Jour : 19 mai 2026

Konaakiri ñannde 15 duujal 2026 – Ardiiɗo yaakitoraaɓe ɓen Aamadu Wuuri Baa ardike ka geeci Kamayen tummbondiral fii hommbugol faandaare heyre huulanɗe ngenndi ndin faadee e hitaande 2026.

Ngal tummbondiral moftuno liggotooɓe ka laamu tentinii koolaaɓe kuugal, kippuɓe fii ɓantal BSD e ndartooɓe (inspekteer) iwruɓe e yaakitorɗe buy. Ɗun ko imminiraa ko fii semmbinngol ngenndi jowaɓiri ndin e ñinnugol huulanɗe immorde e Sariya Mawɗo on.

E nder yewtere makko Ardiiɗo Yaakitoraaɓe ɓen, tentinino e mbaylanduru loggundu fii kiwal maral ngenndi ndin immorde e rewrere e ɓural. O holli wonndema no haani ka ɓantal duumiingal yalta e mun sabu faandaaje ɗen no laaɓi pos hiɗe jogii etirɗe yaaduɗe e ngenndi ndin.

Oo Aala keso ɗoo, no tawaa e eɓɓoore Simanndu 2040 sabu ko ñoorol mbaylanduru faggudu ndun e renndo ngon. Ardiiɗo yaakitoraaɓe ɓen hollii wonndema ɗoworɗe ngenndi ndin fow yaaday ɗoo e yeeso e faandaaje ñinnuɗe ɗen.

Fii ñinnugol kuugal laamu ngun, alaaji buy jooni no yaadi e huulanɗe ɗe timmbuɗe ɗen fii no ardoree.

Yaakitorde kala no jogii ɓatakuru alhaali golle tippude e yaltudi ndarteteendi hitaande kala fii anndugol no kuugal ngal fewndorii e ɓure yaltayɗe e mun ɗen.

Aala on no timminiraa ɓure ɗiɗi:

• Delivery Unit, haanuɗo ñinnugol eɓɓooje Simanndu 2040 ɗen fii ɓantal ngenndi ndin ;
• GDB, haanuɗo ñinnude hummdaari wintaari newiindi e hiwaandi fii ɓannginngol ɓure Gine ɗen e banŋe faggudu timmbo suluuji, ƴewto e humindirgol liggotooɓe ɓen faadee e ɓantal fii fow.

Ardiiɗo yaakitoraaɓe ɓen, tentinike e nanondiral hakkunde eɓɓoore jawdi ndin e ñinnoo eɓɓooje ɗen fii haɓugol majjuru jawle, newina kuugal ngenndi ndin.

O hommbiri toragol huɓindiiɓe ardiigu ngun angisagol fii no ɗun ñinnora. O wattiɗon, 2026 no haani wonude hitaande ɓantal e nder tinnaare.

Konaakiri ñannde 14 duujal 2026 – Ardiiɗo yaakitoraaɓe ɓen Aamadu Wuuri Baa ardike ka jonnde HAC haaju annditanngol adiiɓe ɓen ka habrirde ngenndiyankoore.

Ko HAC on woni ko ñinni hajju on, seenino hen, jayndeyankooɓe wonuɓe e liggaade e fowtinaaɓe e karalɓe ka RTG e kawtite jaYndeyankooɓe e yaakitoraaɓe aramɓe ka yaakitorde fii kumpitti. Ɗun non ko fii weltanagol ɓee arammɓe ka habrirde ngenndiyankoore.

Ardiiɗo HAC, Buubakar Yaasin Jallo, hollii wonndema ngal kuugal no faandii anndinnde heyɓe ɓen taariika habrirde ngenndiyankoore nden, ɓannginana sukaaɓe ɓen ko feƴƴi gilaa ka sincugol nde haa ka fewndii ɗoo. O jarni fahin karalɓe aramɓe timmbuɓe kañun habrirde nden. O sakkitori jeejugol fii yo luttan habrirde nden hiwe fii aroyayɓe ɓen.

Ardiiɗo yaakitoraaɓe ɓen Aamadu Wuuri Baa kañun tentinino faadee e hiwugol anndal jaynde nden faadee e habrirde ginenaare nden. Wonannde RTG on gila ka fuɗɗoode fewndo TNT himo felliti si tawii tun ndonndi gila e ɗeri haa e mbodooji e yewtereeji ko waɗi kon fow e ndee habrirde hiwa maraa, wonay cuñal mawngal wonannde cosaane Gine ɗen fii jeereeji arooji ɗin. Ardiiɗo yaakitoraaɓe ɓen hommbiri : « jamaa yeggituɗo taariika mun kan no saatii ka hayra aroore moƴƴere ». O torii fewndiiɓe ɓen jokkitagol golle ɗen wonndude e faandunnde moƴƴere.

