߭ ߙߌߦߏߕߌ߲߬ߕߏ߫ ߣߍ߱ ߘߊ߬ߡߊ߲߬ߘߐ ߟߎ߬ ߟߊߛߌ߲߯ ߝߘߏ߬ߓߊ߬ ߗߋߕߌ߮ ߦߋ߫ ߓߐߒߡߊߟߌ߫ ߟߊ߫ ߖߌ߬ߣߍ߬. ߡߍ߲ ߢߍߡߌ߬ߘߊ߬ߣߍ߲߫ ߗߋߦߊߟߌ ߣߝߊ߬ߡߊ ߘߏ߫ ߓߟߏ߫.

ߢߐ߲߯ߦߋ߫ ߣߌ߲߬ ߞߊ߬ ߖߊ߬ߕߋ߬ߘߐ߬ߛߌ߮ ߟߊ߫ ߢߍߕߊ߮ ߘߊߞߎ߲ ߛߌߦߊߡߊ߲߫ ߦߌ߬ߘߊ߬ ߖߌ߬ߣߍ߬ ߘߊ߬ߡߊ߲߬ ߖߊ߬ߕߋ߬ߘߐ߬ߛߌ߮ ߟߎ߬ ߘߐ߫، ߊ߬ ߣߌ߬ ߞߊ߬ ߘߡߊߝߊߟߋ߲ ߞߍ߫ ߓߊ߯ߙߊ߫ ߕߊ߯ߢߊ ߞߊ߲߬߸ ߘߡߊߝߊߟߋ߲߫ ߕߊ߬ߡߌ߲߬ ߘߊ߫ ߞߘߎ߬ߜߍߟߍ߲ ߠߎ߬ ߟߋ߬ ߝߣߊ߫ ߞߊ߲߬ ߡߍ߲ ߠߎ߬ ߘߎ߲ߣߍ߲߫ ߖߎ߬ߓߐ߬ߞߏ ߟߊ߫ ߥߙߎߞߌ ߟߊ߫. ߞߵߊ߬ ߓߍ߲߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߝߊ߬ߛߏ߬ߟߊ߬ߞߊ ߡߐ߬ߟߐ߲߬ߘߏ߲߬ߠߌ߲ ߡߊ߬. ߊ߬ ߣߌ߫ ߖߊ߬ߕߋ߬ߘߐ߬ߛߌ߮ ߕߐ߬ߣߐ ߖߌ߬ߣߍ߫ ߡߌ߬ߙߌ߲߬ߘߌ ߞߊ߲߬.

ߟߊ߬ߘߍ ߞߎ߲߬ߝߊ߮ ߘߐ߫ ߛߟߊߕߌ߮ ߡߊߕ ߤߐߟߑߖ߭ ߞߊ߬ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߎߟߎ߲ߖߋ߫، ߞߵߊ߬ ߓߍ߲߬ ߘߡߊߝߊߟߋ߲ ߠߊ߫ ߓߘߍ߬ߦߊ ߡߊ߬، ߊ߬ ߣߌ߫ ߖߊ߬ߕߋ߬ߟߌ ߡߍ߲ ߟߊߣߍ߲ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߞߊ߲߬. ߊ߬ ߞߊ߬ ߖߌ߬ߣߍ߬ ߡߙߊ߬ߦߊ ߝߏ߬ ߊ߬ߟߎ ߘߐ߰ߘߏ߲ ߠߊ߫ ߊ߬ߟߎ߬ ߟߊ߫. ߊ߬ ߣߌ߫ ߞߊ߬ ߙߌߦߏߕߌ߲ߕߏ߫ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߎ߬ ߟߊߛߘߋߦߊ߫. ߞߵߊ߬ ߓߍ߲߬ ߊ߬ߟߎ߬ ߣߌ߫ ߖߌ߬ߣߍ߬ ߟߊ߫ ߕߍߓߊ߯ߦߊ߫ ߡߊ߬ ߖߊ߬ߕߋ߬ߘߐ߬ߛߌ߮ ߟߊ߫ ߛߎߘߊ߲ ߘߐ߫.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߛߌߡߊ߲ߘߎ߯ ߞߟߍ߬ߦߊ߫ ߖߊ߬ߕߋ߬ߘߐ߬ߛߌ߮ ߣߊ߬ߝߊ ߦߌ߬ߘߊ߬ ߖߌ߬ߣߍ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߘߐ߫. ߊ߬ ߞߵߊ߬ ߕߌ߲ߕߌ߲߫ ߊ߬ ߞߊ߲߬ ߞߏ߫ ߓߊ߯ߙߊ ߣߌ߲߬ ߞߙߐ߬ߛߌ߬ߟߌ ߞߐߝߟߌ߫ ߞߊ߫ ߞߊ߲߫ ߞߊ߬ ߥߟߏ߫ ߡߐ߬ߟߐ߲߬ߘߏ߲߬ߠߌ߲ ߠߋ߬ ߟߊ߫، ߖߎ߬ߓߐ ߟߎ߬ ߟߊ߫ ߥߙߎߞߌ ߘߐ߫، ߊ߬ ߣߌ߫ ߡߌ߬ߙߌ߲߬ߘߌ ߟߊ߫ ߘߎߢߊߘߐߕߍ߮ ߟߊߣߐ߰ߦߊ ߘߎ߲ߡߊ߫ ߓߟߏߡߊ߬.

ߞߐߣߊߞߙߌ߫ ߘߓߊ߬ߓߌߟߊ ߕߟߋ߬ ߁߂/ ߂߀߂߆ ߕߟߋ߬ ߝߌ߬ߟߊ߬ ߞߍߣߍ߲ ߞߐ ߕߌ߲ߕߌ߲ߠߌ߲ ߘߐ߫ ߓߟߏߡߊߢߌ߲ߦߊ ߘߐ߬ߛߏ߯ߟߌ ߞߊ߲߬ ߞߏߕߌ߯ߘߊ߫ ߓߏߟߏ߲ߝߘߊ߫ ߛߌߦߊߡߊ߲߫ ߠߊ߫،ߛߊ߲߬ߕߟߊ ߖߊ߬ߕߋ߬ߛߎ߰ߓߐ߬ߟߊ߲ ߓߘߊ߫ ߛߐ߬ߘߐ߲߬߸ ߊ߬ ߣߌ߫ ߥߙߎߞߌ ߡߊ߬ߘߎ߮ ߝߊ߲߬ߝߘߊ ߘߎ߲ߡߊߣߍ߲ ߠߎ߬ ߦߌ߬ߘߊ߬ߟߌ ߓߟߏߟߊߕߎ߲߮ ߦߴߌߘߐ߫

ߞߏߕߌ߯ ߞߎߓߋߘߐ ߘߏ߲߬ߖߟߎ߬ߡߊ߬ߟߊ ߊ߬ ߣߌ߫ ߞߎߓߋߘߐ ߗߋߕߌ߮ ߛߙߍߞߍ ߏ߬ ߡߍ߲ ߦߋ߫ ߖߊ߬ߕߋ߬ߛߎ߰ߓߐ ߘߍ߬ߘߊ ߞߊ߲ߕߌ߮ ߣߴߊ߬ ߞߊ߲ߕߌ߯ ߛߙߍߞߍ ߘߌ߫ ߞߏߕߌ߯ߘߊ ߟߊ߫. ߞߎߓߋߘߐ ߞߎ߲߬ߕߌ߮ ߟߊ߫ ߘߍ߬ߡߍ߲ ߞߣߐ߬ߡߊ߬. ߘߡߊߝߊߟߋ߲߫ ߕߊ߬ߡߌ߲߬ ߘߊ߫ ߖߘߍ߬ߘߏ߲߬ߒ߬ߞߊ߲߬ߡߊ߬ ߕߊ߬ߣߍ߲ ߠߋ߬ ߞߊ߲߬ ߡߊ߬ߘߎ߮ ߓߟߏߝߘߊ ߓߟߏ߫߸ ߢߍߥߟߊ߫ ߟߥߊ߬ߟߌ߬ߟߌ ߞߛߊߞߊ، ߥߊߟߌߦߊ߫ ߓߟߏߦߊߣߍ߲ ߠߎ߬ ߣߌ߫ ߝߙߋߞߋ߫ ߓߍ߲߬ߢߐ߲߰ߡߊ߬ߦߊ߬ߣߍ߲ ߠߎ߬.