Konaakiri ñannde 14 duujal 2026 – Ardiiɗo yaakitoraaɓe ɓen Aamadu Wuuri Baa newinii hannde yewtidugol e jayndeyankooɓe ɓen, e nga’al go’o gila o lonntiniraa hoore makko ka jonnde yaakitorde aranere Hawtaandi jowaɓiri (V^ɓiri).

Ndee yewtere newinii faaminngol toɓɓe heewuɗe wano fenñinnannde ɗoworde ngenndiyakoore nden, wano haldigal tippude e yaltudi yaakitorde kala, suɓo-soɓooji saatiiɗi ɗin, e eɓɓoore mawnde Simanndu 2040 nden.

Yewtidano kadi fii ko fewndii kon, ko fewtii jamaa on kon wano ilan yiite, laaɓal, wonunnde e hannduyeeji neɗɗanke on e nder leydi ndin.

Nde o yewtaynoo fii huulanɗe mawɗe wonannde kuugal ngenndi ndin, Ardiiɗo yaakitoraaɓe ɓen tentinino faadee e ɓeyditugol hannduyeeji ngendi ndin ka ardiigu. O holli wonndema polgal ardiigu ngun ɗoo e yeeso ko ndartetee ɗun etee anndinee ɓure e yaltudi e eɓɓoore kala maa e banŋal kala ka wintaa. Wintoraa yawle leydi ndin.

Fii waawugol ñinnugol eɓɓooje ngenndi ndin, Aamadu Wuuri Baa hollii wonndema haray polgal mawngal dañaama e ngal banŋal ɗon e nder ɗii duuɓi sakkitori ɗoo. Himo torii ɓeydugol wakkilaare nden yuɓɓindira ñinnoodi ndin. O watti ɗon wonndema eɓɓooje ɗe ñinnaaka ɗen fawete ndartanɗe mawɗe e banñe golle ɗen e wintaaje ɗen.

Ka banŋe ardiigu ngenndi ndin, ardiiɗo yaakitoraaɓe ɓen wattuno yilla e banŋal laaɓal ngal, o holli wonndema eɓɓooje kese timmbaama fii accinngol nokkirgol perte-perte tuuɗe ɗen e hoore leydi ndin. Sokugol jiddere nden Darsalaami e udditugol bille Maaneyaa  e Baritoode. O tentinii fahin e kuuɗe jamaa on e banŋe laaɓingol ngol.

Ɓay o yewtii fii giiyaa (ilan), o ɓanngini ko tawi kon fewndo ɗoo ilan yiite ngen no taƴondirde ka arugol, o holli haray faandaare mawnde ngenndi ndin, ko haɓɓugol taƴu ilan yiite ngen, fii no nge tabitirira e nder ko duumii. O holli e nder ko woɗɗaa, eɓɓoore wurtugol.

E banŋal renndo e kiwal Moodi Aamadu Wuuri Baa heyɗintinii  angisannde laamu ngun fii hiwugol deeƴeere ñiiɓina hannduyeeji neɗɗanke on. O holli saa’i mo fewndi ɗen on e mun, hiɗen haani hiwugol deeƴere nden.

Ka lannoode, ka suɓo-suɓooji ɗin ɓadii ɗoo Ardiiɗo yaakitoraaɓe ɓen torike jamaa on hiwugol ɓuttu, sabu eɓɓooje timmbaaɗe ɗen gasiiwo e nder ɓuttu e nder deeƴere.

Konaakiri ñannde 14 duujal 2026 Cukko ardiiɗo jonnde nden ka yaakitorde aranere Moodi Lansine Hawaa Dummbuyaa tolnii e innde Ardiiɗo yaakitoraaɓe ɓen mojobere juɗooɓe bireedi ɓen Gine (FENABPAG).

Seeniiɓe ɓen e innde FENABPAG  no arunoo hollugol ardiigu ngun, ardorde ñinnirde mojobere nden. Oo biroo heso ɗoo no mofti juɗayɓe bireedi wonuɓe e nder leydi ndin fow.

E nder yewtere makko, ardiiɗo mojobere nden anndintinii wonndema njuɓɓudi ndin no faandii heyɗintinde banŋeeji buy tentinii aalaaji e noone no ɓe woni e gollirde non tippude e elter e ƴettugol golle huɓindiiɓe golle ɗen e etagol huutora dakammeeji ngenndi ndin ka moƴƴinngol bireedi. Etoo no haɓira doy-doy heenge ngen e nder leydi Gine ndin.

Tippude e ɗun, mojobere nden no lanndii ballal immorde e laamu ngun fii no nde ñinnira huulanɗe mayre ɗen e banŋe heyɗintinal.

Cukko ardiiɗo jonnde nden ka yaakitorde aranere jarnii mojobere nden, ɓannginii faandaare laamu ngun e ngal banŋal ɗon tentini fii re’ugol heege ngen, e tabintinngol deeƴere nden. O wakkiliniɓe fii njuɓɓudi heyri ndi ɓe timmbi ndin sabu ko sifa ɗun tun duuminta mojobere.