ߞߵߊ߬ ߓߍ߲߬ ߊ߬ ߞߣߐߞߏ ߖߊ߬ߕߋ߬ߛߎ߰ߓߐ ߞߊ߲߬ߞߎߡߊ ߡߊ߬߸ ߖߎ߬ߓߐ ߞߏ ߟߎ߬ ߟߊ߬ߟߌ߬ߟߌ߬ߟߊ، ߞߟߍ߬ߦߊ ߛߐ߬ߘߐ߲߬ߘߊ ߣߌ߫ ߥߙߎߞߌ߫ ߘߎ߲ߡߊߣߍ߲ ߓߟߏߡߦߊ، ߏ߬ ߞߊ߬ ߘߐ߬ߛߏ߰ߙߋ߬ߟߌ ߞߍ߫ ߟߥߊ߬ߟߌ߬ߟߌ ߞߛߊߞߊ ߟߊ߫، ߊ߬ ߣߌ߫ ߖߘߍ߬ߘߏ߲߬ߒ߬ߞߊ߲߬ߡߊ ߊ߬ ߣߌ߫ ߞߊ߬ ߘߊ߲߬ߝߘߊ߬ߓߐ ߟߊߓߐ߫ ߢߌߣߌ߲ߞߏ ߛߎߡߊ߲ߣߍ߲ ߣߌ߫ ߞߐߝߟߌ߫ ߛߐ߬ߘߐ߲߬ߣߍ߲ ߕߍ߫.

ߊ߬ ߟߐ߬ߣߍ߲߫ ߞߏߕߌ߯ߘߊ߫ ߡߍ߲ ߠߎ߬ ߡߊ߬ ߏ߬ ߟߎ߬ ߓߍ߯ ߞߐߦߌ߬ߘߊ߬ߣߍ߲߫ ߊ߬ߟߎ߬ ߟߊ߫ ߝߘߏ߬ߓߊ߬ ߞߟߊ߬ߕߌ߮ ߟߎ߬ ߟߋ߬ ߓߟߏ߫. ߞߎߓߋߘߐ ߞߎ߲߬ߕߌ߮، ߞߏߟߊߕߍ߯ ߞߙߍߞߙߍߣߍ߲ ߠߎ߬، ߓߋ ߍߛ ߘߋ ߝߘߏ߬ߓߊ߬ ߘߐ߬ߛߏ߰ߟߌ߬ߟߊ. ߦߌ߬ߘߊ߬ߟߌ ߛߋ߲߬ߝߍ߬ ߞߏߕߌ߯ߘߊ ߞߎߓߋߘߐ ߗߋߕߌ߮ ߞߊ߬ ߟߊ߬ߢߌߣߌ߲߬ߠߌ߲ ߞߍ߫ ߞߏ߫ ߞߊ߬ ߞߘߎ߬ߜߍߟߍ߲ ߠߎ߬ ߟߊ߲ߞߣߍߡߊ ߡߍ߲ ߠߎ߬ ߘߌ߫ ߛߋ߫ ߝߍ߭ ߛߌ߰ ߟߊ߫ ߢߍߥߟߊ߫ ߓߟߏߦߊߟߌ ߟߊ߫. ߟߊ߬ߢߌߣߌ߲ ߠߎ߬ ߖߙߎߡߎ߲ߦߊߣߍ߲ ߡߍ߲ ߞߣߐ߫. ߊ߬ ߣߌ߫ ߞߊ߬ ߛߎ߲ߟߊߟߌ ߞߍ߫ ߟߊߢߊ߬ߟߌ ߞߍߢߊ߫ ߞߎ߲߬ߦߌߘߊ ߘߐ߫. .

ߞߏߕߌ߯ߘߊ߫ ߓߏߟߏ߲ߝߘߊ߫ ߟߏ߯ߟߎ߫ ߓߘߴߊ߬ߟߎ߬ ߟߊ߫ ߂߀߂߆ ߛߊ߲߬ߕߟߊ߫ ߓߟߏߡߊߢߌ߲ߦߊ߫ ߞߍߒߖߘߍߡߊ߫ ߞߊ߲߬ߞߎߡߊ ߦߌ߬ߘߊ߬. ߂߀߂߆: ߜߟߐߡߌ߲ߦߊ ߞߏߕߌ߯ߘߊ، ߛߊߣߌߧߊ ߥߋ߲ߛߋ߲ߡߊ ߣߌ߫ ߖߋ߬ߣߌ߲߬ߕߊ ߟߎ߬ ߞߏߕߌ߯ߘߊ، ߛߣߍ߬ߞߍ ߞߏߕߌ߯ߘߊ، ߞߟߏߝߋ߲ߦߊ߫ ߞߏߕߌ߯ߘߊ، ߊ߬ ߣߌ߫ ߡߐ߲ߠߌ߲ ߣߌ߫ ߖߌߞߊ߲߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߕߌ߯ߘߊ.

• ߞߐߣߊߞߙߌ߫ ߘߓߊ߬ߓߌߟߊ ߕߟߋ߬ ߁߉/ ߂߀߂߆ ߞߏߕߌ߯ ߝߟߐ ߣߌ߫ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߞߊ߬ ߗߋߦߊߟߌ߫ ߘߏ߫ ߟߊ߫ ߞߢߐ߬ߡߊ߬߸ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߞߊߡߊ߲ ߞߣߐ߫. ߊ߬ ߣߌ߫ ߞߍ߲ߘߍߦߊ ߡߊ߬ߘߎ߮ ߥߣߊ ߟߎ߬ ߡߍ߲ ߠߎ߬ ߡߊߟߐ߬ߣߍ߲߫ ߓߔߌߝߊߙߊ߲ߛ ߓߟߏ߫، ߏ߬ ߟߎ߬ ߡߍ߲ ߠߎ߬ ߡߊ߬ߞߏ ߦߋ߫ ߓߊ߯ߙߊ߫ ߞߏ߫ ߟߎ߬ ߓߍ߲߬ߒ߬ߛߋ߲߬ߡߊ ߟߊ߫ ߖߌ߬ߣߍ߬ ߞߣߐ߫.

ߘߡߊߝߊߟߋ߲߫ ߕߊ߬ߡߌ߲߬ ߘߊ߫ ߥߙߎߞߌ߫ ߓߟߏߡߊߢߌ߲ߦߊ ߞߏ ߟߎ߬ ߞߊ߲߬، ߞߵߊ߬ ߓߍ߲߬ ߞߍ߲߲ߘߍߦߊ ߡߊ߬ߘߎ߮ ߣߝߊ߬ߢߐ߲߰ߦߊ ߡߊ߬. ߞߊߕߙߍ߬ߕߍ߫ ߓߊߛߌߦߊ ߖߐ߯ߙߊ߲ ߠߎ߬ ߣߴߊ߬ ߡߊ߬ߞߏ߬ߟߊ߬ߝߋ߲ ߠߎ߬ ߡߊ߬ ߗߋߦߊߟߌ߫ ߞߵߊ߬ ߟߊ߫ ߣߐ߬ߡߊ߬ߢߌ߲߬ߦߊ ߦߌ߬ߘߊ߬ ߞߏߕߌ߯ ߝߟߐ ߟߊ߫߸ ߊ߬ ߣߴߊ߬ߟߎ߬ ߦߋ߫ ߓߐߒߘߊ ߡߍ߲ ߡߊߞߐ߬ߣߐ߲ ߠߊ߫ ߞߵߊ߬ ߓߌ߬ߟߊ߬ ߖߌ߬ߣߍ߫ ߛߊ߬ߥߏ߬ ߘߐ߫. ߞߵߊ߬ߟߎ߬ ߕߊ߫ ߡߊ߬ߝߊ߲ ߞߍ߫ ߖߌ߬ߣߍ߬ ߖߎ߬ߓߐ ߟߎ߬ ߢߊߞߎߘߦߊߟߌ ߘߐ߫، ߞߊ߬ ߞߍ߲ߘߍߦߊ ߞߊ߲ߞߋߦߊ߫ ߣߌ߫ ߛߋߞߏߦߊ ߡߞߊ߬ߝߏ߬ ߞߎߡߊ ߟߎ߬ ߢߊߝߐ߫. ߏ߬ ߞߎ߲߬ߕߋߟߋ߲ ߠߋ߬ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߝߊ߬ߢߐ߲߰ߦߊ ߡߊ߬ߡߊ߬ߟߊ ߘߌ߫. ߏ߬ ߡߍ߲ ߘߊߡߌ߬ߣߊ߬ߣߍ߲߫ ߣߌ߫ ߖߌ߬ߣߍ߬ ߣߌ߫ ߝߊ߬ߙߊ߲߬ߛߌ߬ ߟߊ߫ ߕߍߓߊ߯ߦߊ ߛߌߡߊ߲ߘߎ߯ ߂߀߄߀ ߢߍߥߟߊ߫ ߞߣߐ߫ ߂߀߂߆ߕߙߊߓߊ ߟߊ߫. ߓߔߌߝߊߙߊ߲ߛ ߟߊ߫ ߗߋߦߊߟߌ߫ ߣߊ߬ߣߍ߲߫ ߝߊ߬ߙߊ߲߬ߛߌ߫ ߥߊߟߌߘߊ߫ ߅߀ ߣߌ߫ ߞߐ߫ ߟߋ߬ ߘߌ߫ ߞߐߣߊߞߙߌ߫. ߡߍ߲ ߠߎ߬ ߡߊ߬ߞߏ ߦߋ߫ ߞߟߍ߬ߦߊ߫ ߡߊ߬ߘߎ߰ ߛߌߦߊߡߊ߲߫ ߠߊ߫، ߦߏ߫: ߞߍ߲ߘߍߦߊ، ߞߵߊ߬ ߓߍ߲߬ ߞߏߢߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߞߊߡߊ߲ ߓߐߣߍ߲ߢߐ߲߰ߡߊ ߟߎ߬ ߡߊ߬.

ߛߌߡߊ߲ߘߎ߯ ߂߀߄߀، ߞߍ߲ߘߍߦߊ ߡߊ߬ߘߎ߰ ߟߋ߬ ߝߟߐ߫ ߟߊ߲ߞߣߍߡߦߊ߫ ߘߊ߫ ߡߊ߬ߘߎ߰ ߢߊ߬ߕߣߐ߬ߡߊ߬ߓߊ ߝߟߐ ߘߌ߫ ߣߊ߲߬ߝߟߏ߬ߘߏ߲߬ߘߊ߬ߟߊ ߞߊߡߊ߲ ߘߐ߫. ߞߊߕߙߍ߬ߕߍ߫ ߞߍ߲ߘߍߦߊ߫ ߖߎ߬ߓߐ ߟߎ߬ ߡߊ߬، ߡߊ߬ߝߟߍ߬ߟߌ، ߥߎߟߊߟߊߘߊ߲ߘߊߟߌ ߣߌ߫ ߝߌߘߊ߫ ߛߎ߲ߞߎ߲ߡߊ ߟߎ߬ ߓߊ߯ߙߊ ߖߐ߯ߙߊ߲.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߞߎߟߎ߲ߖߋߟߌ ߞߍ߫ ߣߊ߲߬ߝߟߏ߬ߘߏ߲߬ߘߊ߬ߟߊ߫ ߟߎ߬ ߟߊ߫ ߞߏ ߘߐ߫ ߖߌ߬ߣߍ߬ ߟߐ߯ߝߍ ߟߎ߬ ߘߐ߫߸ ߊ߬ ߞߊ߬ ߟߊ߬ߘߍ߲߬ߞߣߍ߬ߦߊ߬ߟߌ ߞߍ߫ ߊ߬ ߢߊ߬ߕߣߐ ߟߊ߫ ߓߘߍߦߊ ߡߊ߬ ߞߎ߲߬ߠߊ߬ߛߌ߮ ߕߊ߫ ߓߟߏ߫ ߟߊ߫. ߞߊ߬ ߞߍ߲ߘߍߦߊ߫ ߞߊ߲ߞߋߦߊ߫ ߝߊ߲߬ߞߊߘߏ߲߬. ߊ߬ ߞߵߌ ߕߌ߲ߕߌ߲ ߊ߬ ߢߊ߬ߒ߬ߞߐ߬ߓߊ߬ߟߌ ߞߊ߲߬ ߣߊ߲߬ߝߟߏ߬ߘߏ߲߬ߘߊ߬ߟߊ ߛߏ߯ߙߏߦߊߣߍ߲ ߘߐ߫. ߞߊ߬ ߖߐ߯ߙߊ߲߫ ߞߎߘߊ ߟߎ߬ ߥߙߎߞߌ ߟߊߛߐ߬ߘߐ߲߬. ߣߝߊ߬ߢߐ߲߰ߦߊ߫ ߘߎ߲ߡߊߣߍ߲߫ ߡߍ߲ ߞߊ߫ ߞߊ߲߫ ߞߊ߬ ߞߍ߫ ߞߍ߲ߘߍߦߊ ߟߌ߬ߤߟߊ ߟߊߢߊ߬ ߛߊߓߎ߫ ߘߌ߫ ߞߊ߬ ߞߍ߲ߘߍߦߊ߫ ߓߟߏߡߦߊ߫ ߊ߬ ߞߎߡߊ ߘߴߏ߬ ߞߊ߲߬.

 

ߞߐߣߊߞߙߌ߫ ߘߓߊ߬ߓߌߟߊ ߕߟߋ߬ ߁߂/ ߂߀߂߆ ߞߏߕߌ߯ߝߟߐߘߊ ߞߎߓߋߘߐ ߞߎ߲߬ߕߌ߮ ߓߐ߬ߟߐ߲߬ߞߊ ߝߊߕߎߡߊߕߊ߬ ߓߌ߲ߕߊ߬ ߖߊߟߏ߫، ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ ߕߐ߯ ߘߐ߫، ߖߍ߬ߝߙߍ߬ ߟߕߊ߬ߡߌ߲ ߛߋ߲߬ߝߍ߬ ߡߐ߰ ߁߃ ߡߊ߬ ߐߟߐ߲ߔߌߦߊ߫ ߓߟߏߟߊߓߊ߯ߙߊ߫ ߞߍߞߏ߫ ߃߲ ߣߌ߲߬ ߘߐ߫.

ߡߍ߲ ߛߌ߲߬ߝߏ߲߬ߧߊ߬ߟߌ ߘߊ߫ ߞߏ߲߬ߞߏߘߌ߬ߓߌ ߕߊ߬ߡߌ߲߬ߣߍ߲ ߕߋ߬ߟߋ߫ ߂߂ ߣߴߊ߬ ߂߄ ߟߊ߬ߞߟߏ߬ߞߟߏ߬ߟߌ ߣߌ߫ ߟߊ߬ߛߓߍ߬ߛߎ߲߬ߧߊ߬ߟߌ ߣߌ߫ ߛߋ߲ߞߏߟߦߊ߫ ߟߞߊ߬ߙߊ߲߬ߠߌ߲ ߊ߬ ߣߌ߫ ߓߟߏߡߞߊ ߟߊ߬ߞߐ߰ߟߌ ߘߊߞߎ߲ ߘߐ߫ ߣߌ߲߬ ߞߎ߲߬ߕߋߟߋ߲ ߠߋ߬ ߛߋߞߏߦߊ ߟߎ߬ ߡߐ߬ߟߐ߲߬ߘߏ߲߬ߠߌ߲ ߣߌ߫ ߘߋ߲ߡߌߛߍ߲ ߠߎ߬ ߟߊ߫ ߓߟߏߡߞߊ ߘߌ߫ ߊ߬ ߣߌ߫ ߞߊ߬ ߟߊ߬ߖߊ߲߬ߞߏ߬ߟߌ ߞߍ߫، ߜߛߊ߬ߢߐ߲߰ߦߊ ߣߌ߲߬ ߟߊߢߌߣߌ߲ ߠߋ߬ ߘߎ߲߬ߘߎ߲߬ߡߊ߬ ߛߋ߲ߞߏߟߦߊ ߞߊߓߋ ߟߎ߬ ߡߞߊ߬ߝߏ߬ߟߌ ߘߌ߫. ߞߊ߬ ߓߘߍ߬ߦߊ ߟߊ߬ߖߊ߲߬ߞߏ߬ߟߌ ߞߍ߫ ߓߊ߯ߙߘߊ߫ ߓߐߣߍ߲ߢߐ߲߰ߡߊ ߟߎ߬ ߘߐ߫.

ߢߊ߰ߢߊ߮ ߕߊ߬ߡߌ߲߬ ߘߊ߫ ߦߛߎߝ ߓߎ߲ߘߎ߫ ߛߌ߬ߟߊ߫ ߞߏߕߌ߯ߘߊ߫ ߝߘߏ߬ߓߊ߬ ߞߟߊ߬ߕߌ߮ ߢߣߊ߫، ߞߵߏ߬ ߟߊ߫ ߞߏߕߌ߯ ߝߟߐ߫ ߟߊ߫ ߞߏߟߊߕߍ߮ ߟߎ߬ ߞߊ߲߬. ߓߐ߬ߟߐ߲߬ߞߊ ߝߊߕߎߡߊߕߊ߬ ߓߌ߲ߕߊ߬ ߖߊߟߏ߫ ߞߊ߬ ߖߍ߬ߝߙߍ߬ߕߌ߮ ߟߎ߬ ߞߎߟߎ߲ߖߋ߫ ߞߏߛߓߍ߫. ߞߊ߬ ߞߎ߲߬ߠߊ߬ߛߌ߮ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߊߛߘߋߦߊ߫ . ߞߵߊ߬ ߓߍ߲߬ ߓߟߏߟߊߓߊ߯ߙߊ ߟߊ߬ߞߐ߰ߟߌ ߟߎ߬ ߡߊ߬. ߊ߬ ߣߌ߫ ߘߍ߬ߘߐ߬ߦߊ߫ ߓߟߏߡߞߊ ߟߊߘߊ߲߫ ߘߋ߲ߡߌߛߍ߲ ߠߎ߬ ߢߍ߫، ߏ߬ ߡߍ߲ ߟߐ߬ߘߎ߰ߓߊ ߦߋ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߢߡߊߦߟߍߡߊ߲ ߘߐ߫ ߊ߬ ߣߌ߫ ߖߌ߬ߣߍ߬ ߟߊ߫ ߥߙߎߞߌ ߘߐ߫.

ߞߐߣߊߞߙߌ߫ ߘߓߊ߬ߓߌߟߊ ߕߟߋ߬ ߁߃/ ߂߀߂߆ ߞߏߕߌ߯ ߝߟߐ ߞߎ߲߬ߠߊ߬ߛߌ߮ ߞߎ߲߬ߕߌ߮ ߊߡߊߘߎ߫ ߎߙߌ߬ ߓߊ، ߞߊ߬ ߖߌ߬ߣߍ߫ ߘߐ߬ߞߊ߬ߙߊ߲߬ߠߌ߲ ߛߌ߲߬ߝߏ߲߬ߢߊ߬ߟߌ߬ߟߊ ߟߎ߬ ߟߊ߫ ߘߍ߬ߘߊ ߟߊ߫ ߗߋߦߊߟߌ߫ ߟߊ߬ߞߢߐ߬ߡߊ߬، (ߛߊߟߍߞ) ߡߍ߲ ߢߍߡߌ߬ߘߊ߬ߣߍ߲ ߊ߬ ߝߘߏ߬ߓߊ߬ ߕߐ߲ߕߌ߮ ߓߟߏ߫ ߓߐ߬ߟߐ߲߬ߞߊ߫ ߞߖߊߕߎ߬ ߞߊ߬ߓߊ.

ߢߐ߲߯ߦߋ ߣߌ߲߬ ߟߊߢߌߣߌ߲ ߕߘߍ߬ ߦߋ߫ ߞߏߕߌ߯ ߝߟߐ ߞߎߟߎ߲ߖߋߟߌ ߟߋ߬ ߘߌ߫߸ ߞߵߊ߬ ߓߍ߲߬ ߊ߬ ߟߊ߫ ߘߍ߬ߡߍ߲ ߣߴߊ߬ ߟߊ߫ ߞߐߡߊߓߌ߲ߓߌ߲ߠߌ߲ ߡߊ߬ ߞߍߞߏ߫ ߆߲ ߛߋ߲߬ߝߍ߬، ߣߴߊ߬ ߛߌ߲߬ߝߏ߲߬ߧߊ߬ߣߍ߲߫   ߡߌ߬ߙߌ߲߬ߘߌ ߟߊ߫ ߞߎߓߋ ߟߊ߫ ߞߐߣߊߞߙߌ߫.

ߏ߬ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߊ߬ ߝߘߏ߬ߓߊ߬ ߕߐ߲ߕߌ߮ ߞߊ߬ ߞߍߞߏ߫ ߆߲ ߣߌ߲߬ ߞߊ߲߬ߞߎߡߊ ߟߕߊ߬ߡߌ߲߬ ߞߏߕߌ߯ ߝߟߐ ߡߊ߬، ߊ߬ ߞߵߏ߬ ߞߊ߲߬ߟߊ߫ ߥߛߊ߬ߛߙߋ ߘߏ߫ ߟߎ߫ ߟߊ߫߸ ߞߵߊ߬ ߓߍ߲߬ ߥߊߟߢߌߡߊߟߐ߲ ߡߊ߬ ߞߎ߲߬ߦߌ߬ߘߊ߬ߟߌ ߢߌ߲߬ ߠߊ߫. ߊ߬ ߞߊ߬ ߞߎ߬ߢߊ߬ߘߐ߬ ߕߐ߰ߡߊ߬ߛߙߋ ߘߏ߫ ߝߣߊ߫ ߘߌ߫ ߡߍ߲ ߦߋ߫ ߛߌ߲߬ߝߏ߲߬ߧߊ߬ߟߌ߬ߟߊ߫ ߥߊߟߌߢߊߟߐ߲߫ ߠߊ߫ ߊ߬ߟߎ߬ ߟߊ߫ ߘߍ߬ߡߍ߲߬ߠߌ߲ ߠߊ߫، ߞߊ߬ ߞߐ߲߬ ߊ߬ ߖߍ߬ߘߍ ߟߊ߫ ߛߓߍߦߊߣߍ߲ ߝߌ߬ߟߊ ߞߎ߲߬ߠߊ߬ߓߐ߬ߟߌ ߢߍ߫، ߊ߬ ߞߊ߬ ߓߍ߲߬ߒ߬ߛߋ߲߬ߡߊ ߏ߬ ߕߣߐ߬ߓߐ߬ ߞߊ߬ ߟߊ߬ߕߊ߲߬ߞߊ߬ߟߌ߬ߓߊ ߞߍߞߏ߫ ߄߲ ߟߊߝߐ߫ ߏ߬ ߡߍ߲ ߟߐ߯ߟߊߣߍ߲߫ ߣߍߣߍߓߊ߫ ߣߊ߬ߕߐ ߟߊ߫.

ߞߏߕߌ߯ ߝߟߐ ߊߡߊߘߎ߫ ߎߙߌ߬ ߓߊ ߞߊ߬ ߛߌ߲߬ߝߏ߲߬ߧߊ߬ߟߌ߬ߟߊ ߟߎ߬ ߞߎߟߎ߲ߖߋ߫، ߊ߬ߟߎ߬ ߟߊ߫ ߖߘߍ߬ߘߏ߲߬ߒ߬ߞߊ߲߬ߡߊ ߟߊ߫. ߞߵߊ߬ ߓߍ߲߬ ߊ߬ߟߎ߬ ߟߊ߫ ߘߐ߬ߞߊ߬ߙߊ߲߬ߠߌ߲ ߠߊ߬ߖߊ߲߬ߞߏ߬ߟߌ ߡߊ߬ ߖߌ߬ߣߍ߬ ߞߣߐ߫. ߊ߬ ߞߵߊ߬ ߦߌ߬ߘߊ߬ ߞߏ߫ ߘߐ߬ߞߊ߬ߙߊ߲߬ߠߌ߲ ߦߋ߫ ߟߊ߬ߞߐ߰ߟߌ߫ ߖߐ߯ߙߊ߲߫ ߞߟߏߡߊ ߟߋ߬ ߘߌ߫، ߘߐ߬ߡߙߌ߬ߟߌ، ߡߊ߬ߞߕߌ߬ߟߌ ߡߙߌߣߊ߲ ߠߊߥߙߎߞߟߌ،

ߞߎ߲߬ߠߊ߬ߛߌ߮ ߞߎ߲߬ߕߌ߮ ߞߵߊ߬ ߦߌ߬ߘߊ߬ ߞߏ߫ ߘߐ߬ߞߊ߬ߙߊ߲߬ߠߌ߲ ߟߐ߬ߘߌ߬ߦߊ߬ߓߊ߫ ߟߋ߬ ߟߐ߲ߕߊ ߢߡߊߦߟߍߡߊ߲ ߘߐ߫. ߞߊ߬ ߡߊ߬ߞߕߌ߬ߟߌ ߡߙߌߣߊ߲ ߘߐߓߎ߯، ߊ߬ ߣߌ߫ ߡߐ߰ߓߊ ߟߎ߬ ߟߊߞߐ߮ ߘߐ߫. ((ߘߐ߬ߞߊ߬ߙߊ߲߬ߠߌ߲، ߞߊ߲ߠߊߓߌߟߊ، ߢߡߊߦߟߍߡߊ߲ ߠߋ߬، ߊ߬ ߦߋ߫ ߡߐ߰ߦߊ ߟߊ߫ ߕߎ߬ߜߍ߬ߕߎߜߍ ߟߋ߬ ߘߌ߫، ߞߵߊ߬ ߓߍ߲߬ ߟߐ߲ߕߊ ߟߎ߬ ߟߊ߫ ߓߍ߯ߦߊ ߡߊ߬)) ߊ߬ ߞߵߊ߬ ߕߌ߲ߕߌ߲߫ ߏ߬ ߞߊ߲߬ ߓߊ߬؟ ߊ߬ ߞߊ߬ ߘߋ߲ߡߌߛߍ߲ ߠߎ߬ ߡߊߞߟߌ߫ ߞߊ߬ߙߊ߲ ߡߊ߬.